Tuesday 6 January 2009

نيران صديقة/ صيام الغد/ يا عووووووووووكل

على فكرة حكاية نيران صديقة دي مش لطيفة، يعني انا اطلع نفسي غبية وهابلة عشان ما اقولش انهم موتوني؟
انا باعكس الموقف دلوقت، لو المقاومة قالت ان نزار ريان مات بصاروخ مقاومة وقع بالغلط على بيته، بصراحة ح اكل دراعهم، يعني ايه مش تفتحوا؟
قائد لواء جولاني اتصاب وكام واحد من عندهم مات، السي ان ان بتقول نيران صديقة، ماهو خلاص السي ان ان دي قناة اسرائيلية مية في المية، امبارح جايبين محلل امريكي يقول: الاعلام العربي عايز يشوه صورة اسرائيل من خلال عرض صور الاطفال الميتة
!!!!!!!!!!!!
يعني خالتي هي اللي موتتهم؟
ثم على فكرة دي ناس ما عندهاش دم، انا لو الجيش بتاعي يموت ويصيب كل دول بنيران صديقة يبقى ايه الخيبة التقيلة دي؟ هو انا باعتاهم يحاربوا وللا يموتوا بعض؟
---
بكرة صيام ان شاء الله، عشان انا جالي التعليق ده
---------
وحياة النبي يا شيخ تسكت بقلى لانك مش محتاج تشرح نفسك اكتر من كده، كل الناس عارفة والله
Mubarak to EU: Hamas must not be allowed to win in Gaza
On Monday, Egyptian President Hosni Mubarak told a delegation of European foreign ministers in a closed conversation that Hamas must not be allowed to win its conflict with the IDF. The comment occurred even as Hamas, for the first time since the fighting began, sent representatives to Cairo to discuss a cease-fire. Following a meeting with Egyptian intelligence officials, Hamas officials said they had received an Egyptian proposal and would consider it.
الترجمة:
مبارك للاتحاد الاوروبي: لا يجب السماح لحماس بالنصر في غزة
صرح الرئيس المصري حسني مبارك، يوم الاثنين، في اجتماع مغلق مع وفد وزراء خارجية الاتحاد الاوروبي أنه لا يجب السماح لحماس بالانتصار في صراعها مع "جيش الدفاع الاسرائيلي". وقد جاءت تصريحاته بالرغم من إرسال حماس، لاول مرة منذ بدء الحرب، ممثلين لها الى القاهرة لمناقشة وقف اطلاق النار.
وقد صرح مسئولو حماس، عقب اجتماع مع مسئولين من المخابرات المصرية، ان مصر قدمت اقتراح وستقوم حماس بدراسته.
يا ترى انت فين يا عوكل؟ جعان وللا شعبان، رجب وللا رمضان، عيان وللا منحوس
انا عندي اقتراح، نطلع كلنا في الشارع ونهتف: يا مبارك يا حبيب اضرب اضرب تل ابيب، يمكن نورطه، لا ما بيتورطش ده على فكرة، طيب نروح على الحدود ونقول الهتاف ده عشان كل الفلسطينيين يموتوا بالسكتة القلبية من النقطة ونخلص بقى بلا صواريخ بلا وجع دماغ، او نطلع على الجزيرة ونقول الهتاف ده، عشان كل العرب يموتوا ونقعد احنا في المكان لوحدنا بغلاستنا دي
ومين عارف يمكن ما يموتوش، يمكن يضحكوا، اهو نبقى كسبنا فيهم ثواب وفرجنا عنهم بدل ما قاعدين يعيطوا كده
امبارح ابو العبيط قال: ماحدش يقدر يحرك قشاية في مصر
طب ما احنا عارفين على فكرة، مافيش داعي للاحراج والفضايح، اصلا اصلا احنا ما عندناش قش
احنا بنحرقه
اه
على فكرة يا عوكل
لا انت ولا الانتحار الاورومبي ولا مخلوق يقدر يمنع جند ربنا من النصر
ربنا ان شاء الله ح ينصرهم ويأييدهم بالملائكة ويجند لهم الارض والسما والشجر والطير والحجر وحتى الزواحف ان شاء الله يارب
يارب
وحده قادر على خلقه
وانت لا تملك لنفسك شرو نقير
حسبنا الله ونعم الوكيل

30 comments:

TAFATEFO said...

يا مبارك يا حبيب اضرب اضرب تل ابيب

والله العظيم فكره

Unknown said...

على فكرة يا طفطف

انا شكلي باعاني من مضاعفات صدمة

اه والله
خيالي المريض بقى ابتدا يصور لي شوية حاجات

تنم عن اني عييت خلاص
ومش محتاجة طبيب نفسي
انا محتاجة مصحة عقلية

يعني مثلا باقعد تجيلي احلام يقظة ان مبارك يكون بيعمل ده كله تمويه

وانه بالليل والدنيا ضلمة بيبعت لهم سلاح عن طريق السودان
وانه جاب لنا الكلام ده كله عشان يغطي على كفاحه المسلخ ضد اسرائيل

لا حول ولا قوة الا بالله

والله يابني كنت زي الوردة المفتحة
اصل انا مخي اللي على قدي مش عارف يستوعب: طيار شارك في كذا حرب
ازاي هاين عليه؟
هاين عليه ازاي؟
عليه ازاي هاين؟

Unknown said...

جو دي اوسي

كل شوية يقول لنا
جو دي اوسي
جو دي اوسي

عامل زي الولية النمامة ساركوزي ده

مواطن مصري said...

وانه بالليل والدنيا ضلمة بيبعت لهم سلاح عن طريق السودان
وانه جاب لنا الكلام ده كله عشان يغطي على كفاحه المسلخ ضد اسرائيل


لا دول عملو كمين في طريق السودان ممكن ياخد المحور او 6 اكتوبر
:))

Unknown said...

طيب يا جماعة مش يمكن هاآرتز بتكدب؟
بتوقع يعني؟
طب وزراء خارجية الاتحاد الاوروبي ح يسكتوا؟
يعني لو كدبت وقالت الكلام ده ح يسكتوا؟
حد يسألهم بقى

لو حد مثلا من المراسلين يسألهم عن مدى صحة الكلام ده

وللا حاجة

انا مش عارفة اصدق الموضوع ده

TAFATEFO said...

بالله عليكي اللي تحجزي عندهم تحجزي مكانين

والله أنا بحلم بيه .. أنا طول عمري مبحبش أتفرج على أفلام رعب مش بخاف منها بس بحلم بيها .. دلوقتي مبحلمش غير بحاجات غريبه .. أنا صاحي من أقل من ساعتين .. حلمت امبارح بمسيرة تشابك بالأيدي لحد بيت مبارك وان الناس قعدت تقول للشرطه انتو ولادنا واحنا احواتكوا وحاجات كده والشرطه انضمت للمسيره ووصلنا للقصر الجمهوري وناشدنا مبارك .. وانه أعلن الحرب على إسرائيل .. تخيلي

وبعدين حلمت حلم تاني (مش عارف هو في ناس بتحلم أكتر من حلم غيري؟؟) ان في مجلس الأمن أمريكا اعترضت بحق الفيتو على قرار يدين إسرائيل قامت كل الدول قلعت الجزم وجطيتها مكانها على الكراسي وانسحبت

متنسيش تحجزيلي معاكي الله يكرمك

TAFATEFO said...

كنت هقول كده بصراحه .. ده كلام ميدخلش دماغ عيل بشلن

Unknown said...

يا مصطفى هو من حيث يدخل عقل عيل

هو ايه اللي بيحصل حوالينا ينفع يدخل عقل عيل؟

اقصد يعني
كل حاجة دلوقت تنفع

ينفع تبقى هاآرتس كدابة

وينفع وزراء خارجية الاتحاد الاوروبي يتواطؤا

وينفع مبارك يقول كده فعلا
تطلع منه يعني واحد بيقول اسرائيل من حقها تحمي حدودها وما تقوليش فلسطين بقى دي ارض محتلة

بقالنا ستين سنة في مشكلة جه هو حلها في ثانية اسم الله عليه

وينفع الواحد يتساءل

طب هي هاآرتس تجيلها الجرأة انها تنسب لوزراء خارجية الاتحاد الاوروبي حاجة ممكن تعمل ازمة دبلوماسية؟

وهل ليه الحكومة المصرية ما ردتش كالعادة لحد دلوقت؟

يعني كله ينفع

احنا درسنا في الكلية ان في مسرح العبث كله ينفع

TAFATEFO said...

ولو مكنتيش سمعتي عن الموضوع ده

http://img114.imageshack.us/img114/2581/ragabqatarui4.jpg

بالله عليكي توصي الست الوالده تبلغه .. ان الزائده أحسن بكتير من العضو المبتور

Unknown said...

بالمناسبة يا طفطف

الحالة اللي انا وانت بنعاني منها الظاهر تفشت

امبارح واحد زميلي في الشغل قعد يهلفط بكلام كده ويقول: يعني مثلا لو حسني مبارك يجيب كل رؤساء الدول العربية ويقولهم تعالوا يعني هي امريكا ح تقدر تحاربنا كلنا مع بعض؟
مش ممكن

تعالوا كلنا بقى نطلع طلعة واحدة وناخد معانا تركيا وايران

اه والله

من غير ما اقول له على فكرتي بتوحد ايران ومصر وتركيا وسوريا

لوحده جات له الهلاوس دي

فيه حاجة في المية على فكرة

TAFATEFO said...

عندك حق

مطلق said...

وكاله انباء كريم المتحركه


1-الحكومه خسرت الاستئناف قضيه الغاز و القرار ملزم بس ده طبعا عند ام ترتر و في جلسه يوم 2 فبراير


2-وزير الصحه ابن الكدابه بيؤكد ان اعداد المصابين في مستشفيات مصر الي 130مصاب

spellz said...

نوارة يا ابنة النجم وقت النار لا مكان للكوميديا وانما الوقت للقتال ابنائنا في غزة ومن قبلهم أبنائنا في الجنوب اللبناني أوصلوا لنا رسالة أن الصراع بيننا وبين الصهيونية صراع باق حتي يتم القضاء علي الكيان المزعوم لقد قضت حرب تموز ومن بعدنها حرب كانون علي مقولة أن حرب اكتوبر هي اخر الحروب بيننا وبين الكيان المزعوم
كل شهيد يسقط في هذه اللحظات هو ثمن تدفعه غزة نيابة عن امتنا ليعود الشعار الحقيقي بأن الصراع بيننا وبين الصهاينة هو صراع وجود وليس حدود
وأن تحرير فلسطين من النهر الي البحر ومن الجنوب الي الجنوب هو هدفنا الاستراتييجي

الرسالة الآن بالخصوص الى أهل غزة أنتم الان وحدكم معكم الاهكم
ظهوركم مكشوفة وجبهتكم مكشوفة
لكن ارادتكم أكب من كل طائرات وبوارج هذا العدو الجبان
صمودكم انتصار جروحكم انتصاراستشهادكم انتصار قلوبنا معكم ولساننا معكم لأننا لا نملك سواه

da baba kont ba2raalo ur blog
fa by7ayeeki gamed
we alli akteblek l kelmteen dool

TAFATEFO said...

شوفي الجلاد كاتب ايه عن مقابلة أردوغان امبارح

http://www.almasry-alyoum.com/article2.aspx?ArticleID=193632&IssueID=1277

7 said...

ايوة دة تموييييييييييييه

و دة برضه تمويه

قالت محطة إخبارية أمريكية في تعليقات لكبيرة مراسليها في البيت الأبيض إن عسكريين أمريكيين يتواجدون حاليا في سيناء لمراقبة الحدود المصرية مع غزة منعا لأية تهريبات عبر الأنفاق من الجانب المصري إلى غزة أثناء الهجمات الإسرائيلية على القطاع. وقالت شبكة "إن بي سي" الأمريكية إن أفرادا من سلاح المهندسين بالجيش الأمريكي موجودون حاليا على الجانب المصري من الحدود مع قطاع غزة بغرض مراقبة الحدود المصرية في الوقت الحالي لمتابعة تعهدات مصر بمنع التهريب عبر الأنفاق إلى داخل قطاع غزة

Unknown said...

يا رغدة
سلمي لي على بابا وبوسي لي ايديه
وقولي له
انا مش بانكت
انا الخيالات والامنيات دي بتجيلي فعلا
وكل ما اقعد مع حد الاقي عنده نفس الخيال
ده طيار حربي

طيار حربي يا ناس
دي حاجة كده لما واحد يبقى طبيب وبعدين يشتغل في الاسلحة البيولوجية

وللا حاجة بتشتغل رقاصة بعد الضهر

ازاي بس؟
ازاي؟

7

اقول لك حاجة وما تشتمش؟
انا كنت عارفة الخبر ده وما رضتش انشره

وبعد ما قريته دخلت نمت ودفست راسي تحت المخدة

Rania Lelah said...

انا عايزة اقول كلمتين بس للريس
و بما ان المدونه دى ديمقرايطه فهقولهم هنا بدل ما اموت

ابوس ايدك ابوس ايدك كمان مرة
كفايه كلام بقى
مش كل كام يوم هتخرج لنا بكلمتين يحرقوا الدم
كفايه كلام شوية
شاور و احنا هنفهم
هنفهم و الله
مش لازم كل ما تخرج تتكلم توطى رسنا اكتر و اكتر

ايه يا اختى ده

MaNoO said...

انا معاكى فى كلامك بس تيجى نفكر من غير عاطفة شوية طيب ليه ركزنا على كلام سى مباركده ومركزناش عليه لما قال ان اسرائيل عايزة تقسم فلسططين وتهرب اهل غزة لمصر واننا مش هنسمح بحاجة زى دى تحصل خلينا نقول العيوب والمزايا ياختى فى بلاد عربية مانطقتش من ساعة مالحرب مابدات ولا حتى قالت البقاء لله وسلملى على ابو ابراهيم وبالنسبة لأبو العبيط دا دى مش مشكلته دى مشكلة وزارة خارجية فاشلة من ايام عبد الناصر ولا قادرة تعمل حاجة مع ان الوزارة دى زمان كانت بتاخد اقوى القرارات حساسية
مش هقولك لا مصر مظلومة لا مصر مش عارف ايه بس احنا من حقنا ندافع عن بلدنا فى نفس الوقت بنعمل كل اللى فى ايدينا ماهوا احنا برده مش هنعمل زى 48 ونروح لوحدينا والكل يقول برافوا لا وكلمة المعبر دى واخدة بالك انتى اى واحد مزنوق فى كلمى يقول معبر من غير مايفهم والله بلاش نسيب الأساس ونتكلم فىا لفروع ارجو تقبل رأيى المتواضع واتمنى التواصل بالمدونات

TAFATEFO said...

:D أنا قلت كده برضه

حتى الآن مش قادرين نتبرى منهم بصوره كامله

:D:D

Anonymous said...

الإنسان بيحلم في الليلة الواحدة أكثر من عشرة أحلام
ولكنه لا يتذكر منها إلا أقل القليل
وزيادة الأحلام أثناء النوم تدل على النوم غير عميق مما يسبب الإجهاد والاحتياج إلى نوم عدد ساعات أطول

أبو أمير

7 said...

صراحة احنا خلاص فعلا ناقص بس مبارك يبعت جنود من عندنا و نحارب مع الاسرائيلين

بس فيه حاجة انا عايز افهمها ,, ليه باقي الفلسطينين مش في غزة ميعملوش انتفاضة عشان يخففوا الحمل شويه عن غزة ,, ولا هما كمان مش عايزين حماس و لا ايه ؟؟

Anonymous said...

ألف سلامه عليكى يانواره
بس ياترى فيه مصحه تشيل كام مليون عربى ؟
ممكن يكون هود ده تفكير القياده الساسيه على فكره لأنه معروف اذا حماس وكل المقاومه معاها أنتصروا فى الحرب دى هايقوى موقفهم السياسى والعسكرى فى مواجهة محور الأعتدال العربى وده طبعا" أسوأ كوابيسهم
أنما اذا لاقدر الله و بعد الشر حصل العكس فتح هاترجع غزه والمقاومه هاتختفى من الوجود بشقيها السياسى والعسكرى وهو ده مناهم
ّّّّّّّّ!!!!!!!!

Eldebug said...

طيب واللى الجزيرة كاتباه انهم ناويين يبنوا جدار عازل ما بين مصر وفلسطين زى اللى موجود فى الاراضى المحتلة .... ده يبقى اسمه ايه

اللينك اهوه

مصطفي النجار said...

ههههههههههه
نيران صديقة

7 said...

و ليه منشرتهوش يعني ,, هي جت على دي ؟؟

عشان الناس تعرف بس ,, تفوق

Heba said...

هو الريس عايز ايه بالضبط؟؟
شكلنا بقى وحش أوى


على فكرة, أفضل الصيام بعد رمضان شهر الله المحرم, احنا لازم نكثر من الصيام فى الشهر ده, مش نصرة لغزة بس, لكن عشان يمكن ربنا يسامحنا على اللى احنا فيه

حسبى الله ونعم الوكيل

Ahmed Fawzi said...

يا ترى حد متابع تحركات رجب طيب أردوغان ؟؟؟ و لهجته فى التحدث عن مشكلة غزة ؟؟؟؟؟؟
هل رلودته أحلام إستعادة الدولة العثمانية فى وسط ذلك الخمول العربى ؟؟؟ هل هو الضمير ؟؟ ولكن تركيا لا تتحرك بالضمير بقدر مصالحها. حسنا سنرى

Unknown said...

آآآآآآآآآآآه
لسة ما خلصناش من اوهام المشروع الصفوي الايراني وح ندخل في اوهام الحلم العثماني

الا احنا عايشين حياتنا خايفين من اوهام
والبلا اللي واقع على حدودنا مش حاسين بيه
مالنا؟

Anonymous said...

صرحت لبفنى لوكالة الارض بتتكلم عربى بأن "الشيخ قدتم شرمة" ,وان زيارتها الاخيرة لمصر كانت "لدق وشم بخط الطغراء-على ظهرة كتب علية (ضرب فى اسرائيل)وانها سعيدة لهذا الانجاز للدولة العبرية وقالت ليفنى ان الامر كان ممتعا لة رغم بعض التأوهات

Anonymous said...

ههههههههههههه
عندك حق والله
يعنى ناس تهاجمنا تقول مشروع لأعادة أمبراطورية الفرس
ناس تساعدنا وتقول الحق يبأه بتنفذ خطوات مشروع أحياء الأمبراطوريه العثمانيه
ألا يعنى علشان أردوغان طلع راجل وأحنا ماعندناش راجل زيه هانبتدى نهاجمه
مين اللى دخل تركيا فى الوساطه هنا
مش أبو الغيط هو اللى راحله
ماكان يجيبه هنا بالأمر زى ماجاب (الست) !