Sunday, 11 January 2009

باقول حد يتنيل يعبرنا

هي سينا رجعت كاملة لينا ومصر اليوم في عيد وللا في عديد؟
لا مؤاخذة يعني ولو ان الفلسطينيين ح يزعلوا، ح اقول ملحوظة ندلة شوية: هي اسرائيل ما تعرفش تقصف من اي حتة تانية غير من عندنا؟ احنا ذنبنا ايه نلبس في وشنا حاجة زي دي؟ احنا دورنا نعزز وخلاص، بس التعزيز ما يوصلش لحد كده، وللا هي متعمدة دلوقت حالا تضربهم من عندنا عشان تحرجنا تاني زي ما عملت المرة اللي فاتت
يا اما فيه حاجة
فيه حاجة قولوا لنا بقى
سينا رجعت كاملة لينا وللا ايه؟ كلمونا دوغري لو حاجة مخبينها ما تخافوش، احنا مافيناش حيل لحاجة بس نبقى متنيلين عارفين عشان نحل عن سماكوا طاه لو المرحوم عواد باع ارضه فهمونا
لا كحك بقى
ينشروا لنا في الجرنال ايه بالظبط سلطاتنا على الحدود والاراضي المصرية بتبتدي منين بالظبط
ماهو مش ممكن تبقى اراضي مصرية، ماهي يا اما مش اراضي مصرية وعشان كده جوها مباح، يا اما دي اراضي مصرية وغزة بتنضرب منها تبقى مصيبة اكبر
يا اما رويترز كدابة
طب ح يردوا علينا ويكذبوا وللا ح يستنوا هيكل لما يسأل؟
الجزيرة الظاهر خايفة من شرشحة عاطف السكري ما جابتش سيرة عن الخبر ده، مافيش بيان؟ مافيش بيان يطلع؟
يا عوووووووووووووووكل
يا عووووووووووووووووووووووكل
رد علينااااااااااااااااااا

99 comments:

Rania said...

هيرد يقول ايه بس
هيقول ايييييييييييه

مسمعتيش حماقى و هو بيقولك خلص الكلام

اخص علينا
الف اخص

جبهة التهييس الشعبية said...

الناس اللي قاعدين هناك قالوا لي فعلا الطيارات بتطير فوقيهم

حياة said...

اتفاقية السلام بين مصر واسرائيل
1.المنطقة المحاذية للحدود الاسرائيلية منزوعة السلاح الا من السلاح الخفيف الخاص بالشرطة وممنوع تواجد اى عناصر من الجيش المصرى وهذه المنطقة ممتدة حتى العريش وخط حتى شرم الشيخ
2.منطقة بها عناصر من الجيش المصرى باسلحة محددة باعداد معينة واعداد عناصر الجيش وهذه حتى خط وقف اطلاق النار عام 73 وهو يبعد عن القناة بحوالى 25 كيلو وبعد ذلك مصر تحط اللى هى عايزها تحطه من سلاح وجيش
عرفتى ليه لو طائرة دخلت مجالنا الجوى لا احد يعترضها
اى سيناء منزوعة السلاح تقريبا وهذا ما يجعلها دائما متاحة لاى هجوم من اسرائيل او اى جماعات ارهابية وخصوصا ان عدد سكانها لا يذكر وعلى فكرة سيناء 1/3 مساحة مصر وعددسكانها لا يذكر

Founoon said...

طب بتطير بس ولا بتطير وبتضرب غزة من عندنا

هي كدا وكسة وكدا وكسة بس بردو بلا اخف من بلا

Bahaa said...

لاء بجد مش هتوصل البجاحه لحد هنا اخنا مش هنفضل " نعزز " للدرجه ديه
انا نفسي نتلكك باي حاجه ونحط ظوباعنا في عينيهم
يعني مثلا لو عوكل قالهم حكم الغاز صدر من القضاء ونا بحب الديمقراطيه مثلا
ولا نخربق طياره خرءت مجالنا ونقول دفاع الي ضد المجال الجوي حاجه كده مثلا ولا ايه ست نواره

مهندس مصري said...

يا ستي ما نورا يونس بتقول الكلام ده على الجايكو و في مدونتها من اول ما الضرب بدأ

الطيارات الإسرائيلية بتتفسح براحتها في مجالنا الجوي فوق رفح

جبهة التهييس الشعبية said...

بتطير وتضرب

وفيه اهالي كتير واطفال كتير اتصابوا بالشظايا بسبب كده

انا كنت فاكرة ان نورا بتتكلم عن الشريط الحدودي اللي ما بينا وما بينهم
وحتى الناس اللي كلموني النهاردة قالوا لي كده فلما اتصلت بيهم تاني
قالوا لي يا بنتي امال احنا بنقول لك ايه؟

انا كنت فاكرة انه على الشريط الحدودي بس

طلع بيضربوا من جوة، وواحد من هناك قال لهم: دول ساعات بيوصلوا للاسماعيلية

هو فيه ايه؟
حد يشرح لنا فيه ايه؟

«۩AhMeD 3LLaM۩» said...

احسن حاجه مع اسرئيل غير انها تقع في امريكا
بردو كوهن اسرائيلي يقوهم في بعض يعني اي نصيبه المهم تلزق والسلام

الاحسن في الوقت الحالي شوية صواريخ من هنا وشويه من هنا زي بتاعت لبنان دي
علي حبه من هنا هتبقي زي المجنونه الي بيلعبوها
صــلح
قفااااااااك

عوكل راح للقالعه الي جمب البحر في شرم الشيخ

مهندس مصري said...

bahaa
======
دفاع جوي مين ؟
قلبك ابيض
اتفاقية كامب ديفيد تمنعنا من إقامة أي مواقع للدفاع الجوي في سيناء بالكامل
و تمنعنا من إقامة مطارات حربية بها و من إقامة موانئ حربية على شواطئها

مش بأقولك قلبك ابيض

سيناء منزوعة السلاح يا أستاذ

e7na said...

هو احنا هنغضب امتى يا ناس
هو اللى بيحصل ده طبيعى
الاخوان قاعدين يعملوا مظاهرات فى القرى ومفيش اى حاجه اكتر من كده
مصيبتين فى يوم واحد
موضوع القنابل الفسفوريه ومنظر لؤى وجميله فى تقرير الجزيره وفضيحه اختراق جونا والضرب منه
انت اكيد شفتى تقرير الجزيره بس حاولى تنشريه يا نواره
http://www.youtube.com/watch?v=Ig_ZiWm-jSE

أكون أو لا أكون said...

لاحول ولا قوة إلا بالله...
حسبنا الله ونعم الوكيل...
العدو الإسرائيلي بيستعين بالأراضي والسلطات المصريه لقصف أهل غزه...!!!!!!!!!!!!

الكلام ده جه دلوقت على "المنار" .

مهندس مصري said...

آخر الأخبار
حصاد اليوم

http://www.almokhtsar.com/

عاجـل: الهجوم على غزة: (سيهزم الجمع ويولون الدبر)

الجيش الإسرائيلي: المقاومون الفلسطينيون يستخدمون مضادات الطائرات لأول مرة
كتائب القسام" تقصف قاعدة "بالماخيم" الجوية الصهيونية على بعد 50 كلم للمرة الثانية
المقاومة تتصدى لقوات الاحتلال ببسالة وتفشل محاولة للجيش باقتحام غزة والاحتلال يستخدم المواطنين الفلسطينيين دروعاً بشرية
دخول 39 طبيباً مصرياً وعربياً عبر رفح و11 شاحنة أدوية
وزيرة الخارجية الصهيونية: يجب على وزراء الخارجية العرب أن يعلموا أن قرار مجلس الأمن لا يعنينا في شيء ولن يغير الوضع في شيء
لأول مرة.. مجهولون يطلقون النار من الحدود السورية نحو جنود إسرائيليين
إصابة 3 من الأمن المصري في قصف صهيوني استهدف الشريط الحدودي عند رفح
قوات الاحتلال تعدم عدداً من الفلسطينيين وتحرق منازل جنوب غرب غزة
مجزرة جديدة: 6 شهداء من الأطفال والنساء في قصف مدفعي لمنطقة الشيماء شمال بيت لاهيا
أكد أن أهداف العدو تتآكل.. والمقاومة بخير وستنتصر.. مشعل للصهاينة: لقد قصّرتم عمر كيانكم بمجازركم.. والمعركة وصلت مرحلة عض الأصابع
استشهاد فلسطينية وإصابة 50 آخرين جراء إطلاق الاحتلال قذائف فسفورية شرق خان يونس
اشتباكات عنيفة وضارية بين رجال المقاومة الفلسطينية وقوات الاحتلال الصهيوني شرق مدينة غزة
العدو الصهيوني يعترف بإصابة 37 صهيونياً بجروح جراء قصف المستوطنات بصواريخ المقاومة الفلسطينية وإصابة 19 جندياً خلال الاشتباكات بغزة
ربع مليون متظاهر يحتشدون أمام سفارة "إسرائيل" بلندن ويحاولون اقتحامها



فلسطين

41 شهيداً وعشرات الإصابات في اليوم الـ16 للعدوان.. والحصيلة ترتفع إلى 906 شهيداً
7 حالات فقد بصر كامل لأطفال فلسطينيين نتيجة القصف الصهيوني بأسلحة محرمة دوليًا
لأول مرة منذ سنوات.. مجهولون يطلقون النار من الحدود السورية نحو جنود إسرائيليين
الجيش الإسرائيلي: المقاومون الفلسطينيون يستخدمون مضادات الطائرات لأول مرة
كتائب القسام" تقصف قاعدة "بالماخيم" الجوية الصهيونية على بعد 50 كلم للمرة الثانية
المقاومة يزرع طريق الدبابات الإسرائيلية بالعبوات الناسفة وتقابلها بقذائف آر.بي.جي
نائبة رئيس البرلمان الأوربي: 8 برلمانيين أوربيين يتمكنون من الدخول إلى غزة عبر معبر رفح
دخول 39 طبيباً مصرياً وعربياً عبر رفح و11 شاحنة أدوية
إصابة ضابطين مصريين و3 مجندين في قصف صهيوني للشريط الحدودي
طيران إسرائيلي يستخدم الأجواء المصرية خلال قصف الحدود
إسرائيل تطلب مساعدة "الجيش المصري المتميز" ضد غزة
وزيرة الخارجية الصهيونية تستهين بوزراء الخارجية العرب وترسل لهم رسالة شديدة اللهجة
"هآرتس": مبارك هو الرجل الوحيد في العالم القادر على وقف الحرب بغزة.. وارتفاع الأصوات في تل أبيب المطالبة بإلغاء اتفاقية السلام مع مصر
أبو مرزوق: سلامة "شاليط" لم تعد تعنينا وهو مثل أي قطة أو أقل
دراسة: 80% من الشهداء مدنيون والاحتلال ينتهك أبسط القوانين الدولية
نائب وزير الحرب الإسرائيلي: انتهاء الهجوم على غزة بات قريبا
أبو حسنه:25 ألف فلسطيني يحتمون في مدارس الـ "اونروا" في غزة هربا من القصف الإسرائيلي
القطاع الصحي: الاحتلال يستخدم أسلحة متفجرة تسبب حروقا تصل عظام الشهداء
تقرير: "الفسفور الأبيض".. قذائف حارقة محرمة دولياً يستخدمها الاحتلال ضد المدنيين في غزة
قادة الجيش الإسرائيلي يوصون بتوسيع الحرب على غزة
الاحتلال: حماس تحافظ على قوتها
تقرير: بعد مقتل العشرات منهم.. الهزيمة النفسية تلاحق الجنود الصهاينة... والتخبط العسكري سيد الموقف
واشنطن بوست: إسرائيل وقعت في الفخ وتلقت درسا قاسيا
هآرتس: على جيشنا مغادرة غزة فورا لتجنب المخاطر
القناة العاشرة: الجيش الإسرائيلي يقدم الأكاذيب ويقيد مصدر المعلومات
واشنطن بوست: الحل السياسي هو المخرج أمام إسرائيل
باراك: لقد توافرت الظروف اللازمة لخلق حقائق جديدة على محور رفح
ليفني ترفض إعطاء إطار زمني للعدوان على غزة
تايمز: إسرائيل تحارب "خيال المآتة" في غزة
إسرائيل تقر بقصف مدرسة الاونروا بطريق الخطأ
اتهامات لمصر بتسليم المساعدات للأونروا بدل الحكومة الفلسطينية
أهالي غزة يتضامنون بفتح بيوتهم لمن دمر العدوان منازلهم
بضغط يهودي.. فرنسا تحظر بث قناة "الأقصى" الفضائية
الشرطة البريطانية تشتبك مع متظاهرين حاولوا اقتحام سفارة إسرائيل
قمة نسائية بقيادة زوجة إردوغان تطالب بوقف الحرب على غزة
"دير شتاندر" النمساوية: إسرائيل لن تنتصر
معاوية حسنين "طبيب إحصاء الشهداء" لا يتعب هاتفه من الرنين
إحصائية فلسطينية رسمية: 2798 شهيداً و37 ألف جريح و7500 معتقل خلال 37 شهراً
أطفال تحت الأنقاض.. وعربات الدواب تنقل الجرحى
الصلاة قبل القتل.. قمة «الشيزوفرينيا» الإسرائيلية
غزة..غروزني.. والأكاذيب الصهيونية / إدريس الكنبوري
على هامش الحدث: 'حكاية عباس' / إبراهيم العسعس
أخشى عليك يا أردوغان !! / أحمد موفق زيدان
ملامح النصر في معركة غزة / إبراهيم بن عبدالرحمن التركي
821 شهيدا و3350 جريحاً نصفهم من الأطفال والنساء مع دخول العدوان أسبوعه الثالث
غزة.. مشاهد من التهجير تُذكر بنكبة 48
9 شهداء في قصف واحد.. مجزرة جديدة: المدفعية الصهيونية تُبيد عائلة عبد ربه بأكملها شرق جباليا
عباس: إذا كانت المقاومة ستدمرنا فلا نريدها
هآرتس: إصابة 6 جنود إسرائيليين إثر سقوط صواريخ على قاعدة عسكرية بالنقب الغربي
تقرير: مناهضو الحرب وغزة.. "حلف فضول" عالمي
متحدث عسكري إسرائيلي: إصابة 12 جنديا إسرائيليا في العمليات العسكرية في غزة منذ ليلة البارحة
استطلاع: 91 % من الصهاينة يؤيدون استمرار الحرب على غزة
المقاومة تطلق 6 صواريخ على عسقلان والاحتلال يعترف بإصابة 14 صهيونياً
عندما يستحيل النصر!! / صالح النعامي
المقاومة تفجير عبوتين ناسفتين بقوة إسرائيلية وتقنص جنديين صهيونيين وتغتنم بعض المعدات القتاليه
نظرية غريبة اسمها "الدفاع الشرعي العقابي".. كيف تبرر إسرائيل جرائمها في غزة؟ / عبدالله الأشعل
سقوط صاروخ "غراد" فلسطيني على عسقلان ووقوع إصابات
العدوان على غزة ومَوْسِمُ المغالطات! / د. محمد مورو
فلسطينيون يصيبون ضابطًا صهيونيًا و مغتصبيْن انتقاما لغزة
غزة.. تكشف حقائق وترسخ أخرى / د. ياسر سعد
جنود إسرائيليّون يروون ما يحدث في غزة.. المقاومون يظهرون فجأةً من داخل الأنفاق ويحاولون خطف جنود إلى داخلها
حرب الفرقان – أولى الحروب الفلسطينية الإسرائيلية / محمد أبو راشد
هآرتس: الآلة العسكرية الإسرائيلية تغرق في مستنقع غزة
الاطمئنان الإسرائيلي / أحمد عمرابي
رئيس الاستخبارات الصهيونية السابق: العملية ستستمر من 4 إلى 6 أسابيع
رسالة من داخل معارك الفرقان / جندي من القسام
تقرير: الجيش الصهيوني يختبر أسلحة أمريكية جديدة في حربه على غزة
ملامح النصر في معركة غزة / إبراهيم التركي
البنتاغون يعيد ملء مخزوناته من الذخيرة في إسرائيل لتغطية الحاجة الإسرائيلية المتزايدة لها
الإندبندنت تكشف عن مذبحة إسرائيلية لعائلة بحثت عن ملجأ بغزة
وول ستريت جورنال: إسرائيل تقترف جرائم حرب في غزة
فتى من غزة يحكي عن"منزل الموت"حيث قتلت إسرائيل 30 من أهله
الأونروا تعلن عن استئناف توزيع المساعدات في قطاع غزة
مصر ترفض نشر قوات أجنبية على الجانب المصري وباراك يهدد بتنفيذ المرحلة الثالثة حال فشلت القاهرة في "تكتيف" حماس
انتهاء ولاية عباس وحماس تعلن بأنه بات لا يملك الصلاحيات الممنوحة له
"ذا تايمز": مثلث الجنوب.. خطة دولية لإعادة "فتح" لغزة
الفصائل الفلسطينية تعلن رسميًا رفضها لقرار مجلس الأمن 1860
باحث مصري: المبادرة المصرية تصنع ألغاماً ولا تحقن دماء
فيسك: جغرافية الدعاية الإسرائيلية
بعد استشهاد 4 صحفيين وإصابة العشرات.. من ينقل الأخبار في غزة يتأهب لأن يكون هو الخبر
مشاهد من المآسي المتوارية على تخوم القطاع.. العطاطرة.. حيث تفوح رائحة الموت وتجري الفظائع بصمت

muslima said...

شىء غريب هما مكتمين على الخبر ليييه

انا قلت اجيب قناة النيل للاخبار اللى عمرى ما بتفرج عليها بس قلت اكيد عهايجيبوا الخبر ده فى اول العناوين واذ فجأة الاقى ولا حس ولا خبر ولا اشارة ولا يماءة ولااحم ولا دستور

والاستاذ تامر امين فى برنامج البيت بيتك اتكلموا عن الواقعة دى بصراحة مسمعتهاش من الاول كنت نايمة بس باين جابوا المتحدث باسم الخارجية على التليفون وقال استدعو السفير الاسرائيلى على الواقف ومشربش حتى كوباية شاى مش عارفة كنوا بيهزروا ولا اييه

وفى الختام قال تامر انه لازم مصر تحط خط احمر ياما النهاردة ياما بكرة الصبح

ياااااااااااااااااااا الله

بكرة الصبح

هما لسة هايستنوا لبكرة الصبح

عقلى يارب

ياارب استر علينا

خيفة يجرلنا حاجة والله

لو حد فاهم يفهمنا

Pink said...

نص الاتفاقية و الملحقات و مناطق الفصل و التسليح و الطيران. ملحوظة هناك منطقة "د" داخل حدود اسرائيل و غزة محدودة التواجد العسكري أما الطيران فهو فقط للاستطلاع و فقط في الحدود الدولية

http://www.thanwya.com/vb/showthread.php?t=80998

جبهة التهييس الشعبية said...

اعمل ايه ياربي؟
اعمل ايه؟
قاعدة اعيط دلوقت
يعني بقالنا ستة وخمسين سنة بنتحكم بظباط جيش شغلتهم الاساسية وتخصصهم اللي اخدوا عليه الشهادة الكبيرة انهم يأمنوا مصر خارجيا ويحموا حدودها وسيادتها
تقوم تبقى دي نهايتنا؟
امال اتعلموا ايه في الكلية؟
طيب يبقوا زي المماليك طيب
ايه يا ربي الوكسة دي
واحد خايب وواحد خاين وواحد خايخ

حسبنا الله ونعم الوكيل

Bahaa said...

للاسف فعلا انا قلبي ابيض ومكنتش عارف الوكسه الي احنا فيها

وبمقتضى معاهدة السلام الموقعة بين مصر واسرائيل عام 1979 لإسرائيل الحق في تحليق طائرات قتالية لغاية الحدود الدولية بينما لا يمكن للطائرات القتالية المصرية التحليق شرقي منطقة تغطي بالكاد الثلث الغربي من شبه جزيرة سيناء

ايه رايكو يعنا لو دخلو محديش يقدر يقولوهم حاجه

http://tahyes.blogspot.com/

muslima said...

والجزيرة شغالة على راس الساعة مش جايبة حاجة

واضح ان فى حاجة احنا مش فاهمنها

Pink said...

و طبقا لبنود الاتفاقية فلا يسمح بتواجد دبابات او مدفعية ثقيلة او قوات تتجاوز الحد النصوص عليه في الاتفاقية في المنطقة "د" و هي تشمل حدود مصر مع غزة و التي تحاول اسرائيل السيطرة عليها لقطع طرق التهريب عبر الانفاق مما يعني ان هذا ان حدث سوق يشكل انتهاكا لبنود الاتفاقية

Rania said...

الناس بتموت هناك و احنا قاعدين مشلولين مفروسين حزنانين و مش عارفين نعمل حاجة
و حكومتنما بقالها كام عقد بتشتغلنا
طب نعمل ايه

الا قولولى يا ناس هى اجراءات دخول غزة ايه بالظبط الله يكرمكوا

زكرياء said...

تفضلوا نص اتفاقية الشؤم، آه آسف كنت اقصد السلام...

http://www.el-shazly.com/arabic_site/camp.htm

طبعا هناك البنود السرية التي هي العن الف مرة من الملحقات التي ستجدونها مرفقة مع نص الاتفاقية...

يا ناس هل شاهدتم دولة تغير علمها و نشيدها الوطني و تلزم نفسها بكل هذه الشروط المهينة؟؟؟ يا رب انتقم من اللي ف بالي

جبهة التهييس الشعبية said...

ايوة يا
pink

قريتها
انا كنت قريتها عند جيمي كارتر لما كان عمال يندب ويقول ياريتني ما عملت كده

ابن الكلب ده راخر جاي بعد تلاتين سنة يقول ياريتني ما عملت كده انا اللي ضغطت على عواد

mido said...

انت بتنادى على عوكل ليه؟

عاملة دوشة للراجل بطريقة غير طبيعية :D

جبهة التهييس الشعبية said...

زكرياء

اييييييييييوة

ايه بقى؟

البنود السرية دي ايه؟

حد يعرف عنها حاجة بدل ما احنا قاعدين نخمن كده؟

لان حتى كارتر ما نشرهاش

مواطن مصري said...

مبقتش فارقة سيناء من سونيااا

maha zein said...

انا من زمان اتربيت اني مشتمش
وحتي لما كنت احب اقول اب الدوج بقول عليه ابن الهوهو
لكن انا عندي امنية والهل نفسي اعملها
ومش عارفة ايه ممكن يكون مدلولها علي نفسي بعد كده
بس والله امنية وهقولها واللى يحصل يحصل

ولاد الكلب باعوها...باعوا القضية....وربنا واخدين تهديد يحقنة كبيرة بسن طخين تتدب في اللى بالى بالك لو حصل وحد فيهم نطق
تقدري تقوليلي ايه جابرهم كلهم وبلا استثناء علي الابقاء علي التمثيل الدبوماسي
ده اصلا اساسا لو هما عملوا كده مش هيحصل اي حاجة

بس في حقنة صدقيني متهددين بيها
النظرية اننا عمالين نلت وعجن في كلام واحنا كلنا عارفينه ومش محتاجين نقوله
تفتكري ايه الحل
تفتكري ايه ممكن يحصل يعني

بجد والله انا جوايا نار ملهلبة
يا ولود الكلب

زكرياء said...

و الله يا نوارة يا عزيزتي هذه المسائل لا يعلمها الا الله و الشركاء في الجريمة يعني عواد و اصحابه الانتيم الله يحرقهم جميعا...لكن خلينا في البنود المعلنة و مصائبها...

يعني ممكن اسأل سؤال بريء جدا يعني؟
في يوم تنصيب اي عواد من العوادات الذين يحكموننا، يقدمون لهم ورقة جنب كتاب (يحاولون دائما ان يوهمونا انه مصحف يعني) و عواد يقول: اتعهد ان احافظ على وحدة الوطن و سلامة اراضيه؟؟؟؟
يعني لما يحدث مثل هذا الامر يعني هناك بالضرورة اخلال بواجب دستوري، و طبقا لقانون العقود، بحكم ان عواد يحكم بعقد، يضمن بموجبه حماية الوطن و سلامة اراضيه و نحن ايضا نتعهد بالبقاء تحت حكمه في اطار الستور و القانون. فسؤالي لنا جميعا، يعني العقد لا زال صالحا؟؟؟

عم مينا said...

هو احنا ليه بيحصل فينا كده.. ليه بقينا ملطشة العالم.. العرب بيكسروا في سفاراتنا و اسرائيل بتخترق أجوائنا و بتصيب جندنا.. ليه بنحاول نرضي جميع الأطراف و بردو مش عاجب و بناخد علي دماغنا

maha zein said...

يلعن ابو دي اتفاقية
مش عوزينها
دي زل
مش عوزين ذل
العالم دي عماله تبوس في ايادي اليهود عشان يفضلوا طيبين معانا
مع انهم واثقين ان هيجي يوم ويدونا بالجزم

ده الولية اللى اسمها ليفني القرد دي لما جت هنا كلمت مبارك بمنتهي القذارة والوقاحة
وكان ناقص يبوس بوز جزمتها عشان تهدا ومتاكلوش علي بوزه

انا انحرفت جامد علي فكرة
شتمت مرتين
انا بشكر المدونة دي انها ادتني الفرصة اني اطلع اللى في نفسي

TAFATEFO said...

طب ثاية بقى أجيبلك مقال المسلماني في المصري اليوم بتاع بكره

دقيقه واحده بالظبط

كنت هبعتهولك على الميل

أنا مشوفتش حلق هيكل ومش هشوفها دلوقتي خالص (غالباً) ومشوفتش حلقة المسلماني ولا قريت مقاله (ومش هشوف ولا أقرا دلوقتي غالباً)

دقيقه واحده

جبهة التهييس الشعبية said...

عم مينا

ليه بنحاول نرضي جميع الاطراف وبرضه مش عاجب؟

والله يا عم مينا انا ما كنتش اعرف انك بتحب حسني مبارك

جديدة دي عليا

وعلى اي حال

عشان بتحاولوا ترضوا جميع الاطراف يا عم مينا

والحقيقة ما تضحكوش على نفسكوا
اقصد حسني وجمهوره

لان انتوا مش بترضوا حد انتوا عايزين تريحوا دماغكوا واربط الحمار مطرح ما يحط صاحبه

ومن ساعة ما عواد قال: تسعة وتسعين في المية من اوراق اللعبة في ايد امريكا

وراح كتر خيره حط في ايدها الواحد في المية اللي كان ناقصها

وانتوا معتبرين ان صاحبه ده امريكا، مدام امريكا عايزة يمين تبقى عايزة يمين ومدام عايزة شمال تبقى نروح شمال

وكل ده عشان تؤثروا السلامة وجماهير حسني مبارك بيتعبروه انجز عشان ما جرلناش لحرب ودي اقصى امانيهم في الحياة

طيب يا عم مينا الريس بتاعكوا اخد المواقف المايعة دي وعمل من مصر كلها ملطشة
مش من نفسه واللي بيحبوه وبس

ولو اني مش عارفة ناس كتير بيحبوه
بس مؤخرا بقى فيه ناس بيحبوه
الظاهر ح يموت وللا ايه
:))

عموما كلنا ح نموت

طيب يا عم مينا لما اعمل خدي مداس للي رايح واللي جاي

اضرب يا زكي قدرة يضرب زكي قدرة
افشخ يا زكي قدرة يفشخ زكي قدرة

والريس بتاعكوا لا خلا لنا كرامة لا جوة بلدنا ولا برة بلدنا
ولا لينا وزن في العالم

بوش ييجي يهزأ الريس بتاعكوا ويشتمه في وشه وهو قاعد قدامه وما يقدرش يرد عليه

حسني يتصل باوباما يقوم اوباما ما يردش المكالمة ويسرب للصحافة انه ما ردش المكالمة


طب مش دول الامريكان اللي الريس بتاعكوا كان يتمنى لهم الرضا يرضوا عشان مليون في المية من اوراق اللعبة في ايدهم؟

هم من امتى بينفعوا حد

ولما الريس بتاعكوا لقى امريكا ح تقلب عليه

راح لحس جزمة اسرائيل ونادى الست

طبعا مع تتابع الاحداث وتبينها

عرفنا الست دي كانت عند ريسكوا بتعمل ايه؟

كانت بتتفق معاه ازاي تضرب غزة من الاراضي المصرية

ونولع احنا بقى ويولع المواطنين المصريين اللي بيموتوا

ناهيك بقى عن الفلسطينيين دول عادي يغوروا في داهية

وكمان يطلع يعايرهم بحاجات ما حصلتش في عهده اصلا

لما الواحد يبقى باشا ويتصرف زي الباشا

الناس تعامله زي الباشا

لكن لما يبقى ابوه باشا ويمشي يشحت في الاشارات وهو حاطط الفوطة الصفرا على كتفه لازم كل الناس ح تعامله على انه شحات

ما ييجيش يزعل بقى ويقول انتوا بتعاملوني على اني شحات ليه ده انا ابويا باشا

ماهو اللي مشي يشحت

صح؟

muslima said...

انا فاكرة انى قريت زماااان مقال لمصطفى محمود " ربنا يديله الصحة "

كان بيتكلم فيه عن سينا وحدودنا مع اسرائيل

المقال كان جامد قوى مختصره انه كان متعجب جدا ان مفيش قوات حماية لينا فى سينا وقال ان سينا مستباحة فى اى وقت والدنيا نايمة على الاخر وان ده بيشكل
خطر كبير علينا وعلى امننا وفيما معناه برضه كان بيقول ان سينا " هو على الاخر يعنى لو يهودى دخل يتفسح ويبرطع فيها زى ما هو عايز ولا حد هايقولوا بتعمل ايه "

والله الواحد ما عارف يقول اييه عمالة ادخل على مواقع اخبارية مش لاقية حاجة عن الخبر ده لا الجزيرة ولا البى بى سى ولا السى ان ان

يمكن خلصوا البث بتاعهم

ولا حد بلغهم اوامر

طيب اى خبر فى ديل الصفحة حتى

اى حاجة لوجه الله

TAFATEFO said...

مقالة المسلماني عن حلقة مع هيكل

ملاحظتين

المقال ده كان في 30 واحد في مكان بيتخانقوا على ماتش الأهلي والزمالك .. نده الرجل المصري اليوم .. جابوا الجرنال .. وواحد قراه بصوت عالي شويه .. والخناقه قلبت شتايم عن المقال وهيكل والمسلماني والسادات وحسني وحماس وفلسطين وكل حاجه

مقال نحس مرضيش يترفع 5 مرات

TAFATEFO said...

المقال بجودة أعلى

وحد يحكي علشان أنا لا بثق لا في هيكل ولا المسلماني (بثق في المسلماني أكتر من هيكل) ومتلخبط كفايه من غير كلام الاتنين

mido said...

المسلمانى بيستعبط

بيقولك الاجتماعات بين حماس و القاهرة دليل عدم محاصرة مصر لغزة

ايه الهطل ده ؟

mido said...

لأ و كمان بيقول على سياسة مصر

واقعية سياسية

!!

mido said...

@tafatefo

على فكرة المقال فى ملاحظات حلوة

بس فى دفاع عن النظام بطريقة غير مقنعة

قال و اقعية سياسية قال

جبهة التهييس الشعبية said...

قريته يا مصطفى
!!!!!!!!!!!
ده مخابرات بجد بقى مش بيصيع علينا
انا كنت فاكراه بيقرع

لانه عمل حاجة غريبة قوي وواضح انها متعمدة

انت عارف هيكل رغاي وبيحصل له قطع ذهني كتير

طول عمره كده مافيش حاجة جديدة

وله زلات لسان وينط من فكرة لفكرة

لكن اللي بيتعود على طريقه كلامه بيفهم هو قصده ايه

المسلماني بقى مسك في القطع الذهني وابتسر جمل عشان يتريق على هيكل وعلى طريقته

ما فندش كلامه ولا حاجة
هو سفه طريقة كلامه

الافكار الاساسية في حوار هيكل المسلماني ما اتكلمش عنها

فعلا فعلا استعبط زي ما ميدو بيقول

انت عارف انا مش غاوية هيكل قوي

Rania said...

ايه المقال ده
دة ماسك كل جمله بيفسرها و بيمنطقها برحته

جبهة التهييس الشعبية said...

يا ميدو الملاحظات دي تنفع على كل كلام هيكل

كله بلا استثناء

يعني فيه تصيد والتصيد معتمد في الاساس على طريقة كلام هيكل
زي انه يقول: ولا حاجة من دي ولا حاجة من دي...بص..صدر زي ما انت عايز...انا مش شايف ان فيه داعي للتصدير خالص

ده واحد بيتكلم مش كاتب مقال
هو ما نقاشش افكاره
هو ناقش زلات لسان واحد عنده خمسة وتمانين سنة بيلخبط في الكلام

كتر خيره يعني

ثم انه يا مصطفى ما جابش سيرة السادات ولا حاجة

mido said...

لا مصطفى قصده الناس اتكلمت فى كذا حاجة و الكلام جاب كلام و شتموا بعض

:)

mido said...

@nawara

هو انت الشريرة اللى فى منتدى قصر العرب ؟

CARON said...

يا جماعة ماحدش يقرا المسلماني من غير ما يسمع هيكل ,,,,, المسلماني لاما عبيط لابيستعبط,,,, او كلام فهمي هويدي صح

TAFATEFO said...

أنا والله العظيم بقيت متلخبط .. أنا مش مؤيد لحكومة أو حكم حماس .. وبكره عباس الخائن صنيعة إسرائيل .. لكن ميزة المقاومة اني مقتنع بيها وأبصم عليها بالعشرة .. فلما كان الكلام عن المقاومه مكنتش متلخبط .. انما من ساعة ما بدأ الكلام عن المكاسب السياسيه والسباق للحصول على هذه المكاسب .. من بعد خطاب خالد مشعل امبارح واللي فهمت عن طريق سياسيته (سياسية الخطاب) ان كلام أبو الوليد وحسام خضر من فتح وافتخارهم بالمقاومة وان كل المقاومه على الأرض وانهم متمسكين بالمقاومة لرد العدوان والكلام ده خلاني أشك ان ده من ضمن السباق لتحصيل المكاسب السياسيه .. رغم ما يحمله ذلك من معاني نجاح المقاومه .. لكن طالما المعارك منتهتش والعدوان قائم ودول ودول بيتكلموا في السياسه .. يبقى ملعون دول على دول ولاد ستين في سبعين .. والله للشعب الفلسطيني

وأبوس ايد اللي فاهم غير كده يفهمني

ويا نواره بالله عليكي اشرحيلي موضوع المخابرات ده علشان مش فاهم منه حاجه

TAFATEFO said...

أنا ولا بصيت لولا حرف .. أنا سمعت شتايم في السادات ومبارك وهيكل والمسلماني وفتح وحماس والعرب .. خناقه .. حتى مكملتش الحجر وقمت

:D:D

جبهة التهييس الشعبية said...

انا شريرة؟
الله يسامحك
ايه قصر العرب ده؟
منتدى؟ انا مش بادخل منتديات ابدا يا ابني

mido said...

أنت الشريرة ولا جدال

جبهة التهييس الشعبية said...

ايه ده؟

التدوينة دي قديمة قوييييييييييييي

دي بقالها سنتين واكتر

بينزلوها على المنتديات؟


ومين الشريرة دي؟

بقى انا ح اتكلم كده:

ماريد نكون ظالمين ومحتلين ولكن اريد مش عارفة ايه؟

هههههههههههههه

mido said...

اه يبقى واحد أخد التدوينةهناك

المعجبين كثر

:D

مواطن مصري said...

مالة المسلماني راجل محترم و هيكل مش مقدس اينعم هيكل بيقول كلام صح بس

مش معنى ان فية 2 او 3 مختلفين معاة يبقى المسلماني كفر

TAFATEFO said...

هو حد يعرف منتصر الزيات اتكلم امتى امبارح؟؟ أنا لقيت أفيخاي أدرعي بس مش لاقي خالص منتصر الزيات .. يقال انه امبارح بين 2:30 و 2:45 .. ممكن تأكيد؟؟

TAFATEFO said...

ممكن تكون تقصد صفوت الزيات؟؟

mido said...

انا مش عارف ليه فى ناس-المسلمانى- كتير مش مصدقين ان مصر بتحارب عشان أمنها القومى اولا

جبهة التهييس الشعبية said...

يعني انا اخر واحدة تقدس هيكل يا مواطن

انا باختلف معاه على طول وله كلام كتير بيغظيني
وما جراش حاجة لما ينتقده المسلماني
ياريت
ياريت ينتقده بجد
بس هو ما انتقدوش
المقال ضعيف جدا، ما اتكلمش في ولا نقطة حقيقية من اللي طرحها هيكل

اتكلم عن طريقته في الكلام ماهو دي طريقته
لما تسمع هيكل اذا ما كنتش واخد على طريقة كلامه تزهق لانه بينط من فكرة لفكرة وبعدين يرجع للفكرة الاولانية تاني وهكذا

لكن فيه كذا محور المسلماني ما ردش عليهم

- ان رغم اعتراضات هيكل على حماس وعلى دخولها الانتخابات اصلا الا انها ما اخدتش فرصة تحكم واتحاربت من العالم كله

- ان اسرائيل كانت محضرة للهجمة قبل الهدنة بشهور

- انهم عايزين يخلصوا بسرعة قبل ما اوباما ييجي عشان يكونوا انهكوا الفلسطينيين ويقدروا يفرضوا شروطهم على اوباما والفلسطينيين يقبلوا بيها

- ان مصر موقفها غريب لانها تخلت عن قوتها الناعمة اللي هي دورها في التنسيق بين الدول العربية وسلتت ايدها بطريقة مش في مصلحتها

- ان حرب تمانية واربعين كانت حرب عربية وبقية الحروب كانت مصر بتخوضها لنفسها 56 كان العدوان الثلاثي عشان تأميم القناة وسبعة وستين تلقينا الضربة الاولى وتلاتة وسبعين كان لازم نحارب بعد ما اتهزمنا

- ان العالم العربي عمق مصر الاستراتيجي وهي محتاجة له اكتر ماهو محتاج لها

- ان التحالفات اللي مصر بتعملها دلوقت مش في مصلحتها ونزاعاتها برضه غير مبررة زي مثلا نزاعها الوهمي مع ايران اللي مالوش مبرر وماحدش عارف يبرره حتى من افراد الحكومة اللي هو سألهم بنفسه وزي انها مش بتسعى لتحالف مع تركيا وده بيخليها ضعيفة في مواجهة امريكا اللي هي قوة عظمى مش حليف

- ان مصر تقدر تتخذ مواقف تحفظ لها كرامتها من غير ما تخرق معاهدات ولا تنزلق لحروب من خلال قوتها الناعمة وهي مش بتعمل كده لاسباب مش مفهومة

- ان رد الخارجية المصرية على حسن نصر الله كان اكبر من الحدث
وقال يا سيدي غلط، يعني ساركوزي قال على الرئيس مبارك انه حذر من انتصار حماس والرئيس ما ردش

(ودي حقيقة يا مواطن الرئيس ما ردش غير لما هيكل قال الرئيس ما ردش)

ونقط كتير انا مش فاكراها

المسلماني ما ردش على اي حاجة من دي

قعد يقتطع كلام من كلام هيكل ويقول: يقول الكلمة وبعدين يرجع يقول حاجة تانية

يا سلام

يعني هو مش عارف ان هيكل دي طريقته في الكلام؟

امال بيقول استاذي على اي اساس؟
عمره في حياته ما سمعه يعني؟

مواطن مصري said...

انا مشفتش حلقة المسلماني


شوفي الموضوع دة كروي اة بس خطير جدا رابطة جماهير الاهلي عملو تنظيم الاهلوية النازين

http://www.almasry-alyoum.com/article2.aspx?ArticleID=194226

http://forum.kooora.com/f.aspx?t=13256879

بعيد على انة موضوع كروي بس دة خطر مش عشان اني زملكاوي لا النهاردة نازين و امبارح اخوان ربنا يستر

CARON said...

لا فض فوك ... يا نواره

TAFATEFO said...

استنوا بس

مغربية طلبت مني مقاطع من الجزيرة منتصف اليوم امبارح .. مكنتش شفته .. المقاطع تقارير بشعه عن استخدام غازات تصيب بحروق غير طبيعيه أدت لإقاد طفل بصره وحروق شديده حتى العظام أدت بتر ساقين كامل لبنت جميله واسمها جميله

وتعليق صفوت الزيات وأفيخاي أدرعي

صفوت الزيات قال ربما يا جميله ستعرفين الحقيقه .. انهم كانوا أشراراً يباركهم حاخام

لما أرفعهم هسيب لنك .. وشوفوها لو مكنتوش شفتوها

يا رب دول عيالك .. يا رب انتقم .. يا رب انتقم

البنت والولد حاجه صعبه أوي .. أويييييييييي .. ربنا ينتقم منهم انتقام عزيز مقتدر

يااااااااااارب

mido said...

احتمال بكرة اخد تعليقك ده على تعليقات المقال فى المصرى

TAFATEFO said...

أنا مرضيتش أقول حاجه بس هي حقيقه

شاب سعودي في برومو من بروموز الجديده بيقول "إا كنت أنا ألوم أجدادي على تخاذلهم في نكسة 48، إحنا ايش نجول حج عيالنا في نكبة 2008 .. ما وصلنا الخبر؟؟!! لا والله وصلنا الخبر" .. يا حكومه يا أنجاس .. يا مبارك يا نجس .. افتح الحدود

اللي يقول فتح المعبر تاني ظالم .. فتح الحدود يا أنجاس .. افتحوا الحدود الأنجاس أمثالكم يحرقون الناس أحياء

ahmed said...

@ تفاتيفو
بص يا مصطفى عشان شكلك لتلخبطت من حكاية فتح و حماس

أولاً بالنسبة لفتح مش كلهم خونة و لو انت تابعت اخبار المعركة فى غزة حتعرف ان شهداء الاقصى التابعه لفتح بتحارب معاهم
الحكاية ان كل فتح خونة الخونة اللى فيهم معروفين زى ابو مازن و دحلان و بقية اتباع دحلانو دول بعد موت عرفات ابعدوا الناس القديمة الكويسين زى فاروق القدومى

ثانياً :: متخليش خطاب مشعل يلخبطك
ليه؟؟
لأن مشعل رئيس المكتب السياسى يعنى شغلته فى حماس انت يتكلم فى السياسة و أبو عبيدة
المتحدث العسكرى يعنى شغلته انه يتكلم عن العمليات العسكرية فكل واحد فيهم ليه شغلانه
ده على عكس حزب الله اللى السيد حسن نصر الله فيه بيتحمل المسئوليتين
بيتحدث عن السياسة و العسكرية فى نفس الوقت لان مفيش متحدث عسكرى ليهم
******
نوارة ايه حكاية المخابرات دى ؟؟؟؟
انا معرفهاش

عم مينا said...

ايه يا نوارة عيب عليكي تقوليلي "ما كنتش عارفة انك بتحب حسني مبارك"
أنا عملتلك ايه علشان تتهميني الإتهام الفظيع ده..
أنا أما قلت ليه بنحاول نرضي جميع الأطراف كنت أقصد "مصر" لأني متعود أستخدم الجمع اما إتكلم علي البلد.. و لا المفروض دلوقتي لو أنا مختلف مع السياسة الخارجية للبلد أتكلم عن بلدي علي اساس انها السويد مثلاً
أنا بس حبيت أوضح النقطة دي..

عم مينا said...

علي فكرة شكله حلو و منطقي
بس بردو المشكلة انه محدش بيقولي كان المفروض يعمل ايه
أنا مختلف تماماً مع الطريقة اللي تم بيها ادارة الأزمة.. من أول تصريحاته لتصريحات الكابتن أبو الغيط و انه كان ممكن يتم استخدام كلمات أظرف من اللي اتقالت..
بس أنا عاوز حد يقولي علي حل عملي.. يعني كان ممكن يعمل ايه علشان يخفف علي الفلسطينيين؟
طرد السفير؟ و لا يفرق معاهم
الغاء الإتفاقية؟ ما هو رئيس وزراء الأردن طلع اتكلم عن امكانية تعديل الإتفاقية بسبب العدوان.. و لا حد عبره..
فتح المعبر تماماً؟ أنا و انتي عارفين انه هو ده اللي اسرائيل عاوزاه يحصل..
أنا عارف اني عمال بعيد و أزيد في كل الكلام اللي انتي كل يوم بتسمعيه و زهقتي منه.. بس أنا كل يوم بتكلم مع ١٠٠ واحد في الموضوع ده و لغاية دلوقتي محدش اداني حل.. كل واحد يطلع يقول مصر ما بتعملش حاجة علشان الفلسطينيين.. و محدش قالي هي تقدر تعمل ايه
و الحقيقة اللي كلنا عارفنها اننا ما نقدرش نعمل حاجة.. انتي بتسميها خيانة و أنا بسميها قلة حيلة و ضعف

جبهة التهييس الشعبية said...

عم مينا
طب يعني انت بتدافع عن سياسة مصر الخارجية
وهي سياسة ما تفرقش اي حاجة عن السياسة الداخلية على فكرة
لان الحكاية ما تتجزأش
يعني اللي بيسلط الامن على الناس عشان يضربهم ويعذبهم ويحط لهم العصايا
هو هو اللي بيقفل المعبر على الناس الجعانة وبيضحك علينا وما يفهمناش اننا مالناش سلطة على حدودنا

ولا
انا الحكومة دي ما تمثلنيش كمصرية، لا في سياستها الداخلية ولا في سياستها الخارجية وحتى لو اتبعنا انا واخويا على ابن عمي وانا وابن عمي ع الحديدة
فالحكومة دي لا اخويا ولا ابن عمي
اللي مسلطين عليا مجموعة تراقب لي التليفون والميل لدرجة اني لما ابعت ميل لو بعته على جمل يوصل اسرع
والحكومة اللي مجوعة الناس
والحكومة اللي سابت اهالي الدويقة وركاب العبارة يموتوا وما اخدتش حقهم ولا عبرتهم
مش بتمثلني
ولا سياستها الخارجية بتمثلني كمان يا عم مينا
المعبر المقفول على الناس لا اكل ولا دوا ولا اي خدمات، لو هم مش فلسطينيين ومش عرب بني ادمين بس
يا سيدي قطط وكلاب
دي سياسة لا تمثلني ولا يمكن ادافع عنها
واللي يضرب السفارة - اللي ياما ذلت مصريين ومسحت بيهم البلاط وبهدلتهم واسأل كل اللي بيشتغلوا برة عندهم استعداد ترميهم في البحر ولا انك توديهم السفارة اللي هي بالنسبة لهم زي السجن - السفارة دي لا تمثلني عشان ازعل عليها
والتصريحات المقززة للمسئولين اللي بيحكموا مصر غصبانية واقتدار، لا اخترناه ولا بايعناه نجح ازاي سبحان الله، دي تصريحات مؤسفة ولا تمثلني
وشتيمة الناس دي بكل مؤسساتهم ما تزعلنيش في حاجة لانها لا تمثلني في حاجة

وعلى فكرة، الحكومة دي، اللي هي مش بلدي ولا باعتبرها بلدي

- لو المصريين انتخبوها وانا ما انتخبتهاش يبقى خلاص احترم رأي الاغلبية حتى لو هو مش رأيي -

الحكومة دي بتضحك علينا في كل حاجة

مافيش حاجة بتعدي من المعبر يا عم مينا

مافيش شاندوشت جبنة بيضة في عيش بلدي عدت للناس

ودي ناس
ناس يا عم مينا

بني ادمين
لهم حقوق علينا وفقا لقوانين الامم المتحدة
قوانين الامم المتحدة بتجبر الدول المجاورة انها تفتح حدودها لاغاثة الهاربين من مناطق الصراع

يعني يقدروا يشتكوا الحكومة الموجودة دي في المحكمة الدولية وهم مرتاحين

مش كام دلدول يشتكوا واحد عشان قال لهم: عيب عليكوا

جبهة التهييس الشعبية said...

ياريت بس ما نختصرش البلد في حكومة او حكومتين او عشرة

البلد بلد

والحكومة حكومة
ولما تبقى حكومة مفروضة علينا وقاعدة على قلبنا بالمعونة الامريكية مش بحاجة تانية

تبقى احتلال مش حكومة

مواطن مصري said...

بس لما قناة تتهم مصر و الشعب ب التواطؤ و انهم عندهم قاعدة عسكرية ييبقى بقى في حاجة غلط

mido said...

علي فكرة المقال ده مهلهل جدا: شوفي بيقول ان هيكل يري ان الجزيرة تقوم بحملة تعبئة _رد المسلماني : علي العكس الجزيرة موضوعية جدا و تعرض رأي الاسرائيليين _____ ده قصر نظر و سذاجة من المسلماني لأن الجزيرة بتجيب الصهاينة و بتهزئهم زي معمل كريشان مع بيريز او افغاي أدرعي و قفا دختر _غير البرومهات اللي بتبين المذابح و تناقض اقوال القيادات الاسرائيلية مع الواقع و اغلب ضيوفهم من مؤيدي المقاومة بالاضافة الي الافلام الوثائقية عن غزة و تاريخها لتذكير الناس بالقضية_مقال لا يستحق النشر

جبهة التهييس الشعبية said...

يا عم مينا

لا انا وانت مش عارفين ان ده اللي اسرائيل عايزاه

لان اسرائيل وعباس هم اللي قالوا لمصر تقفل المعبر

يبقى ازاي هي اللي عايزانا نفتح المعبر تماما؟

هو احنا لو فتحنا المعبر ده معناه ان غزة بقت تبعنا؟

مين اللي ح ييجي يقعد عندنا يا مينا؟
اذا كنا احنا بنطفش من بلدنا؟
وح يقعدوا فين؟ في العريش؟ اللي مافيهاش شغل

بالعكس
احنا لو فتحنا المعبر تماما ح يدخلوا يشتروا - وزي المرة اللي فاتت ح نغلي عليهم الطاق طاقين - ويعملوا رواج للعريش دي اللي قربت تسف التراب من الفقر ويرجعوا بلدهم زي ما رجعوا بلدهم المرة اللي فاتت

وماحدش طالب من قليل الحيلة والضعيف اي حاجة غير انه يدي الناس الجعانة اكل بفلوسهم

مش ح ياخدوا ببلاش ولا حسنة ولا صدقة

وما تتآمرش عليهم

ما تطيرش طيارات اسرائيلية في جونا عشان تضرب الناس وبعدين تضربنا

ده مش ح يحصل الا بالاتفاق

امال تفتكر ليفني كانت بتعمل ايه عندنا؟ بتشوف لابو الغيط الفنجان؟

جبهة التهييس الشعبية said...

هي الجزيرة قناة حكومية يا مواطن؟

يعني لما انا انتقد دول الخليج انهم عندهم قواعد عسكرية ينفع يقولوا لي: اتنيلي على عينك ما القوات الامريكية دي عدت من قناة السويس عشان تجيلنا

طب وانا مالي

هو انا اللي عدتها؟
تفتكر اللي يريحك ان قطر تقفل قناة الجزيرة؟
هي قناة مستقلة مش حكومة ومش متحدثة باسم الحكومة القطرية

mido said...

لا تنكري أن سيوفنا معهم و قلوبنا معهم :))

جبهة التهييس الشعبية said...

ميدو
ييييييييي
الراجل ده بااارد
واقف مكانه وبيقول سيوفنا معهم

طب ما يقعد ساكت
سيوف ايه؟

عم مينا said...

أنا معاكي في ان البلد البلد و الحكومة حكومة.. و أنا زيك برفض اختصار بلد عظيم زي مصر في شخص حسني مبارك
أنا اما هاجمت السيد حسن نصرالله ما هاجمتوش علشان انتقد مصر.. لأنه زي ما انتي قلتي ما انتقدش مصر و لكن انتقد السياسة الخارجية المصرية اللي مش شرط أنا أكون موافق عليها
لكن أنا هاجمته لأني بكره المزايدات.. يا نوارة كلنا بنزايد علي بعض و محدش بيعمل حاجة و لا ناوي يعمل حاجة

خدي عندك
منع المرشد الأعلى للجمهورية الإيرانية علي خامنئي المتطوعين الإيرانيين، المحتشدين في المطارات، من الالتحاق بالمقاتلين الفلسطينيين في غزة، وعبّر لهم عن "جزيل شكره"، مستدركاً "ينبغي عليكم أن تنتبهوا إلى أننا لا نستطيع أن نفعل شيئا في هذا المجال

ليه ما حدش اتهمهم خامئني بالخيانة؟
علشان بيبعتلهم فلوس.. ما احنا بنبعتلهم سلاح؟ و لا انتي فاكرة ال١٠٠٠ نفق دول احنا مش عارفين انهم موجودين؟

عم مينا said...

لا يا نوارة في دي أنا مختلف معاكي تماماً
اسرائيل ما قالتلناش نقفل المعبر.. و ده بقي الغباء السياسي بتاع حسني مبارك.. هو بيحاول يوهم الناس انه ما يقدرش يفتح المعبر علشان اسرائيل مش عاوزانا نفتحه.. و أعد يقولك المونيتور المونيتور.. و مش عاوزين الاسرائيلين يشنعوا علينا و الكلام افارغ ده..
و الحقيقة انه مش عاوز يفتح المعبر علشان خايف رفح و العريش تتحول زي مخيمات اليرموك في سوريا و عين الحلوة في لبنان.. و بصراحة كان أكرمله لو قال كده بجد..
أنا معاكي ان العريش مافيهاش شغل و لا نيلة بس لو في حتة فيها صواريخ و حتة ما فيهاش شغل.. الناس هتروح فين؟

جبهة التهييس الشعبية said...

لا بقى كحك يا عم مينا
ماحدش قال لمصر تحارب
احنا بنقرا في سورة عبس؟
كل المطلوب انها تفتح الحدود لاغاثة المنكوبين زي ما قانون القلل المنتحرة بيقول
مش دلوقت
دي حابساهم بقالهم تمنتاشر شهر بدعوى ان فيه حرب اهلية
طب ماهو عشان فيه حرب اهلية لازم كانت تفتح المعبر ومش مفروض

وفقا لقانون الامم المتحدة
ان الدولة المجاروة تعاقب المنكوبين لان الحكومات عندهم بتتخانق وعندهم حرب اهلية

يعني هي بتعذبهم على اي اساس؟

انا عايزة افهم
حد قال لمصر تحارب؟
حد قال لمصر تحارب؟

حد اتنيل وقال لمصر تحارب وللا تبعت متطوعين عشان احنا بقى اللي بنزايد على الناس بمنطق مالوش منطق خالص؟

لما لبنان كانت في حرب سوريا فتحت الحدود على البحري واستقبلت المنكوبين وماحدش يقدر يدينها لانها بكده تبقى ملتزمة بالقانون الدولي

لما العراق انضربت الدول المجاورة بما فيها ايران فتحت الحدود عشان تستقبل المنكوبين

احنا نفسنا لما كان فيه حرب اهلية في السودان فتحنا الحدود عشان نستقبل المنكوبين
ده
common sense

ومش محتاج اني افكرك كل شوية بقانون الامم المتحدة

لما حسن نصر الله يقول: انتوا ليه مش فاتحين الحدود نقوم نقول له انت بتزايد علينا ما تحارب انت؟

ماهو لو له حدود مع غزة وما فتحهاش يبقى ساعتها لنا الكلام

لكن ماحدش له حدود مع غزة غيرنا

والمستوطنات الاسرائيلية طبعا

يبقى ايه حكاية كل ماحد يقول لنا افتحوا الحدود للناس نقول لهم ما تروحوا تحاربوا انتوا دي؟

ده التلوث هو اللي عمل فينا كده وللا ايه؟

الراجل قال الحكومة المصرية متواطئة لانها قافلة المعبر على اهل غزة وحابساهم

صح؟

طب ما صح

هو بقى يقدر يعمل ايه؟

خامنيائي يبعت متطوعين ليه هو طلب مننا نبعت متطوعين؟

ولو بعتهم ح يعدوا منين بقى ان شاء الله؟

اذا كان مالهمش حدود غير معانا

واحنا حتى بق المية مش عايزين نديهولهم

يبقى ح نعدي لهم متطوعين؟

انا ما شفتش حد بيزايد غير الحكومة المصرية واللي بيدافعوا عن موقفها

جبهة التهييس الشعبية said...

انا ح ادخل انام
لو حد عايز يسيب تعليق يسيبه وح انزله بكرة ان شاء الله

TAFATEFO said...

لا بقى .. أنا شايف ان كل ملاحظات المسلماني منطقيه وصحيحه جداً

أي نعم هي تصيد أخطاء .. لكن هو مأنكرش ان مقاله للتعجب من سقطات ما قاله هيكل .. أنا دلوقتي مستغرب انتوا ليه معجبين بحوار هيكل؟؟ هو قال شوية كلام تاريخي .. وشية عك حالي .. عك + لف ودوران

نواره هانم .. حضرتك تقولين كلمة الحق .. يا ريت تقري مقال المسلماني تاني وترجعي لكلام هيكل في النقط دي .. وتقولي رأيك بعيداً عن التعاطف مع هيكل أو التحامل على المسلماني

TAFATEFO said...

@ عم مينا

أقولك أنا النجس ده كان المفروض يعمل ايه .. يعمل زي ما القانون الدولي بيقول

ان في حالة الحرب .. الإنسانية اللي ميعرفش عنها النجس تابع الأنجاس حاجه تحتم فتح الحدود في وجه النازحين اللي بيتشووا أحياء .. الأطفال اللي بيموتوا ويتحرقوا ويعموا وتبتر أطرافهم ةيتيتموا ويتشردوا .. في وجه المدنيين اللي لا ليهم في ده ولا في ده ولم ينعموا بلحظة أمان واحده طيلة 15 يوماً حتى لآن .. في وجه كل إنسان يتعرض للتجويع والعذاب والهلع والرعب والحرق والقتل والإصابه والتشريد

ده القانون الدولي

مينحازش لطرف .. لا لعروبة ولا لأخوة ولا زفت .. يبقى إنسان .. مجرد إنسان

عرفت كان المفروض يعمل ايه؟؟

TAFATEFO said...

@مواطن

زعلان علشان متهم بالتواطؤ؟؟ امال ايه

دا احنا أنجاس ولاد كلب .. داحنا شايفينهم قدامنا طول اليوم بيتقتلوا ويتحرقوا ويموتوا ويولعوا ويتشردوا .. شايفينهم جعانين بقالنا سنه ونص .. شايفينهم بيموتوا ويروعوا كل يوم

داحنا كلاب .. ووالله الكلاب نعمه عننا .. على الأقل ربنا مفرضش عليهم النصرة والجهاد

دا احنا أنجاس

TAFATEFO said...

رفح والعريش

هو النجس راحم ناسهم .. هو عمل فيها تنميه النجس .. هو راحم ناسها ولا الأمن سايبهم في حالهم؟؟ نسيب الناس تتحرق وتموت علشان مش عايزينهم عندنا

أما صحيح أنجاس .. والله العظيم أنجاس

يعني لو أخوك عايز يقتله مجرم سفاح مش هتفتحله بيتك ؟؟ هتقفل في وشه البيت لما يلجألك علشان خايف ياكل من أكلك؟؟!!

أما احنا صحيح أنجاااااااااس

عودوا لسانكم على الكلمه .. قولوها عشر مرات الصبح على غيار الريق .. علشان احنا أنجاس .. زينا زي النجس الكبير

طب النجس الكبير خايف على كرسيه .. واحنا خايفين على ايه؟؟؟؟؟؟؟

TAFATEFO said...

الناس هتروح فين؟

شم نفسك .. هتشم ريحة قذرة .. أنا شميت نفسي شميتها

طبعاً دكتور وأكيد شميتها قبل كده

الناس هتروح فين؟؟ نقفل بابنا في وش للي بيتحرقوا ويموتوا؟؟ وتقول على دي حكمة؟؟ حكمة الأنجاس

حكمة الأنجااااااااااس

أخوك .. واحد متعرفوش جاي يحتمي بيك .. سفاح بيقتل فيه وانت قفلت بابك في وشه .. السفاح ليه مصلحه .. انما احنا يا أنجاس خايفين على ايه؟؟ خايفين على ايه؟؟

المجس الكبير ليه مصلحه .. والسفاحين الأنجاس ليهم مصلحه

احنا الأنجاس خايفين على ايهههههههههههه؟

TAFATEFO said...

ومنحاربش ليه؟؟ خايفين على ايه؟؟

هو يا مينا في المسيحيه؟؟ لو لقيت واحد بيقتل ميجبش عليك تحميه؟؟

ده دين ربنا .. ربنا مقالش اننا خلفاؤه في الأرض .. وتجب علينا نصرة اخواننا

ولا احنا ملناش دين؟؟ احنا ملناش دين

عم مينا said...

يا نوارة أنا مجبتش سيرة الحرب خالص.. لأن ما حدش يجرؤ يقولنا نحارب لأن محدش ناوي يحارب أصلاً و لا حتي اللي لسة أرضهم محتلة
أنا بتكلم علي فتح المعبر
و من فضلك ما تقوليليش قوانين أمم متحدة
ما حدش بيحترم قوانين الأمم المتحدة.. اسرائيل كل يوم بتتنتهك قوانين الأمم المتحدة و حزب الله كان فيه قرار من الأمم المتحدة بتسليم سلاحه و بردو مش بينفذ
فسيبك من الليلة دي.. انتي اتكلمتي علي ال
common sense
و ده كلام جميل جداً
ال
common sense
ده يقول اننا نفتح الحدود لناس مش ضامنين انهم يرجعوا؟
و بعدين هي سوريا فتحت الحدود مع لبنان في تموز ٢٠٠٦ علشان كانوا بياخدوا علي الراس اللي بتطلع الشيء الفولاني و كانوا عارفين انهم مش جايين يعدوا في سوريا للأبد.. أنا كل صحابي سافروا عن طريق سوريا وقتها و كل واحد دفعله الشيء الفولاني علشان يعدي.. مش انسانية يعني
عاوزنا نعمل كده؟ نوقف واحد يقبض علي الباب.. اللي يدفع يعدي و اللي ما يدفعش يموت جوة؟
أما ممكن أكون كنت معترض علي غلق المعبر بالطريقة دي في الشهور اللي فاتت.. لكن أنا مع غلقه وقت الحرب.. طبعاً غلقه بمعني ما حدش يطلع بس طبعاً مع الدخول المساعدات و الأكل و كل حاجة علشان بس ماحدش يفهمني غلط

الشريف / جمال طة said...

ألأمــــن المصــرى لايقبــض على النصابين



نصاب الشقق التمليك بالمعادى / محافظة القاهرة
الـــــى السيد المستشار / النائب العام

الى السيد اللواء / حبيب العادلى وزير الداخلية


الى السيد اللواء / مدير مباحث أمن الدولة


مطلـــــــــوب القبــــــض
علـــــى نصاب عائلـة الزينــــى

نصاب الشقق التمليك بزهراء المعادى / بالمعادى / بمحافظة القاهرة

المهندس / ايهاب فراج محمد ابراهيم الزينى

وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 11/4 /2007 م وهـذا النصاب صادرا ضدة اكثر من سبعون حكما قضائيا

وعنوان سكنه وعنوان الشركة

شركة الزينى للتعمير 56 طريق مصرحلوان الزراعى / برج بدر أمام فندق المعادى
بطاقة رقم 27003211203839و النصاب يتنقل بين
مدينة 6 أكتوبر بمحافظة الجيزه

و مدينة المنصورة بمحافظة الدقهلية

ومركز بشبيش بطنطا بمحاظة الغربية

واليكم على سبيل المثال لا الحصر بعضا من القضايا المحكوم فيها على هذا النصاببالسجن وهــــى :ــ
ـقضية رقم 5124 لسنة 2007 م ثلاث سنوات جلسة 6/12/2007م
قضية رقم 4075 لسنة 2007م جلسة 3/12/2007 م
قضيه رقم 4073 لسنة 2007م جلسة 3/12/2007م
قضية رقم 28965 لسنة 2006 م جلسة 5/11/2007م
قضية رقم 32112 لسنة 2004 م جلسة 29/7/2007م
قضية رقم 13421 لسنة 2003م سنه حضورى جلسة 12/3/2005و

قضية رقم 5977 لسنة 2008حصر رقم 3316 لسنة 8002 ( ستة أشهر حبس ) بتاريخ 25/6/2008
قضية رقم 6098 لسنة 2008 حصر رقم 2906لسنة 2008 شهرين حبس بتاريخ 4/6/ 2008
قضية رقم 5978 لسنة 2008 حصر رقم 3039 لسنة 2008 / حبس 6 أشهر سجن بتاريخ 11/6/2008

قضيه رقم 6099لسنة 2008م حصر 2947لسنة 2008 ستة أشهر سجن جلسة 5/6/ 2008

قضية رقم 10030 لسنة 2008 حصر برقم 5979 لسنة 2008 سنــــــــــــــــة سجن جلسة 3/7/2008

بالاضافة الــــــى أربعة عشر حكما صدرت ضده باحكام بالحبس شهرا لسرقته التيار الكهربائى بعمارات الرقابة ألأدارية بالبساتين رقم 13 و 23


وماخفــــــــى كان أعظم

جبهة التهييس الشعبية said...

عم مينا

طب لو سمحت ارجع اقرا كلامك تاني وقول لي انهي انسانية في الدنيا تقول الكلام اللي بتقول الكلام ده

يا اخي احنا مش خايفين من ربنا؟

ما تحط نفسك مكان الناس يا اخي

يا اخي اتفرج على العيل اللي اتعمى يا اخي

نقفل المعبر وقت الحرب؟
اهي دي اجدد حاجة في الدنيا

ده الناس بتفتح الحدود المقفولة وقت الحرب بالذات زي ايران والعراق

اقول لك ايه؟

اسرائيل مش بعيدة
تحب نشوف اللي هم شايفينه؟ تحب اللي بيحصل في ولادهم يحصل في ولادنا؟

ويتقفل علينا، ليبيا والسودان وفلسطين يقفلوا علينا عشان خايفين لبعدين نروح ونقعد عندهم

تخيل نفسك قاعد في بلد مقفولة من الاربع جهات والقنابل الفوسفورية نازلة على دماغك وفكر ساعتها وانت بتقول يارب وشوف ح تدعي على مين ساعتها وتقول منه لله


الندالة كويسة مش وحشة
بس اللي يدعي عليك عشان ندل ما تزعلش بقى

يا سبحان الله
زعلانين ان الناس بتشتم ليه بقى
اذا كان ده الكلام اللي طالع من بقنا اهو

عايزين نستندل ومش عايزين الناس توصفنا بافعالنا؟

كده بالدراع يعني؟
يعني نقفل على الناس عشان ندي اسرائيل فرصة تموتهم وبلطجة كده مصر احسن بلد في الدنيا
واللي يقول غير كده نطلع ميتين امه كمان
هو كده بقى
احنا ايه اللي جرا لنا؟
بجد مش خايفين من ربنا خالص كده؟
مش خايفين ربنا يقعدهولنا بالبلدي؟
مش ح اقول لك اللي محمد جابر قاله لمامته لما كانت عايزة تمنعه انه يروح قافلة غزة: يارب يا شيخة اللي بتشوفيه في التلفزيون على ولاد الناس تشوفيه عليا عشان تحسي بغيرك

دوار الحسينى said...

لما دى التصرفات ودن من طين وودن من عجين
هيعملوا معانا ايه
دول نأمن ليهم تانى
المثل بيقول يامأمنه للرجال يامأمنه للمية فى الغربال
هو حد هيرد ويعبرنا ماتتحرقوا هو أنتو ليكو لازمة
المهم رجال الأعمال

Anonymous said...

نوووووووواااااااااارة

سمعتي اغنية مايكل هارت الجديدة؟ روعة انا متأكد انك ح تعيطي لما تسمعيها
:)
انا عارف انك بتعيطي كتير

http://www.michaelheart.com/Song_for_Gaza.html

جبهة التهييس الشعبية said...

دوار الحسيني
هههههههههههههه

عجبتني قوي يا مآمنة لرجال الاعمال دي
:))

تصدق كده تبقى اوقع

انونيمس

ومين مايكل هارت ده يا اخويا؟ راب برضه؟

هات اما نشوف

جبهة التهييس الشعبية said...

الله

ده انا اتفلقت من العياط فعلا
انت عرفت منين اني باعيط كتير؟

انت مين؟

مين مايكل هارت ده؟ ده مشهور ده؟

حلوة قوي

انا ح انزلها واترجمها

TAFATEFO said...

شوفوا بقى .. أهو احنا سايبين أطفال وناس عزل ملهمش لا في ده ولا في ده .. قافلين بابنا في وش اخواتنا في الإنسانيه (باعتبار ما كان لأننا بقينا أنجاس) علشان خايفين ياكلوا أكلنا .. وآل ايه ميخرجوش ؟؟ بتكدبوا على نفسكم؟ .. مره شفت فيلم رعب وهو تلاقيه مشهد مكرر ... اللي بيتقتل وباب قزاز مقفول ودمه وهو عمال يخبط على الباب القزاز الل مغطيه البخار وبعدين اندبح ودمه ساح على القزاز !!!! ودول مش واحد .. دول آلاف

شوفوا


http://video.google.com/videoplay?docid=1953638065269795489&hl=en

TAFATEFO said...

الأغنيه حلوه أوي

Dr.Online said...

من اول ما شفته و انا شاكك فيه

المسلماني

و الشك دلوقتي بيزيد

mido said...

كتبت ردك فى تعليقات المصرى

و تعليقى

Anonymous said...

على الرغم من اني احمل حماس مسؤولية كبيرة فيما يعاني اهالي غزة , ومتفهمة تماما موقف مصر الامني والسياسى ,الا ان هذا لايمنع من فتح المعبر للنساءوالاطفال فقط .

Anonymous said...

احمد سعيد

حياة ...هى فعلا متقسمة 3 مناطق ا-ب-ج
بس المنطقة الاخرانية اللى هى شرق القناة علطول مصر مش حرة تحت السلاح اللى هى عايزاة زى ماقولت
السلاح متحدد كما ونوعاومخصص بانواع قديمة وضعيفة جدا
ولو مصر دخلت بندقية زيادة بيطلع ميتينها وبتدفع غرامة
حتى المشير دان حالوتس يتاعنا لما بيحب يعمل عرض عسكرى عبيط من اياهم شرق الفناة بيبوس رجلين قوات اليو ان علشان يرضو يدخلولو تلات اربع دبابات

شفت الحلاوة


احمد سعيد

Anonymous said...

احمد سعيد

الاخت نوارة
ابنااااااااااائى وبنااااااااتى

زى ماقولتلكم ان الاتفاقية مقسمة سيناء بالطول ل3 مناطق
ا-ب-ج
المنطقة الف شرق القناة مباشرة وتمتد لمسافة قريبة
تتواجد بها قوات مسلحة محددة العدد
والاماكن
ومعروف تسليحها ومنطقة تمركزها لليو ان ولاسرائيل وكذلك تدريبها ايضا
بالخرااااايط

ممنوع دخول اى دبابات متطورة
مسموح فقط بالدبابات القديمة
باعداد ضئيلة
وكذلك الاسلحة المضادة للدبابات

المطارات الحربية محدودة وتختص بطائرات النقل الحربى فقط
ويرتدى افرادها الترينجات بدلا من الزى العسكرى


المنطقة ب
وتشمل قوات حرس الحدود وهى لا تسلح باى اسلحة ثقيلة بل بالسلاح الشخصى
يعنى بنادق زى الداخلية
وتستخدم فى تحركاتها عربات جيب خفيفة وبيتش باجى
زى فيلم عبود كدة


المنطقة ج

لاتتواجد بها اى قوات عسكرية بل شرطة مدنية فقط

وللعلم اسرائيل المفروض انها مقسمة لنفس الثلاث مناطق مع الفرق الكبير فى المساحات طبعا
ولكن المنطقة خلف الحدود مباشرة تمثل المنطقة ج لدى الجانب الاسرائيلى
يعنى لو مشينا من القناة واتحركنا للشرق هتبقى بالشكل دة
أ-ب-ج-خط الحدود-ج-ب-ا
يعنى توغل القوات الاسرائيلية على الجانب الاخر من الحدود المصرية يمثل انتهاك لبنود الاتفاقية
مما يسمح لمصر باتخاذ الاجرائات القانونية ضد الجانب الاسرائيلى بل ويحل مصر من الالتزام بهذة الاتفاقية اصلا

يااااااارب تكونو فهمتم
ومانقولش طور
تقولو احلبوة

علشان تعرفو ان حكامكو صهاينة قلبا وقالبا

لا وخدو عندكم دى كمان

دى بقى جاااااامدة قوى

الخطة السرررية جدا اللى الجيش المصرى عاملها علشان ينفذها فى حالة مهاجمة اسرائيل لمصر

الخطة اساسا بتنص على انة الاستفتاح كدة اننا هنسيب لهم سينا
ونبدا نتفاهم بقواتنا معاهم ابتداء من قناة السويس
والله العظيم ما بهزر
يعنى هنحاول نمنعهم من عبور القناة
انما سينا
علية العوض فيها

وماتخافوش من السرية
لان الخطة دى موجود منها نسخة فى كل كتيبة اسرائيلية

ههههههه
شقى هدومك وصوتى يا نوارة



احمد سعيد

عم مينا said...

تفاتيفو و نوارة

الإنسانية بتحتم طبعاً فتح المعابر للجميع و بدون قيود و لو قلت غير كده ابقي مش بني أدم بس أنا بتكلم هنا من منطلق اني أكون رئيس دولة لها حدود و لها أمنها القومي.. هي دي الحقيقة المرة.. انك اما تكون رئيس دولة لا تتعامل مع الأشياء بانسانية.. و لكن لازم تتعامل بما تراه في مصلحة بلدك.. يعني كإنسان الواحد المفروض يكون مؤمن ان كل البني أدمين اللي عايشين في العالم زي بعض و حياتهم لها نفس القيمة.. و لكن كرئيس دولة مصلحة بلدك و مواطنيك أهم من أي شيء
هي دي حقيقة السياسة الوسخة اللي في العالم.. كل دولة مستعدة تعمل أي حاجة من أجل مصلحتها.. أمريكا مستعدة تقتل مليون بني أدم علشان تؤمن البترول لشعبها في السنين اللي جاية.. اسرائيل مستعدة تبيد شعب باكمله لتوفر الحماية لمواطنيها.. حماس مستعدة تضحي بخيرة الشباب الفلسطيني من اجل قضيتها.. اشمعني احنا اللي عاوزنا نبقي بني ادمين؟؟

عم مينا said...

أه و يا طفاطيفو طبعاً المسيحية ما امرتناش بكده.. و لو كان ربنا هو اللي بيحكم كان قال افتحوا المعبر.. بس للأسف نحن نعيش في زمن قبيح ليس للتعاليم الدينية مكاناً فيه.. لو حد ضربني علي خدي الشمال و روحت مديله اليمين.. هيضربني علي اليمين و الشمال و دماغي كمان

جبهة التهييس الشعبية said...

عم مينا
معلش يعني انت على اساس بتقول ان حماس ما عندهاش مانع تضحي بالناس؟

عشان بتقاوم؟

يا مينا انسى ان حماس اخوان واحكم بالعدل

عم مينا said...

يا نوارة و حياة أبويا أنا مش بتعامل مع حماس علي اساس انها اخوان.. و مش بعمل زي الناس اللي بتحمل حماس مسئولية الحرب و بكده بتعطي شرعية لهذه المجزرة و لو دخلتي عندي في المدونة هتلقيني رديت علي كذا حد من اللي كانوا بيحاولوا يشيلوا الليلة كلها لحماس

أناأما قلت حماس ما عندهاش مانع تضحي بالناس ما كانش قصدي علي الحرب دي.. بس قصدي عمتاً يعني.. يعني عمليات استشهادية.. يقتلوا في بتوع فتح شوية و كله في سبيل قضيتهم.. و علي فكرة ده مش اعتراض مني علي مبدأ المقاومة في العموم لأن المقاومة شيء نبيل جداً و لكن مقاومة حماس مقاومة غبية.. و ده رأيي الشخصي..

في النهاية أنا كل اللي كنت أقصده ان مفيش حد بقي عامل قيمة لحياة الإنسان اللي هي أغلي شيء في الوجود.. أرواح الناس أصبحت أرقام ليس أكثر في سبيل تحقيق الهدف و المصلحة.. علشان كده مش بعتبر موقف مصر حاجة غريبة.. لأنه متماشي مع كل الناس اللي حوالينا

جبهة التهييس الشعبية said...

يا سيدي طز في حماس

البني ادمين يا عم مينا

انت فاهم يعني ايه قطاع بحاله بيتمحي من على الخريطة والعالم بيتفرج واحنا قافلين عليهم لبعدين يجولنا

يا عم مينا احنا بقينا وحشين ما بقيناش كويسين

تلاتين سنة طوارئ وذل والعيل بيتفتح وعيه على مدرعات الامن اول ما يسيب ثانوية عامة ويروح الجامعة مدرعات الامن محاوطاه من كل حتة كأنه مجرم مش طالب جامعة

ووصلنا رسالة انهم ما لهم حدود وما عندهمش سقف لحد ما بقينا جبنا
بقينا خايفين من اي حاجة وكل حاجة والخوف اتمكن منا لحد لما ما بقاش عندنا انسانية ولا رحمة

فاكر لما السودانيين جم وبهدلناهم ونيمناهم في الشارع والبوليس قتلهم في الشارع وكمان الناس كانت مغلطاهم هم قال ايه عشان بيشربوا خمرة

احنا ما بقيناش بني ادمين

اللي بيموت في القصف اهو بيموت ويرتاح

احنا عايشين ميتين

تقدر تقول لي تمانين مليون بني ادم
ايه قيمة حياتنا؟
بنعمل ايه؟
ايه الاضافة اللي بنقدمها للدنيا
لو العالم صحي الصبح ما لقاش مصر ايه اللي ح يحصل؟
ايه اللي ح ينقص؟
ووصل بينا الامر اننا مستخسرين مأوى في ناس عايزة تهرب عندنا من قنابل فسفورية عشان احنا مش عايزين حد

مش بنفكر للحظة اننا نحط نفسنا مكان حد
ما بنعملش حاجة يا عم مينا
ما بنعملش حاجة ويوم ما نعمل نضر ما ننفعش

ايه اللي عمل فينا كده؟

عم مينا said...

غياب العدل يا نوارة