Tuesday 27 January 2009

لا انا لسة ملوية


مش ملوية قوي زي في الاول، بس ملوية برضه، ما اعتذرش على انهم احتلونا، لسة بيقول: اسرائيل حليف مهم لامريكا وده مش ح يتغير، لسة محتل افغانستان وبيضرب المدنيين في باكستان، وبعدين بيغالط، هو بيقول الظواهري بيهاجمني قبل ما اتولى الرئاسة، لا، دي مغالطة، الظواهري هاجمة عشان راح باس الاعتاب في اسرائيل، وبعدين هو ماله ومال ايمن الظواهري؟ ما يسيبه في حاله ويخليه في السفاحة اللي حتى الصحفيين الامريكان هزأوها وقالوا لها يا ارهابية يا سفاحة وهو قابلها من قبل ما يبقى رئيس وما تفش على وشها وقال عليها بتدافع عن نفسها، هو له عين يشتم الظواهري...اممم، هو ما شتموش، بس ما ريحش برضه، ما بيريحش الواد ده، وبعدين البادي لانجويدج بتاعه غريب قوي، يبتسم ابتسامة ساخرة في جملة مافيش مجال فيها للسخرية ويتنح تتنيحة معينة كده في جمل تانية كأنه عايز يقول حاجة تانية واللفتات دي شكلها مقصود مش عفوي، هو فلاح وللا ايه؟ وبعدين كل شوية يرقعنا على وشنا: مش معنى كده اني ح اوافق على كل اللي بتقولوه
بيفكرني بـ: لت مي بي كلير
يا عم هو حد كلمك؟ يا عم هو حد جه ناحيتكوا اساسا؟ مش انتوا اللي عمالين تعوموا في دم الناس؟ هو احنا فينا حيل نقول حاجة لحد؟  
مش عارفة، برضه متبع الطريقة النصابة بتاعته دي انه يضرب ويلاقي يضرب ويلاقي، ده منوفي مش كيني
على العموم النصب في حد ذاته مش حاجة وحشة، اهداف النصب هي اللي بتحدد اذا كانت وحشة وللا كويسة، ومادخلش مخي في حواره غير جملة واحدة: الناس ح تحكم عليا باللي باعمله مش باللي باقوله
انا تعبت من حل مربع السودوكو بتاع اوباما على فكرة ده ليفيل تمانية، ما كناش ناقصين غير عم البازل ده كل يوم يطلع يحيرنا، انا باقول اسيبه في حاله شوية واريح دماغي لحد ما الميت يوم يخلصوا ولو كان ح يبان
بس سلام مع اسرائيل؟
ده عند امه يا ادهم
حد فاهم الواد ده ايه بالظبط؟

35 comments:

مواطن مصري said...

انا كرهت المتطرفين من حماس و اسرائيل


انا خلاص كرهت المتطرفين كلو راكب دماغو

بيقولو كان فية اضراب لسواقين الميكروباص و نفس اليوم

فية حادثة راح فيها 10 قتلى

سببها اهمال ميكروباص
طيب و لما يا نوارة يتحاكم المهملين من السواقين
السواقين يعملو اضراب طيب الحل اية يعني لا قانون عاجب ولا تشديد عقوبة عاجب

خلي بالك هيحاكمو في حدود 114 سواق خالف المرور

متعرفيش السودوكو بيتعلب ازاي
؟

Unknown said...

يا مواطن انا كل ما اسألك ايه التطرف اللي بتعمله حماس مش بتعرف ترد

انت مش شايف انك ظالم لمجرد انهم مختلفين معاك فكريا؟

الكلام اللي بتقوله هو اللي متطرف
عشان انت بتساوي ما بين محتل استيطاني عنصري وما بين ناس بتدافع عن نفسها ووطنها وهم اهل البلد لمجرد انهم متبعين عقيدة مش عاجباك

طب انا عايزة اقول لك يا مواطن ان الانسانية والقوانين الدولية بتدي الحق للناس انها تدافع عن وطنها حتى لو كانواا بديول وقرون
مش بس اخوان مسلمين

مواطن مصري said...
This comment has been removed by the author.
مواطن مصري said...

عشان انت بتساوي ما بين محتل استيطاني عنصري وما بين ناس بتدافع عن نفسها ووطنها وهم اهل البلد لمجرد انهم متبعين عقيدة مش عاجباك


تاني انا قولتلك مع المقاومة و انتي عارفة كدة اني كنت مع حسن نصر الله في المقاومة انا اختلافي مع حماس في ادارتها للقضية انما مش ضد
المقاومة الي كانت بدافع عن المدنين

هناك فرق بين انتقاد سياسة و اني اكون ضد المقاومة

مواطن مصري said...

اة انا مش بساوي محتل اسرائيلي و انتي عارفة اني مع التطرف سواء كان اسرائيلي اوي دولة متطرفة

اانا بنتقد حماس في انها رافضة الصلح و الاتحاد مع انها لو اتحدت الان هتبقى قوة

مواطن مصري said...

انا الي نفسي اعرفة

فيها اية يعني لو حماس اتحدت مع فتح و نسيت الخلافات و المشاكل و فتحت صفحة جديدة اية الي هيجري
؟؟؟


هما خايفين احسن فتح تاخد سلطة من حماس انهي الاهم المقاومة ولا التمسك بالسلطة؟؟؟؟

Unknown said...

اسم الله عليك
هناك فرق ما بين انتقاد السياسة وانك تبقى ضد المقاومة

انتقاد السياسة حاجة
وانك تساوي ما بين حماس واسرائيل دي حاجة تانية

انت قلت

انا كرهت المتطرفين من حماس واسرائيل

طيب اسرائيل كلها متطرفة لانها مالهاش حق الوجود على ارضنا بشكلها ده
ايه وجه المقارنة ما بين حماس مهما كان اعتراضك عليها وما بين اسرائيل عشان كل مرة تحطهم في سلة واحدة مع اسرائيل؟ وكمان بتحطهم في سلة واحدة مع المتطرفين من اسرائيل

وكأن مثلا رابين اللي كان بيكسر عضام اطفال الحجارة عشان كان من اليسار الاسرائيلي فهو مش متطرف وبالتالي هو احسن من حماس
ومافيش ابدا محتل احسن من صاحب الارض مهما كان اعتراضك على صاحب الارض

دي حاجة كده زي ما تقارن ما بين جارك ابو دم تقيل وما بين ريا وسكينة

مواطن مصري said...

انا قولتلك ان لو حماس اتحدت مع فتح موقف هيتغير منها لائنها كدة بدور على المصلحة العامة و ليس المصلحة الشخصية


اسرائيل نفس الحكاية دولة معتدية بدور على المصلحة الشخصية و متطرفة


السؤال الاهم انهي الاهمم لحماس بقائها في السلطة ام شرف المقاومة لو شرف المقاومة يبقى انا معاها زي ما كت معع حماس ايام الشيخ يس الله يرحمة
زي ما مع حسن نصر الله عشان بيقاوم
مش عاوز سلطة وو هو اعلن دة
يبقى فيها اية ان حماس بكرة تطلع على الجزيرة
و تقول و الله الخلافات الي مع فتح انا هنساها و هنفتح صفحة جديدة و ندعو للوحدة سواء مع ابو مازن او شيخ البلد و تقاوم من اجل المصلحة العامة

فهمتيني

Unknown said...

يا مواطن ياسر عبد ربه امبارح قال ان اسرائيل غلطت انها وقفت الحرب
ابو مازن كان بيدل الاسرائيليين على مكان حماس

فتح مش خونة
بس اللي ماسكين مناصب القيادة في فتح خونة مية في المية
ومع ذلك اهم مستعدين يقعدوا معاهم
وعباس وفياض وعبد ربه هم اللي بيعملوا الفتن وهم اللي بيتهموا حماس اتهامات باطلة لانهم عايزين يقضوا على حماس كحركة

Unknown said...

طب اقول لك حاجة

انت سمعت اوباما النهاردة؟

طيب الكلام زي ما انا كاتبة كده
يعني مش وحش ومش حلو
هو محير
وانا مش ح اثق في رئيس دولة بتعوم في دمنا بقالها سنين

طيب تعليق ابو مازن على كلام اوباما ايه؟

ابو مازن اللي مصاحب كوندوليزا ومصاحب ليفني
مش عاجبه كلام اوباما

بينما حماس قالت احنا مستعدين للحوار والكلام اللي هو بيقوله كلام يدعوا للتفاؤل

يبقى مين اللي نيته سليمة
يا مواطن انا كان كل اعتراضاتي على حماس انهم عبط مش انهم اشرار

حتى لما الفلسطينيين انتخبوهم انتخبوهم في الاساس لانهم ايديهم نظيفة ومش حرامية ومعروفين بكده

بينما القيادات الموجودة دلوقت في فتح حرامية اوسخ من احمد عز وبيعملوا ملايين من دم الغلابة

وده بشهادة الفلسطينيين نفسهم وده اللي خلا حتى بتوع فتح ينتخبوا حماس

قوم الحكومة المصرية تقول ايه: التعايش مع الفاسد اهون من التعامل مع الارهابيين
!!!!!!!!!!!!!!!!!!!

طبعا
اكيد عشان هم اس الفساد وبيدافعوا عن الفاسدين اللي زيهم

isawi said...

نوارة شوفي الفيديوا
اذا بنفع تضيفيه للمدونة الجديدة


http://www.youtube.com/watch?v=pXoePLVqX7k&feature=related

مواطن مصري said...

هو طفاطيفو فين وحشنا


ابو الغيط قال كلام جامد قي القاهرة اليوم و انا اتفق معاة في هذا الحديث حاولي تنزلية بكرة من على العرب تيوب


المهم

يا مواطن انا كان كل اعتراضاتي على حماس انهم عبط مش انهم اشرار


السياسة لازم نركن عواطفنا على جمب و نشوف المصلحة العامة و مصلحة البلد

مواطن مصري said...
This comment has been removed by the author.
مواطن مصري said...

معلش عدو ذكي افضل من صديق غبي

Unknown said...

ومين العدو الذكي؟
عباس الحرامي العميل؟
وللا الصهاينة اللي ما بيعملوش حاجة غير بيموتوا في الناس
هم غلطتهم الوحيدة انهم اترشحوا للانتخابات؟
طيب نجحوا
وانا ما قلتش انهم اغبيا انا قلت انهم عبط
افترضوا في العالم انه عادل وان فيه ديمقراطية بجد وانهم ح ياخدوا فرصة يحققوا الديمقراطية دي فعلا
ودي براءة وسذاجة المفروض كانوا يتجنبوها
لكن ماحدش يدان عشان ساذج ومصدق في المثل والقيم بجد مش فاهم انه في عالم وسخ
المفروض ان الادانة تبقى للعام الوسخ

مواطن مصري said...

نوارة في حاجات تتعلق ب الامن المصري الي ي مصلحة العامة عن مصلحة الخاصة

و خطأ حماس انها خلت القضية قضية اسلامية و صراع ديني بس نسيت انها قضية عربية و فصلت بين المسيحين و المسلمين و حاطت ايضا اليهود و المسيحين في صف اسرائيل و شفتي الشعارات و التعليقات في المواقع ازاي


يبقى انا هنا عشان منتجرش لخطر و كل الدول العربية هتبيع اول ما نقع في الخطر دة منها الدول العربية

يبقى اذا في امور انا ممكن اتعاون مع عدو ذكي انا كارهو و مش طايقة في صالح اني اتجنب خطر انا عارف النتايج بتاعتة اية هيا
و زي ما قولتلك ان مصر مش حمل انها تدخل مؤامرات و حروب

عشان كدة في السياسة لازم نبعد العاطفة عن التفكير في المصلحة العامة و لازم نبعد الدين عن المصلحة العامة لان المصلحة العامة تشمل مسلمين و مسيحين و يهود مصرين

و ان احنا الدولة الوحيدة الي هتدفع الثمن لو دخلنا في مخاطر تاني

Unknown said...

:)
ده كلام ابو الغيط بقى ماليش دعوة بيه

منظور شامل للحياة السعيده said...

الباشا الوزير بيتكلم في حوار غي برنامج

عمو دباديب و بيقول كلام ايه

و لا الف ليله و ليله

بيغني
بيمزك يعني

بس حته بقه خلتني اقول عظمه على عظمه يا ست

بيقولك انا انا عندي 139 فندق في سينا بيدخلولي دهب ايه اللي يخليني استعجل و احل الموقف غلط (من وجهة نظره طبعا) بأنه يدعم الفلسطينيين

طالما عارف اني هحلها بالسياسه (قال يعني حلهاهوا اللي حلها)

بذمتكو مش نقوله اعد!؟!؟؟!؟!

مواطن مصري said...

بالعكس احمد ابو الغيط قال كلام منطقي و كلام مقنع
فعلا و دة الواضح مصر تروح قمة الدوحة ولا الكويت تروح تقدم مشروع وقف اطلاق النار ولا تقزل خطب نارية ملهاش لازمة

Anonymous said...

الموقف العام يدعو للاحباط... وزير خارجية أهطل جايبينة من قهوة المنجدين ونوارة تعيد شرح البديهيات للمواطن المصرى اللى فى البلالا ويملاء المدونة صخبا سخيفا كطفل مدلل مفسود

Unknown said...

http://www.thememriblog.org/

http://www.youtube.com/user/mlafefon

Anonymous said...

are you really seriuos,
yu want Obama to come and say please Arab forgive us "U.S.A" becasue we went to Iraq .keep dreaming on ......
Obama is getting bashed in America for this interview that he had with the Arabia .that may be we should cut him some slack .

Unknown said...

انونيمس
لا انا مش باحلم
بس انا واحدة عندي كرامة
مش مهزأة ومستنية فتافيت من سيدي الامريكاني

Unknown said...

وبالمناسبة لما يتهزأ في امريكا على حوار زي وشهم يبقى دول عالم ولاد وسخة ومش بني ادمين فعلا
اللي زيهم المفروض يبقى وشه في الارض من الجرائم اللي عملوها
هم مش حاسين عملوا في الناس ايه؟
اذا هم مش حاسين عملوا فينا ايه احنا حاسين

وللا احنا بطلنا نحس؟

Unknown said...

ثم ان دي عالم وسخة ما يهمهاش الا الفلوس
لو صلح لهم احوالهم الاقتصادية وعمل اللي ما يعمل برة امريكا ماحدش ح يساله بتعمل ايه
وبوش لو فضل يقتل فينا وما خسرهمش فلوس ما كانوش زعلوا

فحل عني والنبي بكومنتاتك الاستفزازية دي

انا مش ح اتنازل عن كرامتي وانا ما اقلش حاجة عن اليهود والافرو امريكان عشان هم يتعاملوا زي البني ادمين وانا اتعامل مع نفسي على اني جزمة مالهاش كرامة اهلها يندبحوا كل الدبح ده وارضى بكلمتين لا يودوا ولا يجيبوا

والحقوق ما تتشحتش

مواطن مصري said...

@انيومساغلبية الي زيك ميعروف غير الشتيمة عشان طالعين من بيئة شتامة ولا يعرفو النقد البناء المحترم على الاقل نوارة مختلفة معايا في الرائي ولكنها تاقش معي بطريقة جيدة


مش زيك

Anonymous said...

هوا فيه إيه؟ فيه حد متوقع من أى رئيس أمريكى إنه يكون فى صف العرب ضد إسرائيل؟ السياسة واحدة والوجوه بتتغير وفيه واحد بيقتل العرب بالنابالم والتانى بيقتلهم بالسم البطىء .... حنين يعنى
وبعدين يا نوارة أنا ملاحظ إن لهجتك عن أوباما اتغيرت وبقت فيها حنية ، ما كان رأيك فى الأول إنه ما فيش منه رجا ، دلوقتى ليه مستنية أما تشوفى ميته إيه؟
سيبك من انتظار الآخرين ، المفروض إحنا اللى نتغير ونبقى بنى آدمين ساعتها غصب عنهم حيحترمونا ويعملولنا ألف حساب.

يقول أنى امرأة said...

معلش انا عايزة ارد على مواطن مصرى الى دايما حاطط حماس و اسرائيل فى نفس الخانة
حماس مين الى متطرفة حضرتك
لو الناس دى جبانة او عميلة او ليها اى مصالح دنيوية مكنتش باعت نفسها و مجاهديها وقفو اقوى جيش فى المنطقى فى مكانة
محدش ينكر ان لولا الشعب الفلسطينى كانت مهمة حماس بقت صعبة اوى
بس الشعب كان بيتقصف و صامد الى دافع و جاع و بنى الانفاق و اتحمل الذل كلة حماس لو الناس دى بتاعت دنيا كانت باعت القضية ذى ما عباس ابن العبيطة طلع ادام العالم كلة قال احنا مش عايزين المقاومة
لا و بعد دة كلة و بعد النصر اكتشفو هى اد اية قوية فالعالم العربى كلة قبل العالمى قررو انهم ينبذوهم
و بتوع فتوح الخونة و عشان نكون دقيقين فية منهم شوية صالحين بس الباقين خونة ولاد مليون كلب ليهم عين يخبطو فيهم دلوقتى فى الفضائيات و يقولو انهم حماس يعنى عايزين يخدو الفلوس لمصلحهم
امال هما فتح الى بايعين القضية الى هيخدو الفلوس يعمرو

بجد حماس دول هما الامل لينا انة بجد ممكن يكون فية تغير
و ان العزة مهما كان امكانيات اصحابها ضعيفة بس هتفضل دايما رافعة راس اصحابها للسما

Unknown said...

لا الموت بالنابلم ارحم خلينا نخلص انا مش عايزة حد يحملني جميلة وهو بيموتني

ايوة قلت ان مافيش منه رجا ومعقد
امبارح غير كلامه خالص
لو تلاحظ هو كان بيتعامل بعقد مع العرب والمسلمين كأننا جربة وبعدين فجأتن راح مرمي في حضننا واممممووووواااااه اممممواااااااه

وفعلا دورت في النت لقيت امريكان زعلانين منه عشان كده

اما اني ما اتوقعش ان حد ياخد صفنا ضد اسرئيل

لا انا عايزة الناس تاخذ صف الحق والعدل

اشمعنى النرويج مثلا كلها معانا

الواضح واضح
وانا مش عارفة اصدق ان فيه تلتميت مليون بني ادم ما عندهمش دم وبيستمتعوا بحرق الاطفال بالقنابل الفسفورية

مش ممكن فيه حد في الدنيا دي خلقته كده

اكيد جواه كويس
مش بني ادمين زينا يعني؟

muslima said...

السلام عليكم



اوباما للوهلة الاولى لما تشوفi تفتكر انه غلبن وطيب وحتى فى نبرة صوته وايماءاته

انا شفت الحوار امبارح

الراجل اتكلم عن اجداده المسلمين وقال الاسلام دين زى كل الاديان فيه متطرفين وفيه ناس دعاة سلام

وقا انه سيتحدث الى العالم الاسلامى من عاصمة دولة اسلامية ولكنه لم يذكر الدولة التى سيوجه خطابه منها

يعنى ده كلام كويس

هو قال انه ضد القاعدة وابن لادن علشان دول دعهاة تطرف لكن ده مش هايأثر على دعوته فى عمل حوار مع العالم الاسلامى

يعنى هو عايز يقول المتطرفين ايأ كان دينهم هايحاربهم وهايرد عليهم لكن دعاة السلام والحوار هايمد ليهم ايده

وبالنسبة للدولة الفلسطينية لما المذيه قاله انت معترف بدولة فلسطينية لها عاصمة وحدود ومعترف بيها

الراجل قال ايوة من حق الفلسطينيين يكونلهم دولة لها حدود واقتصاد وتعليم ويعيشوا فى امان

ده كلام جميل

وقال ان اطفال فلسطين لازم يعيشوا فى جو آمن وكمان اطفال اسرائيل نضمن لهم الامان ولو توصلنا لهذا الحل يبقى كده احنا نجحنا

هو اجمالا كويس
لكن الل مش كويس انه برضه قال امن اسرائيل

الكلمة دى بقت كلمة دارجة وتسوق اعلاميا بشكل كبير
امن اسرائيل والدفاع عن النفس


بصراحة اللى عجبنى فى الحوار كله انه قال انا فى عيلتى ناس مسلمين وامريكا نفسها فيها مسلمين وكل الاديان حتى الملحدين

يعنى مش لازم نربط العنف بالمسلمين لان ده موجود فىك لالاديان

المفروض ان ده شىء كويس ككلام
لكن كفعل الله اعلم

هل الملفات التى تركها بوش مفتوحة سيفصل فيها اوباما فعلا

والله نتمنى ذلك ومن قبل ذلك نتمنى اننا كعرب ان كان هذا الرجل معتدل او له رؤية حوار فعلا اننا نحاول كدول عربية واسشلامية نستغل النقطة دى ونتبع نهج مختلف من مصدر قوة لينا كعرب ومسلمين
يعنى سلام وحوار مع املاء شروطنا لعودة الحقوق المغتصبة

قولوا يااااااااااارب

واللى يعرف اسم المذيع اللى عمل معاه الحوار يقولى

سلام

Unknown said...

مسلمة

بصي

هو واد نصاب
نصااااااااااااااااب

عامل زي الفلاح او الصعيدي القراري اللي عمرك ما تعرفي ايه اللي في مخه ابدا

ح يبان من تصرفاته مش من كلامه

Unknown said...

واحد مش فاهم حاجة

انت يا عم الكوتكوت سايب لي اللنكات دي عشان تقضي عليا قريب؟

Anonymous said...

يا بنت الحلال فيه فرق بين الشعب الأمريكى والحكومة الأمريكية ، الشعب ممكن ناس منه تتعاطف مع القضايا العربية أما يحسوا إن العرب مظلومين ودى نسبة بسيطة جدا وفيه ناس تانية من الشعب برضه معلوماتهم عن العرب والقضية الفلسطينية زى معلوماتك عن الفيزياء النووية ... ميعرفوش إيه أصل الصراع ولا مين الظالم ولا مين المظلوم ... بس بيبصوا لنا على إننا أقل من الحيوانات (مش فاكرة موضوع إنقاذ كلاب العراق ونقلها لأمريكا ؟) إحنا بالنسبة لهم صفر على الشمال

أما بقى بالنسبة للحكومة فالمسألة مسألة مصالح ، وطبعا هما مصالحهم مع اليهود واللوبى الصهيونى وإلا مكانش أوباما لبس الطاقية اليهودية ووقف قدام حائط المبكى ، أو مكانش خاف إن الناس تعتبره مسلم واترعب لما بنتين محجبات طلعوا فى خلفية صورة ليه .... والكلام الناعم اللى سمعتيه منه مجرد دبلوماسية ... يعنى اسقى الخروف قبل ما تدبحيه .... والأيام بيننا يا بنت الناس وحتشوفى إنه زيه زى بوش ... مفيش داعى ننتظر إيد العطف من حد ، إحنا قدامنا جيلين تلاتة بإذن الله وممكن يتصلح حالنا ونبقى بنى آدمين لو عرفنا نربى ولادنا صح ونطلعهمش زينا

مواطن مصري said...

نوارة انتي مش شايفة معايا ان خلاص ذكر الشعب الفلسطيني معدش موجود زمان كان بيتقال الشعب الفلسطيني ككل انما الان حماس و فتح

و قابليني لو اتحلت
لو استمرت ب الشكل دة


و بعدين ما ممكن حد يطلع شيطان و لابس قناع الفضيلة و يقول قال الله و قال الرسول و حسبي الله و ماسك السبحة و هو في الاصل شيطان و حرامي و بتاع مصلحتة

هو الواحد بياخد ب الشكل اليموين دول

Anonymous said...

I was not expecting or intending to offend anyone by my comment which I still stand by it . I did not mean to offend Noura i was just trying to make a point that if we are the weak player in the whole situation may be and just may be we have to be smarter in what to expect and how much and from who .
Let us all agree on one thing, Obama is not going to be the next Jesus. and even if he becomes the best president ever in the united states, he is not going to be like that to us "Arab" because simply we don't mean much to him it is that easy and clear .he is playing nice because he is building his legacy ,he wants the history books say that he was the greatest African American President that ever ruled so yes he is doing for his own interest not because he really care.

Now about having bride or dignity, without offending you can I ask you why you think that Dignity is automatically earned .I know you will say that we all are born with it but don't you think that giving it up in your own country that means giving it up to everyone else .you know American see us as another kind of human being that if we give away our own freedom in our countries that means that we are still living in the stone age . you know why they saw going to Iraq was fine becasue simply we are mindless and we need someone to show us the way ........
they don't know that we are the ones who made the way and paved it and taught them how to use it but their history book does not say that nor their Media ,they are arrogant and they want to think that they are a different and superior kind of human and that by using their influence on weak ,separated and not organized group of people and guess who fits in this category is us .

may be you will be upset again from what i say and may be motan masari will say people like me are the reason for the problems we are in but if you think about the whole picture the problem begins and ends with us .we need a real change in everything .in how we think and how we see things .we need to earn our pride and dignity back and at least see what are lacking in ? let us look at the facts and stop sseing that the whole world is conspiring to get us because the constipation to get us comes from our countries and leaders and we need to not wait to see what the new president of the usa will think of us .........

Thanks for listening