Wednesday 15 July 2009

طب وايه اللي سكتك لحد دلوقت يا قدومي؟

جاي تطلع المحضر ده بعد ما خربت مالطا؟ خربت، خربت، خرررررررررببببببببببببببتتتتتتتتتتتتتت خالص
المحضر مش محتاج دليل ولا اثبات على صحته، كل اللي في المحضر تم تنفيذه فعلا، وكل الكلام اللي فيه احنا كلنا عارفينه، كلنا عارفين ان محمود عباس قتل ياسر عرفات، والمحضر مش محتاج دليل المحضر هو في حد ذاته دليل
ايه اللي سكت القدومي لحد دلوقت؟ ماهو ده برضه يخلي الفار يلعب في عب الانسانية جمعاء
لو كان ساكت عشان كان متهدد راح فين التهديد دلوقت؟
لو كان ساكت عشان الوحدة الوطنية طب مش خايف عليها ليه دلوقت؟ ده حتى حماس وفتح ابتدوا يتكلموا، صحيح بيقولوا كلام فارغ، انما احنا كنا فين وبقينا فين
الا اذا.... الا اذا لو كان ساكت عشان عشمان في حاجة ولما طلع منها راح فاضحهم
نص المحضر اهو ولو اني مش عارفة ح نعمل بيه ايه دلوقت؟ ده لو كان قدم ست شهور بس كان فيه حاجات كتير اتغيرت، انما ده ايه لازمته دلوقت؟ ده نبرمه ونحطه في.... عينا
نص المحضر

شارون: كنت مصرا على هذا الإجتماع قبل القمة حتى نستكمل كل الأمور الأمنية، ونضع النقاط على الحروف، لكي لا نواجه التباسات وتأويلات في المستقبل.

دحلان: لو لم تطلبوا هذا الاجتماع لطلبته أنا.
(الله، ده  انتوا متعودين تجتمعوا بقى)

شارون: بداية يجب العمل على قتل كل القادة العسكريين والسياسيين لـ "حماس" والجهاد وكتائب الأقصى والجبهة الشعبية حتى نحدث حالة من الفوضى في صفوفهم تمكنكم من الإنقضاض عليهم بسهولة.

أبو مازن: بهذه الطريقة حتما سنفشل، ولن نتمكن من القضاء عليهم أو مواجهتهم.

شارون: اذا ما هو مخططكم..؟؟؟

دحلان: قلنا لكم مخططنا وابلغناكم إياه، وللأميركان مكتوبا. يجب أولا أن نكون هناك فترة هدوء حتى نتمكن خلالها من اكمال اطباقنا على كل الأجهزة الأمنية وكل المؤسسات.

شارون: ما دام عرفات قابع لكم في المقاطعة في رام الله فإنكم ستفشلون حتما. فهذا الثعلب سيفاجئكم مثلما فعل معكم سابقا، لأنه يعرف كل ما تنوون عمله، وسيعمل على افشالكم واعاقتكم حتما. وقد كان يجاهر مثلما كان يقول الشارع عنكم أنه يستخدمكم للمرحلة القذرة.
(تعلب؟ الله يرحمك يا عرفات، ما تجوزش عليك الا الرحمة، منك لله يا شيخ، استغفر الله العظيم يارب، يعني عارف عنهم ده كله وسايبهم؟)

دحلان: سنرى من يستغل الآخر.

شارون: يجب أن تكون الخطوة الأولى هي قتل عرفات مسموما، فأنا لا أريد ابعاده إلا اذا كان هناك ضمانات من الدولة المعنية أن تضعه في الإقامة الجبرية، وإلا فإن عرفات سيعود ليعيش في الطائرة.

أبو مازن: إن مات عرفات قبل أن نتمكن من السيطرة على الأرض، وعلى كل المؤسسات، وعلى حركة "فتح"، وكتائب الأقصى، فإننا قد نواجه مصاعب كبيرة.

شارون: على العكس تماما، فلن تسيطروا على شىء وعرفات حي.

أبو مازن: الخطة أن نمرر كل شيء من خلال عرفات، وهذا أنجح لنا ولكم. وفي مرحلة الإصطدام مع التنظيمات الفلسطينية، وتصفية قادتها، وكوادرها، فإن هذه الأمور سيتحمل تبعاتها عرفات نفسه. ولن يقول للناس إن هذا فعل أبو مازن، بل فعل رئيس السلطة. فأنا أعرف عرفات جيدا. لن يقبل أن يكون على الهامش، بل يجب أن يكون هو القائد، وإن فقد كل الخيارات، ولم يكن امامه إلا الحرب الأهلية، فإنه أيضا يحبذ أن يكون القائد.
(انا مش قلت ان الدلاديل بتوعنا اشطر من اسرائيل نفسها؟)

شارون: كنتم تقولون قبل كامب ديفيد أن عرفات آخر من يعلم وتفاجأ باراك وكلينتون وتينت بأنه حر بمن يضم، ويبدو أنكم لا تتعلموا من الماضي.

دحلان: نحن الآن قمنا بتشكيل جهاز خليط من الشرطة والأمن الوقائي، وتجاوز عدده 1800 شخص. وهذا الخليط حتى نتمكن من استيعاب من تم تزكيته من قبلكم على أساس أن كل طرف من الشرطة أو الأمن الوقائي يعتقد أن الملحقين من الجهاز الآخر، ونستطيع أن نزيد عما نريد. ونحن الآن نضع كافة الضباط في كل الأجهزة أمام خيارات صعبة، وسنضيق عليهم بكل الوسائل حتى يتبعونا، وسنعمل على عزل كل الضباط الذين يكونون عقبة امامنا. ونحن لن ننتظر. لقد بدأنا بالعمل بكثافة، ووضعنا أخطر الأشخاص من "حماس" والجهاد وكتائب الأقصى تحت المراقبة، حيث لو طلبت الآن منى أخطر خمسة اشخاص، فإني أستطيع أن أحدد لكم اماكنهم بدقة، وهذا يمهد لردكم السريع على أي عمل يقومون به ضدكم. ونعمل الآن على اختراق صفوف التنظيمات الفلسطينية، بقوة حتى نتمكن في المراحل القادمة من تفكيكهم وتصفيتهم.
(ليه؟ ليه؟ ليه؟ ليه يا دحلان؟ ليه؟ تسوى كام؟ اهلك يسووا كام يا ابن الحرام؟ الله يلعن البطن اللي جابتك يا شيخ)

شارون: ستجدني داعما لك من الجو في الأهداف التي تصعب عليكم. ولكني أخشى أن يكون عرفات اخترقكم، وسرب خطتكم لـ "حماس" والجهاد والآخرين.
(عامل ايه يا شارون دلوقت؟ بيقولوا جلده عفن والمستشفى عايزه تديه لاهله واهله مش عايزين ياخدوه يعني لا الاخرة ولا الدنيا عايزينه كل واحد فيهم بيرميه على التاني: خلوه عندكوا شوية - لا يا عم احنا زهقنا - ماهو مسيره يموت ويقعد عندنا ابد الابدين - طب خدوه بقى - يا سيدي خليه عندك شوية حرام عليك نيحة يا كريمة النيحة - مش قادر يا نفسية مش قادر حرام عليك انت)

دحلان: هذا الجهاز لا علاقة لعرفات به لا من قريب أو بعيد، باسثناء رواتب الملحقين من الجهازين من خلال وزارة المالية (سلام فياض كان زير المالية في حكومة أحمد قريع في ذلك الوقت/ المحرر). وقد اقتطعنا للجهاز ميزانية خاصة من أجل تغطية كافة النفقات، وعرفات يفقد السيطرة، ولن نفارقه في هذه المرحلة.

شارون: يجب أن نسهل عليكم تصفية قادة "حماس" من خلال افتعال ازمة من البداية حتى نتمكن من قتل كل القادة العسكرييين والسياسيين، وبذلك نمهد لكم الطريق للسيطرة على الأرض.

أبو مازن: بهذه الطريقة سنفشل تماما، وسنعجز عن تنفيذ أي شيء من المخطط. بل إن الوضع سيتفجر دون أي سيطرة عليه.

الوفد الأميركي: نرى أن مخطط دحلان جيد، ويجب أن يترك لهم فترة هدوء من أجل السيطرة الكاملة، وعليكم أن تنسجوا لهم من بعض المناطق لتتولى الأمن فيها الشرطة الفلسطينية. فإن حدثت أي عملية عدتم واحتللتم تللك المنطقة بقسوة، حتى يشعر الناس أن هؤلاء كارثة عليهم، وأنهم الذين يجبرون الجيش الإسرائيلي على العودة من المناطق التي خرج منها.
(الله هم كانوا قاعدين؟ اهو شهدوا لنا اننا انبه من الاسرائيليين، والله الواحد فخور بالجينات العربية)

شارون: أبو مازن نفسه كان ينصحنا بأن لا ننسحب قبل تصفية البنية التحتية للإرهاب، وأن لا نكافئه.

أبو مازن: نعم نصحتكم بذلك ولكنكم لم تنجحوا بذلك حتى الآن. وكنت أعتقد أنكم ستنجحون بهذا الأمر سريعا.
(هههههههههه يعني طلعت اسرائيل هي اللي خايبة؟ والله الواحد مش عارف يضحك وللا يعيط؟)

دحلان: عوامل النجاح أصبحت بأيدينا، وعرفات أصبح يفقد سيطرته على الأمور شيئا فشينا, وأصبحنا نسيطر على المؤسسات أكثر من السابق عدا عن القوة الأمنية المشتركة من الأمن الوقائي والشرطة، وهي بقيادة العقيد حمدي الريفي. وأنتم تعرفونه جيدا، وقد ارسلنا لكم كل الوثائق حول تلك المواضيع بالتفصيل. وإن المهم أن هذه القوة لا تخضع لعرفات، ولا تقبل منه أي أمر، وسنبدأ عملنا في النصف الشمالي من قطاع غزة كبداية، أما بالنسبة لكتائب الأقصى فقريبا ستصبح كالكتاب المفتوح امامنا. ولقد وضعنا خطة ليكون لهم قائد واحد وسيصفي كل من يعيقنا.

شارون: أنا اوافق على هذا المخطط. وحتى ينجح بسرعة ولا يأخد زمنا طويلا، يجب قتل أهم القيادات السياسية إلي جانب القيادات العسكرية، مثل الرنتيسي وعبد الله الشامي والزهار وأبو شنب وهنية والمجدلاوي ومحمد الهندي ونافذ عزام.

أبو مازن: هذا سيفجر الوضع، وسيفقدنا السيطرة على كل الأمور. يجب بداية أن نعمل من خلال الهدنة حتى نتمكن من السيطرة على الأرض، وهذا أنجح لكم ولنا.

دحلان: بلا شك لا بد من مساعدتكم ميدانيا لنا، فأنا مع قتل الرنتيسي وعبد الله الشامي لأن هؤلاء إن قتلوا فسيحدث ارباك وفراغ كبير في صفوف "حماس" والجهاد الاسلامي، لأن هؤلاء هم القادة الفعليين.

شارون: الآن بدأت تستوعب يا دحلان.
(والنبي تتنيل، بقى هو اللي بدأ يستوعب يا متخلف؟ ده انا ما كنتش اعرف ان شارون خايب كده، لا معلش، احنا نشجع اللعبة الحلوة، انت تاخد من بقه وتبيع عليه؟ اما يهودي صحيح، هو دحلان اللي عمال يقول له يعمل ايه والتاني يقول له: ايوة ايوة، ما انا باقول لك اهو)

دحلان: لكن ليس الآن. ولا بد من الإنسحاب لنا من اجزاء كبيرة من غزة حتى تكون لنا الحجة الكبيرة، وأمام الناس. وعندما تخرق "حماس" والجهاد الاسلامي الهدنة، تقوموا بقتلهم.

شارون: وإذا لم يخرقوا الهدنة، ستتركونهم ينظموا ويجهزوا عمليات ضدنا لنتفاجأ أن هذه الهدنة كانت تعمل ضدنا..؟

دحلان: هم لن يصبروا على الهدنة حينما تصبح تنظيماتهم تتفكك، وعندها سيقدمون على خرق الهدنة، وبعدها تكون الفرصة بالإنقضاض عليه، ثم البركة فيك يا شارون.

الوفد الأميركي: هذا حل منطقي وعقلاني.
(يا واد يا تقيييييل)

شارون: أنا لن انسى عندما كنتم تقولون لحزب العمل، وحتى لنا، أنكم مسيطرون على كل شيء، وتبين لنا عكس ذلك. دعوني أمهد الطريق بطريقتي الخاصة.

أبو مازن: البند الأول في خارطة الطريق ينص على أنكم تقدمون خطوات داعمة لنا في مكافحة الإرهاب، ونحن نرى أن أكبر دعم لنا أن تسلموننا جزءا من القطاع حتى نتمكن من بسط السيطرة عليه. وقلنا لكم أننا لن نسمح لسلطة غير السلطة أن تكون موجوده على الأرض.

شارون: قلنا لكم أكثر من مرة أن الخطوات الداعمة تعني أن ندعمكم في محاربة الإرهاب.. أي بالطائرات والدبابات

أبو مازن: هذا لا يكون دعما لنا.
---------
وبعدين؟ فين بقية الكلام؟
الكلام ناقص، مش ممكن دي اخر كلمة اتقالت في القعدة
ايه باقي الكلام؟
2- عرفات عمل ايه لما وصله المحضر ده؟ ليه ما صفاش الاتنين دول؟ دول تمنهم رصاصتين ولو عرفات طلع على الناس وقال دول خونة كل الناس ح تصدقه، ليه ما عرضش المحضر على الرأي العام وسابهم للناس تمسكهم تفسخهم من بعضهم في الشارع زي ما بيعملوا مع اي خاين؟
3- القدومي لما وصله المحضر ده سكت ليه؟ وفضل ساكت ليه لحد دلوقت؟ وليه اتكلم دلوقت؟
4- المحضر وصل لايدين عرفات اصلا ازاي؟ واضح انه كان نايم على ودانه
5- طب والعمل دلوقت؟
6- طب عباس لما تخلص من دحلان، دحلان ما فضحوش ليه؟ وللا هي دي بقى فضيحة دحلان؟ ماهو اصله ما سمعنالوش حس لما المحضر ده نزل
7- ايه القرف ده؟
8- ايه الخيبة دي؟
9- ايه الوكسة دي؟
10- ثانية واحدة ح اقوم ارجع... اععععععععععععععع
السلطة الفلسطينية علقت اعمال مكتب الجزيرة! طب والجزيرة مالها يعني؟ كله من ضحكها مثلا؟ يعني هي الجزيرة اللي فضحتك يا عباس؟ ما انت الابعد مفضوح فضيحة المطاهر يوم طلوعه على المعاش، هو يعني لما اولمرت كان بيستقبلك وينزل بوس في خدودك كأنه بيبوس ابن اخته ابو خدود مكلبظة كان ده محتاج محضر؟
ههههههههههه حماس يا عيني خافت وقالت: احنا مالنا؟ ده شأن داخلي لحركة فتح
11- ليه؟ ليه؟ ليه؟ ليه؟ ليييييييييييييييييييييييييه؟ ليييييييييييييه؟ ليه؟ ليه؟ كل الاطفال دي وكل المساكين دول... ده انا اللي لا فلسطينية ولا عايشة في الغلب الازلي ده جات لي صدمة عصبية، ده ايام حرب غزة كنت اعرف تلاتة مالهمش في السياسة خالص والتلاتة ما كانوش بيناموا غير بالمهدئات، منهم واحد زميلي في الشغل كانت شرايط عمرو خالد خلته يبطل حشيش ويصلي لمدة خمس سنين، رجع للحشيش ايام حرب غزة، ليه؟ ليه؟
هو دحلان ده تمنه كام يعني؟ تمنه كام عايش وتمنه كام..احم، مش عايش؟
هيييييه، الاعمار بيد الله 

35 comments:

ahmed samir said...

القدومي واحد من رفاق عرفات القدامى اللي عباس معرفش يتخلص منه زي ما عمل معا الباقيين

و اجتماعات دحلان مع الاسرائيلين ده العادي بتاعه و شوفي اللينك ده
http://www.waraqat.net/816/

أما بالنسبة لفتح فمعروف من زمان ان فيها خطين خط المقاومة و على رأسهم القدومي و كتائب الأقصى اللي شاركت في الدفاع عن غزة و الخط التاني بتاع دحلان و عباس بتاع المفاوضات و الأمن الوقائي اللي منع الناس بتوع الضفه يتظاهروا تضامناً مع غزة على اساس ان غزة دي بلد تانية ملناش دعوة فيها..

نقطة كمان تم اغتيال الشيخ احمد ياسين في مارس 2004 و بعدها في ابريل 2004 تم اغتيال عبد العزيز الرنتيسى و فى نوفمبر مات عرفات
يعنى اللي في المحضر اتنفذ تقريباً بس مش بالترتيب

بس لازم لجنة محايدة تحقق في الكلام ده.. و القدومي على فكرة قال انه لديه المزيد و حيكشفه تباعاً

Unknown said...

ايه اللي سكته لحد دلوقت

ahmed samir said...

هو قال انه سكت عشان يتأكد من المعلومات اللي في المحضر
لأن اتهام رئيس بالتآمر على اغتيال الرئيس اللي قبله اتهام مش سهل

حـنــّا السكران said...

صحيح أن المعلومة الرئيسية ( قتل عرفات بالسم ) كانت معروفة للجميع , خصوصا أن شارون عبّر عنها بشكل واضح حين قال له بوش أن عرفات مريض جدا فردّ شارون بأنّ ( السماء تحتاج إلى بعض المساعدة أحيانا .لا تقلق ) , و تذكرين أني قلت هنا في تعليق قبل شهور أنه ما كان للرئيس الأسد أن يقول بأن عرفات قتل بالسم في اجتماعات علنية للجامعة العربية لو لم يكن لديه معلومات مؤكدة . لكن استغربت سكوت " أبو اللطف " حتى الاّن , ربما كان يريد التأكد و الحصول على أوراق و محاضر كهذه .. كما قال الأخ أحمد سمير .. حين رفع أبو اللطف الصوت عاليا و تكلم عن منظمة التحرير بعد عدوان غزة كنت أتوقع أن يقول كل شيء وقتها ..المهم . أن هذه المعلومات لن تغيّر شيئا .. لأن عباس محميّ من رفاقه في المحور المعروف , الذين كانوا بكل تأكيد على علم و إطلاع بهذه الخطة و هم لم ينطقوا بحرف من يوم وفاة عرفات , قتلوا القتيل و مشوا في جنازته , لأن الأمريكان كانوا راعين لكل ذلك .. أيّ تغيير ممكن على ضوء هذه المعلومات يجب أن يتم من داخل حركة فتح ذاتها , هذا هو التغيير الذي يمكن أن يُحدث فرقاً الان..و أعتقد أن هذا أيضا غير ممكن .. لأنّ هذا المخطط و تلك الحالة الإنقسامية هي نفسها التي افتعلت في لبنان بنفس التفاصيل ..اختلفت طريقة القتل فقط ( الحريري ) ..و الإصطفاف أُريد له أن يكون نهائيا .. أي الان حتى لو قيل لأتباع هذا الفريق أو ذاك أن زعمائكم هم من قتل اّبائكم و أمهاتكم لن يتغير كثيرا في الأمر ..تذكرين خروج الضباط الأربعة و فضح تلك الكذبة الكبيرة التي تمّ البناء عليها لأبع سنوات من الأكاذيب و الأضاليل ..بُني عليها مشروع سياسي قائم و كامل ..و مع ذلك , انكشافها لم يغير شيء في الشارع .. الناس أصبحت مؤدجلة بشكل جاهلي ..و لن أبالغ و لن أظلمهم إن قلت ( بشكل حيواني غرائزي )و هذا ما يجعلنا نختلف عن أي شعب اّخر يكتشف فساد أو إجرام زعمائه فيحاسبهم ..نحن نلتف حولهم أكثر كي لا نـُتـّهم نحن أيضا بالغباء و نشعر بانتصار الفريق الاّخر علينا ( اللي هو من اخوتنا و أبناء جلدتنا , أوعى حد يفكّر انه فريق اّخر يعني اسرائيل ).. يعني عند و غباء و جاهلية عمياء .

ـ تذكرون حين دُعي غباس إلأى قمة الدوحة لأجل غزة ..قال ( بيدبحوني من الوريد للوريد لو رحت ـ يقصد الإسرائيليين طبعا ً ) و هذا الكلام قاله وزير خارجية قطر عن لسان عباس في مؤتمر صحفي ,و عباس أنكر ذلك طبعا ..و أيضا ,,ما كان لوزير خارجية قطر أن يقول ذلك من عنده و على الهواء .
ـ التعويل الان على الجناح المقاوم في فتح .. و إلاّ .. فلا طائل من كشف أي شيء ..و أعتقد أن هذا الفريق قد وضعه دحلان و عباس منذ زمن ..على مرمى رصاصات الصهاينة عند أول حركة قد تتم ضد فريق العملاء . .

Bella said...

واضح طبعا يانوارة ان عباس ودحلان محميين جدا ليس فقط من جانب امريكا واسرائيل ولكن من القادة المعتدلين في المنطقة

ههههه

اما سكوت القدومي حتى هذه اللحظة فهو غريب بعض الشيئ وان كان قد سبق والمح عدة مرات خاصة بعد العدوان على غزة

كما ان احمد جبريل سبق وتحدث بشكل مباشر عن قتل عرفات بالسم

وبالفعل المخطط تم تنفيذه

انا حاسة بقى ان مصر ستتضامن مع ابو مازن في موقفه من قناة الجزيرة وتتلكك لطاقمها في القاهرة على اي حاجة وتقفل لهم المكتب

يعني مثلا يطلع حسين عبد الغنى يتكلم ويكح في اي تقرير تتهمه مصر بمحاولة التلميح للتلوث المنتشر في اجواء مصر وتتهمه بضرب السياحة وتقفل المكتب وتقبض على الطاقم كله

ههههههههههههههه

حـنــّا السكران said...

ههه أنا لم أتابع الجزيرة مبارح و اليوم الصبح ..لسه شايفها .. هي الحرب العربية المقدسة من زمان اتجهت نحو قناة الجزيرة المارقة ..ما حدا منهم اّخد باله من الكلام اللي قاله القدومي و إمكانية التحقيق فيه ..لا ..الحق عالجزيرة ..بعد ما كان الحق عالطليان دايما .

حـنــّا السكران said...

بكرا قناة العربية بتردّ ..و على غرار برنامج ( حكيم في زنزانة ) اللي حوّلته جيزال خوري لبرنامج ( إله في زنزانة ) اللي كان عن نضالات و تضحيات القديس سمير جعجع .. بكرا بيعملوا برنامج عن نضالات دخلان و تضحياته و استشهاده أكتر من مرة في سبيل القضية ..و كمان رح تقدّمه جيزال ..و تحت عنوان ( اّخر الرجال المحترمين .. أو قدّيس من الشرق ) .لا تستغربوا شي ..

مهندس مصري بيحب مصر said...

لسه ياما حنشوف

مواطن مصري said...

فتح حماس كلهم مرتزقة

لا اثق فيهم الله يرحمك يا شيخ ياسين و ياسر عرفت

وربنا يفك سجنك يا مروان البرغوثي

حـنــّا السكران said...

قدومي على الجزيرة الان يردّ على السلطة

لديه محاضر جلسات

Unknown said...

اموت واعرف حماس وفتح بيتشتموا ليه دلوقت؟

لبنــــــــــى said...

يقال ان القدومي لم يخرجج الاوراق كاملة بعد مقتل ياسر عرفات لان لم تكن لمصلحته او لمصلحة " القضية الفلسطينية اللي خلوها قضية سلطة "
بس لما توجهلوا تهديد مباشر من القيادة في الضفة بقتلة كما قتل اللي اشرف منه في تونس و الكل عارفين مين هو
قام بعرض الاوراق ورقة تلو الاخرى حتى يرى ما الذي يستطيعون تقديمه لاسكاته
القدومي لم يعرض اي معلومة جديدة ابدا لكن الوثائق هي المفاجاة الكبرى

الله يفرج عن مروان البرغوتي اللي لو طلع ما رح يضل ولا واحد منهم هالحقرا

Unknown said...

ما لحقتش اشوف كل القدومي
بس ح يتعاد الساعة اتنين صباحا الليلة دي

انا بس مش عارفة هو محمود عباس عمل كده ليه؟

يعني دحلان لسة شباب والعمر قدامه وعايز فلوس

محمود عباس ده اللي في سنه يروح يحج ويعمل لاخرته
مش يقابل ربنا بكل الدم ده على ايديه

بقى طلع ان عباس ودحلان هم اللي بيدوا اوامر لاسرائيل امتى تضرب غزة وامتى لا؟ امتى تقتل قائد وامتى لا؟

بقى طلعت اسرائيل غلبانة وبتاخد منهم اوامر

انا عينيا زغللت وجالي صداع

مي ثابت said...

ايه اللي سكته لحد دلوقت
--------------------

هناك إحتمالين

إن القدومى لم يحصل على المحضر من عرفات كما يدعى .. و لكنه حصل عليه الآن فقط من واحد داخل السلطة الوطنية الفلسطنية الحالية و خايف يكشف عن شخصيته
و فى الحالة ديه يبقى تصرف سليم





أو إنه فعلاً معاه المحضر من خمس سنين و كشفه دلوقتى لما لقى إنه حيتهمش هوه و أعضاء اللجنة المركزية الموجودين خارج فلسطين المحتلة
بعد أن أصر أبو مازن على عقد الإجتماع القادم للجنة فى بيت لحم و فى حماية الصهاينة
و هنا يبقى اللى بيحرك القدومى الأطماع الشخصية و فقط





علماً بأن أمر هذا المحضر ليس بجديد فقد سبق و تناولته هآرتس من حوالى عام

و لكنه لم يلق الإهتمام الكافى

إلا عندما تناولته الجزيرة نقلاً عن القدومى

و هذا ما يفسر الهجمة الشرسة على مكتب الجزيرة فى رام الله

tarek momen said...

طيب هل تعتقدي انه ممكن يجي يوم و نشوف محاضر اجتماعات سبقت يوم 6 اكتوبر يوم اغتيل الرئيس وسط حرسه و جيشه؟؟؟؟؟؟؟

احمد سعيد said...

محمود عباس ده اللي في سنه يروح يحج ويعمل لاخرته
مش يقابل ربنا بكل الدم ده على ايديه


هههههههههههههههه

الناس دى مبتفكرش كدة يانوارة

والا كان ابو العواكل اولى بكدة

انما تقولى ايه

الكلب من دول يبقى بيموت على فرشته وهو عمال يصرخ ويقول
فلوووووووووووووس
دههههههههههب ياقوووووووووت مرجااااااااان

سُللللللللللللللللللللللللللللللطه
نفووووووووووووووووووذ


دا بقى اللى بيسموة الختم على القلب

بعيد عنك وعن السامعين

حسن على said...

الدكتور عزمى بشارة وصف الحالة بأنها فى الانعاش وشخص الحالة بأنها عدوى تعفن شديد فى الجهاز الادارى الفلسطينى فى رام اللة,وان الاصابةبهذا الفطر السام جاء من اسرائيل وان طفيل عبادة الرئس قد جاء من مصر ويواصل المعمل الجنائى التحقبق

حسن على said...

حجج القدومى فى حجب الوثيقة لفحصهاو التأكد من صحتها,حجة سائغة ومعقولة لان المحاضر بها حوار خيانى يتجاوز الجنون

Kalimalhus said...

بغض النظر عن التفاصيل .. ما طال به الزمن فلابد من أن يلحقه الفساد .. و منظمة التحرير الفليسطينية منذ أعلنت جهة الإختصاص الوحيدة بالقضية الفلسطينية و جهة تلقى التبرعات و جهة التفاوض إلخ و طال الزمن و هى على هذا الحال فسد رجالها و تنازعتهم المصالح و أثقلتهم كروشهم المتخمة..

المهم ألا يتكرر الأمر مع من رفع اللواء بعدهم بعد أن ينعقد له لواء المقاومة وحيدا و يصبح جهة الإختصاص الوحيدة الباقية للقضية و المقاومة ..

بعض ما أسمعه عن حماس اليوم و تحولها إلى سلطة حكم مستبدة فى غزة أمر لا يطمئن و أملى أن ينتبهوا بأنفسهم للأمر و يصوبوا مسيرتهم و لينظروا ما آل إليه أمر مقاومى فتح القدامى الذين مات رفاقهم يوما شهداء و هم يظنونهم على خير حتى بدلتهم الدنيا بالمال و السلطة .. و رحم الله من قال: السلطة المطلقة مفسدة مطلقة..

mido said...

كلمة فاروق القدومى بالفيديو

Monzer said...

http://www.abna2masr.com/

ماتشوفيلنا الموضوع ده يا نوارة
ربنا يكرمك

لحسن دي ايام تكفر المؤمن

جيبلنا آخر الموضوع ده بالله عليكي

Unknown said...

لا والنبي يا منذر
طلعني انا من الموضوع ده

سبهللة said...

ايه القرف دة
دة الدنيا بايظة عندهم اوى
ومن وقت طويل
ومالهاش حل
ما تتعبيش قلبك
للأسف القذارة منهم فيهم
الف خسارة على فلسطين
الكل نسيها خلاص
وكله بيقول يالا نفسى

بجد دمى اتحرق
شكلى هاعمل زى زميلك بتاع الحشيش

Unknown said...

ههههههههههههههههههههههههه
هههههههههههههههههههههههههههههههههه

حسن على said...

معلش يانوارة دلوقت فية طيارة ايرانية تجطمت ومات ركابها ... ادى ياستى الاخوان الظلامين وحماس طبعا ولية الطيارة ايرانية عشان نجاد اللة يخرب (... ) هو السبب (مواطن سكندرى) متأثرا بأفكار( مواطن مصرى).

Unknown said...

هههههههههههههههههههههههههه

فاروق عادل said...

ازيك يانوارة بعيدا عن موضوع البوست انا جبت 90فى المايه:)))

------------
ايه رايك فى دخول اداب اعلام

Unknown said...

اللففففففففف مبروك

لا
لو جايب نمرة كويسة في الانجليزي ادخل اداب انجليزي

:)
زيي

Mahmoud said...

فيه حديث هو كان عامله مع جيزيل خوري بعد وفاة عرفات بأيام معدودة
شوفوه على اللينك ده
http://www.alarabiya.net/programs/2004/11/16/7968.html
طبعًا الواضح منه طريقة كلامه ودعمه لعباس أنه لم ييحصل على المحضر من عرفات ولا كان عنده فكرة أساسًا..
الأرجح أنه حصل عليه مؤخرًا زي ما بتقول مي..
وارد جدًا حد يكون انقلب على دحلان أو على عباس وقدر يسرب المحضر ووارد كمان وأعتقد هو الأرجح أن التسريب تم بمعرفة الإسرائيليين ذات نفسهم..

مراقب مصري said...

مش قادر أفهم فين المشكلة؟

دول ناس دعاة سلام - عباس ودحلان - والحقيقة إن تعاون الإخوة دعاة السلام - عباس ودحلان وشارون والوفد الأمريكي - هو تعاون - في واقع الأمر - على البر والتقوى... يبقى أي حد مغرض - وليكن عرفات مثلا - يقف ضد "البر والتقوى" اللي دعاة السلام بيتعاونوا عليهما يجب طبعا التخلص منه... وده من باب درء المفاسد وهو مقدم على جلب المصالح إن كنتم لا تعلمون

طبعا أنا مش ضد المقاومة ولا ضد حماس والكتائب... بس إذا المقاومة هتجلب مصالح - فقادة المقاومة - مثل الرنتيسي الله يرحمه وغيره - يأتون بمفاسد ويتسببون في ذبح الشعب الفلسطيني وضرب إسرائيل لهم عقابا لهم على تشجيع المقاومة وعدم نبذها... يبقى دعاة السلام يعملوا إيه ساعتها؟؟


صح كدة... أديكي إنتي قلتيها... يدرءوا المفاسد ويقدموا الدرء على الجلب... دي ناس بتحافظ على السلام - لأنهم دعاة سلام - وبالتالي خير لهم أن يموت كام فرد - عرفات والرنتيسي وغيرهما - بدلا من أن يموت السلام!! السلام أصلا خيار استراتيجي وما ينفعش يموت

وبعدين الرنتيسي وعرفات وغيرهما دول ناس مجاهدين ومؤمنين - مش حضرتك مؤمنة برضو؟ - ويعرفوا إن اللي يموت في سبيل القضية هم شهداء عند ربهم يرزقون... يبقى إيه العيب بقى في اللي عمله عباس ودحلان؟ قربوهم من ربنا وخلوهم أحياء عند ربهم يرزقون... يبقى المفروض نشكرهم مش نفضحهم ونجرسهم

tuhamy said...

القصة الكاملة لمحمد دحلان من الحارة الي الوزارة


http://www.ebnmasr.net/forum/t41280.html

دودو said...

بما ان الدنيا خربانة كدة
والفساد والخيانة للركب
مفيش اى حل غير

ان الدنيا تنضف ودة لة حل واحد
كام رصاصة

MerMaid said...

Nawarra,,the palestinian cause died with the death of the leader Yasser Arafat,do u really think that those politicians really care about ending the war and to live in peace??
no they dont,absolutely not.
becoz thats what they do in conferences,they beg for money and for global support,they made millions and billions after the palestinian uprising.
didnt u ask urself where did all the money go??the money that came as an aid to the palestinian people??
The so called Nabil sha3th is a millionaire,his son is a client at my husbands work and they buy stocks by millions every day and another.
i have a palestinian neighbour,do u really think that they still belong to palestine??
some do,but also some gave up long time ago.
Abbas is a hypochrite and its very clear,I think that those people dont care about their cause at all,they care about how to collect all the money available,they care about travelling to D.C to Tel Aviv,showing of that they are peace men,but they are not they are killers,they killed thousands of innocent unarmed people on purpose,they are so weak so fragile so failures.all of them.i am sick of saying that we want world peace and that our religion is a religion of peace,all that shit makes us beggars and priceless.
our leaders made us that way,we are international beggars to the world now,have u ever seen a country like Zambia everyday says that I am peacful and we need more communication with the west??
why should we always start the " religion talk" or whatever its called Hewar al Adyan??
are we this weak??are we this cheap??are we this stupid and silly?
we are Totally totally fucked up by our hands.

Thank you

MerMaid said...

"We want peace with Israel" thats what the palestinian politicians say all the time,,I have never seen a Victim goes to its predator and say i wanna make peace with you,there is no peace with an occupier no peace at all,they are liars and hypochrites who say other wise,,israel is an occupier.
one last thing,,i have never seen Olmert or sharon or any other occupier visited Abbas at his office or ranch or anywhere in Ramallah,,always always its Us who go to shake hands and make peace,what a pitty.

ZooZ "3grbgr" said...

نواره

سلام


http://www.youtube.com/watch?v=0TAbhM3Ofy8&eurl=http%3A%2F%2Fwww.google.com%2Freader%2Fview%2F%3Fhl%3Den%26tab%3Dwy&feature=player_embedded