Friday 2 January 2009

يا حبيبي ماحدش مانع مظاهرات التضامن غيرنا

اولا ربنا يخليك لينا، ربنا يخليك ليا انا شخصيا لاني ما اقدرش اعيش فيمتو ثانية في الدنيا دي من غيرك، الخطبة النهاردة كانت رائعة
ثانيا هههههههههههههه يعني ايه لزوم البرقع بتاع: انظمة عربية بتمنع المظاهرات؟ وبعدين ما قدرش يمسك نفسه وقال مصر وبعدين رجع قال انظمة كتير
لا مش انظمة كتير ولا حاجة، هو احنا بس، وماحدش اعتقل في مظاهرات لمساندة غزة غير عندنا بس، وبراحتك امسكهم من خناقهم واديهم روسيات على قد ما تقدر
ومتشكرين على صورة عبد الناصر
ههههههههههههههههه
والله العظيم....الناس كلها بتعاملنا كأننا قناوي، الله يخرب بيتك ياللي فرجت الناس علينا وصورتنا على اننا مجموعة من المجانين والمعاتيه
والله ابدا احنا عاقلين.... شوية يعني

22 comments:

مواطن مصري said...

250 الف بني ادم

خرجو لتظاهر و مش عاجبك و لسة قتفل الجزيرة مباشر كانت جايبة مظاهرة ل الاخوان في الفيوم فيها على الاقل بتاع 1000 شخص


و الشعارات كان فيها بعض شعارات عنصرية

اة انتي ناسية ان ممنوع التظاهر في اماكن دور العبادة و ذالك خوفا من تحويلها لفتنة

Unknown said...

soreet aeh ya Nawara malha soreet 3ab nasser

mashoftesh 5etab mesh3al ??
kan gamed bardo

مواطن مصري said...

الشروط الي قالها مشعل مبارك قالها قابلة نفس الشروط و قال ان المعبر لازم يكون تحت مراقبة من السلطة التنفيذبة و اسرائيل و من مصر
و من الاتحاد الاوربي بس هو رفض

الشروط و جاي يقول احنا قولنا

Unknown said...

لا فيه مظاهرات طبعا
بس النهاردة منعوا
وامبارح
سابوا الناس اول يومين وبعد كده منعوهم وقبضوا على الناس

طارق

كانوا حاطين صورة عبد الناصر في المنار وكل شوية يا عيني ينزلوها عشان يقنعوا البهايم انهم مش بيشتموا مصر دول بيشتموا مبارك

Unknown said...

tab wlahy ana mashoft nas 3ndohom 3asham wla sabr 3la 2elet el 2adab wel sheteema zay 7ezballah da

مواطن مصري said...

اة الي عاوزة السيد نصر الله فوضى خلاقة في مصر مش عمل ايجابي انا اول مرة اختلف مع نصر الله

Unknown said...

طب ربنا يخليلك حسني وابو الغيط

طلع كما تكونوا يولى عليكم دي صح على فكرة

ربنا ما بيظلمش حد

خيرالدين said...

مواطن مصرى
منع مظاهرات واعتقالات وضرب بالهراوات فى كل الشوارع المحيطه بميدان رمسيس مش مساجد ولا دور عباده وطالما الامن المصرى خايف على دور العباده يقوم المخبرين يدخلوا الجامع الازهر بالجزم
دى من شهود عيان
والاعداد المعتقله بالمئات

خيرالدين said...

فوضى
هو انت يا سيدى مفكر ان الناس دى هتتحرك
الاخوان والناصريين والمهتمين بالقضيه هم فقط من يتظاهر
ودول عددهم بسيط جدا وطالما الموضوع بقى بيتواجه بالشكل ده الناس هتقعد فى بيوتها ولا هتسمع صوت
اللى ماعملش فوضى علشان العباره والدويقه وتوزير ارادته وهتك عرض بناته عمره ما هيعمل فوضى علشان(المشروع الشيعى فى المنطقه)
فوضى ايه بس
الرجل ده مفكر المصريين لسه فيهم الروح ميعرفش ان اللى يسكت عن ان ابو الغيط بيتكلم باسمه يبقى مات من زماااااااااااان

مواطن مصري said...

العرب يستاهلو قنبلة نووية

العرب يستاهلو قمبلة نووية عشان عاوزين العالم يحترمهم و هما بيتريقو و يسخرو من الديانات الاخرى
العرب يستاهلو عشان شعوب حاقدة و التطرف جين فيها
العرب يستاهلو المهانة عشان شعوب جبانة

العرب عاوزين العالم يقف بجانبهم و هما العرب نفسهم بيتخانقو مع بعض و يشتمو بعض ويعملو بعضهم بتعالي
العرب يستاهلو عشان هما مكفرين العلم و رافضين حقوق الانسان و الحريات


العرب يستاهلو ابادة و قمبلة نووية عشان يعرفو الدين صح دين المحبة و دين الحريات و الابتكار و العلم


اة من مليار و نص مسلم مش عارفين يلمو 15 مليون يهودي
وعاوزين العرب يكسبوها

Unknown said...

العرب يستاهلوا؟
وحضرتك ايه؟ انجليزي يا مرسي؟

خيرالدين said...

نواره
قريتى اللى كتبه جو غان بعنوان
السفير والغفير

مواطن مصري said...

العرب يا نوارة عملو عكس ما كل الكتب السماوية بتقول العرب لا يحترمو بعض و احنا كمان كمصرين منهم و عاوزينها نكسبها

TAFATEFO said...

حضرتك ده الكلام عن القاده العرب والشارع المصري في خطاب نصر الله اللي حضرتك بتتكلمي عنه في البوست

http://www.youtube.com/watch?v=ba2j7MPhnxg&feature=channel_page

دقيقتين وأجيب لسيادتك رد خالد مشعل على مبارك بخصوص المعبر

وبعدها العشرة دقائق اللي اتكلم فيها نصر الله عن المقاومه في غزه

TAFATEFO said...

رد مشعل على مبارك

http://www.youtube.com/watch?v=Z8VSmBRNHHI&feature=channel_page

خيرالدين said...

مصطفى
الهى يسترك يا اخى قد ما انت فاضحهم
قادر يا كريم

سنابل said...

اه والله مافيش حد موكوس غيرنا كنتي تعالي اتفرجي ع المخبر اللي كان عامل كناس وقت صلاة الجمعة وحبكت معاه النضافة أوى ف الحتة اللي كنا واقفين فيها مع انها كانت انضف حتة ف مزبلة الشارع ولما المظاهرة غيرت اتجاهها المتوقع راح مطلع تليفونه وبلغ مع ان زمايله كانوا مالين المكان وماكنش فيه داعى للهبل ده بس اهو خلي الناس
تضحك علي منظره بس قاموا لفولنا من الناحية التانية وماخلوناش نمشي 200 متر


مواطن مصرى
بتقول العرب يستاهلو ابادة و قمبلة نووية عشان يعرفو الدين صح دين المحبة و دين الحريات و الابتكار و العلم

بعد ما يبادوا هايعرفوا ف الأخرة بقي صح ؟

مواطن مصري said...

@سنابل

الدين الان اصبح مظهر العرب او المسلمون صبحو بيتبعو المظاهر و ابتعدو عن المضمون


و اصبحو يشوهون الدين و يصدرون صورة مسيئة للخارج

أبو أمير said...

السعودية ولاالأردن كمان منعين التظاهر

الحياة حلوة said...

الكل جالس على الكنبات وبيتفرج
اللي بياكل فشار واللي بيشد في الاارجيلة والشيشه
من حسن بتاعك لبشار للملك عبدالله بتاع الاردن وكلهم اراجوزات

وماحدش احسن من حد

Empress appy said...

لا يا نواره والله فيه قمع فى دول كمان ادخلى على الفيس بوؤ عندى شوفى كلام واحد اسمه مصطفى الشعله ده من القطيف الشرطه هناك بهدلتهم بجد وبيخنقوا فيهم ومانعين المظاهرات

زهرة اللوتس said...

جبهة التهييس الشعبية ..
إنتم بجد جدعان ..
بلوج في غاية الروعة وياريت تقبلوني معاكم ..
عايزه أقولكم إنتم جدعان ، وشعب مصر شعب حر أصيل ، ما حدش يقدر ينكر جهاده مع المفلسطينيين ووقفته معاهم ..
الشعب المصري شعب كله جدعنه ولا يهمكم بيتقال إيه عن الحكومات ..

اقبلوني معاكم وحتابع بإذن الله ..


تحية لأحلى حبهة تهييس ..