Thursday 15 January 2009

كفار بس؟

مش عارفة، اصل انا اعرف كفار، ولو ماتوا دلوقت قبل ما ربنا يستجيب لي ويهديهم ح يروحوا النار، بس مافيش حد فيهم ممكن يقفل على واحد بينضرب بالمفتاح من برة ويقول له مش ح افتح عليك الا لما تجيلي جثة، ساعتها ممكن افتح عشان ادفنك،
ابدا، ويمكن كتير منهم ح يدخل وينضرب بداله كمان، ما اعتقدش ان فيه كفار ولا مؤمنين ممكن يعملوا اللي "بعض الحكام" بيعملوه والبيان يقصد مصر والسعودية بدون ذكر اسماء، وبعض وسائل الاعلام، اللي هي قناة العربية والبي بي سي عربي بدون ذكر اسماء
مش كفاية حكاية كفار دي
احنا محتاجين بيان من علماء الانثروبولوجي يثبت ان اللي بيعينوا اسرائيل على غزة كائنات غير بشرية
ينفع؟

23 comments:

Rania Lelah said...

هصدق عليهو ابصم بالعشره
ايوة نوع مختلف عننا اصلا


*********
متعرفيش حد بياخد تبرعات ماديه و ملابس
بكرة او بعده
كلمت هشام مبارك مش نافع معاه جمعه و لا سبت
و معنديش طققان اقعد للحد

مواطن مصري said...

راينا الهلال الاحمر المصري

Ahmed Mohamed said...

ويخشى أن يدخل في هذا الحكم أيضاً:

1. من تعاون على إغلاق المعبر أو الأنفاق أو الدلالة عليها أو منع دخول المساعدات إليهم، ويتحمل كل جندي شارك في ذلك إثم كل قتيل وجريح وإثم هدم المساجد والدور بغزة، ولا حجة لمن قال من الجنود: إنه عبد مأمور؛ لأن العبودية لله وحده، ولا طاعة لمخلوق في معصية الخالق.

يعني الي قالو ان الظابط "الشهيد"الي مات ع الحدود .مش شهيد كلامهم صحيح
؟؟!
العلماء بيقولو ممنوع الخروج علي الحاكم حتي لو كان فاسق
طب لو كان كافر مرتد
طب لو كان يظاهر العدو

بعض الحكام ايه
ماهو هتلاقي مفتي يطلع يقول
الساكت عن الحق شيطان اخرس
والشيطان كاااااااافرررر
والكافر في النار
وكلكم كفره

انا اتخنقت

هرطقة said...

أول مرة أشوف للوهابيين كلمة فى محلها

TAFATEFO said...

هو البردويل ده لوحده .. غير الباقيين؟؟

هو حماس عايزه قوات دولية ولا مش عايزه؟؟

ايه الجنان ده؟

TAFATEFO said...

المقطع ده أذاعته الجزيره يبين شراسة المقاومة في قطاع غزة جنود إسرائيل مرعوبين واتنين منهم قاعدين يجروا ويقعوا

TAFATEFO said...

أمير قطر بيحسبن .. ويدعوا لقطع العلاقات .. طب ما تقطع العلاقات يا اخويا وتطرد السفير .. محتاجه قمه دي

أحــــــيــــــــــه


ونفسي أفهم .. ايه هيفيد إسرائيل من قصف برج وكالات الأنباء؟؟ وفين سي ان ان ورويترز من كده؟؟ مبيقولوش ليه انهم مانعينا من التغطيه وانهم مانعينا من دخول غزه وانهم بيقصفونا؟؟

مواطن مصري said...

هرطقة الوهابين دول اسواء من الصهاينة

Unknown said...

انا مش فاهمة برضه، وده نفس السؤال اللي باساله من امبارح، ليه محتاج قمة عشان يقطع العلاقات؟

هو شافيز عمل قمة؟

Ahmed Mohamed said...

مواطن مصري said...
هرطقة الوهابين دول اسواء من الصهاينة


ههههههههههههههههه
اه يانا يا غلبي

Unknown said...

مواطن

انت عارف اني مش باحب الوهابيين

بس ممكن اعرف منك ايه وجه المقارنة مابين الوهابيين والصهاينة؟

وبمناسبة ايه الوهابيين اسوأ من الصهاينة؟

ده ولا حسني مبارك اسوأ من الصهاينة

مين في الدنيا اسوأ من اللي بيقتلوا الاطفال الرضع عن عمد يا مواطن؟

مين ممكن يبقى اسوأ من كده؟

مين في الدنيا اسوأ من اللي بيقصف المستشفيات والمساجد والمدارس ومقرات الامم المتحدة باسلحة محرمة دوليا وهم عزل مافيش في ايدهم حاجة يعملوها؟

مهما كان ومهما اختلفت معاه، حتى الخونة، اسوأ ازاي من ناس بيعملوا كده؟

TAFATEFO said...

ما ده اللي كنت بقوله لأستاذ أحمد سعيد .. دي قلة أدب

تمثيليه زباله

TAFATEFO said...

وبالله عليك عرفني يعني ايه وهابيين

TAFATEFO said...

حد يقول لـ عريقات ان التمثيل كتر أوي .. وان مبارك وعباس الاتنين ولاد ستين كلب

كلامك على العين والراس .. وان القمه ملهاش لزمه لأن مفيش قمم أقزام

انما التمثيل يشل

Ahmed Mohamed said...

بمناسبة القمة بيقولو 3 قمم
ما علينا
القمه لو هتخرج ببيان يدين اسرائيل
القمه لو هتخرج بأعلان قطع العلاقات مع اسرائيل
القمه لو هتقول ان المشترك في الحصار علي غزه مش عربي
وكافر وابن ستين في سبعين
القمه الي هتخرج وتقول علي اسرائيل الامثال بقرار الامم المتحده
واعمل بالمبادره المصريه
القمه الي هتقول
القمه لو كل واحد عايز يبقي فيها الزعيم

القمه الي كل زعيم عايز يفضل الزعيم فيها
القمه الي مشوفناش عملت حاجه غير انها بتتشجب العدوان مع استمرات العلاقات الجنسيه مع اسرائيل
القمه الي هتكفر حماس وتقول انها غلطانه ومعلش يا اسرائيل حق علينا
تبقي ملهاش لزمه

شوفو كام طفل اتقتل وانا بقول الكام كلمه دول
القمه الي كانت مفروض تتعمل تاني يوم العدوان

من الاخر الي حصل في لبنان هيحصل مع غزه وبعدما اسرائيل تعمل الي نفسها فيه
هتقول احنا التزمنا بقرار الامم وحماس مش راضيه تسكت

مواطن مصري said...

الصراحة يا نوارة الواحد زهق من موضوع غزة الظاهر ان احنا امة كتب عليها الاكتئاب



الوهابين دول ناس مكفرين كل الدنيا و بيتاجرو ب الدين و دول زي الصهاينة نفس فكرهم شيوخ دم بيحللو قتل الابرياء ايضا

TAFATEFO said...

البردويل بيقول ان مفيش تقدم في المفاوضات .. وان إسرائيل مردتش على مطالب حماس .. وان حماس لن تقبل المبادرة بدون ضمانات .. وقوات دولية على المعابر!!!!!!!!!!!

هو قال كده ولا أنا فاهم غلط؟؟

MerMaid said...

hello Nawarra how are you??i wish i can write in Arabic but my PC doesnot.i have quitted blogging since last july and thats the result of my disappointment in our situations and our status in the beloved Mideast.i am actually ashamed of being an arab and sometimed of being an egyptian woman.But despite i quit blogging,i still keep on reading yours and some other blogs and i fell passionate to blog again but i still cannot find the propriate words to express how i feel and what i want to do.Gaza's crisis has wakened the heat of hatred inside my chest for the arab world which i am part of,i always hated the hypochryts and the liars politicians and our leaders,they all are liars and i wish if they all die rotten.
anyway,i didnt understand ur point form ur post,but i am still happy thet i contacted u and recontacted the blog world.
all of love,and regards.

Unknown said...

لا برضه مش قادرة افهم
ازاي واحد يقول لك انت كافر
يبقى زيه زي اللي يقتلك بالاسلحة البيولوجية؟

مصطفى
لسة ما شفتش الفيديو

ميرميد
انت فين؟

تصدقي احنا ناس ما عندناش دم اننا سايبينهم لسة على راسنا بعد الفضايح اللي عملوها؟

ده اي حد يعرف يحكم العالم العربي احسن منهم

ده سعد الصغير يعرف يتصرف احسن من كده

Anonymous said...

زي ما قلتي يا نوراة
ول عالم فشلة فشلة
فشلة في كل حاجة
سياسة داخلية
سياسة خارجية
أمن قومي
حرب
دبلوماسية
سلام
اكتفاء ذاتي
مشروع توشكى
إعلام
فن
رياضة
أي حاجة
عملوها
اثبتوا فشلهم الذريع الفظيع الوضيع
أنا مش عارف دول لسه قاعدين فوق راسنا إزاي

Anonymous said...

ما قلك وزير الخارجية القطري لن نضحي بالعلاقات مع اسرائيل وحدنا

arabi100.wordpress.com

Anonymous said...

احد الاطفال المشاكسين جدا سال والده : لماذا كان وزراء الخارجية العرب يضحكون وهم يصافحون امين عام هيئة الامم المتحدة بان كي مون؟ سؤال غريب اساله بدوري لكم: لماذا كان وزراء الخارجية العرب يضحكون مع ان الامر الذي ذهبوا من اجله الى نيويورك ومجلس الامن لا يسمح بالابتسامات او الضحك. بل يتطلب البكاء والعويل وشق الثياب كما كان يفعل اليهود في كذبتهم الكبرى المحرقة. اتكون ضحكات النصر التي يعتقدون انهم حققوها في غزه؟ ام ان مجرد دخولهم مطار نيويورك وجلوسهم في مواجهة المندوبة الاسرائيلية يعتبر انجاز ونصر يستحق الضحك؟ ام ان وزير خارجية مصر، والمصريون اهل نكتة اطلق نكتة اضحكت وزراء الخارجية العرب بعد ما ابكت ملايين الغزاوية؟ سؤال محير فالذي ضحك لدرجة ان ( شدوقه ) تمزقت هم وزراء يمثلون الشارع العربي الذي يبكي، يمثلون اكثر من 300 مليون مواطن يصرخون ليل نهار بالروح بالدم نفديك يا غزة ويتبرعون بدمائهم واموالهم لاخوانهم اهل غزة الذين يعيشون تحت النيران الصهيونية. ام ان مقولة شر البلية ما يضحك هي التي اضحكتهم وجعلتهم يقهقهون؟

Anonymous said...

يا مصطفى البردويل يتكلم عن ضرورة تواجد مراقبين دوليين على المعبر ..و بذلك يضمن دوام فتح المعبر لا أن يغلقه مبارك و الصهاينة وقتما شائوا .. و إقتراح حماس أن تكون الرقابة تركية .. ضماناً للنزاهة ..و حتى لا يحدث كما كان فى إتفاقية 2005 حينما كان الصهاينة يتصلون بالمراقبيين الأوربيين المتواجدين و تأمرهم بعدم الحضور للمعبر لأنها ستجتاح القطاع .. و بالفعل كان الأوربى لا يحضر و بالتالى لا يُفتح المعبر.. حتى إنه و منذ توقيع الإتفاقية فى 10/11/2005و حتى الحسم العسكرى لحماس فىمنتصف 2007 أى حوالى سنتين و نصف لم يتم فتح المعبر سوى ل 127 يوماً فقط

هذا بالطبع يختلف تماماً عن قوات دولية التى تقترحها مصر و إسرائيل .. و التى يكون من حقها إستخدام القوة ضد المقاومين .. و التى يقترح الصهاينة و من والهم أن تكون من الناتو