Sunday, 4 January 2009

والله وباضت لك في القفص يا اووووووووووسسسسسسسسسسسااااااااااااااااااا

الا انا طول عمري اقول اسرائيل كل يوم والتاني تبعت لنا فالنة جوزنا، السنة دي بقى بعتت لنا الكلسون وسي دي صغنن كده
اتفضلوا
وزير الامن الاسرائيلي، بعيدا عن تخريفه طبعا، الراجل من قعدته مع الانظمة العربية جاله نفس الهبل اللي صايبهم، بس بيقول: احنا مش هدفنا القضاء على حماس.......... ده هدف السلطة الوطنية والانظمة العربية
وانا مالي هه
غطيني وصوتي ياما
وزير الامن الاسرائيلي، هو الوحيد في العاااااااااااااااااااااااااااااالم
لا
الوحيد في المجرة
لا
الوحيد ف يالتلات مجرات اللي بيقول علينا دولة ديمقراطية، والحقيقة هو يمتاز بقدراته الاستدلالية العالية جدا اللي لا تقل عن قدرات ابو العبيط المنطقية الاستدلالية حيث انه قال كده:
وبما ان مصر دولة ديمقراطية
فهي بتمنع تهريب الاسلحة من الحدود
مش هو ده المنطق؟ هو وللا مش هو؟ يا متعلمين يا بتوع المدارس

19 comments:

مواطن مصري said...

ههههههههههههههههههههههههههههههههههههههههههههههههههههههه




هو شكلة مصطبح و ضارب جوينت محترم

~*§¦§ Appy §¦§*~ said...

الله الله الله من عاشر القوم الراجل بيقول كلام من ناحيه المنطك والتطبيك يبكي هايل جدا
بس ممكن حد يترجم هو بيقول ايه الكائن ده

جبهة التهييس الشعبية said...

يا طفاطيفو

يارب تكون سجلت رمضان عبد الله شلح

عبقريييييييييييييي

ايه الدماغ النضيفة دي؟

يارب تكون سجلته عشان نحطه جنب الراجل اللي مصطبح ده على راي عمرو عشان نشوف المقارنة الخرافية

ahmed said...

المقاومة فى غزة بحاجه إلى دعائكم يا شباب

الوضع الميدانى يزداد صعوبة حيث تقاتل الأليات الاسرائيلية بشراسة للسيطرة على محور رفح فى جنوب القطاع و إذا تمكنت من ذلك ستكون قد فصلت قطاع غزة عن مصر و بالتالى عن الشريان الوحيد الذى يمد القطاع بالحياة ، و هناك نقص حاد فى المواد الغذائية و الطبية بالقطاع

المعركة القادمة هى معركة صمود فى المقام الأول بين الفلسطينى ( لا مياه و لا غذاء و لا دواء و لا كهرباء و قصف من كل مكان ) و بين الاسرائيلى ( صواريخ تقع فوق رأسه و جنوده تقتل على الأرض )
غزة حالياً فى حاجه للدواء و الغذاء أكثر من حاجتهم للذخيرة ..

***
و حالياً بدأت الأليات الاسرائيلية التوغل فى المناطق الأهلة بالسكان محتمية بالظلام الذى يغرق فيه القطاع لليوم الثانى .

جبهة التهييس الشعبية said...

طب ما تقول لي
كان بيقول ايه وهم كانوا بيقولوا ايه؟
قصدي المتصلين كانوا بيقولوا

TAFATEFO said...

آه .. كان بعد عزمي بشارة

حاضر

جبهة التهييس الشعبية said...

ارجوك يا مصطفى
ما تسمعش اعلام فيه اكذاب
:))

TAFATEFO said...

مش فاهم

جبهة التهييس الشعبية said...

يابني مش الراجل الملطوش اللي انت جايب لنا الفيديو بتاعه بيقول: ارجوكم لا تستمعوا الى اعلام فيه اكذاب
ياريته قال اكذاب كمان
قال
اجزاب
ههههههههههههههههه
انت بتقول اجزاب؟
انا مش باقول اجزاب عشان الاجزاب بتودي النار

ههههههههههههه
كل ما اسمع افطس على روحي من الضحك
ارجوكم استمعوا الى الاعلام الاسرائيلي

حد في الدنيا يقول كده؟

TAFATEFO said...

هههههه

أنا آخر واحد ممكن يتقاله جمله ملفوفه

هو كل كلامه يضحك .. حتى شكله

TAFATEFO said...

أصلاً .. ده كلامه عبيط قوي

أنا أكتر حته عجبتني بعد مصر الديموقراطيه دي

الحتة بتاعة قسم الولاده بمستشفى الشفاء بقى غرفة قيادة حماس

مسخره الناس دي

جبهة التهييس الشعبية said...

هههههههههههههه
اه اسكت
البت قلبها طب وقالت له ارجو ان ده ما يكونش معناه انكوا ح تقصفوا المستشفيات

امال معناه ايه؟
ماهو مالوش معنى تاني
كويس انه قال الغبي ده عشان يعملوا حسابهم

Anonymous said...

ضابط مصرى
حد قرا مقالة الدكتور عبد الحليم قنديل اللى اتصادر الجرنال بسببها
اقروها لان الراجل بجد جاب من الاخر

انسانةعادية فى عالم مش عادى said...

هههههههههههه هم يضحكوهم يبكى بس بجد خطاب رمضان عبدالله شلح اقسم بالله العظيم خطاب زى الفل ده الرجل ده على الرغم من ده كله وعلى الرغم موقف مصر اللى زى القطران الراجل ش بيعيب ابداااااااااا

Anonymous said...

حلاتك يابو ليفى ايييييييييييييييييوة كدة تمام
افضح كمان وكمان
اهو اسرائيل اللى بقول مين اللى بيساعدها
وبيقفل المعبر
اللهو الخفى

احمد سعيد

Anonymous said...

شفتو اللى حصل فى المنصورة يوم الجمعة
خطيب امن الدولة طلع يخطب وقال للناس ان الخروج على الحاكم حرام وطاعتة واجبة ولو كان ظالم وان المظاهرات حرام
الناس قامو علية ونزلوة من عالمنبر
ضحكتونى الله يخرب بيوتكم
والله كويس انة لسه فبة ناس بتفكر فى البلد دى

احمد سعيد
ظابط مصرى مع الاسف الشدييييييد جدا

مياسي said...

شفنا

أحلى شي و مذيعة الجزيرة بترد عليه و بتحكيله:

كلامك مردود عليك

ونقطة الديمقراطيه هاي سمعتها كتير منيح؛ جد صدمتني!!!!

مع احترامي للمصريين طبعا

TAFATEFO said...

نأسف للتأخير

http://video.google.com/videoplay?docid=-1321201123397084265&hl=en

بس اللوم على جوجل

عمرو النوبى said...

عارفين ياشباب عامل زى أيه
زى واحد بلطجى واقف فى الحاره بيتخانق تروح تتفرج تبص تلاقيه ماسك ابنك أو أخوك أو ابوك نازل فيه طحن
تيجى تتدخل فيقولك أنت راجل محترم وطيب وحقانى فسيبنى أخد حقى منه
تقوم أنت معجب بالكلمتين دول وتنتنشى وتزهو وسط الناس وتقوله أيوه صح أنا كده - هو غلط فيك ولازم تاخد حقك منه

بس خلاص !!!!!!!!