Monday, 13 July 2009

وبناء الجسور ده له علاقة بزعيم الكباري؟

انا ممكن اعاملكوا معاملة انسانية واديكوا لنك واللي ما يقدرش ما يفتحش اللنك
بس انا انسانة سادية، وباحب اعذب الناس، خدوا
قاموس إسرائيلي للاحتيال على الرأي العام العالمي!
آخر تحديث: الاحد 12 يوليو 2009 3:57 م بتوقيت القاهرة

هالة عبد اللطيف -

كشف تقرير لمنظمة «المشروع الإسرائيلى» الأمريكية عن إعداد قاموس للمصطلحات التى ينبغى أن يستخدمها الإسرائيليون فى وسائل الإعلام لكسب الدعم الدولى.

القاموس قام بتأليفه الدكتور فرانك لونتز الخبير أمريكى فى استطلاعات الرأى والدلالات اللفظية وهو من المحافظين البارزين فى الحزب الجمهورى.

ويستعرض القاموس فى الفصل الأول 25 نصيحة للاتصال الفعال منها: «لكى تقنع الآخرين لا يهم ما هى المعلومات المتوافرة لديك، ولكن الذى يهم هو مدى اهتمامك وحماسك مع ما تقوله لذا أظهر تعاطفك دوما للسلام بين الجانبين الإسرائيلى والفلسطينى، وهو ما يجعل الإسرائيليون قادرون على كسب الأصدقاء».
(مش مهم تقول الحقيقة، المهم تتكلم بحماس زي سعاد حسني عشان الناس تسمعك بحماس)

كما ينصح القاموس بمواجهة الخطاب الإعلامى لحركة حماس، التى تعتبرها الولايات المتحدة وأمريكا «منظمة إرهابية» لذا ينصح بإظهار تعاطف مع المدنيين الفلسطينيين، وبعدم الادعاء بأن الإسرائيليين دون أخطاء.
(اه، يعني دوب مناديلك عياط عليهم بعد ما تقتلهم، شايف النصايح؟ ودي بقى ح يضحكوا بيها على مين؟)
ويستعرض القاموس بعض المصطلحات المرتبة ترتيبا هجائيا التى يجب أن تتضمنها أى جهود إعلامية تحشد الرأى العام لصالح إسرائيل منها على سبيل المثال: «بناء جسور بين الفلسطينيين والإسرائيليين» وليس «إعطاء حقوق» للفلسطينيين لأن «بناء جسور» تعطى إحساس بالتدرج فى تحسين أحوال الفلسطينيين أما كلمة «إعطاء» فتعطى إحساسا بأن الإسرائيليين فى موضع قوة وهذا يخلق إحساسا لدى الجمهور العام بالتعاطف مع الفلسطينيين ضد إسرائيل.
(ييييي، لا الحتة دي شايلوك قوي، دول بخلا بجد، كلمة اعطاء كلمة وحشة، بس شفتوا بقى؟ التعلب بتاعنا بقاله كام سنة بيبني في جسور واحنا لا حمد ولا شكرانية؟ اهو طلع عنده نظرة مبعدية كالعادة، وياما قال، وياما حذر، بس ماحدش سمعه

ويضيف القاموس «استخدم دوما كلمة «أطفال» خلال الحديث عن المستقبل، لكل من الفلسطينيين والإسرائيليين والتأكيد على أن أى جهود مبذولة حاليا تهدف مستقبل الأطفال».
(وياريت بعد ما تخلص الجملة تقول: واااااء، واااااء، وتعمل بيبي على روحك عشان الناس تصدقك)
تحدث دوما عن «الرخاء الاقتصادى» للفلسطينيين فمتى تحدث الإسرائيليون عن الرخاء الاقتصادى للفلسطينيين سيعطى هذا صورة إيجابية للغاية عن إسرائيل.
(والله احنا لنا الريادة فعلا، مين اللي كان دايما يتكلم عن الرخااااء ويفتح بقه قوي ويتك على الخاء لما تحس انه ح يتف في وشك؟ اه الصغيرين مش ح يعرفوا، راجعوا خطب السادات، كان بيقول الرخاء كأنه بيقول خخخخخخخ تفوو، يعني لازم واحد اسرائيلي اللي يقول الكلام ده؟ اما عقدة خواجة بصحيح، ما احنا عمالين نبني في كباري ونقول رخاء بقالنا تلاتين سنة)

أذكر دوما جملة «تساوى الحقوق» بين اليهود وعرب إسرائيل الذين يتمتعون بحقوق متساوية وحماية متساوية تحت مظلة القانون فى إسرائيل، ووضح أن «المأساة تكمن فى أن الفلسطينيين لديهم حقوق تحت مظلة حكومتهم أقل بكثير من الحقوق التى يتمتع بها عرب اسرائيل تحت مظلة حكومة إسرائيل».
(اه، ده فيه كتاب عرب بيقولوا الكلام ده، ومصريين بالتحديد، حلمي النمنم بدون ذكر اسماء، برضه الريادة، حد عبرنا في ريادتنا؟)
أكد على أن «حماس المدعومة من إيران ضد السلام: «ويكون هدفك الإعلامى التأكيد على أن إسرائيل تدافع عن شعبها من العيش فى رعب من صواريخ حماس، وان المصدر الأول لإيذاء الشعب الفلسطينى هو حركة حماس، وأنها هى العقبة الأول فى تحقيق حل الدولتين. وقم دوما بالربط بين حماس وحزب الله وإيران».
(ولاااا اي حاجة، كل الكلام ده قالوه ناس عندنا، طب فين حقوق الملكية الفكرية بقى؟ ده احنا عندنا مجموعة مدودين ما بيقولوش غير كده، مش واحد، ولا اتنين ولا تلاتة، وللا عشان ما احنا غلابة ياكلوا حق الناس الشقيانة؟

أما عن المصطلحات المتعلقة بالمفاعل النووى الإيرانى فى القاموس فيشير إلى أن فى ظل إدرارة الرئيس الأمريكى باراك أوباما التى تقوم على الدبلوماسية يجب التركيز على أن «العالم بأسره يقف ضد مفاعل إيران النووى باعتباره «كابوسا عالميا» يقف ضده المسلمون واليهود والمسيحيون والهندوس والعرب والإسرائيليون والأمريكيون لأنه يوما ما ستكون هناك علاقة وثيقة بين الإرهاب والأسلحة النووية».
(على فكرة ده واحد معتوه اللي كاتب الكلام ده، عامل زي ابو خلف في صعيدي في الجامعة الامريكية: ولدي خلف ع يتكلم انجليزي، وامريكاوي، واسترالي، طب المسلمين واليهود والمسيحيين والهندوس دول اديان، ايه فجأة العرب والاسرائيليين والامريكان؟ ثم ايه دخل الهندوس؟ وبعدين فين البوذيين؟ والبهائيين؟ واليزيديين؟ وللا دول مش بني ادمين؟ طب كنت اسأل يا حيوان، احنا عندنا كفاءات ممتازة)
أما الفصل السادس فى القاموس فيتعلق بحق الإسرائيليين فى الدفاع عن أنفسهم من صواريخ غزة ولإقناع الرأى العام ينصح القاموس بالتأكيد على «أن مقتل طفل فلسطينى لا يقل تراجيدية عن مقتل طفل إسرائيلى». كما ينصح القاموس بالتأكيد على أن صواريخ حماس «متعمدة» بدلا من «القصف العشوائى لصواريخ حماس». كما أكد على الجهود الإسرائيلية فى منع إصابة الأطفال الفلسطينيين.
(ده الفاصل الكوميدي في القاموس؟)

أما عن المصطلحات المتعلقة بـ«المستوطنات» فينصح الإعلاميين بالحديث عن «السعى إلى التفاوض» وتذكير الرأى العام دوما بالتضحيات الإسرائيلية فى سبيل السلام مثل ترحيل 9 آلاف إسرائيلى من قطاع غزة والضفة عام 2005. وأكد دائما على أن السلام ليس مرتبطا بالمستوطنات فحسب بل مرتبط بالوظيفة والرخاء والأمل لطرفى الصراع (الإسرائيليين والفلسطينيين» فكل طفل فلسطينى يستحق مستقبلا أفضل وأيضا كل طفل إسرائيلى.
----------
تؤ
خايبين، والله، طب ده احنا وزير الخارجية بتاعنا بيدافع عنهم احسن من كده، ده حتى عوكل اللي بنقول عليه عوكل طلع انبه منهم، عنده كلام احسن من كده، وللا هي سبوبة وللا ايه؟
طب ده محمود عباس، طب ما سألوش محمود عباس ليه؟ ده اي عيل كان يعمل لهم القاموس ده احسن من كده، ثم الكلام ده مين اللي ح ياكل منه غير اللي اصلا عنصريين ضد العرب؟
لا
مش عاجبني، الدلاديل بتوعنا بيشتغلوا احسن
وبعدين هم لو ح ينفذوا المشروع اياه بتاع نشطاء النت المدفوعين للدفاع عن اسرائيل بالكلام الخايب ده الناس ح تتريق عليهم، ايه اللي ابدي تعاطفك ما العيال اللي احنا بنقتلهم والدمعة تفر من عينك واتكلم عن الاطفال وحط التيتنة في بقك
طب ما اسهل يبطلوا قتل في الناس والناس على طول ح تتعاطف معاهم، الخواجات بيتلككوا عشان يتعاطفوا معاهم، بس هم اللي مش مدينهم فرصة

10 comments:

مهندس مصري said...

طيب ما هو ده نفس السيناريو اللي بيتبعوه الأوساخ المتعصبين لإسرائيل في الماي سبيس
بالسنتي و بالملي
و لما يتزنقوا بيشغلوا مبدا خدوهم بالصوت و هات يا شتيمة
مشكلتي إني مش بأعرف اتريق و اشتم و اشرح اللي أنا عايزه بالإنجليزي التلاتة في نفس الوقت زيك كده
أنا لما باشتم بأشتم بالعربي بس ساعتها هما مش حيفهموا

مين اللي قال بقى على شوية الزبالة دول متحضرين و هما ماوراهمش غير الشتيمة في المنتديات و الهروب من مواجهة الحقائق و الأدلة

tuhamy said...

الموقرة نوارة

كان معك كل الحق لما قلتي ان ( دلاديلنا ) أبلغ وأفصح وأدري بسيكلوجية العرب من الخبراء الأمريكان واليهود

أنا شايف براعة (دلاديلنا) في التلون ...اشتراكية ....رأسمالية ....
خصخصة .........حسب الظروف


الغريب أن اليهود لية مش بيفكروا

يستفيدوا من دلاديلنا اللي دايما يجبوا الخطأ عند أهل غزة(الضحية) و

وأن المشكلة في الفلسطينين الي مش عاوزين سلام

soreal said...

some memorable qoutes from that dictionary :

"Whoever is on the side of peace will win more American hearts and minds for Israel. Don’t forget to use examples of historic steps Israel has taken for peace: peace with Egypt, withdrawal from the Sinai, peace with Jordan, withdrawal from Gaza, and the acceptance of a two-state solution."

then

"“Israel made painful sacrifices and took a risk to give peace a chance. They voluntarily removed over 9,000 settlers from Gaza and parts of the West Bank, abandoning homes, schools, businesses, and places of worship in the hopes of renewing the peace process.”"

you can find the whole thing here

http://www.kabobfest.com/2009/07/how-to-sell-americans-on-the-war-on-gaza.html

i know you will enjoy reading it as much as i did :P

حسن على said...

انا ممكن اعاملكوا معاملة انسانية واديكوا لنك واللي ما يقدرش ما يفتحش اللنك
بس انا انسانة سادية، وباحب اعذب الناس، خدوا>>>>>>>>...... فكرتينى بالبيت اللى بيقول : ومهما يكن عند أمرىء من خليقة (خليقتن) ...وان ظنها تخفى على الناس تعلم(توعلمى) بس خلاص ...(يعنى لامؤخذة اللى عندة عقدة ما بيبان علية يرضو... ها ها ها

TAFATEFO said...

الحاخام الأمريكي المعادي للصهيونية دوفيد ويس المتحدث باسم مجموعة نيتوري كارتا ومنظمة يهود ضد العنصرية في الحياة والناس http://bit.ly/dEsUr .. الحلقة هنا

حسن على said...

فن اللوع اكبر كتاب فى الارض لكن اللى يغلط فية يجيبة الارض اما الصراحة ف أمرها ساهل لاكن لابتجيب مال ولا تصون عرض صلاح جاهين ........................................اما ال ألف وربعميت شهيد اللى فى غزة...فدول "لم تقتلهم اسرائيل... انمابذلت جهدا مضنيا لتحقيف امنياتهم بدخول الجنة ويضاف للعبارة "طب دى وافقة علينا بخسارة"ودافعين من جيبنا عشان نبسطهم -ولاد الأية دول وموش عاجبهم-شوفتوا بقى اسرائيل مظلومة اد اية؟؟؟؟؟؟؟؟؟؟؟؟؟؟؟؟

The Laundry Man said...

وبناء الجسور ده له علاقة بزعيم الكباريهات!! يا إلهي

مش الزعيم ده اللي عامل زي الفتوة اللي بيدور على الكباريهات عشان يحصّل اليومية مقابل الحماية؟

:)

مدونتك يا نوارة عملة زي الواحة الخضرة اللي الواحد بيزورها عشان يستظل تحت شجرة فيها

حسن على said...

امام جامعة المنوفية فرصة ذهبية للوصول الى العالمية .اولا : بتحديد الجين المسؤل عن مرض(اللوع) خاصة لأنتشارةهناك ومما يسهل البحث جدا البدىء بقريتى ميت ابو الكوم وكفر مصيلحة واراهن رئيس الجامعة انة سيصل للنتائج من اول يوم دون الحاجة لأستعمال ذبابة الفاكهة فى الابحاث . ثانيا: العمل على دراسة(اللوع)وتحويلة من مجرد فن او "احد مهارت الاداء" الى علم معترف بة وذلك بالتعبير عنة رياضيا .... وشوفوا بقى التقدير اللى حتحصلوا علية اد اية ...وسيكتب فى برائات الاوسمة التى تحصلون عليها" تقديرا لجهودهم فى اشباع احتياج المزيفون -الكتار قوى قوى قوى الى الكذب المسبوك بوك بوك بوك

TAFATEFO said...

ده ربنا هينتقم منكم انتقام عزيز مقتدر على تعريضكم الدائم بالمنايفة .. آبااااااااااااي عليكم

طب اسه سيرة المنايفة في التوبك .. ولا هي حاجه تطري القعده؟؟

أعوذ بالله من غضب الله .. يمهل ولا يهمل

:D

حسن على said...

tfatefo: اوعاك تزعل يا مصطفى ...ظبعا انت عارف ان لكل بلد الاستريو تايب بتاعها زى الصعايدة عندنا فى نشفان الدماغ ,وزى الايرش عند الانجليز ,وزى اهالى تكساس عند الامريكان,اما المنايفةبقى ف متسيطين مش بس فولكلوريا لأةة دة حاجة واربعين سنة خلت كل الناس تبقى علماء فى السلوك وفى الوراثة,ثم انسعادتك انا باتكلم على كفر المصالح او المصيلحة والمرحوم ميت ابو الكوم يعنى مش انت او باقى المنايفة الشرفاء