Monday, 12 January 2009

هم بيتغابوا حتى على نفسهم؟

تحديث: اه صحيح، ضروري والنبي تصوتوا على الاستفتاء اللي انا عاملاه ده والنبي، كل واحد يصوت مرة واحدة
ضروري بس عشان فيه حاجة كده ح نتكلم فيها سوا
يعني الناس خطفت جندي اسرائيلي، تقوم اسرائيل عشان تنقذه تموته؟
ايه الغباوة دي؟
على فكرة، مش ح اقدر اقول اني مبسوطة، حيوان مين اللي ينبسط في الظروف دي، بس متفائلة
اولا اسرائيل مش ح تلوش بالغباوة دي الا اذا كانت واخدة علقة كويسة ملففاها حولين نفسها ومخلياها تعافر وتعند وتستخدم كل الوسائل عشان ما ينفعش تاخد علقة تانية والا ح تبقى محدتة حمامات التلات ومسخرة القهاوي
ثانيا وصل بيها الجنان انها تستخدم اسلحة فسفورية والمجتمع الدولي كله بيعزز عليها، النهاردة في جنيف كانت الجلسة آخر تعزيز
كده بقت فضيحة تاريخية، والفضيحة دايما في مصلحة اللي معاه الحق
ثالثا اوباما ح يعطي اولوية للسلام؟ ده عند امه يا ادهم، جزمة مين اللي ح يعمل سلام مع اسرائيل؟ الا اذا كانوا ناويين يلعبوا لعبة في الانتخابات وغيروا طقم الحرب ده عشان الحكام العرب الهبل يبقى لهم نفس يقعدوا مع الحكومة الجديدة
رابعا اسرائيل منعت حزبين عربيين من دخول الانتخابات!!!! اهلاااااااااااا
join the club
برضه يا اخوانا من عاشر القوم، مدام ابتدوا يعبطوا كده يبقى كويس، بدل ما قاعدين نقول اسرائيل متقدمة علينا علميا واقتصاديا وبتنجان، احنا لسة ح نقوم نجري وراها، اهي جاية اهي، عشان نعرف نتعامل بس
خامسا لو حصلت انتخابات حرة في فلسطين - واشك ان امريكا ح تسمح بكده مرة تانية لكن الله غالب - طقم محمود عباس وسلام فياض ودحلان وشلتهم (ما اقصدش فتح اقصد الطقم اللي قتل عرفات) ح ينضربوا بالشباشب والقباقيب، ولا حتى ح ينتخبوا نفسهم، ولو امريكا فرضت سلام فياض مثلا او اي حد من المطروحين زي عريقات على سبيل المثال والحصر ح تبقى ليلة سودا على دماغهم ودماغ امريكا في ساعة واحدة
سادسا
والله حرب غزة دي تنفع تتسمى الفاضحة والكاشفة زي سورة التوبة كده
مش بس فضحت العالم والحكام العرب
فضحتنا احنا نفسنا قدام نفسنا
والفضيحة كويسة، انا باحب الفضايح، عشان كل حاجة تتشاف تحت الكشاف وتتعالج
ان شاء الله
ان شاء الله
ان شاء الله
الكيان الصهيوني الى زوال قريب، وح ياخد معاه كل الجربانين والدلاديل وكل النتانة اللي في المنطقة اللي جات معاه، وح تمشي معاه ان شاء الله
تسألني بأمارة ايه؟
اقول لك: احساس كده

31 comments:

هرطقة said...

هو التفاؤل حلو يا نوارة
لكن التفاؤل الزيادة غلط
الكيان الصهيونى إلى زوال صح
لكن مش قريب
أصله مش هيتحلل لوحده يعنى
حتى لو أمريكا انهارت قبله
لازم يبقى عن أشكالنا دم ونتحرك ضد الدلاديل بتوعنا احنا الأول

مواطن مصري said...

نوارة ضربو الحدود النهاردة مش بقولك شامم ام ريحة 67


شكلنا هندخل حرب من تاني ربنا يستترررر

TAFATEFO said...

بصي حضرتك أنا كنت عملت فريند ريكويست لحضرتك على يوتيوب .. بس متضافش .. فيا ريت حضرتك تروحي على الصفحه دي دلوقتي يا ريتوتاني مربع في الناحيه الشمال تدوسي على أد فريند من فضلك علشان عايز أوري حضرتك حاجه

TAFATEFO said...

وبعدين مفيش فتح حدود في الاختيارات ليه؟؟ هنجمرك اللي فارين من المعارك كمان؟؟!!

جبهة التهييس الشعبية said...

هرطقة
معاك حق

مواطن مصري

يا سيدي مافيش حرب
ههههههههههههههههههههههه
انا ح اسميك مجنون مصر
مش ح يحصلها حاجة يا عمي
مش ح يحصلها حاجة
النهاردة حسني مبارك الجرايد الاسرائيلية كلها طالعة تشكر فيه وتقول راجل ذوق ذوق ذوق

طفاطيفو

لا طفطف ماهو فتح المعبر لاغاثة المنكوبين وفقا للقانون الدولي مافيهوش جمارك

مدام مفتوح في حالة طوارئ

حاضر ح اتبع اللنك

جبهة التهييس الشعبية said...

باقول لك يا عمر
انا بعت لك ميل بخصوص المجموعة بتاعة الفيس بوك دي

جبهة التهييس الشعبية said...

يا مصطفى
انا عاملة لك سابسكرايب

لاني لما دخلت اللي كان مكتوب على اليمين
unsubscribe

TAFATEFO said...

friend ya fandem .. msh subscribe

TAFATEFO said...

تاني مربع على الشمال

تحت سيند ميسج - أد كومنت - شير شانيل والحاجات دي

مهندس مصري said...

تصدقي انا برضه حاسس زيك كده
صحيح انها مش حتنهار غير على يد المؤمنين المذكورين في سورة الإسراء

بس انا حاسس إن فيه وساخة كتير حتتكنس من منطقتنا قريب

Anonymous said...

يمكن الصهاينة فاكرين الجندي بتاعهم الرجل الحديدي مش شعب الله المختار

TAFATEFO said...

شكراً يا فندم

شوفي دي كده من فضلك

جبهة التهييس الشعبية said...

يا مصطفى حلوة قوي ليه ما كملتهاش للاخر؟

برافو عليك احلى فيديو معبر ليها بس كملها للاخر ضروري

جبهة التهييس الشعبية said...

وكمان عاجبني فيها انها حية مش صور ثابتة بس لازم تكمل للاخر عشان كده مبتورة

TAFATEFO said...

أيوه بس في غلطات .. ما هي سامبل

ما هو لازم يتعمل دقيقه دقيقه وإلا مش هتيعمل .. قولي ايه الملاحظات على الدقيقه دي .. ومعلش شوفيه أكتر من مره وقوليلي ايه يتغير ويتغير

وبعدين أعمل دقيقه تانيه

أنا بس دلوقتي بجمع ميديا تاني

TAFATEFO said...

اللي لاحظتها نقلة غروب كنيسة القيامة لليل غزة مفاجئة

بس عاجبني جداً .. الطوبه اللي لبسها العسكري

:D:D المشهد ده من ساعة ما شوفته مفرحني أوي

مهندس مصري said...

شوفي الخبر ده يا زعيمة الجبهة

اسرائيل تعتذر لمصر عن إصابة ضابطي شرطة على الحدود
http://www.egynews.net/wps/portal/!ut/p/c1/04_SB8K8xLLM9MSSzPy8xBz9CP0os3hzMxMjkwAXIwMDbx8jAyNLQ8egYBNzIwsnM_1wkA6zeAMcwNFA388jPzdVvyA7rxwAG4A1aw!!/dl2/d1/L2dJQSEvUUt3QS9ZQnB3LzZfNzY0MjRQRDIwMEtMMjAyOTFBUlM0NzJTNDQ!/?WCM_GLOBAL_CONTEXT=/wps/wcm/connect/migration/ertu/$$!!59/news_politics_egypt/2009011217204402300066
وصل السفير الاسرائيلى شالوم كوهين بشكل عاجل بعد اتصال أجراه مع المسئولين بوزارة الخارجية إلى القاهرة حيث قدم اعتذار الحكومة الاسرائيلية على الغارات الاسرائيلية التى طالت بعض شظاياها أفرادا من الناحية المصرية.

صرح بذلك السفير حسام زكى المتحدث الرسمى لوزارة الخارجية، مشيرا إلى أن السفير الاسرائيلى كوهين بادر بهذا التحرك بتعليمات من حكومته حيث أعرب للجانب المصرى عن اعتذار الحكومة الاسرائيلية عن ذلك.

وأوضح السفير الاسرائيلي أن هذا القصف كان المقصود به بعض أهداف عسكرية على الجانب الفلسطينى.. وقال كوهين ان حكومته تعتذر كذلك عما حدث من تداعيات على الجانب المصرى.

(أ ش أ)

TAFATEFO said...

ها ها ها

مين اللي صوت ميتفتحش خالص لبعدين إسرائيل تضربنا

:D:D

يا سيدي إسرائيل بكل هيلمانها بأسلحه محظوره .. مش قادره على خمسه وعشرين ألف واحد بأسلحه بدائيه مقارنة بأسلحة إسرائيل وصواريخ محلية الصنع .. تضرب مين؟؟ أحييييييييييييييه .. ما فيش واحد انتهازي من الاخوه العرب يستغل حالة الضعف المتناهي وغباء القياده اللي بيمر بيه الجيش الإسرائيلي ويسعى لمجد شخصي ويروح يلبهم على قفاهم

أحيييييييييييييييييه

جبهة التهييس الشعبية said...

ده انا كنت لسة داخلة اقول لك ان الطوبة اللي لبسها العسكري ظابطة بالظبط على الكلام

بس في الاول خليها مشاهد ليلية

TAFATEFO said...

عملتها في الأل مشاهد ليليه .. بس ملقيتش مفاجئه .. مشهد الأقصى وكنيسة القيامه وغروب الشمس هدوء وسلام أرض فلسطين .. وبعدين الدنيا تغرب والليل ييجي بقصف يضئ الليل

المشكله ان كان الترانسيشن بين الغروب والليل مش مظبوط .. ظبطته

أنا لولا بس خايف يكون عيب أغير تراك الأغنيه .. كنت زودت أصوات انفجارات واطيه .. بس مش مهم

أنا عدلت اللقطه اللي بقول لحضرتك عليها ولما أرفع الدقيقه التانيه هرفعها معاها

العجوز والبحر said...

اسماعيل هنيه على الجزيره الآن!! اسمعيه

Pink said...

جموع المسلمين في ارجاء العالم تؤمن خلف دعاء هنية .... اللهم أمين

77Math. said...

ليه يفتحوه للنساء والأطفال والجرحى بس ؟

في كثير شيوخ ومدنيين غير محاربين، ما ذنبهم في البقاء تحت القصف ؟


بجد ربنا ينتقم منهم، إن ما ماتوا بسبب القصف حيموتوا بالسرطان

منتهى الذل والخيبة

77Math. said...

شيوخ = كبار في السن

مواطن مصري said...

نوارة بتكلم جد هو التاريخ بيعيد نفسة


يعني تعذيب سيدنا عيسي و الحرب وقت عيد الميلاد المجيدة

السنة الهجرية الجديدة و لما سيدنا محمد خرج من مكة و تم طردة و تعذيبة و رجوع مكة ايضا

و حرب 48 و 67

ولا دي تهيئوات؟؟

Rania said...

امين ان شاء الله
يا رب

Anonymous said...

أيه يا عم انت وهية
بتتأمروا كده على الملأ
ما تخلوا الطابق مستور
وتدرسوا تفاصيل الخطة سرا
على الميل والا الشات

shadi said...

انا مش عندي احساس كدة انا عندي يقين .......كان شارون و باراك و غيرهم بيروحوا بيروت سياحة كل شوية دلوقت اهل الجنوب بيتفوا علي العساكر الصهاينة علي الحدود و مفيش رد فعل منهم كنا فين و دلوقت فين ولسة

بالنسبة للتصويت لية مفيش خانة لفتح المعبر حتي للسلاح

Anonymous said...

الاخت نوارة
ابنااااااااااائى وبنااااااااتى

زى ماقولتلكم ان الاتفاقية مقسمة سيناء بالطول ل3 مناطق
ا-ب-ج
المنطقة الف شرق القناة مباشرة وتمتد لمسافة قريبة
تتواجد بها قوات مسلحة محددة العدد
والاماكن
ومعروف تسليحها ومنطقة تمركزها لليو ان ولاسرائيل وكذلك تدريبها ايضا
بالخرااااايط

ممنوع دخول اى دبابات متطورة
مسموح فقط بالدبابات القديمة
باعداد ضئيلة
وكذلك الاسلحة المضادة للدبابات

المطارات الحربية محدودة وتختص بطائرات النقل الحربى فقط
ويرتدى افرادها الترينجات بدلا من الزى العسكرى


المنطقة ب
وتشمل قوات حرس الحدود وهى لا تسلح باى اسلحة ثقيلة بل بالسلاح الشخصى
يعنى بنادق زى الداخلية
وتستخدم فى تحركاتها عربات جيب خفيفة وبيتش باجى
زى فيلم عبود كدة


المنطقة ج

لاتتواجد بها اى قوات عسكرية بل شرطة مدنية فقط

وللعلم اسرائيل المفروض انها مقسمة لنفس الثلاث مناطق مع الفرق الكبير فى المساحات طبعا
ولكن المنطقة خلف الحدود مباشرة تمثل المنطقة ج لدى الجانب الاسرائيلى
يعنى لو مشينا من القناة واتحركنا للشرق هتبقى بالشكل دة
أ-ب-ج-خط الحدود-ج-ب-ا
يعنى توغل القوات الاسرائيلية على الجانب الاخر من الحدود المصرية يمثل انتهاك لبنود الاتفاقية
مما يسمح لمصر باتخاذ الاجرائات القانونية ضد الجانب الاسرائيلى بل ويحل مصر من الالتزام بهذة الاتفاقية اصلا

يااااااارب تكونو فهمتم
ومانقولش طور
تقولو احلبوة

علشان تعرفو ان حكامكو صهاينة قلبا وقالبا

لا وخدو عندكم دى كمان

دى بقى جاااااامدة قوى

الخطة السرررية جدا اللى الجيش المصرى عاملها علشان ينفذها فى حالة مهاجمة اسرائيل لمصر

الخطة اساسا بتنص على انة الاستفتاح كدة اننا هنسيب لهم سينا
ونبدا نتفاهم بقواتنا معاهم ابتداء من قناة السويس
والله العظيم ما بهزر
يعنى هنحاول نمنعهم من عبور القناة
انما سينا
علية العوض فيها

وماتخافوش من السرية
لان الخطة دى موجود منها نسخة فى كل كتيبة اسرائيلية

ههههههه
شقى هدومك وصوتى يا نوارة



احمد سعيد

TAFATEFO said...

شوفي بقى

دي البروفه الأخيره

وقوليلي ايه يتغير .. المره دي شوفي كويس .. علشان محدش يقول الكم طويل ولا الكتف مش مظبوط

:D:D

alzaher said...

هي الكاشفة على مستوى اخر ايضا
اقرأي هذا المقال في الاندبندنت
"فتحاويون: كلنا حماس اليوم"
http://www.independent.co.uk/news/world/middle-east/the-west-bank-were-all-hamas-now--supporters-of-fatah-unite-behind-enemy-1242606.html