Wednesday 7 January 2009

فيه ايه بقى؟

فيه ايه؟
فيه ايه بقى؟ ماله؟ ماله عصبي كده؟ عمره في حياته ما كان بالعصبية دي غير لما بتوع اربعتاشر اذار قالوا له ح نشيل لك شبكة الاتصالات بتاعتك، وبرضه ما كانش بالعصبية دي على فكرة، دي اكتر مرة كان فيها غضبان
ماحدش يقول لي عشان مذابح غزة لانه واخد على المذابح
ماحدش يقول لي عشان الهجوم اللي عليه لانه واخد على الهجوم
ماحدش يقول عشان الخيانة العادية دي اللي احنا وهو واخدين عليها
يعني مش ح تيجي زي ايام حرب البتاع ده
فيه حاجة غير دول كلهم، عايزة افهم بقى فيه ايه؟ ولو فيه حاجة يعرفها يقولها لنا لان فعلا اساسا الموقف كله عجب عجب عجب
كله عجب
يعني محمود عباس اللي فرض الحصار وحب على رجلين مبارك عشان يقفل الحدود طالع يقول في مجلس الامن: هذا الحصار المش عارفة ايه؟ وبيطالب برفع الحصار!
فيه ايه؟
قطر اللي لسة راجع من منتجع من اسرائيل طالع بيقول ما تساووش ما بين الجاني والضحية
فيه ايه؟
وايه الاسكتش الفكاهي اللي الحكومة المصرية عاملاه ده؟ وايه مونولوجات عوكل وابو الغيط الثنائية دي اللي عاملة زي اسكتش: صغيرين صغيرين طب ما انتوا كنتوا قدنا؟
فيه ايه؟
والاردن والسعودية واوباما مستخبيين تحت الترابيزة ليه؟
فيه ايه؟
وتركيا اللي نازلة دب في الاكراد بتتكلم عن حق الشعب الفلسطيني وهي اساسا عاملة اتفاقية عسكرية مع اسرائيل
فيه ايه؟
وحماس مش بترد على اسئلة خالص مع انهم معروفين ان بقهم مخروم يعني وبيقولوا كل حاجة بزيادة، بس فيما يخص المشروع المصري والعملية السياسية كل ما مذيع الجزيرة يسأل حد من مسئولي حماس يتوهوه ويقولوا مش سماحين مات، اكل اتناشر كيلو بسبوسة وحتة قشطة قد كده، مش البت سنية هربت، ادتها قش ساخ تشتري عشرين بيضة وتلات ارطال لحمة وتدفح اكرة الشقة طمعت في الباقي طفشت
والمذيع قاعد يقول لهم زي فيلم كلام في الحب: رد رد رد رد رد رد رد رد
فيه ايه؟
وبقى الحكومة اللبنانية ما بتنطقش، ووليد جنبلاط اللي اتكلم وفجأة بقى صلاح الدين الايوبي
فيه ايه؟
وسوريا راخرة برضه عمالة تقول مش سماحين مات...وتتوه في الكلام
فيه ايه؟
والعجب العجاب ان كوندوليزا اللي قادت حرب لبنان ما ظهرتش في المولد ده كله غير امبارح وكلمتها كانت ضعيفة خالص
فيه ايه؟
والملك عبد الله بتاع الاردن بيقول فيه مؤامرة على فلسطين! بقى الملك عبد الله ابن حسين ابن زين بيتكلم عن المؤامرات؟
فيه ايه؟
والوحيدة اللي بتتصرف بشكل طبيعي ومتوقع هي اسرائيل، زي ما عملت في لبنان بتعمل في غزة
يبقى فيه ايه بقى؟
وفي كل ده كله، السيد حسن نصر الله بقى متعصب قوي قوي قوي قوي قوي كده ليه؟ عمره ما كان متعصب كده، هو اصلا مش عصبي، وما بيتخانقش، اللي ما اتخانقش مع جنبلاط وجعجع يعني...دلوقت عصبي قوي كده ليه؟ ايه اللي عارفه ومش قادر يقوله؟ ومن امتى بقى هو ما بيقولش؟ ده ما بيخبيش اي حاجة، وكل مرة يطلع في خطاب يقول انا مش ح اقول ييجي في اخر الخطاب وما يمسكش نفسه ويقول، وعشان كده النهاردة كان شكله مكتوم قوي، من امتى حد بيعرف يكتمه ويخليه ما يتكلمش؟ 
فيه ايه؟
 فيه حتة من البازل ناقصة، في جيب مين؟ حد فاهم حاجة؟ انا عندي تخمينات بس ده مش وقت تخمينات خالص

27 comments:

مواطن مصري said...

سعد الحريري قالك كلمتين في صالححزب الله امبارح

TAFATEFO said...

هو قال ان في مؤامره وانه ليس على اظلاع كامل على حجم المؤامره .. بالله عليكي لو فاهمه حاجه تفهميني علشان أنا من امبارح مش فاهم

TAFATEFO said...

@مواطن

ده اللي ناقص .. ناقصين جنان أحلى موابيس وسكتنا .. أحلام عبيطه وسكتنا .. انما دلوقتي لو نايم حد يقرصني بقى

Anonymous said...

ازيك يانوارة فعلا انا عمرى ماشفتة منفعل كدة ابدا بس ارجع واقولك ان كم المغالطات والكدب وخصوصا اللى مش مساوى تخلى اجمد واحد يخرج من هدومة ربنا يقوية ويصبرنا

حـنــّا السكران said...

في اتفاق أمريكي اسرائيلي مع بعض الدول العربية اللي انت عارفاها .. على إنهاء المقاومة في فلسطين بشكل نهائي ..و كل التطويل و التسويف ,هو محاولة لبلوغ الهدف و اللي مش رح يبلغوه و مش رح يكون حظهم فيه أحسن من حظهم في لبنان لما أعطوا للإسرائيليين فرصة و بالاخر بقوا يشحتوا وقف إطلاق نار لحماية ما تبقى من وجوههم و وجه اسرائيل ..كل ده انت عارفاه , بس اللي مش عارفاه انه الأمور بقت عالمكشوف بين الأنظمة العربية في الجلسات المغلقة..و مبارح عمرو ناصيف سرّب جملة ما حدا انتبه لها .. قال انه في دبلوماسي عربي كبير ( وزير خارجية ) قال للسوريين بالحرف : لو تورّطتم في هذه الحرب أو أي حرب مع اسرائيل مش رح نساعدكم حتى بزجاجة ماء .بل سنكون ضدكم تماما .
ـ الموضوع بقى عالمكشوف . و اللي غايظ السيد كمان ..انه في لبنان بتوع السيادة و الإستقلال ما حدا فتح تمّه بكلمة و اسرائيل بتقول انه الجبهة الشمالية ضد لبنان جاهزة , و اللي فتح تمه منهم ..فتحه عشان يطمئن اسرائيل ..و يقول لهم ما تخافوا احنا مش موافقين انه حد يرفع بارودة واحدة بوجههكم . و اللي غايظه كمان و كمان ..انه ظهر و صدر أهل غزة مكشوفين ,,على عكس المقاومة في لبنان بحرب تموز ..اللي كان ضهرها محمي من القوى الوطنية اللبنانية و غالبية الشعب اللبناني و طول الحدود السورية و العمق السوري . و حوالي نص مليون لبناني لاقوا لهم استقبال كريم في سوريا و استقبلوا كالأبطال ( انت متخيلة لو الحدود السورية كانت مغلقة بوجوههم كان يحصل إيه ؟).. ده جزء من اللي غايظه و غايظ كل إنسان عنده بقية عقل و بقية نخوة .
ـ المقاومين في غزة متروكين لوحدهم في العراء .ما حدا في الدنيا كلها بيقدم لهم المساعدة .و لا أدنى مقومات الصمود ..و اللي عايز يقدم , مش قادر يوصل و لا قادر يعمل حاجة . ده اللي غايظ الناس و غايظ الربّ في عرشه .

muslima said...

نوارة انا عايزة لينك الفيديو بتاع حسن نصر الله اصلى يادوب لحقت حتة من الاخر

عايزة اشوفه من الاول




وعلى فكرة امبار المتحدث باسم الجيش الاسرائيلى جابوه على الجزيرة فى فقرة طويلة حبتين والراجل بيتكلم عربى احسن من مذيعين الجزيرة وفتح على البحرى وقعد يتكلم على السلام وانهم مش بيستهدفوا المدنيين بيستهدفوا الناس اللى بتضرب صواريخ

مش ممكن الجبروت يجيبوه شمال يمين عنده رد "خايييب" على كل حاجة

قال على قادة حماس اللى قاعدين فى الفنادق فى بيروت ودمشق وسايبين الارض

ولما المذيع بيقوله على استهدف الاطفال

قام جايب صورة خايبة كده مشفتهاش كويس بيقول دى صورة لطفل بيقنص جندى ولا دبابة

مش عارفة ايه الخيبة دى

حتى المذيع اتنرفز وقاله طيب ده طفل كبير شوية وعمل عمل نرفزكوا فانتم ضربتوا

طيب تقول ايه على الاطفال الرضع واللى سنة واتنين

يعيد ويزيد برضه ويقول اننا لا نستهدف الشعب واحنا طول عمرنا بتوع سلام

وبيقول بتوع حماس بيتعمدوا ينشروا صور الاطفال علشان الناس تتعاطف معاهم

وخيبة فى خيبة قوية


مش عارفة

هو المفروض اننا نتعاطف مع اسرائيل

ولا باين المفروض نتعاطف مع اسرائيل

ربى لا اسألك رد القضاء
ولكن اسألك اللطف فيه

استمروا فى الدعاء اخواتى
فوالله الدعاء يرفع البلاء

وما نحن فيه لهو البلاء المبين

وباذن الله ينصرنا الله بنصرة دينه واعلاء كلمة الحق

جزاكم الله خيرا

Unknown said...

مسلمة
اللنك موجود في اول جملة في البوست
دوسي على اول جملة ح يطلع لك الفيديو

وبعدين ح اقرا بقى حنا السكران عشان افهم منه دلوقت

حـنــّا السكران said...

سعد الحريري قال قبل كام يوم انه مش مسموح لحدا يقوم بحاجة من عنده ( يتصرف من عنده ).. و نحنا منعرف شو معنى هالكلام لأنه قالوا نفس الكلام بالظبط قبل سنتين. يعني مش مسموح بما أسماه هو و أصدقائه في تموز ( بالمغامرات و أخذ البلد إلى الحروب ) يعني مش مسوح بإطلاق طلقة باتجاه اسرائيل حتى لو اسرائيل ضربت . و سعد تابع لتيار معروف في المنطقة .مش قادر يقول كلمة تخالف التوجهات .

Unknown said...

يا جو
فيه حاجة هو لسة عارفها امبارح طازة

وما قالهاش

لو تلاحظ قال: كان فيه حكي كتير امبارح

ربنا يستر

هو عمره ما كان عشمان في حد ولا بيعول على حد

ولا اساسا بيتنرفز من الاساس

ده لو واحد بيتنرفز كان ما كملش ربع ساعة في المقاومة

وهو عمره ما كان عشمان في النظام المصري عشان يتغاظ منه دلوقت
فيه حاجة هو عرفها الظاهر تفاصيل جديدة وللا ايه

ومش قادر يقولها

شو الحكي اللي صار امبارح؟

عموما يا خبر بفلوس

ربنا ينجيه

حـنــّا السكران said...

من لما وجّه مناشدة للجيش المصري ( الجيش المصري بالذات ) أنا عرفت انه في حاجة كبيرة . لأنه مش عادته يتكلم بالطريقة دي .و حتى و هو تحت القصف ما نرفز و ظل هادئ .. بس أنا بقول أنه أهم حاجة انه شايف المقاومين في غزة مكشوفين و ما عندهم أي إمداد .وضعهم مش متل وضع حزب الله أبداً .. و هو لو ضرب طلقة وحدة من الجنوب الان . مش رح يلاقي حد يدافع عنه بكلمة في لبنان .إلا قلة قليلة .و رح يطلعوا يقولوا : مش قلنالكنم انه الرجل ده عايز يخرب البلد و بس ؟ و عايز كل يوم ياخدنا من حرب لحرب ؟ يعني حاسس بالعجز عن المساعدة ..و شايف انه لو سكت مصيبة و لو تصرف مصيبة ..
ـ بس في حاجة بتتدبر في المنطقة .. و حاجة رهيبة و مخيفة على ما أظن .

علا من غزة said...

الرابط مش عايز يشتغل

Unknown said...

يا علا

انا جددت الرابط

اضغطي تاني كده

Anonymous said...

خلاص ياجماعة اللعب بقى علمكشوف ومن غير كسوف
والخيانة بقت علنى كدة
الموضوع مبقاش مجرد معركة فى غزة
دة اصبح تصفية نهائية لقضية فلسطين
ولكل حركات المقاومة فى المنطقة وعلى رأسها حماس وحزب اللة
الظاهر كدة ان كل الكلاب اتلمو جوة وبرة
علشان يسكتو اىحد يقول لا
وناوينها بجد يقاتل يامقتول
الموضوع لو مشى فى صالح اسرائيل فى غزة لن تتردد انها تكررة فةرا فى لبنان
وكدة تبقى الشوكة اللى فى ضهر اسرائيل انكسرت
وتقدر كدة امريكا تضرب ايران براحتها من غير ماتخاف على اسرائيل من حماس ولا حزب اللة
وسوريا طبعا فى السكة
المنطقة داخلة على طبخة جديدة واعادة تشكيل كاملة
والمؤامرة بقت اقليمية ودولية
بالظبط على مستوى مؤامرة 48

الموضوع دة يأما هيقوهينا قوى
ياما هيخسف بينا الارض

ربنا يستر

وربنا ياااااااااااااااارب يخسف الارض بكل كلب ابن ميتين كلب خاينوكا صحفى ومذيع وسياسى ابن ستيييييييييييين كلب وكل واحد ابن......يطعن فى حماس ولا ايران ولا حزب الله
عالاقل يا كلاب دول جايين بانتخابات شريفة
مش بتزوير وفساد وأمن مركزى

اللهم يا مالك الملك انصرهم على كل من عاداهم يااااااارب


احمد سعيد

Unknown said...

يارب يا جو يبقى الحكاية كده بس

بس فيه مفاتيح في خطابه
ارجو اني اكون باحملها فوق ما تحتمل
زي انه اشار انهم عايزين يقضوا على المقاومة
وزي انه قال: فيه مخطط احنا مش عارفين كل تفاصيله (من امتى بيقول الكلام ده؟) وحتى اللي نعرفه مش ح نقدر نقوله! (برضه من امتى بيقول كده؟) وزي الكلمة العجيبة بتاعة: كان فيه حكي كتير امبارح
!!!!!!!!!!!!!!!!!!

Unknown said...

وبعدين يا اخي بص على ردود افعال الحكومة المصرية كمان
!!!!!!!!!!!!!
يا سلام

ماهو طول عمر الناس بتقول لهم يا خونة
وطول عمرهم البعدا هاديين وباردين

ايه الجنان اللي حل عليهم مرة واحدة كده؟

وايه ابو الغيط ده؟

Unknown said...

اي اي اي اي

مواطن

ومالك هادي قوي وانت بتقول الخبر ده؟

نهار اسوووووووووود

Unknown said...

هو تعليق مواطن فين؟

مواطن انت حطيت الخبر النيلة ده في انهي بوست؟

TAFATEFO said...

أنا شفت الخطبه تاني .. وفهمت معنى جديد

نصر الله بيقول بصراحه لإسرائيل (اللي هددت وأكثر من مره وآخرهم امبارح مع ساركوزي على لسان أولمرت) والعرب اللي تآمروا معها في 2006 لو تآمروا معها الآن .. بيقول للجميع نفذوا تهديدكم وما ستواجهونه يعتبر جحيماً بالمقارنه بالنزهة التي واجهتموها في 2006

خطبة حماسية لقائد يتوعد .. وبعدين في تاني مره مبقيتش حاسس انه بيهين مصر .. ده هو هزق اللي رفعوا الدعوى وهزق أبو الغيط وهزق النظام المصري اللي ساكت على كل جرائم إسرائيل

بيتهيألي ان ده المقصود

جربي تسمعي تاني كده

Anonymous said...

SA
Today was the day that Shee3a cut themselves and dance in their blood, maybe he was upset because he felt that he is late or something.

Unknown said...

مين العرص اللي دخل في الاخر ده؟

والله يا اخ وللا يا اخت
هو انت غالبا اخت لان طريقتك في الكلام حريمي

ولو طلعت اخ ما تقولش بقى عشان ماحدش يشك فيك

المهم

والله يعني طالبان سلفية
وحزب الله شيعة
وحماس اخوان مسلمين
والجبهة الشعبية شيوعيين كفرة
الواحد مش عارف يجيب لكوا ناس منين؟
انتوا عايزين ايه بالظبط؟
عايزين خولات، صح؟
طب بس احنا ما نقدرش نحول مليار ونص بني ادم الى خولات، صعب قوي، يعني اكيد فيهم نسبة لا بأس بها
بس مش ح نعرف نقلبهم كلهم
صعب

Anonymous said...

اخر الاخبار يا جماعة
اليهود امرو كل الفلسطينين على حدود مصر باخلاء منازلهم فورررا
من اول البحر لحد اخر الشريط الحدودى
اوعى يكون اللى فى بالى صح

احمد سعيد

Anonymous said...

احمد سعيد


هيكل بيتكلم عالجزيرة دلوقتى

Anonymous said...

حسن نصر الله موضوع أمام خيارين لن يستطيع أن يقبل إلا بأشدهما مرارة.. خيار استراتيجي يراق فيه دم كثير..
والله أعلم
اسرائيل لن تقبل بهزيمتين متتالتين من مقاومتين إسلاميتين شعبيتين وربما يصل الأمر إلى استخدام سلاح نووي أو توسيع نطاق القتل الجماعي لأقصى قدر ممكن ولن يمنعها أحد.. بشكل مطلق..
والمعرصين نفضوا أيديهم بشكل كامل وتركوه وحيد..
ربما هذه هي الصورة والله أعلم

Anonymous said...

عفواً.. في تعليقي الأخير ما كنتش سمعت كامل خطبة السيد..
هو بيقول إن الموضوع أو المشروع قيد التنفيذ هو مشروع تصفية القضية عن طريق إلغاء مشروع الدولتين وتوزيع ما تجود به إسرائيل من الضفة على الأردن وقطاع غزة على مصر.. يبدو ان هذا هو محور الحكي الكتير اللي بيقول عليه.. وبرضه ما اختلفتش الخيارات كتير.. كده الخيار الصعب اللي مالوش بديل هو الأرجح.. دعم المقاومة بما قد يستدعي أو يصل إلى دخول المعركة..
اهو بيقول اهو "كل الاحتمالات قائمة ومفتوحة".. و"وهذا يهددنا فوق الطاولة وهذا يهددنا تحت الطاولة"..

الخطبة فيها نوع من الإعداد النفسي لواحد على شفا معركة.. والله أعلم

Anonymous said...

احمد سعيد

شفتو هيكل
انا سمعت امبارح ان البقرة الضاحكة بتاعتنا قالت لساركوزى لايجب ان يسمح لحماس بالفوز فى معركة غزة وساركوزى افندى قعد يسيح بالكلام دة فى كل حته يروحها
ولاحد فتح بقة واول ماهيكل ذكر الموضوع دة فى الجزيرة دلوقتى وبعد ما قالة بدقيقتين بالظبط وقبل مالبرنامج يخلص طلعت الحكومة تكذب الكلام

فضحو نفسهم اكتر
الله يخرب بيتك يامووووووحسن

فى غباء كدة
طب كنتم استنو لما البرنامج يخلص
الطم؟

Bella said...

حاجة تقهر

عارفة يانوارة مشكلة الفلسطينيين ايه

انهم جنبنا

لو كانوا جنب لبنان او سوريا ولا حتى جنب الاردن كان وضعهم كمقاومين ح يكون افضل مليون مرة لانهم ح يعرفوا يدخلوا سلامح وضهرهم مش ح يبقى مكشوف بالشكل ده

المؤامرة كبيرة ومعروف طبعا القطعة الباقية من البازل فين

احنا بس اللى بنكذب عينينا ووداننا لاننا مش متصورين اننا نتواجد في الايام حالكة السواد دي اللى نشوف فيها الدول العربية بتتصفى دولة دولة

يعني مش كفاية نشوف العراق بيدنسوه الامريكان واعوانهم
ولبنان يطحنها الصهاينة
لا كمان نشوف تصفية كاملة للقضية الفلسطينية اللى كلنا عندنا امل تتحل واهلها يرجعوا بلدهم وياخدوا حقهم

المصيبة ان الايام حالكة السواد دي فيها تحرش بسوريا كمان وتاني بلبنان

ايه القهر ده كله

Anonymous said...

أولا" الأخ أنينمس اللى بيتكلم عن الشيعه
هاقولك بمنتهى الصراحه
أتا مش عارف أرد عليك بأيه الصراحه بس عزائى أن نواره قامت بالواجب
أنا كمان بكره اللى بيعملوه الشيعه
بس أنت شايف ان ده وقته أو مكان كتابتك دى
حاول ترد على السؤال - تحب نجيب لسعادتك مين علشان يدافع عننا وايه ديانتهم بالظبط؟
بوذيين : هاتقولوا عبدة أصنام
مجوس : عبدة نار
سيخ : ممكن يسجدوا للبقر
نجيب ميييييييييييييييييييين الله يحرقكم
طب أحنا هنا فى مصر سنه معتدلين أيه رأيك نروح كلنا غزه؟
ولااقولك
أستنى لما تطلعلنا عيب ؟