Obama loves you

هو مش تعدد الزوجات ممنوع في امريكا؟

عموما هو الراجل كان صريح معانا وقال لنا: اسرائيل دي ام العيال، وبيتها ده هو البيت الكبير، وانت لازم تحترموها، واسمعوا يا ولاد الناس، لو ماليش خير في اسرائيل يبقى المفروض تخافوا مني

طب انا زهقت، ما بيبطلش رغي زي جملات زايد، على رأي امي قالت لي: عندنا برنامجين دلوقت، مع هيكل، ومع اوباما

والاسطوانة المشروخة

mutual respect, mutual interest

قال نفس الجملة دي في انقرة والقاهرة واكرا، بس ما قالش كده في المانيا، لو كان قال لهم كده كانوا ردوا: ننننععععععععم يا روح امك؟ هو انت عايز ما تحترمناش وللا ايه؟ هو بكيفك؟

 مش عارفة بقى ح يقول لاسرائيل ايه؟ "نقل فؤادك حيث شئت من الهوى، ما الحب الا للحبيب الاولي" والقديمة تحلا ولو كانت وحلة، وانت عشرة عمري، واتجوزتيني في اودة فوق السطوح وانا مش لاقي اللضا، واللي عندي ده كله من خيرك، بس انا ما قصرتش معاكي في حاجة يا بنت الحلال، وشايلك في عينيا، وده شرع ربنا، بس انت برضه ست الستات، وانا مش راجل قليل الاصل

بس دي جوازة مش نافعة يا حاج اوباما، مش نافعة
شوف لك شغلانة تعملها