Saturday 3 January 2009

وطلع الشعب الامريكي كمان عميلة لايران وحزب الله

جالي التعليق ده، وطبعا مدام الامريكان بيقولوا
shame shame Mubarak
يبقى اكيد معاهم حق، هم بس العرب اللي بيكرهوا مصر، وبيتآمروا على مصر، وبيغيروا من مصر، وهو السيد حسن اللي نسي نفسه، وبيدينا اوامر، وهو فاكر نفسه ايه، لكن لما روبرت فيسك يقول على دولة مصر متعفنة واضعف وافسد من انها تتحرك ولما يمسح بكرامة مبارك ومش بس مبارك
ده انا تعمدت انشر مقال روبرت فيسك عشان اشوف رد فعل الناس اللي غيرانة على مصر وسمعة مصر وزعلانة من العرب الاوغاد اللي بيتآمروا على شتيمة مصر على كلام روبرت فيسك اللي بقى مش بيشتم النظام المصري زي ما العرب بيشتموه، ده شتم الشعب المصري وقال عليه مزيف ومنافق ومتدين تدين شكلي والفساد متغلغل فيه وحتى مافيهوش قوة تستجيب لدعوى حسن نصر الله
طبعا على قلبنا بلسم الكلمتين دول، مش جايين من خواجة؟
اه ما انا من ساعة ما شفته ربع ساعة في لبنان وانا قررت انه خطيبي خلاص، مش ح يعرف يفلت مني


وطبعا الكلمتين دول وحشين من سمير القنطار، ربنا ينفخ في صورة ناعوم تشومسكي عشان يقول اكتر منهم زي ما فيسك قال علينا اوسخ كلام كده، وبرضه كلام تشومسكي ح يبقى عثل عثل عثل، عشان هم دول الشيخ البعيد بجد، وهم اللي سرهم باتع
طب بقى ياريت الاخوة العرب والسيد حسن لما يبقوا يجيبوا نمرة روبرت فيسك، او الميل بتاعه، او حتى يضيفوه على الفيس بوك
ولما يحبوا يخاطبوا شعب مصر يبقوا يتصلوا بالامريكان
احنا ناس عندنا كرامة
ما نتهزأش غير من الخواجات بس

34 comments:

TAFATEFO said...

حسن نصر الله .. حبيبي

أبو الغيط .. حبييييييييييييييبي ومقدرش أعيش من غيره

القنطار .. خطيبي

لا حول ولا قوة إلا بالله

مواطن مصري said...

المعاملة ب المثل و الي يهين مصر ايا كان نعاملة ب المثل

احنا متفقين الي بيحصل في غزة كشعب عمل غير انساني و لكن انا ضد حماس بس مع الشعب
و انا قولت ان عاوزين نعمل نعمل حاجة ايجابية
زي رفع قضية في محكمة العدل الدولية
نجمع تبرعات او نبعت مساعدات الي غزة
قوافل طبية اليها و عمل مستشفى متنقل عند الحدود

TAFATEFO said...

عاااااااااا

بيعايرنا بفقرنا

Unknown said...

لا لو سمحت
انا قلت ما اقدرش اعيش من غير حسن نصر الله ولا فمتو ثانية

لكن ما اقدرش اعيش من غير اسكتشات احمد ابو الغيط

ده الفاصل الكوميدي اللي في حياتي

وسمير القنطار خطيبي غصب عنه
هو ما يعرفش المعلومة دي طبعا
بس انا لما اقول كلمة لا ممكن تنزل الارض ابدا


مواطن مصري
القوافل شغالة يا سيدي والتبرعات شغالة واتصل بمركز هشام مبارك وانت تلاقي كل الحاجات اللي انت بتقول عليها ايجابية

بس الحقيقة دي مش ايجابية
ده اسعاف
اسعاااااااف يا الله

لكن ح تخلص القصة ويرجع ابوك عند اخوك
كل سنة اسرائيل تبعت لنا فانلة جوزنا

السنة دي بعتت لنا الكلسون

مافيش غير انها تبعت لنا سي دي زي بتاع دينا وحسام ابو الفتوح بقى

واذا كنت بتعتبر ان انتقاد النظام المصري اهانة لمصر يبقى اسمح لي
مافيش حد مصري غيرك انت ومبارك
لان مافيش حد اختار النظام ده اصلا

TAFATEFO said...

شوف شوف

طب احنا كدا محتاجين شهادة بطرس .. مش بطرس لسه موجود؟؟

قالت يا بطرس متقدرش تعيش من غير أبو الغيط ولا لا؟؟

مواطن مصري said...

توضيح

انا مخترتش النظام المصري بردو
انا ضد مبارك اة و مش عاوز جمال اة

بس فية حاجات المفروض تتحسب صح خصوصا في الظروف دي عشان ميكون ردود فعلها سيئة لمصر اكتر من الي احنا فيها

مواطن مصري said...

يعني لان في ناس بيستغلو التظاهر و يجمعو مصر كشعب فهمتيني

7 said...

اه يا بلاد يا غريبه

عدوة و لا حبيبة

بلاد منعرفش ناسها

ولا عرفاني بيبانها

**************

مش هي دي مصر

حفيدة عرابى said...

بعد اذنك يا استاذة نوارة مواطن مصرى يعنى انت متخيل انك لوحدك اللى بتحبها وبتخاف على كرامتها وسيادتها طب احلف لك على المصحف طب والختمة الشريفة احنا كمان بندوب فيها واحنا بتوع بلادى وان جارت عليا عزيزة بس هى المشكلة فين ؟ تبقى عزيزة ازاى لال لما تبقى مصر بجد --تصدق بالله ياشيخ؟ انا كنت هاعيط لما نصر الله قال مصر ام الدنيا طب هى الام ممكن تكون هبلة وجاحدة كده -----وبعدين فى نقطة مهمة نفسى اناقشها مع سيادتك وهى ان مصر لما بتدافع عن فلسطين مايبقاش ده من منطلق الخوة والانسانية والعروبة وجثث الاطفال وبس لا والله ده يبقى دفاع عن امن مصر القومى اللى بيبدا من فلسطين --شكلك مش مصدقنى طب اسال احمس وتحتمس ورمسيس وعمرو بن العاص اساله ليه عمر ابن الخطاب اضطر يوافق على فتح مصر بلاش دول اسال بريطانيا ليه حكاية اليهود يتجمعوا علشان يستوطنوا فلسطين بالذات طب اسال هيكل وهو يقولك عن نظرية الزاوية القايمة للبحر المتوسط اللى مصر اهم ضلع فيها وعلشان تأمن نفسها لازم تكون فلسطين امنة -------------وبعدين ايه حكاية تضحيات مصر وحروب مصر وشهداء مصر عشان فلسطين هو احنا لازم نجيب ورقة وقلم احنا حاربنا اسرائيل كام مرة 4؟ طب حرب 48 لملك ماكانش مستعد ليها واضطر ليها وحرب 56 اسرائيل اشتركت فيها عشان تقضى على قوة مصر لان مصر هى الصخرة اللى بتتحطم عليها امال اسرائيل التوسعية (ده على فكرة الكلام اللىفى كتب المدرسة ) وحرب 67 عشان المخفية ماعرفتش تخلص علينا فى 56 وحرب 73 علشان نغسل عار 67 اماللللللللللللل فبن فلسطين مصدعين لنا دماغنا ليه وبعدين كا الناس الحنينة يقولوا احنا مش مع حماس بس عايزين نبعت ادوية لاهل غزة طيب والله لوحسيتوا بكلمة نصر الله ان مصر مش هلال احمر ولاصليب احمر ليه تصغروها وتفضحوها وتقلوا قيمتها حد يعمل فى امه كده؟ وبعدين الكلام الجاى ده الملحدين يمتنعون مش احنا مؤمنين بالله وعارفين ان فى اخرة وجنة ونار ولينا رب هيخلى جوارحنا تشهد علينا هنقوله ايه ؟ اصل لوفتحنا المعبر الوحشين هيحتلوا سيناء اصلهم مفاجيع هياكلوا اكلنا --- اصل احنا مش بنخاف غير من العربى الى زينا اصلنا بعتنا شاش وقطن يارب يعنى هما هينهبوا مايسيبونا فى حالنا ----ساعتها مش هينفعنا تنظير ولا تحليل ولا تامر امين ولا الحزب الوطنى ولا عمرو اديب اللى قعد يشحت لما نصر الله قال للمصريين افتحوا المعبر بصدوركم وقاله احنا فقرا يا سماحة السيد ليه دايما تقولولنا موتوا احنا عايزين نعيش سماحة السيد ساعتها ابو الغيط هيقول ايه لربنا على مسكة الايد مع الولية المخفية ولا حسنى يالههههههههههههههههههههههههوى دى هتبقى فرجة هنقوله يارب كنا بندافع عن نظريات سياسية فاشلة ولا اكيييييييييييييييييييييد هنقول يا ليتنى كنت ترابا

علا من غزة said...

مرحبا يا استاذة نوارة
انا مش عايزة اعلق بالذات على هادا
البوست

بدي احكي لك كلام وياريت توصليه لكل الي بيقرولك .. هو مش موجه الك بالذات لأني بحييكي على كل كلمة بتقوليها .. بس لأني عارفة انك اكيد مش بتدخلي عندي .. وكلام كتير من الي بكتبه عندي عايزاكي تعرفيه وتوصليه للناس الي بيقرولك

انا كبني آدمة ربنا كتب عليا اكون بعيدة عن اهلي في هادي الايام الصعبة .. انا من غزة صحيح وشوفي الانتفاضة باقالها كم سنة .. بيتنا ما وصله الخطر الحقيقي الا في الايام هادي .. وايام الانقلاب

كنت بقول .. انا في هادي اللحظات والايام عايزة اكون جمب اهلي .. على الاقل مش هاكون قلقانة عليهم طول الوقت
امبارح لما فتح المعبر كان فيه ناس عالقين على الجانب المصري من قبل الحرب .. ودخلوا غزة ! هادا الكلام بوحهه لكل مصري خايف ان فتح المعبر هايسبب حالة نزوح جماعي

مع احترامي لمصر والمصريين .. اللي بعتبرها بلدي وشربت من نيلها ومشيت فيها اول خطواتي وحكيت فيها اول كلماتي .. مع احترامي لكل هادا .. لكن غزة احلى من مصر .. احلى بكتييييير بس لو اليهود يسيبونا في حالنا

انا شخصيا وحدة فلسطينية بكره حماس جداااا .. وشايفة انهم عملو اخطاء كتييييير بدايةً من دخولهم في لعبة السياسة الي هما ما بيعرفوش يلعبوها اساسا .. لغاااااااية اطلاق الصواريخ قبل الحرب
بس مهما كانت حماس غلطانة .. ما يكونش الرد الاسرائيلي بهادا العنف !! حماس ماهي الا ذريعة .. والضحايا الي بيموتو الآن ممكن يكونو بيكهرو حماس اساسا ..
طب الحرب هادي بالذات رح ترفع اسهم حماس عند الناس
حماس عملت اخطاء كتير في غزة .. والناس عرفت كيف السلطة والكراسي غيّرتهم والانتخابات الجاية كانت حماس هاتخسر .. لكن اليوم .. محدش يقدر يقول ان حماس هي السبب .. يمكن هي السبب في الحصار والسبب في الانقلاب بس مش السبب ابدااااا في الحرب الحالية

في موضوع الهجوم على مصر .. والله بيعز عليا اني اهاجم مصر .. وبيعز عليا اكتر لما الاقي مدونين مصريين بيحملونا جميلة على وقفتهم معانا طول السنين الي فاتت .. وكأن احنا الي استهلكنا نقود مصر وثرواتها .. وان لولانا كان مصر اصبحت دولة احسن حالا
والله العظيم بتوجع ان حد مصري يقول الكلام هادا
انا موجوعة اصلا ان هادي الحرب حولتنا لشعب من المتسولين وطالبي المعونات
وللتذكير فقط وليس حبا في "الردح" .. حرب لبنان 2006 بدأت لما حزب الله ارادت انقاذ غزة وتحويل انظار الوحش الاسرائيلي عنها
ومع ذلك ما سمعتش حد لبناني بيلومنا وبيحملنا مسئولية حرب لبنان اد ما سمعت مصريين بيحملونا مسئولية كل حروب مصر وشهدائها السابقين

والله يا استاذة نوارة انا محروقة جدا وحاسة ان فيه حالة استهانة باللي بيحصل في غزة وفيه كمان ريحة شماتة

حماس غلطانة صح وفتح غلطانة صح بردو .. الاتنين يستاهلو الحرق انا موافقة .. مصر بذلت في سبيل فلسطين صح طبعا .. مصر قصرت في الحرب الحالية مش عارفة .. بالنهاية لا يكلف الله نفسا الا وسعها

طولت عليكي جدا بس كان لازم اقول هادا الكلام .. وارجوكي توصليه لقرائك الاعزاء

علا من غزة

Anonymous said...

يا نوارة يا بنت عمنا
اسألى عمنا بعد نضاله بالكلمة يجي 50 سنه انتهى الي ايه وحاسس انه حقق ايه ويا ريت تنشر لنا خبرته دي علشان نحسبها ينفدها سيره ونبطل نحرق في دمنا

(abu al-alaa) أبو العلاء said...

http://news.bbc.co.uk/2/hi/uk_news/7808231.stm

مواطن مصري said...

اهي يا نوارة واحدة من غزة ضد حماس و شايفة انها غلطانة و فتح كمان يعني انا مش لوحدي

Unknown said...

انا زعلانة
حسني مبارك ذلنا وكسر نفسنا
والفضيحة اللي اتفضحناها دي ماهي الا نشر لفضايحنا الداخلية ومثال جلي ازاي حسني مبارك حطمنا من جوانا ولخبط دماغنا ومشاعرنا وخلانا مصدر اسف للحبيب وشماتة للعدو


حسبي الله ونعم الوكيل

مواطن مصري said...

بس العدو قدر يخلي الشعوب العربية تشتم في بعض

هو لية احنا الشعوب الوحيدة لما تحصل ازمة بدل ما تتوحد تشتم في بعض

الدليل شوفي تعليقات المواقع الاخبار اكتر من 1000 تعليق في خبرين بس شتيمة في مصر

TAFATEFO said...

يا علا هانم من غزة

ده كلام فاضي من ناس **** .. قال هييجوا عندنا

طب ما كان أسهلهملو كانوا بيبيعوا وطنهم كانوا جابوا فتح أو انقلبوا على حماس

يا فندم ده كلام ملوش لزمه ولا تشغلي نفسك بالرد عليه

وبعدين بقى يا ريتهم ينقلولنا ألف ولا ألفين يعلمونا العزه والكرامه اللي نسيناهم .. أيوه فعلاً أنا دلوقتي بقول ان العزه والكرامه نسيناهم .. الشعب اللي اتسرطن واتحرق والتغرق واتقتل واتسحل وجاع ومثارش .. يبقى نسي انه كما قال عرابي ولدتنا أمهاتنا أحرار

حنث القسم عرابي حين قال والله الذي لا إله إلا هو ان نستعبد بعد اليوم

خالد مشعل يا غزه هانم ومن قبله أسامه حمدان رده على كلام سيء الذكر الملعون باذن الله حسني مبارك

TAFATEFO said...

والله والله والله

من حق الأحرار يلومونا ويشتمونا .. ومن حقهم يشتموا نظامنا

انما احنا نستاهله .. وهو يستاهلنا .. وجرمنا مش أقل من جرمه

Unknown said...

يا مواطن انت قريت كل كلامها

ماهي بتقول نفس الكلام اللي كنت باقوله

لو حماس غلطانة في كل حاجة في الحرب دي بالذات مش غلطانة هي مجرد ذريعة

ولو لينا راي في حماس ده كلام يتقال في مجال تاني غير مجال ان الناس بتموت

ليه العرب بيشتموا في بعض؟

العرب مش بيشتموا في بعض يا مواطن

العرب بيشتموا في حكامهم

ماحدش شتم الشعب المصري غير روبرت فيسك على فكرة

TAFATEFO said...

@مواطن مصري

الــــعـــــدو

كـــــــــحــــــــــك

توك عرفت انه العدو

ولا تكون تقصد حماس؟؟

TAFATEFO said...

@مواطن

أنا في كل العبر .. كل العبر بلا استثناء .. ومعترف بيها

بفتي .. وبهجص .. وبهزر كتير .. ولساني طويل .. وبستغبى .. وغبي وكل حاجه

إلا المكابره في الباطل

وعلشان كده بتغاظ أوي من اللي بيكابر .. لا ومش بيسكت كمان وهو معندوش أي منطق .. لا بيفضل يقول ويعيد ويزيد محاولاً إضفاء نوع من المنطقيه على كلامه بتكراره

أنا مش عايزك تزعل مني .. بس بجد كده عيب .. عيب عليك

Unknown said...

لا يا مصطفى
احنا بنزعل

وانا زعلت لما روبرت فيسك قال علينا منافقين ومتدينين تدين شكلي ومزورين وفاسدين

زعلت، ما يقولش علينا كده
بس يشتم مبارك براحته

الحاجة الوحيدة اللي تخليني ادافع عن مبارك واتوحد معاه حاجة عمرها ما ح تحصل: ان اسرائيل تبقى ضده

لكن ماحدش شتمنا ولا شتم المصريين
مع اننا غجر قوي
:))
بس بنزعل
ما تسألنيش اشمعنى بنشتم احنا الناس
اهو بقى
هو كده احنا بنزعل
وانا بازعل لما حد بيشتم المصريين
صحيح انا مش باشتم شعوب، بس انا عارفة ان كتير من المصريين بيشتموا شعوب، حتى لو تفتكر ايام الطبيب اللي في السعودية المصريين شتموا السعوديين جامد قوي وانا اتضايقت

بس اتضايق كمان لو حد يشتم المصريين
اتضايق قوي
بس نلم لسانا وخيبتنا بقى، يعني ما نروحش نجيب لنفسنا الشتيمة
عشان لما بنجيب لنفسنا الشتيمة انا بازعل

مواطن مصري said...

@طفاطيفو
انا اعدائي اي شخص ضد الانسانية و الحريات و اي شخص بيعمل جرائم حرب اظن
فهمت كلامي

TAFATEFO said...

بتزعلي .. ما كلنا بنزعل لما بنتشتم .. بس قبل ما زعل نتكسف على دمنا

عارفه شبكة فلسطين للحوار؟؟ كانت العربيه من ساعتين قالت ان في أنباء عن تحركات قد تفيد هجوم بري على غزه .. وبعد شويه الجزيره قالت انه كان توغل محدود ناحية الشجاعية وتصدت له القسام

دلوقتي في شبكة فلسطين للحوار .. خايفين ان التوغل البري في غزه يكون عن طريق الالتفاف عن طريق الحدود المصريه

أنا مش فاهم ده ازاي .. بس هتنقط

TAFATEFO said...

اليهود يقولوا ان الضربة البرية ستكون في مكان غير متوقع

خطييير جدا يا جماعه أرجو الانتباه هناك معلومات عن نية الاحتلال الدخول من البحر
نعم و هذا شيء وارد ... و الكل بإذن الله مجهز نفسه ...

الاجتياح وارد من كل مكان ...

و على المقاومة توقع كل شيء ... حتى من جهة الجنوب ... من حدود مصر !!!

ده من شبكة فلسطين للحوار

والتعليق كلمه من 3 حروف

7 said...

مصر

مبارك ولا احنا

و لا احنا بقينا زي مبارك

بجد

مش عارف

7 said...
This comment has been removed by the author.
TAFATEFO said...

أنا مش بزايد

بس فعلاً حاسس بالدونيه اللي حضرتك حكيتي عنها من كام يوم

Anonymous said...

مساء الخير
اولا باسم فلسطين بحب اشكر كل العرب على وقفتهم معانا باي شكل من الاشكال
وعايز اقول شي
اولا نصرالله (والي خسارة فية هيك اسم ) مفكر نفسه بطل قومي زي القائد عبد الناصر وبكلمة وحدة يحرك الجماهير بس انا بقوله كلمة وحدة " التقليد صعب " .
حتى لو كان نظام مبارك غلط نسيب مراهقين السياسة يدمر مصر بجهلهم واحلامهم الطفولية ؟؟؟
هل نجر مصر للدمار ؟ وهل مصر لو كانت بحالة حرب قادرة على مساعدة غزة ؟ طبعا لا فهي حتكون مشغولة بنفسها وبرضه الحدود حتكون مغلقة وبالقوة
وبعدين بجد وبصراحة يا جماعة احنا اهل غزة شو بدنا بالحدود ؟؟؟
والله الذي لا اله الا هو انو احنا بنسمع عن المساعدات سمع عبر الفضائيات زي ما بتسمعوا انتوا ولم نرى منها شي فحماس تصادر المساعدات وخاصة الطحين وتقوم ببيعه . طيب يا عمي الي معوش فلوس شو يعمل ؟
طبعا بنعرف انه الو ربنا
وبالاخر بقول شي مهم احنا ما بدنا مساعدات يشبعوا بيها بس يسيبوا الشعب يعيش بكرامة حيكون هم واليهود علينا
وبالاخر بحب ابلغ امانة للمتباكين على حماس والمهاجمين لمصر
مصر مدت القطاع وخاصة مدينة رفح بالكهرباء وهي مشكورة على هيك عمل ولكن اليوم واليوم تحديدا قطعت الكهرباء بأمر من حماس من الساعة 5 الفجر ولغاية الساعة 11 ليلا واليووم ابلغت حماس وعبر وسائل الاعلام المحلية انه حيصير هذه الاوقات لقطع الكهرباء يوميا .
وهنا نتسأل من يحاصر غزة ؟ الاحتلال ( الشماعة ) ليس لهو علاقة بالكهرباء . ومصر النتهمة اعلنت واكدت ان الكهرباء مازالت تصل غزة وستبقى كذلك وحماس تعلن عن قطعها فمن يحاصر غزة ؟؟؟
ولمصلحة من تقطع الكهرباء ؟؟؟ واين تذهب هذه الكهرباء المتدفقة من مصر العروبة ؟؟؟
مليون تسائل على السنة اهل غزة ولا مجيب ومن يفكر بأعلاء صوته يكون مصيره اطلاق النار .
لن نقول الا ما يرضي برنا ... حسبنا الله ونعم الوكيل ...
http://jdwralbadeah.blogspot.com/

مواطن مصري said...

همممم استنا يا طفط اليهود بيلعبو ب 5 3 2
هما بيقولو لمو 10000 جندي احتياط
هممم لو جم من ناحية مصر من البحر الاحمر يبقى ممكن يبعتو قوة ب 3000انزال بحري من ناحية البحر الاحمر

و 1000 من البحر الابيض و 1000 ناحية الاردن

و ال 5000 التانية هيدخلو مع المدرعات من ناحية تل ابيب و الضفة الغربية

علا من غزة said...

يبدو انو مواطن مصري ما قرأ الا اخر سطر من كلامي
:(
بشكر ردك يا استاذة نوارة ويا طفاطيفو
هادا عشمي بردو .. عارفة انو لسه فيه ناس بجد في مصر

AhMeD RaDy said...

بسم الله

السلام عليكم

بالنسبة للبوست ليا تعليق الراجل

روبرت فيسك

جاب من الاخر يا نوارة .. ودا راى الشخصى برده .. المشكلة مش مشكلة حسنى ومبارك ولانظام فاسد ولا .. كل الكلام دا .. المشكلة مشكلة شعب .. بحاله .. مشكلتنا احنا كمصريين .. احنا اللى ساكتيين .. حسنى مبارك ونظامه .. هم ايه غير نتاج لفكر وتربية وتنشئة مصرية ..!! دا السبب الحقيقى للى احنا فى .. اننا ما اتربيش على الحرية ..

خطيبك وحبيبك بقى

انا بصراحة ما قدرتش افهم من خطيبك كل كلامه .. يا العيب فى ودنى او ان الكلام م واضح ليا اوى ..

بس خطيبك بيقول . ان العيب فى الشعب لانه تحت نظام خاين وعميل .. ماشى العيب فى الشعب واما معه جدا .. ومين يقدر يقول غير كدا

بس هو السؤال الاهم .. يا ترى هو النظام المصرى لوحده .. ولا الشعب المصرى لوحده .. هو ليه احنا اللى شايلين كل النصايب .. طب بينى وبينك يا نوارة .. سمعتى عن حد بيتلام اكتر من مصر والمصريين ..؟؟

حبيبك بقى

هو مطلوب المصريين يعملوا دلوقتى ثورة .. هل مطلوب ان الشعب ينزل ويجرى فى الواره ويفتح المعبر بصدره .. ماشى بس الاولى انه يعمل ثورة عشان العيش . عشان المواصلات .. عشان السرطان .. عشان اللاتهاب الكبدى

يا سيد حسن .. سيبك من مصر .. البلد تعبانة وشعبها تعبان ..

التعليقات بقى

علا الفلسطينية

بصى .. هقولك على حاجة .. لو مش عجباكى مصر .. اعدة فيها ليه
سؤال مش اكتر يعنى ؟؟

بالنسبة للحروب وكدا انا بقى بقولك مصر عملت الحروب فعلا عشان مصر .. بس هو السؤال اللى بيجى على دماغى
هى الاردن دى وسوريا ولبنان مش ليهم حدود مع الاراضى المحتلة ..؟؟ هم ليه مش بيعملوا حروب ولا هم اغبية ومتخلفيين .؟؟

اخر حاجة .. انا مش ضد المقاومة ..

Unknown said...

احمد راضي

يا احمد انت نموذج عملي لفكرة البوست بتاعي

يعني انت مش زعلان من روبرت فيسك اللي بيتهم الشعب المصري اتهامات معلش بقى انا شايفاها مجحفة

وزعلان من علا عشان بتقول بلدي احلى من اي بلد تانية

ده شعور طبيعي
انا شايفة مصر احلى من اي بلد
وهي شايفة غزة احلى من اي بلد
ده
common sense
وعلى فكرة: قاعدة عندنا ليه؟
لما ربنا يكرمك وتهاجر امريكا - واظن دي بقى امنية نص شباب مصر ان ما كانش كلهم - كل ما ح تنتقد امريكا ح يقولوا لك: قاعد عندنا ليه؟
هم عادة بيقولوا كده على فكرة
ودي احد الحاجات الشوفونية اللي بيتميز بيها الامريكان وفيه بعض الامريكان بيعتبروها مرض وبيحاولوا يعالجوها في مجتمعهم

طيب روبرت فيسك شايف اننا شعب مافيهوش امل اصلا، واننا مهما حسن نصر الله قعد ينادي علينا مش ح نستجيب

ياريت تقرا مقالته تاني

والسيد حسن اللي مش عاجبك عشمان فينا وشايف انه لا، مصر فيها امل، ومصر ام الدنيا، وشعب مصر عظيم والعيب في القيادة مش في الشعب

قوووووووووووم

انت شايف ان روبرت فيسك معاه حق وحسن نصر الله هو اللي غلطان




















لا تعليق

علا من غزة said...

معلومة بسيطة

انا مش قاعدة في مصر على فكرة :)

انا حاليا بدرس في بلجيكا .. ولو بإيدي كنت ارجع على غزة اليوم قبل بكرة

AhMeD RaDy said...

بصى يا نوارة

هنرجع تانى لنفس النقطة

عم روبرت دا .. زى ما قولت ... جاب من الاخر .. فى الوقت الحالى ما فيش فايدة فى المصريين .. يعنى كحركة وكدا ما اعتقديش مش بمزاجنا

دا سنيين بنتربى على الاسلوب دا من الحياة من ايام الانفتاح

وبالنسبة لحسن نصر الله ... ايوة انا مش معه فى النقطة دى .. لان بجد مهم حاول ينادى ويقول اهو الواقع بيقول لا مش هيحصل .. لانه حاليا ما فيش فايدة .. واديكى شايفة اهو

وللاسف بقينا دلوقتى عامليين نتخانق على كل حاجة

انا مصرى وبحب بلدى اه فعلا .. ومتحيز وكل اللى تقدرى تقوليه .. ماشى بمثل انا واخويا على ابن عمى

بس مين يقدر ينكر ان النظام المصرى الله اكبر عليه .. زى الفل .. انكرى انكرى بقى .. مش شايفة واقف مع غزة ازاى ولا مدلعنا احنا ازاى ولا مهنينا ومهشتكنا ازاى .. تقدرى تنكرى ..؟؟!!

بالنسبة للسفر لامريكا تصدقى .. ولا عمرى فكرت فيها اساسا اخر بلد فى الدنيا ممكن احلم انى اسافرلها .. ومش عارف ليها

وانا لسه قارى مقال تميم البرغوثى ولا نسيتيه ..؟؟

وهسالك تانى يا نوارة

هى القيادة دى مستوردة ؟؟ هى مش القيادة دى مننا فينا

ومن غير حلقة الفرخة ولا البيضة

بس اديكى شايفة الشعب الايرانى هو الى مقوى قلب احمدى نجاد

بدليل انهم اختاروه

احنا عندنا مشكلة الثقافة السياسية كشعب مصرى اللى انا واحد من دا

وبالنسبة لعلا .. انا بحب بلدى مريض بقى اعمل ايه ..؟؟

ودا مش معنه انى مش معاكى فى انتقاد البلد .. بس الحمية ساعات بتاخد الواحد

وبصراحة فى مصريين كتير بتتكلم فى الموضوع دا ؟؟ ان دايما بنلاقى العرب بينتقدوا الشعب المصرى وكانه الخدامة

وربنا يستر علينا وعليكم

بس يا جماعة بجد بجد حل المشكلة دى مش هيكون الا لما العرب بجد بجد .. يفهموا ولو مرة واحدة ان القوة هى الحل

شوفوا بقلناادا ايه وفلسطين محتلة وكل محاولاتنا محاولات فاشلة لان ولا محاولة كانت محاولة بجد

ويا علا تنورى مصر طبعا .. احنا بنعتز بكل الفلسطنيين وما تزعليش