Sunday 5 July 2009

مجدي السيد بيقوم بدور مصر التاريخي في المانيا

الشهيدة مروة الشربيني
تحديث
لاف جورو ساب لي لنك في تعليق لارسال رسالة استنكار للسفارة الالماني في القاهرة، وياريت نلبي دعوته ونبعت ولو سطر واحد نستنكر فيه تجاهل وسائل الاعلام الالماني للقضية، وحماية المجرم باخفاء اسمه، انا عايزة اعرف، لو القاتل كان مسلم والمقتولة كانت المانية بيضا وللا يهودية، (يالاااااااهوي لو كانت يهودية ياااااااااااا لاااااااااااااهوي ده احنا كنا قعدنا في الحكاية دي خمسة وعشرين سنة) وقتلها عشان لابسة مايو بيكيني مثلا، كان ح يبقى موقف السي ان ان اللي مش جايبة سيرة حاجة اهو، والاعلام الالماني نفس الموقف؟
وكانوا خبوا اسم القاتل زي ماهم عاملين دلوقت حماية له ولسمعته؟
دي حاجة، الحاجة التانية، الناس اللي بتسفه من دم الشهيدة بس عشان اللي قتلها خواجة، (اسفخص بصراحة، دي مصرية) لو كان اللي قتلها غزاوي جعان عشان ياخد الساندوتش اللي في ايدها كانوا حطوا على قلبهم حجر بالطريقة دي وقالوا: وايه يعني، واحدة وماتت؟ وللا كانوا عملوا عليها مناحة ونزلوا شتيمة في فلسطين "واولها فلس واخرها طين" وكنا سمعنا كل الطراش اللي كل مرة بنسمعه؟
رجاء مراسلة السفارة الالماني هنا للغة الانجليزية
وخلي عندنا كراااااااااااااااااااااااااااااااااااااااااااااااااااااااااااااااااااااااامة، عيب لما واحدة يهودية على ماي سبيس قاعدة تدعي على القاتل كأنه قتل امها وتقول: "هدم اسرة باكملها عشان ح يعيش ويموت فاشل؟ يارب يجيله مرض يخلي جلده يعفن بعد ما يجيله التهابات شرجية لما كل زمايله في السجن يغتصبوه".. (هههههه يهودية غلاوية)، واحنا قاعدين نقول شهيدة وللا مش شهيدة، ما نخلي عندنا دم شوية
--------------
الشهيدة مروة الشربيني، 32 سنة، زوجة الاكاديمي علوي علي عكاظ اللي كان طالع في بعثة من جامعة المنوفية بسبب تفوقه العلمي، واحد الماني عنصري قال لها "تيروريست" قامت البنت، عندها كرامة وعزة، راحت رافعة عليه قضية تحرش عنصري، وكسبتها واتحكم لها بالتعويض، قام الواد العنصري اللي مش عايزين يقولوا اسمه بالكامل! ومسمينه "اكسل دابليو"، 28 سنة، رفع استئناف وفي المحكمة طلع السكينة ونزل فيها طعن لحد ما توفاها الله، وكانت حامل الله يرحمها، وجوزها اتجرح في المستشفى دلوقت، وما يعرفش ان مراته في ذمة الله.
فوق حماية الواد بعدم ذكر اسمه لوسائل الاعلام العالمية، قررت وسائل الاعلام الالمانية انها تعتم على الموضوع وتتجاهله. طيب، عادي يعني المانيا لها تاريخ اسود ومهبب في العنصرية، ده كفاية وش الانسة ميركيل لما بتتكلم على عرب وللا مسلمين بينزل عليه غضب ربنا كله، وبتتحفنا بتصريحات زي وشها.
مالك انت بقى يا استاذ مجدي السيد، متحدث باسم السفارة المصرية في المانيا، تقوم بدور مصر التاريخي وتدافع عن المانيا، وحلاوة المانيا، وجمال المانيا، وان ده حادث فردي، وان المسلمين عايشين في الجنة ونعيمها في المانيا؟ هي المانيا دي الحزب الوطني؟ اذا كان مافيش ولا مسئول الماني قال الكلام اللي انت بتقوله ده؟ بتعزز لهم ليه؟

56 comments:

مواطن مصري said...

الله يخرب بيت ام المتطرف الي في كل حتة ظلامين جوة و برة


أقصد النازي الي قتل المرحومة


ما دة نتيجة من الناس الي شوهو صورة الدين الاسلامي في الاعلام و اخدو عنا اننا ارهابين ط


ام العنصرية دي


عارفة لو ماكنا منعنا امثال الظواهري و بن لادن واتباعهم مكنش حد هياخد عننا فكرة سيئة و يجمع كل المسلمين باعتبارهم ارهابين

او مكنش بعض الشيوخ تجمع كل المسيحين على اعتبارهم بوش

مواطن مصري said...

انا سامع ان فية وفد من النقابة و لاكم ان النقيب سخصيا هسافر و يدافع عن الشهيدة بس مش متأكد من الكلام دة

Me7'o said...

ربنا يرحمها
ويتولى جوزها برحمته

أنا مش عارف ابنها اللى عنده خمس سنين ده ذنبه إيه
إنما حكاية حامل دى اول مرة اسمعها

إلا صحيح
هو السيد مجدى السيد لما كان بيتكلم من ألمانيا مغناش

يا حلاوة شمسنا وخفة ضلنا
دى الشمس عندنا ربيع طول السنــــــة

تحياتى

simplymoi said...

I just read about in Rosa al yousef which make u want to puke. Just think for second if the situation was reversed and the victim was German pregnant woman, she will be the next Neda,victim of the cruelty of the Muslim and the new angel that shows the ignorance of Muslim I want to puke again.

لبنــــــــــى said...

الله يرحمها
المشكلة انو لو واحد عربي او مسلم عمل ايا شي بتصير قصتوا قصة و حكوماتنا بتتبجح بمعاقبته و الدعس عليه و على راس اهله
اوكي ما في مانع انو ايا مخطئ ينال عقابه لكن احنا مين اللي لازم ياخد حقنا ؟؟؟؟؟
بدنا نضل نقول استنوا عدالة السماء وو حسبي الله


لو كانت حكوماتنا بتحترمنا ما كان انهدر دمنا و الفاعل دائما
بكون "مختل عقليا "و لازم نتسامح و نعفو عنو

و تغلق القضية .........

Me7'o said...

والله يا جفرة كلامك صح جداً

هنا على أنفسنا فهنا على الناس

بس انا عندى سؤال صغير كده

هو تنظيم المتخلفين عقلياً وصل عندكم

أنا كنت فاكره تنظيم محلى
طلع تنظيم عربى

هههههههه

ديالا said...

ربنا يرحمها

مهي بلدنا الي عملت فينا كده خلت دمنا مستباح لاي حد

لو كانت بتعمل وقفات بجد مع اي حد وتاخد حقنا

مكنوش افتكرونا ان احنا قليلين جدا

فيقتلونا بقي ولا ييحرقونا ولا اي حاجه

وتحياتي للعروبه

وسمعني سلام ياعيني عليكي يابلادي

into said...

يا جماعة دي جريمة قتل بشعة ولكن المانيا مش طرف فيها

المجرم روسي عاطل شحات معاه بسبور الماني

i am really disappointed at you nawara. you should inverstigate the facts before writing, i don't know one single major news source here in germany that didn't publish the story, the youm7 article says the justice department didn't publish this on ther website !!!! are you freaking kidding me ? so now lamma wa7ed yetla3 3alaih 7arami the justice department should pubish this on their website??

don't let hate for the west in general blind us and twist the fact, I have only one feeling for Germany about this issue Respect

NAWARA: when this security guy in egypt insulted you because of your hijab a while ago what happened??? you got laughed at in the police station right ??

when this egyptian woman (May Allah swt have mercy on her soul) got insulted what happend ? the court got her her rights back, and the DA was even considering jailing the guy.

I really would feel happier if you be more just and edit your post, Germany is really a great country, it has a lot of issues with women who wear hijab, even if they are germans, but let's be fair, this wasn't one of them!!!
Ahmed
Heidelberg, Germany

mohamad said...

طيب سؤالين كدا على الماشي

لو إفترضنا إن اللي إتقتلت دي كانت يهودية ألمانية . .
كان رد فعل دبلوماسيين السفارة الإسرائبيلية هيبقى إزاى ؟
لو كان رد الفعل المبدئي بس زي ما الباشمهندس مجدي السيد ما عمل . . كان عملوا فيه إيه الخارجية الإسرائيلية والصحافة ؟

البلد بقت كلها مطيباتية . . حقيقي إصفوخص

lebneneyeh said...

rabbi yer7am hal sayedi w 3azama allah ajr zawja w ahla w ebna el maskeen . rabna ysaber ahla 3ala ma asabahom.

allah 3al zalem w da2eman ma3 el mazloom .

khales 3aze2na la ahl el faqeeda wa enna lellah w enna elyehi raji3oon .

حسن على said...

يانوارة الجريمة دى يشعة قوى ومؤلمةقوى... سيدة وام شابة وحامل تقتل بالسكين داخل المحكمة ورد الفعل الالمانى (تعريصى)كذلك رد فعل السفارة المصرية(تعريصى) ايضا... السفارات والقنصليات المصرية بالخارج تكايا يعبن فيها المحاسيب ومعبار الكفائة والترقبة فبها يتوفف غلى نجاح موظفيها فى ارضاء وتلبية طلبات النسوق للرسمين المصرين الزوار لهذة البلاد . رحم اللة مروى الشربينى وطفلها اليتيم وزوجها المكلوم ولاحول ولاقوة الا باللة

Love-Guru said...

ماذا قال متحدث السفارة بالضبط ؟ ما قرأته انه رد علي بعض الدعاوي التي وصفت الحادث ب "هولوكوست الحجاب" مبينا ان الحادث فردي و لا يمثل ظاهرة هولوكوست و لغاية هنا مفيش مشكلة اما التقليل من خطورة الحادث و انعكاساته و دلالاته و محاولة رسم صورة وردية عن المانيا ام العنصرية و تجاهل ظاهرة العداء لكل ماهو اسلامي و التي تنامت مع موجة محاربة الارهاب و اغفال الدور السلبي الذي لعبته وسائل الاعلام الاوروبية في اذكاء روح العداء و الكراهية ضد المسلمين و عدم ادانة حكام اوروبا و ساستها لتنامي ظاهرة العنصرية ضد الاسلام بل تشجيعهم لها مثل موقف ساركوزي الاخير. اغفال كل هذا و عدم ابرازه في هذه المناسبة هو السقطة االحقيقية للمسؤل المصري.

المتهم اسمه ألكس عاطل غير متعلم يعمل عمل يدوي و يعيش علي المعونة الاجتماعية. اخشي ما يخشاه العالمون بالقانون الالماني ان يتم محاولة تبرئة المتهم تحت دعاوي انه مريض نفسيا او تخفيف حكم الادانة من القتل مع سبق الاصرار و الترصد الي اندفاع لخظي نتج عن صعوبة وضعه الاجتماعي و ان السكين التي اخفاها سرا و دخل بها المحكمة كانت لتقطيع البرتقال اثناء انعقاد الجلسة ! و سوف تنبري جماعات العنصرية لتبرير القتل بتفشي البطالة في شرق المانيا و تدني الوعي الثقافي نتيجة تأثر هذا الجزء بالحكم الشيوعي قبل توحيد المانيا

مطلوب من كل مدون ان يبرز هذا الحدث و يعيد و يزيد فيه فالاعلام الالماني يريد ان "يطرمخ" علي الجريمة و لكن لماذا هذا الفتور في ردة الفعل علي الانترنت من الجانب الاسلامي و المصري

Kalimalhus said...

مواطن .. إقرا البوست اللى أنا كاتبه فى الموضوع و قوللى إن كنت من الناس اللى جبت سيرتهم..
http://egysoothsayer.blogspot.com/2009/07/blog-post_04.html

صحيح بن لادن و الظواهى شوهوا صورتنا.. لكن الصورة المشوهة دى مش هى بداية العنصرية الغربية و العداء الغربى لكل مختلف.. يعنى وجود إرهابيين مسلمين مش هو المبرر لوجود إرهابيين ألمان و أمريكان و فرنسيين .. فيه دوافع للإرهاب فى ثقافتهم و أفكارهم .. و المفروض نطالب بتنقية مناهجهم التعليمية و لو طلع عندنا شخص غبى زى اللى طلب تنقية القرآن كده و طالب بتنقية الكتاب المقدس نص العهد القديم ممكن يتشال..

هو إحنا حتى لما يموتولنا واحدة مسالمة و فى حالها و كمان إنسانة متحضرة و بتاخد حقها بالقانون نقوم برضه ندور على مبررات و نطلع نفسنا الباديين بالغلط

Fatma said...

اللهم انزلها منازل الشهداء وادخلها الجنة بغير حساب وصبر والديها وجوزها حاجة توجع القلب بجد

مهندس مصري بيحب مصر said...

و المصيبة لما تلاقي مدونين زعلانين من تسميتها شهيدة
مستكترين عليها الشهادة
حسبنا الله و نعم الوكيل

Unknown said...

مواطن مصري ,,,, ناقص تقول ان الواد الالماني ينتمي للمحظورة

Unknown said...

لا اعرف بقى بالاسم
مين المدونين اللي متضايقين اننا بنقول عليها شهيدة
امال هي ايه؟
امال هي ايه؟
واحدة بتدافع عن كرامتها واتقتلت ظلم
تبقى مش شهيدة ازاي يعني؟

اعرفهم والنبي
والنبي والنبي

مهندس مصري بيحب مصر said...

إتفضلي يا أختي
http://catofdesert.blogspot.com/2009/07/blog-post_03.html

زعلانة قوي من تسميتها بالشهيدة

دا على أساس إنها ماتت في حادثة

لبنــــــــــى said...

مهندس مصري ينفلقوا اللي زعلانين من التسمية شو يعني راح تاخد مطرحهم بالجنة
و بعدين ليش زعلانين هي ما كانت رايحة مع زوجها كطلاب علم و ماتت بفعل واحدد عنصري حقير ايا كان روسي او الماني
شوف الناس على شو عم تحكي لسه بدهم يناقشوا اذا كانت شهيدة او لا و بعدين بنلوم العالم ليش بتقتل فينا متل الخرفان


ME7O
لا النوع هدا من التخلف انتشار عربي 100%
ما تخاف كلنا بالهوا سوا


بتعرفوا اني لما بحكي لاي حدا عن الحادثة بستغرب انو ما سمع فيها ؟
لو كانت متلا وحدة من الناس اللي بطلعوا بلا تياب على التلفزيون و ببوسوا الواوا لكان انقلبت الدنيا
و ما قعدت

الله يرحمها و يرحمنا كمان

Unknown said...

انا عايزة افهم بن لادن والظواهري شوهوا صورتنا في ايه؟
هو بن لادن قتل كام وبوش قتل كام؟
هو الظواهري قتل كام وريجان السفاح ده قتل كام؟
هو ترومان في الحرب العالمية قتل كام؟
اشمعنى كل السفاحين دول ما شوهوش صورة امريكا وبن لادن هو اللي شوه صورتنا؟
اصلا بن لادن اللي عمله ده رد فعل
هو بن لادن كان عنده كام سنة سنة سبعة وستين مثلا لما الاسرى بتوعنا حفروا قبورهم بايديهم؟ اشمعنى دول ما شوهوش صورة اسرائيل وماحدش يقدر يدوس لهم على طرف؟

مواطن مصري said...

هي شهيدة و لأن قتلت في خارج بلادها قتلت اثناء دفاع عن كرامتها اثناء طلبها للعلم

فهي شهيدة مش محتاجة كلام

مواطن مصري said...

مش بعيد يكون من الاخوان النازين :D

Kalimalhus said...

أنا معترض على لقب شهيدة الحجاب.. لأن مروة الشربينى لم تقتل لأنها محجبة بل قتلت لأنها مسلمة و الحجاب لم يكن سوى العلامة المميزة التى إسترعت إنتباه الوغد المتعصب كاره الإسلام و المسلمين.. و لو لم تكن مروة رحمها الله محجبة و تصادف أن عرف هذا الكلب أنها مسلمة بطريق آخر لكان نفس شريط الأحداث قد وقع بحذافيره..

هى شهيدة لا شك عندى فى ذلك و هى شهيدة الإسلام لأنها قتلت لإسلامها..

هناك مسلمات كثر فى الغرب لا يرتدين الحجاب و مع ذلك يتم إضطهادهن لأنهن مسلمات.. فالغرب المتعصب لا يكفيه أن يبدو المسلم و المسلمة شبيها به و مندمجا فى مجتمعه و لكنه يطلب منه و منها التخلى نهائيا عن ديانتهما.. و حرب الغرب على الرمز الإسلامى حجابا أو نقابا أو مئذنة هو تعبير عن أمنيته أن يتخلص تماما من كل مسلم يعيش على أرضه و هو لا يفرق فى ذلك حتى بين مسلم وافد أو مسلم من صميم أحد شعوبه.. و لسان حاله يقول "الإسلام" ليس مرحبا به على أراضينا..

Unknown said...

انا ما سمعتش حكاية شهيدة الحجاب دي

ولا سمعت حد بيقول شهيدة
انا جه في بالي اني اقول عليها شهيدة لانها اتقتلت مظلومة
مش الشهيد ده اللي هو اتقتل ظلم وبييجي يوم القيامة يقول: رب فيم قتلت؟

على قد مخي يعني

وبعدين يعني الواحد بيقول الحاجة وخلاص، معمول منها قصة وقضية ليه يعني؟

امال يعني مسكوا مفتي الجمهورية لما قال العيال اللي غرقت مش شهدا ليه؟
ما اللي يدي نفسه حق يسمح بيه لغيره

واحدة ما عملتش حاجة تستاهل عليها القتل، وام، وحامل، وما اذتش حد في حاجة، واللي قتلها واحد مجنون ابن قحبة فاشل وعنصري ومالوش اي اعذار ومالوش اي مبرارات ومافيش حد السبب في الجريمة دي غيره وغير عنصريته ومافيش حاجة اسمها حد شوه صورتنا

ماحدش شوه صورتنا غير اللي عايز يبرر احتلالنا

وتعالوا بقى نعد في اخر عشر سنين كده مثلا كام واحد قتل باسم ربنا
ونعد ضحايا كل واحد ونشوف المسلمين اللي قتلوا باسم ربنا كام
والمسيحيين واليهود والهندوس اللي قتلوا باسم ربنا ضحاياهم كام عشان نعرف بقى مين اللي فعلا عنيف
انا ما سمعتش عن مسلمين قتلوا تلاتة مليون في سبع سنين

Kalimalhus said...

نوارة
-----
أنا لما بقول إن بن لادن و الظواهرى بيشوهوا صورتنا فقصدى مطلق التشويه و مش قصدى ده قدام الغرب و ألا الشرق .. لأن ترويج الإتنين لصورة مشوهة للإسلام هو خطر على المسلمين أنفسهم لما بعضهم يعتنق أفكارهم و يؤمن بها لمجرد أنهما يقفان فى مواجهة أمريكا و الغرب..

صورتنا أمام الغرب ماتهمنيش و لو دبحنا بن لادن و الظواهرى بإيدينا مش هيرضى الغرب عنا و لو حتى خلعنا عن نفسنا إسلامنا مش هيتقبلنا الغرب كإخوة ليه فى الإنسانية بتاعته و المتفصلة على مقاسة و لا تتسع لأحد معه..

كل ده حاجة و كونى كمسلم أقبل إن بن لادن و الظواهرى يشوهوا إسلامى فده حاجة تانية..

Unknown said...

خلي عندنا كرامة شوية
اذا كان فيه حاجة احنا عملناها نستاهل عليها العنصرية دي كلها فهي اننا ما عندناش كرامة

Love-Guru said...

http://www.kairo.diplo.de/Vertretung/kairo/en/
Kontakt.html

هذا موقع السفارة الالمانية بالقاهرة صفحة اتصل بنا

مطلوب من كل مصري ارسال رسالة استنكار و لو في سطرين و تأكوا ان صدي هذه الرسائل سوف يصل الي وزارة الخارجية الامانية و الاعلام الالماني

Unknown said...

مهندس حر

مافيش حاجة اسمها حد بيشوه دين
شوهوه ازاي يعني؟ رموا على وشه مية نار؟ عملوا له عملية تجميل وعوجوا له شفته؟

يعني ايه شوهوا الاسلام يعني؟ ماحدش بيقول الكلام ده غيرنا

عمرك سمعت عن تشويه المسيحية، وللا تشويه اليهودية، وللا تشويه البوذية وللا الهندوسية؟

اي استعماري عشان يبرر الغزو بيعمل حملة على الناس المستهدفة عشان يبرر لمواطنيه هو ليه رايح يموت الناس دول

ومافيش حاجة اسمها واحد وللا عشرة وللا مليون يتصرفوا تصرف يبقى بيشوهوا دين
وموضوع سمعة الاسلام اللي واكل دماغنا ده، هو انسة مستني عدله وخايفين على سمعته؟

Unknown said...

love Guru

اشكرك واسمح لي اعمل تحديث واحط اللنك اللي انت حاطه في البوست

Love-Guru said...

جزاك الله كل خير

مهندس مصري بيحب مصر said...

شكراً يا love - guru

و ده نفس اللينك بتاعك بس لصفحة مراسلة السفارة الألمانية بالعربي
http://www.kairo.diplo.de/Vertretung/kairo/ar/Kontakt.html

Kalimalhus said...

أيوة يا ستى فى تشويه للمسيحية أحد صوره الحروب الصليبية و حرب بوش على العراق اللى كانت تقاريرها اليومية بتوصله الصبح فى أولها آية من آيات العهد القديم..

و فى تشويه لليهودية إسمه الصهيونية و كيانها اللى بيشوه إسم أحد أنبياء الله بإنه بيحمل الإسم ده..

و فى تشويه للهندوسية إسمه تفجير مساجد فى قلب الهند و رفض إعادة بناءها..

كل متطرف بيحمل صورة مشوهة لديانته و يضر بها عقول المنتمين لهذه الديانة بغض النظر عن صورتهم أو صورة ديانتهم فى نظر الآخرين..

مرة تانية ملعون أبو الغرب أنا ما يهمنيش صورة الإسلام عند أمهم لأنه لما كان المسلمين أصحاب حضارة مادية أكثر تقدما و رقيا منهم الف مرة كانوا بيصوروا المسلمين على أنهم عبدة للشيطان .. يعنى عمر ما كان تحضرنا و أدبنا و ذوقنا شفيع لينا عندهم و عمره ما هيكون..

اللى يهمنى هو إننا إحنا ما نسمحش لحد يشوه إسلامنا فى عقولنا إحنا و يخلينا إحنا نعيش فى مقابر الماضى الذى مات و نستسلم بجهلنا و تخلفنا لأعداءنا عشان يدهسونا و يقضوا علينا..

بطلى تاخدى جملة من كلامى و تبنى عليها ردود تقولينى فيه اللى ماقلتوش.. يعنى أنا ناقص إنك تحرقى دمى .. غيرك قايم بالمهمة دى على أكمل وجه ..

حسن على said...

اذا كان فيه حاجة احنا عملناها نستاهل عليها العنصرية دي كلها فهي اننا ما عندناش كرامة"------------ يا استاذة -وانتى ست العارفين -هنا لايجوز التعميم ... فمروة الشربينى اسنشهدت دفاعا عن كرامتها (كمثال).تألمت كثيراجدا وارتفع ضغطى يشدة واصبحت عاجزا عن الاستمرار كان اللة فى عون ذويها

حسن على said...

مجدى السيد هو اللى ماعندوش كرامة اقتدئا يوزيرة السمج صاحب الغيط

Unknown said...

لالالالالالالالالالالالا
يا استاذ حسن علي
انا ما اقصدش مروة خالص
لو مروة شهيدة حاجة فهي شهيدة الكرامة
انا باعلق على كلام مواطن ومهندس حر لما بيقولوا ان بن لادن شوه سمعتنا
لو فيه حاجة شوهت سمعتنا، اذا كان ينفع ان دين يبقى له سمعة، فهو اننا اعتذاريين
وعلى فكرة انا بيتقال لي الكلام ده في وشي
حتى المخاليل اللي بيشتموا الاسلام بيقولوا من ضمنهم واحد مشهور قوي ناسية اسمه كاتب امريكاني بيقول
That apologetic attitude of Muslims is pathetic

السلوك الاعتذاري للمسلمين مثير للشفقة
يعني حتى اللي بيشتمونا بيقولوا لنا خلوا عندكوا دم
برنارد لويس
ايوة
اسمه برنارد لويس

Unknown said...

مهندس حر

ههههههههههههههههههههههه
سلامة دمك
انا اقدر؟

مواطن مصري said...

نوارة ممكن احط صورتها عندي انا كمان؟

حسن على said...

نورتى المحكمة يانوارة وانا أفهم قصدك طبعا وان كنت ادقق فى الصياغة احيانا

Love-Guru said...

http://love-guru09.blogspot.com/2009/07/who-is-real-terrorist.html

ده فيديو القاهرة اليوم عن الموضوع فيه لقطات من المانيا و معلومات مذهلة عن المذبحة التي استمرت 8 دقائق كاملة دون ان يتدخل احد لانفاذ مروة و زوجها و ابنها و عندما تم استدعاء ضابط شرطة من قاعة محكمة اخري كان قد حضر للشهادة في قضية اخري كان اول شئ فعله هو اطلاق الرصاص علي زوج الشهيدة مروة و عندما شئل اجاب انه توقع ان يكون هو المعتدي ... منتهي العنصرية

من يريد الفيديو استطيع ان ارسله بالميل فهو حوالي 9 ميجابيت فقط

Unknown said...

ايوة يا مواطن طبعا الصورة على اليوم السابع
ياريت كل الناس تحطها
بس اوعى تكون بتحطها عشان امورة؟
هههههههههههههههه

Unknown said...

لاف جورو

ممكن اخد الفيديو من عندك؟

Unknown said...

نوارة بقول ايه
لو ممكن صيغة جاهزة
موحدة

للرسالة اللى نبعتها لسفارة المانيا فى القاهرة
عشان بس يبقى الموضوع منظم
لأنى مفيش فى دماغى كلام يتقال
بطريقة مضبوطة

Unknown said...

لا انا مش مع الصيغة الموحدة يا بدراوي

لان ده ح يحسسهم ان انها حملة منظمة فيستهونوا بيها ويفتكرونا جمعية وللا حاجة

لازم يحسوا ان فيه غضب من الناس وده من خلال ان كل واحد يعبر عن غضبه بطريقته سواء بالعربي او الانجليزي

يعني انت اكيد متضايق يا بدراوي ومجروح

خصوصا لما عرفت الظابط ضرب على المصري لانه قال انا قلت ان اكيد هو اللي هجم وهو اللي عامل المشكلة

Unknown said...

اصل الفكرة انى ممكن البخ فى الكلام
يعنى مش عارف اعلن استنكارى لإيه بالضبط
انا مضايق اه
بس الموضوع معقد شوية
يعنى رأيك اقول اللى حاسه و خلاص
؟!

Love-Guru said...

طبعا ممكن
و كمان انا ارسلت الفيديو بالميل قبل ما تتطلبيه

Unknown said...

معلش شوفى الخبر ده
ابو التخلف فى الأرض


"السياحة": مقتل مروة الشربينى لن يؤثر على السياحة الألمانية لمصر

http://www.youm7.com/News.asp?NewsID=114890

مواطن مصري said...

نوارة اتفرجي على فلم الفرح

بنت الصالحين said...

الله يخرب بيت الضعف والاستكانة وامشي جنب الحيط وخلينا في حالنا علشان لقمة العيش


آدي ياستي النتيجة

مش عارفين ناخد حقنا

لو حد بقي اتقتل عندنا حتي لو كان معفن ولا له اي لازمة

كان زمان الشطرة والحكومة قلبت علي اهلنا وباست رجل اهله كمان

Me7'o said...

نوارة
مهندس مصرى

يا جماعة محدش ياخد كلام على لسان ناس مش متأكد منها ومحدش يعلق عند ناس برضه مش متأكد منها

ولو كنت غلطان حد يوضحلى الصورة لو سمحتم

http://heartbreakgold.blogspot.com/2009/06/blog-post.html

واللى يخش هناك يقرا تعليق

CatofDesert

اللى مهندس مصرى جايب تعليق من عندها وللأسف برضه لقيت مواطن مصرى هناك فى المدونة بتاعتها

لو سمحتوا لو كنت أنا غلطان وضحولى علشان مش عاوز أشتم وأسب لأى حد إلا لما أتأكد الأول

مستنى الرد
ضرورى

✿مَرْسَى الحُب✿ said...

لا حول ولا قوة إلا بالله ..

Rania Lelah said...

يا ربى .. اول حاجة طبعا نتكلم فيها هى العلاقات الوثيقه بين مصر و المانيا .. و السياحه و الحاجات دى . و لا اكن لينا اعتبار ... و لا دمنا غالى .ربنا يرحمها برحمته و يرحمنا احنا كمان... هبعت للسفاره و يا ريت نعرف ناخد ليها ربع حقها يا رييييييييييت

Rannon said...

على رأيك يعني لو كانت يهودية ولا لو كانت ألمانية وعلى أرض مصر وبالصدفة ولا جالها ضربة شمس حتى
كان زمان الدنيا قامت ولا قعدت
بس دي عربية مصرية مسلمة ومحجبة يعملواحاجة لييييييييييييييييييه؟؟

Ramy Wasel said...

شكرا على الروابط
وبأذن الله الكل يتفاعل معها
ويرسل احتجاج لدى السفاره
ليعرفوا من نحن

بس الحكومه معاها حق انها متحتجش
يعنى يقطعوا عنها العربيات المرسيدس
ده كلام
طيب يركبوا ايه بقى
حمارشيدس يعنى

مهندس مصري بيحب مصر said...

بص يا ميخو
أنا حطيت لينك لبوست عند مدونة بترفض إنها تطلق على الشهيدة مروة الشربيني لفظ الشهادة
بل و بتتريق على اللي بيقولوا عليها شهيدة

ده كل اللي حطيته
إقرأ أنت و أحكم بنفسك
و أنا ما قلتش عليها أكتر من كده

أما اللينك اللي انت حاطه فده لمدونة ملحد منحط بدل ما يحاول يقنع الناس بإلحاده بالعقل
لأ بيشتم الدين و الرسول و شتيمته لهم مش حتنقصهم و لا حتزوده


أنا مش بأقول فلان بيقول على علانأنا مديك لينك علان نفسه و انت تحكم بنفسك

و ان كنت مستغرب من اللي يخش يقرأ شتيمة دينه و بدل ما يرد رد كويس او يمشي من سكات و يعرض عن الجاهلين
لأ يرد رد مايع مفيهوش ريحة الغيرة على الدين
عموماً كل واحد حر

Me7'o said...

مهندس مصرى

انا عارف يا باشا إنت تقصد إيه بالظبط أنا كمان قريت على مدونات تانية حكاية المقاطعة دى فالأولى إننا نقاطع اللى بيتعاملوا معاهم ويساندوهم وبعدين نبقى ندور نقاطعهم ونحاسبهم إزاى
وخصوصاً إن الحيوان ده عايش فى ألمانيا والأبلة التانية عاملة معاه دويتو وواضح إنهم أصحاب لإن ده مش اول تعليق

أصلى أنا لقيت عندها فى مدونتها اكتر من مدون انا بحترمه ومحبتش ألاقيهم فى مدونات مشبوهة كده

يالا
السلام ختام
وتحياتى يا هندسة يا منورنى دايماً

وتحياتى يا نوارة
ومعلش على الاستغلال ده

أسماء - فلسطين للأبد said...

الله يرحمها ويسكنها فسيح جناته يا رب

أنا عملت لها الحملة أو الجروب ده على الفيس بوك

http://www.facebook.com/group.php?gid=124024586367#/group.php?gid=124024586367

وأهلا وسهلا للى يحب ينضم ويشارك