Wednesday, 7 January 2009

عظمة على عظمة يا هيكل

الحقيقة انا دايما مختلفة مع الاستاذ هيكل
مش دايما قوي، بس باختلف معاه كتير في التفاصيل، يمكن في الخطوط العريضة لا، بس معظم التفاصيل
النهاردة
ما اقدرش غير اني ارفع القبعة للاستاذ هيكل وادعي له: ربنا يجعل الحلقة دي في ميزان حسناتك يا استاذ هيكل ويبارك في مخك
بيني وبينكوا هو في المقابلة دي ما اخترعش العجلة
اقصد يعني ان الموقف اوضح من انه يتطلب من الاستاذ هيكل ان يقدح زناد فكره عشان يشوف الصورة، كل حاجة واضحة
لكن اكتر حاجة غمرتني انه كان موجوع بجد، حاول يبقى حيادي وبارد على قد ما يقدر، بس بجد بجد كان مجروح من قلبه وموجوع وجع حقيقي، واول مرة في حياتي (انا متابعاه على طول على فكرة) اول مرة في حياتي اشوفه موجوع قوي قوي قوي قوي كده وبالعمق ده
هو الحقيقة عمري ما شفته موجوع، انا كنت فاكرة انه شخص عقلاني المشاعر دي ما بتدخلش خالص في حساباته، اول مرة في حياتي من ساعة ما اتولدت اشوف حراره قلبه طالعة في كل كلمة قالها وعمال يقول: انا ح احاول اكون حيادي، وفعلا كان حيادي
الكلام حيادي، والاداء مجروح جدااااااااااااااااااا 
الظاهر ان النهاردة يوم الـ"اول مرة": اول مرة حسن نصر الله يخرج عن شعوره بالشكل ده
اول مرة هيكل يبقى مجروح وكل حرف في كلامه بينزف بالطريقة دي
اول مرة انا بقى
انا
انا نوارة الانتصار المولودة في تمانية اكتوبر تلاتة وسبعين في فجر معركة الفردان
اول مرة احس اني عايشة نكبة شبه نكبة تمانية واربعين، ويمكن اكثر مرارة
واول مرة في حياتي كلها وانا باتفرج على هيكل اعيط بصوت عالي طول الحلقة



واول مرة احضر ميلاد المسيح وذكرى استشهاد الحسين في يوم واحد
واول مرة اخد بالي ان التشابه بين شخصية سيدنا عيسى وبين شخصية سيدنا الحسين كبير كده
وفيه حاجة مش فاهماها
اول مرة ابقى ممرورة ومبسوطة
ممرورة الكل عارف ليه
مبسوطة....انا نفسي مش عارفة ليه؟
حاسة اني باحضر عملية ولادة في اودة العمليات
يارب مصطفى يكون سجل الحلقة 

46 comments:

عباس العبد said...

الحلقة كانت الساعة كام يا نوارة ؟
و الاعادة بكرة الساعة كام ؟

أحمد كمال said...

هي فعلا عملية مخاض ، إن الله غالب على أمره و لكن أكثر الناس لا يعلمون

أنا برضه حسيت إن هيكل مش مستعد و محضر و واثق من نفسه كالعادة ، كان أقرب إلى من فقد شيء غال ، و كأنه كان يبحث عنه في الحوار ، أو قولي الفضفضة مع حسين عبد الغني

مواطن مصري said...

نوارة

انا عارف لية نصر الله زعلان


عشان بتوع الحزب الوطني محماين رفعو علية قضية

بس انا مختلف مع ايران لما عرضت مكافأة ل اغتيال مبارك نختلف معاة نتفق معاة

بس مشعن طريق الفوضى الخلاقة

هيكل قال كلام حيادي و كلو صح و ب النبة لكركاتير الايكونمست انا كنت قريتة قبل كدة

Nsreen Bsunee said...

هيكل اول مره يعجبني بالدرجه ديه بجد
انا معيطتش فى الحلقه بالعكس كنت مبسوطه و باقول فى عقل بالي
"كتر من الفضايح و بأذن الله هو رايح رايح"

انا بكيت بجد لما قريت تدوينه لواحده حيوانه بتشتم السيد حسن و للاسف للاسف اللي كاتبه التدوينه مصريه مبقاش غير العاهرات يتكلمو عنك يا سيد حسن
و اتقهرت لما عرفت ان محاميين مصريين رفعو قضيه على السيد حسن
اتفووووووووووووووووووو
اتفوووو بجد
سبحان الله مشوفتش حد مبيحبش السيد حسن الا وكان انسان حقير والله والله
يعني فى شغلي معايا لبنانيين سنه و شيعه ومارونين و كله و كلهم بيحبو السيد حسن و كلهم ناس كويسه بدرجات متفاوته على المستوي الانساني
واحده بس لبنانيه سنه بتكره السيد حسن اوووي مش عارفه ليه و سبحان الله حقيره جدا على المستوي المهنى و الانساني

انا كمان حاسه ان ربنا حينتعها بالسلامه و عشان كده فرحت بحلقة هيكل و نفسي الامور تكبر كمان عن كده و الفضايح تزيد عشان انا عاوزه طلق حامي وولادة سريعه مش قادره استحمل ولاده على البارد

Anonymous said...

احمد سعيد

يا جماعة الموضوع كل مدى بيكبر
لو المسالة مشيت زى ماهمة مخططين
هتبقى نكبة اكبر كمان من نكبة تمانية واربعين

ولو الامور خرجت عن المخطط لة

هيحصل انفجار ضخم فى المنطقة

كدة حزب الله ممكن ميبقاش قدامة حل تانى غير انة يتدخل عسكريا
ودة هيترتب علية حجات كتير

ممكن الامور فى كتير من الدول العربية تخرج عن سيطرة الانظمة
وخصوصا فى مصر

وطبعا ساعتها فى دول تانية هتدخل عسكريا بحجة ايقاف الفوضى

وكدة الموضوع هبقى واااااااسع قوى
بالظبط مش لاقى تعبير اقولة ادق من تعبير نوارة
عملية ولادة

كل الناس اللى اتعودنا نشوفهم ثابتين
فجاءة بقو منفعلين ومتوترين بشكل غريب

وابتدت تتكون تكتلات دولية غريبة

فيه حاجة فى الطريق


وهيبان ان شاء اللة فى الايام اللى جاية

ربنا يستر

muslima said...

السلام عليكم يا نوارة

شىء غريب فعلا

هيكل بدا وكأنه على وشك انه عايز يفك زرار القميص ويرفع الجرافت بتاعته ويصرخ

الراجل كل شوية يحط ايده على رقبته ويمسك نفسه لانه بالبلدى مش عايز يفتح لانه لو فتح فى كل جزئية عايزلها حلقة لوحدها وتضيع القضية الاساسية موضوع الحلقة وهو غزة والعدوان عليها والعرب ودورهم المخزى الذى لا يرضى العدو قبل الصديق

هيكل عقلانيا بالتأكيد رجل سياسى محنك زيه اكيييييييييد عقلانيا مية فى المية لكن بشاعة مجازر غزة تنطق الحجر وانا باقول كويس انه لم يبكى على مرأى الناس

ليس هذا فحسب فخزلان العرب ومصر تحديدا وتصرفاتها الغير محسوبة شىء يبكى أيضا

ومن شوية محمود سعد خرج عن شعوره لاول مرة واتكلم بصراحة وقال علانية اعتبرونى انى واحد عبيط طلعت فى التليفزيون

وقال صراحة
متى سيكون للعرب دور
العرب اللى فلوسهم بتروح بره تتصرف فى دول امريكا واوربا

قال امتى هايكون لينا حلف عسكرى عربى يجمع الدول العربية ودول الخليج

قال امتى هايكون لينا كلمة مش حرب بس كلمة واحنا من سنة 48 سايبين غول كبير اسمه اسرائيل عمال يشطح فينا واحنا افعالنا لا تتجاوز التبرعات والبطاطين
هو ده اللى بنعمله مع كل ازمة
وبكرة غزة تتنسى ازمتها والعدوان

وتنضرب بلد تانية او جزء تانى من فلسطين وينحصر دورنا فى التبرعات والبطاطين برده

بالزمة ده اسمه كلام

عايزين نقتلع المشكلة من جزورها
ازاى كل السنين اللى فاتت واللى بيحصل حاليا مش قادرين لسة نعرف ان فى مشكلة

الراجل وصف نفسه انه عبيط
وقال رزقى على الله
احسن يقولوا عليه بيحرض الشعب ولا بيشجع الارهاب

فوصف نفسه بالعبيط
رغم ان كلامه قمة العقل

لحد امتى هانفضل كده
وامتى هانعرف ان فى مشكلة اسمها اسرائيل لا يهدد مصر فقط ولكن يهدد كيان امة باكملها

Mahmoud said...

اللي سجل الحلقة يرفعها زي الشاطر لو سمحتوا

أحمد شاكر said...

مش كان مفروض قبل ما تفتكرى ان يوم عاشوراء هو ذكرى استشهاد الحسين كنتى تفتكرى ان ده اليوم اللى أهلك فيه ربنا قوم فرعون و نصر سيدنا موسى و أتباعه و عشان كده الرسول صام اليوم دهو خلاه سنه أبدية.
احنا محتاجين نحيى ذكرى هلاك فرعون فى الأيام دى أكتر من إحياء ذكرى استشهاد الحسين رضى الله عنه لأن الذكرى الأول تجمعنا كلنا لكن التانية ممكن تسبب فى فرقة و انت ست العارفين و مش محتاجه أفسر

Rania said...

شوفت الحلقه و عجبتنى اوى اوى برده

انا برده انهاردة عامله زيك
مبسوطة انى روحت شوفت المصابين بتوع فلسطين مبسوطة اوى مش متخيله ازى
و هطق و ممرورة على حالنا و حال بلدنا و حال غزة

ربنا على الظالم

mahy said...

هدي نفسك
شوية علي فكرة انتي دايما
قرارتك وليدة اللحظة كده
يا رب في يوم الاول مرة تحبيني انا كمان
بالمرة يعني
علي فكرة هيكل ونصر الله برج واحد
دي معلومة ع الماشي
وعلي هيكل انا راي فيه انه لا يقول كل الحق ولكنه لا يقول الا الحق
يعني كلامه مش بجنيه استرليني ولا حاجة
ولا ايه

انسانةعادية فى عالم مش عادى said...

تصورى فعلا ذكرىميلاد المسيح وذكرى استشهاد الحسين
ومن قبلها السنة الميلادية والسنة الهجرية
اكيد دى حكمة من ربنا ااقولك انتى مبسوطة ليه يمكن ان نهاية العذاب والظلم قرب ينتهى كل الاقنعة سقطت ومش فاضل غير نفوق ودى بداية

Anonymous said...

كاتب في جريدة الوطن الكويتية


جزاء قيادات الغدر والخيانة)

بقلم : عبد الله الهدلق

هددت وزيرة الخارجية الاسرائيلية تسيبي ليفني - بعد لقائها مع الرئيس المصري حسني مبارك - بأن اسرائيل لن تسمح بعد الان باستمرار سيطرة (حركة حماس!) الارهابية والمتمردة والمنقلبة على السلطة الشرعية على قطاع غزة وان قذائف وصواريخ (حركة حماس!) العبثية التي تستهدف المدنيين الابرياء والنساء والاطفال في مدن جنوب اسرائيل (سديروت - عسقلان - أشكلون، النقب الغربي) لن تستمر إلى الابد بل يجب ايقافها بالقوة، وان حالة ضبط النفس التي تتحلى بها اسرائيل لها حدود وسيغضب الحليم يوماً ما.



وزير الدفاع الاسرائيلي (إيهود باراك) اكد من جانبه ان عمليات اطلاق القذائف والصواريخ العبثية التي تستهدف بها (حركة حماس!) المدنيين الابرياء في جنوب اسرائيل ستنتهي قريباً وإلى الأبد غير انه رفض الافصاح عن خطط الجيش الاسرائيلي لتحقيق ذلك الهدف، لكنه اكد ان (حركة حماس!) الارهابية والمتمردة - والمنقلبة على السلطة التي تسيطر على قطاع غزة هي المسؤولة عما يحدث، وتوعد (حركة حماس!) بانها ستدفع ثمناً غالياً نتيجة حماقاتها وتهوراتها قريباً وان الجيش الاسرائيلي يعرف تماماً المهام الملقاة على عاتقه وسيثبت لـ (حركة حماس!) الارهابية من الذي سيخضع ويرضخ ويستسلم!



ايها الجيش الاسرائيلي عليكم بالارهابيين الفلسطينيين المؤتمرين بأوامر الارهاب البعثي الفارسي لاحقوا متمردي (حركة حماس!) ومعتوهيها والحمقى من قادتها والمتهورين من زعمائها المتسترين بالدين والمتاجرين به واسحقوهم وابيدوهم ولقنوهم درساً لن ينسوه إلى الابد كما لقنتم (حزب الله!) الارهابي المهزوم عام (2006م) درساً قاسياً أثخنتموهم، وخلصوا قطاع غزة من سطوة (حركة حماس!) الارهابية.



إن قطاع غزة رحم التطرف والإرهاب فبعد أن وثبت (حركة حماس!) الإرهابية على السلطة بعد انتخابات صورية وزائفة في أوائل (2006) وتشكيلها (حكومة أزمات!) رفضت كل دول العالم الاعتراف بها أو التعامل معها ما لم تنبذ العنف والإرهاب وتعترف بحق إسرائيل في الوجود كدولة مستقلة وذات سيادة، وازدادت الأوضاع توتراً في معقل الإرهاب والتطرف (قطاع غزة)، وتنازعت الفصائل الفلسطينية الإرهابية ففشلت وأذهب الله ريحها، ولم ولن تقوم لهم قائمة إذ ?كلما أوقدوا ناراً للحرب أطفأها الله?.



هل يمكن لحكومة إرهابية مثل (حماس!) أن تقود شعبا أو تحقق تقدما في مسيرة السلام؟ وهل يمكن لشعب لم يعرف إلا التشرد والضياع في بداية حياته، ثم التشدد والتطرف والإرهاب والقتل والهجمات الانتحارية وقذائف الكاتيوشا التي يطلقها بشكل يومي على المدنيين الأبرياء والنساء والأطفال في المدن الإسرائيلية في الجنوب المحاذي لقطاع غزة أن يشكل مجتمعا مدنيا ونواة لـ (دولة فلسطينية!) حضارية وقابلة للاندماج في المجتمع الدولي؟ وهل يمكن لحركة إرهابية مثل (حماس!) تأتمر بأمر زعماء الإرهاب البعثي والفارسي في دمشق وطهران أن تحظى بثقة الإجماع العالمي للاعتراف بها وقبولها والوثوق بها؟



لقد جبل كثير من القادة الفلسطينيين على الغدر والخيانة ونقض العهود والإساءة لمن أحسن إليهم ونكران الجميل، وما تتعرض له يوميا هذه القيادات على أيدي الجيش الإسرائيلي هو جزاؤهم.



aalhadlaq@alwatan.com.kw

http://www.alwatan.com.kw/Default.aspx?tabid=164&article_id=472704

مواطن مصري said...

http://www.masrawy.com/News/MidEast/AFP/2009/January/7/682064.aspx

نصرالله: محامون مصريون رفعوا ضدي دعوى في المحكمة الجنائية الدولية


هتلاقيهم بتوع ابراهيم عيسي اياهم


بس هو قال نصر الله اخطأ لما دعى مصر للفوضى





يا طفطف هاتتتتتتتتتتتتتتتتتتتتتتتتتع حلقة منى الشاذلى النهاردة قصيدة فاروق جويدةةةةةةةةةةةةة

حـنــّا السكران said...

أنا فاكر انه جيمي قال عليك مرة ..انك لما بتفرحي بتبكي و لما تزعلي بتبكي ..و أعتقد انك لما بتكوني في حالة بين بين ..كمان بتبكي
ـ بس فعلا معاك حق يا نوارة ..أنا كمان في حاجات بشوفها لأول مرة و منها بعض الحاجات اللي ذكرتيها .
ـ عمري ما شفت هيكل موجوع و بيحاول ما يخرج عن طوره إلا هالمرة .و عمري ما شفت السيد حسن قرفان ومش بيخبي قرفه إلا هاليومين .
ـ على فكرة ..فيه كاهن لبناني كتب كتاب عن الحسين و المسيح و تشابه المعاناة و التضحية ..و كاتب سوري مسيحي كمان ..بس والله مش فاكر الأسماء هلئ ..حتى اسمي الثلاثي مش فاكره .و دي حاجة بتحصل لأول مرة كمان .

ahmed said...

وليد المعلم كان ضيف برنامج (ماذا بعد) على المنار من شوية
الراجل ده محترم جداً و حاول يكون دبلوماسى لأقصى درجه

لكن الوضع للأسف وضعنا بالذات منيل بستين نيلة
و مش نافع معاه لا دبلوماسية و لا قرف

ابقى شوفى الحلقة فى الاعاده

حـنــّا السكران said...

انا شفت حلقة وليد المعلم ..نفس انطباع أحمد

حـنــّا السكران said...

احضري نجاح واكيم على ان بي ان

مواطن مصري said...

لازم يا نوارة تجيبي قصيدة فاروق جويدة الجديدة لازم لازم لازم


مش انتي صحفية هاتيها لسة هنستنى الجمعة

مصــــري said...

الكل لازم يبقي متلخبط يانوارة.
لازم نحس ان احنا بقينا مخروسين موجوعين مذلولين.
زي ما يكون بنضرب بكرباج وايدينا متقيدة وعيني في عين اللي بيضربني.

الشعور بالترنح والتخبط في كل شئ وفي كل شخصية محترمة يمنعهم الحياء أن يبكوا أمام الشاشات.

شاب في مقتبل العمر في سني تقريباً يرقد مبتور القدم في مستشفي الهلال الأحمر كل ذنبه انه فلسطيني نظرت له وقلت لو كان الوضع معكوساً لحمل السلاح ودافع عني.

ليه بنفكر دايماً ان العرب كشعوب متفرقين ازاي نتفرق والوجع واحد.

في شباب مشيوا في مظاهرات وهما اساسا بالليل كانوا بيحششوا.
يمكن من الضغط يرتكب غلط لكن ساعة ما يحس انه موجوع بيقف زي الأسد ويدافع ويساعد.

آسف لطول التعليق.
لكن كمية الانسانية في هذا البوست الذي عبر عن نفس كل شخص عربي أصيل تجعل الكلام يخرج بلا حساب وبلا تكلف.

دام قلمك رائعاً
أسامة

Tarek said...

Nawaaaaaaaaaara 2el7a2eeny ana mesh mesada2 manshet el gomhoria da hya weslet le keda

http://www.algomhuria.net.eg/algomhuria/today/fpage/

جبهة التهييس الشعبية said...

هم مش ح يعملوا رد الفعل ده الا اذا كانوا خايفين يا طارق

كلام هيكل النهاردة صح مية في المية

مصطفى كلمني وقال لي انه برة
اول ما يرجع ح يرفعه

Anonymous said...

احمد سعيد

هى وصلت السفالة للدرجة دى
فية اية
حد يفهمنى ياجماعة
دى عاملة زى مانشيتات الجرايد قبل 67
فية اية

؟

حانوتى؟؟؟؟؟؟؟

معقولة الانحطاط دة

طالما المسالة وصلت لكدة يبقى اكيد الناس دى ناوية على حاجة
ومستحيل هيقفو لحد الشتيمة فى الجرايد بس

ان حاسس ان فيه حاجة مبيتة لحزب الله قريب

Tarek said...

صح زى ما قال هيكل بلظبط العنف المبالغ فيه بس انا اللى زعلان عليه هوا شايفنا ازاى دلوقتى يا ترى فاكر المصريين كلهم كدا

جبهة التهييس الشعبية said...

لا يا عم
فاكر مصر كلها كده ايه؟
هو عيل صغير؟

Dornen said...

حوار هيكل عن غزة علي يوتيوب

http://www.youtube.com/user/elbashayercom

شريف سعد

هرطقة said...

http://www.youtube.com/watch?v=F80UGaxRLoU

سنابل قمح said...

رابط الجمهورية مش بيفتح عندي
جايبين سيرة السيد حسن ؟ قايلين ايه ؟

Tarek said...

m3lesh ya nawara mesh 2asdy a5no2ek bas shofy keda fade7 naso by2ool aeh

http://www.haaretz.com/hasen/spages/1052974.html

Anonymous said...

احمد سعيد


اقرو كمان مقالة محمد بركات فى الاخبار
دة دخل على سوريا كمان
اية البلطجة دى

جبهة التهييس الشعبية said...

ده مافيش غير الجزء الاول بس

مواطن مصري said...

انا بعتلك ميل وصلك؟

جبهة التهييس الشعبية said...

رديت عليك يا عمرو

هرطقة said...

لأ الباقيين موجودين باسم هيكل 2 و 3 و4 لحد 9

جبهة التهييس الشعبية said...

طارق
ما شفتها يا اخويا
وكتبت له بوست عنوانه
يا عووووووووووووكل يا مسيطنييييي

Anonymous said...

احمد سعيد

وشوفو كمان الجعر دة
http://www.ndp.org.eg/AlWatanyAlYoum/Topics/ViewTopicDetails.aspx?TopicID=8494

حـنــّا السكران said...

لا بيستفيدوا من كلام هيكل و لا عندهم استعداد يستفيدوا من كل اللي حاصل حواليهم ..وسط كل هالمجازر ..ما عندهم همّ غير يكتبوا افتتاحيات هزيلة يهاجموا فيها نصرالله . دي حربهم الكبرى .طيب يا اخي يتصرفوا على انهم إعلام دولة كبرى زي ما بيقولوا..هم مش بيقولوا انه حسن نصرالله مجرد عميل لإيران؟ طيب دولة كبرى بيبقى اعلامها العظيم ده موجه ضد شخص عميل؟ وافتتاحياتها ضد شخص . و كل ما حكى كلمة ..تنزل المانشيتات العسكرية عشان ترد العدوان الغاشم .
يا سبحان الله ..ابراهيم عيسى بيكتب افتتاحية ..نص شباب العرب بيستنوها كل يوم . و الناس دي عمرها ما رح تتعلم .

77math said...

البرنامج يعاد الآن على الجزيرة

سنابل قمح said...

حلقة الأستاذ هيكل بتتعاد تاني دلوقت للي عاوز يشوفها

مصر 30 said...

http://www.youtube.com/watch?v=F80UGaxRLoU
حلقة هيكل

حـنــّا السكران said...

الأخ أحمد سعيد

وليد المعلم قبل شوية كان بيقول انه بقي 9 ساعات يحاول يقنع الوفد المصري بفتح المعبر دون جدوى .
ـ أنا شايف انه معركة غزة رح تؤسس لمرحلة جديدة في المنطقة . وما عدت شايفها معركة بين الصهاينة و الفلسطينيين زي كل المعارك اللي مرقت . أنا شايف انه العالم كله بيقاتل في غزة دي الوقت . معركة محاور و تصفية حسابات بين أطراف (خصوصا عربية ـ المحورين المعروفين و كل طرف و معاه حلفاءه)و بتتم على أرض غزة . و مش رح توقفهم المجازر .. في أنظمة شايفاها معركة حياة أو موت بالنسبة لها . و شايفة انه اذا انتصرت المقاومة يعني دي بداية نهايتهم . و الكل بيستغل المرحلة الانتقالية في امريكا . دي معركة كسر عضم الظاهر يا أحمد ..و ربنا يستر من اللي جاي .

TAFATEFO said...

نأسف بشده

بس محدش قال ارجع .. وأنا كنت رجعت

أنا هقطعها وأرفعها على جزء واحد على جوجل فيديو وأبقى أحط لنك تحميل

هاسيب لحضرتك اللنكات أول ما تترفع .. بس ده هياخد كام ساعه

أتفرج بقى علشان ملمحتهاش

Anonymous said...

احمد سعيد

دة مقال ابراهيم عيسى 7يناير

http://dostor.org/ar/index.php?option=com_content&task=view&id=11870&Itemid=1

Dornen said...

اتفرجت علي هيكل, و بيقول انه مش فاهم الموقف المصري, مش لاقيله تبرير منطقي

انا حاسس اني في كابوس و انا صاحي و انا نايم

و عجز مالوش اخر, بس مش يأس الحمد لله

يا رب بصرني و نورني اني اعمل اللي عليا

ان شاء الله بكرة اعمل ايفنت بالادوية و اسعارها و الهام منها علي الفيس بوك

اشتريت النهاردة جزء كبير منهم, و اغلبهم سعره اقل من 20 جنيه, و تفائلت في اجتماع اللجنة في مركز هشام مبارك النهاردة

يا ريت بس الناس تنجز في شرائهم لاني حاسس و متوقع ان اسرائيل تحاول السيطرة علي معبر رفح عشان الانفاق, و بالتالي غلق المعبر لاجل غير مسمي

ربنا يستر

شريف

minesweeper76 said...

ولادة و حبلة و بكرية غصب عن عين اللي باعوها

بس برضه لسه شوية ع المخاض و الولادة.. الأكيد إنه في نظام بيودّع و ألاضيشه بغبائهم المعهود بيتسابقوا على دق المسمار الأخير في النعش.. و بالمناسبة، الننوس الصغير أخيرا ظهر النهاردة في قداس عيد الميلاد، لكن برضه الإعلام الرسمي ملبسه طاقية الإخفا لغاية العاصفة ما تعدى

نصلي ع النبي بقى و نفوق عشان الولادة المرة دي حتبقى على إيد جيلنا.. و الله أعلم المولود حيبقى شكله إيه

تولد و تقوم بالسلامة

سيد محمود عبد العظيم said...

السلام عليكم يا نوارة. أنا أقرأ مدونتك منذ ما يزيد عن العام و أنا معجب بشكل عام بالمدونة و بفكرك و لكن عندي تعليق و هذه أول مرة أعلق عندك. أستطيع أن أتفهم لماذا يصفون السادات و مبارك بالخونة و هم بالفعل كذلك حيث لا يوجد أي لفظ باللغة يصف تصرفاتهم غير كلمة الخيانة و لكن ما لا أستطيع أن أفهمه لماذا ينظر الناس لزمن عبد الناصر و يترحمون عليه. جمال عبد الناصر و نظامه هو أول حلقة في السلسلة التي أوصلتنا لما نحن فيه الآن. و ثورة 23 يوليو ليست كما يتصورها الناس. ثورة يوليو كانت بداية إنهيار هذا الوطن و مبارك و نظامه ليس إلا مكمل للسادات و نظامه و السادات ليس إلا مكمل لعبد الناصر و نظامه و ما نحن فيه اليوم ليس مسئولية مبارك وحده إنما بدأ من 1952. ما أريد قوله هنا أن هيكل كجزأ لا يتجزأ من ثورة يوليو و أكثر المقربين من عبد الناصر يعلم الحقيقة كلها و كان شاهد على تدمير عبد الناصر للإنسان المصري و لم يتكلم حينها و لم يتكلم بعد ذلك و لن يتكلم للأبد. هيكل هذا هو أكبر و أخطر كذاب في تاريخ العرب الحديث. و أظن أنك يا نوارة قرأت كتاب مايلز كوبلاند "لعبة الأمم" و كتابي المرحوم محمد جلال كشك "كلمتي للمغفلين" و "ثورة يوليو الأمريكية" أو قرأت عنهم.

ما يحدث لفلسطين الآن هو النتيجة الطبيعية لما يعرف بثورة يوليو. كان عليهم تدمير مصر أكبر دولة عربية و التي تصدت للصليبيين و المغول فساندوا العسكر في إنقلابهم و النتيجة أنهم دمروا الإقتصاد المصري و من بعده الجيش المصري ثم أحتلت سيناء فتحول السلام مع إسرائيل إلى الحل الوحيد و أصبح التطبيع معهم الخيار الوحيد و تحولت القضية الفلسطينية من كونها قضية إسلامية إلى قضية عربية ثم الى كونها قضية الفلسطينيين وحدهم و إذا أستمر التدهور فسنتفاوض مع اليهود قريباً على القاهرة.
خلاصة ما أريد أن أقوله و أعتذر عن الإطالة, جمال عبد الناصر مجرم و خائن و كذلك السادات و حسني مبارك و لكنها الظروف الدولية التي جعلت بعض الناس ترى بعضهم على حق. و لكن ما أؤمن به أنهم كلهم من نفس طينة إبليس. أما هيكل فإنه أكبر مزور للتاريخ و لن يذكر أبداً الخيار الإسلامي ألا و هو أن يخوض العرب الصراع مع اليهود من منظوره الصحيح "صراع بين الإسلام و اليهودية", ليس سياسياً بل إسلامياً.
أما غزة و حماس فليس لهم إلا الله عز و جل بعد أن خانهم الجميع علناً (الخيانة قديمة و لكنها كانت سراً).

عمرو النوبى said...

أنا كمان ساعات بختلف مع الأستاذ لما بحس انه بيحتكر الحقيقه والتاريخ لنفسه لكن امبارح فعلا" كان فى منتهى الألم وتحسوا أنه مذهول ومش مصدق وهو قال كه بنفسه بس بجد وضح كتير من الأمور اللى كانت غايبه عننا وشرحها بمنتهى الفهم والبساطه المطلقه