Saturday 11 July 2009

طب مش كنت تقول يا بوب؟




منكوا لله ياللي نظمتوا زيارة اوباما عندنا في مصر، حرام عليكوا، ما كنا استغلينا الفرصة، لو الراجل ده اخره كنا ظبطناه بحاجات احلى من كده، طب ده البنات اللي عندنا احلى منها وش وضهر

يعني يا ابو الخيط قعدت تقول مصر تعزز مصر تعزز وساعة الجد لا عززت ولا نيلت بس قعدت تليف ضهر هيلاري على السلم، يعني هي البرازيل لازم تسبقنا في كل حاجة؟ طب الكورة وادي احنا بنلعبها على ما تفرج، لكن الناس تقتحم مجالنا الجوي وتسبقنا؟ احنا كده بنخسر كل مواردنا: ما بقيناش نزرع قطن، مابقتش صناعة السينما مهمة، وحتى ما عرفناش نعزز يوم واحد ونطري على قلب الراجل

ايه الفشل ده؟

اهي دي فايدة استغلال اجهزة المخابرات في كل حاجة:

- يتناول افطاره قهوة فقط

-يحب مشاهدة لعبة الفوتبال الامريكية

- يتعامل برقة مع الجنس اللطيف ودايما يخليهم يسبقوه على السلم بالذات لو طالع

طيب

ما عندكوش مخ؟ بدل ما بعتوا له زاهي حواس ينكد عليه في اول زيارة لمصر

واكل دماغه رغي رغي رغي، فين كل البنات اللي لابسين بادي وبنطلون ستريتش وفوقيهم قميص نوم بحمالات؟ فين دول؟ اختفوا؟ كنت انزل الكورنيش واستأذن من الاخ اللي قاعد جنبها: ايدك بس يا كابتن خمس دقايق عايزين الانسة شوية وح نرجعها لك صاخ سليم، خد، دي كورة اسفنج فعص فيها على ما نرجع لك الامانة

اتاريه يا قلب امه كان بوزه شبرين وملوي وحواس عمال يعضعض في دماغه وياكل ودانه، يعني ييجي مصر نقوم نستقبله الاستقبال الارديحي ده؟

قلة ذوق، وعدم تقدير لمواهبنا المصرية الاصيلة من غير تجميل ولا تنجيد ولا سليكون بالصلاة ع النبي تشبيعي تشبيعي هو المحشي اللي بيعمل كده، ده فرقة البالية المصرية بطلتها (اللي هي ارفع واحدة عندنا) بطة بطة يعني، وهي ماشية خشب المسرح بيفك من بعضه اسم الله عليها، كانت بترقص في باليه بحيرة البقر، سهير زكي ياخواتي؟ والواد الباليرينا المصري ياعيني ييجي يشيلها يتمزع لحد ما جاله فتاء

عموما ملحوقة، لسة قضية فلسطين، لسة موضوع حزب الله، لسة المفاوضات مع ايران، والحوار مع سوريا

هاه؟ اظن عندكوا فرصة مافيش بعد كده، دي فلسطين ولبنان وسوريا وايران، يعني اللية والعين الجوانية، واهتموا بالليلة شوية لو سمحتوا، عيب يعني، ده احنا اتزحلقنا على مؤخرة العالم من كتر تقل المؤخرات عندنا، مش وقته يا نجاد دلوقت تدقق على لبس الحجاب للمترجمة، ما تبقاش رخم، الضرورات تبيح المحظورات، وده مش عشانها، ده عشانا كلنا، دي ح تبقى بطلتنا القومية، كل واحد يستنضف له مترجمة ويسحبها في ايده، ما حبكتش الكفاءة دلوقت، من امتى يعني بيهمكوا الكفاءة، ثم ان الكفاءات دي وجهات نظر، والانجليزي مش كيميا يعني، مش تروح تنقي لي واحدة شكل ام زبعبع ما تعرفش وشها من ضهرها وتقول اصلها شاطرة، شاطرة وديها المدرسة وطلعها الاولى، اعملوا معروف، احنا جبنا جاز من اللي اتعمل فينا، خلينا نخلص، بس هو كان واجب عليه يفطمنا، شوية تعاون يعني يا بوب، انت تقول لنا، احنا ناخد احتياطنا وننقي لك دليلة يا شمشون، احنا اتكتب علينا سجايرنا تبجى واحدة

اتااارييييييييييييييه كان متعاااااااااااااطف قويييييييييييي مع انصار موسوي ومع المرحومة ندا

لالالالالالالا

انت لسة شفت حاجة يابوب؟

جرب نار الغيرة، جرب نار الغيرة

واووولييي اوووليييي

بصوا بقى، انا ح احطوا لكوا خطة ما تخرش المية، وياريت بقى تعبروني وتعملوا بالخطة دي مش زي نتانياهو اللي تجاهل كل مجهوداتي بعد ما قدحت زينات صدقي

اوباما بيمشي بوفد، الوفد ده مكون من كام واحد وواحدة، اوباما يعتبر هو انبه واحد فيهم يعني، والمضيف الكويس يهتم بكل ضيوفه:

1- اوباما، ده امره بسيط، كام واحدة عجبا لغزال قتال عجبا، ادي انتوا عرفتوا بيهتم بايه بالظبط، انا عايزاكوا تبهروه، وياريت اللي يتكلم معاه تبقى واحدة سورية: اهلييييين ابن عميييييييييي، تقبرنييييييييي، تقبر قلبيييييييييييييي، والباقيين يبقوا واقفين وراها باصين للحيطة، قال يعني بيتفرجوا على اللوحات المتعلقة

2- هيلاري: ياريت واد لطيف وامور كده يكلمها عن شياكتها وجمالها وشكلها اللي اصغر من سنها بخمسة وخمسين سنة

3- رام ايمانويل: ما يغركوش من حكاية الموساد، ده يهودي، يعني ما يهموش غير انه يضحك وبس، ومستعد يبيع ابوه عشان يتريق ويكركع من الضحك، اياك ثم اياك تقعدوا معاه حد دمه تقيل، ما تخليهوش ياخد نفسه من الضحك، اظن دي سهلة يعني، الاراجوزات عندنا كتير

4- بايضن: هاتوا له كورن فليكس، وشورت هاواي وتي شيرت احمر في برتقاني وقعدوه على الشط وهاتوا له كور وطيارات ورق، ومافيش مانع من كام بنوتة كده، ما تخافوش مش ح يئذيهم، ح يبص بس

5- ميتشيل: قعدوه في اودا ضلمة واغسلوا مخه بالايحاء، ده ما عندوش مخ ده، هو بينفذ اللي بيتقال له اقعدوا قولوا له: العرب حلوييييييييييييييين، اسرائيل وحشششششششة هوووووووووووووووووووووووو

6- لو حصل ومرات اوباما شبطت فيه بعد الفضيحة، هاتوا لها جنينة مزروعة جرجير وخس وقعدوها فيها عشان تحل عن سما الراجل ونشوف احنا شغلنا

7- لو عملت زي النسوان البلدي وجابت العيال تتحامى فيهم هاتوا لهم جوز كلاب من اللي بيبقوا واقفين على البوابات، الكبار دول، بس كمموا لهم بقهم احسن ياكلوهم

8- لو جاب معاه البت مندوبة الامم المتحدة هاتوا لها حشيش افغاني وحقن كوكايين

اظن دي خطة بسيطة، وسهلة، ومش مكلفة، ياريت بقى نبتدي نحط خطة عمل من دلوقت ونكون لجان، وانا باقترح تقسيم اللجان كالآتي

لجنة المزز

لجنة المزاج

لجنة الشباب والفياجرا

لجنة الاهبل وابو ريالة

هيييييه ربنا يوفقنا

51 comments:

TAFATEFO said...

لا لا لا .. أنا مش مبسوط
ده أداء أقل من المتوقع بصراحة .. وأنا الي كنت فاكر ان الواحد هيقرا البوست على عشرين مرة في زمن أقله 30 دقيقه؟؟

أديني قريت البوست على 6 مرات بس وفي زمن أقل من 12 دقيقة

أنا مش مبسوط

looooooooooooool

Unknown said...

هههههههههههههههههههههههههههههههه

TAFATEFO said...

هو احنا عندنا من ذات الرداء الأحمر بس ولا من ده كمان؟

مهندس مصري بيحب مصر said...

ههههههههه
أوباما ده حكايته حكاية

بخصوص قضية الشهيدة مروة شوفي الفيديو ده

nside story discusses the motivation behind the killing of Marwa al-sherbini.
An Egyptian Muslim woman was killed in a German courtroom by a man convicted of insulting her religion.

The brutal killing of the pregnant Marwa Al Sherbini, 32, raised a lot of questions about the rise of right wing fanatics in Europe.

Al Sherbini was stabbed 18 times by a German man of Russian descent, formally identified only as Axel W, last week as she was about to give evidence against him as he appealled against his conviction for calling her a "terrorist" for her wearing the headscarf (hijab).

While the German authorities focus on court security, we ask, what about the underlying problem - the motivation behind the attack.

Inside Story discusses with guests: Maleiha Malik, a professor of law at King's college London, and author of "Anti Muslim prejudice: past and present"; Sulaiman Wilms, a media spokes person for European Muslim council and editor of the German language newspaper and Douglas Murray, a director of the centre for social cohesion, and author of "Neoconservatism: why we need it".

http://www.youtube.com/watch?v=izPQFrr8_1k

مش عارف بقى حينفعك مع الأجانب في ماي سبيس و لا إيه ؟

مواطن مصري said...

لا بس البرازيلي يكسب دي البرازيلللللل


بس مفيش احلى من بيونسية


و بعدين يا نوارة من حق كل مواطن انة يبص البص حق للجميع
لوووولللللل

Unknown said...

ههههههههههههههههههههههه
ههههههههههههههههههههههههههههههه
ههههههههههههههههههههههههههههههههههههه
ايه الصورة دي؟

وليه دايما ساركوزي واقف جنبه بيضحك
هاهاهااااااااييييييي

Unknown said...

ايه البرازيلي يكسب دي؟
هي عقدة الخواجة وصلت لحد كده؟
ده البت دي شبه البت ناهد اللي في العشوائيات

Unknown said...

بهيج عايز يمسك لجنة المزاج

وعايز لجنة الشباب والفياجرا يمسكها عوكل ملك الفياجرا وقاهر الهكسوس

انا عايزة اسألكوا سؤال

بهيج كل يوم على المدونة

بس بيختفي في فترات غريبة جدا

يعني طول فترة زيارة اوباما قبلها بشوية كده واول ما خلصت ظهر

طول فترة مؤتمر الجي تمانية ما شفتلوش تعليق واحد من قبلها بشوية لحد امبارح

اول ظهور له دلوقت حالا

ما داهية يكون هو قاهر الهكسوس ملك الفياجرا

هيهيهيهيهييييييييي

لا باتكلم بجد

كل مؤتمر من المؤتمرات دي يختفي

في الاخر ح يطلع عسكري امن مركزي

والله انا ما اعرفش انهم بيدوهم لاب توب غالي كده

اه

ما هو احنا لما هيكنا على جهازه

فاكر يا بهيج؟

اكتشفنا انه اسم الله عليه مليونير

امال هو فاضي كده ليه؟

TAFATEFO said...

lol @ هيكنا

مليونير : احم احم .. مصلحه

hahaha

mido said...

واضح من كثرة الصور دى

ان اوباما متخصص

مرحمش واحدة فى حالها ابدا

اكيد مزقوقين عليه

ملعوبة

mido said...

مفيش فايدة فى الفلاتى ده

:D

Unknown said...

احنا عايزين نستغل الموقف بقى

مش كل مرة اليهود يلهفوا منا المصلحة

بلا شرف بلا بتاع
ماهم الانسات بنات العائلات المحترمات موجدات كده كده

يعملوا حاجة وطنية يعني

احمد سعيد said...

هههههههههههههههه

ايه ياعم مصطفى الصورة دى

دا مش عاتق بقى

طب اول مرة وقلنا غصب عنه

النظرة الاولى ليه والتانيه عليه

انما هنا بقى ؟؟؟


لا وشوف البت المسهوكه

قال يعنى عامله بتخبط فيه من غير قصدها


قال يعنى البت ياعينى مكانش قصدها

كان ناقص كمان تنفخ فى عبها وتقول :

يافضيحتىىىىىى

رااااااااااااجل

يوة يانداامه



انا بقى اللى لافت نظرى نظرة الواد اللئيم بتاع فرنسا دة

مش عارف بيفكرنى بناس مش ولابد

بيبص بخباثه كدة

ايون ياعم اوماما

انا فاهمك وعارف اللى فى دماغك

ها

البوضاعه عجبتك

ولا تحب نغيرلك الصنف

فيه ليلى صديقه الطلبه لو غاوى كومبو


اخصصصصصصص

هى حتى السياسه بقت بتمشى كدة ؟؟؟

معاة حق بقى ابو الغيط يروح يعزز

ماهو بقى زمن المعززين

حفيدة عرابى said...

علشان تبطلوا بطر على شغل موافى اهى الدنيا حوجتكم ليه اهوه
ارحمنا يارب برحمتك ده هيشوف ايام سوده من ميشيل

TAFATEFO said...

يعملوا ايه بالظبط؟؟ ما هم عاملين اللي عليهم بس هما اللي فضوله البلد

TAFATEFO said...

ده كان في واحده امبارح في اكسبرسوا وصاحهبا داس على الببش بتاعها (على حد تعبيرها) لو كان شافها أوباما امبارح كان ساب الرئاسة واتفرغلها

أخخخخخخ

loooool

مهندس مصري بيحب مصر said...

إلحقوا يا جماعة
نوارة عايزة تستخدم أساليب صفوت الشريف

مهندس مصري بيحب مصر said...

إلحقوا يا جماعة
نوارة عايزة تستخدم أساليب صفوت الشريف

TAFATEFO said...

لا بس ساركوزي أصله ميقدرش يبص .. ربنا فاتحها عليه من وسع أوي أوي يعني .. الدور والباقي على الغلبان ده

Unknown said...

المرة اللي فاتت اسرائيل ظبطت كلينتون

المرة دي لاااااازم نستغل الفرصة

امال كل النسوان المتلقحين في جامعة الدول دول بيعملوا ايه؟
كل النسوان اللي في السوليدير بيعملوا ايه؟
كل النسوان اللي دايرين يشتكوا من نظام الملالي عشان لما بيتظبطوا في البيت مع راجل بيترجموا بيعملوا ايه؟
يعني بدل ما يرجموا الحاجات دي مش يستفيدوا بيها؟
مش هم موجودين كده كده واللي احنا اللي ح نسلط عليهم كمال الشناوي يضحك عليهم وبعدين ينساهم ويبقوا حامل ويشتغلوا بنات الليل؟

الانسان لازم يستغل كل الامكانيات المتاحة
هو مش هيكل بيقول السياسة فن الممكن؟
ممكن قوي
ممكن خالص
ممكن جدا
مش ممكن ليه يعني؟
نابليون قال لك مافيش حاجة اسمها مش ممكن مش ممكن مش ممكن

Unknown said...

على فكرة الراجل معذور انا شفت صورة ميشيل بنظرة جديدة
له حق، الولية زي ما تكون مضروبة بمنفضة سجاد

مواطن مصري said...

هههههههه بس ساركوزي دة صايع ايييية فينك يا حج جاك شيراك


اكيد ساركوزي زق الواد اوبما و قالة بس بصص بص موزة جمبك

Unknown said...

انا والله العظيم قلت لامي مافيش راجل يدلع مراته كده

http://assets.nydailynews.com/img/2008/11/04/gal_obama_love_4.jpg

الا اذا كان عامل عملة او وراه مصيبة

هو حد بيدلع مراته؟

حسن على said...

اللة اكبر من عنيكوا ... لازم تسمى الاول الا الحاجات دى بتتنظر. دة اولا ,ثانيا بقى برازيل دى فى الكورة... فى البن لامؤاخذة انماالجين دة افريقى يا أستاذة ومصرى جدا و بامتياز. اخر حاجةفى الموضوع دة ما قالة النحات الانجليزى المعاصر" هنرى مور قال:لقد خلق اللة العالم كلة فى نصف ساعة...وعمل باقى الستة ايام على هذا الجزء من الهيومان اناتومى ثم ستراح فى اليوم السابع. " اقول قولى هذا واستغفر اللة لى ولكم ولهنرى مور ايضا

mido said...

لأ

انا ان شاء الله

حبقى ادلع مراتى كده و زيادة

:D :D

Unknown said...

اخصصصصصصصصصصصص عليك يا ميدو
وانا اللي كنت فاكراك راجل مستقيم من البيت للكباريه ومن الكباريه للبيت؟
:)

TAFATEFO said...

بصرف النظر عن عدم اقتناعي ان الروصيات بين أوباما وميشيل ده مش دلع ولا ليه علاقه بيه .. بس دي فكرتكم عن الدلع (طيبين أوي ما شاء الله) وانتوا حرين فيها .. لكن عايز أطرح إشكالية مهمة

واحد صاحبي دأب يردد أنه عايز يتجوز واحده رقاصه جوه البيت ورجل بره البيت .. لكن هناك إشكالية .. هيعرف منين انها رقاصه جوه البيت وهو لما هيتعرف عليها أكيد هيتعرف عليها بره البيت ومن ثم هيشوفها رجل؟؟
إشكاليه وجيهه على ما أعتقد

في حين ان صاحب آخر ليه رأي مغاير .. ألا وهو ان الحاجه الوحيده اللي ممكن تضمنها في البنت دلوقتي هو اللي انت شايفه شكل (رغم وجود العديد من المحسنات اللغوية والبديعية والخدع السينيمائية وغيره لكن ما علينا) ودلع .. وانك لو دورت على غير كده احتمال تلبس الخابورين (أعزكم الله) .. ومن ثم عصفور في اليد (مجازاً) خير من عصفور مش مضمون

ما رأيكم دام فضلكم؟

حسن على said...

وعلى صعيد اخر نفى المنولوجيست حمادة سلطان اية علاقة مستقبلية لة بالدستورية العليا,وقال بالفم المليان أن الخبر متعلق بواحدة رقاصة لها اسم مشابة ولها دراسات متعلقة بالتوريث الأنونى نونى نونى

عصفور المدينة said...

http://abcnews.go.com/video/playerIndex?id=8049121

مواطن مصري said...

انتو ظالمين الراجل دة شقيان و تعبان بيتعب بردو يا نوارة مش ملاحق

simplymoi said...

Excuse me for my language, but you should call it the BJ committee not the welcome committee and do not forget to write down
"BJ YES WE CAN"

:-)

Rivendell** said...

http://www.youtube.com/watch?v=dUFkpv6SlvI


استغفر الله العظيم يارب ان بعض الظن اثم
اكمن الراجل ساكت ومحترم تقوموا تظلمووه كدا

Wild at Heart said...

ولبسوها لساركوزي في الآخر :D
http://cosmos.bcst.yahoo.com/up/player/popup/?rn=3906861&cl=14430477&ch=4226716&src=news

Anonymous said...

Watch the video, it looks different :)

But not for Sarkozy ;)

http://abcnews.go.com/video/playerIndex?id=8049121

مواطن مصري said...

المفروض تعتزري ل اوبما كدة الست مراتة تكون قريت البوست ولا حاجة و بيتة يتخرب


دي اعراض ناس


ساركوزي دة واد صايع و بتاع مودلات

حسن على said...

اللى عايز يفهم "التوريث الانونى" يلحق يشوف الصورة الرئيسيية بالصفحة الاولى للقدس العريى

TAFATEFO said...

هيلاهوب .. شد حيلك يا بطل

mido said...

اووووووه

مواطن مصرى شكلك بقى وحش اوى بعد نفى حماس

TAFATEFO said...

NYTimes: Egyptians Looking for Clues About Their President’s Plans http://bit.ly/WdOxM

الحلم العربي said...

هههههههههههههه
و الله انا ما استبعدش الموضوع ده على ساركوزي ده تاريخه في الموضوع ده منيل كل يومين ينشروله فيديو أو صورة من دول تلاقيه قال ياللا اما اشغلهم عني شوية و اوريهم ان رئيس العالم نفسه كده
و إذا كا رب البيت بالدف ضاربا ..فشيمة أهل البيت كلهم الرقص

Unknown said...

ايه يا مصطفى اللنك اللي انت جايبه ده؟

مبارك مش ح يموت

بتوع النيويورك تايمز دول ما يعرفوش الفرعون المصري جرادة الفرعون المصري

Unknown said...

قال ايه؟ كان واقف جنب اوباما وباين قوي انه عجوز
يا سلام، طب وده معناتو ايه؟
قال على راي المثل: ايش حال عيانكوا قالوا سليمنا مات

mohamad said...

أيوا كدا
جبهة التهييس الشعبية الأصلانية

:-))))))))))))))))))

من زمان ما ضحكتش كده
الله يحظك يا نوارة

TAFATEFO said...

هههههههههههههههههه

TAFATEFO said...

بس مش هو ده المهم في الخبر

ركزي بس هتلاقي كلام مهم .. أقربهالك .. شوفي كده كلام عن سيناريو التوريث الغير مؤكد واحتمال بروز منافس قوي لـ جمال مبارك اللي بيسانده كذا وكذا ومش مؤكد موقف كذا

ركزي حضرتك بس

رامز عباس said...

الله يرحم ايام صلاح نصر واعتماد خورشيد ومثيلاتها وطبعا عمو صفوت وبرلنتي عبد الحميد لو كان صلاح نصر هنا كان ظبته زى احمد سونكارو ولا ايه يا نوارة الجيل غير الجيل وصفوت كان اياميها صبي المعلمة دلوقت رئيس الشوري وصحته مقندلة


بس كل الصور دى تدفني اسالك سؤال بعيدا عن جمال اللي لسه شاب وبيلعب

هل ممكن المعلم الكبير يكون بيلعب برضه

لو سمحتي سؤال عهي لجنه المزز دى قاصرة علي لجنه السياسات واللجان القاعدية بالوطني ولا مفتوحة لكله طب لو هي للبنات ممكن انا وطفاطيفو وميدو نتطوع للتوجية والارشاد والدعم الفني

رامز عباس said...

وبس علي فكرة جتلي دعوة من رابطة اسمها الامل دى عملها معاقين وطلبين يعملوا مؤتمر وعاوزين صحافه ومدونين فسألوني اعرف قلت ايوة لو توافقي ادلهم رقمك هدلهم مش موافقه ردى بغير موافقه لانه طبعا الامر يرجع ليكي هو عاوزني معاهم لكن انا قررت متدخل في اي موضوع لاني عشت في الساحه السياسية ولقيت ان مسائل التضامن صعبة

Germán said...

What is really disgusting about these beasts, is the support they have got to be the tyrants they are. Just look how ABC News came to the rescue of Obama at this, not to stain the reputation of this fake Messiah of Western decadence.

دودو said...

يخيبك راجل
هوطلع كدة

بس بصراحة معذور دى مراتة عليها سحنة
شبة الشراب المقلوب

فاروق عادل said...

هههههههههههههههههة بوست تحفة جميل جدا بالذات الحته بتاعت الوفود دى بس الفيديو فعلا بيبين ان اوباما مالهوش ذنب وساغكوزى هو اللى كان بيبص

-------------
شفتى فيلم سحر ما فات فى كنوز المرئيات

Nohaz said...

3la fekra video obama da lo shoftooh we wad3 el bent el bysa3edaha men makano we wad3o ... kan metsagel fe la7za gheer la7zet la2t el sora

ana mesket el video kaza mara
and u can go slow motion
lo la2ito el la2ta de adiko rob3 geneh

bas tela2ih michele edito bel shebsheb 3ala bozo
mara kan fe leka2 ma3 el welia el 3mla zai el momia fe the view
we michele betetklm fa 2alaha fe rouge 3al senanek
ra7et mebahdla el gabooh ana batklm kalam mohem wenta merakez fe el rouge