Wednesday, 14 January 2009

مدرسة ابو الغيط الفضحية خنقات



امتحان مادة الغيطية للشهادة الصحية
مدة الامتحان: لا تزيد عن خمسة واربعين سنة
السؤال الاول:
"المسئولية تحتم ان نحافظ على ما نقوم به حتى ننقذ ابناء الشعب"
ترجم العبارة اعلاه باللغة الصيني
السؤال الثاني:
"الحقيقة ان الشعب هو الذي يقتل ويموت"
اذكر اسم العالم صاحب هذا الاكتشاف العلمي الفذ
(ابو العبيط – ابو الغيظ – ابو امك)
السؤال الثالث:
"الهدف انقاذ شعب فلسطين وليس توجيه اللوم هنا او هناك"
اختر من بين الاقواس المثل المعبر عن هذا التصريح: (يعملوها ويخيلوا – يقتل القتيل ويمشي في جنازته – لا تـ.. كلم ابو الغيط ولا تخلي ابو الغيط يـ....كلمك)
السؤال الرابع
استمع الى المؤتمر الصحفي ثم اكمل الجملة الآتية
مصر على مدى تاريخها.....
اختر ما بين الاقواس:
(انت عارف يا احمد يا ابني اني باساعدك انت وامك وقمصاني وشرباتي وفانلاتي – كنا رجالة ووقفنا وقفة رجالة – سرقوا الصندوج يا محمد لكن مفتاحه معايا)
السؤال الخامس
"فهؤلاء الذين يتصورون ان مصر تنازلت هنا او قدمت هناك او انها باعت ذاك او اشترت هذا"
سؤال المنطق: اذا مصر لا تنازلت ولا قدمت، ولا باعت ولا اشترت، تبقى عملت ايه؟
(عملت بامية – عملت عيشة – عملت عمل – عملت بيبي)
السؤال السادس
"مصر ليست في ما يسمى بالبازار على وجهة النظر الايرانية"
شوف لك سؤال ينفع للجملة دي وجاوب عليه
السؤال السابع:
"ومن لا يعي هذا فلا نستطيع الا ان نشفق عليه او نشفق له"
بين معاني الكلمات
نشفق عليه:
(نقعد عليه ونشفق – نشرب عصير نشفق وبعدين نعملها عليه – نشفق مشتقة من اسم شفيق، شفيق اسم شفقة مرفوع بالجرة جلال مضاف اليه امونة بعت لها جواب)
نشفق له:
(نشفق في سلطانية ونديهاله – نشرب عصير نشفق ونرجع في كيس ونقفله ونديهوله – له: اسم له، منه له جاي رايح منه له)
السؤال الثامن:
"الجهد المصري لعلمكوا لم يتوقف حتى قبل العمليات العسكرية...."
اكمل:
(ياما جاب الغراب لامه – خاف الله خاااااف الله – تحت الحوض؟ خدتي م اللي تحت الحوض)
"يعني قبل العمليات العسكرية والعمليات العدوانية بعتنا جبنا الست دي اللي اسمها...."
(الست دي ليفني جراني طول عمرها – الغازية لازم تنزل – ست البنات الامورة الاصل احلى من الصورة – ست سنين اشغال شقة)
السؤال التاسع:
اجب:
مين سوزي الجنيدي؟
السؤال العاشر:


"قلت لا يتصور ان يبقى فيه عملية عسكرية ولا يمكن ان نوافق وبالتالي كلمة خطوط حمرا دي لا يمكن ان نفكر فيها لانها امر مستحيل اننا نخش في عملية عسكرية طبعا كنت..."
اجب على الاسئلة التالية
1- حمرا؟ حمرا مين؟
2- "مستحيل اننا نخش في عملية عسكرية" استخرج نون النسوة من كلمة اننا وكلمة نخش وقول لي عايدة على مين؟
3- طبعا كنت...
اكمل بما يناسب الجملة.
السؤال الحادي عشر:
"طبعا كنت مخطئ لانهم دخلوا في عملية عسكرية لكن الحقيقة الموقف المصري كان بالغ الحسم"
سؤال البلاغة:
استخرج جملة مفيدة.
السؤال الثاني عشرة:
"وانت فاكرة هذا الكلام، وسألتك، وأكتر من كده كان في فندق الفرمونت وانا خارج من على الباب وانت سألتي هذا السؤال فاااااا....اللي مش عاوز يفهم هو حر ما يفهمش لكن الدبلوماسية المصرية قادرة وتمسك بالخيوط وتتصرف مع الجميع، مع الجانب الفلسطيني ومع السلطة ومع الاسرائيليين ومع المجتمع الدولي ومن يشهد الهجمة على القاهرة وهي هجمة دبلوماسية صحية يرى ان مصر في قلب المسألة"
سؤال الرياضيات:
1- "وانت فاكرة هذا الكلام وسألتك واكتر من كده كان في فندق الفرمونت"
بذمتك مش عايز تعيط؟
2- "اللي مش عايز يفهم هو حر"
السؤال: واللي نفسه ومنى عينه يفهم وانشالله يموت بعد كده يعمل ايه؟
(يموت – يولع بجاز وسخ – يشرب فينيك عشان مخه ينضف – يشقلب الحروف – يتعلم بوركينا فاساوي)
3- أجب على السؤال من خلال فهمك للنص:
لماذا الدبلوماسية المصرية تمسك بالخيوط؟
(ح تعمل بلوفر – الجيبة نسلت – ح تعمل وش وحواجب)
كيف تكون الهجمة على مصر هجمة دبلوماسية وفي نفس الوقت صحية؟
(دبلوماسية من غير كافيين – دبلوماسية دايت – الدبلوماسية ناعمة وقوية وكلها حنية – ينصح باستخدام الدبلوفضية لمرضى السكر)
مصر في ...... المسألة
اختر كلمة بنفس معنى كلمة "قلب" الواردة في النص)
(شر المسالة – ورك المسالة – حل المسألة – تلك هي المسألة)
مع اطيب تمنياتي بانكم تكونوا على اخر الورقة لسة عايشين وبصحكتوا

39 comments:

TAFATEFO said...

سوزي الجنيدي محررة الأهرام العربي الدبلوماسية والمسئولة عن الرئاسة والخارجية

ahmed said...

مين اللى المفروض ينجح فى الامتحان ده؟؟

جبهة التهييس الشعبية said...

طفاطيفو

يا فاشل
يافاشل يا فاشل يافاشل يا فاشل يا فاشل

ميت مرة قلت لك ما تسيبش سؤال فاضي، حتى لو مش عارف الاجابة اكتب اللي انت عارفه عشان اقدر اديلك نمرة

كده ح اديلك نص نمرة للسؤال ده وبس

عموما فكر

لسة الخمسة واربعين سنة ما خلصوش

Founoon said...

هموووووووووووووووووووووووت من الضحك

هموووت بجد

اه يا قلبي

ربنا يسعدك يا نوارة

بجد ابو الغيط فاصل كوميدي مش معقول

وقال انا اللي كنت بقول قاعد ليه ما يرموه في اقرب صفيحة زبالة وكفاية عرة

اتاريهم جايبينه كفقرة ترفيهيه في وسط الاحداث السودا اللي احنا فيها

TAFATEFO said...

أيوه بس أنا الوحيد اللي عرفت أجاوب على حاجه

بس استني .. انتي فاكره موضوع حماس - إيران - القاعده - آخر الكوبري على يمينك يا أسطى لو سمحت؟؟

لما قال حماس - إيران - القاعده .. مش فاكر هو ولا مين؟! أتاري الموضوع قديم .. سوزي الجنيدي كاتبه تحقيق في الأهرام العربي في شهر 6 سنة 2007 اقريه .. وطبعاً مفهوم مين هو المصدر الديبلوماسي

وطلعت في دماغي وهحاول أجاوب على الامتحان ده

Anonymous said...

بسم الله الرحمن الرحيم


الاجابة تونس


احمد سعيد

TAFATEFO said...

وسؤال كمان

ترجمة الجمله بالصيني

Traditional Chinese

責任有義務我們繼續我們正在做的事情拯救人民

simplified Chinese

责任有义务我们继续我们正在做的事情拯救人民

mido said...

:) الوقت مش مكفي يا أبلة :)

DomDam said...

الحمد لله، ماطلعتش انا لوحدي اللي مش فاهم حاجة
انا كنت في الشغل و فاتح موقع الجزيرة البث المباشر، اول ما شفت بسلامته طالع قلت ربنا يستر و ما يرجعش و يطرش من بقع كالعادة،و عليت الصوت و قعدت انا و مديري نسمع.
بعد ما خلص ترجيع، بصينا لبعض و سألنا بعض في وقت واحد:
أنت فهمت حاجة؟؟
مين سوزي دي؟؟
طب و الله فكرني بيونس شلبي في مدرسة المشاغبين
يا سلام يا جدع ده انت عليك حاجات!! ايه اللي انت قلته من شوية ده؟ ايوة هيا الكلمة اللي انت قلتها دي، انا عارفها، بس انت قولها تاني كدة و لا هات من الاول و لا روح يمين كده و لا شمال و لاااا
يا سلااااام عليك يااا جدع


انا بجد نفسي أعرف، هو ده أصلا دخل السلك الدبلوماسي إزاي؟؟

Anonymous said...

ماينفعش أجاوب بالياباني أبلة
أصل الصيني ده صعب أوي

Rania said...

هههههههههههههههههههههههههههههههههههههههههههههههههههههه
عسل يا نواره و الله

الا قويلى ابو الغيط ده بيشيلوا بطاريته منين
المفروض يفصل بقى بصراحه

يا رب شحنه يفضى و ما تلاقى اى شاحن فى الدنيا

TAFATEFO said...

تحقيق سوزي الجنيدي واكل دماغي

يكون الكلام ده حقيقي وهما كانوا قاريينه فعلاً؟؟ هو ده طبعاً لا يبرر رد فعلهم تجاه مجزرة غزة وسكوتهم المخزي

لكن الكلام اللي مكتوب حصل معظمه فعلاً

فهميني لحسن أنا مش ناقص لخبطه الله يكرمك

وبعدين برضه المصدر الدبلوماسي قال نفس الجمله .. مش هنسمح بإماره إسلاميه على حدودنا .. وبؤرة التطرف؟؟!! تطرف ايه يا أهبل وهي مقاومه؟؟!!

هو ايه الخوف من وجود حركة مقاومه على حدودنا؟؟

أنا شايف ان كلامه عن تعزيز الانقسام بين فتح وحماس وبعدين عزل حماس وإقناع العالم أنها إرهابيه ومن ثم ضربها وقتل المئات ده كلام منطقي

لكن الكلام أو اللي عايز يوصل كله على بعضه مش فاهمه .. وبعدين مش فاهم .. طب هو مصر ليه تعاملت كده بعد ضرب غزه .. يعني التحقيق مش قايل أصلاً مصر هتتصرف ازاي في حالة ضرب غزة

حاجه كمان .. طيب أنا فاهم ان مصر حاولت تعد الطرفين فتح وحماس وحماس رفضت .. ووقتها الكل استعجب

أهو أنا دلوقتي مستعجب أكتر .. ما هو حصل فعلاً ان ده كان في مصلحة إسرائيل فقط .. وان مش مفهوم ولا مبرر موقف حماس .. والكسبان من الحرب الحاليه هي إسرائيل .. ولو اتكلمنا عن انتخابات دفع تمنها ألف فلسطيني أرواحهم وآلاف دماءهم يبقى إسرائيل وليفني كسبانين .. وسياسياً حماس كسبانه

لو فاهمه حاجه فهميهالي بالله عليكي

DomDam said...

هو المقطع اتشال من اليو تيوب ليه؟؟
حد عمل عليه بلاغ و لا حاجة؟
يا حاج مصطفى يا ريت ترجعلنا الفيديون

عمرو النوبى said...

يانواره حرام عليكىىىىىىىى
فطست من الضحك ومفيش نفس نضحك
المهم أن وقت الأمتحان خلص وأنا بضحك
ياجماعه متوقعين أيه من واحد خريج كليه تجارة عين شمس
واشتغل سفير ل 4 سنين فى 3 دول لا بتهش ولا بتنش وباقى الشغل فى منظمة الفاو و مكتب وزير الخارجيه و الحاجه الوحيده اللى مسكها وكانت كبيره هى مندوبنا فى القلل المتحده
بالله عليك ياشيخ دى طريقة كلام لوزير خارجيه مصر - ده أحنا لسه مافقناش من "تعزيز دورها" أرحمنا بأه وحياة أبوك ياشيخ وحياة أبوك
بعدين انا حاسس أه واحد الناس مش مصدقاه وجايب سوزى يحلفها
وبعدين هو حضرته أشتغل مندوب تسويق سياحى لفندوق الفيرمونت ولا أيه - أيه ياعم الدعايه الجامده دى ؟
الله يخربيييييييتك يابودومه
هو اللى خلاه يشرب حشيش وهو مايعرفش ياولداه أنه حشيش !

Anonymous said...

اوووووف عليكم بقى
هفتل افهم فيكو لحت امتى
طييييييييييب نقول تانى

الحكيكة اننا نحافس على ما نكوم بيه من اجل ان ننكس ابناء الشعب
اية مالها دية اة ابناء السعب
اللى هما العيال اللى بيشمو كلة تحت كوبرى الملك الصالح
امال بتوع الاحداث بيعملو اية



السعب هو اللسى يكتل ويموت
طبعا السعب
امال البقر مثلا ولا الدبان
اية فيها حاجة غلط دى

لبحمية وخمسين املأة وتفل هما النزمة الغالمة من التحايا
منا قولتلهم ميييت مرة اطفال لا
وبلاش تتشطرو عالحريم
اتشطرو عالرجالة بس


لن اعكب على مسل هسة الاسئلة
اة انا مش بعقب
انا بسبرس بس


مصل بألها واحت وستين سنة بتنادل
اة بتناضل
امال دينا وفيفى ونجوى بيعملو اية
نضال دة ولا مش نضال


الفليك عبت المنعم لياض مات من اكل الكدية الفلستينية
طبعا مش مات وهو بيحارب فى فلسطين
مش عالقناة ولا حاجة



وصر بتحالب علسان فلستين
طبعا مهو ستة وخمسين كانت علشان فلسطين مش علشان قرار التأميم

وسبعة وستين وتلاتة وسبعين كانت علشان نحرر القدس مش سينا




مسل تكوم بحمل تبلوماسى من سنة تلاتة وسبحين
بس مع الاسف لسة مش عارفين نجيب حاجة من قطرة علشان نعرف نعمل العمل



مسل تناسلت هنا او كدمت هناك او باعت ذاك او استلت هسا
لا ياخويا احنا لابنبيع ولا نشترى
العالم كلة هو اللى بيبيع وبيشترى فينا
وبصراحة كدة احنا مكانش معانا فلوس وحنا داخلين..البازار بتشديد الزين
اصلى فى اخر الشهر عيد عنك ولسة ماقبضتش


مصل موكوتة على المسلح الحلبى
اسف هو قصدة المسرح القومى
من ستة لتسعة
وممنوع اصطحاب الاتفال

من لا يعنى هسا لا نستتيع الا ان نسفك علية او نسفك لة
نسفك علية يعنى ولا مؤاخذة لو اتزنقنا وملقيناش دورة مية فاضية
ونسفك لة
يعنى لو عندة تعنية نديلة اقراص من بتاعة الاسهال او نشربة شربة


هننأل للكانب الاسلائيلى ما تحسلنا علية من الاخوة فى فلستين
انقلها للزميل اللى جنبك
على الطلاق اللى همسكة تانى بينقل من زميلة لكون لاغيلة الامتحان ومعلملة على ورقتة

......بحتنا كبنا الست اللى اسمها
ايوة سنية زمبلك

الكانب المسلى لم يتوكف حتى كبل العمليات الحسكلية
يا عين امك يابنى
طب لية مخدتلكش قرصين انتوسيد

وكولنا هسا الحتيس واكتناة
صادق ياعين امك صادق

كابلت واحتة اسمها سوسى الكنيتى
اة لما كنت راكب عربية الواد شيكو وماشيين فى شارع جامعة الدول
وخدناها شقة الواد كيمو

حملا
قصدة حمرا
اللى هى
الطاحونة طبعا


كنت مختىء لانهم حملو حملية عسكلية
وقولتلهم ميت مرة بلاش يوسخو السرير
علشان كدة هبقى البسهم بامبرز
وافرشلهم مشمع


الموكف المسلى كان بالخ الحسم من اللحسة الاولى فلا تسعيد ودبت النفس
علشان الغازات ولا مؤاخذة



انتى فاكلة هذا الكلام ونا فاكلك
ايوة عارفك يا بتاعة تانية رابع

لما كنت فى الفيلمونت وخالج من باب
ايوة باب الدورة ولا مؤاخذة وانتى كنتى ماسكالى الكلينيكس وبتقوليلى بالشفا يسدحمد



اللى مس عايس يفهم هو حل مايفهمس
كتكو نيلة فى غباكم


لا يمكن ان ننكل حك بلتنا فى ان تفحل فى سالح السعب الفنسطينى وليس نفسها
TRANSLATE IN TO ARABIC


مع تحيات ليلى صديقة الطلبة




احمد سعيد

Anonymous said...

تصريحات ابو الغيط كلها يليق بها المثل القائل: ماتخدش من الحمار الضعيف ..غير الظراط القوى. حسن على

Anonymous said...

بس سؤال كيف يمكن أن يكون هناك هجوم صحي؟؟؟؟؟؟؟؟ كيف يعني ؟؟؟ مالمقصود بالصحة


على كل حال السعودية دعت الى قمة خليجية غدا

TAFATEFO said...

:D:D:D:D:D

آي والله ليلى صديقة الطلبة

هو بيتكلم كده فعلاً الأهبل ده

واحدة مفروسة said...

هههههههههههههههههههه
حموت من الضحك
انا لولا انى مضايقة من اللى بيحصل و من اللى بسمعه و بشوفه
كنت خلصت الوقت فى الضحك



بس لعلمك ده ظلم
الاسئلة مش فى المنهج
هاتى اسئلة من المنهج و انا اجاوب

مهندس مصري said...

هههههههههههههههههههه
لا تلاعب العبيط و لا تخلي العبيط يلاعبك

dodda said...

طيب الاجابه نسلمها فى اى معتقل يا ابله؟؟؟

مش ممكن نخلى الاسئله من فيلم ابو حلموس بدل ابو الغيط؟؟؟

مصر 30 said...

الكوميدى إن مشكلة أبو الغيط فى الأخر كانت إنه يثبت لصحفية إنه سألها أو سألته قبل كده و كان ناقص يقول لها بأمارة ما كنتى لابسة جيبة بنى و بلوزة خضرا و أنا كنت ماسك كراسة الرسم فى إيدى !!!!!!!!!!!
بيلاقوا الناس دى فين ؟؟؟؟

77Math said...

مدة الامتحان: لا تزيد عن خمسة واربعين سنة

ليه ؟

اشمعنى 45؟

ليه مش 60 ؟

وليه مش 73 ؟

اشمعنى 45 ؟

دي مؤامرة على فكرة على العرب والمسلمين

بس حجاوب أهو

2- "مستحيل اننا نخش في عملية عسكرية" استخرج نون النسوة من كلمة اننا وكلمة نخش وقول لي عايدة على مين؟


نون النسوة تحولت إلى نون الجرب وهي عائدة على كل الحكام العرب

1- "وانت فاكرة هذا الكلام وسألتك واكتر من كده كان في فندق الفرمونت"
بذمتك مش عايز تعيط؟

لأ نفسي أرجّع

أو الأرض تنشق وتبلعه

2- "اللي مش عايز يفهم هو حر"
السؤال: واللي نفسه ومنى عينه يفهم وانشالله يموت بعد كده يعمل ايه؟
(يموت – يولع بجاز وسخ – يشرب فينيك عشان مخه ينضف – يشقلب الحروف – يتعلم بوركينا فاساوي


اللي عايز يفهم: غلطاااااااااااااااااااااان

لأن احنا قلنا يا حبيبي تحفظ ما تفهمش .. هي كدا تحفظها وتطرشها ف الامتحان من غير نقاش


ماذا الدبلوماسية المصرية تمسك بالخيوط؟
(ح تعمل بلوفر – الجيبة نسلت – ح تعمل وش وحواجب)

أخرى: لأنها تخشى أن تمسك بالإبرة!

مصر في ...... المسألة
اختر كلمة بنفس معنى كلمة "قلب" الواردة في النص)

أنف


والبقية كمان 10 سنوات كفاية كدا

3asheg.nawara said...

s

3asheg.nawara said...

لسه زعلان
يخرب مطنك
بس ده مش وجت ضحك خالص

Dornen said...

ابو العبيط خلاني افتقد محمد سعيد الصحاف

مينفعش نبدل طالما كوميديا سودا بكوميديا سودا ؟

اقله الصحاف كان مسلي اكتر


بالمناسبة

http://www.palcolony.p2h.info/vb/showthread.php?t=2344

Anonymous said...

يالهوى ياللة حظك يابن العبيط يوة قصدى يابو الغيظوبمناسبة صيقة الطلبة دى الواد ابنى كل مايشوفة يقولى على فكرة بقى الرجل دة مش مظبوط ولد قليل ا دب صحيح

e7na said...

نواره
انا عامل جروب اسمه الحمله القوميه للحجر على احمد ابو الغيط
ممكن انقل البوست ده هناك؟

جبهة التهييس الشعبية said...

الحجر عليه؟
هههههههه
طيب انقل البوست زي ما انت عايز على ما اصحح الورق بتاع اللي جاوبوا

جبهة التهييس الشعبية said...

للاسف عمرنا ما ح نتقدم طول ما احنا مش بناخد حاجة بجدية ابدا
انتوا داخلين تهزروا يا بهوات؟
ماحدش اجتهد وذاكر غير تلاتة

الجائزة الاولى: طفاطيفو
وده لانه ما اكتفاش بالكتاب المدرسي وراح لحد ترجمة جوجل وجاب مراجع من هناك

الجائزة الثانية

77 math

ولو انها ما جاوبتش كل الاسئلة
بس انا احب الابداع في الاجابة


الجائزة الثالثة

احمد سعيد

وده بيرجع لتفوقه في اللغات الحية والميتة

والباقي ساقطين ساقطين ساقطين

يا فشلة

lastcrazyboys said...

لا معلش بقى المرة دي..معلش

الراجل زي الفل اهو..وشمعة منورة" زي ماعمــرو أديب بيقول"..
لا بجد انتي وريني فين السؤال بس ..انا احط ايدي عالسؤال تلاقيني فريرة على طول
ايوة..مـاهو المنـطق؟؟
أهــو الراجل بيتكلم وبيقولك : ايوة انا اخطأت ..يعني "اني خاطئة ..يالويزا الطاهرة..صلّي من اجلي" ..مش هو بيقول كده برضه ..هو ده المنطق ولا مش هو
يا متعلمة يا بتاعة المدارس
انتوا بس كده يا مصريين لما تقلبوا على حـــــــد..!!!يا ساتـــــــر

muslima said...

ضحكتينى وابكتينى

آآآآآآآآآآآآآآه

انا بصراحة طول عمرى متفوقة والحمد لله

بس امتحان زى ده عايز امتحان متفوقين ومتميزين وعباقرة لان الاختيارات المطروحة كتير متشابهة وكلها احسن وافضل من بعض المفروض كنتى تعملى اجابة اضافية تقولى فيها

" كل ما سبق "

.....................


بالنسبة لمتحف الهولوكوست ياريت حد يقولى ازاى اشترك فيه قعدت ادور فى الصفحة مش لاقية ولما لقيت لقيت صفحة مكتوب فيها الكلام ده

Kindly send us any information of the Palestinian children killed by Israeli forces in the context of the new Holocaust. PHMM@iolteam.com



Preferred form of information

- Name (of the child)

- Age

- Date of Death

- Place of Death

- Weapon Type

- Details of the last hours

- His/her Hobbies

- His /her Dreams

- Belongings (photos, videos, diaries …)


مش فاهمة يعنى هما عايزين بيانات عن المصابين والشهداء زى ما هو مكتوب

ودى هانعرفها ازاى

حد يفهمنى هما عايزين طبيعة المشاركة تكون ازاى

جزاكم الله خيرا

muslima said...

حد شاف حلقة منى الشاذلى من رفح

الحقيقة حلقة جامدة تشهد لها

انا مش بحبها قوى خصوصا لما راحت تقابل بوش

عموما تعليقى على الحلقة

اولا الحلقة حلوة الا لقطات الحزب الوطنى اللى كان ماشى كانه ماشى يستعرض عضلاته بكل قياداته

وبعدين منظرهم فى المستشفى وبعدين كلامهم قدام قيادات الحزب فى العريش

قمة النفاق وحاجة تقرف بصراحة

جيمى قال " احنا انهاردة بنوجه كلمة لاسرائيل ونقولها اللى بتعمليه فى غزة انهاردة ومن زمان عمره ما هايحقق الامن لاسرائيل كدولة "

يااااااااا الله

دولة مين يا عم
الله يسامحك ويهديك
يعنى انتى معترف بيها رسميا انها دولة اصلا

خلاص كده خلصت

طيب ماشى دولة وانت خايف وبتنصحها علشان امنها

قال يعنى هيا هاتسمع كلامك

طيب والفلسطينيين دول اصحاب الارض المحتلين مالهمش نفس يعيشوا فى امان هما كمان

طيب اى حاجة للناس الغلابة دول بقين على الماشى
طيب كلمة لرجال المقاومة طيب
اى حاجة الله يكرمك تقابل بيها رب كريم يوم القيامة

الله يسامحك ويهديك !!



تانى حاجة الطبيب الاردنى اللى كلمته منى وهو واقف من فترة كبيرة ومعاه شنطه وبيقول انا جيت والسلطات مش عايزة تخلينى اعدى المعبر
علشان معهوش جواز مختوم من السلطات الاردنية اللى رفضت

منى قالته طيب هاتعمل ايه هاتفضل واقف كده
قالها هافضل واقف لحد ما عدى مش ماشى
وقعد يكرر الكلمة وتقريبا دمه
وقالته معاك ايه
هو جايب شنطن فيها كل الادوية والمسكنات والحاجات اللى قدر يجمعها
وقالها اى حاجة اقدر اساعد بيها

طيب متخلوه يعدى ويكتب على نفسه تعهدايه القرف ده
الاردن مش عايزة تختمله الجواز
والراجل عايز يعمل حاجة
ايه القرف ده
لا بترحموا ولا بتخلوا رحمة ربنا تنزل


تالت حاجة الغريبة بقه
هما اهل رفح المصرية اللى بيوتهم اتهدمت اللى لاحظته ان الناس اللى استضافتهم منى غلابة قوى قوى قوى شكلهم ميعرفوش حاجة فى الدنيا وعيشتهم متدنية بدليل البيوت اللى سقفها من صفيح
اه والله
بيوت غريبة عاملة زى الملاجىء

والسؤال
هى الحكومة فين وبتوع الحزب اللى زاروا العريش دول معدوش على الناس الغلابة دى وشافوهم

طيب وقيادات الحزب هناك فين من الناس دى
دى ناس عامين زى ما يكونوا عايشين فى القرون الوسطى
يشبهوا سكان العشوائيات اللى بنزورهم هنا فى القاهرة

يااااااا الله عليكى يا مصر

قمة التناقض
قمة الطبقية
قمة الزيف

ناس فوق ناس تحت تحت

ماسمعناش يعنى ان حد من البهوات قال هانشوف الناس اللى اضررت ونعملهم حاجة ونشوفلهو مأوى بديل

ده واحد شاب كان بينقل عزاله من بيته الصفيح اللى اضرب وقال لمنى الشاذلى
لما سالته هاتروح فين
قالها هانروح اى مخزن او اى حتة بعيد لحد ما الضرب يخلص

يا بتوع الوطنى
الله يسامحكم ويهديكم
حسبنا الله وننعم الوكيل

Bella said...

احم احم

بص في ورقتك منك له

انا شايفة تسيب في اللجنة ياست نوارة
هو انت واقفة واسيباهم بيغشوا

طييييييييييييييب

ان ماكنت اجيب لكم الست ليفني تراقب عليكم ياشوية طلبة فشلة ماابقاش انا

ووروني بقى ح تعرفوا تجاوبوا ازاي وهي واقفة في اللجنة

بجد يانوارة

مزاجي منيل بستين نيلة بس البوست بتاعك ده موتني م الضحك وانا مقهورة وماليش نفس اضحك

تصدقي بقى ليكي مواهب في وضع الامتحانات ممكن تنفع في تطوير التعليم

ههههههههههههههههههههه

بص قدام ياسيدي انت وهو والا ح اسحب ورقتكم واعمل لكم محاضر غش في مجلس الامن

عمرو النوبى said...

حد سمع مكالمة شاهدة العيان فى تل الهوى
والله العظيم ده حرام
والله حرام
والله حرام
بتتكلم بطريقه شبه عاديه وفجأه صوت الطيران والقصف فوقهم والأطفال بيصرخوا وهى بتتشاهد وواضح انهم كانوا بيجروا
ياريت أى حد جاب المكالمه دى ينزلها هنا بعد اذن نواره
وشفتوا حلقة منى ؟
تخيلوا دول قاعدين هنا فى رفح
طيب الناس اللى بيضرب بيتها ولما تحاول تخرج بيضربوا قدام البيوت علشان يخشوا تانى
دى ساديه وماشوسيه
بيعذبوهم ليه
أضربوا فوق روسهم وخلاص ماكده كده هايستشهدوا
لحظة الأستشهاد أفضل ألف مره من لحظة خوف وأن الأم والأب تشوف عيالها مرعوبين وبيموتوا من الهلع أو بيستشهدوا قدام عيونهم .

Anonymous said...

الله يحظك يا نوارة

ضحكتيني اوي بالامتحان ده

ولكنه ضحك كالبكاء



TigerEye
www.almoarekh.com

فيه ايه!!!! said...

الله يحظك يانوارة يااوختشي
خلصتي كل الافيهات طب وبعدين يخلص الضوحك مثلا؟

bluestone said...

بغض النظر عن مضمون الكلام
بس لما تبقى طريقة كلام واجهة السياسة الخارجية في مصر
يبقى يادي المصيبة
يعني اسلوب الحواري ده ازاي يبقى اسلوب اكبر دبلوماسي في مصر

الست دي اللي اسمها ليفني ؟؟؟؟
!!!!!!!!!!!!
لا تعليق

Anonymous said...

ولتحيا البوليساريو كمان

لا يا شيخ البوليزاريو إللي إنت بتقول عليها كده ما تعرفش عنها حاجة
دول مجموعه من الناس مرتزقة مدعومين من النظام الجزائري عايزين يخلقو دولة جديدة