Sunday 11 January 2009

شوية تيبس للسيد وزير خارجة جمهورية مصر العربية

1-
مافيش شخصية سياسية في الدنيا اسمها: "الشيخ" حسن نصر الله. سماحة السيد (عشان من نسل الرسول) واسمه حسن نصر الله مش عايز تقول سماحة السيد لحد ما تعمل له تحليل دي ان ايه، براحتك، اسمه حسن نصر الله، او السيد حسن نصر الله، والحمد لله انك عرفت ان اسمه حسن وما قلتش الشيخ سماحة السيد حسن نصر الله على اساس انه هو اسمه سماحة وابوه اسمه سيد وجده اسمه حسن، برافو والله، عرفتها لوحدك دي؟
2- مافيش معبر في الكون ده اسمه كرَم ابو سالم، مافيش كرَم، كرَم ما جاش ناحيتنا، اسمه كرْم ابو سالم، يعني بستان الكرْم، الكرم اللي هو العنب مش كرم الكريم يعني، الترجمة: بستان العنب بتاع الحاج ابو سالم
3- فيه مهدئات آمنة، موتيفال، ده خفيف خالص بنديه للاطفال اللي بتجيلهم حالة هيستيرية قبل امتحانات رابعة ابتدائي، تقدر تاخده قرص قبل ما تطلع اي مؤتمر صحفي، بس تكون فطران كويس
4- مصر اسمها: جمهورية مصر العربية، درة العرب، واصلهم، وامهم، وبتجري في جيناتهم، غصب عن عين التخين والرفيع، ودي المادة الاولى من الدستور المصري واللي مش عاجبه يشوف له بلد تانية تبقى توك توك على قده وللا حتى بسكلتة مدام ما بيعرفش يسوق عربيات
5- لما الانسان يتكلم عن نفسه هو حر يتعصب ويشتم ويتف ويشخر وينف ويعمل كل اللي هو عايزه، لما يتكلم نيابة عن بلد يعرف مقام البلد اللي هو بيتكلم عنها، ومقام مصر كبير قوي، سميها بقى شوفونية عنصرية عقدة تفوق، دي اسمها مصر: فجر الضمير، مش فجر الشرشحة، لها مقام عالي، وعليها واجبات لازم تأديها بما يليق بمقامها، واللي يتكلم نيابة عنها يا يبقى عملاق زيها، يا يشب عشان يوصل لها. الاقزام يمتنعون
6- الدفاع عن مواقف قذرة بدعوى الدفاع عن مصر هو الهجوم الحقيقي على مصر. اللي عايز يدافع عن ندالته ومواقفه المخزية، اللي عايز يقول وانا مالي عيش ندل تموت مستور يشتغل سواق تاكسي ما يحكمش مصر
ما يحكمش
7- دور مصر مش ان تُعَرص زي ما ربنا كعبل لسانك، مصر دي كان اسمها القائد الاعلى للقوات العربية، مصر اللي انجلترا خافت منها وما رضيتش تعدي الجسر الجوي الامريكي اللي بيمد اسرائيل بالسلاح لبعدين مصر تزعل، ما ينفعش البلد دي يجور عليها الزمن لحد ما تبقى تصريحات مسئوليها هي الفاصل الكوميدي في نشرات الاخبار
8- زلة اللسان دي الناس ح تحكي وتتحاكى عليها، عشان انت اصلك كنت ناقص دي كمان، شفت ربنا عمل فيك ايه؟ ولسة، عشان تعرف اللي بيشتم الاولياء المجاهدين ربنا بيخليه عبرة خلقه، ارتجع بقى عشان انت ما تعرفش معاداة الاوليا بتجيب الخراب ازاي، ربنا قال من عادى لي وليا آذنته بالحرب، انت قد حرب ربنا؟
وفي الختام
اسمه عيسى ما اسموش عيسوي، مات مصلوب مش في حادثة موتوسيكل، وانت نازل ابقى انزل على السلم ما تتزحلقش على الترابزين
الا هل بلغت؟ اللهم فاشهد

40 comments:

Anonymous said...

يارب ما يقرا البوقين دول..

يا حاجة يا حاجة ربنا يهديكي!
"خاطبوا الناس بما يعرفون، أتريدون أن يكذّب الله ورسوله؟"
يا حاجة..
بتقولي له اسمه كرم ابو سالم مش كرَم..حلو..

كرَم كرَم كويس انه عرف يستهجى أصلا..بس مكنش لازم أبدا البتة انك تقولي انه الكرم (بالسكون والضم) هو العنب، هيطلع المرة الجاية يقول لنا: الكرم الكرم الكرم الكرم يفتح في شتا أو صيف..

مواطن مصري said...

بس ابو الغبط عامل حس يعني افلام العيد و هو


بس ب النسبة لمبادرة جامعة الدول العربية انا متفق مع المبادرة وقف اطلاق النار من الجانبين

مواطن مصري said...

بس انا عاوز اشوف لفيديو دةةةةةةة

Unknown said...

احمد
ههههههههههههه
والله يعملها
وممكن عشان يثبت ولاءه لقضية فلسطين يمسك العلم الفلسطيني ويرقص بيه وهو بيقول: احمر..اخضر...اسود...ابيض
الكرم الكرم الكرم



مواطن مصري
مافيش اطلاق نار من الجانبين يا عمرو

هو مين اللي محتل التاني؟
وهم مش بلدين متجاورتين بيتخانقوا
ده احتلال

مصطفى سجله
بس هو برة لما يرجع ح يرفعهولنا

مواطن مصري said...

نوارة شوفي البوست دة في المدونة دي

http://justice4every1.blogspot.com/



انا معرفش بتاعت مين المدوتة دي بس بوست جيد

Anonymous said...

ممكن اعرف مين مصطفى ؟

Anonymous said...

في الامس كان عزمي بشارة يحاول امساك نفسه من الضحك بعد سماعه تصريح وزير الخارجية المصري
arabi100.wordpress.com

ماجد said...

مين الى قال انة غلط هو بس عبر صح عن الطريقة اللى الحكومة بتفكر بيها لانها مش حكومة تنفع تحكم بلد ممكن تحكم عصابة اوشلة او عزبة زى ماهما عاملينها هو فية بلد محترمة فى الدنيا ممكن يكونوا دول حكامها او تكون دى طريقة تتحكم بيها ولا حتى ينفع تتحكم بيها افلاقة البلد (دى قرية فى محافظة البحيرة) بس. خلاص على رأى شعبولا

حرة المداد said...

أنا أدعوا عليهم كل يوم تقريبا-بعد أن تركت الدعاء باصلاحهم-(اللهم افضحهم على رؤوس الأشهاد)

الحمد لله تسقط ورقة التوت من اثنين في يوم واحد:عباس البهائي-أبو حقل الألغام الفشنك ده ؟!
اللهم أعز جندك في عزة العزة وزد المنافقين الخونة خزيا وعارا...عشان يبقى يقطع رجل اللي يهوب ناحية الحدود(أسد على اخوانه وفي الحروب النعامة أشجع منه)
صدق الله تعالى: (ان الله يدافع عن الذين آمنوا)

TAFATEFO said...

أصلاً امبارح لما كنت بقول حضرتك مش في حالتك كان علشان دي عدت عليكي .. وبعدين مرضيتش أقول بعد فيديو عباس .. الحكايه مش ناقصه .. وقعدت متردد طول اليوم أرفع ولا مرفعش .. أقول ولا مأقولش

وأسمعها .. وأسكت .. أقول أنا اللي نيتي زباله

كنت في السينما في فيلم عجيب كده وأول ما جتلي الرساله جتلي هستيريا ضحك .. فضلت أضحك ومعرفتش أسكت .. وبعدين خرجت

والله والله والله .. اللي قال على أبو الغيط "شبه أمه" مكدبش

Anonymous said...

علىفكرة يانوارة نفس الكلام اللى الموكوس قالة عن سماحة السيد اتقال شبهة بالحرف فى برنامج القاهرة اليومتانى يم الخطبة اللى قهرتهم ودخل فى الموضوع سيدنا رسول اللة بطريقة ملتوية توحى بالمقارنةوطبعا دة لاثارة السنة على الشيعةدة غير احنا شعب بيحب الحياة احنا عايزين نعيش نفس الطريقة القذرة بتاعت البرنامجايام حرب لبنان وايام احداث لبنان السنة اللى فاتت وتصدقى ان اللى بيتصلو بية يهاجمو السيد حسن هم هما بتوع كل مرة حاجة غريبة مشكدة والاغرب توارد الافكار الفظيع بينة وبين الموكوس دة غير قى غير الشرشحة بالايد ساعة ماكان بيتكلم ياريت تنشرى الكلام دة ولا يطلع معارف بابا على راى حنان ترك -------دودو

Unknown said...

مين يا حبيبتي اللي معارف بابا؟
انا ابويا ما يعرفش حد بيشتم السيد حسن
ولو عرفهم ما بيجيبهمش البيت عنده عشان ام زينب ما تطردهمش من البيت وتحرجه مع الضيوف

بالنسبة لام زينب اللي مش بيحب السيد حسن يبقى منتمي لفصيل غير متطور من الكائنات الانوية

Anonymous said...

احمد سعيد

اولا يا جماعة انا مضطر استغل التواجد المكثف هنا علشان عايز اوصل كلمتين للجميع ويارب كلكو تفهمو كلامى دة كويس

الاعلام المصرى
منذ عدة سنوات اكتشف قواد صلاح نصر الشهير بظفلط الكنيف ان منابر الاعلام من صحف قومية وقنوات حكومية فقدت مصداقيتها وهجرها الشعب المصرى بالكامل واتجة للفضائيات وعلى وجة الخصوص قناة الجزيرة
وصحف المعارضة
وشبكة الانترنت
طب نسيطر عالناس ازاى
ونشخ فى دماغهم ازاى ازا كانو بطلو يسمعونا
ايييييوة
نقفل جرايد المعارضة
ونحجب الفضائيات
ونحجب مواقع النت
بس دة ماعدش ينفع لاننا فى عصر القنوات المفتوحة
ايام عبناصر انتهت
دلوقتى المصادر بقت كتير
ومش هنقدر نسيطر عليها
طب والحل
تعمل كيف يابن الكنيف تعمل كيف يابن الكنيف تعمل كيف يابن الكنييييف

ايوة لقيتها
الحل هو اختراق صحف المعارضة
مافيش مشكلة انهم يهاجمو الوزرا
دة عادى دلوقتى ان اى حد يهاجم وزير
هاجموهم مش مشكلة واحنا هانديكم الضوء الاخضر
حرية راى بقى
بس فى الخباثة هتقولو شوية كلام صغير كدة تحشروة فى وسط كلامكو الحلو
علشان الناس يحبوكو ويقرو كلامكم ويحسو فية بالصدق
دافعو عن المواطن الغلبان
تاجرو بهمة
اشتمو فى الوزرا الوحشين
افضحوهم هم ورجال الاعمال الحرامية الاوساخ
بعد ماالناس يتكيفو منكم ويبقى عندهم استعداد يتقبلو اى كلام منكم بدون مايعدوة على فلاتر مخهم
لان شعبنا شعب غبى وجاهل
مش ناصح زى محنا مفهمينة
تقولو بقى كلامنا احنا فى النص
مصر مستهدفة
المد الشيعى خطر على مصر وايران عايزة تقيم دولة فارسية جديدة وحسن نصر اللة اراجوز وعميل للايرانيين وووو
الخ
وكلة علشان خاطر مصر واللة
ويتخح هذا التيار فى كتابات الدلدول مصطفى بكرى الشرموط فى جرنالة الاوسخ
واسع الشعبية مع الاسف
وهذا على سبيل المثال لا الحصر


الفضائيات
دايما اسأل نفسى سؤال غريب؟
هو مش قنوات دريم دى بتاعة بهجز افندى احد اركان النظام واحد كبار هباشين البلد؟
طب ازاى كل برامجها بتهاجم الحكومة؟
الاجابة معروفة لو قريت الكلام اللى فوق دة

القاهرة اليوم
اديب مزيع اراجوز وفكاهى وبيضحك الناس
الناس علشان كدةبتحب تسمعة
يقوم يقلب الحق باطل والباطل حق يعنى مثلا فى موضوع المحلة جاب صور الدمار والنار اللى تشبة صور غزة دلوقتى
وقعد يقول:فى مصلحة مييييين اللى بيحصل دة؟
الدمار دة فى مصلحة مين؟
ملمحا ان اللى حصل دة كان بترتيب من بعض التيارات السياسية الوحشة زى الاخوان
وليس تصرف تلقائى مش شعب مهمش ومش لاقى ياكل
وكان بيتعمد يجيب الفيديوهات الاخف وتجنب فيديوهات العيار التقيل مع انها مرطرطة عالنت وهذا على سبيل المثال لا الحصر

وزية برنامج 90 دقيقة استظراف بتاع المذيع الغتيت معتز

برنامجالعاشرة مساء
منى الشاذلى مذيعة حلوة وامورة وبنت ناس وتحس انها تلقائية وعفوية ولها مصداقية عالية
مهمتها تذيع الاخبار بعد غربلتها وتخفيف عيارها من الاخر كدة تمييع الاحداث
وطبعا غير مسموح بتجاوز الخطوط الحمرا
مين فاكر يوم ما اتلطشت فى عقلها وجابت موضوع هشام طلعت مصطفى قبل مايتقبض علية
ايام ما كانو عاملين حظر نشر وبيجهزو علشان يغطو عالموضوع
علطول اتصل بيها بهجز افندى وهى عالهوا ومسح بكرامتها الارض وهشام دة راجل وطنى وشريف وابصر اية
اتكتمة منى هانم وقفلت عالخبر ماجور
ولو كانت عندها كرامة كانت سابت البرنامج فورا
بس واضح انها اتعلمت الدرس كويس


الطبعة الاولى
احمد افندى المسلمانى
اشتم وهاجم براحتك بس اوعى تقرب لجمال بية
او عوكل باشا
هاجم الحكومة بس لازم تشيد بدور سيادة الرئيس اللى دايما بيلحق الامور فى اخر لحظة
وطبعا فى النص هاجم حسن نصرالله وهزقة بس بالذوق
من باب حب مصر والخوف عليها
اللى شاف حلقة انبارح هيفهم كلامى دة كويس
لانى اكتشفت من خلال مهاجمتة لهيكل والجزيرة
انة فعلا بنى ادم عندة عتة مغولى



قناة الجزيرة
مراسلين القناة بيشتغلو فى مصر بترخيص من وزارة الداخلية وهو مهدد بالسحب وايقاف البث لو تجاوزو حدودهم دا غير الضرب وتكسير الكاميرات والاعتقال
علشان كدة نلاحظ ان تغطية القناة لاحداث مصر باهتة وحذرة جدا
طبعا فاكرين حكاية الشاب القطرى اللى دهس ناس كتير عند المطار وطلعت المعارضة تطالب باعدامة والحكومة ساومت قطر على انها تلم القناة شوية فى مقابل انهم يرجعو الواد قطر معزز مكرم



النت
امن الدولة شايف شغلة اوى فىالتعليقات المجهولة اياها بتاعة اسماء
وطنى
مصرى
واحد بيحب مصر
والهبل دة

وليا تعليق على الباشمهندس وائل عباس
هاسأل كام سؤال
هو لية محدش يبيجى نحيتة لغاية دلوقتى مع ان المدونين اللى بيعملو اقل منة بكتير مرميين فى السجن دلوقتى

لية عم وائل دايما لسانة زفر وبيهاجم ايران وحزب اللة وبيدعى ان الظابط بتاعنا اتقتل فى مكتبة وبيشتم حماس


لية فية كليبات فظيعة بتتسرب بشكل مريب من اقسام الشرطة اليومين دول مع ان وزارة الداخلية عندها الكفائة انها تمنع دخول اى محمول فى اى قسم وبعدين مين الظابط الاهبل اللى هيصور نفسة وهو بيرتكب جريمة
وبعدين لية الداخلية بتتعمد بعد كدةتسرب انباء ان الظابط المتهم طلع زى الشعرة من العجين وما حدش مس شعرة منة
ولية العنف والقتل زاد قوى من الظباط اليومين دول

هجاوبك
انا مشص ضدفضح الظباط المرضى ومحاسبتهم
انما لما يبقى الوضع ان الفظائع دى بتتنشر على الشعب وفى المقابل مافيش حد بيتحاسب ومش عايز حد يقولى ماهو اسلام نبية اتسجن

كدة النتيجة عكسية
يالى ماشفتش شوف
يالى مادخلتش القسم اعرف اية اللى هيحصلك لما تدخلة
اهو احنا بنعزبكم
ومحدش يقدر يحاسبنا
طبعا النتيجة ان خوف الشعب من الشرطة زااااااد جدا بشكل مرضىودة مطلوب لان من الضرورى تضخيم غول الداخلية وبث الرعب فى نفوس الشعب لان مصر داخلة على مرحلة حرجة
خصوصا ان عوكل افندى بيسلم النمر وماشى دلوقتى بحقن ومنشطات علشان بس يقدر يتحرك ويتكلم
وعلشان يتم تمرير السلطة رسميا لعمو جمال اللى بيحكم مصر فعليا دلوقتى
بدون ادنى قلق او شغب والا فأنتو عارفين اية اللى هيحصلكو واللى ماشافش العبر يتفرج عالفيديو


طبعا عمنا المهدى عاكف مع الاسف نجحت الداخلية فى السيطرة علية وتقليم اظافرة فاصبح يتحدث دائما عن معركة النفس الطويل ودة اثناء ما الداخلية نازلة ضرب وحبس وتعذيب واعتقال فى اعضاء جماعتة بالاضافة لانهم كل كام يوم بيسلموة لمذيع او صحفى يهزق فية ويبستفة شويتين تلاتة


فوقو بقى
الكلام دة مش جديد
والشعب المصرى مش ناصح
ولا لماح
ولا بيفهمها وهى طايرة زى ماهما عايزين يقتعوة

اللى دفعنى اقول الكلام دة هو مقالة قريتها للاستاذ فهمى هويدى
اهى ابقو اقروها

http://www.saveegyptfront.org/news/?c=165&a=18425

وكمان اقرو المصرى اليوم النهاردة

احمد سعيد

Unknown said...

اديني رفعتهولكوا يا شباب

مصطفى سجله بس ما رضيش ينزله على اليوتيوب وقال لي ح ابعتهولك وانت تنزليه انا ماليش دعوة

ههههههههههههههه

مهندس مصري بيحب مصر said...

شوفي التدوينة دي
http://ardel7arb.blogspot.com/2009/01/blog-post.html
حلوة

مواطن مصري said...

بس مش واضحة اويي ممكن الناس متسمعهاش كويس بتحصل ل احسن العائلات
:)

TAFATEFO said...

الكومنتس .. الكومنتس يا أبله

اقفلي الكونتس

وبعدين أنا برضه ميهونش علي أفضح بلدي المفضوحة خلقه .. وزير خارجية بيتنا ده ولا وزير خارجية مصر

ذلة لسان يا أبله .. واستري على الرجل ربنا يستر على ولايانا .. مش كفايه الجزيره فاضحه الدنيا .. هنبقى احنا والجزيره؟؟

Unknown said...

سلامة ودانك يا عمرو
:))
ده كملها لحد الصاد

TAFATEFO said...

مش واضحة ايه يا مواطن

دنا والله كنت باحكي لاخويا على اللي قاله المفضوح ده امبارح قبل ما أنطق أختي بصت وضحكت وقالت سمعتها

Unknown said...

ادوس على ايه عشان اقفل الكومنتات يا عم الكتكوت

TAFATEFO said...

بالله عليكي يا نواره تعملي ايدت للفيديو .. وتنزلي تحت هتلاقي تاب اسمه كومنتس آخر اختيار فيه وسيف تشانجيس

بليييييييييززززززززز

Unknown said...

خلاص قفلتها

مواطن مصري said...

ملكيش اخوات ولاد استري علية

مهندس مصري بيحب مصر said...

ههههههههههههه
تصدقي انا سمعتها في النشرة كذا مرة و ما أخدتش بالي الا دلوقت
هو لحق نفسه و صلح بسرعة
بس هو كمل الكلمة الاولانية لآخرها
:))
ههههههههههههههههههههههه

Anonymous said...

احمد سعيد

اخر الاخبار
عوكل مسح الارض بكرامة تحفس افندى وقعد يهزق فية بسبب الغلطة اياها
وعلى فكرة احتمال يتشال بس مش دلوقتى بعد موضوع غزة بشوية
علشان عوكل مش بيحب حد يلوى دراااعة

Unknown said...

يا مواطن

بقى انا برضه؟ ده الراجل طالعة من بقه الكلمة كاملة وانت برضه بتقول لي مش باينة
يعني كنت عايز تشمت فيه اكتر من كده ايه؟ كنت عايزه يسب الدين قبلها؟
هههههههههههههههههه

مهندس

هههههههههههههههه
اه باينة قوي
لحق نفسه بعد ايه بقى



احمد سعيد

ح يمشوه؟ لاااااا
امال مين اللي ح يضحكنا؟

ده مافيش حد مخفف علينا المذابح ومنظر العيال اللي عميت واتقطعت رجليها غيره

Rania Lelah said...

هقول ايه
انا فضلت اضحك ربع ساعه بعد الغم الى الواحد بيشوفه
عينى عليكى يا مصر هتلاقيها منين و لا منين

تخيلت الستات الكبيرة و هى قاعدة بتتفرج و بتقول
ينيلك يا ابو الغيط
:)
و الراجل ده اكيد هيتشال

Anonymous said...

ربنا يخليلك ابوكى يانوارة ياختى انما اللخلانى اقولك معارف بابا ان المفقود دة بيلعب على جميع الحبال وعامل نفسة نصير الفقراء ابن المفجوعةوكمان انا قلت نفس الكلام دة فى تعليق على البديل وتصورى من تانى يوم لخطاب السيد حسن لسة منزلش وعلشان كدة باشكر احمد سعيد جدا لانة وضح الموضوع ببساطة بس ياريت شعب الزومبى )مصر )سابقا يصحى ويفهم بقى اناطهقت واتخنفت -----------دودو

Anonymous said...

ربنا يخليلك ابوكى يانوارة ياختى انما اللخلانى اقولك معارف بابا ان المفقود دة بيلعب على جميع الحبال وعامل نفسة نصير الفقراء ابن المفجوعةوكمان انا قلت نفس الكلام دة فى تعليق على البديل وتصورى من تانى يوم لخطاب السيد حسن لسة منزلش وعلشان كدة باشكر احمد سعيد جدا لانة وضح الموضوع ببساطة بس ياريت شعب الزومبى )مصر )سابقا يصحى ويفهم بقى اناطهقت واتخنفت -----------دودو

حـنــّا السكران said...

اصابة 3 رجال أمن مصريين في قصف اسرائيلي ..طبعا الوطنية و البكاء الوطني ما رح ينسمع هنا ..لأنه رح يغلب عليه صوت الحكمة و العقل .

........

إطلاق نار من الاراضي السورية على الجولان ..لسه ما في معلومات

........

انا انتبهت فورا لكلمة ابو الغيط و ما كنت سامع عنها من احد ..كانت واضحة جدا

Anonymous said...

نوارة لسة من شوية إسرائيل منفذة غارات علي حدود مصر و أصابت 3 جنود مصريين
واحد منهم إصابته بسيطة و الإتنين التانيين نقلوا للمستشفي

إنشري يا ريت الخبر ده

علشان الجماعة البغبغانات بتوع حماس الإرهابية قاتلة الجنود المصريين
و الشهيد البطل المبجل ضحية أسلحة حماس
و الكلام بتاع روز اليوسف ده


عاوزين نعرف بقي ردة فعلهم لما يشوفوا الخبر ده

Anonymous said...

علىفكرة انتوكلكم ناس طيبين قوى عمالين تقولو هيتشال هيتشال كان غيرة اشطر هو عوكل وراة حاجة غير انة يغيظنا ويكيدنادة حلف يمين تلاتة ليموتنا مشلولين ولانسيتو استقالة فاروق بية ايام حريقة بنى سويف لما عوكل قلة فداك ياراجل المسرح واللى كانو فية واللة مانت ماشىلو كان صاحبنا اولانى مشى ولاغيرة ولاغيرة ولاغيرة يبقى المنيل دة يشى ---دودو

Unknown said...

ايوة عارفة
بقالي شوية عارفة وعارفة حاجات اكتر كمان
مش عارفة اتكلم وللا لا

maha zein said...

ابو الغيط ده فعلا جاي من الغيط علينا عدل
بجد انسان شكله خريج كلية خدمة اجتماعية ولا اداب علم نفس ومسكوة الوزارة
حسبي الله ونعم الوكيل فيه
وقال احنا مش بندخل سلاح احنا عوزين ندخل اكل ومم وشوية مية
عوزينهم يستكينوا ويبقوا شحاتين
غير كده لا
وان اللى عاوزنا نبعت سلاح هو نصر الله وده مش هيحصل

مش فهمة يعني
يعني امريكا وهي محملة مراكب بالسلاح كده يعني هي يتقال عليها ايه
يا عالم يا اوباش
يا حكومة حكمانا بالعافية
اسمعوا الشعب وشوفوا احنا عوزين ايه
انا بجد هيجيلي جلطة
والله العظيم انا عندي نعيش في جو الحروب والمت والدمار ونرجع لايام النكسة احسن من الموت بالبطىء اللى احنا فيه ده
والله اوحش احساس احساس العجز

Anonymous said...

لية مش عايزة تقولى على الاقل نعرف منك لانى متاكدة لو الخبر صح محدش هيجيب سيرتة من جماعة شلة التعريص المتحدة اللى احمد سعيد فنطهم يبقى ينوبك فينا ثواب ---------دودو

Anonymous said...

اتكلمى ياختى
فضفضى وطرى على مراوحك

احمد سعيد

Rania Lelah said...

تعرفى ايه يا نواره
قولى الله يكرمك

maha zein said...

انا مش سامعة صوت للفيديو خالص ده نتيجة لايه طيب
يكونش منعوا الصوت عن مدونتك
ومش بعيد يعموها كمان شوية ويفقعولها عيونها
حسبي الله ونعم الوكيل

Anonymous said...

احمد سعيد

اخر الاخبار



اسرائيل تخترق المجال الجوى المصرى


اصابة 3 جنود مصريين فى قصف اصرائيلى
طبعا ولاحد هيفتح بقة


اطلاق نار على جنود اسرائيليين على هضبة الجولان من جهة سوريا


رئيس وزراء قطر بيتكلم دلوقتى عالجزيرة ومدلع النظام المصرى عالاخر وبيتكلم بمنتهى الجنتلة والاحترام


سكان مدينة اسديروت يتقدمون بطلب للسفير الكندى لمنحهم تاشيرات كندية حيث لم يعد باستطاعتهم العيش فى المدينة تحت قصف حماس

Ahmed Al-Sabbagh said...

اجمد تدوينة فى الدنيا