Thursday 16 July 2009

قال ايه جالاواي بيقبض من العرب

وياترى ما لقاش اعفن من كده يقبض منهم؟ نو اوفنس يا اهلي وحبايبي، بس لما يتقال على جورج جالاواي بيقبض من العرب بصراحة حاجة تحرق الدم، وبيقبض من مين؟ سوريا، اللي مش لاقية تاكل
طب قولوا بيقبض من الخليج تبقى مبلوعة شوية، لكن سوريا ح يقبضوه ايه؟ صينية كنافة وشوية بقلاوة، هم عندهم ايه تاني يدهولوه؟
بقى نائب في بريطانيا محتاج فلوس سوريا؟ طب لو ح يقبض اسهل له يقبض من السي اي ايه، من الموساد، من المعونة الامريكية ويغرق في النعيم، ده لو اخد من سوريا حاجة يبقى عشان ما يكسفش مدة ايدهم بس 
يعني اقول ايه بس؟ اقول ايه؟ ما اللي بيقبض بجد يخليه في نفسه عشان بس نلم لسانا عنه
قال على رأي المثل: فوقيهم كاكا وتحتيهم كاكا ويقولوا اف ريحة كاكا

14 comments:

tarek momen said...

لأ ده فيه مثل العن من ده كل اللي فاكره ان اخره بيقول
اللي فيها تجيبه فيك
كل اللي بيقول هذا الكلام عن القبض و الفلوس و الهدايا هو بذات نفسه اكيد بيعمل كده

حسن على said...

كاكا اللى مش عاجبك دة قابض تمانية وستين مليون يورو من ريال مدريد" "جاتنا نيلة ف حظنا الهباب . توقبع رئيس تحرير جريدة حكومية

soreal said...

well, a news paper after iraq "liberation" said once he toke money from saddam's iraq... he took them to court and won...

be el 3araby be2olo: al kelabo banba7 wa el qafelah taseer...


3an gad, rabna ye7meeh we ya3teeh 3la 2ad neyetoh...

دكتور كويتي said...

في زمن الزفت ده
يصبح الحق باطلا
والباطل حق
شكرا على البوست

مهندس مصري بيحب مصر said...

بتحرفي في الأمثال الشعبية المصرية يا نوارة
إفف
دا كده الريحة بقت وحشة قوي

ههههههههههههههههههههههههههههه

و دا مين اللي قال عليه بيقبض ؟

مخبر قمل دولة said...

بوست زي العسل
بس احلى ما فيه المثل
يخرب بيت دماغ حضرتك ( اذا كاتش قلة ادب يعني اني اقول كده )

حسن على said...

تلويث القلة الشجاعة التى تقف بجانب حقوق العرب وتدفع ثمنا باهظا فى مقابل تمسكها بموقفها العادل فى النزاع العربى الاسرائلى - اقول تلويث المدافعين الشرفاء من قبل المدافع عنهم :هو تنطع لم ارى لة مثيل ولا فى عادات قبائل البوشمن او الابوريجنى الاكثر بدائية فى الكون

مواطن مصري said...

المفروض على رأي المثل ان سرقت اسرق جمل

انا مبحبش جلاوي دة قال اية بيشتمنا


و سايب الي بتعملة برطنيا في العراق

مش كان اولى انة يتفرغغ للبرطانيا و يعارض احتلالها للعراق

اكيد الفلوس تمويل ايراني

:D


شفتي وليد المعلم قال ان سوريا مستعدةل استرجاع الجولان

الله يرحمك يا سادات

Kalimalhus said...

إيه فوقيهم و تحتيهم و الريحة اللى مش ولابد اللى تقابل الواحد كده و هو داخل؟؟ يعنى عايزاهم يبقوا فى الحالة دى و ما يقولوش إف ده حتى يبقى عدم تمييز منهم.. و بعدين مالك إنتى بجالاوى قبض و ألا ما قبضش .. أهو الرفيق شافيز جاى إن شاء الله .. و ده بقى مقامه يقبض من مين؟؟ .. إيران طبعا واضحة مش عايزة كلام..

على فكرة إنتى مش بتطبقى بيت الشاعر بتاع لو أن كل كلب بن كلب هوهو زقلته زلطة كانت عربية الزلط بقت بمليون يورو .. و عشان كده كل شوية عاملالنا هيصة و لمة الناس عشان إيه واحد فوقيه و تحتيه راح قايل إف .. يا سلام؟؟

طب كنتى لمى الناس لما كانت القافلة واقفة على أول كوبرى السلام و الحمام و حطينلهم سلك شائك و مش عايزين يعدوهم .. و الجماعة الأجانب يقولولك ده إحنا لسة خارجين من القاهرة .. معقولة الحدود قريبة كده.. و واحدة تقولك : و دول يهود دول ياختى دول و ألا إيه .. مالهم كده طلعلهم كرش؟؟

ده إحنا إتفضحنا فضيحة لا تقولى فوقينا كاكا و لا تحتينا كاكا و مش هافسرلك الكاكا كده تبقى فين..

حـنــّا السكران said...

و كمان وصلوا لجورج غالاوي يحاولوا يشوّهوا سمعته ؟

طيب و اللي بيقولوا عليه هالكلام , بيقبضوا من مين منشان يقدروا يوصلوا لهالدرجة من الوضاعة و التفاهة و التحجّر الأخلاقي ؟؟

أنا لسه قبل عشر دقائق مخلّص مقال عنه و عن الشباب اللي معاه و عن اللي على المعبر ( ايمان بدوي و ندى القصاص و رفاقهم ) رح ينشر يوم السبت بإحدى الجرائد .
و ايمان و ندى و الشباب اللي مش لاقيين شربة ماء على معبر رفح كمان بيقبضوا ؟

صحيح ..جورج غالاوي و اللي معاه و اللي على المعبر بيقبضوا عننا كلنا .. بيقبضوا على شرفهم و أخلاقهم و إنسانيتهم ..خشية انها تضيع متل ما ضاعت من ناس كتير .اللي ما لهم شغلة و لا عملة غير محاولة إثبات إن الشرف عملة مستحيلة ..لأنه فاكرين كل الناس متلهم .
فاقد الشيء لا يعطيه ـ و أضيف من عندي ـ و لا يصدّق وجوده أيضا .

حـنــّا السكران said...

حاول أصدقائهم ( الصهاينة )و أتباعهم تشويه سمعة الرجل في بريطانيا قبل سنوات بنفس التهمة و حاولوا رفع الحصانة عنه و أخذوه إلى المحكمة و خرج الرجل في وضح النهار على قناة الجزيرة و قال : أرجوكم أنا ما معي أتعاب المحامي ..حدا يساعدني بأتعاب المحامي بس .. و ما قدروا يثبتوا عليه كلمة واحدة من اللي قالوه و كسب القضية و راح بعدها على الكونغرس الأمريكي و بهدلهم هناك باسمنا جميعا ..و جازيناه ( كالعادة ) لما جاء إلى القاهرة ليشارك في محاكمة صورية لشارون و بوش , بأن أوقفه الأمن المصري عند نزوله من الطيارة و ساقوه إلى زنزانة قذرة و حطوه مع الحرامية و المجرمين .. حتى الحرامية لما عرفوه احتفلوا فيه بالزنزانة و احترموه و قدّروه , حتى الجنود الصغار حسب كلامه كانت نظرات الأسف و الإعتذار في عيونهم لما ينظروا إليه ..و بعد ما خلص نشاط المحاكمة أفرجوا عنه من دون حتى كلمة أسف أو إعطاءه سبب لتوقيفه ..مع انه نائب في مجلس العموم البريطاني .. اللي أوقفوه كانوا بيقبضوا من مين ؟؟
لما تقولوا انه غالاوي أو أي حدا بيقوم بأعمال مناصرة للقضية الفلسطينية بيقبض من الجهة الفلانية .. قولولنا بنفس الصفحة ..اللي بيقوموا بأعمال ضد القضية الفلسطينية و ضد حقوق الشعب الفلسطيني بيقبضوا من مين إذا كان كل حدا بيعمل شي يعني مفروض بيقبض أتعاب عنه .
ـ أنا لو أقدر كنت بدفع أتعاب كل خطوة يخطيها جورج غالاوي و أمثاله .. و هذا أقلّ واجب .. فياريتهم بيعطوه فعلا ..على الأقل بيكونوا عم يدفعوا لرجل كي يقوم بأعمال شريفة و عادلة تخصنا نحن .. بدل أن يدفعوا من قوت المواطن الفقير ليمدّوا الصهاينة بالغاز الطبيعي و ليحموا كلاب اسرائيل و هي تنهش أجساد أهل غزة حتى بعد استشهادهم ..
قال بيقبض قال .. و يقبض ..إنتم حدا طلب منكم تدفعوله من مالكم الخاص ؟
فعلاً اللي استحوا ماتوا .

سكوت هنصوت said...

يا ريت تشرفونا في أبناء مصر...فيه كلام مهم لازم يتسمع

www.abna2masr.com

حسن على said...

احترس لخطواتك: يوجد هنا مثل من اسلحة الحرب الكيماوية

Anonymous said...

Hi nawara
We respect what Galaway did.
Regardiny the money or any financial support from Arab...it may be a joke...but a silly joke!