Thursday 8 January 2009

ما يدوروا على واحد شاي

حزب الله نفى وحماس نفت والجبهة الشعبية نفت
واحنا ما عندناش كدابين، الحمد لله، لحد دلوقت ما جربناهمش في كدب ابدا، وجربنا اسرائيل واسيادها واذنابها في كدب كتير
ليه ما يكونش ناس من بتوع: واحد شاي، اللي قدموا شاي وحلويات للاسرائيليين في عز الحرب هم اللي اطلقوا الصواريخ دي عشان يفتحوا جبهة في لبنان وتحقق كلام اولمرت: بعد حماس ح ييجي حزب الله
وهو جته نيلة عياله واخدين علقة وعمالين يموتوا بنيران صديقة، طب هم بيموتوا اطفال، المقاومة بتموت جيش، لا سوري سوري
دي نيران صديقة
صديقة صديقة....ما احنا ولاد عم، في بيتها يعني
اصلا رد فعل اسرائيل عجيب قوي، انها ترد بالقذائف على طول كده من غير ما تعمل اي اتصالات ده دليل على انها بتلكك
وواضح ان فيه تربص بدليل ان فيه حيوان صهيوني دخل لي وما نزلتش تعليقه عشان انا مش بانزل تعليق صهاينة حتى لو اساميهم عربي زي نور شمس على سبيل المثال والحصر
دخل يقول لي: شوفي خاف ازاي؟ قال مش انا على طول 
طيب لو هو اللي اطلق الصواريخ ح يبقى بيجر لبنان على حرب
ولو هو مش اللي اطلق الصواريخ يبقى: نصر الله يخاف...يهودي ما يخاف
يعني يرضيني وح تنضرب
وواضح انهم عمالين يستفزوا المقاومة في لبنان، على اي حال انا متفائلة خير، شكلهم كده ابتدوا يهبلوا ويلوشوا...شكلنا كده ح نبتدي واحدة واحدة نفهم لغز الرسالة العجيبة اللي وصلتني

9 comments:

مواطن مصري said...

نوارة انتي ناسية عندهم انتخبات و نتياهو داخل و اولمرت عاوز يسيب شعبية و ليفني عاوزة الكرسي


دي حاجة الحاجة التانية لو اسرائيل الي اعتدت الان هيكون نصر الله من حقة انة يرد بصواريخ بس لما نشوف بقى ايران هتعمل حاجة المرادي ولا زي الي فاتت


اة شوفتي فلم ميونخ

اتفرجي علية

Anonymous said...

If hassan Nasrallah will act. He will not launch Katusha rockets. he has a lot stronger ones. This is some one who is trying to do the bad old game.

Unknown said...

مواطن
ما تستعجلش على ايران
شكلهم ح يستفزوها زي ما بيستفزوا حزب الله دلوقت

عموما ربنا يستر ويعمل اللي فيه الخير

هم اغبيا يفتحوا جبهة في الشمال وجبهة في الجنوب؟

يتعملوا سندوتش يعني

حزب الله المرة دي اقوى من المرة اللي فاتت

ربنا ينصرهم ان شاء الله


انونيمس

ايوة طبعا، على فكرة واضحة جدا واظن انهم اصلا بطلوا يستعملوا الكاتيوشا خلاص

Unknown said...

السنيورة طالع يردح من قبل ما حزب الله اصلا ينفي

ليه ما يكونش له يد في الموضوع ده؟

اصلا هم فاضحين نفسهم بردود الافعال السريعة دي

بيسبقوا بكلام من غير ما يستنوا يشوفوا حزب الله ح يقول ايه؟

كأنهم عارفين مين اللي بيعمل كده

مواطن مصري said...

مش عارف بس شامم ريحة وحشة ع رائيك ربنا يستلر على رفح المصرية

Unknown said...

يييييييييييييييييي
هههههههههههههههه
يابني اتبط بقى
ماحدش ح يعمل حاجة لمصر
هي مصر لا سمح الله بتقاوم وللا حتى بتساعد المقاومة عشان حد يقرب لها

دول حاطينها فاسوخة كده جنبهم عشان يستباركوا بيها

TAFATEFO said...

رسالة ايه؟؟ وبعدين في بوستين النهارده غريبين أوي

ما يتلزقوا .. إذا كان السيد رحب وقالهم هنوديكم نزهه أحسن من نزهة 2006 .. خايفين من ايه

دول شوية جرابيع وعرر .. ولو قصفوا بيروت دلوقتي ملهمش حجه .. أما نشوف شوية الخـ*** اللي اسمهم سياسيين هيقولوا ايه المره دي

آهي إسرائيل نفسها اللي استبعدت ضلوع حزب الله

ايه القرف ده

Anonymous said...

اللة يفتح عليكى يانوارة ياختى لسة كنت هاكتب لك الكلام دة حالا وعلى فكرة ماتنسيش الصواريخ بتاعة الشهر اللى فات اللى صحابها نصبوها وسابوها وراحو يعملو الشاى منفعتش المرة الى فاتت قالو تنفع فى الدوشة------------------------دودو

Anonymous said...

نوارة ايه اللي فهمتيه من الرسالة؟؟ معلش اصلي انا فضولي شوية وبصراحة مافهمتش حاجة خالص؟؟؟ مين رضوان ده؟ ويعني ايه يموتوه تاني! هو كان فيه اولاني؟؟

أحمد