Monday 20 July 2009

You should take your certificate

- You got 99 percent in Sanawyya 3amma?

ده كلام مذيعة في البرنامج الاوروبي
وهي بلسانها بتقول انها بتشتغل بقالها سنين في الاذاعة
مش عارفة اسم ثانوية عامة بالانجليزي، مع ان الناس من زمان بتقول: اخدت البكالوريا
baccalaureate
فبتقولها ثانوية عامة بالعربي: يو جوت ناينتي ناين برسنت ان ساناوية عامة؟
كويس انها ما قالتش
secondary general
وللا حاجة
وبعدين واحد انطس في عقله واتصل وقال انه بيشتغل وبيدرس قامت اتنحررت وقالت له
- Even if you work with big salary, you should take your certificate
وبعدين نزلت من العربية بقى، مالحقتش اسمع بقية النصايح الابوية، بس اقدر اتوقعها:
listen to my talking my son, no body will benifit you, God give your mother and father health and long age, but they are not living for you, God is the best knower what is in tomorrow, you can't guarantee, you work today, maybe tomorrow the friend of the work dies, his sons close the company, you don't ensure time, your certificate in your hand security from time, I am like your big sister and I talk to you to your interest, God saffice you from treachery of time my brother.... I am happy for your connection, your night is egg, salute me on your mother and say to her blessed on success.

28 comments:

mido said...

ايه البرنامج ده ؟ فى انه محطة ؟

soreal said...

rofl!

OUR NIGHT IS HONEY :p

mido said...
This comment has been removed by the author.
mido said...

i am going to take a certificate








because my mother told me







put a certificate ((in your hand)) my son







because NO one Know what the future keeps! my son



loooool


--------

ايه رأيك فى اللغة؟

مواطن مصري said...

الظاهر نوارة قلبت على قناة النيل يا ميدو

Unknown said...

yes, your certificate is a weapon in your hand

Unknown said...

في البرنامج الاورومبي

mido said...

our night is egg :D

ya earth keep whay on you !

lol

Anonymous said...

Hi Nawara
What a nice post!

Mohamed said...

بجد الجزء اللى كملتيه دة جامد و ممكن يحصل و جايز تضيف
Son take it from me " If Meeiry (public sector) left you scratch your back in its soil"

Anonymous said...

دي بسمة حبيب طبعا :D
هي على طول بتقولها كده لأنها مقتنعة ان مفيش اوروبي واحد بيسمع البرنامج الاوروبي

Mohamed said...

و دى يا نوارة مذيعة بتتكلم فرنساوى.
http://www.youtube.com/watch?v=2GjWyAV2jBs

Fairuzian said...

انا استمعت للبرنامج الاوروبي كتير واعترف انه مفيد جدا لكل من يحاول تعلم اللغة .. لكن بدون شك فيه حالة استسهال واستهتار شديدة في التدقيق بالنسبة للغة المستخدمة .. المشكله هو اعتقاد المذيعين ان ده اسهل للمستمع بس الفكرة ان اللي بيسمع المحطة دي بيحاول يتعلم اللغة الانجليزية الصحيحة ..

سبهللة said...

يا حبيبتى
بطلى الحاجات المضرة دى
اى حاجة تبع الاذاعة والتليفزيون المصرى ابعدى عنها
كلهم عاهات

تصدقى بالله
وانا فى الكلية كان معانا واحدة
اقل حاجة تتقال عنها انها عبيطة
وكل ما كانت تيجى تقف تتكلم معايا تهبل فى الكلام زيادة عن اللزوم
كانت فاكرة ان كدة هى بتتدلع
وكل ما تيجى تتكلم معايا اقولها يا تتعدلى فى كلامك يا تغورى من وشى انا مبحبش الهبل

تخيلى دلوقتى بتتشغل ايه
وهى خريجة فنون تطبيقية قسم طباعة منسوجات؟؟

الهانم حاليا بتشتغل مذيعة فى قناة النيل للأخبار
اه والله العظيم

والسبب ان والدتها صديقة شخصية لسوزان
بحكم عملها فى جمعية الامومة والطفولة

المهم بعد ما شفتها وهى بتتكلم بجد وتقرا النشرة زى البنى ادمين
سألتها هم عملوا فيكى ايه عشان تتعدلى كدة؟؟
قالت لى ولا حاجة
اخدنا تدريب لمدة 9 شهور
بس كدة

يعنى واسطة على تدريب
تبقى مذيعة فى التلفزيون

عرفتى بقى ليه مستوى المذيعين عندنا متدنى بالشكل دة؟؟

حـنــّا السكران said...

أعتقد أنهم بيجيبوهم من هذه المدرسة :

http://www.youtube.com/watch?v=iPESpmZBjAw

Unknown said...

البنت اللي بتتكلم في الفرنساوي دي مش معقولة

ايه الشجاعة دي؟

Somaya Kamal El Din said...

هههههههههه

ايه المذيعات دى
مش كانوا يقولوا لى وانا كنت جيت عملت برنامج تحفة

Love-Guru said...

و هذا هو استاذها في اللغة الانجليزية
http://www.youtube.com/watch?v=fSlyC0_RRns&feature=related

سبهللة said...

نوارة الراجل رئيس القطاع اللى قولتيلى عليه
يا ترى يطلع ميييييين؟؟؟؟

احمد سعيد said...

يااااااااااااة يانوارة

هو لسه فيه حد بيسمع البرنامج الاورومبى ؟؟؟

دا انا كنت فاكرها اتلغت من زمااااااااان

tuhamy said...

مذيعة مودرن بتحاول تتكلم فرنساوي


ربنا يعينها


ومش عيب لما ديكاستل مدرب الزمالك كل


شويه يصححلها الكلمة

زائد انها نتعمل مزيج رائع من الإنجليزية والفرنسية والعربية علي أساس انه بتتكلم فرنساوي

tuhamy said...

عفوا
الرابط
http://www.youtube.com/watch?v=2GjWyAV2jBs

Mohamed said...

لا و بتسأل الراجل الفرنساوى أنت بتتكلم فرنساوى؟
كويس أنو مش أسكندرانى كان سمعها صوت وحش.

مش فاهمه said...

لأ بجد انا سمعت اكتر من حد و خريجى مدارس انتر ناشيونال و بيقولوا عليها فعلا thanawya 3ama
بجد ايه الغلك فى كده مش فاهمه بجد مع العلم ان هناك بالفعل حالة استسهال و استهبال فى الترجمه

سبهللة said...

انا رديت عليكى عندى
فى السكرته برضه روحى شوفى
ههههههههههههه

سبهللة said...

انا رديت عليكى فى تلات تعليقات
كل ما افتكر حاجة اكتبها

مها said...

نوارة

شهادة الثانوية العامة معروفة بهذا الاسم في كثير من الدول الغربية وتطلب بهذا الاسم عند تقدم الطلاب الحاصلين عليها من مصر للدراسة بالخارج
وأعتقد والله أعلم إن ده مش لعبقرية شهادتنا لكن لغرابة نظامها بمجاميعه الذى لا يشبه أي نظام آخر على هذا الـ
جلاكسي


:)

مش فاهمه said...

نواره الله يخليكى عايزين حمله جامده جدا تبتدى من هنا علشان البت الجدعه الأولى على الثانوية العامه رنا ابو بكر و االلى عملته و قولها قولة حق امام سلطان جائر بجد يا نوارة ولعها ولعها
http://www.moheet.com/show_news.aspx?nid=282594&pg=1