Saturday, 17 January 2009

ده اسمه كلام؟

هو ماله؟ ايه اللي مزعله؟ بيتصرف بعصبية ليه هو مش كان هادي زمان لدرجة انه كان بيشلنا؟
عامل قمة حول غزة في شرم الشيخ بمشاركة دول اوروبية وعباس
يعني الطم يقولوا الولية اتجننت، يعني مثلا بالعند في اللي عملوا قمة غزة اللي دعوا ايران وفنزويلا وبالعند في كوندي وليفني اللي طنشوه راح عمل لوحده قمة تالتة: يا سلام، هو انا شوية؟ ده انا اعمل تلاتين قمة واجيب اعاظم الناس
طب قمة الدوحة ما كانوا عايزينه، هو ايه اللي بينهم وبين ايران وفنزويلا انا عايزة افهم، ده الراجل نجاد طالع يقول: انتوا بتتخانقوا معانا ليه؟ احنا بنتمنى لكوا كل خير وعزة وكرامة
ههههههه
يادي الاحراج
وبعدين لينفني وكوندي عايزين يا اخي يقعدوا مع بعض شوية، انت مالك، ما تبقاش عزول ياباي
انا عايزة افهم يعني ايه لازمة القمة الاورومبية العباسية الشرم شيخية؟ هم مش كانوا بيقولوا اي قمة قبل قمة الكويت يبقى بتحطم امال قمة الكويت على صخرة الواقع؟ وامبارح جهاد عودة يقول: دخلتوا ايران في شئون العرب، دي اول مرة تحصل من ايام عبد الناصر
هههههههههههههه
طيب وهو ايام عبد الناصر كان بيعمل قمة عربية بحضور دول اوروبية؟ على الاقل الايراني والفنزويلي شبهنا، ممكن حد يتلخبط ما بينا وما بينهم، وبعدين هم اللي محموقين عشانا اكتر ما احنا محموقين عشان نفسنا

18 comments:

مواطن مصري said...

القاهرة - محرر مصراوي - أكد الرئيس حسنى مبارك أن مصر تعمل على تأمين حدودها مع إسرائيل وقطاع غزة ولن تقبل ابدا أى تواجد أجنبى لمراقبين على أرضها وأن ذلك خط أحمر لن أسمح بتجاوزه .

وقال أن مصر قدمت من أجل القضية الفلسطينية مالم يقدمه أحد من تضحيات وبذلت جهودا مضنية لوقف العدوان الإسرائيلى على قطاع غزة وأدخلت من معبرى رفح والعوجة الأطنان من المساعدات والإدوات الطبية كما إستقبلت المئا
ت من المصابين الفلسطينيين للعلاج بمستشفياتنا

http://www.masrawy.com/News/Egypt/Politics/2009/january/17/mubarakgazasp.aspx


ربنا يسترررررر

أكون أو لا أكون said...

هم إمبارح معترضين بيقولوا عملتوها قمه إسلاميه...!!! قام اليوم "خوسني" عملها أوروبيه... الله الله على التناقض... الرجل ده خرف... وبدى "يربّد" (يعني يلخبط) الراجل ده لازم يتحجر عليه.

مواطن مصري said...

مش مممكن الريس يفجر قمبلة زي ما هيفجر عمرو موسى قبملةةةة

جبهة التهييس الشعبية said...

مواطن
مالك يا مواطن
خايف من ايه؟

اكون او لا اكون
اه
وبقى عصبي

طالب ثانوى said...

فى ايىة يامواطن انت تقصد يعنى حرب وبتاع انا متهيالى مستحيل تحصل حاجة

مواطن مصري said...

مش عارف مش مطمن


شكل السنة دي هتكون سنة سودة علينا

isawi said...

هل تعلمون ان شحنة الاسلحة المقرر ارسالها لاسرائيل من امريكا تحتوي على اسلحة غير تقليدية لتجربتها على غزة وتستخدم لاول مرة
ويا خوفي تكون الي شوفتها على اليو تيوب

بالله عليكم تشوفوا هالرابط عن سلاح جديد

http://www.youtube.com/watch?v=HGHIaESwKgQ

مواطن مصري said...

ما العراق كان نفس السيناريو نبعت مفتشين صدام يقولك لا اسمح ولا اعمل لا اقبل يجي المفتشين يطردهم تاني يوم لغاية ما جم ب الدبابات

isawi said...

ياعم الحرب لو اندلعت احسن من حرقة الا عصاب اللي احنا عيشينها...... وبحب اطمئنك ان اسرائيل لا يمكن لها ان تشن حربا اخرى قبل اعوام
بسبب الانهاك الذي اصابها في غزة

مواطن مصري said...

اسرائيل ممكن تعمل ضربة جوية صاروخية زي النكسة


و نرجع تاني ل يام 67

و تحاصر مصر بقررات دولية زي العراق

Anonymous said...

أنا مش قلقنى إلا قمة شرم الشيخ ديه

حد يفكرنى أى قمة إنعقدت فى شرم الشيخ و جه من وراها إلا كل شرررررررر .. من أول قمة شرم الشيخ 96 اللى إجتمعوا فيها عندما بدأت العمليات الإستشهادية تؤتى أُكلها

الأمر الآخر ..أنا كل ما عوكل يقف و يخطب فى وسط الأحداث السودا ديه باحط إيدى على قلبى .. طبعاً فاكرين أيام حرب الكويت .. كان كل ما يظهر عوكل و يوجه خطاب لصدام .. بعدها تتوالى المصايب

بجد أنا بأه عندى إقتناع تااااااااااام إن عوكل ده صهيونى فعلاً ... الأول كنت فكراه بيستهبل و على قد علامه ..و إنه راجل ضيق الأفق و يميل لتجميد كل شئ ... لكن طلع لألألألأ ده متعمد يضر و يفسد كل شئ

ماجد said...

طيب ما نخلى عندنا حسن نية ونقول يمكن الراجل دة فاق وعرف انة غلط غلطة عمرة وبيحاول يصلح او نقول انة كان بس عاوز يكسر حماس ويعرفها اهميتة اية علشان بعد كدة يبقوا يسمعوا الكلام او نقول ان عارف ان اسرائيل قررت تخلع من غزة فحب يبان انة مهم وال يعنى راجل لة كلمة وعندة شخصيةوانا برجح واحد من الاحتمالين الاخيرن

Anonymous said...

وهاعيد كمان علشان اللى ماقراش يقرى
بصو يا جماعة
اللهجة الجديدة للدبلوماسية المصرية اعتقد ان سببها الاتى
مبارك كان يعتقد ان الاحداث الاخيرة كانت ستقضى على حماس بشكل كامل
ودة السبب فى انة كشف عن وجهة القبيح واتصرف بدون حياء او حذر
على اعتبار ان كشف الورق دلوقتى مش هيضر

بس بعد ما اكتشف ان الموضوع بيتقفل وحماس لسة موجودة
اكتشف انة اتكرت على قفاة
وانة طلع خسران فى الاخر
امريكا واسرائيل قالولة اركن يا مدهول فى حتة ناشفة
انتا معدتش لازمنا
لانك عجزت
ومبقيتش قادر تشوف شغلك

وعلى الجانب التانى
فقد سمعتة على الجانب العربى
اينعم كلهم اوساخ
بس بيدارو
انما الزبون فضح نفسة
مما سيدعوهم لعمل اسقاط علية
ليتبرئو امام شعوبهم
بصو هو مبارك الخاين السبب فى كل دة
بصو والله احنا كنا عايزين نعمل حاجة بس مبارك الخاين بيعطلنا
وهكذا
طبعا بما ان حماس مازالت موجودة
فلازم نعدل ورقنا
مش صحيح ان مصر بذلت الكثير من اجل فلسطين
الواقع ان النظام المصرى فى عهد مبارك استفاااااد الكثير والكثير بسبب فلسطين
يكفى انها كانت الورقة الرابحة التى طالما استغلها مبارك فى الضغط على واشنطن لتحقيق اهداف شخصيةولتخفيف القبضة الامريكية علية بحجة قدرتة على التأثير والضغط على الفصائل الفلسطينية لتحقيق المزيد من التنازلات والتنازلات لصالح اسرائيل حبيبة القلب

دلوقتى الورقة خلاص اتحرقت
حماس فقستك
وانت خسرتها

وفقدت قدرتك على التاثير

ومعدتش هتقدر تضغط عليهم تانى لانك ناصبتهم العداء فجعلتهم يلجؤن لاحضان دول اخرى
مثل تركيا
دول يستفيدون من علاقتهم معها ولا تتاجر بقضيتهم

وانت خلاص ضهرك اتكشف

والسبب اللى كانو بيدوك علية المعونة ماعدش لية وجود

يعنى العرب حطوة تحت رجليهم وقدموة كبش فداء لخيانتهم

وامريكا واسرائيل ادركو مدى ضعفة


وحزب المقاومة العربى من ايران وحزب الله وبقيت المجموعة دى

حطوك فى البلاك ليست


تعمل كيف با كعبول تعمل كيف يا كعبول


اييييييوة
نقلب عالوش التانى
حامااااااس يا حباااااايبى

هنهونة حبيب قلبى

شعلولة يا عيووونى
انتو زعلتو منى
اخص عليكم
انتو صدقتو
لالا
دنا كنت بهزر معاكو
تعالو فى حضنى تعالوووووو


دانتو كنتو بتبيضولى كل يوم بيضة دهب

وطبعا كلامهم مايخيلش على زحلفة دكر


وهى دى اخرة كل خاين
يبيع مبادؤة ودينة علشان دنيتة
فى النهاية هيخسر التلاتة


وعموما اليومين الجايين هيوضحو الصورة اكتر من كدة
لانها لسة ضبابية
واحتمال يجد فى الامور امور
لان دة وقت لم الغنايم
كل طرف بيحاول يلم اكبر مكاسب ممكنة
ادعو لعوكل ياولاد ربنا يوكسة كمااان وكماااان

هو والشلة اياها بتاعة هم يستلهلو هو فية حد يقدر على اسرائييييييل



هق هق هق هق
نيااااااااااة




احمد سعيد

Anonymous said...

مواطن مصري

على فكرة ما تقوله يدعو إلى الضحك والسخرية، خايف من ضربة جوية وحصار دولي؟؟ مين اللي هيحاصر مصر؟ أمريكا ولا اوروبا؟

Dr.Online said...

من تقارير الخبراء

اعتقد ان قمة شرم و الخطاب الجديد

رد فعل على الاتفاق الجديد الامريكي الاسرائيلي

و ملوش اي دعوه بالقمه بتاعة الدوحه

حسن على said...

قمة شرم الشيخ هدفها تجهيز ديكور دولى لتوقيع عباس على اتفاقية استسلامية مهينة اخرى. ساركوزى يعمل فى خدمة السياسة الامريكية كقوادين حى بيجال يورد الزباين يعنى.وبراون لايختلف عنة الا فى اللغة فقط ,وابومازن من طراز كرازاى تو يعنى يبيع اهلة ليحتفظ بالمنصب و عوكل عامل فيها استفان روستى قال يعنى هوة االدماغ الكبيرة قوى قوى, وهو كذلك فعلا ولكن فى السن فقط اما على ارض الواقع الدولى فهو مجرد راس كرمبة ليس لها فائدة. ان الانسان لايحظى بالاحترام لمجرد ان له وجة يشبة لحمة الراس وحولة خدم كثيرين يعاملونة بخوف مصطنع ... انما الاحترام والمهابة تأتى من المصداقية التى لايملك عوكل منها شيئا

Dr.Online said...

احمد سعيد

كلامه عن اسباب تغير الخطاب المصري

انا بتفق معاه فيها و كلهامنطقيه

حسن على said...

اعرف جيدا ان نوارة ترحب ب"البذائات" ولكن ليس الى الحد الذى يجعلها تقول "جهاد عودة" البذائة لها حد يا نوارة ولو كتبتى الكلمتين دول تانى واللة لأقول لماما واستلقى وعدك بقى