Friday 16 January 2009

انتوا اللي جبتوه لنفسكوا بقى..البسوا في مصطفى الفقي

كل واحد يقوم يعمل شفشق كركديه وكوباية ينسون، ويحط جنبه نص قرص موتيفال اوعى تحط الشريط كله جنبك مش عايزة حد يموت كافر هنا، ترمي الفينيك وكل المواد السامة، وتقفل الشبابيك كويس، وتخلي حد في البيت يكتفك في السرير، لما تموت من النقطة ح تموت شهيد، احسن ما تموت منتحر ويبقى لا دنيا ولا آخرة
اتفضلوا:
العلاوين:
د‏.‏ مصطفي الفقي يتهم حماس بتحويل الحقوق الضائعة إلي معبر وماء وغذاء ودواء القضية الفلسطينية فقدت وزنها السياسي
الدولة التي خاضت خمس حروب من أجل فلسطين لا يمكن أن تتخلي الآن عنها




لم أتطاول علي الإسلام حين قلت مصر أولا
حوار أجراه عاطـف حزيـن
(وح تعرفوا بعد شوية انه حزين فعلا)
ودي بقى المقدمة اللوذعية بتاعته، يا سلاااااام قطعة قلة ادبية:
أول كلمة تعلمت كتابتها بعد كلمة مصر‏:‏ فلسطين
أول علم رسمته بعد علم بلدي‏:‏ علم فلسطين
لا أتحدث عن نفسي‏..‏ أتحدث عن مصريين سبقوني علي نفس التختة التي جلست عليها‏,‏ وعن مصريين خلفوني في مدارس تشبه مدرستي‏.‏ أتحدث عن ملايين كتبوا نفس الكلمة ورسموا نفس العلم ومارسوا نفس العشق لمعني قومي صار من مكونات دمائنا‏,‏ ولشعب عربي بقي فلذات أكبادنا‏,‏ وتراب مقدس نحلم بأن نقبله قبل أن نصلي فوقه‏:‏ ترابك يافلسطين
مصر التي خاضت كل حروبها من أجلك يافلسطين دون منة لأن هذا واجبها وقدرها‏,‏ مصر التي قدمت‏120‏ ألف شهيد فداء للأرض التي تم اغتصابها‏,‏ مصر التي كانت غنية وصارت فقيرة بسبب توجيه كل مواردها من أجلك‏,‏ مصر ـ يافلسطين ـ هي نفسها التي يتهمونها الآن بالتآمر عليك (يا جدعان..حد يقبض على الراجل اللي انا شايله ده، ياناس جول مورد واحد من اللي ربنا كتبه علينا ضحينا بيه، انا مستعدة اصدق اننا صرفنا مواردنا على قضية فلسطين، موارد زي ايه يعني؟ زي السياحة؟ زي الغاز؟ زي البترول؟ زي الزراعة؟ زي المصانع اللي اتخصخصت؟ ممكن افهم ايه اللي فلسطينيين اخدوه مننا ولولا انهم سطوا عليه كان زمانا سويسرا؟)‏..‏ هي نفسها التي يحاولون اقتحام سفاراتها وحرق علمها والتطاول علي رموزها
(ومبارك كمان بقى من رموزها؟ طب مش تستنوا؟ مش الرموز دي اللي بتبقى ميتة باين؟ اي حد بيموت حتى خط الصعيد وسفاح المهندسين بتعملوه رمز من رموز مصر)
فهل يعلم هؤلاء أن البيت المصري يكتوي ألما‏..‏ وهل يعلم هؤلاء أن الشارع المصري يغلي غضبا؟ وهل يعلم هؤلاء أن دماءنا تسيل مع دماء أطفال ونساء غزة‏,‏ وأوصالنا تتقطع مع أوصال زهرات شباب فلسطين؟ (كسبوا صلاة النبي) انهم لا يعلمون‏..‏ انهم ينسون‏..‏ انهم‏..‏ مع ذلك‏..‏ معذورون
(سامحوهم ما يعلموش...سامحوهم ما يعرفوش....انت بتحضر عفريت؟)
هاجمتني هذه الخواطر وأنا أودع الدكتور مصطفي الفقي المفكر السياسي ورئيس لجنة العلاقات الخارجية بمجلس الشعب‏,‏ الألم الذي رأيته علي وجهه‏,‏ والغصة التي لمحتها تعتصره‏,‏ والدهشة التي عقدت لسانه‏(‏ الطليق في مواقف أخري‏)‏ كل ذلك جعلني أخط أول سطر من هذه المقدمة في المصعد الذي هبط بي من الدور العاشر في مجلس الشعب‏:‏ لأبدا بها حواري معه
سألت الدكتور مصطفي الفقي‏:‏ كيف تري الموقف الآن في غزة‏..‏ هل بلغ الذروة بما يؤهلنا للحديث عن احتمالات تهدئة أم أن فرص التصعيد هي الأرجح؟
الموقف قابل للتصعيد لأن الإسرائيليين جاءوا ـ علي مايبدو ـ من أجل مهمة اجرامية لم تستكمل حتي اليوم وفقا لقائمة أهدافهم‏,‏ بالاضافة الي أن هناك بعض التحرشات أو الادعاءات علي الحدود السورية واللبنانية وأيضا محاولة المساس بخط الحدود المصرية الفلسطينية‏,‏ ولذلك فالمحرقة لم تتم فصولها بعد وجرائم إسرائيل مازالت متواصلة.
(يعني الطم يقولوا الولية اتجننت؟ محاولة المساس بخط الحدود المصرية الفلسطينية؟ يارجل ده احنا فضيحتنا بقت بجلاجل، يا راجل انت بتكلم ناس ساكنين في المريخ؟ ده كل الناس وكل الوكالات في الدنيا بتقول ان اسرائيل قبل ما تقصف الحدود بتاعتنا بتخطر حرس الحدود عشان يبعدوا الناس عن الحدود، ياراجل الناس امبارح طالعة في التلفزيون ماسكة في ايديها الشظايا بتاعة قصف الحدود والمعبر والانفاق، يا راجل حرام عليك ح تموتني، ده حادثة الظابط اللي مات ومعاه الفلسطيني اللي انت طنشتوا عليه ابتدت لما اسرائيل قصفت المعبر فالحطية اتهدت راحت الناس جارية عندنا عشان تهرب قام الامن منعهم، مساس؟ مساس؟ كل ده لسة ما مستش؟ وهي لسة ح تمس؟ ده الحدود بقت حامل في توأم من اسرائيل)
أظن يادكتور أن التعاطف العالمي مع مايحدث في غزة غير مسبوق‏,‏ ومع ذلك لم تذعن إسرائيل لقرار مجلس الأمن‏,‏ ولم تستجب للمبادرة المصرية‏..‏ فإلي متي ستظل إسرائيل سادرة في غيها دون أي رادع؟
(اسمع بقى الرد اللي لو ليفني مش ح تقول كده)
دعنا نتفق بداية علي أن هناك عدة عوامل أثرة‏..‏ علي المواقف الرسمية لدول العالم المختلفة تجاه القضية الفلسطينية يجب أن نرصدها بوضوح‏,‏ أولها محاولة تديين الصراع والخروج بالقضية الفلسطينية بحجمها التاريخي الكبير الي حركة حماس والمعبر ومفردات صغيرة لا يمكن تناولها بشكل رسمي كقضية‏..‏ تحولت فلسطين من قضية كبيرة الي أزمة‏,‏ وهنا فقد الفلسطينيون قوة تأثير كبيرة علي العواصم المختلفة‏ (ما هو يا انا مغيبة يا اما هو عايش في مجرة تانية، اولا مين اللي قفل المعبر؟ ومين اللي حارب حماس لمجرد انها نجحت في الانتخابات؟ ومين الحول القضية من فلسطين لحركة حماس وصغر مخه وقعد يزنق عليها وعلى الشعب الفلسطيني عقابا لهم على انتخاب حماس؟ امي مش كده؟ هي امي، دايما تعمل حاجات كده غريبة) ,‏ الأمر الثاني هو‏11‏ سبتمبر‏2001,‏ الذي خلط الكفاح المسلح بالإرهاب وساعد علي ذلك الدعاية الإسرائيلية المفرطة في تشويه صورة الفلسطينيين والتركيز علي التفجيرات الانتحارية والصواريخ العشوائية ضد المدنيين في إسرائيل‏ (اه، وايه الكفاح المسلح غير انه يبقى مسلح؟ يعني العمليات اللي بيقول عليها انتحارية دي مش كفاح مسلح؟ والصواريخ اللي بيقول عليها عشوائية دي سلاح؟ ومين المدنيين اللي في اسرائيل؟ المستوطنين؟ المستوطنين اللي بيبنوا مستوطنات في اراضي محتلة؟ دول اسمهم مدنيين؟ بالذمة تسيبي ليفني بتقول ايه غير كده؟) ,‏ وهكذا أصبحت القضية الفلسطينية الآن في عدد كبير من العواصم النافذة وأولاها واشنطن هي أن إسرائيل في حالة دفاع عن النفس ضد الصواريخ الفلسطينية ذات التأثير المحدود جدا لكنها فرضت علي الكثير من الإسرائيليين اللجوء الي الملاجئ‏ (انت يا عم بتفهم؟ بتفهم بيتقال لك ايه؟ الراجل بيقول لك فيه تأييد غير مسبوق للفلسطينيين، انت بتفهم؟ وللا انت بالنسبة لك كوندوليزا وليفني هم كل العالم؟).‏ الأمر الثالث‏:‏ أن كثيرا من الدوائر المتابعة للقضية الفلسطينية يعتبرون ان فرصة عام‏2000‏ فرصة ضائعة عندما جرت كامب ديفيد الثانية وكان هناك عرض معقول من حكومة باراك لكن الزعيم الفلسطيني الراحل ياسر عرفات لم يلتقط طرف الخيط‏.‏ وطبعا هذا القول فيه افتراء لأن إسرائيل كانت تتحدث حديثا غامضا ولا توضح مايجب أن يحدث ولا تفعل المطلوب ولذلك أنا ممن يعتقدون ان القضية الفلسطينية لم تعد بنفس قوة التأثير السياسي في العالم‏..‏ تحولت من قضية سياسية الي حالة انسانية‏,‏ وهذا هبوط كامل لأننا انتقلنا من قضية حقوق ووطن الي مسألة خاصة بالظروف الانسانية والاغاثة والدعم الانساني‏
(ادعو لي بالرحمة، اولا القضية الانسانية اعم واشمل من القضية السياسية لان كل الناس متفقة على الانسانية لكن السياسة وجهات نظر، ثانيا، مين اللي حاصر الفلسطينيين انسانيا؟ مين اللي خلا العالم كله يرقع بالصوت ويقول: يا ناس طب اكلوهم طيب، طب ادوهم دوا طيب، ومين اللي حارن وبيقول والله ابدا، لا يدخلوا ولا يعتبوا واللي ح يدخل ح اكسر رجله؟ مين؟ ايوة ايوة، امي، نسيت)
هناك كلام حول قرار مجلس الأمن الذي لم يتم تفعيله لافتقاده أصلا الي آلية التفعيل‏..‏ وهناك طلب تتبناه بعض الدول علي رأسها اندونيسيا وسوريا باستصدار قرار جديد لمجلس الأمن أكثر قوة من الحالي‏..‏ هل يمكن أن يحدث ذلك؟
نعم يمكن للمجلس إصدار قرارات أخري ولكن القرار الحالي ليس سيئا كما يتحدث البعض لأنه يشير الي الدولتين المستقلتين ويشير الي الجهود المصرية (ههههه هو ده اللي يهمك؟ اسمي مكتوب؟) ويطالب بوقف اطلاق النار ويتحدث عن التهدئة‏..‏ القرار إذن فيه الكثير من العناصر الايجابية‏,‏ ليس كما يجب ولكن لن يمر من مجلس الأمن قرار أقوي من ذلك بكثير‏,‏ ويكفي أن الولايات المتحدة لم تستخدم حق الفيتو واكتفت بالامتناع عن التصويت وهذا في حد ذاته انجاز نجحت فيه الدبلوماسية المصرية والدبلوماسية السعودية وجامعة الدول العربية
(اللي اختشوا ماتوا واندفنوا وتحللوا وزمانهم بقوا بترول، اذا كان اولمرت طالع بيقول كوندي وعدت العرب بانها تصوت لصالح القرار قمت انا كلمت بوش وقلت له: اياك اياك، وهم كمان كانوا عايزين يهربوه مني، قالوا لي ده بيقول خطبة قلت لهم هاتوه على التليفون، ولما حذرته كلم كوندي وقالها تمتنع عن التصويت، وحطيتها في موقف بااااااااييييييييييييييييخ هع هع هع. يعني لولا الملامة كانت استخدمت الفيتو، بس هي قليلة الادب، ما استأذنتش بابا اولمرت قبل ما تتصرف من دماغها)
إذا كان القرار ايجابيا كما تصفه فلماذا ينادي البعض باللجوء الي البند السابع في ميثاق الأمم المتحدة؟
هذا البند خاص بالتدابير التي يجب أن تتخذ ضد الدولة المعتدية‏,‏ والحديث في هذا الشأن كثير ولكن المهم أن لدينا الآن قرار مجلس الأمن‏,‏ وهو في حد ذاته وثيقة قد يري البعض انها ليست ملزمة التنفيذ لأنه لا توجد آلية لها ولكنها وثيقة محترمة ينبغي التمسك بها مثلما تمسكنا من قبل بالقرار‏242‏ لأنه يؤكد أن المنظمة الدولية المعبرة عن المجتمع الدولي طالبت في مرحلة معينة بوقف المذبحة ولكن إسرائيل استمرت في عدوانها‏,‏ القرار فيه دليل ادانة لإسرائيل
(هم ليه محسسينا ان اي اجراء ضد اسرائيل مستحيل ولو على الصعيد العربي؟ اشمعنى فنزويلا وبوليفيا؟ هم مش بني ادمين دول زينا زيهم؟)
لماذا لم تبادر مصر بوقف تصدير الغاز الإسرائيلي كورقة ضغط‏..‏ وما الذي يمكن ان يحدث لو فعلنا ذلك؟
الذين يطالبون بوقف تصدير الغاز لإسرائيل يجب أن يدركوا عواقب هذه الخطوة‏,‏ لأنه اذا كانت هناك عقود اقتصادية مهما كانت درجة توازنها أو العدالة فيها وحتي لو كانت مجحفة بالنسبة لمصر فهي في النهاية عقود تحتاج الي مراجعة بين الطرفين‏,‏ فيمكن لمصر أن تسعي في مرحلة معينة لمراجعة هذه العقود خصوصا مايتصل منها بالأسعار ولكنها لاتستطيع أن تتخذ قرارا انفراديا من جانب واحد بإيقاف تصدير الغاز‏,‏ حتي لوكان هناك حكم محكمة مصرية بذلك إلا أن الأمر يقتضي في هذه الحالة مراجعة الاتفاق المبرم بين الدولتين
(يا راجل، يا راجل احترم مخنا، احترم مخ اي عيل صغير ماشي في الشارع، هي لما دول الخليج في تلاتة وسبعين قطعت البترول كانت راجعت امريكا؟ شفت اخضر كتير وقليل الا الاخضر اللي فوق قبة عينك ده، ثم انت بلسانك معترف انها اتفاقية مجحفة، طب ايه اللي يخليكوا توقعوا على اتفاقية مجحفة انشالله مع السودان؟ فاتحينها جمعية خيرية بفلوسنا؟ ثم ماشي، ماشي، الامر يستلزم المراجعة مع الطرفين، طب مش بتراجعوا ليه؟ مش دلوقت، ما راجعتوش ليه من اول ما القضاء الاداري ابطل الصفقة؟ حسبي الله ونعم الوكيل، اتاري الصحفي سبق وقال مش عارف يتكلم، الواحد لما يبقى مصدوم يبقى مش قادر يتكلم، لكن مش يخرف)
ألا ينطوي الأمر علي خوف من رد فعل إسرائيلي عدواني كما يفتي بذلك الكثيرون؟
إذا تم اتخاذ قرار وقف التصدير في هذه الظروف قد تري فيه إسرائيل نوعا من المشاركة في الحرب.
(انا في موضوع فلسطين ده كنت واخدة قرار اني ما اخدش راحتي في الشتايم عشان يهمني اني اجمع ناس مهما كان لامؤاخذة مخهم صغير، بس الاجابة دي تستلزم كلمة من تلات حروف، هل لو قلتها بتوع التدوين النظيف ح يزعلوا؟ ممكن اعرف من امتى نقض الصفقات الاقتصادية بين الدول بيعتبر اعلان حرب؟ الا اذا كانت صفقة عسكرية، هي فيها شق عسكري؟ انا مش باقول حد يرد علينا؟ امال الحصار يبقى ايه؟ اهو قدامي خالد مشعل بيقول: مش برضه الحصار اعلان حرب وللا ايه؟)
وهل يعني مثل هذا القرار الاقتصادي إخلالا من مصر بتوقيعها علي معاهدة السلام مع إسرائيل؟
إذا استطاعت مصر أن تقدم الأسباب التي توضح أن هذا العقد مجحف من الناحية المالية بالنسبة لمصر فهذا سبب مقبول‏,‏ أما اذا فهم ان السبب فيه شبهة سياسية بسبب رفض مصر للتعامل مع إسرائيل فهنا يكون خرق لمعاهدة السلام
(وبدأ يتساقط الشهداء من السادة القراء، اللي لسة عايش يقرا الفاتحة للي مات، واللي فايق يطلب الاسعاف للي جات له غيبوبة سكر وهو اصلا ماعندوش سكر، طب يا ترى يا هل ترى، مصر ما تقدرش تقول ليه ان العقد مجحف؟ اذا كان انت بتقول ان العقد مجحف، والقضاء الاداري قال انه مجحف، يبقى ليه مش بتقدم اسباب؟
وبعدين تعالى هنا، هي معاهدة السلام كده؟
يعني يا نبيع غازنا ببلاش ونكسر ارادة القضاء الاداري بتاعنا يا اما نبقى بنخرق معاهدة السلام؟ فيه معاهدة في الدنيا تضمن لدولة الموافقة الدائمة والضمنية على كل تصرافتها من قبل الطرف التاني واي اعتراض يعد خرق للمعاهدة واعلان حرب؟ فيه معاهدة في الدنيا كده؟ دول لو بيحكمونا كانوا ادونا شوية حرية تعبير وديمقراطية حسبي الله ونعم الوكيل، حسبي الله ونعم الوكيل في اللي وقعها واللي خفاها واللي جددها، وكاتمين ده كله علينا؟ هي دي معاهدة السلام اللي جابت لنا مش عارفة ايه؟ لسة فيه بقى مخاليل شايفين خير في بصل الحر والصنان؟ لسة ح نقول تاني ان كل القرف اللي كل العالم العربي فيه سببه بصل الحر والصنان؟ حسبي الله ونعم الوكيل، الله لا يسامح اي حد عمل فينا كده، وقولوا لنا كل حاجة مرة واحدة، بطلوا تنقطونا بالحقايق في وسط الكلام)
امتناع مصر عن حضور قمة الدوحة قوبل باتهام من البعض بأنه نوع من الانقسام في الصف العربي‏..‏ لماذا لم تشارك مصر برأيك؟
هناك قمة طبيعية سوف تعقد في الكويت يوم‏19‏ المقبل‏,‏ فكيف تدعو الي قمة عربية قبلها بثلاثة أيام؟‏..‏ من الذي يحدث الانقسام هنا؟ قمة الكويت يجري الاعداد لها منذ عام كامل وتستطيع ان تناقش فيها كل ماتشاء‏..‏ من الذي يحاول الانقسام الذي يحاول أن يسحب الحضور من القمة الطبيعية من أجل الدعاية والإعلان لنفسه‏..‏ أم أولئك الذين سيذهبون الي القمة التي جري الاعداد الجيد لها؟ الدعوة الي قمة الدوحة أمر غير مقبول وغير منطقي علي الاطلاق اذن موقف مصر هنا موقف الاتزان وليس العكس
(انا ح اسيب لكوا التعقيب على الكلام ده بما يمليه عليه ضميركم)
برغم مساندة مصر والمجتمع الدولي لرئيس السلطة الوطنية الفلسطينية فإن أداء محمود عباس أبومازن في الأزمة ساهم في تأزيم القضية مثلما فعلت حماس‏,‏ هل انت راض عن أداء أبومازن؟
كان علي أبومازن أن يتعامل مع القضية كرئيس لكل الفلسطينيين وليس مسئولا عن فصيل واحد منه فكان يجب ألا ان يكون طرفا في الصراع ولكن أن يكون حكما فيه وأعتقد أن هذا خطأ كبير وقع فيه أبومازن والقيادة الفلسطينية
(يا راجل؟ يا رااااااجل؟ طب هو اتخانق ودخل نفسه في صراع فصائلي، مين بقى الدولة المجاورة، اللي صغرت نفسها وحشرت نفسها في صراع فصائلي وقللت من نفسها ومن غير مناسبة عادت فصيل فلسطيني وقلبت الدنيا كلها عليه؟ مين يا ترى مين؟
بسم الله الرحمن الرحيم: الاجابة بوركينا فاسو)
دكتور مصطفي‏..‏ هناك التباس في الشارع المصري‏..‏ وهناك أكثر من خطاب مصري في التعاطي مع مأساة غزة‏,‏ الخطاب الرسمي لم يعبر بالضرورة عن رجل الشارع‏..‏ ومجلس الشعب لم يعكس فوران الشعب الذي يمثله‏..‏ كيف تقرأ هذا المشهد الملخبط
(ملخبط؟ ملخبط يا حزين؟ يعني ربنا ح يعمل فيك ايه اكتر من انك حزين؟ طب ما كتبتش ملغبط ليه)
كلامك صحيح‏..‏ وأعتقد أن قوي مصرية كثيرة تحاول أن تستثمر مايجري في غزة لكسب أرضية في الشارع المصري‏.‏ هذا الأمر أدي الي حالات من التداخل في المواقف‏,‏ الموقف الرسمي لديه رؤية تقوم علي أن لإسرائيل أطماعا معينة في سيناء وأن هناك محاولة لتصدير مشكلة غزة الي مصر‏ (ياناس على اخر اليوم ح اقرع من كتر ما باشد شعري، لما اسرائيل بتهددنا ولها اطماع في سينا، يبقى المفروض اننا نبيع لها غازنا حاجة ببلاش كده ونشاركها في حرب ضد فلسطين؟ وللا المفروض اننا ندعم المقاومة على الاقل عشان تشغلها عننا شوية؟ على الاقل عشان دول بيحموا حدودنا؟),‏ أضف الي ذلك أن حماس لم تكن متجاوبة مع دعوة مصر للتهدئة (ايوة كده هات من الاخر، ليه وليه حماس تتني لكم كلمة، يعني تجبروها تنضرب من اسرائيل وتتحاصر ويتقتل لها ستة في فترة التهدئة وما تردش، ليه؟ هو انتوا فاكرين كل الناس اذلاء وجبناء زيكوا؟)‏,‏ كما أن حماس اختزلت الي حد كبير مفهوم القضية الفلسطينية ككل في فصيل واحد‏,‏ بالاضافة الي حساسيتنا من قيام إمارة اسلامية علي حدودنا والتنسيق والتناغم القائم بين حركة حماس وجماعة الاخوان المسلمين
(حسسسسسسسسسسسسبي الله ونعم الوكيل، اشتم بايه؟ ربنا موجود، ح يعمل فيك ايه اكتر من انه دافس مناخيرك لجوة وشك، يعني ما عندكش حساسية انك تصدر الغاز بشروط مجحفة على قولك، ما عندكش حساسية انك تبقى ملتزم باتفاقية تجبرك تقلع ملط واي مخالفة لرغبات اسرائيل تبقى اعلان حرب وتنضرب زي الجزمة، ما عندكش حساسية اصلا ان يبقى على حدودك كيان عنصري استيطاني متوحش بيقصف الاطفال بالقنابل الفسفورية وعندك حساسية من وجود امارة "اسلامية" على حدودك؟ يا سيدي اعتبر الاسلام زي اليهودية، وللا ما يشبهش اليهودية؟ ياسيدي اعتبر الاخوان المسلمين زي اسرائيل، وللا ما يشبهوش اسرائيل؟ ليه؟ دول حتى عمرهم ما قتلوا عيل)
فهناك نوع من الاستثمار المتبادل بينهما في ظل هذه الظروف‏,‏ ولكن الشعب المصري في مجمله يدعم الكفاح الفلسطيني بغض النظر عن ألوانه وأطيافه ومعتقداته‏,‏ ونحن نري أن هذا الكفاح مشروع وأن إسرائيل دولة باغية معتدية (يا نهار اسود، يا نهار اسود، ايه يا سي لطفي، لا مؤاخذة يابني، اصل انا عندي شعرة، ساعة تروح هاااااا وساعة تيجي، ولما هي دولة باغية ومعتدية، ولما الكفاح مشروع، ليه المكافحين يتحاصروا وغازك يتصدر للباغي المعتدي؟ يا ناس ح اموت، باقول لكوا ايه؟ لما اموت ترفعوا قضية عليه، اعرفوا انه هو اللي قتلني مع سبق الاصرار والترصد، مش مسامحاه، مش مسامحااااااااه على اللي عمله فيا)‏,‏ من هذا المنطق بدت هناك وجهتا نظر في الشارع المصري‏,‏ الكل بدءا من رئيس الدولة الي أصغر مواطن يتألم ويحترق وغاضب مما يجري هناك‏,‏ ولكن هناك جزء آخر من الناس متحسب للمخطط الذي تجري حياكتها لاستهداف الوطني المصري‏,‏ وعندئذ يجب أن يكون شعارنا جميعا مصر أولا‏,‏ هذا الاختلاف بين الموقفين هو الذي أدي الي حالة الاضطراب والبلبلة التي تتحدث عنها
لكن الكثيرين يرون أن مصر هي التي اختزلت مايجري في غزة علي انه مواجهة بين إسرائيل وحماس وبالتالي لم يكن موقفها الرسمي داعما للفلسطينيين في بداية الهجمة الشرسة
ماجري هو نتيجة طبيعية لانقلاب حماس في منتصف يونيو‏2007,‏ هذا الانقلاب هو الذي أوجد مشكلة المعابر مثلا‏,‏ يعني مشكلة معبر رفح هي أحد المطاعن الرئيسة التي يحاول بها بعض العرب وغير العرب التشكيك في الدور المصري(لا معلش، فهمني انقلاب حماس ماله ومال انك تقفل المعبر؟ اولا حماس انقلبت ازاي وهي حكومة منتخبة وياريتهم ما عملوا في نفسهم العملة دي وانضحك عليهم وصدقوا في نزاهة الانتخابات وينعل ميتين ام دين ام الديمقراطية في الارض، ثانيا ايه دخلك انت في صراع داخلي ما بين ناس وبعضها؟ مالك انت تدخل وتاخد صف فصيل على فصيل تاني؟ وازاي الاغاثات الانسانية داخلة وخارجة ياراجل يا كداب ده انتوا قفلتوا على الناس وشفتهم بعنيا اللي دخل عندنا مش عارف يخرج واللي عايز يدخل يتعالج في مستشفى مش عارف يدخل والكلام ده من اكتر من سنة)‏,‏ ومن الخطأ أن تناقش النتيجة دون مناقشة السبب الذي أدي إليها‏,‏ في النهاية هناك أمن قومي لمصر‏,‏ ومع ذلك فالمعبر مفتوح في أثناء العمليات من أجل الاغاثة والمؤنة الطبية والاغذية‏.‏ للأسف الكثيرون لا يعرفون ذلك‏..‏ لا يعرفون أن جزءا كبيرا من تضحيات مصر في غزة لا يعلمه أحد‏,‏ ويكفي أن أقول لك انني كنت في واشنطن منذ عام وفي الكونجرس كانت الاتهامات تطالنا بشدة بسبب موضوع الأنفاق وتحدث معنا بعض النواب بجسارة لاتخلو من وقاحة عن الرغبة في تطبيق عقوبات علي مصر بسبب اغماض عينيها عن تهريب الاسلحة لغزة عبر الأنفاق‏,‏ ولعلمك اكثر من‏80%‏ ممايدخل غزة من معونات انسانية وأغذية عبر من خلال معبر رفح (انا متأكدة من كده، ماهو عشان كده مافيش حاجة بتدخل لهم اصلا)‏,‏ ولكن محاولة لطمس ايجابيات الدور المصري والتركيز علي بعض الأقاويل والأحاديث إلي حد اتهام مصر بالتآمر لمجرد أن تسيبي ليفني وزيرة خارجية اسرائيل كانت في زيارة للقاهرة قبل العدوان
(على رايك، الست جاية تودنا وتاخد فنجان قهوة معانا، يا قهري على اللي عملوه فينا يا قهري، بريه منهم بريه)
لكنني لا أتصور أن ذريعة الأمن القومي المصري أكبر من حماس وقيام إمارة اسلامية علي الحدود‏..‏ الأمن القومي المصري كما تعلمنا في المدارس أبعد من ذلك كثيرا ؟‏.‏
(اهو، حتى الحزين نطق)
لا‏..‏ المسألة ليست حماس بل الخوف من المخطط الاسرائيلي الذي لاتدرك أبعاده حماس نفسها‏..‏ هل يمكن أن تحل مشكلة الاراضي المغتصبة للفلسطينيين علي حساب أراض عربية؟


(طب ممكن حد يفهمني الحكاية دي؟ ممكن حد يفهمني ازاي دولة عندها اطماع فيا اقوم بدل ما اغذي المقاومة اللي بيني وبينها اطرم المقاومة واقص ضوافرها عشان وقت ما تحب تنفذ اطماعها يبقى مافيش عائق ما بيني وما بينها؟ هي الاطماع محتاجة ذريعة؟ دي اسمها اطماع، يعني يرضيني وح تنضرب، وهم بيقولوا لنا في وشنا ان اسرائيل لها اطماع في سينا، وده معناه انها ان آجلا او عاجلا ح تاخد خطوات عشان تحتل سينا، اقوم انا بذكائي امهد لها الطريق وانزع سلاح المقاومة! وهي حماس اللي مش فاهمة الابعاد مش كده؟ حد يلحقني بدوا القلب، عندي ضغط عالي واطي)
أرضه ضائعة وأنت تقاتل من أجله في خمس حروب وتدفع‏120‏ ألف شهيد وتتحول من واحدة من أغني الدول العربية الي واحدة من أفقرها ثم تكون النهاية أن يكون الحل علي حساب خريطتك التي لم يعبث بها علي مدي ستة آلاف سنة‏ (على فكرة النغمة دي مش واكلة مع اي حد خالص، خالص يعني، ولا حتى اوسخ اوساخ في الدنيا النغمة دي واكلة معاهم، احنا ح نقعد نقرا في سورة عبس؟ ولا عمرنا حاربنا عشان فلسطين غير في الوكسة الاولانية وما كناش لوحدنا كانت جيوش عربية كلها وياريتنا ما اتدخلنا ولا وكسناهم، السؤال التاني، نسبة الفقر دلوقت اعلى وللا سنة سبعة وستين اللي هي سنة الهزيمة؟ لا تعليق)..‏ هذا أمر غير مقبول بالتأكيد‏..‏ أمن مصر القومي في حطين وعين جالوت في الشام والحدود التركية العربية‏..‏ نحن نعلم ذلك جيدا ولكن الاستهداف الآن هو استهداف اسرائيلي وللأسف الاشقاء في حماس (دلوقت بقوا اشقاء؟ مش من شوية كانوا امارة اسلامية غير مقبولة وانقلابيين؟ يا اخوانا والله العظيم سي لطفي) لايدركون ذلك وينساقون وراء مواقف دعائية مرحلية وانقسام فلسطيني أدي إلي مانحن عليه
‏تفاعل مجلس الشعب المصري ـ وانت احد رؤساء لجانه ـ كان أقل كثيرا من المأمول كونه المرآة لمايحدث في الشارع‏.‏ لم تأخذ القضية مكانها في الصدارة وحين حاول البعض فرض ذلك ظهرت لغة الأحذية والملاسنات والانقسامات هل انت راض عن ذلك يادكتور؟
أختلف معك في هذا الحكم‏..‏ لقد تحرك المجلس بشدة في هذا الموضوع وبعث برسائل رسمية إلي كل البرلمانات في العالم أجمع وهي خطابات شديدة اللهجة قال في أحدها الدكتور فتحي سرور وكانت موجهة للاتحاد الأوروبي‏:‏ كيف تدخلتم لإنقاذ الضحايا في البوسنة وكوسوفو ولا تفعلون نفس الشيء الآن‏..‏ هل هي ازدواجية معايير‏..‏ هل الانسان الأوروبي أغلي من الانسان الآسيوي؟ (اووووف يا واد يا شريز ده زمانهم ح يموتوا من الرعب دلوقت، الله يكون في عونهم، ليه القسوة دي ما عندكمش رحمة؟) هذه نقطة‏..‏ النقطة الثانية هناك لجنة مشكلة من لجان الشئون العربية والدفاع والأمن القومي والشئون الخارجية أتشرف برئاستها وتعتبر نفسها في حالة انعقاد دائم وعقدت عدة اجتماعات فتح خلالها باب النقاش لكل التيارات في المجلس وسمعت فيها انتقادات حادة حتي للموقف المصري نفسه وفتحت جلسة كبيرة داخل البرلمان في جلسته الاساسية للأحاديث في مناقشة عامة حول نفس الموضوع عندما كان هناك حديث عن بعض الاستجوابات كان صاحب كل استجواب يحرص علي بدء حديثه عما يحدث في غزة (ايه الحراك النشيط ده؟ ايه القوة دي كلها؟ اتنقاشتوا؟ وليه كده تحرقوا سعرات حرارية كتير؟)‏..‏ بالعكس البرلمان يعبر عن الشعب الساخط الغاضب
نأمل يادكتور أن يشهد المجلس وهو بصدد قضية قومية انصهارا بين الجميع في بوتقة واحدة كما حدث في كل المواقف التي تشبه هذا الموقف لكن يبدو أن الانقسام هو عنوان مايجري بيننا وحولنا
(ايه بلطقة دي؟ انا احب اشكر الاينسان البيني ادم ويا تبنوا لهم بيوت يا توفروا لهم الكلة)
الممارسات البرلمانية في الاسبوع الأخير كانت خارج السلوك البرلماني القويم وكان بها رفع للأحذية من عضوين ينتميان الي الاخوان وخروج عن الاعراف والتقاليد البرلمانية المحترمة‏.‏ نحن نعلم أن كل البرلمانات لا تخلو من الخلافات ولكن اللجوء الي الحذاء بمايمثله من امتهان في الثقافة العربية للمؤسسة التي ننتمي اليها والقبة التي نتحدث تحتها والاشخاص الذين نتوجه بحديث الحذاء اليهم‏,‏ وقد اجتمعت اللجنة العامة اليوم واصدر رئيسها الدكتور فتحي سرور بيانا يعيد فيه التذكير بالغضب والرفض لجرائم اسرائيل ويشير ايضا إلي أن الممارسات البرلمانية في الايام الأخيرة لم تكن ترقي الي مستوي الحدث بسبب التصرفات غير المسئولة من بعض الاعضاء غير المسئولين وذلك نتيجة التداخل بين الاستقطاب الاقليمي والمواقف الوطنية‏.‏


(هو طبعا ما ينفعش الجزمة تترفع، لان حد يرفع الجزمة على جزمة؟)
أنا أرحب بكل من يقف علي الارضية الوطنية ويختلف في الرأي ولو اختلف‏180‏ درجة ولكنني أرفض تماما أن يكون أي تفكير يخضع لأجندة خارج الاطار الوطني لأن فكرة الوطن عندي محددة ومصر في ذهني أولا ولذلك جزء كبير جدا من الخلاف في البرلمان كان ناجما عن هذه النقطة ولكن يجب أن يستقر في ذهننا أن حماس ليست هي كل فلسطين وأن الاخوان ليسوا هم كل مصر‏
(وانا مناخيري اولا لو سمحت)
..‏ هذه قوة سياسية وشرائح نتعامل معها ونبادل الرأي ولكننا لانسمح لأحد باحتكار مفهوم الغضب من أجل الفلسطينيين والعطف علي قضيتهم‏(فيه في الدنيا كده؟ فيه حاجة اسمها احتكار مفهوم الغضب من اجل فلسطين؟ هو مافيش حد في الحكومة دي بيقول جملة مفيدة؟)..‏ قضية فلسطين هي قضية المصريين جميعا مسلمين ومسيحيين‏..‏ أغنياء وفقراء‏..‏ شبابا وكبارا‏..‏ هي القضية التي عاش عليها المصريون وناضلوا من أجلها علي امتداد ثمانية عقود (طب اللي ناضل وضحى من اجل فلسطين يرفع ايده، انا شخصيا ما حصليش الشرف، وللا انا مش مصرية؟ انا عايزة مواطن واحد بس من سن عشرين لسن خمسة وستين سنة يقول لي انه تضرر بسبب كفاحه من اجل فلسطين)‏.‏
وأنا أظن الآن أن الذين يتطاولون علي رموز مصر وعلي علم مصر غير مدركين طبيعة المصريين اننا قد نختلف مع الحكم في الداخل أما عندما تمس مصر ككيان ينتفض الجميع ويشعرون بالغضب
(انت مختلف مع الحكم؟ وبتتكلم نيابة عن المصريين ليه؟)
يادكتور كلنا بالفعل نعشق هذا الوطن‏..‏ مصر لكن الجملة التي جرت علي لسانك بأن مصر أهم من الإسلام كانت صدمة لكثيرين‏..‏ انت كنت توجه هذه الجملة لنا أم للعرب؟
كنت أوجهها بالطبع لغير المصريين ولم تكن مخططة ولكني كنت أقول في الجلسة مصر أولا فرد علي أحد الاعضاء بقوله‏:‏ لأ‏..‏ الاسلام أولا‏..‏ (لا الغدا اولا والعشا بالليل وانا مش بافطر، ابو اشكال الغباوة) وفي يقيني انه لا علاقة بين الاثنين في الصورة التي حدثت بدليل أن القرآن الكريم يقول يا أيها الناس انا خلقناكم من ذكر وانثي وجعلناكم شعوبا وقبائل لتعارفوا فكرة التقسيم لشعوب وقبائل تعني المواطنة والوطن (ما شاء الله، ايه التفسير التطبيقي الحداثي للقرآن ده؟)‏.‏ والنبي صلي الله عليه وسلم ناجي مكة بلده الاصلي قائلا‏:‏ والله أنك أحب بلاد الله إلي ولولا أن قومك أخرجوني ماخرجت‏.‏ إذن فكرة الوطن فكرة مستقرة في الوجدان الاسلامي‏..‏ انما إذا أردت أن تقول مثلما سمعت من بعض المسئولين في حماس‏:‏ لاتعنينا غزة‏..‏ ولا تعنينا دولة فلسطينية ولكن يعنينا‏.‏ دولة اسلامية كبري‏.‏ هنا نقع في فخ ضياع الحقوق في ظل شعارات هلامية غير مقبولة دوليا‏..‏ هذا كان الدافع لي للرد لترشيد الفكرة وليس أمرا يعادي الاسلام
(آآآآه هو انت كمان الواد منصور...ما بيجمعش، ولا فاهمة منك حاجة، الحقيقة انا مش من دراويش حماس ولا حاجة، وكان عندي اعتراض اصلا على دخولهم الانتخابات مدام هم مقاومة، لكن عمري ما سمعت منهم موضوع انا لا يهمني فلسطين ولا يهمني غزة انا يهمني امارة اسلامية كبيرة، وبعدين انا الدنيا علمتني ما ادورش في مين قال ايه ومين ما قالش، الحقائق بالافعال، يعني انا شايفة اهو، اللي بيموت عشان وطنه مين، واللي بيهلب وطنه وجاب له الفضيحة والعار مين، ولو واحد عمال يقول لامه: يا ست الكل، انتي على راسي، المهم رضاكي، وهو ما بيبصش في وشها غير مرة في السنة، وراميها في دار المسنين، ما ينفعش يتقال عليه بار بامه اكتر من اللي قاعد بامه ياكلها ويشربها ويديها الدوا ويسهر على راحتها حتى لو ما بيعرفش يتكلم)

لماذا رفضت حماس المبادرة المصرية؟
لأن هناك إخوة عربا أشقاء يعبثون في آذانهم دولا عربية صاحبة مصلحة في ضرب الريادة المصرية
(طب وهي الدول العربية بتعبث في ودانهم ليه؟ ما يجيبولهم قطن ينضفوا ودانهم ولا القرف ده، ريادة مصرية؟ انت مصدق نفسك؟ اذا كنت انت بلسانك بتقول ما اقدرش اعترض على صفقة مجحفة ولا اقدر افتح بقي ولا حتى اتناقش معاهم احسن يفتكروها اعلان حرب ويرنوني علقة، فيه دولة ميتة في جلدها وبتلزم نفسها باتفاقية اذعان زي دي ويبقى لها ريادة؟ طب هم بيعبثوا في ودانهم وانتوا بتشخوا في مخنا جتكوا القرف، منكم لله، منكم لله على اللي عملتوه فينا، حسبي الله ونعم الوكيل في اللي ذلنا وفرج علينا الناس)
دكتور مصطفي‏..‏ كيف يمكن ان تنتهي هذه الحرب؟
هناك أكثر من سيناريو لذلك‏,‏ البعض يري أنها لابد أن تنتهي قبل وصول أوباما الي البيت الأبيض‏,‏ والبعض الأخر يقول إن هناك قائمة أهداف إسرائيلية‏,‏ تسعي لتحقيقها وفور الانتهاء منها سوف تتوقف الحرب‏,‏ كبعض الاغتيالات للقيادات الفلسطينية وضرب البنية الأساسية لحركة حماس‏.‏ ولذلك أطالب الأخوة في حماس بأن يثقوا في قيادة مصر وأن يؤمنوا بأن مصر هي صاحبة المسئولية التاريخية عن هذه القضية‏,‏ وبالتالي لايمكن اختزال القضية في معابر بينما هي قضية وجود وشعب ووطن لأن فكرة الوطن فكرة مهمة‏,‏ والفارق بيننا وبين الأخوة في حماس أنهم لايرون مفهوم الوطن إلا في حدود الدين‏, (وعشان كده بتطلعوا دينهم وبتجوعوهم، ما تقعدوش بقى تتكلموا في المعبر والكلام ده، احنا مؤمنين بالوطن! طيب ايه تناقض الوطن مع ان الناس تاكل ويدخل لها دوا؟ ده بيفكرني بمدير كان عندنا في الشغل عمال يأخر الفلوس ولما كلمناه قال لنا: ‏ مش عيب تكلموني في الفلوس؟ هو انتوا بتشتغلوا عشان الفلوس؟) بينما نحن نري أن الوطن شيء أساسي‏,‏ الإسلام نفسه دعا إليه
(وهو مفهوم الوطن يخليك تبيع غاز وطنك برخص التراب؟ مفوهم الوطن يلزمك باتفاقية تخليك خايف تهرش احسن اسرائيل تعتبرها اعلان حرب؟ مفهوم الوطن يخليك تقبل ان اسرائيل تقصف حدودك وتخترق مجالك الجوي؟ مفهوم الوطن يخليك تقفل حدودك عشان جات لك اوامر انك تقفلها؟ ومالكش اي سيادة على حدودك؟ مفهوم الوطن يخلي الريس يطلع لنا في وشنا يقول اللي بيدخل باخطر اسرائيل واللي بيخرج باخطر اسرائيل والا ح ييجوا ويفتشوا بنفسهم وهم مراقبين الحدود بالكاميرات؟ كل ده مالوش علاقة بالوطن والسفارة اللي ياما ذلت المصريين واللي بالنسبة لهم في الغربة السجن احسن منها هي بقت الوطن؟)
أرجو أن تخلصني القول يادكتور في هذا السؤال الذي يجري علي ألسنة الكثيرين مصريين وغير مصريين‏:‏ هل فقدت مصر بموقفها الأخير ريادتها وقيادتها ودورها الذي كانت تقوم به عبر مئات السنين؟
(هههههههههههه طب انا اعمل ايه دلوقت؟ اعمل ايه في الحزين اللي بيسال والحزين اللي بيجاوب؟)
أريد أن أذكر الجميع بأن جمال عبدالناصر بقامته العالية هوجم ومات وهناك شتائم فلسطينية ضده الي الحد الذي جعله يغلق اذاعة فلسطين في القاهرة‏..‏ السادات تعرض للموجة الثانية للهجوم بسبب كامب ديفيد‏..‏ ومايحدث الآن هو الموجة الثالثة وهذا هو قدر مصر‏.‏ الكبير يتحمل انتقادات الاصغر دوما‏..‏ أنا غير منزعج لهذا وأراه أمرا طبيعيا
(بسبب كامب ديفيد؟ بسبب كامب ديفيد؟ دول كانوا بيشتموا وهم مش عارفين يا اخويا، كان بيشتموا وهم مش دريانين يا مصيبتييييييييي امال لو كانوا عارفين بالكوارث اللي احنا عمالين نكتشفها في كامب ديفيد كل يوم وتقولوهالنا في وسط الكلام كانوا عملوا ايه يا لهوتيييييييييييييييييي)
أما عن حكاية تراجع الدور المصري فسببه أن آليات الدور اختلفت‏..‏ كانت ريادة مصر من قبل ثقافة وتعليم واعلام‏,‏ الأمور هذه أصبحت شائعة الآن في المنطقة‏,‏ وعليك أن تبحث عن بدائل إذا اردت استعادة هذا الدور وربما تكون التجربة الديمقراطية إذا نمت ورعاية حقوق الانسان واتساع مساحة الحريات‏..‏ ربما تكون هذه الامور هي أدوات الريادة الجديدة في مصر‏..‏ من يعلم؟‏!!.‏
(اييييييييوة هي التجربة الدنماركية دي اللي ح تخلي الناس تجري ورانا.....بالشبشب)
ايها الاخوة المواطنون، بالنسبة للي مات، الله يرحمه، بالنسبة للمصابين والجرحى واللي في اودة الانعاش، ارجو انهم يسامحوني في اللي عملته فيهم، لكن انا بانزل على راي الجمهور وباعتمد الاسلوب الديمقراطي في ادارة المدونة
بالنسبة لي انا
ابقوا اطمنوا عليا على بالليل كده

33 comments:

خيرالدين said...

(لا يعرفون أن جزءا كبيرا من تضحيات (
مصر في غزة لا يعلمه أحد

؟؟؟؟
أما بالنسبه للاخ عاطف فانا شفت له حلقه مع فيصل القاسم عن الدراما قصاد مخرج سورى
وبصراحه كان قايم بدوره على اكمل وجه وكان حافظ الجمل التاريخيه زى
الرياده المصريه
نحن من علم العالم
وهوليود الشرق
....
هو احنا ينفع نحاكم أسامه سرايا

Anonymous said...

يا شيخة حرام عليكي .
هي ناقصة قرف ؟ ولا ده بني آدم حد يسمعه بعد فضيحته في الانتخابات الماضية فضيحة المطاهر يوم طلوعه على المعاش..

V.Hayat said...

قمة " حسبى الله ونعم الوكيل " انتهت على ايه انصاف قادة ومطلوبين من محكمة العدل الدولية واخر رئيس بانقلاب عسكرى وواحد ورث ابوه وشوية متسولين من حماس كفاية اللى مصر فيه زى المثل اللى فيها مكفيه وسلام على غزة والفلسطنيين وموجودين كتير منهم فى مصر يذهبوا ليحرروا بلادهم وكفاية على مصر كده ونعمل سور بين وبينهم ما جاه لمصر الا وجع الدماغ ما احنا مات عندنا فوق 1000 انسان فى عبارة غرقت حد عمل شى
وسلامى للعرب اللى حس نفسهم شى بلد كورنيش وعمله فيها دولة مين قطر فين قطر من قبل شوية اقزام ما يفهمون شى دول شارع من شبرا ولما هما دمهم حار يغلقوا المكتب التجارى الاسرائيلى وقاعدة العيديد وكل واحد يعرف حجمه واسف لرفع ضغط الدم عندكم وعقبال قادة حماس اللى قاعدين يضحكون فى الدوحة وشعبهم يموت حسبى الله ونعم الوكيل اللى يحكى على مصر

TAFATEFO said...

والله العظيم أنا برضه لما قريت المقدمة اللوذعيه بس رميت الجرنال .. مقريتش ولا حرف في الجرنال غير مقدمة البتاع ده

ولما لقيت اسمه عاطف حزين .. قلت ربنا يجعلك من اسمك نصيب

Anonymous said...

يا حاجة، سيبك مالحمار ده وركزي هنا..

عايزين للضرورة القصوى ننشر الفيديو ده:

http://youtube.com/watch?v=vHcts4YgD00

بس مش بيننا احنا، عايزين ننشره بين الأعداء..

وعدي عليا في مدونتي لمزيد من التفاصيل..

مواطن مصري said...

الراجل دة بيقول سعات كلام حلو و كلام وحش انا اتفق مع المقال ب نسبة 50 في المية

3asheg.nawara said...

لسه زعلان
طب أهي جطر و مورتانيا الخونة دمدوا العلاجات مع الصهاينة. بردك بيساعدم البلساريوم؟

mido said...

حياة

انت بتقولى قادة حماس اللى قاعدين يضحكوا فى الدوحة
!!!!!!

انت بتهذرى ؟ صح ؟
اكيد بتهذرى ؟

الراجل لسه دمه سخن يا استاذة طب اصبرى شوية

وبعد كده افتحى الاسطوانة المشروخة بتاعة قادة حماس فين ؟

Anonymous said...

يا الللي اسمك حياة

بدل ما تنتقدي قطر قولي لنا بلدك عملت ايه ؟؟

وبعدين انت ايه علاقة امثالك بالقضية الفلسطينية اصلا ؟

انت سواء كنت ذكر او انثي عاملي مدونه كلها بتتكلم عن الجنس وجاي تفتي ؟؟
ياعم روح ربنا يهديك او ياخدك علشان نستريح من امثالك

Anonymous said...

اى
اىىىىىىىىىىىىىىىىىىىىىىىىىىىىى
اىاىاىاىاىاىاىاىاىاىاىاىاىاىاىاى
اااااااااااااىىىىىىىىىىىىىىىىىىىىى
بصراحة مقدرتش اكمل اكتر من اربعها
كدة يا شيخة
والله حرام عليكى
طب انا قلتلك انشرى
يسسسسلام
تخدى بكلامى
يا ستى عيل وغلط
معايا شهادة معاملة اطفال
كدة
كدة
ادعى عليكى دلوقتى
يالهوى
يلهووووووى
اية دة
اشتم اقول اية
مش لاقى فى ترنش القذارة حاجة تليق
افففففففففف
لو قلتلك تانى مرة انشرى حاجة من دى
اوعى تسمعى كلامى
ابقى ابن ستييييين كلب

احمد سعيد

TAFATEFO said...

أنا مش فاهم حضرتك بتعرفي تقري الكلام ده ازاي .. برضه رواية تيس عزازيل

أنا كنت حاولت أقرا أول صفحه والله معرفتش .. وبعدين لما حضرتك قولتي بتقريها قلت أحاول تاني وأقف عند أول صفحه ومعرفش أكمل .. بقف عند بداية الكلام عن السيدة آمنة

ازاي يعني؟؟ بتسدي مناخيرك ولا بتعملي ايه بالظبط؟؟

مواطن مصري said...

انا ليا سؤال صغنن ممش عارف لية مش عاجبك مبداء مصر اولا مصر للمصرين

Anonymous said...

خير رد على كلام مصطفى الفقى جزء من كتاب قلمين لبلال فضل
"تفاخر حكومتنا المباركة العالم كلة باهتمامها بذوي الاحتياجات الخاصة والمعاقين ذهنيا.وحق لها أن تفخر، ففي عهدها أصبح أكثر من 99 بألمائة من المصريين من ذوي الاحتياجات الخاصة . أما عن الاهتمام بالمعاقين ذهنيا فيكفى أن مصر هي الدولة الوحيدة التي تسمح لهم بالوصول الي مراكز اتخاذ القرار" وعمو الفقى واحد من المعاقين ذهنيا ربنا يصبرنا على ما بلانا ان شاء الله ولنا الاجر والثواب والمغفرة وحسبى الله ونعمة الوكيل

Anonymous said...

عاجل على الجزيرة :

رايس تعلن التوصل لإتفاق بين أمريكا وإسرائيل وقوى إقليمية لمنع تهريب الأسلحة إلى غزة .

Anonymous said...

كنت انشليت فى دراعى ياشيخة قبل ماكنت اكتب لك انشرى بس ارجع واقولك ان الكلام المستفز ولى الحقائق والباس الباطل ثوب الحق هى اهم مايميز صاحبنا المعمص-------------دودو

مهندس مصري بيحب مصر said...

الفقي الصايع ده اللي زور الإنتخابات بتاعته عندنا
اللي كل دمنهور بتكرهه
اللي قال ساعة الفرز بالليل قبل ما النتيجة تتزور له
قال على الهواء مباشرة في التلفزيون
أنا عشت أشد أيام حياتي مرارة في دمنهور
اللي كان واقف قدام الحزب الوطني في دمنهور و عامل مؤتمر إنتخابي حاضره 200 نفر
و كان قدامه مؤتمر الدكتور جمال حشمت فيه 30 ألف واحد

بلا مسخرة
الراجل ده ساقط من نظري من زمان قوي المزور البجح ده

ربنا يآخده

Rania Lelah said...

لا اله الا الله
ايه الراجل ده
لا و شكله مقتنع بالكلام الى بيقوله و عايز كمان يقنعنا
على اساس اننا محو اميه او عيال لسه بنحبى

مفيش اى احترام لعقول و ذكاء الشعب يا اخوانا
************
المهم اخبارك ايه دلوقت
اصمدى اكيد لسه التقيل ورا
ماهو الحرب دى هتورينا الى عمرنا ما شفناه و لا عارفناه

حسن على said...

مهندس مصرى حدد مفتاح شخصية مصطفى الفقى فهو مزور يحمل درجة الدكتوراة. فهو يقول مقدمات منطقية سليمة ويبنى عليها نتائج مزيفة ويخلط ابو قرش مع ابو قرشين ليناسب مايريد ان يخلقة من"تأثير او انطباع" وربما ظن ان ذلك يضعة فى مدرسة الانطباعين ويصبح زميلا لفان جوخ. ان "كلام" الفقى لايصمد لأبسط تحليل لغوى وسيبك من سياسى حتى.وربما احتاج الفقى ل"ششم الديك"علة يرى الحقيقة التى يتجنب رؤيتها عن عمد وعن قصد وعن غرض. يانوارة منك للة ياشيخة ... واللة جالى صداع نصفى بعد قرائة ماقالة الفقى وهو يحاول ادخال البغل فى الابريق

Anonymous said...

يا ست انتي حرام عليكي انتي بيجيلك نوم ازاي من اللي بتعمليه عماله تشنعي ع الراجل
انتي هبلتيني يا ست
انا هركب عربية كارو واكتب عليها من ورا جمرك بورسعيد
الا بالحق ليه معلقتيش ع الاخ طلعت السادات اللي بيقول اقطعوا انابيب الغاز اللي رايحة اسرائيل كانت نازلة في الدستور من ااربع ايام متهيالي انتا يا طلعت اااااااااااااااااااااااااااااااااخر واحد تقول كده
ولا انتي ايه رايك

Unknown said...

ههههههههه
طلعت السادات قال كده؟

والله فعلا اللي اختشوا ماتوا واندفنوا وزمانهم بقوا بترول

Anonymous said...

علي يدي يا طلعت لما السفير الاسرائيلي جالك في بيت عمك اللي عملته متحف الشمع قصدي متحف الشهيد
وقال ايه بيعديني
يووه قصدي قال السفير كان رايح يقولوا تعيش وتفتكر
وخدني المولي عز وجل علي راي الشيخ كشك لو كنت بكدب

Unknown said...

ياختي ومن غير ده كله
هو مين اللي ورطنا كلنا الورطة السودا دي عشان غاوي استعراضات
ما كان يعمل الفوازير بدل ما يشتغل رئيس جمهورية ويخرب بيتنا

Anonymous said...

لا لا لو سمحتي شحاته المعسل دا بلدياتي محبش حد يغلط فيه
يعني يرضيكي نجيب محفوظ يقول عليه(هيئة نابليون وشخصية شارلي شابلن)هو يعني عشان انيق وبيتابع فاشون تي في
يبقي عيب؟؟؟
طب بزمتك مش لو كان عايش دلوقتي كان زمانو قال
اااااأأأ أااا
مش عارفة يا تري كان قال ايه

Unknown said...

لا شيخة حرام عليكي ده لو كان عايش كان خرب بيتنا رغي

احنا دلوقت في الفترة التانية لحكم السادات بس الفرق ان سونة اجدع ناس مش رغاي

تخيلي بقى كل المواقف المقرفة دي وكمان بيتكلم في دماغنا تلات ساعات كل يوم
وطبعا كان قطع علينا الدش اصلا

Anonymous said...

ايه يا نوارة الراجل بتاعنا طول النهار عمال يتصل باشي رئيس واشي عفريت وكل شوية ترااااانك الو يا محافظة
هي جهود مصر انها قاعدة تتصل ااه قولتيلي
اتاري الراجل بيشتري كارت الشحن مبقعدش معاه يومين
هي مصر دي ايه سنترال؟؟؟

حسن على said...

احنا دلوقت في الفترة التانية لحكم السادات "...وذلك يفسر هفوة لسان الفنانة هالة صدفى عندما قالت" الرئيس الراحل حسنى مبارك"

Heba said...

الراجل ده حيفضل طول عمره منافق

حسبى الله ونعم الوكيل

على فكرة , الإسلام يحمل معنى الأوطان, يعنى اتنين فى واحد, يعنى لما أقول الإسلام أولا معناها الوطن أولا, العروبة أولا, الأخوة أولا, وكل حاجة بقى

Anonymous said...

اتدكر كلمة للمرحوم مصطفي شردي قال فيهاعن بعص الصحفيين و الكتاب و السياسيين ( ماتت ضمائرهم داخل اجسادهم و تعفنت و فاحت رائحتها من بين كلماتهم )

أسماء - فلسطين للأبد said...

بانوا بانوا بانوا .. على أصلكو بانوا .. والساهى يبطل .. سهيانه
آسفة والله مش قصدى اتريق أو اهيف بس ده رد فعل دفاعى عن النفس عشان أصلها (النفس يعنى) ماعادتش طايقة وهاتطق قريب بس فى وش مين ؟ .. الله أعلم
على فكرة أنا من القلة القليلة اللى حافظت على ودانها وماسمعتش درة الغناء العربى "باحبك يا حمار" بس الشيطان ابن اللذين عمال يوزنى اليومين دول عشان اسمعها وخصوصا بعد ما قريت الحوار ده
إلا حدش يعرف يقوللى ليه ؟؟؟؟؟

Anonymous said...

الأكبر يحتوي و يوفر الحماية للأصغر
زمان كان الفرد يستمد قوته و كرامته من القبيلة التي ينتمي إليها فكان حتي و هو خارج نطاق سلطتها يتم التعامل معه حسب قوة و نفوذ القبيلة
ثم بعد ذلك بعض تقلص دور القبيلة كانت القوة تستمد من العائلة
هل مصر ليست مسلمة حتي تكون مصر أولا ثم الإسلام ثانيا
عندما يكون افسلام أولا فهو الشمل و مصر جزء من الأمة الإسلامية فالمفروض أن تستقوي بها
هل يمكن أن نتخيل الوضع لو ساد مفهوم الإسلام أولا ......
هل يمكن أن يتجرأ أحد علي أكثر من مليار مسلم لو توحدوا.....
ما هي محصلة القوة الإقتصادية و السياسية و البشرية لمليار مسلم
و الله لو حدث هذا التوحد لحصلنا علي الحقوق و الكرامة و النفوذ بدون الحروب و لما تجرأ علينا أحد
نعم الإسلام أولا
لأنني عاشق لمصر أقولها ثانية
الإسلام أولا

Anonymous said...

انا دلوقت لو جالى السكر والضغط ابقى ادعى على مين واللة دة حرام منهم للة
اللة يخرب بيوتهم يارب ورينا فيهم يوم زى زيوم قوم عاد وثمود وقوم لوط اللهم ارسل عليهم طير الابابيل اللهم ورينا بعنينا عذابك ليهم فى الدنيا اللهم لا تؤخذنا بما فعل السفهاء منا

عبده البرماوي said...

هو أنا خلفت غير نواره

أيوه كده فرقى اللمه وفوقى الأمه يا عظمه

لولا إنى بالفعل قزعه وطولى ما عداش الميه وسبعين سنتى كنت قلت إن السبب فى اللى مصطفى الفقى فيه ده هو إنه قزعه فعلا، مصطفى لم يتعد الميه وخمسه وخمسين سنتى وده سبب استبعاده من التجنيد على فكره. ولإنه حاسس إنه قزعه بيتحرك بادعاء إنه طويل. طول المقاله وردودك عليها حاسس إنك عماله تقوليله يا قزعه ماتشبش كلنا عارفين انك قصير

حسن مدني said...

منك لله ربنا يسامحك
بتخليني أقرأ لناس باقرف أسمع اسمهم
مرة لامؤاخذة عبد الله كمال، ومرة الله يكرم السامعين مصطفى الفقي.
أنا خايف بعد كده تجيبيلنا مقالات القط وسرايا.
يعني إسرائيل مجرمين وأعداء، انتي بتعملي معانا كده ليه؟
---
بجد لازم الناس تسمع تعليقات زي ردودك دي لأن كثير جدا منهم بيصدق الكلام الفراغ الذي يردده الفقي وأمثاله

تحياتي