Tuesday, 20 January 2009

ينعل ابو دي مصالحة

لا انقسام الصف العربي احسن، ايه القرف ده؟ وايه عوكل يعني متسبعن وعامل غضنفر على الغلابة دول، ما يورينا سبعنته على الاسرائيليين والامريكان، وهم مالهم موكوسين كده؟ هو ماسك عليهم صور؟ يعني شاطر يقهرنا ويقهر الدول العربية، ما يقهر الست تسيبي
انا مش فاهمة الانسة دي لها تأثير على كل الناس كده ليه؟ سوا على الدبلوماسية المصرية اللي بتسمك بالخيوط، وللا امير قطر اللي كان قاعد معاها بمنتهى الادب والاحتراس والاعجاب اللا متناهي وللا كوندوليزا وحتى على العبيط اللي اسمه اولمرت، معلش يعني انا مش شايفاها حلوة ولا حاجة، عينيها كلها شر وقسوة
النهاردة صحيت الصبح لقيت واحد باعت لي على الفيس بوك بيقول لي: شفتي يا ستي قمة الكويت؟ اهو عوكل قال لهم: يا اشخ في زيركوا يا اروح ما اجيلكوا
طب ما يروح، ما يروح انا مش فاهمة هم عايزينه في ايه؟ هم مش قالوا اتفاقية السلاح ولا ح تحوق معانا و ح نقب نغطس نجيب سلاح؟ خلاص، المعونات الانسانية تيجي في نفس الشنطة اللي جاي فيها السلاح ولا الحوجة
يعني مش ممكن كسر المناخير اللي حصل في قمة الكويت ده: هو كده، والمقاومة مالهاش صفة، واللي ح يعمل اعادة اعمار لغزة هو عباس، وعباس هو الوحيد اللي له صفة وحيدة، وينعل تيت المقاومة، واسرائيل اتوكست وح نقومها من وكستها ونجيب لها المكاسب اللي هي ما عرفتش تجيبها بكل القتل ده، ومافيش حد ح يقوم بوساطة ما بين الفلسطينيين (اللي هم مش حد تاني غير عباس) وما بين الاسرائيليين غير مصر (اللي هي مش حد تاني غير عوكل)، وماحدش ح يحط ايده في الليلة دي غيري، وفعلا يا اشخ في زيركوا يا اروح ما اجيلكوا
مصالحة ايه بقى اللي عملوها؟ اتغدوا سوا؟ طب بالهنا والشفا والسم الهاري ان شاء الله
الهي يجيلهم تعنية

10 comments:

مواطن مصري said...

ربنا يهدي الكل و الامور تتصالح


و نعيش في سلام

مواطن مصري said...

الامم المتحدة هتحققق في جرائم حربببب

مواطن مصري said...

نوارة هو الحج اوبماما هيشرف دوار العمدة الساعة كاممم؟؟

Founoon said...

يتصالحوا يتوكسوا والله ما بقت فارقة معايا
يشخ يتف بردومش فارقة معايا
المهم ان المجازر دي تقف بقى كفاية كدا كفاية بجد دم وتخويف ورعب كفاية بجد
اما هما كلهم على بعض ياكش يولوعوا

Anonymous said...

اهو دة اللى منت عامل حسابة
اللى توقعتة لاقيتة
القمة دى لا قمة مصالحة ولا يحزنون
كل عرص عصر على نفسة لمونة وراح
علشان يتصورو مع بعض
وعلشان عوكل والملك عبد بوش
يوصلو رسالة لحركات المقاومة
ازى كنتو فاكرين انكم قدرتم تكسبو دول عربية فى صفكم
تبقو غلطانين
وكلة هيفضل تحت القيادة الحكيييييمة
لعبد بوش وابرهة الاشرم الشهير بعوكل


المهم من القمة دى

كان حاجة واحدة

يحققو لليهود اللى ماقدروش يحققوة بالحرب

قطاع غزة متدمر
ومحتاج مصاريف كتيير علشان يقف على رجلة تانى

بس معقول
معقول الاوساخ اللى قدمو النفيس والغالى لاسرائيل علشان تكسب
يتنازلو دلوقتى ويقدمو شريان الحياة لحماس
اللى مش طايقينها
وبيتمنو تتمسح النهاردة قبل بكرة

طبعا لا
خلاص
طالما الصهاينة فشلو فى ادخال عباس الى غزة على ظهور الدبابات

فلا مانع من ان يقوم معرسى الخليج بادخالة لغزة على فرش الدولارات


منتهى الغباء

فعلا الناس دى بتثبت كل يوووم ان الاميبا اذكى منهم

يعنى اللى ضحو بارواحهم وعيالهم علشان الحرية

ممكن يتنازلو عنها من اجل حفنة دولارات

فعلا اذكيا حقيقى


هههههة

طب ماتزعلوش بقى لما ايران تخش وتشيل الليلة
وترجعو تقولو ايران بتدخل
ونفوذها ابصر اية
والمد اللى مش عارف اية


وماتزعلوش بعد كدة لما المقاومة فى فلسطيين تترمى فى حضن ايران اللى مش نازلالكو من زور


وترجعو تقولو يا ريت اللى جرى


لانكو كل يوم بتثبتو لحماس
انكم اشد عداء لهم من اليهود

وبتثبتو لشعوبكم انكم اكثر صهيونية من اسرائيل


بجد بهنيكم على اصراركم اللامتناهى فى كشف الاقنعة عن نفوسكم المصابة بالجذام تباعا


وبجد انتم تستحقو تخشو موسوعة جينيز
فى العتة طبعا

وابقو ادو الكام ملطوش بتوعكم لعباس المحتاس
علشان يضيفهم لحسبات ولادة الجوز فى سويسرا
اة مكافئة نهاية الخدمة

ولا اقولكوا

ابقو خدو الدولارات دى معاكم وانتو داخلين التواليت
اهم ينفعو لحسن فى ازمة كلينيكس اليومين دول

ولا شكلكو بتعملوها على نفسكو اساسا

الف تحية لكائنات الاميبا المتطفلة المنبطحة احادية الخلية


احمد سعيد

Moh'd Shaltaf said...

معك كل الحق يا نوارة فزعماء العرب تفرقوا على دم شهداء لبنان وعادوا ليجنمعوا على دم شهداء غزة...سفاحون تجمعهم الدماء وتفرقهم

ماجد said...

اتلم تنتن على تنتن بقت الحكاية انتن وانتن

Anonymous said...

يقول الشاعر عن كداب الزفة اللى عامل غضنفر: "اسد على وفى الحروب "نعامتن" رعناء تلتمس الفرارا"بس خلاص

حسن على said...

بل اكثر من ذلك... يقول المثل الصينى "لاتبصق فى البئر.. فقد تحتاج لأن تشرب منة" اما الذى"فعلها" فى الزير فربما أعتقد انة بذلك يصنع "خمر القوة" ونعتقد انة سيشرب الزير كلة بمفردة ويسكر ... سكر الشيخوخة الفانية والغيبوبة الدائمة

Anonymous said...

تصر مصر والسعودية على تسليم الأموال الخاصه باعمار غزه لعباس وبطانته مجموعة اللصوص لكى يسرقوها ويبنوا بها ابراج فى دبى وابو ظبى على عكس سوريا وقطر وحسبنا الله ونعم الوكيل