Tuesday, 13 January 2009

عاااااااجل: مصر ترفض رسميا الدعوة الى القمة العربية

لا بقى
فيه ايه؟
فيه ايه؟
احنا ح نسكت؟
 ح يشنقونا ونسكت لهم

44 comments:

maha zein said...

يا الهي انا مقرتش ولا سمعت لسة
ده بجد؟
يخرب بيت اهاليهم
ايه يعني في ايه وايه المبرر
ده احنا اتفضحنا في العالم
وربنا اي حد يشتم في المصريين لا اشتم معاه
لما حكامنا خلونا معيرة يبقه حق اي حد يشتم فينا

maha zein said...

طيب يجتمعوا من غير مصر ويعملوا هما حاجة ويسيبهم من مصر ويرموا طوبتها بقه
ولما مصر تحس انها بقت عاملة ذي كوز الدرة سعتها هتعرف ان الله حق
وربنا لو امريكا دخلت وضربتنا ما حد هيقف معانا
وكله هيتف علينا

العالم العرب دوول عالم كلاب
ساعة حرب الخليج ولاناا كنا هنحارب دولة عربية ذينا وهي العراق
الكل جري والكل اعلن ولاءة وقالوا لا والف لا واذاي ومعرفش ايه
وكل واحد فرح اوي في انه هيحارب العراق
لكن احنا شعب بيعرف يقتل بعضه
لكن نتشطر علي الغريب
يبقه لا

مواطن مصري said...

قالة مش مصر الي دعت في الاول لقمة و العرب رفضو و العرب بيدعو الان

خلي قطر بقى تحلها

Dr.Online said...

دحلان: أنا سعيد بالضربة الإسرائيلية لحماس


اتفضلوا

دي بقت زيطه

http://www.moheet.com/show_news.aspx?nid=211074&pg=1

مواطن مصري said...

انا مش عارف اية لازمة جامع الدول المهلبية و مخدناش منها غير وجع الماغ الاحسن نسيبها و نشوف جامعة الدولا لافريقية

مواطن مصري said...

نوارة بصي ابراهيم عيسي فاكرة حلقة القمة العربية قمة البرود و قمة السخافة و قمة التناحة


http://www.youtube.com/watch?v=FEfRCtJaN1k


ههههههههههه و الله اكنة بيقول على الايام دي

محمد الكومي said...

نوارة

معلش يعني و هو القمة هتعمل ايه

في حاجات دبلوماسية احسن

سحب سفير طرد سفير

في حركات تهويش

اعلان تاهب عسكري

استدعاء قوات احتياط

انما قمة عربية و نخع

اظن خسايرها اكتر من مكاسبها

TAFATEFO said...

لإي واحد كويتي دلوقتي وضح ان وزراء الخارجية العرب هيجتمعوا كمان يومين تمهيداً لقمة عربية اقتصادية .. وانهم هيبحثوا الطلب القطري ووارد جداً يغيروا اسم القمة الاقتصادية ويوسعوا جدول أعمالها باعتبارها قمة من اجل غزة .. يعني مكان القمة يفضل الكويت وتبقى قمة تشاورية برضه

هو كلامه منطقي شويه بصراحه

هو بيقول ا مش معقول يجتمعوا في الكويت ويرجعوا يجتمعوا في الدوحه .. ما هم هيجتمعوا في الكويت ويقرروا وقتها المطلوب .. وأدرجوا الطلب القطري في جدول أعمال القمة

وبعدين هو حد مستني منهم حاجه؟؟

جبهة التهييس الشعبية said...

بس بقى
بس بقى
انا باكلم نفسي؟ باكلم نفسي؟
مصر مش عايزة تروح القمة عشان ما حدش يقول لها افتحي المعبر ولو اتوصولوا لقرار تجميد العلاقات مع اسرائيل ما تلتمزش بيه

انتوا مش شايفين؟ ح تشوفوا امتى؟
احنا بنقتل اهل غزة

مصر مقدمة مبادرة لوقف اطلاق النار وابقاء الاحتلال في غزة وتعهد حماس بعدم تصنيع السلاح او تطويره او اطلاق اي صواريخ تاني ابدا

انتوا مش شايفين؟
مش شايفين؟

TAFATEFO said...

قرار تجميد العلاقات مع اسرائيل ما تلتمزش بيه

هو حضرتك مصدقه؟؟ هو حضرتك مش عارفه المبادره العربيه بتقول ايه؟؟

شكلك عايزه تسمعي وجدي غنيم قال ايه امبارح في الجزيره مباشر .. وبهددك اني أسمعهولك لو مسحبتيش كلامك بخصوص انهم يقرروا تجميد العلاقات

وقد أعذر من أنذر

جبهة التهييس الشعبية said...

قال ايه وجدي غنيم؟
انا ما باحبوش
يا ناس انتوا مش شايفين؟ مش شايفين ان مصر رسمي بتاخد صف اسرائيل بشكل معلن
مش شايفين ان الحكومة المصرية قلعت لنا ملط؟
فيه ايه؟
فيه حاجة
اتاري الراجل كان طالع يجعر ويزعق

عربية said...

حراااااااااااااااام

جبهة التهييس الشعبية said...

انتوا واكلين تاطورة
وللا انا اللي بقيت حساسة زيادة

TAFATEFO said...

مصر دعت لايه يا حبيبي؟؟ مصر من الأول للآخر رفضت عقد قمة عربية

انت عايز العروش العربيه تتحرك وتروح تبحث مسألة غزة .. هما ناس عندها ضمير .. يقتلوا القتيل لكن ميمشوش في جنازته

صدق والله مظفر النواب حين قال "أولاد القحبة" ونفسي أعرف مين القحبه دي علشان لازم تنول جزاء عملها

بس بيتهيألي ان القحبة هما الشعوب العربية وانهم ولله الحمد واخدين جزاءهم تالت ومتلت

TAFATEFO said...

لا حضرتك عايشه في وهم ان القمة العربية ممكن تطلع قرار .. بذمتك امتى آخر مره طلعت قرار؟؟ وبعدين فاكره مصر هتجمد العلاقات مع إسرائيل؟؟

دي تمثيليه .. رخيصه

وبعدين يجتمعوا بعد 18 يوم من العدوان .. ميجتمعوش أحسن أبوس ايدك دول مبيجيش من وراهم غير المصايب

tarek momen said...

وليه الخبر يقول مصر ترفض الدعوة للقمة
هي مين مصر
انا و انتي
ولا البهوات اللي ليهم اجندة خاصة و واضحة للأعمي
هما اللي رفضوا القمة
لأنهم هما اللي هايحضروا و ممكن يتهزأوا
من الآخر
لايوجد منهم رجل رشيد

لقد خلقنا الله احرارا said...

انا قلت والله البجاحة والخيانة والغباوة والفجر والانحطاط والعمالة والكفر والانبطاح هيبقوا عينى عينك الظاهر ان نهايتهم قربت ماهو ربنا سبحانه وتعالى بيعفو مالم يجاهر العبد بالذنب لكن دول فجرة انا عايزة اخبى وشى اروح فين من نفسى ومن العرب والمسلمين ومن ربنا سبحانه وتعالى انا عماله اسمع لنفسى علشان مانساش واشتمها وهى حبيبتى ياناس ياهوه حسنى مبارك مش مصر سرور والشريف وعز والشاذلى وممدوح اسماعيل وهانى سرور ويوسف عبد الرحمن وابو اليط والقط ونافع والدقاق والفقى واحمد ماهر مش مصر كامب ديفيد مش مصر الغاز اللى رايح اسرائيل مش مصرى الحزب الوطنى مش مصر مصر والله ياناس انضف من كده بكتير ليه تذلوها كده مفيش فى قلبكم رحمة بتقارنوا مصر بقطر بتتطلبوا من مصر تسيب مكانها ومكانتها ودينها وامنها وكرامتها وعزتها لقطر؟ لقطر؟ حسبى الله ونعم الوكيل ياامة ضحكت من جهلها الامم -----مواطن مصرى انا اسفة جداااااااااااا بس انت جنس ملتك ايه؟

TAFATEFO said...

آه .. وبعدين على رأي الكومي

دي تمثيلييييييييييييههههههههه

يعني هو طرد السفير أو سحب السفير أو تجميد العلاقات محتاج قمه؟؟ طالما القمه دي مش بدعوه موريتانيه (هي موريتانيا علشان بعيده عندهم دم شويتين) يبقى مفيش اقتراحات الأحلام اللي حضرتك بتتكلمي عنها دي

مواطن مصري said...

ابراهيم عيسي قال قمة السخافة و قمة الانحطاط و قمة التناحة بس لو معمر هيروح هتفرج ع القمة
:)))

Anonymous said...

To Mustafa,

would you please post the video of Wagdy Ghonaim you mentioned?

Thanks and Regards,

Founoon said...

كلهم بيمثلوا على بعض وغزة بتتحرق

تمثيلية بايخة

قرارات ايه اللي هيطلعوها ومصر مش عايزة تلتزم بيها يا نوارة ؟

هما يقدروا يبطلوا يصدروا بترول لامريكا ؟ يقدروا يطردوا الامريكان اللي محتلين بلدهم بالقواعد اللي هناك ؟

كلنا في الهوا سوا
وكل دي تمثيليات
ولا حدهيطلع قرارات ولا اي حاجة من احلامك دي نوارة

وجود مصر من عدمه مش هيغير من الوضع شيئ

كلنا مالناش لازمة

Anonymous said...

http://www.youtube.com/watch?v=tUis_EWU40U&feature=related

لقد خلقنا الله احرارا said...

على فكرة كلنا متاكدين ان مؤتمر القمة مالوش لازمة بس الرحمة اتكسفوا شوية من نفسكم اكدبوا علينا زى زمان يا ظلمة ونددوا واشجبوا هانت عليكم بلادكم للدرجة دى هان عليكم الدم طب السرقة والاستبداد والتوريث والغباء والفشل وكنا ساكتين كمان الخيانة مش قادرين تداروها حجج فارغة وكلام اهبل لو عايزين يعملوا قمة كان من اول ثانية -- لكن ارجع واقول الخايبة اسرائيل هى السبب جابت لهم الكلام قلتهم اقفلوا المعبر قفلوه اكنه بيودى على الجنة شوهوا صورة حماس قاموا بالواجب وقالوا بنت اللذين لازم تتربى مقاومة واسلامية وكمان المجرمة ارتكبت الفاحشة ونجحت فى انتخابات نزيهة جوعوا الناس وماله جوعوا تصحوا بس يااسرائيل ياحبيبتنا متحرجناش خلصى بسرعة ساعتين واقلب وشنا اسود من فضيحتك مع االشيعى الرافضى اللى عايز قطم رقبته نصر الله اهى غزة اهى حتة صغيرة فرجينا طيرانك اللىهو ذراع اسرائيل الطويلة ورينا شغل المدافع اللى لسه بورق الفابريكة الامريكانى لكن الخايبة عمالة تدبح فى الناس اه بس مش عارفة تخلص يبقى الغلطة غلطة مين ؟

Anonymous said...

الاخت نوارة
لا انتى مش حاسة زيادة ولا حاجة
بالعكس الوضع اسوأ بكتييير مما انتى متخيلاة

الاخت مها زين
ياريت ماحدش يفتح بقة ويرد على اى حد بيشتم مصر
لانة بصرف النظر عن اغراضة من الشتيمة
مافتراش علينا ولا قالش حاجة غلط
بالمناسبة يحضرنى مثل هو ولا مؤاخذة قبيح شوية بس ينطبق تماما على موقف مصر دلوقتى
المثل بيقول
اللى يعرى.... مايشتكيش من كتر........


ومصر مش هتحس انها كوز
لان مصر على المستوى السياسى مايهمهاش العرب
لانهم فاكرين انهم اختارو الورقة الرابحة بأنهم رمو نفسهم فى حضن امريكا واسرائيل
مايلزمهومش العرب فى حاجة
ودة سر البجاحة اللى فيها الحكومة المصرية اليومين دول
اما الشعب
فى غيبوووووبةعايييييش فى مية اللفت
وبيقول المهم اننا عايشين
وهيدفع تمن دة قريب جدا
ودم اللى ماتو فى غزة هندفع كلنا تمنة قريب
هنمر بايام اسود من السواد وهنترحم عالايام السودة اللى احنا عايشينها دلوقتى
وهنقول ولا يوم من ايامك يا حسوسو

ماتخافوش
الشعب المصرى هيفوق
بس هيفوق بعد ما ينسك قلم جامد
جامد قوى
اجمد من قلم سبعة وستين
واجمد من اللى بيحصل فى غزة دلوقتى بكتييييييير

الاخ مواطن مصرى
مش هاعلق على كلامك

الاخ تفاتيفو
هههه
حرام عليك نفسك
(كلامة منطقى شوية)
ممكن تبص فى المراية
وانت بتقنع نفسك بالكلام دة؟

الاخ محمد الكومى
ياعنى بالذمة اللى مش قادرين يعقدو قمة
هيقدرو يسحبو السفير؟؟؟؟


..........
احمد سعيد........

mido said...

انتوا واكلين تاطورة؟

----------------
@nawara

يعنى ايه تاطورة ؟

جبهة التهييس الشعبية said...

يا بنتي انا سكت عشان هم عمالين يقولوا مهاترات

من امتى يعني حسني مبارك بيقاطع القمم عشان مافيهاش فايدة؟
ده هو طول عمره يموت في المنظرة اللي مافيش منها فايدة وطول عمره يقتل القتيل ويمشي في جنازته وهو اللي يدعو لقمة عربية ويجيب الناس ويتمنظر ووابوري رايح وابوري جاي

هو رافض القمة دي عشان الفلسطينيين قالوا احنا عايزين مصر بالذات هي اللي تدعو لقمة عربية ضروري وعايزين نقعد في قمة بدعوة مصر

ولو كان القمة دي مافيهاش فايدة كان سمع الكلام ودعا للقمة عشان يغسل وشه بدل ما كل الناس واكلة وشنا من تحت راسه وعمالين يقولوا مصر متآمرة مع اسرائيل

وفضلوا مستنيين كل ده عشان مصر تدعو وما دعتش
لحد ما قطر قالت: لو مصر مش ح تدعو احنا ندعو

راحت باعتة اعتذار
من امتى مصر بتعتذر عن قمم؟
من امتى مبارك ما بيحشرش راسه في اي حاجة هايفة؟

بصي انا روحي في مناخيري وعيانة وخلقي ضيق ومش طايقة حد

امبارح القصف كأعنف ما يكون
ومصر النهاردة طالعة تقول: حماس تتعهد بعدم اطلاق الصواريخ وعدم تصنيع او شراء او تطوير اسلحتها لمدة عشرة خمستاشر سنة والاحتلال يفضل موجود في غزة

ده اسمه ايه؟
ده اسمه ايه؟

يعني ياريت نمسك الاحداث بالتسلسل عشان تعمل لنا منطق بس
1- مصر عمرها ما رفضت مؤتمر قمة
2- امبارح اعنف قصف اسرائيلي على غزة
3- النهاردة مصر بتقول بنزع سلاح حماس
4- بعدها مصر بتبعت اعتذار رسمي
اعتذار رسمي
عمرها ما حصلت
اعتذار رسمي عن القمة العربية

وتقولي لهم ح يموتونا يا كلاوي
يقولوا لك ما تبقاش شكاك قوي كده

يبقى البتاع في التباع والناس صايبها ذهول وان حد قال ده البتاع يقولوا له مش معقول

TAFATEFO said...

ده موقف الجبهة الشعبية من مبادرة الاستسلام المصريه وكلام زفت الدقاق .. وكلام النائبة الأردنية

وده موقف حماس بلسان موسى أبو مرزوق والبنود اللي بتتعدل وموقفهم من القوات الدوليه ومدة التهدئة

Founoon said...

بمناسبة كلاوي

فاكرة لما ياسمين عبد العزيز قالت لاحمد عز في نفس الفيلم لما كان عايز يبوسها انا اعرف ان ولاد البلد جدعان
قام قالها لا لا لا احنا اتغيرنا خااالص

اهو الريس اتغير خااالص بردو :)

في حاجة مريبة مريعة بتحصل

ولا دا بجكم السن

اصل بردو ياختي خلايا المخ هتفضل شغالة بكفائة لحد امتى ؟ اكيد ليها عمر افتراضي

TAFATEFO said...

أقنع نفسي بايه؟؟ أنا مش عارف أصلاً ليه قمة عربية .. بيفكروني باللي قاله البشير .. قمه عربيه علشان نبعت بطاطين .. الموقف يتاخد دلوقتي .. ولو دولة واحدة أخدت موقف .. هترحج كل الدول

تقولولي قمه عربيه بعد كام يوم .. يعني بعد أكتر من 20 يوم على المحرقة .. بعد أكتر من ألف شهيد

عقل ايه اللي يقول كده بلاش قرف

يعني لو القمه هتقول قطع العلاقات وطرد السفراء .. لو قطر قطعت العلاقات وطردت السفير .. مش يبقى أجدى من قرار لن يصدر أبداً وناهيك عن انه لن تتم الدعوه إليه في القمه العربيه

مين بيكدب على نفسه ويصدق

دي أكتر حاجه بكرهها في الدنيا .. اللي يكدب على نفسه ويصدق

يا أخي والله القمه العربيه بالنسبه لي ملهاش فايده غير انها يتزيد احتمالات ان زلزال ولا صاعقه تاخدهم كلهم مع بعض بأقل الأضرار

والله العظيم

محمد الكومي said...

نوارة

قصدت ان اللي بيحصل مالهوش رد دبلوماسي قليل زي عقد قمة

ده ليه رد دبلوماسي عنيف و بعده ممكن يتطور لان اجنا المفروض يعني بندافع عن امننا القومي

و لتاني مرة

بالراحة و بهدوء

ايه اللي هتعمله القمة

بالمناسبة طبعا انا معاي ان الحكومة قالعة مالط


لا دي كمان عاملة زي اللي مصدرها لاسرائيل يعطوا فينا بالجامد

بس ايه ياخد الريح من البلاط

يعني ساكتين 3 اسابيع و جايين

يقولوا دلوقتي نعمل قمة و قاع و قاعدة

و في الاخر انا و انتي و اللاخوانجي و الثوري و الحماسي و الفتحاوي و المسلم و المسيحي و اليهودي و الكافر عارفين ان مش هيحصل حاجة بعد القمة

احنا نركز على تحركاتنا الشعبية افضل

القمة العربية في ظروف زي دي و في وجود انظمة متخاذلة و متوطئة زينا و انظمة مشبوهة زي انظمة الخليج

هتولد مزيد من الخلافات و مش هتوصل لحاجة يا نوارة

ده رايي

واحد كان مفقوع واتبضن من الحكومة said...

تعليق على موقف مصر



a7a

جبهة التهييس الشعبية said...

عايز يجيب ابنه

TAFATEFO said...

آل قمه عربيه آل

بلاش قرف بقى وقلة أدب .. ملعونهم يبعدوا .. يشوفوا شافيز .. هو شافيز دعا لقمه .. الرجل أعلن السفير الإسرائيلي شخص غير مرغوب فيه وطرده هو وموظفي السفاره .. وبعدين تقولولي قمه؟؟!!

ليه القمه ؟؟ هتقرر ايه القمه؟؟

كانت عملة ايه اتفاقية الدفاع العربي المشترك؟؟ كانت عملة ي الإنسانيه أصلاً؟؟ ولا قرارات مجلس الأمن؟؟!! كانوا عملوا ايه العرب

مسمعتوش كلام أولمرت النهارده؟؟ أهو اسمعوه معناه ان الرؤساء العرب ملهمش لزمه .. وان محدش بيقيملهم وزن .. واني بتليفون غيرت اتفاق كوندي معاهم وهي قلبتهم بكلمه مني

وتقولولي قمه ؟؟ ربنا ياخدهم أو ياخدنا ويفضلوا فيها لوحدهم

ده طبعاً مينفيش ان كلنا أنجاس

محمد الكومي said...

بمناسبة المحروس ابنه

انا سمع انه هو اللي نجح حماس في الانتخابات


و هو اللي بيهرب لهم سلاح من الانفاق

بس مش جدعنة

هو بيهرب سلاح عشان هما يضربوا و يبين للعالم كله ان ادي حكم الجماعات الاسلامية

و الاخوان هيبقوا كدة في مصر

و هيهددوا مصالحكم و يحالفوتا مع حماس الخ الخ الخ

شفتوا بقى يا اسيادي الامريكان ان جمال ابن حلال

Founoon said...

طب ما يجيب ابنه

يجيبه ياختي

بس يرحم الناس شوية

انا ماعنديش مانع يجيب ابنه
1- اهوبردوتغييره او الخلاص منه هيبقى اسهل بكتيييييييييير

2- حافظ الاسد السوريين كانوا بيكرهوه جدا ودلوقتي بيحبوا بشار اوي
يمكن تحصل معجزةونحب جيمي

يعني قصر الكلام
حتى لوعايز يجيب ابنه مش كدا والله مش كدا دا كره الدنيا فيهم

لا يا شيخة الريس كان اذكى من كدا

في حاجة عجيبة تانية
هو العمر الافتراضي بتاع المخ اكيد

TAFATEFO said...

ودهاتصال مع سيدة من خزاعة اللي بتتعرض لقصف رهيب من امبارح ومحاصرين وبيهدموا بيوتهم ومانعين وصول طواقم الإسعاف ليهم .. شاهدة عيان .. واحنا شهود عيان منفرقش عنها .. غير انها الضحيه واحنا الجلادين

قمه عربيه .. 1000 شهيد .. وأكثر من 5000 مصاب .. ومئات الآلاف من المدمرين والمشردين والفاقدين الأمن وبعدين قمه عربيه

سعيد صالح قال .. أحيه أحيه أحيه

رئيس جمهوريه نفسى said...

نوارة انا ابتديت احس انى حسنى بيتهدد اه واللة اصلى موقفة دة عامل زى البنت اللى اتصورت فى اوضة النوم مع عشيقها وبتتهدد بالصور والافلام فاسترى على من ستر يا اختى وارحمى اعصابك حرام عليكى نفسك

لقد خلقنا الله احرارا said...

انت تاعبة نفسك اوى على فكرة بتشرحى لمين ؟ الصورة واضحة زى الشمس الناس دى جهروا بالعجز والخيبة والخيانة قمة ايه اللى هنقعد نتخانق عليها وحاجات ايه اللى عمالة تعديها زى ماقلت لك اسرائيل مخلصتش المطلوب منها بسرعة فاتفضحوا البعدا هو مش الفقى اللى دخل المجلس بانتخابات مزورة كان مقهور اوى من حماس وقال مصر مش هتقبل امارة اسلامية على حدودها على اساس يعنى اننا بنعبد البقر والبقرة الام هتزعل مننا والله ده احنا غلبنا قريش فى عزها ده العرب الكفرة اللى كانوا بيسجدوا لاصنام انضف مننا كان عندهم نخوة وكرامة وقطعوا صحيفة المقاطعة وصعب عليهم ياكلوا والمسلمين الصابئين جعانين وبنى هاشم كانوا لسه مشركين وسابوا بيوتهم وقعدوا مع النبى عليه الصلاة والسلام فى الحصار والكفار الكفار الكفااااااااااااار كانوا يعملوا عمايلهم السودة ويكلموا النبى صلى الله عليه وسلم ويحلفوه بالارحام لكن ايه الندالة بعينها الناس بتموت وبنتلكك علشان خطوة تافهة وفاشلة وملهاش لازمة اسمها مؤتمر القمة اشتم اقول ايه بس لا مش هاشتم مش هقول غير حسبى الله ونعم الوكيل

حـنــّا السكران said...

http://www.al-akhbar.com/ar/node/112625

مقال مهم للدكتور سماح ادريس

حياة said...

واحد بس يقول على قرار صدر عن جامعة الدول العربية وتم تنفيذه انتم فاكرين ان القمة حتقول لاسرائيل وقفى اطلاق النار حتوقف
وعمار يا مصر
ولك الله يا غزة

Anonymous said...

الاخ ميدو
بصفتى راجل سطلى قديم
وصاحب تاريخ
اقولك يعنى اية تاطورة
الداتورة هى نبات برى يشبة البتنجان
وبيعمل ازبل دماغ فى التاريخ
ازبل من البانجو بكتيير
وبيبهدل اللى بيشربة ويخلية يطوح ويتمشكح احسن من السكارى
وعلشان كدة بينضرب بية المثل
وممكن تعاطية لوحدة

وقديما ايام الفتوات فى الحوارى فى اوائل القرن
كانو بيخلطوة بالافيون والكوكايين والحشيش
ويسموة المنزول
الداتورة حاليا ماعدش حد بيستعطاها اساسا
وقليلين قوى اللى يعرفو هى اية
لان دماغ الكلة احسن منها

ملحوظة: انا عمرى ما دوقتها هى ولا الكلة ولا البانجو

كلامى دة نتيجة ابحاث شخصية ودراسات وقرائات
والله اعلمممم


احمد سعيد

Anonymous said...

بصو يا جماعة
انا معاكو ان القمة دى فاشلة اساسا من قبل ماتنعمل
القضية مش كدة لان دة موضوع اتعودنا علية من زمان
المشكلة ان بقى فية دول عربية بتسد الطريق وبتمنع عقدها اساسا
يعنى التعريس والعمالة بقت بالمفتشر

والبهوات اللى بيقولو لن نذهب لعقد قمة تنتهى بتوزيع البطاطين
ومثل هذة التصريحات اللى بيوهمو شعوبهم بيها انهم بقو بيفكرو بايجابية

هم اصلا مش هيقدرو يبعتو البطاطين علشان طنط ماتزعلش منهم

وبيدارو على خيبتهم بالتصريحات الخايبة اللى زيهم

فعلا صدق اللى قال

السياسة اقذر مهنة فى التاريخ



احمد سعيد

TAFATEFO said...

اللي قاله وجدي غنيم امبارح

TAFATEFO said...

الأرض لا تشرب الدماء