Sunday 16 January 2011

الاهبل بيدافع عن الاهبل منه


تحديث:
وردنا الآن من التويتر أن بعض العصابات التي تقوم بالسلب والنهب تابعة لابن الوسخة اللي طلع يقول للتوانسة: مالكوش الا بن علي، بعد 23 سنة هذه آخرتها؟ اه يا قلالات الاصل، ما تخلوه، ده بقاله معاكوا كتير يعني، والمفروض يبقى معاكم مدى الحياة
الكلب
----
بحبك يا تونس :)



لا حول ولا قوة الا بالله العلي العظيم.. كان لنا فين ده كله يا ربي؟ بن علي يطلع يشاور بصباعه زي فتيات الاعلانات "والحشو جوة بجوز الهند" والقذافي يقول خالقين لكم بلبلة بالكيكيليكس وقبل كده مبارك قال: خسارة كبيرة لاسرائيل وخسارة كبيرة للبتاع ده، والقذافي يشتم يشكر عبد الله السعودية يقوم عبد الله السعودية يشتمه، ييجي القذافي يشتمه يقوم عبد الله السعودية يشكره، وكمان امير قطر يشكره على "هذه المبادرة" والبشير بيرقص بالريش.. استغفر الله العظيم يا ربي.. ليه كده؟ احنا ما نستاهلش ده كله
اتفضلوا... ده بني ادم؟

13 comments:

مواطن مصري said...

شكلة شرب صنف مضروب

كلينكس ههههههههههههههه

عمرو يسرى said...

المجنون ليس عليه حرج
عادى

312asdf said...

مش عارف ليه بس القذافي النهاردة مفكرني ببهيج الشرير
و جاب الديب من ديله كنتوا تروحوا للنواب قولما لهم حاكموا يحاكموه و خلصت المسألة على كدة
و الورق الايه فور الفاضي اللي مسكه و قالك أهي التقارير أهي يا عالم يا مفترية تونس و الزين زي الفل
عسل ,,, عسل,,, الله يحرقه

نعيب زماننا

Diaa said...

ده محدش ياخد على كلامه
آآآآآه يا بلاويك يا عبد الناصر إللي سبتهالنا

مواطن مصري said...

ضياء معلش العيب مش عيب عبد الناصر يمكن غلط مرتبين لكن لية انجازات كثيرة

من مغربي said...

أنا من جهتي، غسلت يدي على دول الخليج و ليبيا، هؤلاء يعييشون فوق أبار البرول لا يفكرون متلنا، تروة + فكر قبلي على تناقضات صارخة على نقص إبداع

Diaa said...

كل إنجازات عبد الناصر لا تقارن بزرعه لبذور الاستبداد إللي إحنا عمالين نجني في ثمارها
والأخطر إنه أول زعيم عربي استخف بشعبه " امسك إللي ضرب ده " , " قررت أن أتنحى " , " كنا مستنينهم يهجموا من الشرق هجموا من الغرب"
على كل حال الله يرحمه

بهيج الشرير said...

والنبي ياأبلتي أنا عندي كام سؤال! هو ليه بيقول أنه بيتألم؟ والخابور التونسي لسه ما دخلش فيه ودخل في بن علي بس، طيب هايعمل في الخابور الليبي لما ييجي وكله شطة ومبكبكة

هو ليه مافيش حد عايز ياخده على حجره، ويجيبله كازوزة، وينتف له شنب السحلية اللي طالع من تحت لسانه ده

بهيج الشرير said...

والنبي ياأبلتي أنا عندي سؤال تاني! هل صحيح أن أبو التعالب ملك الفياجرا وقاهر الهكسوس ناوي يشهر إسلامه علشان السعودية تدخله لما ياخد خابور المفتقة أبو سمسم

الحسينى said...

هو عمو راس الفجلة ده أساساً محموق ليه وبيدافع عن "الزين" كأنهم واخدين بعض على حب وبعدين الكلام بتاع يروحوا يقولوا له والنواب والبطيخ
يقولوا له أيه بس بيتهيألى حد ينصحه يغير صنف الكله اللى بيضربه عم شكشك ده

lastcrazyboys said...

في الصــف يا أهبـــل يابن الأهبـــــل

Unknown said...

هو القذافى بيحب جديد ايه النيولوك دا جامد اوى

ياسر كامل said...

ده ييخوف شعبه
بيقوله لو عملت زى كده هقتل ابنك
استحملنى لغاية ما اموت او تموت انت احسن