Saturday, 3 January 2009

منى الشاذلي كانت ح تقتل واحد دلوقت

تحديث:
هي دلوقت مستضيفة اتنين لواءات كويسين قوي والاتنين حاربوا في تلاتة وسبعين

ما اعرفش مين المعد اللي جاب لها اللوا كاطو ده اللي قعد يقول كلام فارغ، وهي اصلا مخضوضة من اول ما ابتدت البرنامج، وهو خضها اكتر، راحت تقريبا شخطت فيه بطريقتها الهادية دي، قبله كان فيه واحد اسمه اللوا مش عارفة مين سليمان منى بتقول له: يعني مافيش اي حد من اللي حوالين غزة ممكن يتدخل؟ قال لها لا... فقالت: للاسف هذا كان رأي اللوا سليمان، وبعدين قالت لكاطو ده نفس السؤال فقعد يقول لها الرئيس مبارك قال والرئيس مبارك عاد فقالت له يعني مافيش طريقة يقطعوا بيها العلاقات
يقوم يقول لها ايه؟
ونقطع العلاقات ليه؟
في هاذوها اللحظة تحديدا لو كان قدامها ساطور ما كانتش اتأخرت: اي مواطن يتوقع حاجة زي دي يا سيادة اللوا، دي مذبحة، على الاقل المقاطعة ورقة ضغط ورقة ضغط، طب التهديد بقطع العلاقات طاه
قووووم يقول لها ايه؟
احنا اتصالنا باسرائيل - زي ما الرئيس مبارك قال - بيفيد القضية الفلسطينية!!!!! وبعدين خلي موضوع قطع العلاقات ده في الاخر
!!!!!!!!!!!!!!!
في الاخر اللي هو امتى؟ اخر ايه بالظبط؟ في اخر مواطن فلسطيني مثلا؟
وللا في اخر مواطن مصري كمان؟
العملية البرية بينا وبينها عطسة، لو تفيت دلوقت تفتك ح توصل للعملية البرية
ده ام امننا النيلة القومي

3 comments:

مواطن مصري said...

ربنا يستر

د. إيمان مكاوي ( أم البنين ) said...

يا ترى إللي إحنا فيه ده أخره إيه؟؟؟؟

عمرو النوبى said...

قطع أيه؟
مش سامع
علاقات
علاقات أيه ؟
أهههه - مع أسرائيل - طب ولما أمريكا تقطع عننا المعونه نعيش أزاى ومنين يامنيل؟؟؟؟؟
ولما أسيادنا فى أسرائيل يزغرولنا بعينهم كده ويكشرولنا نقعد فى المنطقه بعد كده أزاى ؟
أاااااااااااااااااااااااااااه
كفااااااااااااااااااااايه