Monday 5 January 2009

يا عيال يا عيال: الواد الاسرائيلي شال كل التعليقات

تحديث:
عملت ريفريش دلوقت والتعليقات ظهرت وكتبت له تعليق، يا اما الصفحة كان فيها حاجة غلط، يا اما هو شالها ورجعها تاني روحوا بقى اتفرجوا على الواد الانتيكة اللي بيقول يا تتحضروا يا تموتوا
اصل انتوا مش عارفين، اصله غاب شوية وبعدين اتنين دخلوا، ما اعرفش بقى هو نفسه وللا راح نادا لي صحابه، المهم واحد قال:
العين بالعين، واحنا عايزين سلام، عشان كده لازم نمحي حماس من الوجود:) - شايفين السلام - ، والعدل ان لما يتقتل منا واحد يتقتل قصادهم واحد
واحد تاني راح داخل وقال لي انا ممكن اكتب مجلدات في غبائكم ودمويتكم اللي توارثتوها على مدى التاريخ ودعمها كتابكوا الدموي، وعشان كده مش قادرين تفهموا رقي الحضارة الغربية (انا مش فاهمة بروح امهم منين ولاد عم ومنين غربيين؟ ايه اللخبطة دي؟)
طبعا يعني اي عيل صغير يعرف يرد على الكلام الفارغ ده، كتبت اللي ربنا قدرني عليه وملخصه: كويس قوي العين بالعين دي، انا موافقة، نعد القتلى الفلسطينيين والقتلى الاسرائيليين ونشوف مين الخسران في الصفقة دي ايه رأيك موافق؟
والتاني قلت له، طبعا انا كتابي الدموي الهمجي بيؤمرني اني احترم كل الكتب السماوية، بس فكرني كده انهي كتاب اللي امر اتباعه بانهم يقتلوا اطفال اريحا ونساءها ولما صعب عليهم شوية رضع قام ربنا عاقبهم؟ اصلي بانسى، عموما احنا اغبيا وهمجيين، وانتوا الحقيقة بتضيعوا وقتكوا معانا عشان احنا جينيا زي ما انت بتقول متخلفين، فطبعا مهما يا عيني قتلتوا مننا مافيش فينا فايدة، ايه رأيكوا تروحوا مكان تاني وتحلوا عن سمانا
قام رد عليا وقال لي: لا طبعا، مش ممكن اسيبكوا همجيين، لازم تبقوا متحضرين والا ح تضرونا بمجرد وجودكوا، لان ده زي واحد قاعد في نفس الاودة مع مريض مرض معدي، ولو مش عايزين تتعالجوا يبقى تموتوا
هههههههههههههههه
اه والله العظيم
انا بقى شفت التعليق ده ما قدرتش امسك نفسي، وقلت له
you made my day
انا ح اخد التعليق بتاعك ده واوزعه على الحبايب والاصحاب عشان نضحك، والله ما ح اسيب مخلوق من غير ما افضحك على الكلمتين بتوع يا تبقى متحضر بمفهومي انا عن التحضر يا اقتلك
قوووووووووووووم جيت اعمل ريفريش لقيت الواد شال اوبشن التعليقات خالص، وشال التعليقات كلها
هيهيهيهيييييييييييي
بصوا، انا ما اعرفش هي الحكاية دي مفيدة وللا لا؟ بس الحقيقة هي مسلية قويييييييييييييييييييييييييييي، انا الاول كنت واخدة الموضوع على صدري وقعدت استلهم من فيلم
The great debaters
بتاع دينزيل واشنطن، بس بصراحة الحكاية طلعت كوميدي
انا فكرت ادخل على الميل بتاعه وابعت له اقول له: عملت عيشة؟
بس خفت يعمل لي تريسنج ويهيك بقى الكمبيوتر
بس خسارة التعليقات، ده انا قدحت فيها زنات صدقي،
اه
هو لما تدخلوا ح تلاقوا التعليقات على جنب، بس في البوست نفسه مش شغالة

63 comments:

مواطن مصري said...

هههههههههههههههههههههههههههههههههههههههههههههههههههه

هو فية صهاينة صعايدة مخهم شمال مع احترامي لصاعيدة مصر


طيب انا افهم ان السادات قال السلام من طرفين و انا احب السلام العادل من الطرفين و لما يكون فية طرف اعتدى ع الطرف التاني يبقى فية مقاومة شرعيى موحدة مش الي بيحصل الان

السادات و كان بعدية الاخ العقيد معمر القذفي كانو بيفكرو في وطن علماني يجمع اليهود و الفلسطنين في وطن واحد علماني الي هي اسراطين بس الصاهينة الي ماسكين الان مش عاوزين كدة ولا العرب عاوزين كدة

و انا كمان قولت رأي بما ان القدس و هي محور الصراعات الايدولجية و الدينية

القدس تبقى مدينة تحت رعاية عالمية من الامم المتحدة ة و الجامعة العربية و اليونسكو

و بكدة نحل المشكلة

Eldebug said...

ههههههههههههههههههه

بصراحة انتى افحمتيهم ... انا كنت عاوز اكتب اى حاجة بعد ردك بس مكنتش قادر امسك نفسى من الضحك وخفت ابوظلك العملية

Unknown said...

الحقيقة يا مواطن الظاهر ان دي خيالاتنا المريضة
واحد بيقول لازم نمحيكوا عشان نعمل سلام
وواحد بيقول يا تبقوا متحضرين زي ما احنا عايزين يا نقتلكوا
ودول مش الاسرائيليين الوحيدين
انا دخلت مدونات اسرائيلية كتيرة قوي
نفس المخ على فكرة
وده منطقي على فكرة، لما دولة تتأسس على فكرة عنصرية تعمل من الدين عرقية وجنسية ومش اعتقاد ولا حاجة، ده واحد امه من ديانة معينة يبقى هو من نفس الديانة حتى لو ملحد وهو اكيد كويس وح يدخل الجنة وله حق انه ييجي يطرد الناس من ارضهم ويموتهم عشان يقعد لانه من شعب الله المختار حتى مش بعمله لكن بمولده
تفتكر واحد دي دماغه ح يتعامل مع البشر ازاي؟

Unknown said...

بس انا بصراحة قضيت وقت لطيف قوي معاهم
هيهيهيهيييييييي
انا كل مرة تصيبني الدهشة واقول لهم: انا عمري ما شفت كده، واحد صاحبي امريكاني قال لي: ما يقدروش يقولوا الكلام ده هنا ولا قدامنا هم بيستفردوا بيكوا وبيقولوه لكوا
او يقولوه بينهم وبين بعض

أكون أو لا أكون said...

ههههههههه مافيش فايده معاهم يانواره... حتضيعي وقتك... وهم اصلا مابيحسوش... ومهابيل... بجد والله مهابيل... وبأي إنفعال بتلاقيهم بينطوا بينطوا... هههههههه مش عارفه ليه بينطوا... زي المتكهربين.
بس بالمناقشه مافيش فايده.
بيعرفوا انهم غلط بس بيخافوا يعترفوا بالموضوع ده... لانه حيخسرهم دوله.

Unknown said...

eldebug
هو انت دخلت بعد
nate
والمجنون التاني؟

لما نيت قال لي انتوا بتعاملوا الاديان التانية على انهم ذميين لكن احنا في اسرائيل عندنا مساواة؟
هيهيهيهييييييييييييي

TAFATEFO said...

المهم تطمنينا على صحته

الواد جاله صدمه عصبيه .. ومش بعيد يكون انتحر

لما سألت مفيش في قلبك رحمه؟؟ كنت أعنيها

خدي الرجل واحده واحده .. بالهداوه .. مش كله ورا بعض ورا بعض زربو على نفوخه

:D:D:D

مواطن مصري said...

يعني انتي تقضي وقت حلو لوحدك طيب هاتي لينا لينكات

ليهم

بصي اي دولة تقوم على اساس عنصرية دينية لازم هتهدر حقوق المواطنين الاخرين و دة بردو نفس مفهوم الي اتبعتة بعد القيادات في غزة ح م ا


و نفس الحركات الدينية من الطرفين في مصر الي هما بيطالبو بانشاء دولة عنصرية دينية


احنا عاوزين الاجيال القادمة تبعد عن العنصرية و تتجة الي طريق ليبرالي سواء كانت اجيال العربية او اليهودية لان عمر ما الشر يستمر اكيد هيجي وقت و نعيش كلنا as
شعوب العالم بمختلف الدينات في سلام ووطن واحد

أكون أو لا أكون said...

نواره هم كده مساطيل... انا معايه في الصف وحده اسرائيليه مجنده ... مخها مقفول...
في ببالها افكار مش ممكن تغيرها بالرغم انها تعرف انها غلط.
بس هم بالتجنيد بيدرسوهم انهم يثبتوا على رآيهم مهما حصل. علشان ماتتزعزعش خططهم.

Eldebug said...

لأ للاسف ملحقتش انا الكلام ده ... ياريتك كنتى اخدتيه كوبى ولا حاجة ... دى فضايح عليه النعمة

TAFATEFO said...

بس التعليقات موجوده يا نواره .. وينفع تكتب تعليق

Unknown said...

اكون او لا اكون

معاكي حق هو يمكن تضييع وقت فعلا

والمشكلة مش فيهم
المشكلة في اللي عندنا اللي مصدقين ان ينفع مع الامخاخ دي سلام
يعني ياخدوا ارضنا ونعترف بيهم ونديهم حتة منها وكمان يقولوا لنا لو مش ح تسمعوا الكلام يبقى ح نموتكوا

مش ح ينفع كده على فكرة

الكلام عن السلام بوصفه حل واقعي مهواش واقعي خالص

احنا ما عندناش تخيل للذهنية الصهيونية على فكرة

فاكرينهم بيفكروا زي ما بقية البشر بتفكر، بس الحقيقة العنصرية مرض في الدماغ مالوش حل غير ان البني ادم هو اللي يقرر يعالج نفسه زي ما فيه ناس كانوا اسرائيليين وسابوا اسرائيل وبقوا من الد اعداء الصهيونية

المهم الغبي باقول له: انت عندك عقدة الهولوكوست
قال لي انت تعرفي كل اليهود عشان تقولي عليهم كده؟
قلت له يا ذكي باقول لك انت، انا باكلمك انت مش باكلم كل اليهود
هههههههههههههههه

مش نافع على فكرة
مش نافع التعايش مع كيان عنصري استيطاني رأيه في العالم انه يا اما يبقى تحت رجليه يا اما يموت

مش ح ينفع
عملنا ايه احنا بالسلام؟
بقينا مسخة خلقه اهو

TAFATEFO said...

وفيديو عبدالله شلح أهو

http://video.google.com/videoplay?docid=-1321201123397084265&hl=en

والتأخير من جوجل

مواطن مصري said...

يا نوارة مدام هما كوميدين ع الفكرة الحوار مع المتطرفين في اي شعوب او دينات بيكون لذيذ

Unknown said...

فين يا مصطفى
ما انا عمالة اعمل ريفريش اهو مش عايزة تيجي
موجودة على الجنب بس

Unknown said...

طب جرب تكتب تعليق كده

Unknown said...

ايوة ايوة
رجعت
لسة راجعة حالا

مواطن مصري said...

انا مش ظاهر عندي التعليقات

Eldebug said...

فتح التعليقات تانى اهوه

Unknown said...

حد غيري فتح اللنك والتعليقات ما فتحتش عنده؟

عشان لو انا بس اللي التعليقات ما فتحتش عندي يبقى غلط في الشبكة عندي

لو حد تاني فتح وما لقاش تعليقات قبل ما ترجع التعليقات دلوقت يبقى هو شالها شوية وبعدين رجعها

يا نهار اسود
ليكون بيعرف عربي

TAFATEFO said...

رد حضرتك الأخير هو اللي عنصري

حضرتك متخيله الإسرائيليين هيروحوا فين يعني؟؟ عارف ان ده كلام نظري وممكن تقولي مش واقعي

لكن الإسرائيليين الحاليين معظمهم من المولودين في فلسطين المحتله وبيعتبروا الأرض دي وطنهم .. ومش كلهم متعصبين للصهيونيه .. دا ان جيتي للحق أكثرهم عايزين يعيشوا في سلام .. منهم العرب المنحازين للقضيه الفلسطينيه .. ومنهم اللي تبع الحزب الاشترامي والمعادي للصهيونيه .. ومنهم ناشطي السلام .. ومنهم اللي تخلى عن اليهوديه وأقام كنائس ودول كثير .. ومنهم اللي أسلم

انك تعتبري الإسرائيليين كلهم صهاينه ده مش صح .. وانك تعتقدي ان مش هيحصل في الآخر تعايش سلمي بين اللي على الأرض طبعاً مع انتهاء الدوله الصهيونيه .. بس هتوجد صيغة تعايش سلمي ده مش منطقي ومش معقول

Unknown said...

اه صحيح

شفتوا البوست ده؟
كاتب بيقول المسيحية وحشة زي الاسلام بالظبط
هيهيهيهيييييييييييييي
http://incogitoblog.blogspot.com/2008/04/christianity-is-just-as-bad-as-islam.html

انا مش مصدقة الجنان ده

أكون أو لا أكون said...

هههههههه ممكن يكون يعرف عربي... اكثرهم بيعرفوا...

أكون أو لا أكون said...

هم لو بيحيبوا المسيحيه ماكانوش اعتدوا على عيسى عليه السلام.

Unknown said...

لا لا لا لا

معلش بقى يا مصطفى

فيه واحد مشهور لا يحضرني اسمه دلوقت

هاجر من اسرائيل وقطع باسبوره وقال دي دولة عنصرية

يروحوا فين؟ يروحوا في داهية، ما احنا طول عمرنا في المنطقة مسلمين ومسيحيين ويهود

ليه يبقى اسرائيلي اصلا؟
يبقى فلسطيني يهودي زي الفلسطيني المسلم والمسيحي

مواطن مصري said...

هو الظاهر بيصطبح بانجو مضروب بردو

أكون أو لا أكون said...

انتي لو عاوزه تقهريهم... قوليلهم انتوا قتلة الانبياء...ههههههههههههههه وتاريخكم كله قتل

أميرة محمد محمد محمد said...

يادي النيله عليا انتي بتكتبي كام تدوينه في اليوم يا نواره

بس بجد جااااااااااامده يا زعيمه
ايوه كده ظبطيهم

مدونتك بقت مصدر مهم من مصادر المقاومه خلي بالك ينزل عليكي صاروخ

انا اميره 3محمدات
متمرده الي معاكي في الجايكو
اول مره اعلق مع اني كنت متابعه من 3000سنه كده من بداية حكم مبارك يعني هههههههه
ايه اخبارك وحشتيني

TAFATEFO said...

مقولتش حاجه

الدولة الصهيونية هتزول .. وهترجع الغلبه لأصحاب الأرض

احنا مش في أمريكا وهتذوب الدوله ويتوه حق أصحابها .. ده شئ مختلف

المولود في فلسطين المحتله بقى عنده فرصه يفكر .. علشان كده بقى منهم معادين للصهيونيه .. إسرائيل لا يمكن أن تبقى .. لكن المواطنين هيفضل أكثرهم على الأرض .. وهيحصل تعايش سلمي .. تحت أي مسمى

لكن في النهايه الأرض هتفضل اسمها فلسطين .. لأن هي فلسطين

TAFATEFO said...

وعلى فكره .. اللي كفروا بإسرائيل .. معظمهم من المهاجرين .. اللي جوها وهما أطفال أو شباب صغيرين .. وكفروا بالفكره ورجعوا وطنهم الحقيقي

انما المولودين على الأرض .. مش هيلاقوا ليهم وطن تاني

Anonymous said...

شفتم عباس عمل اية
عباس دة هو كل واحد فينا
اضحكو على عباس



حكاية عباس
(1)

عباس وراء المتراس
يقظ منتبه حساس
منذ سنين الفتح يلمع سيفه
ويلمع شاربه أيضا، منتظرا محتضنا دفه
بلع السارق ضفة
قلب عباس القرطاس
ضرب الأخماس بأسداس
بقيت ضفة
لملم عباس ذخيرته والمتراس
ومضى يصقل سيفه
عبر اللص إليه، وحل ببيته
!! أصبح ضيفه
قدم عباس له القهوة، ومضى يصقل سيفه؛
صرخت زوجة عباس" :أبناؤك قتلى، عباس
ضيفك راودني، عباس
قم أنقذني يا عباس
عباس - اليقظ الحساس - منتبه لم يسمع شيئا
زوجته تغتاب الناس
صرخت زوجته " :عباس، الضيف سيسرق نعجتنا"
قلب عباس القرطاس، ضرب الأخماس بأسداس
أرسل برقية تهديد
فلمن تصقل سيفك يا عباس؟
لوقت الشدة
إذن، اصقل سيفك يا عباس

---------

حكاية عباس
(2)

- عباس يستخدم تكتيكاً جديداً -

بعد أنتهاء الجوله المظفره
عباس شد المخصره
ودس فيها خنجره
وأعلن أستعداده للجوله المنتظره

اللص دق بابه
عباس لم يفتح له
اللص أبدى ضجره
عباس لم يضغ له
اللص هد بابه
وعابه
واقتحم البيت بغير رخصه
وانتره
ياثور .. أين البقره؟
عباس دس كفه في المخصرة
واستل منها خنجره
وصاح في شجاعه
في الغرفه المجاوره

اللص خط حوله دائره
: وأنذره
إياك أن تجتاز هذي الدائره

علا خوار البقره
خف خوار البقره
خار خوار البقره
واللص قام بعدما
قضى وطره
ثم مضى
وصوت ((عباس)) يدوي خلفه
فلتسقط المؤامره
فلتسقط المؤامره
فلتسقط المؤامؤه
عباس .. والخنجر ما حجته؟
للمعضلات القاهره
وغارة اللص؟
قطعت دابره
جعلت منه مشخره
أنظر
لقد غافلته
وأجتزت خط الدائره


اية رايكم فى عباس
غطو عباس وصوتو
القصيدة لاحمد مطر


التوقيع ظابط مصرى كان اسمه احمد سعيد سابقا
وحاليا عبااااااااسسسسسس

Unknown said...

ماحدش رد عليا
حد فتح المدونة قبل ما ترجع التعليقات؟ وللا العيب في الجهاز عندي؟

مصطفى انا بعت لك ميل


اميييييييييييرة

نورتيني يا قطة

ياختي بلا نيلة، ده الواحد محرج من نفسيته ومش عارف يعمل ايه

اكون او لا اكون

مش بيزعلوا من قتلة الانبياء دي
بيعتبروها جملة عنصرية
هم بيزعلوا لما وانت بتتناقشي معاه تطلعيه غبي قدام نفسه

ستيتة said...

شفتي اخر الكلام مع ابناء القرده والخنازير
انتي فاكرة تقدري تفهمي لمؤخذه حمار
صفحة التعليقات بقى شكلها نكتة بس ولو
من فضلك ادعي للمقاطعة مرة اخرى زي ما الأتراك بيقولوا
الأتراك بيقولوا قاطعوهم يابشر وخسروهم المال
وانا بقول قاطعوا بضائعهم
تبرعوا بدمائكم ومالكم
اهو احسن ما احنا بنعيط ومحروق دمنا بس

ستيتة said...

هيييييييييييييييييييييييه
التعليقات رجعت لصورتها الطبيعية تاني
عاشت الجبهه حرة مهيسة

Unknown said...

وانا يا مصطفى مش باتكلم على اللي ضد الصهوينية
انا باتكلم عن الصهيوني
ح تعمل معاه سلام ازاي؟
ماهي اسرائيل اساسا متأسسة على فكر صهيوني وهي الدولة الوحيدة في العالم اللي الديانة فيها عرق وديانة وجنسية

Unknown said...

على فكرة نسبة الهجرة في اسرائيل خمسة وعشرين في المية سنويا

أكون أو لا أكون said...

موجوده التعليقات يانواره

أكون أو لا أكون said...

الهجره لـ آو من؟

Unknown said...

ايوة هي موجودة دلوقت

بس من عشر دقايق ما كانتش موجودة
كنت عايزة اعرف اذا كانت مش موجودة عند الكل وللا لا

مواطن برضه في الاول ما كانتش موجودة عنده

مصطفى
ههههههههههههههههههههههههه
ههههههههههههههههههههه
موتني من الضحك

مواطن مصري said...

ماشي همشي معاكي يا نوارة هل يعقل اننا نفضل في حرب طول عمرنا في صراع حضارات ولا نعلم اجيالنا و اجيالهم سلام الحضارات

TAFATEFO said...

متفقين

وأنا فتحتها لما حضرتك كتبتي البوست .. بس لقيتها فيها التعليقات

بس أنا برضه عايز أعرف معنى الكلمه

مواطن مصري said...

بس شفتي تعليقي هناك

Eldebug said...

ايوة هوه فعلا كان شالها شوية وبعدين رجعها ... انا كنت دخلت من شوية ملقتهاش

Unknown said...

لالالالالالالالالالالا
مافيش صراع حضارات ولا حاجة
صراع حضارات ده اختراع عشان يزود الحرب

بس هي العنصرية حضارة؟
يعني نيلسون مانديلا كان في صراع حضارات؟

TAFATEFO said...

تعليقك مش ظاهر يا مواطن

أكون أو لا أكون said...

القصف كثيف

مواطن مصري said...

انا معاكي ما كان السسود و البيض في صراع حضارات و الاسلامين و الصلبين المتطرفين يعني في صراع




امتى نعمل سلام امتى نقر نعيش مع بعض في عالم امن لا فرق بين اجنبي ولا اهل البلد و انماا لفرق في التقوى

أكون أو لا أكون said...

الله ياخذهم ولعوا البنايات نااااااار

مواطن مصري said...

هههه شوفتي البنت كاتبة اية

ههههههههههههههههههههههههه

مواطن مصري said...

طفاطيفو ظاهر هتلاقية على اليمين كدة egyptian citizen

Unknown said...

هههههههههههههه
خلاص يا عيال

احنا الظاهر من كتر الضغط العصبي لقينا تسلية في مدونة الواد الاسرائيلي ده
هههههههههههههههههههههههههههههه

ايوة شفت ليلى

ايه ده؟ هم بيتكلموا كده ليه؟ ده ولا ام احمد اللي بتعمل اعمال وتفك السحر
يا عيني علينا
احنا اتوكسنا وكسة سودا على فكرة
لما البهايم دول هم اللي بيموتونا يبقى احنا اكيد عملنا ذنب كبير قوي عشان ربنا بيضربنا بالجزمة القديمة دي

مواطن مصري said...

اية دة معندكيش مدونات تانية ليهم


يا سلام لو هاكرز ابن مصفي حلال يروح يحطلهم الصور الاطفال

TAFATEFO said...

مواطن

layla اللي راده هناك حاطه الهوم بيج بتاعها وعاملين لنك للتدوينه اللي رديت عليها في المدونه دي

http://thenewmoralcompass.wordpress.com/

"لأن يهدي الله بك رجلاً خير لك من حمر النعم"

Anonymous said...

So, those hundreds of children and women whom we watched dieing on TV were rocketing you? You bomb civilians and then you say that hamas is hiding among civilians? And then you talk about the contortion of mind? Do you have any mind at all?
Your government says first that these rockets are primitive, and it only causes slight injuries, then now they are erasing Gaza completely and they say they are not fighting Palestinians they are fighting hamas! Where is hamas among those children and women? Your government answers back: they are hiding among civilians! So I guess your government is assuming that hamas is supposed to come out waving their hands to your pilots: hey…. We are here, come on kill us! If the rockets are not lethal why your government is striking people with heavy missiles and bombs? And if they fail to reach hamas and its rockets, why are they covering their impotence in front of hamas by killing women and children and then they put the blame on hamas itself because hamas is securing its fighters and does not allow your bombs to reach them? What about you? Why do you deal with yourselves as you are an inevitable natural disaster that cannot be blamed because it is the will of God?
Why don’t you describe it the way it REALLY is: Hamas are smarter than your government, they are rocketing settlements in the occupied lands (which is legal according to the international covenant of civil and political rights of the UN), and they can reach occupiers where ever they are, though their weapons are primitive (it is even homemade), and your war machine, though it is cruel and bloody, is huge and stupid, it cannot reach hamas bases, so it compensates its failure by killing a huge number of civilians. Very brave, right?
Well this action we are watching on TV, is neither defensive nor offensive, it is not a military action at all, it is a coward action, an ethnic cleansing, a holocaust. Your government is punishing the native citizens, the real owners of the land, because they elected hamas.
But come on, let your government air on TV your soldiers’ screams now. They are screaming like a mother wailing over her son. You should teach them that joining the army means that you are putting your soul on your palm, you shouldn’t scream like this when you face danger, it is funny.
I’ll give you a piece of advice: never fight someone who has nothing to lose, you will be the only loser.

-----------------------------------

Oh, oh, oh, it is not your property sir! Settlements in the occupied lands is not your property, it is not legal according to UN resolution. We are not going to discuss the racist idea of Zionism on which Israel was founded, no, we are talking here about international law. According to international law, lands occupied in 1967 are occupied lands, your army has to get out of it, not to build settlements on it, building settlements on occupied lands is an offensive military aggression according to the international law, fighting to free occupied lands is a legal resistance according to international law. So it is not you “neighbour” tossing in hand grenades to your property. It is some usurpers stole my land, expelled me from it, killed my people and now they are establishing buildings on my own land to impose a new reality on me. It is Israel who is hiding among civilians. Your are bringing civilians into an occupied land (again: according to international law) so that when Palestinians resist to free their occupied lands (as Israel do not conform to any UN resolution at all, thank to your mother; the US, which if it vanishes today you will vanish a moment later – what a sovereignty) your army can hide behind those alleged “civilians” and claim that Palestinians are killing civilians.
-----------------------------------
That is great sir, I mean your reply which is not a reply, you know sir, when you have an answer you just answer. When you don’t (as you are now) you try to insult people instead of, at least, trying to weaken his/her argument.
A very demagogic pattern of debating, and it is a typical Israeli pattern. You started by putting wrong assumptions, I answered you without ridiculing your religion or ethnicity, and I showed you that you are wrong, and it is clear to you and to everybody that you are wrong, so instead of either trying to prove your “wrong” assumptions or to confess that you were wrong (if you are really proud of being human, human beings supposed to search for the truth) you started to ridicule my religion and my ethnicity and my holy book, in order to confuse me and put me in a defensive position, or get into my nerves, assuming that I will answer you hysterically shouting and screaming: death to Israel, you are insulting my Quran? Kill him. This is really really seems funny to me. I swear, I kept on laughing for five minutes when I read your reply.
Oh no sir, you can do this with those who have an equal IQ to yours.
For me I am satisfied with your reply, it is just what I wanted: You know you are serial killers and you just enjoy it. Fine, stop claiming being humanitarians, victims, civilized bla bla bla. Just admit it; you enjoy ethnic cleansing. What about this? I mean no one will stop you even if you say: we do enjoy ethnic cleansing; we couldn’t retaliate for the holocaust from the real criminals so we are dropping our holocaust complex on other innocent people to compensate our failure in front of the Nazis who really, really humiliated us, and that is it. Even if you say so, no one will stop you, because you have the US veto, and the US is unconditionally supporting you, not to spread democracy, or because you are “the western civilization’s representatives in the middle east” as you like to assert (if killing children and women is western then shame on them, they have to give account for this), but because the US is a new Roman empire.
But remember, all empires die, only human beings remain. And I am proudly arab, you know why? Because I made you speechless.
----------------------------------

باستخدام الفايرفوكس يمكن الحصول على التعليقات

اسكندرانيه said...

ماليش دعوة عايزة ادخل على الولد الاهبل ده اللينك محجوب هنا فى السعوديه ادخل منين يانواره؟

مجمع مدونات القرموطى said...

الولة ده اسرائيلى من منازلهم كلامه لايتقن الانجليزى أهبل بريالى هيلعب مع الزعيمة معلهش احنا بنتكلم.ده شكلة من المهاجرين بدليل أنه عملها على روحه لأن طبع الاسرائيلين العجرفة وماليين دماغهم بكلام وسخ أنما ده شكلة فرفور مايعرفش أنه هينضرب على قفاه هو ومرعى بتاع الكلمة علشان لازعيمة الا الزعيمة مش عاجبها منظر أمه أجيبهولك قولى بس وماليكيش دعوة ولا شوفى احنا نجيب واحد من دول نعلقه فى على البوابة أمام المدونة أنا مش بهظر طيب
أنتى هتروحى يوم الجمعه ياستاذة

مجمع مدونات القرموطى said...

الواد رجع التعليقات تانى انا قلت له ان الزعيمة مش عاجبها شكل أمك وشكل اسلوبك

Anonymous said...

مواطن مصري said...
همم بص حماس من جهة غلطانة اة غلطانة و انا ضد حماس و صواريخ البلاستيككككية
اسرائيل من جهة اسرائيل هي بردو بدافع عن نفسها

انا مع السلام لنكن شجعان و نعمل سلاما حقيقيا
الله يرحم السادات

04 January 2009 17:49

الكلام ده احد تعليقات الاستاذ مواطن مصري نفسه اللى بيعلق هنا عند حضرتك فى المدونة والبوست ده
http://anegyptian81.blogspot.com/2009/01/okay-for-gaza-not-okay-for-israel.html

طبعا هو حر فى رأيه بس ياريت يكون برأى واحد بس يعنى احنا مش محتاجين انه ينافقنا ويظهر تعاطفه مع غزه فى حين انه بيعترف بحق اسرائيل فى اغتصاب ارضنا والدفاع عن جريمتها

مواطن مصري said...

@ نيومس اة دة رأي في الموضوع الاتنين غلطانين حماس و اسرائيل عاجبك ولا لاء

مواطن مصري said...

اة انا قولتها هنا كتير اني ضد حماس بس مع المواطنين و بكرة حماس و مع المواطنين و ضد الارهاب

يعني انا مش بنافق حد لو راجل تعالى بشخصيتك الحقيقة

Anonymous said...

احمد سعيد
عباس حاليا


بصراحة يا نوارة انا مش عارف اقول اية على مجهودك ربنا يوفقك

يا جماعة الحرب دلوقتى اعلامية من الطراز الاول واسرائيل بتلف كل العالم علشان تقنع الناس انها بتدافع عن نفسها وان العرب نفسهم عايزين كدة لان اسرائيل اتكشفت قدام شعوب العالم كلة بشكل غير مسبوق
وابتدو يفهموهم على حقيقتهم
نبقى بجد فى منتهى الغباء لو ضيعنا الفرصة دى وبما ان اعلامنا معرس ونايم فى مية البطيخ فلازم نستغل امكانياتنا اللى هى النت
استمرى يا نوارة وشدو كمان يا جماعة وبلاش العربى خشو على المدونات الاوربية والامريكية واتكلمو بلمنطق
بجد الناس دى مغيبة وحكامهم مفهمينهم ان المسلمين دول لو متقتلوش هيركبو مراكب ويحتلو اوروبا وامريكا ويدبحوهم كلهم
اة بجد مفهمينهم كدة
وسيكم من شوية الهبل اللى فى العالم العربى اللى بيقولو ملناش دعوة وهم يستاهلو لانه بجد الكلام معاهم ملوش لازمة وتضييع وقت
لازم الشعوب الغربية تفوق ويعرفو مين هم اعداء الانسانية
واحنا فى مصر طالما ان احتمال اننا نحارب غير وارد حاليا نظرا لفساد النظام فاللى نقدر نعملة دلوقتى كشباب هو الاتى

اولا حاولو تتصلو باخوانكم فى غزة بجد بتفرق معاهم كتيييير اوى وبترفع من معنوياتهم جامد وهم مش هيطلبو منكم غير الدعاء

ثانيا لازم الضغد الشعبى فى مصر يزيد على الحكومة علشان يدخلو المساعدات غزة والنظام دلوقتى مش ملاحق الضرب والتهزيق جايلة من كل ناحية فمش هيستحمل شوية ضغط كمان وهينخ ويفتح المعبر تظاهرو تظاهرو اكتر واكتر لانكم كدة بتضعفو مبارك قدام العالم لان الباشا لما بيسالوة انت بتعمل كدة لية بيقولهم اصل شعبى عايز كدة

اما المعبر ينفتح طبعا كلكم عارفين هتعملو اية ومش محتاجين توصية بطانيه واحدة بتفرق ومش عايز اقولكم ان فية ست من بنها فقيرة وعلى قد حالها عارفين اتبرعت بأية....بطبق جبنة هو اللى حيلتها


الحرب الدعائية زى مقولت فى الاول بتفرق جامد وطبعا انتم عارفين مافيش حرب من غير تغطية اعلامية وعلشان كدة اليهود عاملين حكومة الحرب فيها وزير الخارجية علشان الدعاية الدولية طبعا
ولو تلاحظو دلوقتى ان كل يهودى مش بيحارب قاعد قدام جهاز كومبيوتر وعمال طول النهار يلف فى كل حتة ويقول احنا بندافع عن نفسنا العرب دول ارهابيين وابصر اية


بصو يا جماعة الصدمات الجامدة فى حياة الشعوب بتعمل حاجة من اتنين
يأما بتدفعهم جاااامد لقدام يقما بتدوسهم وترجعهم لورا ودة متوقف على طريقة معالجة الازمة
بجد الموضوع دة ممكن يلمنا من تانى ويفوق النايم وينفعنا اكتر مايضرنا بكتييييييييييييير
بس المهم التفكير ..الدماغ
يا ريت منضيعش الفرصة دى

احمد سعيدسابقا
عباس حاليا

ضابط بالجيش

Anonymous said...

حد سمع المتحث باسم كتائب القسام على الجزيرة بيتكلم بمنتهى الثقة وبالمنطق
تمانية وخمسين جريح اسرائيلى وحداشر قتيل من ضمنهم عقيد
فى اول يوم
ربنا ينصرهم

احمد سعيد
ظابط مصرى موكوس

Anonymous said...

مطلوب شوية مساعدة في الجهاد الاكتروني

انا قاعد ارد عليهم و كلكم مشيتوا

http://plancksconstant.org/





عمرو