Monday, 6 July 2009

الصين/ جنازة مروة/ زفت الطين الدحلاب بيعمل ايه مع روسيا؟

تحديث:
وباحب كريم البحيري كمان، ادخلوا عنده مصور فيديوهات الجنازة واللي تحولت الى مواجهة مع الامن

دي صورة جنازة المرحومة مروة الشربيني، طبعا الواحد ما ينفعش في الظرف ده يقول انه مبسوط، بس انا فخورة ان الجنازة كانت تليق بالشهيدة
ده الفليكر بتاع ميدو وده بتاع احمد عبد الفتاح عليهم صورة كتير، ميدو واحمد حضروا الجنازة، احمد؟ احمد سافر اسكندرية مخصوص؟ انا باحبه قوي احمد عبد الفتاح، ربنا يحميه، مفخرة لبرج الميزان، وباحب ميدو طبعا
:)
------------
هو فيه ايه؟ تلات ايام ورا بعض المسلمين في تلات حتت مختلفة من العالم بيتعرضوا لاحداث عنصرية
مروة
وامام مسجد في امريكا، اتحرق، حرقوه عشان راح يمسح صور مكتوب عليها
desert niggers... go back home
Fuck Arabs
وبعدين الاقلية المسلمة في الصين
ايه؟ هم ح يعملوا لنا هولوكوست مركز وللا ايه؟ وعشان ايه؟ زيادة قوي اللي بيحصل مؤخرا، ما بقاش بقى الحرب على الارهاب ولا حاجة، ده وش كده
Muslims are wild animals
زي ما واحد كتب كده على ماي سبيس، ده مواطن عادي
مش مرتاحة انا
--------------
ثم ان زفت الطين بيعمل ايه مع روسيا؟ بيعمل ايه؟ بس قدامي اهو، شعره طقطق ابيض، ما كانش شايب كده
يعني يحصل مشكلة في ايران، وبعد اهانة النظام، ومش عايزة اقول خلخلته بقى، بايضن تتلبسه روح سعاد حسني في فيلم غصن الزيتون ويقول: بالنوسبة لاسرائيل، الواحدة لما تعوز تعمل حاجة ماحدش يقدر يمنعها، ماحدش يقدر يمنعها، ماحدش يقدر يمنعها
وبعدين زفت الطين مجتمع مع روسيا عشان "يخفضوا انتاج اسلحة الدمار الشامل" ده على اساس ان امريكا بتنتج شيكولا وبونبو ومارون جلاسيه
انا مش عارفة ليه حاسة ان المشهد كده
كل حاجة في مكانها
بوش جه فرقع ديناميت ونكش الدنيا
واوباما جاي بقى يلم بسرعة بسرعة عشان يحط حاجات جديدة في اماكن جديدة ويولع الناس اللي اتخرب بيتهم، ح يتخرب بيتهم تاني لما اوباما يعمل نيولوك
مش عارفة يمكن اكون باخرف وغلطانة، انا ح اتفرج على المؤتمر الصحفي بتاعه، سوا بقى الايام اللي جاية اوحش وللا احلى اهو الواحد يلحق يتفرج له على حاجة حييييلوة
:) 

27 comments:

مهندس مصري said...

خلفت أكثر من 140 قتيلا ومئات الجرحى
الصين ترى يدا خارجية بأحداث سنغيانغ

طفل أمام سيارة مقلوبة بأورومتشي حيث قتل عشرات واعتقل مئات (الفرنسية)

قالت السلطات الصينية إنها ترى يدا خارجية في اضطرابات عنيفة أمس واليوم في إقليم سنغيانغ بشمال غرب البلاد الذي تقطنه جماعات الإيغور، خلفت حسب أرقام رسمية 140 قتيلا و816 جريحا ومئات المعتقلين.
وحملت الصين "مؤتمر الإيغور العالمي"، ومقره الولايات المتحدة، المسؤولية. وأكدت على لسان رئيس حكومة الإقليم نور بكري أنها ستستعمل أقصى الوسائل لكبح العنف.

وأظهرت صور للتلفزيون الصيني اليوم قتلى وجرحى وجوهم دامية وسيارات مقلوبة ومحال محروقة في أورومتشي عاصمة إقليم سنغيانغ التي يقطنها 2.3 مليون نسمة وتقع على بعد 3270 كيلومترا غرب بكين.


السلطات الصينية قالت إنها ستستعمل كل الوسائل لمنع انتشار الاضطرابات (الفرنسية)
600 قتيل
لكن رئيس "الجمعية الإيغورية للتعاون مع تركستان الشرقية" عبد الحكيم تكلامكان تحدث للجزيرة من إسطنبول عن أكثر من 600 قتيل وآلاف الجرحى والمعتقلين في الأحداث، قائلا إنه من الصعب رسم صورة دقيقة للوضع بسبب ما سماه التعتيم الإعلامي الصيني على ما يحدث هناك.

وقالت السلطات إن الوضع تحت السيطرة، لكن رئيس حكومة سنغيانغ نور بكري اعترف بأنه مع ذلك ما زال معقدا جدا، ودعا إلى منع انتقال الاضطرابات إلى بقية المناطق باستعمال أقوى الوسائل، في وقت توقعت فيه مسؤولة إعلامية في مكتبه ارتفاع عدد القتلى.

وقطعت السلطات شبكات الهاتف النقال كما قطعت الإنترنت أو قلصت سرعته في الإقليم الغني بالمعادن والنفط والذي يقع على حدود ثمان من جمهوريات آسيا الوسطى، ويطلق عليه الإيغور جمهورية تركستان الشرقية.

واتهم نور بكري رئيسة مؤتمر الإيغور العالمي ربيعة قدير التي تعيش في منفاها بالولايات المتحدة بأنها كانت وراء تجييش الإيغوريين وتحريضهم، وتحدث عن اتصالات هاتفية أجرتها أمس مع أشخاص في الصين من أجل التحريض، وعن مواقع استعملت لنشر الرسائل التحريضية.

قمع مبالغ فيه
وحملت ربيعة بدورها في بيان إلكتروني الأمن الصيني مسؤولية ما حدث قائلة إنه بالغ في قمع احتجاج سلمي لطلبة من الإيغور.

ولم يعرف بالضبط كيف بدأت الاحتجاجات، لكن يعتقد أن الشرارة كانت عندما رفض مئات المتظاهرين إنهاء اعتصام في أورومتشي طالبوا فيه بالتحقيق في مقتل عاملين من الإيغور في مصنع جنوب الصين الشهر الماضي.

وتحدث ديل شات راشيت المتحدث باسم مؤتمر الإيغور العالمي من منفاه بالسويد عن غضب يتزايد منذ مدة طويلة قائلا إن الإيغور "تعبوا من المعاناة في صمت".

ودعا الأمين العام للأمم المتحدة بان كي مون متحدثا في جنيف السلطات الصينية إلى حماية حياة وأمن المدنيين، وحقهم في التعبير والحرية والتجمع وحرية الوصول إلى المعلومات.


ربيعة قدير متهمة صينيا بتأجيج الاضطرابات (الفرنسية-أرشيف)
الأعنف بعقود
وشهد الإقليم -الذي تسكنه أغلبية مسلمة من الإيغور تتحدث التركية وتشكل مع ذلك أقلية في عاصمته– اضطرابات في العقود الماضية مع الشرطة وعرقية الهان الذين يشكلون غالبية السكان في الصين، لكنها لم تكن بهذا الحجم.

ويشكو ناشطون من الإيغور من التضييق على الحريات الدينية للمسلمين، وتشجيع الصين للهان على الاستقرار في إقليمهم، حيث باتوا ينافسون السكان المسلمين في الفرص الاقتصادية.

وقال باري سوتمان اختصاصي الشؤون العرقية الصينية في جامعة العلوم والتكنولوجيا في هونغ كونغ إن من أهم أسباب التوتر في سنغيانغ الهوة الاقتصادية بين الهان والإيغور.

وهذه هي ثانية اضطرابات عرقية كبيرة تشهدها الصين خلال 18 شهرا، فقد قتل العشرات في مارس/آذار 2008 في احتجاجات لرهبان بالتبت يطالبون بحقوق أكبر للبوذيين.

المصدر: وكالات

مواطن مصري said...

كلة من بوش و بن لادن و اتباعهم


انتي نسيتي كما ان اسرائيب بدأت في مناورات سلاح الطيران الجوي فوق اليونان و فوق بعض دول الخليج


و نسيتي ان حماس منعت الضحك في غزة بقى تهمة هو كمان

مهندس مصري said...

وفقا لباحثة ألمانية
قتل مروة سببه الشحن ضد المسلمين
http://www.aljazeera.net/NR/exeres/66B429F4-7E40-4325-9751-0434271DB1C2.htm

أقصى عقوبة
وضمن ردات الفعل المنددة بالجريمة، طالب الأمين العام للمجلس الأعلي للمسلمين بألمانيا أيمن مزايك الشرطة الجنائية والاستخبارات الداخلية بمراقبة المواقع الإلكترونية لليمينيين المتطرفين والنازيين، وبحث مدى تأثر القاتل أليكس ووكر بها.

وقال مزايك في تصريح للجزيرة نت إن هذه المواقع التي مهدت وتمهد التربة لممارسة العنف ضد المسلمين، باتت تجتذب أعدادا متزايدة من أفراد الطبقة الوسطى في المجتمع الألماني.

ومن جانبه أعلن النائب العام في دريسدن كريستيان أفيناريوس عن توجيه النيابة تهمة القتل العمد للمتطرف أليكس ووكر، ومطالبتها بتوقيع عقوبة السجن مدى الحياة عليه بدون أي إمكانية للعفو.

وكشف أفيناريوس عن تحويل الشرطي الذي أطلق النار على زوج الصيدلانية المصرية مروة الشربيني إلى لجنة تحقيق ستجري فحصا لسجله الوظيفي لبيان وضعه القانوني في الماضي، وكانت تقارير صحفية قد ذكرت أن زوج القتيلة المصرية قال للمحققين بعد إفاقته من الغيبوبة إن الشرطي تعمد إطلاق النار عليه رغم إدراكه أنه ليس الجاني.

مهندس مصري said...

زوج القتيلة المصرية قال للمحققين بعد إفاقته من الغيبوبة إن الشرطي تعمد إطلاق النار عليه رغم إدراكه أنه ليس الجاني


يعني ضاربه بالقصد
حتى الشرطي عنصري

مهندس حر said...

زفت الطين فى روسيا بيوقع إتفاقيات.. واحدة بتفتح فيها روسيا أراضيها لمرور الإمدادات للقوات الأمريكية فى أفغانستان و التانية فيها تفاهمات للحد من إنتشار الأسلحة النووية.. واخدالى بالك؟

موضوع الإيجور مسلمى تركستان الشرقية معقد و مكلكع لأنه قديم و ماحدش باينله كان واخد باله منه.. و حكاية تركستان الشرقية تشبه حكاية التبت بس من غير دلاى لاما.. المؤسف إن طول الفترة أدى إلى تغيرات ديموجرافية مقصودة بالإقليم حول الأيجور إلى أقلية فى معظم أجزاؤه إلى حد إعتمادهم على الحكومة .. يعنى بالنسبة للناس فى بعض المناطق الإيجور دول بتوع الحكومة اللى بتتعمد تديهم مميزات عشان تخلى الحزازيات العنصرية بينهم و بين الهان (القومية الغالبة فى الصين) تفضل مشتعلة بإستمرار.. القصة قديمة و مش من السهل ربطها بالتيار العام للعداء ضد المسلمين..

بس التيار ده موجود و بينمو فى أماكن كثيرة من العالم و مش بس فى أمريكا و أوروبا.. لكن دول أسيوية و فى أمريكا اللاتينية.. آلة البروباجندا الغربية نجحت فى تسويق صورة محددة للإسلام و المسلمين فى سبيل دعم الحرب المعلنة على (الإرهاب) و بشكل غير معلن لدعم عملية التمدد الإمبراطورى الأمريكى فى مناطق مهمة من العالم العامل المشترك فيها هو إنها مناطق يعيش فيها أغلبية مسلمة..

مهندس حر said...

شوفى الكلام ده ممكن يكون مفيد عن الإيجور

http://globalvoicesonline.org/2009/07/06/china-urumqi-mass-incident-and-beyond/

ayman said...

الأخ نواره
ارجو الإطلاع على الرابط التالى

الله يكرمك لو تعرفى توصلى الموضوع لبرنامج العاشرة مساء او اى برنامج اخر

http://www.egyptiantalks.org/invb/?showtopic=81772&st=40

mido said...

أحمد عبد الفتاح مسافرش اسكندرية :D

(عبد الناصر النورى) هو اللى صور و كان واقف على الدرابزين قدامى

:)

أحمد بسام said...

فعلا الجنازة كانت مهيبة انا كنت هناك ربنا يرحمها

Nah·det Masr said...

عزيزتي نوارة،
يعني انتي شايفة مروة اللي قتلها واحد عنصري ابن كلب في المانيا، ومش شايفة كام الماني وأوروبي وياباني احنا قتلناهم هنا في مصر؟ يعني احنا ملايكة وهما شياطين؟ هل قتل السياح السويسريين واليابانيين في الأقصر وفتح بطنهم وحشوها بالمنشورات ده كان فعل سلمي؟ هل حرق السياح الالمان امام المتحف المصري كان فعل سلمي؟ هل قتل اطفال المدرسة في بيسلان بواسطة الأرهابيين الشيشان كان عمل سلمي؟ هل تفجير قطارات مدريد والقرية السياحية في بالي، ومترو لندن، وابراج مركز التجارة، وشرم الشيخ، وذبح الأجانب في يوتيوب وغيرها من الأفعال اللي بتتعمل كل يوم بأسم الأسلام تخلي الناس تحب الأسلام؟؟؟؟؟

احنا كمسلمين نتحمل جزء كبير من زرع الكراهية في اذهان الغربيين وحتى الأسيويين! انا أعرف حاجات تشيب منها ارهاب عنصري في الخبر في السعودية الأرهابيين ذبحوا العمال النيباليين وتركوا الغربيين!

انا مليان والله، وطبعا البقاء لله في مروة ولكن قبل ما نبص على الشظية اللي في عين المانيا، نبص على لوح الخشب اللي في عيننا!!

marwa said...

ياااااااااااااااااه
دى الدنيا دى رهيبة قوى بس بيكون ليها هدايا للناس اللى بيكونوا متواعدين مع الجنة ......المهم خلينا فى موضوعنا ..مش ملاحظة يا نوارة انها فيها شبه منك وبالتالى فيها شبه من مين ..ها ...شبه مين يا نوارة يا حبيبتى ؟؟ربنا يجمعنا سوا احناالثلاثة فى الجنة هناك فى بيت سيدى حمزة .

ليس فقيرا من يحب said...

حسبنا الله ونعم الوكيل

احمد سعيد said...

الايام اللى جايه احسن ولا اوحش ؟؟؟؟

اممممممممممممم

طب ماممكن يانوارة تغيرى صيغه السؤال

تخليها الايام اللى جايه اصعب ولا اسهل

وبكدة الاجابه هتكون اسهل بكتير

ان الايام اللى جايه اصعب واصعب واصعب


اعتقد ان دة شىء بديهى يعنى

مواطن مصري said...

بس معلش بقى يا نوارة احنا السبب ان خلينا شوية جهلة متطرفين شوهو صورة الدين الاسلامي و صدروة للغرب

بدل ما نمنعهم و نقدم صورتنا الجيدة


نحن نجني ثمار ما فعلنا

ب السياح الي قتلو على ايدي الجماعات الارهابية في مصر

mido said...

يا مواطن مصرى


برده بتهرب من الاجابة :

اشمعنى العربية اللى بتجيب الاخبار دى عن حماس؟

و ليه نقلت الخبر ناقص ؟

مترد

بدراوى said...

على فكرة انا باصص لموضوع الإعتدائات على المسلمين
بصة تانية

احنا لو عايزين بجد المسلمين محدش
يقرب منهم و نحميهم

ياريت بجد نقف ضد العمليات
اللى بتحصل ضد اخواناه الأقباط
و البهائيين مع تحفظى على البهائية

لكن فين اللى طالعين دلوقتى يقولوا حرام و احترام الإسلام و عقائد المسلمين
ليه محترموش عقائد الأخرين
ووقفوا ضد اللى بيحصل
ليهم
و بلعوا لسانهم

اه انا متحفظ و رافض للبهائية
لكن يحرقلهم بيوتهم
ليييييييه
!!!!

مش بتكلم عليكى يا نوارة طبعاً
بتكلم بصفة عامة

و اتمنى اسمع ردك

مهندس حر said...

بدراوى
------
معاك حق .. بس محاربة الطائفية و مظاهر إضطهاد الأقليات مش هيؤدى لوحده إن العالم الغربى يبادلنا بالمثل.. طبعا الموضوع عندنا مختلف لأن لا الأقباط و لا الشيعة أو البهائيين أجانب وافدين .. دول مصريين ليهم حقوق مواطنة كاملة و سلبهم لأى من الحقوق دى منافى للدستور ..

المهم إن عنصرية الغرب هى مشكلة غربية فعلا.. الكلام ده ليك و لمواطن مصرى .. ما يحدث فى الغرب ليس رد فعل سواء للإرهاب بإسم الإسلام أو معاملة الأقليات عندنا .. عنصرية الغرب و إشكاليات قبولهم للآخر أمر له جذوره فى تاريخهم و حاضرهم و ثقافتهم.. اللى حصل إن فى السنوات الأخيرة كانت فيه حملات إعلامية هدفها شحن الجماهير فى الغرب ضد الإسلام و المسلمين و ده بهدف تبرير ما يسمى بالحرب على الإرهاب و الحصول على تأييد شعبى ليها .. و بالتالى أصبح التركيز الأكبر للعنصرية الغربية موجه للإسلام و المسلمين و بدأ فهمهم لأزياء المسلمات تحديدا يتحول من إعتبارها أزياء تقليدية مثيرة للإهتمام و التعجب و الفضول إلى الإعتقاد بإنها رموز تحمل رسائل و تدل على تعصب و تطرف من ترتديها أو ذويها المظنون إنهم أجبروها على إرتداءها .. المشكلة إن ناشطين و نسويات عرب و مسلمين دخلوا فى القصة دى كمان لأنها بتسترعى إنتباه الصحف و الميديا الغربية ليهم و بقوا بيكتبوا عن التطرف و التعصب و يربطوها بالسلوكيات و الأزياء و يعلنوا ببساطة إنها ليست من الدين الإسلامى المعتدل فى شيئ و بالتالى ده بيدى مصداقية لفكرة إن هذه المحجبة هى متطرفة و تلك المنقبة هى مشروع إرهابية أو ببساطة خلية نايمة..

أنا معاك إن عندنا أخطاء و خطايا بس إحنا ملزمين نعالجها لمصلحتنا دون ربطها بالآخر و صورتنا عنده عشان بس مانتعشمش فى سراب .. و عشان فى نفس الوقت مانبقاش إحنا بنفسنا بندى الآخر التبرير الجاهز لإضطهادنا و ذبحنا على كيف كيفه..

عبقرينو said...

السلام عليكم

مش عارف اقول ايه؟؟الله يرحم الشهيدة ويتقبلها عنده فى جنات الخلد ويرزق زوجها واهلها الصبر والسلوان

مواطن مصري said...

يا ريت يبقى فية اهتمام بب الموضوع دة


http://www.almasry-alyoum.com/article2.aspx?ArticleID=218067

اعتدى طلاب سعوديون وعرب، الأربعاء الماضى، بالضرب والشتائم على ٣ من أعضاء هيئة التدريس بأكاديمية السادات للعلوم الإدارية التابعة لوزارة التنمية الإدارية، بعد ضبط أحدهم متلبسا بالغش أثناء أداء أحد الامتحانات.

وقال أ. م، طالب بالأكاديمية، إن الطلاب اعتدوا بالضرب والشتائم على محمد سامح، معيد، ورامى إبراهيم، معيد، ولبنى عبدالكريم، مدرس مساعد، أثناء قيامهم بعملهم الإشرافى داخل اللجنة بعد ضبط أحد الطلاب متلبسا بالغش.

وأوضح أن المراقبين ومسؤولى الكلية حاولوا تهدئة الطلاب، إلا أنهم اعتدوا على المراقبين، وكسروا المكاتب الخشبية «البنشات»، ولولا تدخل أمن الأكاديمية - حسبما يقول - فى الوقت المناسب، لحدث ما لا تحمد عقباه.

وأضاف أن «أحد الطلاب السعوديين قال لأحد المراقبين: سأقتلك، سأقتلك، أنا هاحبسك فى بلدك يا مصرى، سأجعل السفارة.....»، موضحا أنه عقب تدخل الأمن وعمال الخدمة العامة تم احتواء الطلاب وإعادتهم إلى قاعة الامتحان، واستبدال المراقبين بآخرين، دون اتخاذ الإجراءات القانونية اللازمة ضد الطلاب.


مبقاش ناس غير السعودين الجرب

Korsan said...

http://www.timesonline.co.uk/tol/news/world/middle_east/article6638568.ece

فتاه من الصعيد said...

على فكره حكايه الصين مالهاش علاقه بالعداء ضد المسلمين ..... يقال انها حكايه انفصال اقليمي

واوباما بيحاول يحد من الاسلحه النوويه الروسيه :))))
اللي غايظني انه بيعمل كل اللي عايزاه امريكا بمنتهى الذكاء ..... ليكي حق تسميه دحلاب ..... وانا اتوقع انه يحصل لامريكا على كل ما حلم به بوش من هيمنه وسيطره لامريكا ولم يستطيع تحقيقه

فتاه من الصعيد said...

انا على فكره شفت جنازه الشهيده مروه ....... فعلا ما كنتش متوقعه رد الفعل الشعبي ده ....... فعلا الناس فاهمه وحاسه طبيعه الجريمه البشعه دي
ربنا يرحمها ...... ويرزقنا زيها الشهاده في سبيله

helperF1 said...

مقال عنصري
اصبح الصياح هو السمة الهامة و تحري
الحقائق ضعيف جدأ
مثلا البوليس تدخل بعد 32 ثانية مش 8 دقائق!!!!!!!!!!!
"Richter Tom Maciejewski drückte zwar sofort den Alarmknopf, doch ehe die Justiz-Wachtmeister am Tatort waren, vergingen 32 Sekunden. "

http://www.welt.de/vermischtes/article4051592/Polizei-ermittelt-wegen-heimtueckischen-Mordes.html
انها جريمة قتل مثل جرائم القتل الاخري

اذا كان على الاحداث السابقة فقد ادانته المحكمة فيها

و اذا كان على جريمة القتل فقد حدثت جريمة مطابقة في المانيا و تحديدا في
landshut
حيث اطلق احد المحتكمين النار على خصومه في قضية ميراث.
http://www.spiegel.de/panorama/justiz/0,1518,633791,00.html

ولا اري اي فارق في التغطية الاعلامية للجريمين

Do not Press F1 said...

السلام عليكم
يمكن اللى هقولك لحضرتك مش ليه علاقة بمقتل الشهيدة مروة ولكن انا قريت الخبر دا فى المصرى اليوم وحبيت ان حضرتك تقريه لو مش كان عند حضرتك مانع.
الخبر دا بخصوص فيروس انفلونزا الخنازير
ادى اللينك بتاع الخبر
http://www.almasry-alyoum.com/article2.aspx?ArticleID=217931

شكرا

Sonnet said...

SORRY FOR LATE COMMENT:
• There are many German channels, media, and broadcast, directed to the Arabic world. Why we have to listen to what is untrue! They are telling that DEUTSCHLAND is a country of CIVILIZATION AND PEACE. Now, with this last act, they have to tell it is a COUNTRY OF RACISM. We do not need to explain for them what ACCEPTING AND RESPECTING THE OTHERS is.
• We thought before to continue our doctorate there, we did know search how safe it was? Now, we should search well. We all - SCIENTISTS IN ARAB AND ISLAMIC COUNTRIES - should hesitate to study or even travel to that country.
• We are upset from the last act. It is a MURDER, MASSACRE. How did it happen? O GOD.
• In front of gentlemen of justice, EIGHTEEN stabs by a knife of a German imprisoned person. What a justice!
• Inside the court, CIVILIAN CITIZENS are killed. What a safety!
• He brought this weapon and passed through the SECURITY SIEGE of high court? What a control!
• We ask to investigate ALL official persons inside the courtyard.
• Even, they shot husband while PROTECTING his wife and not the killer? Is this the rule in Germany?

Finally, world is waiting for investigating the sharing persons, justice, more safety & security, and less racism. No apologize could return Dr Marwa for her family.

جبهة التهييس الشعبية said...

sonnet

انت في المانيا وللا في امريكا؟

Sonnet said...

Still in Egypt. Thanks God I did not travel to Germany.
This was part of my note after last murder and killing of dr marwa. I thought we could send this as an objection in English. I was realy sad &rdalized how they do racism.