النصر الحقيقي المبين تحقق جزء منه وفي سبيله الى التحقق الكامل/ المتسولون يمتنعون

ماحدش مركز معاه قوي

اليهود لحد وقت قريب كانوا منين ما يمشوا الناس تقول لهم: يا قلب امك يا اخويا؟ يا عيني يا ضنايا؟

لكن دلوقت منين ما يمشوا ينضربوا بالجزم

وبقوا واخدين موقف دفاعي

يعني مثلا بعد ما فريق السلة الاسرائيلي اخد علقة في تركيا

بت لاعبة تنس، (ملحوظة غريبة: هو مش لاعبي التنس دول بيبقوا رفيعين ومعضلين؟ البت بطة وبمبة!) اتهزأت وهي في بطولة اوكلاند

فريدريك كانوتي طول عمره واد مجدع اصلا، بس بيقلد ابو تريكة

ودي مدونة، انا مش عارفة هو ده يهودي؟

وح تلاقوا زيها كتير على فكرة

ما بقاش كل زي ما زوزو نبيل كانت بتنيم شادية تغطاطيسي وتقول لها: كل الناس عدوينك كل الناس بيكرهوكي نافع هو اللي بيحبك نافع هو خطيبك

وطبعا الحكام العرب برضه كانوا بينيمونا نفس التنويم ده ويقولوا لنا انهم هم اللي حايشين العالم عنا

طب اهو ربنا خذلهم وفيه اصوات كتير بقت معانا

وانا لما باتكلم بطريقتي العنيفة دي بالاقيهم مستعدين يسمعوا وعندهم تأنيب ضمير

يعني ما بقيناش محتاجين للمتخاذلين لحاسين جزم الخواجات عشان نعبر عن نفسنا

طب ما ده شكل من اشكال الانتصار، الحقيقة هو ده الانتصار، بس محتاجين نشد شوية وربنا يخلي لنا النت، لان لو عرفنا نقنع مساحة كبيرة من الرأي العام العالمي بوجهة نظرنا يبقى احنا انتصرنا فعلا، زي انتصار غاندي على الانجليز

انا لفت نظري البوست بتاع المدونة اللي انا حاطة لها رابط، غير السخرية من اسرائيل، بس الحقيقة ان الصواريخ اللي فيه ناس بتتريق عليها بسبب ضعفها هي اللي عملت الصدى ده في العالم، بصوا على البوست اللي انا عاملة له لنك وانتوا تفهموني

واظن ان النصر ده ان شاء الله ح يتصعد وياخد مداه لو ربنا رحمنا من شوية الجرابيع اللي بيروجوا لكلام اسرائيل وبيحملوا حملات ضدنا وهم مننا، او محسوبين علينا، اساميهم زي اسامينا واشكالهم زي اشكالنا وباسبورهم عربي وهم اسرائيليين اكتر من الاسرائيليين نفسهم، ومافيش حاجة ممكن تهزمنا اعلاميا الا تجنيد الناس دي، لانهم بيستشهدوا بيهم علينا، وما اعرفش هم يعني بيعملوا كده ليه؟ ده الحلال مافيش احسن منه

بكام الورد يا معلم؟

الا طول عمري ابص على تاريخنا والاقي ان عمرنا ما اتهزمنا غير بسبب اللي مننا