Wednesday 7 January 2009

اي اي اي اي اي

معلش يا شباب انا مش عارفة اتلم على نفسي، دخل لي مهندس مصري ساب لي التعليق ده، اولا افتكرته مواطن مصري ورديت عليه في بوست تاني من كتر اللخبطة
فاهمين حاجة؟ مش مهم
اقروا الكلام ده
شوفي الخبر ده كمان
صحيفة: تمرد بالأمن المصري بسبب الوضع في غزة الصحيفة قالت إن رجال الأمن رفضوا التوجه إلى معبر
رفح لحراسته (الجزيرة-أرشيف)
أوردت صحيفة العرب القطرية أن تمردا وقع قبل أيام في أحد معسكرات قوات الأمن المركزي المصري على خلفية العدوان الإسرائيلي على قطاع غزة.ونقلت العرب في عددها الصادر الأربعاء عن أسبوعية "صوت الأمة" المصرية أن أفرادا من قوات الأمن المصري بمعسكر ناصر للأمن المركزي رفضوا التوجه للحراسة في معبر رفح على الحدود مع غزة.وقالت الصحيفة إن المتمردين طالبوا بالذهاب إلى غزة للدفاع عنها وليس لمنع مواطنيها من دخول مصر، مؤكدة أن أجهزة بوزارة الداخلية اعتقلت ثلاثة ضباط وأحالت مجموعة أخرى إلى الاحتياط بدعوى تزعمهم التمرد.وأضافت أن الضباط رفضوا تنفيذ أوامر عليا بالتوجه إلى معبر رفح يوم السبت الماضي لمنع دخول الفلسطينيين إلى مصر ومنع قوافل الإغاثة الإنسانية التابعة لمنظمات وجمعيات محسوبة على جماعة الإخوان المسلمين من العبور في اتجاه قطاع غزة.ونقلت الصحيفة عن مجندين قولهم إن الكثير منهم انضموا إلى الضباط ورفضوا أوامر القيادة بالتوجه إلى المعبر، وإن بعضهم قالوا لقيادات المعسكر "لو حنروح يبقى نعبر الحدود ونحارب إسرائيل".وأفادت الصحيفة أن السلطات المصرية اعتقلت العشرات من هؤلاء المجندين بعد أن أرسلت وزارة الداخلية قوات للسيطرة على الوضع.وقالت الصحيفة إن هناك تخوفا في وزارة الداخلية المصرية من أن تمتد عدوى التمرد إلى معسكرات أخرى، مشيرة إلى أن أحد مساعدي وزير الداخلية المصري نفى وقوع هذا التمرد
!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!
انا كنت لسة باقول ايه؟
ايوة ايوة....عشان كده اخروا اصدار صوت الامة وكانوا ح يمنعوها

21 comments:

TAFATEFO said...

كلام فاضي .. هو امتى صوت الأمه يعني بتجيب انفرادات

خبر مفيهوش اسم .. يترمي في الزباله

TAFATEFO said...

إصدار صوت الأمه اتأجل علشان مقالة قنديل .. تقدري تقريها عند كريم البحيري

TAFATEFO said...

http://egyworkers.blogspot.com/2009/01/blog-post_5648.html

Unknown said...

ايوة انا عارفة انهم قالوا عشان مقال عبد الحليم قنديل
وشفته المقال

بس الخبر مافيهوش اي حاجة
قصدك مافيهوش اسامي

طيب
حاجة زي دي المفروض يترد عليها
يعني الداخلية لازم تطلع بيان وتكدب الكلام ده
احنا مش عايزين قلق في القعدة بقى الله يكرمهم

TAFATEFO said...

الأمن المركزي لما اتمرد كان مزقوق وبدعوى انهم هيمدوا خدمتهم سنه .. وده كان من أكثر من عشرين سنه .. شوفوا أساليبهم في سحق الشخصيه اتطورت أد ايه في العشرين سنه دول

لو الأمن المركزي هيتمرد علشان أهل غزه .. كان اتمرد علشان نفسه .. ده حالهم يا عيني يصعب على الكافر

وبعدين الأمن المركزي لا يعرف في ده ولا ده

مواطن مصري said...

تأكدي انتي من الخبر انا الجزيرة عموما بشكل في ربع اخبارها و خصوصا الي ببتعلق ببمصر متنسيش ان قطر فيها قاعدة اممريكية كبيرة و الجزيرة مش بتجيب سيرتها ليةةةةةةةةةةةةةةةةةةةة


و ربنا يستر انا شامم ريحة عبد الناصر من جديد

Anonymous said...

SA
I don't believe it, as the guys who gets orders like that are always choose carefully and well known that they will obey gladly, the beat up their own people what do you think they will do to others.

Unknown said...

وانا بقى ح اتأكد من الخبر منين؟
المفروض ان الداخلية تطلع بيان توضح لنا الموضوع
مش يسيبونا ما يسألوش فينا
وصوت الامة مش مفروض انها تنزل اخبار زي دي من غير ما تتأكد عشان ما تعملش توتر في البلد

اذا كان الخبر صحيح حقنا نعرف

واذا كان الخبر كاذب حقنا فورا التكذيب من الداخلية نفسها ولازم انها تنزل بيان واضح
مش القصة في الجزيرة

الجزيرة لو هي اللي منزلة الخبر ما كنتش اهتميت

لكن الخبر بيقول ان صوت الامة هي اللي بتقول كده
ولو الجزيرة هي اللي منزلة الخبر يبقى الداخلية مش ملزمة ترد
المفروض نعرف لما جرنال مصري ينزل خبر زي ده يبقى الداخلية ترد

Anonymous said...

يجب فتح المعبر ليسمع للفلسطنين ممن أراد العبور باتجاه عائلتهم أو على الأقل أطفالهم من براثن هذا الدمار ، لا يجب ان يباد شعب بكامله

----------------------------------
بالنسبة للموضوع الامن كلام فاضي لا قيمة له و يبدو انه كاذب و عليهم الالتزام بما تمليه عليهم السلطات مهما كانت

Anonymous said...

يجب فتح المعبر ليسمع للفلسطنين ممن أراد العبور باتجاه عائلتهم أو على الأقل أطفالهم من براثن هذا الدمار ، لا يجب ان يباد شعب بكامله

----------------------------------
بالنسبة للموضوع الامن كلام فاضي لا قيمة له و يبدو انه كاذب و عليهم الالتزام بما تمليه عليهم السلطات مهما كانت

مهندس مصري بيحب مصر said...

خدوا بالكم إن الخبر بيقول إن ضباط هما اللي رفضوا

و بالتالي هما اللي اتسببوا في رفض العساكر

يعني فيه ضباط امن مركزي رفضوا تنفيذ الاوامر طبقاً للخبر ده

ahmed samir said...

يا نوارة
الخبر بتاع الأمن المركزى ده اتنشر من كام يوم فى اليوم السابع
بس كان بصيغه مختلفه
بتقول ان عساكر الامن المركزى اتمردت من سوء معامله الضباط ليهم و انهم كسروا السجن اللى فى الوحدة بتاعتهم و خرجوا سبع مسجونين و كسروا كل المبانى اللى فى الوحده و حاولوا يستولوا على السلاحو إن أمن الدولة راح لهم هناك

ده مختصر الخبر من اليوم السابع

ahmed samir said...

هيكل على الجزيرة دلوقتى

Unknown said...

يانوارة
.......

الخبر ده من أسبوع بس كالعادة وزى خبر انتحار الظابط اتنشر بشكل مشوه

اللنك أهو

http://www.youm7.com/News.asp?NewsID=59848

Mafrousa said...

تفتكري الخبر ده صحيح
و لا بكملة الاخبار اللى بتزعزع المصريين؟
و الله يا نوراة كله بقى سمك لبن تمرهندي
و انا لسة مش فاهمه اي حاجه خااالص

dodda said...

يا جماعه الله يكرمكم عاوزين حد يؤكد اى حاجه

لو فى اى حد ظابط او عسكرى عمل اى حاجه يبفى فى اى امل كده

حـنــّا السكران said...

هيكل بيتكلم كلام كبير وجميل جدا .. مش جديد عليه طبعا .

حـنــّا السكران said...

حتى هيكل ..وصل لمرحلة و هو بيتكلم عن واقع مصر و دورها الحالي إنه يقول :
( مش عايز أقول كلام قبيح )

Anonymous said...

احمد سعيد


شفتو هيكل قال اية
اول ماذكر ان ساركوزى قعد يسيح فى كل حتة يروحها ان مبارك قالة لايجب السماح لحماس بالفوز فى غزة
بعدها بدقيقتين الحكومة كذبت الخبر
بنعل ميتين ام الغباء
طب مالخبر معروف من يومين
اشمعنى اول ماهيكل علق عالكلام طلعتو تكدبو الخبر فى ساعتها

يخراااااااااااااااااابى
فية غباء كدة
طب كنتم استنو ساعة
استنو حتى البرنامج يخلص

يافضيحتك يا مووووووحسن

مواطن مصري said...

يا نوارة بيقولو ان فية محامين مصرين رفعو قضية في محكمة العدل على نصر الله من حزب الوطني

Anonymous said...

على فكرة يا نوارة الخبر بتاع الامن المركزى دى من يوم السبت اللى قبل اللى فات

احتمال انة يكون بسبب غزة

بس كل اللى بيتقال انة تمرد جوة سجن عسكرى بتاع الوحدة انضمتلة باقى عساكر الوحدة

قصة انة كان فية ظباط دى اول مرة اسمعها

وكذلك قصة انة بسبب غزة


احمد سعيد