Monday, 5 January 2009

المخرج عايز كده

انا جيت، رحت الساعة اربعة النقابة، بصراحة ما انبسطش، العدد كان قليل، ومش كل الهتافات عجبتني، فيه شاب بتاع ستة ابريل، مش عارفة تقريبا اسمه حاجة عواد، عجبني فيه انه مركز على موضوع الوقفة بس، هو دعم المقاومة ودعم غزة، ودي كانت كل هتافاته وعجبني فيه الحكاية دي، لكن التشعب بقى من البعض الاخر مش عاجبني بصراحة
المهم
انا مش فاهمة حاجة
اقصد فاتحة النشرة دلوقت ومش فاهمة حاجة، كان فيه زمان برنامج رمضاني اسمه المخرج عايز كده، كان بياخد مشهد من فيلم تراجيدي ويعمله بشكل كوميدي، اكتر مشهد فاكراه، المشهد بتاع عبد الحليم حافظ لما كان عيان وامه (فردوس محمد) عميا، وكان مسافر وبيودعها وبيبوس ايدها ومسافر في رحلة علاج وبيقول لها: انا مسافر يا امي...ادعي لي يا امي وبيمشي من قدامها وبعدين هي بترفع ايديها وتدعي له: يا رب اشفيه ورجعه بالسلامة يااااااااااارب
قاموا عملوا نفس المشهد وجابوا حسين الشربيني الله يرحمه مكان عبد الحليم حافظ، ولبسوه برنيطة، وامه كانت هالة فاخر وبدل ما هو مسافر في رحلة علاج عاملينه مسافر الخليج يشتغل وبيدور بينهم حوار طبعا يفطس من الضحك مش فاكرة منه غير انه لما بيمشي هالة فاخر بترفع ايديها وتقول: يا رب يعرف يهرب الفيديو ياااااااااااااااااا رب
اهو انا حاسة اننا في برنامج المخرج عايز كده
مصر: قافلة المعبر وحسني مبارك بيقول اسرائيل من حقها تحمي حدودها ما تقوليش بقى فلسطين دي ارض محتلة
قطر: الامير القطري بيقول يجب ان يتوحد العرب والا ينتظروا قرار مجلس الامن وهم يعلمون انه لا يجدي نفعا مع حق الفيتو الذي تحتفظ به الولايات المتحدة الامريكية....ويجب عدم المساواة بين الجاني والضحية
تركيا: رجب حوش صاحبك عني طيب يا صبر طيب اردوغان (دي مالهاش اغنية) بيقول: ستغرق اسرائيل في دماء غزة، واسرائيل ح تدفع تمن دم اطفال غزة
مصر وسوريا: مش عارفين يتكلموا مع بعض
تصدقوا؟ الاختين الحلوين هناء وشرين اللي طول عمرهم زي اللب والسوداني مصاحبين لبعض في الرايحة والجاية
مش عارفين يكلموا بعض
وبيوسطوا تركيا بينهم
يعني مثلا فيلم نهر الحب
اللي بيقوم بدور زكي رستم هو احمد عز
واللي بتقوم بدور فاتن حمامة هي عبلة كامل
واللي بيقوم بدور عمر الشريف هو محمد سعد
وبدل ما زكي رستم يقول لها: يا زانية...اللي زيك، كانوا زمان بيرجموها بالحجارة...انا سبت لكم الحبل على الغارب لحد ما شنقتم بيه نفسكم وفاتن حمامة ترد عليه: ارحمني يا طاهر..سيبني اعيش تحت رجلين ابني ولو خدامة
يبقى احمد عز يقول لعبلة كامل: يا نتنة... اللي زيك كان زمانها منغنغة جوزها...سافرتي مع الواد لبنان وقلبتيه في الفلوس وما شفتنيش انا وابنك بحاجة؟ تقول له عبلة كامل: ارحمني يا طاهر وحل عن سمايا انت وابنك الزنان ده...انت ح تبص لي في الحسنة اللي طلعت لي من شقايا؟ ما تظبط نفسك في شروتين بانجو توزعهم في الساحل الشمالي وسرح الواد معاك بدل ما انتوا قاعدين زي خيبتها كده
----
الحمد لله المقاومة بتعمل لحد دلوقت شغل كويس وصامدة، واللي بيتريق على صمود المقاومة احب اقول له: هم بيموتوا وهم شايلين سلاح، وانت الابعد ح تموت في جلدك

16 comments:

مهندس مصري said...

شوفي اللينك ده يا نوارة
http://shabab-tech.blogspot.com/2009/01/blog-post.html

بيتكلم على كيفية تدمير المواقع الصهيونية

إيه رأيك

و دي آخر الأخبار
http://www.almokhtsar.com/

عاجـل: الهجوم على غزة: (سيهزم الجمع ويولون الدبر)

أسامه حمدان:مقتل 10 صهاينة وإصابة 30 في معركة الليلة وإسرائيل تعترف بمقتل اثنين فقط
كمين محكم للمقاومة الفلسطينية يُسقط 33 قتيلاً وجريحًا من جنود الاحتلال
كتائب القسام تسقط طائرة تجسس صهيونية في مدينة رفح جنوب قطاع غزة
المقاومة تحرر تلة الريس و42 صاروخا على البلدات الإسرائيلية
قصف عنيف لقلب وأطراف غزة والمقاومة تدمر 5 آليات إسرائيلية
مصادر طبية فلسطينية: 30 % من شهداء غزة من الأطفال
سرايا القدس تصد تقدمًا إسرائيليًا وارتباك في صفوف العدو
معارك عنيفة تجري داخل مدينة غزة بين الجيش الصهيوني والمقاومة الفلسطينية للمرة الأولى منذ بدء الهجوم العسكري الصهيوني
المضادات الأرضية لكتائب القسام تصيب مروحية صهيونية في سماء جباليا وتتبنى إصابة 7 مظليين صهاينة
ارتفاع حصيلة شهداء المجزرة الصهيونية إلى 550 شهيدًا و2550 جريحًا
أردوغان يحمّل إسرائيل المسئولية لأنها لم تلتزم التهدئة
خبير عسكري مصري: إسرائيل أضرت بغزة لكنها فشلت في تحقيق أهدافها
ناطق صهيوني يعترف بانفجار دبابة ناتج عن عبوة "زلزال" لسرايا القدس في حي الزيتون فجر اليوم
الجيش الصهيوني يقتل ويصيب 70 من أفراد عائلة واحدة بعد جمعهم في بيت واحد وقصفهم جميعا
إصابة 5 جنود صهاينة وضابط في اشتباكات مع المقاومة الليلة الماضية وإطلاق صاروخين على مغتصبة "أشكول" صباح اليوم والقسام تقنص جندياً صهيونياً
القسام: قتلنا 11 جندياً صهيونياً وضابطاً برتبة كولونيل وأوقعنا 48 جريحاً خلال 24 ساعة
مجازر مستمرة: الاحتلال يُبيد عائلتين بأكملهما في غزة مكونتين من 12 فرداً صباح الاثنين
نزّال يؤكد سقوط أكثر من 60 صهيونيا بين قتيل وجريح منذ بدء العدوان البري على غزة
تأكيداً لما أعلنته "القسام".. صحيفة بلغارية تؤكد سقوط مقاتلة صهيونية قرب رفح
10 أيام من الحرب على غزة: 520 شهيداً و2500 جريح أكثر من ثلثهم من الأطفال والنساء

جبهة التهييس الشعبية said...

بلجيكا عاملة مظاهرات مساندة لغزة؟

يا اخوانا حد يخرجني من البورنامج ده

مواطن مصري said...

وفد منن حماس يبحث التهدئة في مصر و هل صحيح دمرت ناقلة جنود
؟؟؟؟؟؟

TAFATEFO said...

مفهمتش حاجه خالص

TAFATEFO said...

وبعدين حضرتك أغفلتي جزء مهم جداً من حدوتة النهارده

خناقة كريشان مع بيريز

طول عمر كريشان بيعجبني .. بس أول مره يعجبني كده

مهندس مصري said...

ما قلتيليش

إيه رأيك ؟
http://shabab-tech.blogspot.com/2009/01/blog-post.html
نتوكل على الله و نحمل كلنا برنامج ضرب المواقع ده و نضرب المواقع الإسرائيلية و لا ايه ؟

جبهة التهييس الشعبية said...

طفاطيفو
انت سجلت الخناقة دي؟
انا ما شفتهاش
نزلها

مواطن
اه طبعا توكل على الله

مهندس مصري said...

مواطن ؟

انا مهندس يا بنتي

انتي دخلتي الخطوط في بعض و لا ايه ؟

TAFATEFO said...

كل اللينكات بتاعة كل حاجه موجوده في البوست السابق

أرشفتلك اللي حصل النهارده

عموماً خناقة بيريز أهي

http://video.google.com/videoplay?docid=-8506663576714633637&hl=en

TAFATEFO said...

واللي فاضل بس لقاء خاص مع رجب طيب أردوغان النهارده برضه

أهو

http://video.google.com/videoplay?docid=174670077137581418&hl=en

مواطن مصري said...

انا سمعت ان الحكومة عملت مستشفى ميداني عند المعبر و عالجت 116 جريح

مهندس مصري said...

الجيش الصهيوني يقتل ويصيب 70 من أفراد عائلة واحدة بعد جمعهم في بيت واحد وقصفهم جميعا

التاريخ: 8/1/1430 الموافق 05-01-2009
المختصر /

جمعت عشرات الأسر في منزل وقُصفوا بالصواريخ.. مجزرة صهيونية مروعة أفنت عائلة السموني وأحد الناجين يتحدث عن عشرات الشهداء

المختصر / أفادت أنباء ميدانية أنّ قوات جيش الاحتلال الصهيوني أفنت عائلة فلسطينية بكاملها في حي الزيتون يوم أمس الأحد، وذلك بعدما قصفت تلك العائلة بعشرات القذائف، ليسقط أفرادها جميعاً، وعددهم سبعون فلسطينياً، بين شهيد وجريح، حيث تم الكشف عنها صباح اليوم الاثنين.

وقالت نائب السموني، البالغ من العمر 25 عاماً، عن المجزرة التي لم تتكشف أبعادها بعد، إنّ قوات الاحتلال التي توغت شرق حي الزيتون، قامت بتجميع عشرات الأسر من عائلاتنا، السموني، في بيت واحد، مساحته مائة وثمانين متراً مربع، ومن ثم قامت بدكنا بالقذائف لمدة عشرة دقائق حتى سقطنا جميعا بين جريح وشهيد".

وأضاف المواطن الفلسطيني الذي نكبته القوات الصهيونية باستباحة عائلته، أنه بعدما قامت قوات الاحتلال "بإمطارنا بهذا العدد من القذائف، تحوّل البيت إلى بركة من الدماء، فمنّا من مات على الفور، ومنّا من ظلّ جريحاً يصارع الموت حتى فارق الحياة بعد ساعات"، على حد تأكيده.

وأشار السموني إلى أنّ قوات الاحتلال منعت سيارات الإسعاف من الوصول إلى أفراد العائلة المستهدفة، رغم المناشدات العديدة التي وجّهوها للصليب الأحمر، حيث ظلّوا ينزفون الدماء لمدة أربع وعشرين ساعة، قبل أن تتمكن سيارات الإسعاف صباح اليوم الاثنين من الوصول إليهم وإجلائهم.

وقال نائب السموني كاشفاً النقاب عن بعض التفاصيل "استشهدت زوجتي حنان، وطفلتي هدى، ووالدتي رزقة البالغة من العمر ستين عاماً، وكذلك معظم إخواني وأبناء عمي وأبناؤهم استشهدوا"، حسب توضيحه.

وروى الطبيب هيثم دبابش، ضمن طاقم مستشفى الشفاء بغزة، أنه منذ أن تمّ قصف عائلة السموني، الأحد، جرت المسارعة إلى إجراء اتصالات مع الصليب الأحمر للتنسيق لدخول سيارات الإسعاف إلى المنطقة، بهدف إنقاذ هذه العائلة، ولكنهم لم يتمكنوا من ذلك إلاّ صباح الاثنين".

ومن إن وصلت الأطقم الطبية إلى تلك المنطقة حتى كانت الفاجعة التي رأوا فيها هؤلاء الضحايا الكثر. وأضاف الدكتور دبابش أنّ قسم الاستقبال في مشفى الشفاء لم يتسع لهؤلاء المواطنين المنكوبين، وعدهم سبعون، حينما وصلوا بين شهيد وجريح، متحدثاً عن عملية "إعدام جماعي بدم بارد" استهدفتهم.

وتبدو المخاوف قائمة من حدوث المزيد من المآسي الشبيهة في شرق حي الزيتون، تلك المنطقة الواقعة في مرمى النيران الصهيونية براً وجواً، بينما لا يستطيع ساكنوها أن يأمنوا على أرواحهم أو أن يغادروا منازلهم المهددة بالموت الجماعي.

المصدر: المركز الفلسطيني للاعلام


أهو واحد من العيلة دي كانوا جايبينه في الجزيرة و قعد يقول امي و ابويا و 4 من اولادي ولدين و بنتين إستشهدوا و الحمد لله

أهي دي بقى عملية غير مبررة بالمرة
دا إعدام جماعي للمدنين رغم تأكدهم من عدم وجود صواريخ او رجال مقاومة

نفسي أعرف إسرائيل حتبرر العملية دي إزاي

TAFATEFO said...

check ur mail

جبهة التهييس الشعبية said...

مافيش حاجة يا مصطفى جات لي على الميل

TAFATEFO said...

!!! sent it again

عمرو على said...

ياجماعه حرام على أهاليكم
يابتوع السياسه فهموا اللى جابونا
بالله عليكم حد يرد علينا
تركيا - مجرد أنها أشتغلت "وسيط" لمدة سنه تقريبا" بين أسرائيل وسوريا وكمان كانت وساطه متعثره نقوم نجبها وسطنا ونعملها كبير فى منطقتنا ونخليها تحللنا مشاكلنا اللى هى اصلا من أهم أولويات أمننا القومى .
طيب أفرضوا تركيا كانت لسه العلمانيه فيها هى المحرك للسياسات وكان أردوغان وحزبه أتسحلوا فى الدعوى الأخيره اللى عملها العلمانيين ووراهم الجيش علشان يقفلوا حزبه .
كنا هانجيب مين ؟
طنط ظاظا ؟
بيقولوا أن تركيا ليها علاقات متميزه مع أسرائيل - وحتى ده أنتهى
أردوغان شتم وهزء اليهود ودخل فيهم شمال بغشوميه وتقريبا" ممكن يحصل تجميد للعلاقات - يعنى أنقطع حبل الود اللى كنا معتمدين عليه وتركيا ركنت جنبنا فى صف (المقاومه والممانعه)
أستحملونى فى بؤين الشعارات اللى فوق دول !
انا بحب التراكوه لأنى نوبى يعنى اصل جدود جدودى تركى بس ياجماعه ده بيتنا ومنطقتنا نجيب الغريب يصلح بين الأخوان أزاى ؟
وبعدين أزاى خالد مشعل ييجى هنا بعد كل الشتايم المتبادله بينه وبين القياده لدرجة أنى توقعت ان مخابرات كذا دوله عربيه ممكن تصفيه ؟
هاييجى هنا يعمل ايه وهايعملوله ايه ؟
ياخربيت أم السياسه ياجدعان