Tuesday 6 January 2009

عاجل: ضابط امن مصري يطلق النار على نفسه حتى لا يقمع التظاهرات

ضابط امن اول فى مديرية امن الزقازيق اتصل بة مدير الامن ليطلب منة التنسيق مع زملائة والنزول للشارع فى مظاهرات فلسطين لاعتقال بعض الشباب فرفض اعتبر والده العميد ذلك تقاعس عن اداء الخدمة وبدأ فى اعطاءه محاضرة طويلة عن الواجب والمشكلات التى ستواجهه فى حالة عدم اطاعتة الاوامر فأمسك الضابط مسدسة واطلق النار على نفسة رفضا ان ينزل الى الشارع لأعتقال الناس، مديرية امن الزقازيق مقلوبة تقريبا بسبب هذة المشكلة ولا يتم تسريب اى اخبار عنها اعتقد انة فعل ما نشعر جميعا اننا بصمتنا على وشك فعلة ربنا يرحمة ويسامحة وينهى الازمة دى على خير
-------
انا مش شايفة الحروف وانا باكتب، حد يشوف لنا الحكاية دي؟ يعني ايه لا يتم تسريب الخبر
الله يرحمه، يارب يرحمه يارب

57 comments:

مواطن مصري said...

تفتكري انتفاضة الامن المركزي هتيجي من تاني

Anonymous said...

يا نهااااار!!

الله يرحمه!..

TAFATEFO said...

شوفي الجزيره

7 said...

الله يرحمه !!
صحيح هو انتحر
بس رحمة ربنا تسبق غضبه
تفكير غريب شوية
كان ممكن يأمن الناس ,, اي حاجة
بس الله يرحمه
الله يرحمه
الله اعظم

مهندس مصري بيحب مصر said...

هو انتحر و لا اصيب بس ؟

خدي أخبار النهاردة و إمبارح

http://www.almokhtsar.com/

عاجـل: الهجوم على غزة: (سيهزم الجمع ويولون الدبر)

أبو عبيدة: خسائر الاحتلال 21 قتيلا و79 جريحًا
القسام تعلن قتلها لقئد لواء المشاة الخاص المعروف باسم "جولاني"
الليلة الماضية: الطائرات الصهيونية تدمر 20 منزلا وتقتل 30 فلسطينيا وتجرح العشرات
مراسل الجزيرة: الجيش الإسرائيلي يقصف السوق المركزي في البريج ويستهدف 25 منزلا
مراسل الجزيرة: المقاومة الفلسطينية تتصدى لمحاولة إنزال بحري إسرائيلي في سواحل غزة
الإذاعة الإسرائيلية: 6 صواريخ سقطت على عسقلان وبئر السبع وقرب مدينة صرفند
سرايا القدس تزف اثنين من وحدة الاستشهاديين بعد نصب كمين على بحر دير البلح
الاحتلال يقر بمقتل 3 من جنوده وإصابة 24 بينهم قائد لواء "غولاني" الليلة الماضية
دير البلح تفيق على مجزرة.. 10 شهداء ومثلهم إصابات في قصف لزوارق العدو الحربية
كمين محكم للمقاومة الفلسطينية يُسقط 33 قتيلاً وجريحًا من جنود الاحتلال
أسامه حمدان: مقتل 10 صهاينة وإصابة 30 في معركة الليلة وإسرائيل تعترف بمقتل اثنين فقط
تلفزيون الأقصى: كتائب القسام تسقط طائرة بدون طيار في مدينة رفح جنوب قطاع غزة
القناة العاشرة الصهيونية: آلاف من سكان عسقلان نزحوا عن المدينة
سقوط 46 شهيدا في الهجمات الصهيونية الاثنين بينهم 17 طفلا و7 نساء
المقاومة تحرر تلة الريس و42 صاروخا على البلدات الإسرائيلية
معارك عنيفة تجري داخل مدينة غزة بين الجيش الصهيوني والمقاومة الفلسطينية للمرة الأولى منذ بدء الهجوم العسكري الصهيوني



فلسطين

قصف عنيف لقلب وأطراف غزة والمقاومة تدمر 5 آليات إسرائيلية
المضادات الأرضية للقسام تصيب مروحية صهيونية في سماء جباليا وتتبنى إصابة 7 مظليين صهاينة
سرايا القدس تعلن مقتل 14 جنديًا صهيونيًا في معارك غزة
القسام تعلن تدمير ناقلة جند إسرائيلية شرق غزة وناطق صهيوني يعترف بانفجار دبابة ناتج عن عبوة "زلزال" في حي الزيتون
صحيفة بلغارية تؤكد سقوط مقاتلة إسرائيلية قرب رفح
المقاومة أطلقت أكثر من 500 صاروخ على البلدات الإسرائيلية منذ بدء العدوان.. صافرات إنذار ومخابئ وطرق بديلة بالمستوطنات
الجيش الصهيوني يقتل 70 من أفراد عائلة واحدة بعد جمعهم في بيت واحد وقصفهم جميعا
ارتفاع حصيلة شهداء المجزرة الصهيونية إلى 550 شهيدًا و2550 جريحًا
بيريز: قواتنا لم تقتل أي طفل فلسطيني ونريد أجيال عربية لا تسير على نهج حماس!!
إسرائيل تمطر قطاع غزة بفوسفور أبيض محرم دوليا
شهود: جيش الاحتلال يتعمد استهداف الأطفال والمدنيين
"الجنون" الصهيوني يهدد أكبر مستشفيات غزة.. بعد فشل القوات البرية في الوصول إلى أي هدف عسكري تابع للمقاومة
بعد تدمير 14 جامعاً.. المجازر الإسرائيلية ضد المساجد في غزة تدفع الفلسطينيين إلى جمع الصلوات ووسائل الإعلام الإسرائيلية تستهجن صمت العرب والمسلمين!!!
يوم الإثنين فقط.. إسرائيل تقصف 130 هدفًا بغزة وترفع شعار "اضربوا بكل قوة"
غالبية سكان غزة بدون مياه والمستشفيات تعجز عن الوصول للجرحى
نقص في أكفان الموتى في غزة
صحف إسرائيلية تدعو لـ"تحرير الجنوب" و"عدم رحمة" الفلسطينيين
سرايا القدس: سلاح الاستشهاديين ينتظر جيش العدوان
المقاومة: الاحتلال يخفي خسائره بغزة خشية الضغط الداخلي
"ليبراسيون": "إسرائيل" تمنع الصحفيين من دخول ساحة المعركة
إسرائيل تستنجد بالغرب والقسام تتعهد بأسر رفاق شاليط
خبراء عسكريون يوصون المقاومة بجر الاحتلال إلى "حرب عصابات"
جنود من وحدة النخبة "جفعاتي" يكذبون على أمهاتهم: أنا لست في غزة!
الشاباك: حماس أقامت نموذج المحمية الطبيعية وخنادق أرضية
جارديان: "إسرائيل" ستخرج من غزة خالية الوفاض سياسيًا وعسكريًا
معاريف: حماس تدير حربًا نفسية ضد "إسرائيل" بالتوازي مع الحرب العسكرية
28 مليون دولار يوميًا كلفة العدوان الصهيوني المتواصل على غزة
صحف بريطانية: على إسرائيل أن تكف عن لعب دور الضحية
رئيس إسرائيلي سابق: تل أبيب لم تحقق أي انتصار على مدى حروبها
تقرير أمريكي: أولمرت يسعى للقضاء على حماس لإعادة غزة لعباس
الزهار: صواريخ المقاومة هدمت نظرية الأمن الوهمي "الإسرائيلي"
خبير: إسرائيل طورت هجومها البري لفشلها في تحقيق أهدافها
وزارة الداخلية في غزة تغلق مكتب "العربية" لمعاداتها للمقاومة
"هآرتس": واشنطن والقاهرة تمنحان إسرائيل الوقت لـ"تدمير حماس"
تقرير: قادة الحرب البرية يحلمون بالترقي عبر الأشلاء
تقرير: رفح.. "شوكة" في حلق التسوية المرتقبة
اقتراح فرنسي بهدنة طويلة وفتح حوار مع "العناصر المعتدلة" بحماس
وزارة الداخلية في غزة تضبط عدداً من "العملاء"
نيويورك تايمز: إسرائيل في مأزق حقيقي بغزة رغم جبروت آلتها العسكرية
مصر ترفض السماح لسيف الإسلام القذافي بالتوجه إلى غزة
حماس في القاهرة لبحث مقترح مصري جديد حول غزة
نيويورك تايمز: الهدف الحقيقي محو حماس مهما كان الثمن
أردوغان يحمل اسرائيل مسئولية التصعيد
أردوغان: "دم أطفال غزة لن يذهب هدرًا"
تقرير.. غزة: وكل الاحتمالات لا زالت قائمة
آفي دختر.. وقسم الولادة!! / طارق حميدة
أين هي المقاومة الآن.. وأين هم الحكام الصغار؟ / خالد حسن
لماذا.. مذبحة غزة؟ / سعيد حارب
إسرائيل.. هزيمة تلُوحُ في الأفق / كارولين جليك
مختصر الكلام في مجزرة غزة (الحلقة الرابعة)/ إبراهيم التركي

Anonymous said...

إيه ياجماعة...صحوا النوم؟؟؟ الموضوع بقاله أيام..ولد صغير نقيب جديد دفعة 2005..رحمة الله عليه أولا، بس مش عايز أحبطكم الموضوع مش رفض القمع والدراما دى...النوعية اللى بتتكلموا عليها إنقرضت من الكى جى بى المصرى..مش هاتكلم زيادة..عسى الله أن يرحمه..مش عاجل خالص!!
د. محمد

Rania Lelah said...

ايه الى بيحصلنا ده
مش عارفين نعمل حاجة ابدا
خلاص
ضغط عصبى و نفسى على الشعب بالصورة دى
عايزينا نبقى ايه ارجوزات
مش بنعرف نعملها
و الله لو بنعرف نعملها مكنش ده بقى حالنا
ربنا يرحمه يا رب و يرحمنا
و يزيل عنا و عنهم
اميييييييييييييييييييييييييييين يا رب

Unknown said...

يانوارة
........

الخبر اتنشر من كام يوم على موقع مصراوى بس كاتبين ظابط شرطة انتحر لأنه لايتحمل الحياة فى الزقازيق

اللنك أهو

http://www.masrawy.com/News/Cases/General/2009/January/1/police.aspx

Unknown said...

هم في الخبر مقالوش ايه السبب في الحاله النفسيه السيئه دي

يعني ممكن تكون الاوامر فعلا

الله اعلم الحقيقه فين

بس ربنا يرحمه علي كل حال ويغفرله

Unknown said...

هي كلاكيت في الزقازيق
وهي اللي تقدر تقول لنا تفاصيل الخبر

7 said...

انتحر لأنه لايتحمل الحياة فى الزقازيق

؟؟؟

الله يرحمه برضه :))

ممكن يكون برضه ده تلفيق من الداخليةعشان يغطوا الحكاية بس استبعد كدة عشان الداخليه بتحب المجانين اوي و كانت هتقول ان سبب الانتحار انه اختل عقليا :))

...

مواطن مصري said...

بيقولو ان فية حرب شوارع الان صح الكلام دة ؟ هي لية حماس مش بتصور حروب الشوارع عشان تؤكد الاخبار

TAFATEFO said...

على الجزيره كان في فقره كوميديه بطلها أفيخاي أدرعي المتحدث باسم جيش الدفاع الإسرائيلي

الأول جابوا جون جنج مدير عمليات الغوث الأونروا .. إسرائيل امبارح قصفت مدرستين تابعتين للأونروا كان بيحتمي فيهم 400 مدني وقتل منهم 3 .. المهم حكى اللي حصل .. جابوا الرجل الإسرائيلي قعد ميجاوبش ويهرب من السؤال بشكل مضحك

http://www.youtube.com/watch?v=Xrp5MAD_wVQ&feature=channel_page

وبعدين سألوه عن عدد القتلى الإسرائيليين منذ بدء العمليات وقال بصراحه وابتدى يكذب كذب يضحك كذب من النوع المفضوح ده وقال هما 6 وكلام عبيط كده .. قام مذيع الجزيره قاله مش غريب ان كل من يسقط يكون جريحاً وإذا أعلنتم أنه قتل يكون بالخطأ .. قام ضحك وقعد يهرتل وكمل كذب

http://www.youtube.com/watch?v=pKgmpQmu5b8&feature=channel_page

Unknown said...

لا معلش يا جماعة بس ثانية واحدة عشان ربنا مدينا مخ مش مهلابية

صحيح كل اللي بيحصل حوالينا مالوش اي علاقة بالمخ

بس مش للدرجة
اولا الزقازيق دي مش مجاهل افريقيا عشان واحد ينتحر لانه عايش فيها

ثانيا
عايز يتنقل؟ ابوه عميد ويقدر ينقله بجرة قلم

او على الاقل يجيب له اجازات كتير لحد ما يشوف له طريقة يتنقل بيها

رابعا:
يقدر ينزل القاهرة ويفك عن نفسه خميس وجمعة

خامسا:
مدام فيه مية وكهربا ومافيش تعابين يبقى الظابط بيعيش في اي حتة

معلش واسعة دي قوي

يعني ممكن يقولوا مضطرب نفسيا
ممكن يقولوا مختل عقليا
بيمر بازمة عاطفية
جوز خالته شخط فيه قدام الناس

انما يعني ما يكلفوش نفسهم ويخترعوا كدبة تاكل مع الناس؟

امال اللي عايش في الواحات وللا في الصعيد الجواني يعمل ايه؟

معلش مش داخلة دماغي خالص

علا من غزة said...

الله يرحمه برحمته الواسعة!!

استاذة نوراة بردو في اطار الحملة الاعلامية .. من شوية لقيت تطبيق على الفيسبوك بيعد تلقائيا عدد الشهداء وصل لكام وبيحدّث الستيتس بار

رابط التطبيق اهو

تحياتي

مواطن مصري said...

http://www.masrawy.com/News/MidEast/General/2009/january/6/hezbullah.aspx


طيب حزب الله مش هيرد على اسرائيل و ازاي عاوز مصر هي الي ترد و بيجر مصر لحرب ؟؟؟


مش دة تناقض

بردو

Anonymous said...

اى حد يا جماعة يعرف يجيب لنا النبأ اليقين فى موضوع الظابط دة
مع العلم ان الزقازيق بلد جميلةواول مرة بسمع ان فية حد تعبان فيها بل العكس كل الظباط بيحاولو يتنقلو هناك

اية الحكاية دى

احمد سعيد..

Anonymous said...

يا دكتور محمد كلامك مش راكب على بعضة
ازاى نقيب وبعدين تيجى تقول دفعة الفين وخمسة
دفعة2005 يعنى ملازم اول لسة


احمد سعيد

Unknown said...

ولا انا داخله دماغي انه ماسنحملش يعيش هناك

وبعدين اللي انا قريته ان السبب حاله نفسيه سيئه ومحدش قال ايه سببها

Anonymous said...

http://gazatoday.blogspot.com/

مدونة شاب من اهل غزة

7 said...

يعني من امتى كانت تلفيقات الداخليه بتدخل العقل

ده هيه كدة غيرت ,, كانت كله مجانين مجانين

اخرها حكاية بنت ليلى غفران و القصة السخيفة جدا جدا بتاعتهم

TAFATEFO said...

شهداء مدرسة الأونروا 40

ربنا ينتقم منهم

TAFATEFO said...

40 شهيد في قصف المدرسة التابعة للأونروا وما زال العشرات تحت الأنقاض

المدرسه كان فيها 400 واحد ممن هدمت منازلهم لجأوا للإحتماء بها

TAFATEFO said...

اعلاميون و صحفيون و محللون صهاينة : " هل ننتظر أن تخبرنا كاميرات مقاتلي حماس عن حرق جنودنا في داخل دباباتهم "

أوتاد : ترجمة خاصة ـ معاريف : " التعتيم الرهيب الذي تفرضه رقابة الجيش على الحقائق القادمة من غزة ، سيرتد فجأة إلى نحورنا ، يجب أن تحصن الجبهة الداخلية ضد الصدمات ، لا أن تهيئ لنا الحكومة الصدمات بشكل منسق و غير محسوب .. هل ننتظر أن تخبرنا كاميرات مقاتلي حماس عن حرق جنودنا في داخل دباباتهم ، أم ننتظر أن تبث لنا فضائية حماس رسائل جنودنا و هم يتوسلون ..يما ... يما ... على الحكومة أن تسمع و تعلم .. أننا لا نريد غير الحقيقة " ...

بهذه الكلمات بدأ الصحفي و الخبير في الشؤون العسكرية آفي فاكسمان و هو يعلي نبرته أثناء تسجيل هذا اللقاء و هو يقول : الجيش يجب ان يستخلص العبر كي ينتصر و هذا ما يريده كل اشرائيلي ، لكن ليست العبر بأن يتقنوا فن خداع الجمهور ، و يقولوا أننا نحقق أهداف خطتنا كما رسمنا لها ، و الواقع يرد عليهم بأن لا شيء يتم تحقيقه ، المجادلة تتم بين الجيش و ساسته و بين الميدان و الغائب الوحيد عن المشهد هو جمهود الجبهة الداخلية ، الذي سر كثير لما سمعه عن المفاجأة الأولى و القاصمة و القوية ، لكن سروره سرعان ما بدأ يتبدد بعد أن دخلنا مرحلة لم نكن نتصورها ، و أنا أؤكد أن لا باراك المغرور و لا ليفني الجاهلة و لا ألمرت المهزوم كان أحد منهم يعلم أن حماس ستشل نصف الدولة و تجعلنا لا نفكر إلا بمكان النوم داخل الملجأ .. قالو لنا ضربة صاعقة و مفاجئة ، فاكتشفنا انهم استهدفوا شرطة مدنية يذهبو الى دوامهم الساعة الثامنة صباحا ، و هم غير مؤهلين لقتالينا أو ضرب الصواريخ على مدننا و قرانا ..

لكن أريد أن أسأل الثلاثي الغبي و المخادع الذي يقف على راس حكومتنا : ( أين ضيف الله .. أي الجعبري .. اي من ياسر جلعاد .. اين من يحفر الانفاق ، اين مخازن الصواريخ ، اين منصاتها ..اين اين .. كل شيء كنا نفكر به قبل هذه الحرب الغبية ، أصبحنا نفكر باضعافه و لا حل له في الأفق ... ) ..

و في نهاية حديثه اضاف فاكسمان : نحن لن نسكت على هذا الخداع الخطير ، و بدأنا بعمل جدي في جمع شمل كل من يحمل رؤيانا من أجل تشكيل موقف قوي في وجه الرقيب العسكري المخادع ...

Anonymous said...

يا جماعه الناس اللى يعرفوة بيقولو انة كان ذوق ومحترم جدا وانة كان فية مشاكل كتير مابينة وبين القادة بتوعة
عايزيين تفاصيل كمان

والموضوع دة كان من كذا يوم على فكرة


احمد سعيد

انسانةعادية فى عالم مش عادى said...

حسبنا الله ونعمة الوكيل ربنا يغفرله ويرحمه

Anonymous said...

كل ما اجي افتح كليب عن الأحداث (على يوتيوب) ألاقيهم شالوه.. طب وبعدين.. ما نعمل يوتيوب حر ننشر عليه اللي مفروض يتنشر..!
مين يقدر يساعد.. مين عنده اقتراحات أو أفكار؟

Anonymous said...

خدى عندك يا سيتى و من مصادرهم
http://www.alhurra.com/NewsArticleDetails.aspx?ID=2021325

TAFATEFO said...

مين يجيب نصر الله يقول أي حاجه تاني دلوقتي بعد الوفت اللي بيحصل ده

يقول أي حاجه .. بس نشوف أي حد عارفينه نضيف بيقول أي حاجه

أحمد غانم said...

خبر عاجل
مبارك يعلن الحرب

TAFATEFO said...

شوفي كلام الخايب ده الملك عبدالله عن المؤامره اللي لسه مكتشفها بعبقريته النادره

http://www.youtube.com/watch?v=5BiRBs8n1lk&feature=channel_page

Anonymous said...

Ana leya wa7ed sa7by Wekeel nyaba fe el zagaazig, 2ally en dah kan youm ras el sana, we en el wad dah met'7ane2 m3a ahloh we 7ayatoh bayza, osh 3ashan Gazza. allaho a3lam bas de el ma3loomat elly 3andy, bas beythaya2ly zobbat amn el dawla este7ala yefakaro bel eltaree2a de. dol metrabyeen 3ala el '3aly

TAFATEFO said...
This comment has been removed by the author.
TAFATEFO said...

وأطلب من حضرتك طلب .. أرجو ان حضرتك تحطي الفيديو ده قدام الناس .. أصلها الحاجه الوحيده اللي تحترم طلعت من عربي غير السيد نصر الله

وأصله كلام يوجع .. يمكن تصعب علينا نفسنا

http://www.youtube.com/watch?v=5BiRBs8n1lk&feature=channel_page

Anonymous said...

Ana leya wa7ed sa7by Wekeel nyaba fe el zagaazig, 2ally en dah kan youm ras el sana, we en el wad dah met'7ane2 m3a ahloh we 7ayatoh bayza, mosh 3ashan Gazza. allaho a3lam bas de el ma3loomat elly 3andy, bas beythaya2ly zobbat amn el dawla este7ala yefakaro bel eltaree2a de. dol metrabyeen 3ala el '3aly

Anonymous said...

ربنا يرحمه ويغرله ذنبه
أعتقد أن أحنا من اللى بنشوفه بنفكر ننتحر مابالكم لو مطلوب مننا ننزل نضرب الناس فى الشوارع ونسحلهم ونعريهم ونبهدلهم علشان بيقولوا أاااه
يبدو ان حماس كلامها جد المره دى
أصابة قائد لواء النخبه (جولانى) ومقتل نائبه
ياريت حماس تصورلنا العمليات على الأرض زى مالوسخ الخنزير اللى أسمه افيخاى المتحدث بتاع جيش الخنازير جايب صور لمقاتلين من المقاومه بيضربوا صواريخ وسط مدنيين وبيقول أهو ياعالم أتفرجوا
الجزيره حرقت دمى .

TAFATEFO said...

تصحيح معلش كلام عمرو موسى اللي قاله في ثاني أيام العدوان

http://www.youtube.com/watch?v=B8_XD6owbR0&feature=channel_page

مواطن مصري said...

مصراوي - خاص - يعيش المطرب الشعبي سعد الصغير حالة اكتئاب شديدة من جراء الاعتداء الاسرائيلي الوحشي على قطاع غزة.

واكد أنه بدأ حملة تبرعات من أجل المساهمة في دعم و إغاثة الشعب الفلسطيني المقاوم.

ونفى سعد في الوقت نفسه قيامه بتجهيز أغنية وطنية عن غزة مؤكدا أن الوقت الآن ليس وقت غناء بل وقت أفعال ولابد وان يساهم الفنان في قضايا وطنه والدفاع عن إخوانه بما يمكنه من أجل انتهاء هذا الكابوس الاليم.

سعد قرر تأجيل ارتباطاته الفنية مؤقتا رغم أنها كانت مليئة بالاعمال سواء بتصوير فيلمه الجديد "ابقي قابلني" أو تصوير أغنيتي "كله من خيرك" و "الليلة حلوة".

وتمنى انيكون عام 2009 عام سلام وحب وخير للأمة العربية والاسلامية كي ننسى أحزان العام الماضي الأليم.

وطالب الجميع بالدعاء للفلسطينين ومساعدتهم في محنتهم وخاصة بجمع التبرعات لدعم القضية الفلسطينية وإنهاء الحرب في غزة وقيام الدولة الفلسطينية.

http://www.masrawy.com/News/Arts/Stars/2009/january/6/saad.aspx
------------
فعلا هم يضحك و هم يبكي

كلاكيت تانى وتانى said...

هوة يعنى عشان من كام يوم وعشان نقيب صغير يبقى منتحرش لأ انا على صلة بأهلة وأعرف القصة كلها والده فالجامع واثناء دفنة كان بيتكلم وحالتة صعبة جدا وموضوع الزقازيق مدينة ميطيقش الحياة فيها دة شئ غريب وتلفيقة واضحة
اما ان مديرية الأمن مقلوبة لأ مقلوبة ومن 4 ايام تقريبا بسبب القصة دى بس التفاصيل ملهاش لازمة تنشر لأنى هلاقى 100 صوت بيقول بتعرفى منين كمان فية تعليمات امنية شديدة بأنتشار كل ضباط المباحث بطول الزقازيق وعرضها طول الليل ومتابعة المظاهرات وأى نفس ممكن حد يطلعة واعتقد دة حال معظم المحافظات لغاية ما تحولت الزقازيق لثكنة عسكرية نايمة على جمرة نار برغم صغر مساحتها والضباط تقريبا عايشين فالشارع كأن اللى احنا عندنا حرب
وانا ذكرت الموضوع بس لما شفت المتحدث بأسم الجانب الاسرائيلى بيقول انة مبيقتلش الأطفال ولا بيدخل المساجد ولا بيدمر المدارس دة بيهاجم اماكن السلاح نفس المنطق المغلوط وتحوير الحقيقة المزرى اللى بقى يبكى ويحزن فى أن واحد
رحمة الله ورحم شهداء غزة وهدى القائمين على حماية بلادنا من منطق مغلوط لن يؤدى للأكتئاب بس لكن هيؤدى للأنتحاروفيما بعد القتل
حسبنا الله ونعم الوكيل

كلاكيت تانى وتانى said...

هوة تعليق تافتيفو دة اللى دفعنى اكتب فعلا عن قصة الضابط
نفس المنطق
رفض الحياة فى بلد عاش فيها 27 س
تتصورواههههه
قتل نفسة بعد مكالمة من مدير أمن الزقازيق؟؟؟؟
تحقيقات واسعة فى قتل الضابط؟؟؟
حملات واسعة على مدن مدينة الزقازيق لقمع الأخوان المسلمين والمتظاهرين ؟؟؟؟
الكمائن على كل الطرق المؤدية للعاشر وفاقوس وههيا
استنفار عام للضباط فالمحافظة والبيات فالشارع لتخويف المواطنين
لو كل دة مش دافع للأنتحاروالشعور من شخص عاقل أدمى اية ممكن يكون
الصمت احيانا بيبقى ابلغ من الكلام يا غير معنون احمدسعيد

Anonymous said...

قنص كتائب القسام لجندي صهيوني على دبابته في معركة الفرقان
http://www.ikhwantube.org/video/2406...82%D8%A7%D9%86

Anonymous said...

قنص كتائب القسام لجندي صهيوني على دبابته في معركة الفرقان
http://www.ikhwantube.org/video/2406...82%D8%A7%D9%86

3asheg.nawara said...

أديهم كدبو الخبر
http://www.youm7.com/News.asp?NewsID=61682

Anonymous said...

يقول أحد المعلقين الإسرائيليين (زفاى باريل في هآرتس ٢٩/١٢) إن من يتابع الإعلام المصري يخيل إليه أن المعركة بين مصر وحماس، وليست بين إسرائيل وحماس. سقول التارخ ان فى مثل هذا اليوم حدثت مجزرة غزة حيث اعتدت الصهاينه على غزة و قتلوا الاطفال و النساء و الشيوخ و هدموا البيوت و المساجد على المصليين فى رد فعل واهن من العرب جميعا و على راسهم... بل ان...قامت بتغطية الاعتداء و زادت من الحصار على غزة هذا ما سيذكره التاريخ فى حقك يا...و لكن سأقول لكم اننا ابرياء لما يحدث الان ولكن ابنائكم و ااحفادكم سيقرأون الموقف المخزى لكم يا حكام العرب و حسبى الله و نعم الوكيل اللهم انصر المجاهدين فى سبيل الحق و اخيرا هذا الخبر هآرتس: ..... أكد لوفد أوروبي ضرورة هزيمة حماس ذكرت صحيفة هآرتس الإسرائيلية اليوم الثلاثاء أن الرئيس ..... أبلغ الوفد الوزاري الأوروبي الذي زار ... أمس الاثنين أنه ينبغي عدم السماح لحركة المقاومة الفلسطينية (حماس) بكسب المعركة التي تخوضها في غزة ضد قوات الاحتلال الإسرائيلي.

Anonymous said...

يقول أحد المعلقين الإسرائيليين (زفاى باريل في هآرتس ٢٩/١٢) إن من يتابع الإعلام المصري يخيل إليه أن المعركة بين مصر وحماس، وليست بين إسرائيل وحماس. .

3asheg.nawara said...

الدزيرة عتزيع صور كمين فلسطيني للصهاينة يا ريت الستاذ تفاتيفو يسدل هالنه

Anonymous said...

يا شباب بارك الله فيكم مع الإحترام الشديد جدا لتصرف هذا الضابط لا يصح أن أن نطلب له الرحمة
ربنا سبحانه و تعالى أرحم به منا و لكن من انتحر فهو كافر يرحمكم الله

مواطن مصري said...

يا طفطف بية هات خطبة اردوغان النهاردة خطبة جامدة دي تركيا العلماني هي دي العلمانية على اصولها

Anonymous said...

بالنسبة لموضوع القافلة

هل مازال سائراً

وبالنسبة لي أنا من المنصورة نسبة وصولي للنقابة كام في المية

للعلم أنا مش معايا بطاقة ممكن تكون نسبة وصولي أكبر



معلهش

بس يا ريت الرد يكون بسرعة أقبل يوم الجمعة طبعاُ


شكراً

Unknown said...

اسفة يا شباب على تأخير تعليقاتكوا
لسة راجعة حالا

Anonymous said...

آه توضيح بسيط

تم منع كثير من الذاهبين إلى القاهرة من المنصورة

واعتقال العض

Anonymous said...

الاخت كلاكيت
على فكرة انا ماكنتش بانكر الكلام اللى انتى بتقولية
كل الموضوع انى طلبت تفاصيل من الناس اللى فى الزقازيق
لانى زيك بالظبط مش مقتنع بالكلام اللى الداخلية بتقولة
وعلى فكرة انا ظابط برضة واعرف ظباط من الزقازيق
بس بصراحة انا مستغرب من الموضوع
لو الظابط دة انتحر فعلا علشان حال البلد بصرف النظر عن ان الموضوع محزن وان تصرفة غلط
الا ان المسالة كدة تبقى نقلة جامدة فى البلد
لان الظباط عموما وظباط الشرطة خصوصا منقسمين لنوعين
نوع وصولى وانتهازى كل همة يرضى القادة ويتشهر علشان ينتدب فى امن الدولة او يروح اى مكان مهم
ودة مش هيحصل الا على اكتاف الناس بانة يفترى ويلفق قضايا ويتنطط ويتمحلس لرؤسائة ويعمل شغل جامد فى المواضيع المتعلقة بالامن السياسي
ودول اساسا معندهومش ضمير علشان يانبهم اوينتحرو بعد كدة او حتى يزعلو على حال البلد
دول فضلو يكدبو على نفسهم لحد مايصدقو ومقتنعين ان اللى بيعارض وبيتظاهر دة بنى ادم قليل الادب اهلة ماعرفوش يربوة ولو اتساب هيبوظ البلد وان الشعب دة جاهل ومعندوش بعد نظر ومتخلف ومش مستوعب الدماغ الكبيرة اوى للباشا حكيم زمانة
حتى بيقولولك صاحب البيت ادرى بتربية عيالةهههههه
دول عمرهم ماينتحرو

النوع التانى محترم جدا بشكل لا يمكن تتخيلية ودة مغلوب على امرة ودايما تلاقية فى الاماكن اللى كل الظباط اصحاب الكوس بيهربو منها مفحوت ياعينى وبيقبض فى سنة اللى زميلة اللى فوق بيقبضة فى شهر
دول بيحاولو يراعو ربنا على قد مايقدرو ويتجنبو الظلم ولكن لو اتزنق بقولك انا عبد الامور وينفز الاوامر لانة عارف كويس اية اللى هيحصلة لو قال لا
الناس العادية بتلاقى مدونين ومراكز حقوق انسان تحفر وراة
انما دة محدش هيسمى علية من النحيتين
دول مسلمين امرهم لله وعاملين زى الموظفين اللى ماشيين جنب الحيط علشان ياكلو عياله بالكام ملطوش
دول برضو مش بينتحرو

فية بقى نوع لابيهمة الترقية ولاالمرتب ولا يعرف ربنا ...عندة مركب نقص فظيع
وعندة استعداد ميقبضش مرتب ولا دياولو
كل همة يلبس الكتافة الزرقا ويمشى يلطش فى خلق الله ان شالله يدفع فلوس للداخلية ودول طبعا عمرهم ماينتحرو

الله يرحمة حاجة من اتنين
يأما مريض نفسيا والموضوع دة منتشر اوى فى الداخلية والجيش على فكرة

ياما اتعرض لضغط شديد من قادتة انة يصب نفسة فى قالب هو كارهة وينفذ اوامر بيكرهها
فعلا الضغط دة ممكن يخلى الظابط ينتحر


اللة يرحمة هو كدة كدة مات
بس اتمنى انة يكون السبب التانى
لانة معناة ان الوسط دة بدأ يفوق

وعلى فكرة فى حوادث تمرد صغيرة بدأت تتكرر كتير فى معسكرات الامن المركزى
من فترة
ولاول مرة بقى فية عساكر بتمتنع عن نزول المظاهرات وتنفيذ الاوامر
لان كدب القادة عليهم معادش قادر يستوعب الواقع
بجد عسكرى الامن المركزى لو قدر يفهم الواقع صح مش زى ماهما مفهمينة الوضع هيتغير

طبعا المواضيع دى بتقمع بمنتهى الشدة والعساكر دى ماحدش بيعرف طريقها
علشان العدوى ماتنتشرش على رأ ظباط الامن المركزى

اتمنى ان موضوع غزة دة يكون دش ساقع يفوق اللى نايم ويلمنا حوالين بعض من تانى

اسف على الاطالة

احمد سعيد

Anonymous said...

وبعدين اية غير معنون دى يا كلاكيت
انا حاسس ان فيةريحة تهزيق

الغير معنون احمد سعيد

Anonymous said...

عذر اقبح من ذنب
فمهما كانت المبررات والظروف لا يحق لاي انسان ان ينتحر ويجب ان يكون المسلم قوي كما اخبر رسولنا الكريم ( المؤمن القوي خير واحب الى الله من المؤمن الضعيف ) وليس المعنى قوة البدن فقط بل والارادة .
فكان الاولى به النزول للشارع ومحاولة حماية المواطنين او يطلق النار بالهواء حتى لا يقع في مشاكل وفي نفس الوقت لا يتسبب بأدية احد . ولكنه نسي او تناسى قول الرسول الكريم
(من قتل نفسه بحديدة فحديدته في يده يتوجأ بها في بطنه في نار جهنم خالدًا مخلدًا فيها أبدًا، ومن شرب سمًا فقتل نفسه، فهو يتحساه في نار جهنم خالدًا مخلدًا فيها أبدًا، ومن تردى من جبل فقتل نفسه، فهو يتردى في نار جهنم خالدًا مخلدًا فيها أبداً) [رواه البخاري ومسلم].
وقوله تعالى قوله تعالى: { ولا تلقوا بأيديكم إلى التهلكة } (البقرة:195)
او قوله تعالى (وَلَا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيمًا * وَمَنْ يَفْعَلْ ذَلِكَ عُدْوَانًا وَظلما فَسَوْفَ نُصْلِيهِ نَارًا وَكَانَ ذَلِكَ عَلَى اللَّهِ يَسِيرًا) [النساء: 29-30].

؟؟؟؟؟؟؟؟؟؟؟؟

http://jdwralbadeah.blogspot.com/

Anonymous said...

والله يا اخ ياسر انا عارف كل اللى بتقولة دة
بس مش انا ولا انت اللى هنحاسبة
كان اولى بيك انك تدعيلة بالمغفرة

الغير معنون احمد سعيد

Anonymous said...

مقال روبرت فسك المنشور في الاندبندنت شوفوا الحالة اللي وصلنالها.
حسبي الله ونعم الوكيل.
http://www.independent.co.uk/opinion/c
المقال مترجم
http://www.aljazeera.net/NR/exeres/0AE0C816-5B8A-41CD-8BA2-E46326C266A9.htm

Unknown said...

يا انونيمس يا بتاع روبرت فيسك

الجزيرة مترجمة جزء بسيط من المقال
انا كنت ترجمت المقال كله هنا

http://www.tahyyes.org/2009/01/blog-post.html