Wednesday 8 July 2009

الاخوة بتوع الانتحار الاورومبي يرحمونا من التعزيز شوية

لازم تبقى فاهم انك حتى لو فاتح مركز لحروق اللسان وبتاخد تمويل من الاتحاد الاوروبي ده مش معناه انك متسول، ومش معناه ان اوروبا ولية نعمتك ولحم كتافك من خيرها ولازم تدافع عنها حتى لما ظابط بوليس يضرب بالرصاص على المجني عليه عشان ملون، انا بجد ثقافة الشحاتة دي اكلت من دماغي حتة
يعني يا فلان الفلاني، اللي هو نجاد البرعي بدون ذكر اسماء، طالع يقول مين قال ان اوروبا عنصرية؟ ماهي ادت لجوزها منحة دراسية اهو، وبعدين يعني طب مافيه واحد في اسكندرية ضرب كنيستين
اه
وفيه ست قتلت جوزها عشان اتجوز عليها، وفيه واحد قتل هنادي عشان راحت في الوبا، وفيه واحد قتل صاحبه عشان اتخانقوا على سريقة، وفيه واحد قتل عياله عشان خسر في البورصة
وكل دي طبعا جرائم عنصرية طبعا
انا مش عايزة تخلف
ومش عايزة تعزيز
الواحد روحه في مناخيره وكفاية ان لستة اخوانا اياهم عمالة تطول وتزيد ووالله انا ما عارفة يصعبوا عليا وللا اتف عليهم، واحد كان لما بيشوف عادل امام معدي يفرح دلوقت بياخدوه من ايده يقابل وزير الخارجية الامريكية طب ماهو لازم يجيله الهلاهوطة وشوية وح تلاقونا زي ايران كدهون يعني
طيب انت مش محتاج يا استاذ نجاد انك تعمل كده لانهم عارفين ان الجرائم العنصرية ضد المسلمين زادت
ثم انت بتعمل شغل مش بتاخد حسنة
مافيش داعي


5 comments:

Anonymous said...

بدون ذكر اسماء
ههههههههههه
:D
على رأي اللي قال
ما عادش فيها خشى ولا عيب ولا نيلة..!

مواطن مصري said...

بجد الفيديوهات دولت جامدين جدا


بجد كوميدين اخر حاجة

مهندس مصري بيحب مصر said...

يا ستي قالوها من زمان إطعم الفم تستحي العين

TAFATEFO said...

فيلم مهم جداً .. عن كيفية تعامل الأطفال مع التحرش الجنسي http://bit.ly/PRgvd

plz share the movie and credits

Wild at Heart said...

هي دي الناس اللي يتصقفلها كل دقيقة مش الدحلاب على رأيك.