Tuesday 14 July 2009

طب احنا ح نعمل ايه بقى دلوقت؟

اسرائيل غيرت اسامي المدن من عربي لعبري، والحقيقة التغيير جذري، عكا بقى اسمها عكو
طب هم ح يعملوا ايه دلوقت حاليا؟ يعني بيعملوا كل الشقلبظات دي، والفلسطينيين موجودين وبيخلفوا وبيتكلموا عربي، ح يعملوا فيهم ايه؟
----
بريطانيا منعت تصدير الاسلحة لاسرائيل، هو احنا مش ح نشكرهم؟ نبعت لوزارة الخارجية البريطانية نشكرها، انا قلبت الدنيا على ايميل لوزارة الخارجية والكومنولث للحكومة البريطانية، طلع روحي، انجليز فعلا يعني، ما بيعترفوش بالميل، حاطين التليفون والعنوان على اساس اني ح اروح لهم، المهم ممكن تراسلوا مجلس العموم هنا ومجلس اللوردات هنا انا ح ابعت اشكرهم
الباز افندي الباز افندي يعني
:)
------
خبر عاجل، طالبان وقعت طيارة لامريكا في افغانستان
:))
طالبان دول عسل، عمري ما شفت مجاهدين حشاشين، عشان كده بيقاوموا بمزاج

16 comments:

ســـــاره said...

وانتي مصدقه يا نوارة ان بريطانيا ممكن تمنع تصدير اسلحه لإسرائيل؟!!
ده كله مجرد كلام إعلامي وبس
اذا كانت امريكا عندها قناة مسيحية خاصة لدعم اسرائيل ودي حاجه شعبيه مابالك بقى على المستوى الرسمي والحكومي الدعم حيبقى عامل ازاي؟!!

احنا ننبسط بس لأنهم بيآزرونا ولو بالكلام
انما بالفعل لازم نكون على قناعه تامة ان ماحدش هيعمل حاجه ولازم مانستناش ان حد يعمل حاجه لأننا لو فضلنا محلك سر وما اخدناش اي خطوة على اساس ان غيرنا يقرر ويخطو بدالنا يبقى عمرنا ماهنعمل حاجه ضد اسرائيل ولا حنقدم حاجه للفلسطينيين..!!

Ahmed Al khashab said...

بالنسبة لطالبان
أنا اللى اعرفه انهم كانوا مانعين زراعة الحشيش فى عهدهم عدا الأماكن اللى كانوا مش مسيطرين عليها

و رجعت تانى بعد سقوط حكمهم
و اسمع عن إشاعات بيطلعها الجيش الأمريكى أنهم بيشتغلوا حاليا فى المخدرات
بس اللى منعوه قبل كده لا أظن أنهم هيزرعوه تانى

غير كده الأمم المتحدة لسه من أقل من شهرين
طالبت بإغراق أفغانستان بالمخدرات حتى يقل سعره قال علشان ينضرب سوقه

يبقى مين اللى عايز يزرع

---------------

تقريبا بان كى مون راح يضرب سجارتين عند الراجل اللى بيضرب عنده كل مرة

لاقهم غاليين

ففكروا فى إنهم يرخصوه إزاى
:D

tuhamy said...

في كتاب حول المواقع الجغرافية ومحاولة طمس الهوية الفلسطينية.

الصهيونية غيرت 90 بالمئة من أسماء المواقع في فلسطين.




مضياً في تحقيق هدفها بطمس الهوية العربية لفلسطين تواصل الحركة الصهيونية منذ نحو 120 سنة وتواصل إسرائيل من بعدها (عبرنة) أكثر من ثمانية آلاف اسم لمواقع فلسطينية منها 5000 موقع جغرافي وبضع مئات من الأسماء التاريخية و 1000 اسم مستعمرة هذا ما يؤكده كتاب جديد بعنوان " المواقع الجغرافية في فلسطين – الأسماء العربية والتسميات العبرية"، وضعه الدكتور الجغرافي شكري عراف ابن قرية معليا في الجليل، وصدر أخيراً عن مؤسسة الدراسات الفلسطينية في بيروت وتسهيلاً على القارئ احتوى الكتاب، الذي تولى نفقات إصداره الشيخ احمد زكي اليماني قائمة بالأسماء العربية والتسميات العربية، وألفاظها بالأحرف العربية وهي تشمل المواقع داخل الأراضي الفلسطينية من البحر الى النهر، ويتميز بشموليته وبإضافة إحداثيات كل موقع وموقع لتسهيل التوصل إليه.



يقول المؤلف في مقدمة مؤلفه ان الحركة الصهيونية بدأت في إطلاق التسميات العبرية التوراتية على المستعمرات التي أقامتها منذ بدء نشاطها على الأرض، في العام 1878 أسست أولى المستعمرات " بيتح كفاح "( باب الأمل) على أراضي الجاعونة في شمال الجليل "روش بينا" ( رأس الزاوية) وهو مصطلح توراتي أيضاً.



ويلفت الباحث الى أن الوكالة اليهودية ألفت لجنة أسماء تساعد على اختيار أسماء المستعمرات فقامت هذه بتغيير أسماء 216 موقعاً حتى العام 1948 وبعد ذلك بادر رئيس الوزراء الأول دافيد بن غوريون بضم هذه اللجنة الى ديوانه مباشرة وكانت مكونة من 24 عضواً خبيراً في الجغرافيا والتاريخ والتوراة والآثار وغيرها إضافة الى مندوبين عن الوزارات و الجيش، و وكانت أولى هام هذه اللجنة وضع تسميات عبرية للقرى والمدن الفلسطينية المهجرة حيث وضعت 560 اسماً حتى العام 1953 ويشير المؤلف الى انه حاول عبر هذا البحث ان يرصد التغيرات الحاصلة على الأرض الفلسطينية بأمانة ودقة مناجل التاريخ والمعرفة ولإبقاء الأسماء العربية للوطن في ذاكر أهله و لم يتطرق الكتاب الى دراسة العوامل المعايير التي اعتمدتها الصهيونية في إطلاق التسميات العبرية مثلما لم يوضح دلالاتها مكتفياً بسردها مقابل الأسماء العربية مع مراعاة الأبجدية ولكنه قدم موجزاً عن أهم المعلومات العامة حول كل موقع ما يجعل الكتاب يضيف مرجعاً جغرافياً هاماً للمكتبة الفلسطينية.

Ali AbuTaleb said...

بصراحة مش متصور بعد جريمة وعد بلفور إني أبعت أشكر بريطانيا على حاجة

مواطن مصري said...

تاني طالبان


طيب حماس و بنختلف معاهم في طريقة المقاومة

طالبان الي قتلت الابرياء في باكستان

و كانت دولة ارهاب في افغانستان

Unknown said...

سارة
اه مصدقة
لان ده كان ضغط من المجتمع المدني والاحزاب على الحكومة البريطانية في اثناء حرب غزة بس هم من ساعتها شغالين يعني ما نسيوش
انجلترا مش زي امريكا
امريكا فعلا لا هي دولة ديمقراطية ولا حاجة ولا فيها امكانية وعي ولا حاجة انجلترا دولة استعمارية وسافلة وكلبة وكل حاجة
بس دولة بجد
مش شركة زي امريكا
وممكن الناشطين في انجلترا يقدروا يأثروا على قرار الحكومة

احمد الخشاب

اللي اعرفه انهم منعوه لما كانوا في الحكم حتى اياميها انتشر البانجو
:)
بس هم دلوقت بيبيعوا حشيش للجيش الامريكي ويشتروا منه سلاح

وحش ده؟
انا مش شايفة انه وحش، انا شايفة انهم جدعان ورجالة
مش احسن ما يستنوا الدولة الفلانية تساعدهم والدولة العلانية تعدي لهم ويتحوجوا لكل كلب واللي رايح واللي جاي ويتذلوا؟

هم جربوا لما الدول العربية ساعدتهم في الاخر عملت فيهم ايه
احسن حاجة معتمدين على نفسهم وانا مش شايفة انهم واخدين حرمانية لما بيبيعوه للامريكا ويشتروا بيه سلاح
لو ينفع يخلطوه بالسم كمان يبقى ياريت

وطالبان اجدع ناس

تهامي

ماهو الفرق ما بين الاسامي العبري والعربي مش كتير
المهم طول ما الفلسطينيين عايشين وموجودين وبيخلفوا ما فيش حاجة اسرائيل تقدر تعملها


علي


همممممم، طب يعني مش دي خطوة كويسة قام بيها الناشطين في انجلترا؟ بالذات عشان وعد بلفور

لما تبقى انجلترا اللي هي الاب الحقيقي لاسرائيل وتمنع عنها السلاح نتيجة لجهود ناشطين فيها يبقى مش دي خطوة؟
ياريت بس العرب في المهجر يشدوا حيلهم بدل ماهم بضيانين كده
يعني قاعدين برة ياكلوا في قتة محلولة
ما يفتكرونا شوية ويشدوا حيلهم كمان
مدام النشاط بيجيب نتيجة
لازم نعمل زي ما الامن المصري بيقول: استغلال المناخ الديمقراطي
ههههههههههههه
والله احنا علينا حاجات
فيه حاجة اسمها استغلال المناخ الديمقراطي؟ امال هو موجود ليه؟ عشان يفضل في علبته بلفته لبعدين يبوظ؟



والله يا مواطن انا مش شايفة دولة

ارهاب غير امريكا انت منبهر بيها

طالبان ما بيقتلوش ابرياء
الا اذا كنت شايف ان الجيش الامريكي ابرياء

مواطن مصري said...

انتي مكنتيش متابعة حرب طالبان باككستان ولا اية

طيب قوليلي انتي اية فرق
دولة افغانستان و دلوة اسرائيل
اية الفرق بين ايمن الظواهري و النتن ياهو

Unknown said...

قول لي انت

وقول لي ايه دخل ايمن الظواهري في الموضوع

ومالهم طالبان باكستان
(انت عارف ان طالبان باكستان غير طالبان افغنستان طبعا)

مالهم؟ الاهالي فرحوا جدا لما طالبان اخدت اقليم سوات

اللي بيموت الناس امريكا اللي انت معجب بيها

واوباما عامل اوسع مذبحة في افغانستان

وانا بجد يا مواطن عمري ما شفت حد موازين الدنيا كلها مختلة عنده كده

ما عندكش ريحة العدالة حتى

وبعدين كل احكامك فوق انها مش منطقية
كمان ظالمة جدا
ظالمة الى ابعد الحدود

انت اللي احكامك زي احكام امريكا واسرائيل
بس هم بيحكموا بظلم على اعدائهم
انت مستفيد ايه تحكم على ناس بيدافعوا عن بلدهم بالظلم ده

يا اخي ده الظلم ظلمات يوم القيامة

مواطن مصري said...

نوارة انا برفض العنصرية باشكالها برفض الصهيونية وبرفض حكم طالبان لان انا شايف ان مفيش فرق بينهم

نفس الخطاب الديني نفس العنصرية نفس الكراهية

مواطن مصري said...

ماشي يا نوارة الله يسامحك على كلمة احكامي زي احكام اسرائيل

Unknown said...

يعني ايه نفس الخطاب الديني ودي عنصرية

يابني ما تجمع
الخطاب الديني حاجة
والعنصرية حاجة تانية

وسبحان الله يا اخي

معلش يا مواطن انت عمرك ما اختلفت مع الرأي السياسي لاسرائيل
من غير ما تزعل كده
وبعدين ترجع تقول لي الله يسامحك؟

طب قول لي خمس اراء اسرائيل مختلفة معاك فيهم

Ahmed Al khashab said...

يا حبيبى انا لا اعرف حاجة عن طالبان و لا باذنجان و لا ولاد عمى

أنا بقول معلومات
اعرفها و قريتها

تصحح لى تبقى مشكور
و تقولى مصادرك

أنا داخل هنا اتعلم مش اتخانق

-----------
بالنسبة للمطقة بتاعة أفغانستان و باكستان

أنا مش عارف عنها أى حاجة
و كل شوية الأقى مصدر بيقول كلام معاكس للتانى

شوية الأقى حد يقول عيهم إرهابيين

و مصدر تانى يقول ده الإعلام الأمريكى هو اللى بيضلل الناس و بينشر أخبار كاذبة عنهم إنما احنا مش نعرف عنهم حاجة لأننا علطول بنأخذ أخبارهم من غير مصادرهم هم

أنا عن نفسى أعلن أنى بقيت مش عارف و لا فاهم حاجة هناك
و نفسى أعرف الحقيقة

و يا ريت يا أستاذ مواطن تعرف وتتأكد كويس أنى مش داخل اتخانق
أنا داخل اتعلم
فقط اتعلم

لبنــــــــــى said...

على شو بدنا نشكرهم
على شي المفروض يعملوا من زمان
سيبك من و من حكوماتنا احنا عارفين علتنا
بس هم 24/24 بنادوا بحقوق الانسان و احتلوا العراق و عم يقتلوا بافغانستان باسم الحرية و حقوق الانسان و عشان نسوان افغانستان عم يموتوا من الحر تحت الستارة اللي بلبسوها فهبت روح الانسانية فيهم للتهوية عن نساء افغانساتان و افتعلوا حرب
من المفروض انهم من زمان منعوا الاسلحة مش هلا بعد ما العالم تسرطنت بغزة
على شو بدي اشكر بريطانيا
على الحاكم العسكري اللي اجا شلح جدي الارض و طلعوا الناس اللي عايشين بالقرية و نسفوها و سلموها لليهود فاضية
للزراعة مع انشاء سياج كامل حولها
و بعدين صارت مستوطنات ممنوع انا و اي حدا يدخل الها ؟؟؟؟؟؟؟

على شو يا نوارة و الا على شو

انا بدي اشكرك انت على تفاؤلك انو هدول العالم بلشوا شوي ينضغطوا و يحسوا
و باول حركة حيعملوا حرب و يوقف لشعب البريطاني ورا الجيش و يقولوا معلش مشان ولادنا حرام بس يرجعوا احنا بنفرجي الحكومة

حسن على said...

صرح مصدر مسطول من طالبان ,انة تم اسقاط الطائرة بأقل من اتناشر حجر -وهذا رقم قياسى جديد

حسن على said...

هم جربوا لما الدول العربية ساعدتهم في الاخر عملت فيهم ايه
احسن حاجة معتمدين على نفسهم وانا مش شايفة انهم واخدين حرمانية لما بيبيعوه للامريكا ويشتروا بيه سلاح
لو ينفع يخلطوه بالسم كمان يبقى ياريت

وطالبان اجدع ناس " طيب واحنا نسينا فضيحة ايران كونترا و" نورث " عميل المخابرات الذى تاجر بالمخدرات لتمويل انقلابات امريكا الاتينية ...والامر شائع جدا فى تمويل الحروب ومعظم مايدفع فى التجسس هو من هذة الاموال

Kalimalhus said...

الكلام التعميمى عن طالبان سواء فى أفغانستان أو باكستان تنقصه الدقة .. يعنى ما ينفعش نقول طالبان بيقولوا طالبان بيعملوا لأن حايا ما يسمى بالطالبان بقى حاجة عاملة زى إسم النوع.. كل مقاومة فى أى حتة فى أفغانستان إسمها طالبان.. و الواقع إن القيادة المركزية للملا عمر مش مسيطرة غير على جزء صغير من الحركات دى .. بس حاليا فى عملية تنظيم و تربيط للتنسيق و نجاح الترتيبات دى خلى الملا عمر يقول للباكستانيين من كام يوم إن طالبان مش مستعدة للتفاوض مع الأمريكان و هدفها الوحيد هو إلحاق الهزيمة بيهم..

طالبان باكستان قصة تانية و تعتبر حركة تمرد إقليمية لأنه غير منتظر أو ممكن إنها تستولى على حكم البلد.. لاحظوا إن باكستان دى 175 مليون بنى آدم مش حاجة صغيرة زى أفغانستان..

طالبان هى المقاومة الوحيدة المنظمة فى أفغانستان حاليا و بالتالى هى الأمل الوحيد للخلاص من الإحتلال.. ده مش معناه إنهم أفضل من يمكنه أن يحكم البلد .. همه بس أحسن من أمريكا.. غير كده نظامهم ماقبل الإحتلال كان أسوأ نظام عرفته دولة إسلامية على الإطلاق..