Saturday, 25 July 2009

عندي سؤال والله

لو الحاخامات اللي تاجروا في الاعضاء البشرية لناس يهود زيهم محتاجين اللقمة، وواحد قبل على نفسه وهو حاخام، بيقف قدام ربنا وبيعلم الناس الحلال والحرام وكلام ربنا، انه ياخد كليته ويديله فلوس عشان ياكل او لو الناس الحلوة دي كانوا شيوخ مسلمين
كان ح يبقى ايه الوضع في الاعلام الامريكي ومع دلاديل امريكا هنا اللي سكتم بكتم طبوا ساكتين انشالله دايما؟
تخيل كده ان علي جمعة مثلا بيتاجر في الاعضاء البشرية، او حتى محمد حسان يا سيدي، انشالله حتى محمد حسين يعقوب، فيه اكتر من كده بقى؟ تخيل حتى شيخ الازهر اغتصب طفل وللا باع كلية واحد من اسطبل عنتر، تخيل العالم كله كان ح يبقى واقف على رجل ازاي؟ وبرنارد لويس بقى كان ح يلعلع، ودوجلاس موري اللي بقه مغروس لجوة وشه وبيتكلم زي ميسز ماجوياه، وهنا بقى، هنا، مطبلاتية امريكا واسرائيل، انا عايزاكوا تتخيلوا معايا بامانة احسن يكون بس عندي احساس مبالغ فيه بالظلم وللا حاجة، وانا اصلي الحاجات دي بتزعلني ونفسي بتصعب عليا فخليكوا معايا كده، لو دول كانوا مش شيوخ مسلمين، مسلمين وبس، اسمهم محمد واحمد وعمر وما بيركعوهاش وسكرانين على طول، بلاش، مش مسلمين خالص، مسيحيين عرب، بني بس، لونهم اسمر زي اللي اتقتل عشان كان معلق صورة البابا شنودة لان القاتل افتكرها صورة بن لادن، وبيتكلموا اي لهجة عربي، كان ايه اللي ح يحصل؟
تخيييييييييييييييييييييييييييييل
على فكرة احنا مدام بينتشنير كده كده يبقى نعمل اللي احنا عايزينه بقى

5 comments:

Dena said...

Well The New York Times has already tried to identify some of the rabbis as "Syrian Jews"!!!!

http://www.nytimes.com/2009/07/24/nyregion/24jersey.html

simplymoi said...

One of the sadness lessons of the life is "the fittest for the strongest". Yeah we live in jungle.

Take it easy

Appy said...

ما انتى قولتى يلعن ابو شكل العنصريه مش عارفه المسلمين عاملين ايه فى العالم ما كل حد عنده مشاكله وبلاويه ما كل واحد يشوف نفسه الاول

فتاه من الصعيد said...

ده سؤال استنكاري ولا سؤال استفهامي ؟

جبهة التهييس الشعبية said...

هاهاهاااااااااايييييييييي

دلوقت بقى يهودي سوري؟

مش ممكن
والله العظيم مش ممكن
بيفكروني بسنبل: اشوف فيك يوم يا لطفي

حتى من غير ما لطفي يبقى له اي يد في اي حاجة