Saturday 25 July 2009

شعب الله المنشار



اسرائيل بتاخد من امريكا بس ستة مليار دولار سنويا، غير اللي بتاخده من الاتحاد الاوروبي، غير اللي بتاخده من تحت الترابيزة من الحكومات العربية، غير اللي بتاخده من الجمعيات اليهودية في العالم كله، غير قضية الفساد اللي فيها حاخامات (حاخامات يعني رجال دين يهود) اللي بيتاجروا فيها باعضاء الناس ويغسلوا اموال مسروقة من قوت الناس (وغالبا الناس دول اللي هم احنا على رأس القائمة) ويبعتوا لاسرائيل، غير فلوس العراق اللي بتكب عندهم بعد ما حصل اللي حصل
وهم كلهم على بعضهم تعدادهم يقارب السبعة مليون، منهم مليون ونص عربي، وبقالهم ستين سنة على ده الحال، اليابان بنت نفسها في كام سنة؟ كل ده ودي احوالهم الاقتصادية:
Poverty and Hunger


Of the 2.1 million households in Israel, one of every four Israelis –1.6 million people – lives below the poverty line. Close to half of them are working in full or part-time jobs and are still unable to provide the basics for their families. This Passover, charity organizations say they saw a 40 percent increase in the number of people asking for help. In Jerusalem nearly 1,000 people a day come to four soup kitchens at which hot meals are served.


• One-third of Israeli children, some 777,400 in number, live in poverty-stricken families, according to the National Insurance Institute (February 2009). Israel ranks among Western countries with the greatest percentage of poor children.
The number of working families under the poverty line continues to rise, from 45.7percent in 2007 to 66.4percent in 2008.
• In 2005, the poverty line for a single person was about $445 per month; for a family of five, it was $1,337. A minimum-wage earner in Israel brings in approximately $883 per month; taxes can reduce that number almost to the poverty line.
Over 70 percent of the minimum wage earners in Israel are women.
• 75 percent of poor families cannot afford medicine and 70 percent are dependant on food donations.
• 80 percent of Israelis living on support provided by aid groups are below the hunger line.


One of the saddest and most telling statistics is this: 44 percent of those polled by Latet, a food aid organization, stated they cannot imagine breaking out of the cycle of poverty, and believe that their children will also grow up to be poor.

 
انا مندهشة وفاتحة بقي كدهو
انا عايزة افهم ليه؟ ليه يعني؟ عندهم فساد اكتر مننا؟ ما بياخدوا فلوس اكتر مننا، وتعدادهم قد تعداد شبرا، ازاي احصائيات الفقر بتاعتهم تبقى زي بتاعتنا؟ وبيتنططوا علينا ليه بقى؟ الفلوس بتروح فين؟ لا بجد، انا باكرر تاني انا تافهة، الحاجات دي تضايقني قوي
ايه الفشل ده؟ انا ما احبش الفشل، وجزيرة الديمقراطية دي عاملة زي ابن العمدة اللي فضل يسقط يسقط يسقط لحد ما اخر مرة في الامتحان حطوا له ورقة الاجابة جنب ورقة الاسئلة وعايز يغش من اللي قدامه برضه، قام اللي قدامه قال له:
- عايز ايه؟ ماهم حاطين لك ورقة الاجابة
- ايوة يعني نعمل فيها ايه؟ نحط لها اسئلة؟
حرام والله
طب والله العظيم حرام، حرااااااااااااااااااااام، حرااااااااااااااااااااااااااام احنا نعيش في الذل ده وسبع صنايع والبخت ضايع كله لجل عيون ابن العمدة الخايب،
شعب الله المنشار
طالع واكل نازل واكل وياريته محوق
يا عيني علينا والله، ربنا ما يرضاش بكده ابدا
---
سؤال بس والله، هم بيقولوا اسرائيل من اكتر الدول "الغربية" اللي فيها فقر اطفال! ودي برضه من ضمن الحاجات التافهة اللي بتضايقني
ان اسرائيل عاملة زي الواد الـ....فوزي. لما نقول لهم ايه حقكوا في الارض دي يقولوا احنا شرق اوسطيين ومناخيرنا طويلة زي مناخيركوا وولاد عمكوا
لما يقولوا لهم بامارة ايه بتاخدوا كل الفلوس دي من الدول الغربية وبامارة ايه الدول الغربية تميزكوا عن بقية الشرق الاوسط يقولوا احنا الممثلين للحضارة الغربية في المنطقة
ما يعملوا عملية ويقرروا هم سالي وللا سيد
----
بياخدوا من الاسرائيليين اكتر من خمسين في المية ضرايب؟ هو احمد نظيف اسرائيلي وللا ايه؟
---
نسوانهم بيقبضوا اقل فلوس؟ طب الرجالة بتصرف يعني وللا برطات؟
----
خمسة وسبعين في المية من الاسر الفقيرة بتشحت الاكل؟ يعني ما يقرب من تلت الاسرائيليين بيشحتوا الاكل؟
احسن يكونوا حاسبين الفلسطينيين معاهم، لا ما يتهيأليش، اللي في الاراضي الفلسطينية بيتقال عليهم بالستينيان تيريتوريز
-----
امال هم عايشين ليه؟ وكل الفلوس اللي بتتهلب دي ومجوعين الناس؟ ناسهم؟
مش نافع كده والله
طب والله العظيم ما نافع ابدا
وقع وثيقة تفكيك اسرائيل.... بجد بقى، يعني ده انت حتى لوشبشب لامريكا المفروض يصعب عليك اليهود اللي جوة اسرائيل لو احنا مش صعبانين عليك

24 comments:

simplymoi said...

Nawara

Their money is for SELF-DEFENCE, all these money goes for the army.

Unknown said...

طب واحنا مالنا ملحوقين على التعاون الاقتصادي مع اسرائيل اذا كان احنا احوالنا الاقتصادية احسن منهم

http://www.indexmundi.com/g/r.aspx?c=is&v=69

ح نصرف عليهم وللا ايه؟

نسبة الفقر عندهم اعلى مننا بواحد ونص في المية

Unknown said...

نسبة الفقر في سوريا اقل من نسبة الفقر في انجلترا
!!!!!!!!!!!!!!!

الدنيا دي غريبة والله

حسام السعيد عامر said...

مدونتك رائعة
تحياتي للوالد الشاعر الكبير أحمد نجم

مواطن مصري said...

انا سامع ان اسرائيل قطعت المعونة صح؟

soreal said...

this kind of explains to me why i keep pumping into "them" more than normal statistical probability would normally predicts :P

to put it into prospective:

since the expansion of the EU, considerable amount of eastern European came to the country am in right now... this was an opportunity for the Israelis who still hold their original eastern European nationalities to enter the eu and get jobs and earn money without the usual limitations that are normally imposed on non eu, Israelis included

only those who cant leave are stuck in israel.. but those who can
, whether they want to admit it or not, consider Israel as an insurance policy: you keep paying until you need it one day..

Unknown said...

اسرائيل قطعت المعونة عن مين؟
هي بتدي حد معونة غير مؤسسات الدفاع عن المثليين؟
(اه والله المعونة الوحيدة اللي بتديها اسرائيل لاي حد هي المؤسسات دي)

اذا كنت تقصد امريكا قطعت المعونة عن اسرائيل

لا
امريكا زودت المعونة لاسرائيل عشرة في المية

ونقصت المعونة بتاعتنا

Somaya Kamal El Din said...

امممممممممم

انا مش فاهمة حاجة اوووى
لانى مش متابعة لاى حاجة من الكلام ده

Unknown said...

المشكلة عندنا فى السستم

Sosso said...

ya nawwara 5oudi elinket dee, http://www.lightstalkers.org/galleries/contact_sheet/2818
http://www.upi.com/Business_News/2005/02/28/World-Homelessness-Kikar-HaLehem/UPI-86251109606749/
http://www.monde-diplomatique.fr/2003/10/ALGAZY/10619

we fee 7agat ketir ghir da, ya3ni law tebossi 3al 7ez shas, hatchoufi ennou negi7 3ashan ennes elmat7ouna teddihom sotha .
Il fased mostaf7ek henak, we wa7ed zay Omert masalan ma3rouf 3annou elfased men 2abl mayeb2a wazeer.
Yas3ni elkalam da momken mech ma3rouf fel3alem el3arabi bas fel gharb el"elite" 3arfa wemtarma5a.

Wild at Heart said...

أول مرة أعرف إن الإسرائيليين أغبيا كده، أوباما مسلم ونازي كمان؟؟؟
:)))))))))

Unknown said...

معاتيه رسمي
شوفتوا الفيديو؟
والله لو نزل يصور في الدويقة مش في الجامعة ما ح يلاقي التخلف ده

Unknown said...

وبعدين ايه البت اللي لابسة ريش وماسكة شمسية بالليل دي؟

Sosso said...

dee far5a harbana

هرطقة said...

أخيرا فهمت احنا ليه بنتبرعلهم بالغاز
دول طلعوا غلابة على كده
بيصرفوا كل فلوسهم على داء القتل اللى عندهم ده
ومش بيفضلهم فلوس ياكلوا

عبد من عباد الله said...

هو في الحقيقه انا معنديش تعليق غير اني عايز اعرف رأيك في بعض الحقائق كده و يا ترى في حاجه من رأيك ممكن تتغير و لا كعادتك ، لا تغيير في الرأي ....

عموماً اتفضلي اقرأي بس بعض الحقائق دي و مش لازم حتى تقوليلي رأيك ، المهم انك بس تشوفيها يمكن لانها مرتبطه شويه بموضوع البوست ده .

اتفضلي :

http://hakawywebalawy.blogspot.com/2009/07/blog-post.html

Unknown said...

ده وصلك بالميل يا عبد من عباد الله
واللي بيوزعه الاسرائيليين نفسهم
ما تنشرش الميلات اللي بتيجي من الصهاينة
وللا انت فاكر احنا بس اللي نشطين على النت؟

عبد من عباد الله said...

ههههههههههههههههه

حقيقي مش معقوله ، و الله مش معقوله ، بجد بجد فيه اختلاف ، لو انا مقلتش ان حضرتك مختلفه ابقى كداب ...

اولاً حضرتك الوحيده اللي معلقتيش عن مدى صحه هذه الحقائق و الإحصائيات ، ثانياً حضرتك الوحيده اللي مش شايفه ان الكلام ده في رساله لحثنا على العمل و العلم و ان الله جعل قانونه في الدنيا ان اللي بيعمل بيلاقي ....

فقط اكتفيتي و بكل ثقه ( و معرفش ايه سببها دي ) ان اللي باعتين الرساله دي اسرائليين ههههههههههههه

دايماً لازم يبقى فيه حاجه كده في دماغنا اكيد موجوده بس مش باينه ( نظريه المؤامره )

عموماً يا استاذه نواره انا اعرف اللي كتب الميل ده اساساً و اعرف اسمه و هو مهتم جداً بالعلم و خريج علوم قسم فزياء نوويه ، بس هو كانت رغبته انه ما يكتبش اسمه على الميل و يدعوا لإنتشاره و علشان ما يكنش الموضوع لانتشار اسمه ، و علشان لو حد نقله من غير اسمه حيبقى فيها شبه سرقه .

يا استاذه نواره ارجع و اقولك انا ابداً مش هدفي اني اهزم المختلفين معايا في الرأي ، بس احنا لو فضلنا حاسين ان المشكله مش فينا ، يبقى خطواتنا حبقى سريعه جداً ......... للخلف .

تحياتي و شكراً لأهتمامك ... و الله المستعان .

Unknown said...

طب لما تشوف اللي "مترجم" الميل ده ابقى اديله على قفاه سلف وتف لي على وشه

عشان الميل ده مع مجموعة من الفيديوهات الاسرائيلية اتوزعت بالانجليزي على كل الميلات لما الناس في العالم كله كانت عايزة تقاطع اسرائيل

اكتب على اليوتيوب
boycott Israel
وانت تعرف معاد الحملة دي
والميل اللي وصل للاخ بالانجليزي واخده ترجمه دي دعاية اسرائيلية ومش نظرية مؤامرة ولا حاجة
دور عليه على النت بالانجليزي وانت تلاقيه على المواقع الاسرائيلية
والاسرائيليين كدابين بطبعهم
ده اولا

ثانيا

من عشر سنين كان نسبة اليهود الامريكان اللي شغالين في مجال البحث العلمي اعلى نسبة وبعدهم المسلمين

السنة دي المسلمين زادوا عليهم
والمشكلة مش مشكلة اننا مخنا زنخ ولا حاجة
ده تسفيه وتهييف وتستطيح
المشكلة حاجة تانية خالص

البينة على من ادعى
صاحبك ترجم ميل مالوش اي سند احصائي انا اللي اسألك مين اللي قال لك ان المعلومات دي صحيحة مش انت اللي تسألني مين اللي قالك ان المعلومات مش صحيحة
لان انت صاحب الادعاء يبقى انت اللي تثبته

تالت حاجة
ده ميل عنصري وماحدش بيكتب الكلام ده غير اليهود بسبب العقدة اللي عملها لهم هتلر لما قعد يعمل ابحاث علمية عشان يثبت ان اليهود اغبيا فجات لهم عقدة النباهة

رابعا
يعني اليهود عندهم امتياز في التهليل والتهييص الاعلامي
شاطرين في الاقتصاد
عندهم كرامة
احنا سبنا كل الحاجات الكويسة دي وبنقلدهم في العنصرية وكمان بنروج لكلامهم

Unknown said...

اهو
http://sheikyermami.com/2009/01/26/so-you-want-to-boycott-israel/

ووفقا لتقارير البنك الدولي ده تأليف وتلحين
اسرائيل ما عملتش اي حاجة من دي
بدليل ان وارداتها اكبر بكتير من صادراتها

ده غير انها بتاخد دعم مالي من الغرب وعمالة من فلسطين
وهي زي عبد السلام النابلسي بتشرف عليهم

ثم احنا بنتكلم عن اسرائيل مش عن اليهود

واللي الميل اللي انت حاطه ده بيعترف باسرائيل كدولة يهودية ممثلة لكل يهود العالم بما فيهم اليهود اللي مش اسرائيليين

يعني انت بتقدم خدمة ببلاش لنتانياهو
محمود عباس مش عايز يقدمها وانت بتقدمها على طبق من فضة

عبد من عباد الله said...

عارفه اجمل حاجه في حضرتك ايه ؟؟

انك حقيقي استاذه ، لأ بجد و الله مش تريقه ولا حاجه حشا لله ، استاذه في الكلام ، ازاي تقدري تتكلمي في نقطتين او تلاته و عليهم عشرين اتهام على تهزيق و مفيش مانع شتيمه ، علشان بعد كده انا ارد برده بشتيمه و تريقه ، يبقى الحوار في النازل ، و انا ببعد بكل قوتي عن الطريق ده ، اللي للأسف خلاص بقينا علطول ماشيين فيه و نبص على الحوارات التليفزيونه ، لازم واحد يطلع عميل في الاخر و التاني بايع دينه و واحد واخد رشاوي و كلام كله تخبيط في الاشخاص ممممممممممممم على راحتك يا استاذه نواره ما دام دي الطريقه اللي بتفضليها في الكلام لكن اعذريني مش حقدر ارد بنفس الطريقه ...

بصراحه انا لو قعدت من هنا لسنه جايه افضل ارد على كميه الانتقادات اللي ملهاش حصر دي و انا لحد دلوقتي مش عارف هى مبنيه على اي اساس ، لكن خليني اقدر بس اوضح كام نقطه على قد فهمي ، انا راجل مش قدك لا في الثقافه ولا في المعلومات ....

انا مش حدخل في نطاق "و الله العظيم الشخص اللي انا اعرفه ده هو اللي عامل الايميل ولا لأ " ابداً انا كل اللي يهمني هل الرساله اللي في الكلام ده مفيده ولا لأ ؟؟ ضدي ولا لأ ؟؟ هى حقيقي فيه سم مدسوس ( العنصريه ) زي ما حضرتك بتقولي ولا لأ ؟؟؟

كإحصائيات ، انا عن نفسي كتير جداً من الاحصائيات اعرفها من قبل ما اقرأ الايميل ، وفيه احصائيات تانيه اتأكدت منها بنفسي ، و فيه بعض الحاجات شبه بديهيه منطقيه ، حضرتك مثلاً شايفه ان العلماء دول مهماش يهود مثلاً ؟؟ او العلماء دول مهماش اصحاب الانجازات المنسوبه إليهم ؟؟ ام ان هناك احد جامعاتنا على رأس او حتى في ال 500 جامعه الاعلى على مستوى العالم ؟؟

حضرتك مثلاً تفرق معاكي نسبه الاميه عندنا 30 % من 40 % مثلاً ؟؟؟

انا لسه بحاول حقيقي اكتشف حضرتك بتفكري بأنهي منطق ، ربما افهمه و اكون معاكي ، ده مش عيب ...

حضرتك مثلاً ما سمعتيش عن الفرق في معدلات القراءه بين الدول العربيه و الاسلاميه و الدول الاوروبيه و امريكا ؟؟؟ حضرتك مثلاً ما تعرفيش الاموال التي تصرف على البحث العلمي في بلادنا و الفرق بينها و بين اسرائيل او امريكا او اوروبا ؟؟

هل المفروض مثلاً اني لما اقول ان المعدلات بتاعت القراءه اقل ، اقول انا جايب المعلومه دي من مؤتمر كذا في بلد كذا ، و لا المعلومه من كتر ما هى اتذاعت و انتشرت و بقت معروفه لدى الكل اصبح المصدر غير مهم ؟! زي ما حضرتك بتقولي هما قارفين العالم كله بفكره عنصريه هتلر ضدهم ، هل انا بقولك اثبتيلي كلام ده ؟! و انهم بيقولوا كده فعلاً ؟! و قوللنا انتي جايبه الكلام ده منين ؟؟ و لا لان المعلومه دي منتشره و معروفه لدى الجميع اصبح ذكر المصدر غير هام في هذا الوقت ....

و الله انا كل كلمه بكتبها بحس ان وراها غضب من حضرتك ، و لازم و لابد انك يا تردي عليا يا تشتميني يا تسخري مني علشان مكنش انا ( ربما في نظرك ) هزمتك ، و انا حقيقي مش عايز الموضوع يبقى كده اطلاقاً و بخاف اكمل في الكلام علشان الموضوع ميزدادش اكتر و اكتر .... بس مش عارف هل ده في ايدي ولا لأ ؟؟ ولا اسكت و خلاص ؟....

اما موضوع العنصريه ، فانا فاهم الايميل على انه اثبات ان تقدم اليهود ده جي من ايمانهم بالعمل و العلم و دي حاجه تميزهم مش تعيبهم ، اما كوني بتكلم عن اليهود ، فده زي ما انا بتكلم عن المسلمين و زي ما بتكلم على المسيحين ، و كلهم بيجمعهم مبادئ معينه حسب ما يؤمنوا بيه ، و زي ما كلنا بنهتم بأمور المسلمين اللي في الشيشان او في افغانستان و حتى في امريكا ، هما برده كيهود بيهتموا بأمور اليهود في كل انحاء العالم ....

لكن كون بعضهم بيعتمد بجانب الطرق السلميه في التقدم على الطرق الغير سلميه و غير الانسانيه فده امر اخر ، لكن القوة الاساسيه تأتي من العلم ، اما استخدام ذلك العلم في الخير او في الشر ايضاً امر اخر .

عموماً اقدر اهتمامك يا استاذه نواره ، و ارجو من حضرتك الا تأخذي من وقتك الكثير و تردي علي ، و لتعتبري انك اقنعتيني او هزمتيني و انا اعلن اني اقبل ذلك و انتي اعلى مني منزله و قدراً و ثقافة و علماً ....و والله اكن لكي كل حب و تقدير .

اخوكي عبد الله .... إن قبلتيني كذلك .

Unknown said...
This comment has been removed by the author.
soreal said...

to mr abdollah

some points that might be of interest:

1-none of the jewish prominent figures your mentioned actually live or work in israel
2- some of the names you mentioned with supposedly "their" achievements are pure lies
3-let me tell you about something i certainly know... when you hear the word physics, the first thing that comes to your mind if you are not a physicst is albert Einstein. i cant deny him being one of the physicist who made noticable contribution to the field... but he is not the only one. many otheres from various background did more than he did. how come you dont hear about them? answer that question and you ll know exactly from where nawarah is coming from

finally;

you probably wont understand how those names became synonymous to the "Judaic supremacy" until you actually mix with them and work in an environment where you can see them in action.. quiet the eye opener..

جوجل said...

شكرا على مقالاتك المميزه ولاجمليه
مع تحيات موقع
الشامل
www.k44l.com