Tuesday 13 January 2009

لزيارة الجرحى الفلسطينيين اللي في الاسماعيلية

ادخلوا عند ابي عشان تعرفوا التفاصيل لزيارة الجرحى وتشوفوا هم محتاجين ايه، ح تلاقوها مشغلة اغاني برضه، معلش عندي انا دي، ماحدش يقفل لها الكاسيت عشان ما تتضايقوليش البنية
---
ادعوا لمنطقة خزاعة، فيها كارثة انسانية، اسرائيل بتضرب على طول على طول عليهم حتى في الهدنة التلات ساعات ومانعين الاسعاف توصل لهم وواحد اتصل بيقول الناس بتصاب وتفضل تنازع لحد ما تموت من غير اي حد يقدر يوصل لهم
------
اه صحيح يا شباب، اي حد عايز يتبرع لغزة بمواد طبية وللا اكل وللا حاجة، ما يكلمنيش انا، انتوا شايفيني فلحت قوي اني اوصل للعريش يعني؟
اتصلوا بمركز هشام مبارك
25758908
والعنوان
1 شارع التوفيقية
وبرضه ابي حاطة رقم تليفون عشان الجرحى
------
مصطفى عمل فيديو حلو قوي ومؤثر للغنوة، معلش انا عارفة ان الناس وهي بتتفرج ح تقول لي ده وقت اغاني يا ست الرايقة انت والمخرج بتاعك؟
بس فعلا الاغاني الحلوة، سامعين الحلوة، مش اغنية لو كنا بنحبها مثلا، والفيديوهات اللي معمولة حلو والصور بتأثر قوي على الرأي العام العالمي
يعني مثلا ولاد الجزمة كان عندهم اغنية معمولة حلو اسمها هافا ناجيلا هافا، ما تتخيلوش لما طلعت اياميها شحنت ناس كتير قد ايه مالهمش لا في الطور ولا في الطحين، الاغنية حلوة وياريت توزعوها على اوسع نطاق في النت بالفيديو بتاع مصطفى لانه مؤثر اكتر من الفيديو الاصلي

11 comments:

Empress appy said...

مشكرين يا حجه وبعدين لو سمحتى انا بشغل اغنيه فى سياق البوست يعنى بعمل روح فدائيه كده وبعدين ما انتى حطه الاغنيه بتاعت فيلم مولان روج فى الجنب اهى الله افجر لكى الكاست بتاعى يعنى عاااااااا
ربنا يكرمك يا نواره يا رب نخدموكى فى الافراح يوم ما واحد صاحبنا يطلع للى خلقه

Anonymous said...

متهيالى الحل مش مننا لان لو كان فينا امل كنا حلينا مشاكلنا الاول اللى جوا وساعتها كنا قدرنا نساعدهم برا

وبخصوص كلنا نمشى لحد فلسطين هيحصل اية يعنى ؟
ازاى وانتى اصلا فى بلدك ومش عارفة توصلى للعريش

كلام كلام وخلاص ولا بنعمل حاجة
ربنا معاهم وينصرهم هما اللى يعملوا ولا يعتمدوا على حد من استعان بغير الله ذل

مواطن مصري said...

http://www.youtube.com/watch?v=4IYM_-bEaew

و الاغنية دي حلوة عن اطفال غزة

dodda said...

فى حاجه شاغله بالى شويه
الجرحى اللى دخلوا مصؤ دول حيرجعوا فلسطين ازاى؟؟؟


لو مرجعوش حتبقى مصيبه
وحيتقفل المعبر بالضبه والمفتاح!!!!

Unknown said...

هنتقابل فى الاسماعيلية
يوم الجمعه 16/1
الساعه 11 ظ
امام الباب الرئيسى للمستشفى الجامعى
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
غير ان هناك عدد من الاصابات
فى المستشفى العام
محتاجين
تبرعات مالية
وبعض الملابس
عصائر
معلبات
رقم تلفونى للاستعلام
0188047779
والله المستعان
اللهم اجعل اعمالنا خالصه لوجهك الكريم

TAFATEFO said...

لنك الداونلود للأغنية

TAFATEFO said...

اتصال الجزيرة

قوات إسرائيلية تحاصر سيارة إسعاف وتطلق عليها النيران وتمنعها من إنقاذ المصابين حتى استشهدوا .. وما زالت تحاصر السيارة وتطلق عليها النيران مانعة المسعفين من النزول لنقل جثث الشهداء

Anonymous said...

http://www.youtube.com/watch?v=f9Cm7oCwnTU

Unknown said...

يا مصطفى
الفيديو مش شغال على السايت ليه؟
نزله على حتة تانية يكون بكوالتي عالي كده عشان اعمل له لنك

TAFATEFO said...

الفيديو شغال والله ولسه شايفه حالاً

جربي حضرتك تاني من فضلك

عموماً حاضر .. اللنكات على يوتيوب

http://www.youtube.com/watch?v=Jbr8LBR5k-8&feature=channel_page

وعلى فور شيرد

http://www.4shared.com/file/80413466/8e6bf7e7/Gaza.html

وهشوف ايه المواقع التانيه زي ميتا كافي والحاجات دي وأبعت لحضرتك لنكاتها حاضر

بس جربي فيميو تاني .. شغال والله

TAFATEFO said...

direct download link