Tuesday 4 January 2011

نداء المرة دي للمسلمين: وقبل ما تخرب.. احب اعمل لكم زي مبارك

آآآآآه.. انا مش قلت؟ أنا قلت وحذرت زي مبارك ما حذر الامريكان كده. انا مش قلت لكم خفوا عليهم؟ قلت لكم مش حيفضلوا يستحملوا كتير، خفوا عنهم، خفوا كل انسان له طاقة، بلاش الشتيمة في الميكروفونات، بلاش الهيجان على كل كنيسة تتبني ولا كل حمام يتصلح، وتطلعوا من صلاة الجمعة على الكنيسة وتحرقوهم وتكسروا لهم الدنيا، بلااااش بلاش يا ام بدوي، بلاش تفافة وقلة ادب وزفة في الشارع، بلاش تمشوا ورا الامن حيوديكوا في داهية، مش كل ما امين شرطة يقول لكم روحوا انصروا دينكم تطلعوا تبرطعوا زي المعزة على الناس تكسروا لهم الدنيا وتخربوا لهم اكل عيشهم من غير ما يعملوا لكم حاجة، بلاش تمشوا ورا ولاد الشيطان اللي عاملين نفسهم شيوخ وهاتك يا شتيمة وسب ولعن في خلق الله وهم قاعدين كافيين خيرهم شرهم، بلاش الهبل اللي بتعلموه على النسوان كل ما يتهيألكم ان واحدة اسلمت، بلاش الكلام الوسخ، بلاش التجريح في الناس، مش حيفضلوا ينضربوا ويسكتوا كتير، دول صعايدة ومخزنين من ايام الكشح، لايموها بقى، حتجيلهم لحظة ويفرقعوا
قلت انا ولا ما قلتش؟ قلت ولا ما قلتش؟ 
اهي البلد بتولع اهي واديهم نكتوا شعرهم علينا وعملوا لنا كتاكييييييت كتاكييييت 
وسبحان الله شوف انتقام ربنا.. ولعت بعملة غيركم، شفتوا؟ شفتوا ربنا بقى؟ سابكم تضربوا وتشتموا وتكسروا وتحرقوا وتعملوا ما بدا لكم، وراح مطققها في وشكم بعملة حد تاني خااااالص، شفتوا آخرة الافترا؟
اشربوا.. اشربوا حسبي الله ونعم الوكيل فيكم واحد واحد، مبسوطين؟ مبسوطين دلوقت؟ على الله تكونوا مبسوطين ونصرتم الاسلام 
ما اسمعش حس واحد فيكم بقى، اسكتوا بقى ولايموها خالص، ايوه انا عارفة انكم ساكتين 
ساكتين دلوقت؟ ساكتين دلوقت ومخضوضين؟ افضلوا ساكتين بقى، ماحدش فيكم يفتح بقه ولا يعمل اي رد فعل مهما حصل، والا في ثانية حتلاقوا قوات متعددة الجنسيات عندكم هنا.. آه امال ايه؟ امال ايه؟ امال فاكرينها سايبة؟ يعني انتوا فاكرين ان الامن يقدر على الاعداد دي؟ ولو قدر عليهم حيقدر عليهم ازاي؟ بالقتل؟ يعني هو حيقتلهم والدنيا حتسكت؟ الدنيا سكتت على الزهرات اللي عملتوها قبل كده، بس ده انفجار، حيعمل فيها البشير حيلاقي نفسه لابس ريش 
وهو ما يهموش، او ما بقاش مركز، احنا اللي حنلبس .. استهدوا كده بالله، وديروا خدكم الايسر، ياما اداروه وكان كل ما يفتحوا بقهم تقولوا النصارى صوتهم علي، اهم جالهم ماس كهربائي، اصبروا عليهم وطولوا بالكم، ولا ما تطولوهوش بقى وخليها تتخرب ونخلص .. عايزين كده؟
اهمدوا بقى، تروحوا تتضامنوا معاهم زي البتاع، ولو طردوكوا تسكتوا، تاخدوا بعضكم من سكات كده وتمشوا.. اجنوا ما زرعت ايديكم
اجنوا ما زرعت ايديكم
هريتوهم.. هريتوهم لما ما بقوش باقيين على حاجة 
على الله بقى حد فيكم يفتح بقه 
على الله
عايزين ايه؟ عايزين قوات احتلال هنا وتتقسم؟ انسوا انكم تعرفوا تعملوا لهم حاجة.. انسوا.. ماحدش عارف يهديهم، ولا البابا شنودة نفسه، ما هم معبيين تعبية سنين، واتفتح الدمل بقى، خلاص، حتوقفوا الصديد ازاي؟ لازم يتفضى خالص، ومبارك مفيص، والعادلي بيتغدا في القرية الفرعونية، وانتوا وشكوا في وش بعض، سيبوهم بقى يرفسوا لحد ما يخلصوا ترفيس خلينا نخلص من الليلة السودا دي، بس على الله تكونوا اتعلمتم وبطلتوا افترا
حسبي الله ونعم الوكيل فيكم 
حسبي الله ونعم الوكيل فيكم
حسبي الله ونعم الوكيل فيكم
خلي كاميليا ودقن كاميليا وحواجب كاميليا تنفعكم... ضيعتوا البلد عشان حرمة

45 comments:

drkishk said...

ممكن معلومات اكتر هي المظاهره اتحولت لمظاهره قبطيه بس ولا ايه؟؟؟

dr.lecter said...

بتحسبني علي ايه

الهمجيه والفوضي مش هتسمعك خلاص

ابراهيم عيسي=طه حسين الجديد said...

الفايس بوك في صفحات لسه بتاعت كاميليا عمالين يدعو لضحايا التفجير المسلمين
انها الحرب يا اخت نواره
والعوا باين عليه طرقع ناوي يسخن اكتر عمال يهجس مش بعيد بكره بيشوي يتكلم برضو ويعك
المهم شكلها كده لازم تاخد ساتر يا عوضين

محمد صبرى said...

ياريت و الله الناس اللى متعودة تتريق على محمد حسان و تنتقده هو و امثاله تيارهم السلفي , اللى بيصور على انه مصدر الفتنة و الجهل يبقوا يبصوا ع اللينك دا

http://www.masrawy.com/News/Egypt/Politics/2011/january/3/sheikh_warn.aspx

عشان نحاول نعمل لتفكيرنا برضو نوع من انواع التوازن

Unknown said...

اوعوا بقى

اوعوا

عشان انا عندي غسيل النهاردة

الاخ اللي اسمه محمد صبري

انا نزلت لك التعليق اللي فيه اللنك ومش حانزل التعليق التاني

انت لسه بتقاوح؟ لسه؟ حسان دلوقت جاي يدين؟ بعد ايه؟ بعد ما سخن الناس وكرههم في بعض واتسبب في كل الطائفية اللي حاصلة؟

باقولك ايه؟ اخفوا من وشي كلكم عشان قسما عظما، لو البلد دي حصل لها حاجة لأطالب بإعدامكم بتهمة الخيانة العظمى

اخرسوا بقى خالص اخرسوا شوية اخرسوا يمكن نعرف نلحق حاجة

Unknown said...

هو العوا هبب ايه تاني؟

احمد خليل said...

اجنوا ما زرعت ايديكم

Unknown said...

رفض الدعوة التي أطلقها البعض بتولي المسلمين حراسة الكنائس يوم السادس من يناير
وقال "هذه مهمة الأمن وليست مهمة المسلمين".
http://www.dostor.org/politics/egypt/11/january/3/34421

مش فاهمه said...

بما انى من المسلمين فاحأرد فى التوبيك ده بصى يا نوارة انتى بتلومى علىالمسلمين ازاى و انا واحده منهم مش باحب مشايخ السلفيه اللى بيحطوا من شأن الأقباط و المرأة مع بعض و لم اشارك فى حرق ولا اضطهاد المسيحيين ولى زميلتى فى الشغل مسيحيه و حبايب مع بعض و صديقات بنتى مسيحيات و ميت فل و ارعتاشر و زيي كده كتير انا عملت لك ايه تقولى لى حسبى الله و نعم الوكيل فيكى ما انت كده بتعملى زى اخواننا الأقباط و بتحطى المسلمين فى بلدى كلهم فى سله واحده
فى المنتديات و القبطيه بالذات كلام بيتقال يجن الواحد

مش فاهمه said...

حاجه كمان نسيت اقول عليها بس من غير ضرب هو ايه اللى جاب سليم العوا للحوينى و اصحابه لأ بجد حأتجنن من الربط بينهم العوا رد على ما قاله بيشوى انا مش عايزه اعيد و ازيد فى اللى اتقال و مين رد على مين بس بجد ليه الخلط ده حاجه و التانيين حاجه تالته مش تانيه و شكرا يا نوارة لسعه صدرك
على فكرة الولاد المسيحيين بتوع مدارس الأحد اللى قولتى عليها زودوها قوى جدا خالص انا كنت عاذراهم فى الأول بس دلوقتى المواضيع بتتقندل اكتر ما هى متقندلة

محمد نور الدين said...

ست الكل الأحسن تتفرغي للغسيل
نعم تتفرغي للغسيل بخاصة أنت موظفة وما عندكش الوقت الكافي للغسيل أحسن من كلام الوعظ و الإرشاد وكأنه خطبة جمعة. خطبة للمسيحيين ،وآخرى للمسلمين إيه ده يا حاجة نوارة .
هل تعلمين أن احسن ماكتبت هذا الأسبوع ذلك المقال الجميل و الجريء عن شيكابالا ورصدك للتحولات التي طرأت على الذهنية لمصرية من خلال إلتقاطك وتحليلك لتلك المفردات والكشف عن مضمونها ومدلولاتها العنصرية .
أما خروج المسيحيين للتظاهر هو جزء مكمل للجزء الأول للخطة ،و الخطة تقول أيضا لا يسمح للمسلمين المشاركة لأن هذا موقف وطني لا يخدم، بل يتنافض مع الهدف المرسوم سلفا وهناك مراحل آخرى قادمة لا محالة لأن المكينة اشتغلت ولن تتوقف حتى تنتج بضاعتها كاملة
لك أجمل وأصدق التحيات

utopia said...

العوا فعلا شكلوا خرف يا نوارة
مش عاوز المسلمين ينزلوا الكنايس يوم القداس وبيقول الامن هو المسئول يحمى الكنايس...
وعاوز كمان يحول البرادعى للنائب العام علشان حكاية تدويل قضية النوبة...مش وقته خالص...هو ده اللى كتاكيت فعلا
.....

kiki said...

very depressing... rabbena yostor 3ala masr

kiki said...

احد اصدقائى الطلاينة من اتباع مذهب اللا إدرية نشر رابط للحادث و نادي فيه باهمية قيام دولة علمانية...احنا بالفعل دولة علمانية لا يحكمها الدين، و انما الاسلام مصدر صوري للتشريع و ذريعة لسيطرة الاغلبية و دوره للاسف محصور في ده نفسي اعرف خدنا ايه من الغطرسة الكدابة باسم الاسلام... بجد يا استاذة نوارة باحييكي علي كلامك لان وهم عزة الاسلام و احنا احسن ناس و شعب الله المختار لازم ينتهي... احنا سلوكنا كمصريين ايا كان ديننا مالوش دعوة لا بدين و لا حتي مرجعية اخلاقية محايدة

lastcrazyboys said...

بس عشــان "أبو حلموس " اللي معايا في الشغل قافشني من اول ما جيت عشــان أنا بتعامل بطيابة المسلمين
وهو معاشرهم وفاهمهم أكتر مني "بحكم موقع سكنه وتربيته وسطيهم " وإن أنا المفروض ماتكلمش بطريقة متسامحة كدهو

و ...و ...الخ الخ

بصراحة ربنا مالقيتش غير إني أقـول له: يـا حاج أنا مبعرفش أكن ضغينـة لحد ..ولو كانت مش هتكون عشان دينـه
ومطلعش انت "......." أبــونا عالصبح

hampozo king said...

الأول صباحك فل
المدونه عجبتني جدا
انتي ليكي اي علاقخ بجريدة الدستور
بالنسبه لمقالك دوة
المشكله ان في ناس كتير بتسخن و فاكرها انه كده بتدافع عن حق
سيبك من الهتي بتواع العراق الأسلامي
انا باتكلم عن مصريين
لسه بنقول هو المسيحيين يفشوا غلهم شويه و نستحملهم مهما قالوا و الموضوع هيعدي و بعض كده هيهدوا و معانا هيحاسبوا المسئوليين الحقيقين عن الجريمه دية
و ابص الاقي رسايل نازله ترف علي اصحابي و ناس بتعملي تاج علي صور
كلها بتقول يا مسلميين شيلوا صورة الصليب عشان حرام
طبعا خدي تحت منها شوية تعليقات من الي قلبك يحبها
و وراهم فيديو تاني للتجاوزات بخصوص حق شيخ الأزهر و مفتي الجمهوريه لما راحوا الكاتدرائيه
و نسيوا خالص ان التجاوزات دية كانت من بره الكنيسه من ناس قلبها محروق
و نسيوا ان يوم القداس في تلات زفت وزره انحبسوا و كان ممكن ينضربوا من المسيحيين
حرام يا جدعان
الي بيدبح فرخه بيسبها تفرفر
مش عايزين دول مع كل الي حصلهم يرفصوا
بس انتي عارفه ايه اخطر حاجه
ان لو العمليه و لعت و مسكنا في بعض
القوات الأجنبيه هتيجي
بس مش هتلاقي حد
غير جثث و خراب و حرايق
لأننا هنخلص علي بعض

Nabil .S. Zoair said...

يا نوارة أنا من أشد المعجبيين بمقالاتك . لكن أنا باختلف معاكى المرة دى . مش بس الشيوخ المسئوليين عن الشحن الطائفى . فية كتير من القساوسة كمان مسئوليين والأهم من كل دة هو المعالجة السيئة جدا لموضوع كاميليا شحاتة ومن قبلها وفاء قسطنطين من قبل الدولة . المرة اللى انت بتتكلمى عليها بتهكم فى كتير من مقالاتك هى اولا انسانة ولها كل حقوقها كا نسانة سواء كانت مسلمة أو مسيحية . الدولة بس هى المفروض المخولة بالتعامل مع المواطن . المشكلة يا نوارة هى غياب دولة العدل والقانون ودا كان ظاهر جدا خالد سعيد اللى انت اتبنتيها وكمان ظاهر جدا فى قضية كامليا ووفاء اللى انت بستهينى بيهم . يا نوارة دول بشر زيهم زى خالد سعيد وزى كل البشر المظلوميين اللى انت بتدافعى عنهم . القضية مش بس شيوخ بتتكلم على المنابر . القضية غياب الدولة . شكرا

Tota said...

معلش يا اخ محمد صبرى اللى الاخ محمد حسان بيقولوا فى الجرايد مش هو اللى بيقولوا على منبر المسجد وانا مع الاسف كنت باحسبه على المعتدلين لحد يوم الجمعة اللى فات لما سمعت بالصدفة خطبة الجمعة بتاعته وكانت عن النصارى واليهود وانهم اعداء الله وبعدين تانى يوم لما الكارثة وقعت لقيته عامل حوار مطول مع المصرى اليوم او اليوم الساقع مش فاكرة وكان محتوى المقال عكس الخطبة تماما
طبعا حضرتك ادرى ان خطبة الجمعة تأثيرها اوسع واكبر واعمق من حوار فى جريدة ممكن ماحدش يقراها من اصله
مع احترامى لدفاعك عنه بس انا سمعت بودنى وقريت بعينى قبل الحادث حاجة وبعد الحادث حاجة تانيه خالص مع الاسف لازم يتقال له ولامثاله
Tooooooooo Late

اعتذر عن الاطالة

Unknown said...

اي حد بيقول "نصارى" تعليقه مش حينزل

بس كلكم تعليقاتكم عندي وحنجيب الاي بي ادرس عشان لما البلد تتخرب وتولع نعرف نجيبكم وننفذ فيكم حكم الاعدام

والله لو حصل حاجة للبلد يا انا يا انتم في الدنيا دي

انا باكلم اللي ما نزلتش تعليقاتهم

احسن المعلقين يخافوا ولا حاجة

Unknown said...

واحد جايب لي بيان حسان يقول فيه: الاسلام يأمرنا بالعدل مع اعدائنا

مافيش حل للسلفيين ودلاديلهم غير انهم يخرسوا خالص

خالص
خالص

lastcrazyboys said...

وانتي مالك عمالة "تبرري " زي حسام حسن كده ليــه

المفترض ان المدونة تخص حضرتك ..ويجب تطبيق سياسة الاستبداد العاااادل ..تنفيذا لتوجيهات السيد الرئيس طويل العمر يطول عمره هاي هئ

واللي مش عاجبـه يروح يشتري من المدونة اللي جنبينا

هي هتبقى في المكتب ..والمدونة كماااان ..!!؟

Unknown said...

البت اللي مصممة تعلق... مش حانزل تعليقاتك

تعرفي تسكتي؟

انت خايفة.. واضح، طب اسكتي

خربتوها اسكتوا شوية يمكن ربنا ينفخ في صورتنا ونعرف نلحق حاجة

اسكتي شوية
انتي اتعلمتي تتكلمي وما اتعلمتيش تسكتي زي سليم العوا؟

مواطن مصري said...

هو فية خير بيجي من ورا الستات

Unknown said...

السلام عليكم
اهدي بس بالله كدة يا نوارة

انا اسكندراني وشايف الي شايفه والله عالم بالحال الي هنا
حال لا يسر عدو ولا حبيب

الطائفية من ناحية المسلمين هنا هادية
مافيش سلفي او اخوان او اياً كان بيتكلم بطائفية

حتصدمي لو قلت لك ان اخر من تتوقعي هم الي بيتصرفوا بطائفية هنا

يا نوارة احنا مهما كان بشر ولينا صبر
والسلفيين والاخوان الي هنا الي صابرين ومش بيتكلموا ومش بيردوا علي التظاهرات الطائفية الي بيتشتم فيها المسلمين عشان عارفين انهم هايجين غضب

لكن البلد حتولع !
انت شفتي اللينكات بنفسك والمنتديات دي بتبث سموم في الادمغة

دلوقتي منتشر ان مافيش واحد مسلم توفى في التفجير رغم ان الراجل الطيب بتاع السبح توفي "انا اعرفه علي فكرة "
زي ماهو منتشر ان مافيش مسلم تبرع بالدم رغم انك لو رحتي بنك الدم سواء بتاع مارمرقص او مستشفي الطلبة او الميري او بنك الدم الرئيسي
حتلاقي 99% من المتبرعين مسلمين

في حد بيلعب في دماغ الناس دي
وسبحان من مصبر السلفيين والاخوان وغيرهم
الي كانت قشة بتستفزهم

اذا كنتي فاكرة ان غالبية المسيحيين هم زماليلك في الشغل والناس المحترمة الي تعرفيهم من جيرانك فاحب اقولك في شخصيات قمة القذارة وقمة الطائفية قاعدة بتلعب في دماغ البشر


اتمني انك ما تنشريش ده بس تقريه وتحاولي تتصرفي انت صحفية وتقدري تكتبي وتحركي ناس
انما انا عارف انا مدب كلامي ممكن يزعل الطرفين

Shoukry said...

Coptics demonstrations is not a "Christian" thing. I hope they stop it as much as you do but as you said they are raging and I think no body can stop them. We should trust the Lord and his justice.

I would like to add one more thing considering Al A'wa, if he was just responding to archbishop Bishoy (most christians don't like archbishop Bishoy btw) why did he lied and said that churches stashes weapons and Christians buy explosives from Israel?? (it turned out that it is a fireworks shipment from China). Why did he insisted that Camelia converted to Islam although she denied this?. I hope all people defending Al A'wa see his interview on Al Jazeera in the program "Bela 7odod". They will be convinced that this Guy was the first reason to Alexandria explosion.

Unknown said...

محمد نجم

انا عارفة انهم ساكتين... هم عايزين يتكلموا كمان؟

مش كفاية اللي عملوه وهم السبب اللي وصلوا الامور لكده؟ كمان عايزين يتكلموا ويردوا؟

يخيطوا بقهم ويتكتموا ما يحطوش منطق لحد ما الناس تخلص كل الشتيمة اللي في قلبها

ياما اتشتموا واتهانوا واتكسرت محلاتهم واتولع في بيوتهم واتف على قسسهم واتقال على ابوهم كلام حقير

لهم حق عرب.. لهم حق عرب بحق السنين الطويلة اللي كانوا بيتشتموا وينضربوا فيها، والسلفيين اللي انت بتتكلم عليهم وتمتدح في صبرهم واخديهم حقهم مسبقا عشر مرات

وهم اللي وصلوا الامور لكده وهم اللي عبوا الناس بده كله

مش جميلة منهم انهم ساكتين، لكن حتبقى جريمة منهم وخيانة عظمى لو ردوا ولا عملوا اي رد فعل

يسمعوا ويخرسوا ويطيبوا خاطرهم كمان لو قدروا او على الاقل يغوروا من وشهم

ما يجوش دلوقت يقولوا ادي احنا ساكتين اهو، ياما اتكلموا وطلعوا خرا من بقهم وفضلوا يحشوا دماغ الناس خرا خرا خرا لما الخرا طفح في وشهم دلوقت بيدوروا على سباك؟

يخفوا من وشنا بقى

Unknown said...

شكري

معلش رجاء خاص

انسوا العوا خالص، اسقطوه من حساباتكم ويا سيدي اي حاجة يقولها امسحها في وشي وحقكم عليا انا

هو غلط ومش عايز يعترف انه غلط وكل ما بيتكلم بيغلط اكتر ومش عايز يسكت
وابتدا يطبش ويقدم بلاغ في البرادعي ويقول زوروا مصابين الشرطة واي كلام وعليه طحينة

خلاص

خلاص حقكم عليا انا، اعتبروه بيهلوس وانسوه خالص

وبعد كده اللي حيستضيفه ولا يعمل معاه اي حوار هو المسئول قدامنا وحنخرب بيته

Unknown said...

علي فكرة انا مش القصد اني امدح طرف او حاجة
انا بفكرك ان الي محتاجين نصيحة دلوقتي مش المسلمين علي قد ما المسيحيين محتاجين
يهدوا شوية

ومحتاجين نعرف الكلاب الي ورا الشائعات العجيبة دي
الشائعات الي بتشعلل مش حيطلعها واحد مسلم يا نوارة ؟ صح ولا بتكلم غلط
الي بيطلع الشائعات دي اكيد له صله بالدم المهدور في التفجيرات

في مسلمين هنا كتير مالهمش دعوة لا بسلفيين ولا اخوان ولا بطيخ
بدأوا يفقدوا التعاطف بسبب التصرفات الصبيانية بتاعة المسيحيين

انا عايز افهم ايه مبرر شتم وسب 90% من شعب مصر ؟؟

من ناحية البابا فان كان حد بيتحمل مسؤلية الدم فهو البابا بصمته الدائم
ياعني القاعدة هددتك قبل كدة ما اتقيتش شرهم ليه؟

المسيحيين في شغل تحسي انك انت بنفسك قاتلهم قتبل

رغم ان مافيش اي صلة بين المسلمين
والتفجيرات

حتي مجانين القاعدة قالوا :
والله كان نفسنا نكون احنا الي عملناها بس للاسف مش احنا!
حتي الشيوخ الي كلامهم جه بعد خراب مالطة :: زي ابو اسحاق طلعوا وقالو غلط

يعني دلوقتي الي يهدي المسيحيين
محتاجين يهدوا! قبل ما يفقدوا التعاطف من الاطراف الصامتة
لان احنا بشر باي حال

انا يمكن الي مخليني صابر وساكت وعارف هم مكلومين قد ايه ان لي صديق توفي له اربعة من اسرته وهو من اعز اصدقائي في الجامعة

بالنسبة للعوا::
http://www.youtube.com/watch?v=8WZObUVnBP0
ده كلامه فيديو عشان المصداقية

Unknown said...

http://no2shenouda.blogspot.com/

ادي موقع من المواقع بتاع الاشاعات
المرة دي للمسلمين
ومكتوب بنفس الاسلوب الركيك بتاع المواقع الطائفية المسيحية

الناس الي بتعمل كدة هي الي ورا الحادثة

Unknown said...

يا محمد المدونة اللي انت جايبها اسمها

no to shenouda

اغلب الاقباط لسه بيحبوا البابا شنودة، دي مجموعة مختلفة عن اللي عاملة المظاهرة

لكن على اي حال

معلش يا سيدي... استحملهم، ياما برضه اتألف واتلحن عليهم قصص مالهاش اي اساس من الصحة

ما جراش حاجة لما كام مدونة وكام منتدى مهاطيل يفبركوا اخبار

اذا كان العوا فبرك اتهامات وقال عليهم عندهم سلاح

طب فين السلاح بقى؟ فين السلاح اللي اتكلم عليه العوا دلوقت؟ لو مش حيطلع لما 23 واحد يموتوا امال حيطلع امتى؟

نستحمل ونطول بالنا ونطيب خاطرهم محقوقين لهم من اكبر راس لاصغر راس

Anonymous said...

القاعدة
اسرائل
إيران
النظام المصرى
الكنيسة المصرية

هما المستفيدون وبلاش نتكلم عن فتنة طائفية إحنا اللى بنصنعها بنفسنا يا أما لحساب توجهات معينة أو ضد توجهات أخرى
أرجو توخى الحذر وعدم الإنجراف فى ذلك التيار إن كان فى كلامكم خير أما غير ذلك فقل وأفعل ما شئت

Unknown said...

بالنسبة للعوا فواضح انه بيخرف بقاله مدة
محتاج يجذب الانتباه

بصي انا حاوضح الصورة الي في دماغي
دلوقتي كل المسيحيين شاكين ان المسلمين هم الي عامليناها

والسلفيين والاخوان : شاكين في اقباط المهجر
بالتعاون مع الموساد

وامثالي بشكوا في الكلاب الي مش عارفلهم مله الي علي النت
بالنسبة لاسم الموقع فواحد قتل ناس ابرياء
مش حيشتم ؟

بعدين يا نوارة انتي عارفة اسلوب الاسلاميين في الكتابة
بيكتبوا نحوي تحوي يعني
ما تطلعيش لهم غلطة نحوية انما دي كتابة ركيكة جداً واسلوب مش مسلمين

انا واثق ان الامن متابع الناس علي النت بتفكر ازاي
ياريت لو يكونوا بيتابعوا المواقع دي ويعرفوا مين وراها عشان يمسكوا الي عمل التفجير

Unknown said...

مع اني بطلت انزل تعليقات السلفيين، وان شاء الله ربنا يقدرنا عليهم وياخدوا اعدام بتهمة الخيانة العظمى

وبكرة ويكيليكس تبين علاقتهم بالموساد

بس انا نزلت اللي بيقول ان اسرائيل وايران والكنيسة هم اللي عملوا العملية دي

عشان افرجكوا عليه

بذمة النبي ده بني ادم؟

Ebn 5aled said...

shoofi ya nawara , 7a2 3arab ba2a mesh 7a2 3arab
el nas kolaha motafahema en lazem awel rad fe3l natakabalo w neskot w natafaham w dah tabee3y y3ny

bas el moseeba ba2a en badal mal mawdoo3 yeb2a "fash 3'ell" w yehda ba3d kedda, eno yeb2a tasa3ody

sa3et-ha bardo hayeb2a a el 7all?

w zy manty katba fe post abl de law nas madsoosa, aw 7atta 3'eer madsoosa 3amalo 7aga 3abeeta w 5abato fe game3 walla 7aga

ma7adesh haye3raf yesaytar 3al tarafeen w hateb2a wal3a aktr mel 3era2 fe 3ezaha


ya rab el mawdoo3 ye3ady 3ala 5eer

Unknown said...

نهار أسود ومنيل - مواقع السلفيين لبست صاحب العربيه السكودا الخضرا التهمه وقالت ان ده بتوجيهات من البابا شنوده مع ان الواد هو اللى سلم نفسه والعربيه طلعت مش هى اللى كانت فيها القنبله وحاطين البيان ده



بسم الله الرحمن الرحيم
فى الوقت الذى سارع فيه الخونه والعملاء والسفهاء والمنافقين والمرتدين
من ابناء امتنا الذين يتسمون بأسمائنا سارعوا الى ادانة التفجير دون ان ينظروا من الفاعل
واخذوا يرددون ان الاسلام برئ من مثل هذه الافعال فالصقوا التهمة بالاسلام
وقد فعلوا ذلك بغية الحفاظ على مناصبهم والبعض الاخر بهدف الوصول الى السلطة فاخذوا بتقربون الى عباد الصليب
ولكن الله رد كيدهم فى نحورهم
فيسرنى اخوانى الكرام ان اقدم لكل المسلمين بصفة عامة والمصريون بصفة خاصة هذا التسجيل الذى يظهر تورط البابا شنوده فى هذا التفجير وان الذى قام بهذا التفجير
هو شخص مسيحى
وقدم المشتبه به الاول ألفريد فريد عادل صاحب السيارة الاسكودا الخضراء التي أشيع أنها تسببت في الانفجار أمام كنيسة القديسين، لنيابة شرق الإسكندرية، حيث خضع لتحقيقات.
وقال إنه مسيحي الديانة، وأن السيارة ملكه
وقالت التحقيقات إن ألفريد توجه إلى النيابة من تلقاء نفسه بصحبة أحد المحامين، وروى أنه كان منتظرا أمام الكنيسة وأفراد أسرته وشقيقة زوجته، وأنه نزل منها لاستدعائهم من داخل الكنيسة وأثناء خروجه فوجيء بالانفجار وأصيب بإصابات طفيفة في الحادث، نافيا بشدة أن يرتكب أو يشارك في عمل إرهابي ضد كنيسته.
وكان شهادات الشهود قد اجمعت على الإشتباه في سائق سارة الاسكودا لسلوكه المريب قبل الحادث بدقائق كما اكد الحرس ان التفجير انبعث من السيارة
ونقدم لكم الان الفيديو الذى يثبت فيه ان هذا الشخص توقف بالسيارة امام الكنيسة ودخل ثم قام بالتفجير ونرى فى الفيديو ايضا ان قسيس الكنيسة
يحاول طمئنة من كان بداخل الكنيسة وهنا السؤال لماذا خاف وفزع كل من كان فى الكنيسة وقت الانفجار ولم يفزع القسيس معنى ذلك انه كان على علم تام بما يحدث ونرى البابا شنوده بعد الحادث فى المؤتمر الصحفى يدعوا الى طى صفحة الماضى بالرغم من انه كان من المفترض ان يطالب باستكمال التحقيقات لمعرفة الجانى وهذا دليل على ان البابا شنوده كان متورط فى هذا العمل الاجرامى لالصاقه بالمسلمين كما فعل بوش حينما ضرب برج التجارة العالمى والصقه بالمسلمين حتى يستطيع مهاجمة افغانستان والعراق وغيرها من بلاد المسلمين
مع العلم انه توجد فى مصر اربع مليشيات قبطية مسلحة وان الاديره والكنائس كلها بعا اسلحة ولعل اخرها السفينة التى تم ايقافها فى ميناء بورسعيد والت كان على متنها الاطنان من المتفجرات القادمة من اسرائيل وكان صاحبها ابن مصران كاتدرائية بور سعيد
واليكم الفيديو
http://vb.tanseerel.com/showthread.php?p=5302#post5302

Unknown said...

نهار اسود ومنيل - شوفوا البيان ده

بسم الله الرحمن الرحيم
فى الوقت الذى سارع فيه الخونه والعملاء والسفهاء والمنافقين والمرتدين
من ابناء امتنا الذين يتسمون بأسمائنا سارعوا الى ادانة التفجير دون ان ينظروا من الفاعل
واخذوا يرددون ان الاسلام برئ من مثل هذه الافعال فالصقوا التهمة بالاسلام
وقد فعلوا ذلك بغية الحفاظ على مناصبهم والبعض الاخر بهدف الوصول الى السلطة فاخذوا بتقربون الى عباد الصليب
ولكن الله رد كيدهم فى نحورهم
فيسرنى اخوانى الكرام ان اقدم لكل المسلمين بصفة عامة والمصريون بصفة خاصة هذا التسجيل الذى يظهر تورط البابا شنوده فى هذا التفجير وان الذى قام بهذا التفجير
هو شخص مسيحى
وقدم المشتبه به الاول ألفريد فريد عادل صاحب السيارة الاسكودا الخضراء التي أشيع أنها تسببت في الانفجار أمام كنيسة القديسين، لنيابة شرق الإسكندرية، حيث خضع لتحقيقات.
وقال إنه مسيحي الديانة، وأن السيارة ملكه
وقالت التحقيقات إن ألفريد توجه إلى النيابة من تلقاء نفسه بصحبة أحد المحامين، وروى أنه كان منتظرا أمام الكنيسة وأفراد أسرته وشقيقة زوجته، وأنه نزل منها لاستدعائهم من داخل الكنيسة وأثناء خروجه فوجيء بالانفجار وأصيب بإصابات طفيفة في الحادث، نافيا بشدة أن يرتكب أو يشارك في عمل إرهابي ضد كنيسته.
وكان شهادات الشهود قد اجمعت على الإشتباه في سائق سارة الاسكودا لسلوكه المريب قبل الحادث بدقائق كما اكد الحرس ان التفجير انبعث من السيارة
ونقدم لكم الان الفيديو الذى يثبت فيه ان هذا الشخص توقف بالسيارة امام الكنيسة ودخل ثم قام بالتفجير ونرى فى الفيديو ايضا ان قسيس الكنيسة
يحاول طمئنة من كان بداخل الكنيسة وهنا السؤال لماذا خاف وفزع كل من كان فى الكنيسة وقت الانفجار ولم يفزع القسيس معنى ذلك انه كان على علم تام بما يحدث ونرى البابا شنوده بعد الحادث فى المؤتمر الصحفى يدعوا الى طى صفحة الماضى بالرغم من انه كان من المفترض ان يطالب باستكمال التحقيقات لمعرفة الجانى وهذا دليل على ان البابا شنوده كان متورط فى هذا العمل الاجرامى لالصاقه بالمسلمين كما فعل بوش حينما ضرب برج التجارة العالمى والصقه بالمسلمين حتى يستطيع مهاجمة افغانستان والعراق وغيرها من بلاد المسلمين
مع العلم انه توجد فى مصر اربع مليشيات قبطية مسلحة وان الاديره والكنائس كلها بعا اسلحة ولعل اخرها السفينة التى تم ايقافها فى ميناء بورسعيد والت كان على متنها الاطنان من المتفجرات القادمة من اسرائيل وكان صاحبها ابن مصران كاتدرائية بور سعيد
واليكم الفيديو
http://vb.tanseerel.com/showthread.php?p=5302#post5302

Unknown said...

الخوف كل الخوف من أن الأمن يزق حد فى المظاهرات يعملوا حاجه زى انهم يكسروا جامع مثلا او حاجه زى كده ساعتها هايلاقوا الفرصه اللى مستنينها وهايوقفوا كل الكلام ده وحسان وغيره هايرجعوا يبخوا تانى و يقولوا مش قلنالكم ؟ صدقتونا ؟

Unknown said...

lol @ Iran
طب انا عايز اعرف ايران حتستفيد ايه :D

محمد صبرى said...

لأ كده زادت عن الحد ..الاستبداد ميوصلش للدرجة دى .. ع الاقل حتى عشان حرية الرأى.. و بعدين سلفيين مين اللى مبيزنلهمش تعليقات .. فيه ناس تعليقاتها شبيهة جدا بتعليقاتى أنا اسف و تعليقاتهم نزلت ..

معلش انا بعتذر انى بكتب تعليقات عندك اساسا.. و متقلقيش مش هبعت تعليقات هنا تانى .. ابقى اتكلمى و ردى على نفسك بقى .. و اسمعى صوتك و صداه كويس بقى .

و ايبيهات ايه اللى بتخوفي الناس بيها .. يا بنتى ابقى انشري ثقافة رفض الخوف بين الناس مش ثقافة الخوف

ياريت متنزليش التعليق دا زى التلاته اللى منزلوش غيره ..لا كلامه موجه ليكى

...

سلاااااااااااام و زغرتى بقى واحد سلفي مش هيرد هنا تانى هع..

عُقاب said...

ولا انجم
انت اتجننت
انت بتقاوح مع نوارة
جررررررررررررررر

بعدين مالك و مال الاخوان اجدع انت
لا فتحنا بقنا لا قبل ولا بعد
بره عننا
الدور و الباقي على الوهابيين الاغبيا

انت صاحبي و حبيبي لكن هتدافع عن الوهابيين هخسرك و الله

ده انا اما صدقت وقعوا مع نواره عشان تشبشبهم و تنسل الجزمة القديمة على دقونهم

سيبك منه يا نوارة
ده واد ديبلوماسي
ربنا يعافينا

kiki said...

Salafy or not, the answer is not spreading more hate and rejection. or creating more stereotypes to attack and put the blame on.

THE ANSWER IS NOT MORE HATERED

Salafy, Copt, Secular, Greek, Armenian, Jewish, Arab, Pharaoh, Whatever...let us not forget that we are human beings, and to our great misfortune in the age of information technology it is easier to mislead than inform. So far I havenb't seen a thread of information to hold on to and take for granted. To my simple uninformed mind al Qaeda is a US invention to manipulate the middleastern countries and have us just were they want us, and wikileaks cannot be trusted all that much either. External forces is not the issue. there is no one around to really take the blame but us, and I mean both moslems and christians, so we either put the chauvinism aside and remember we are all humans. And for the Salafy guys and girls, although I hate this stereotyping... the term DAWLA ISLAMEYA IS OVER, we had our chance for centuries but all we did was screw up, so let us clean up the mess by the real values of our religion, shall we?

Sabertooth said...

في الوقت الذي شيّعت مصر إثنين وعشرين ضحية من المسيحيين الذين طالهم الإرهاب الذي يقولون عنه أن لا دين له، ونحن نصرّ على أنه يمكن أن يكون له أي دين في العالم إلا الإسلام، في ذات الوقت هلك أربعة وعشرون من مسلمي مصر بأنفلونزا الخنازير، في زمن أصبح فيه هذا الوباء مجرد مرض متحفي لا يصيب، فما بالك أن يقتل، ومع ذلك اهتز العالم الصامت خلال تفجيرات طالت غير المسلمين في مصر والجزائر والأردن والعراق، وحوّل مجزرة الإسكندرية إلى أكبر مذبحة تهز الدول الغربية في تمييز عنصري بين الموتى من أحياء العالم.

*
لقد مات وقُتل المسلمون في مصر من زمن حسن البنا والسيد قطب وشهداء العبور وقطار أسوان وعبّارة البحر الأحمر بعشرات الآلاف فكانوا نسيا منسيا، والآن تحولت عملية إرهابية مسّت مصر بأكملها إلى شأن مسيحي عالمي، حيث أعلن رئيس الكنيسة القبطية البابا شنودة عن ضرورة تلبية مطالب الأقباط في بناء مزيد من الكنائس، ورفض الأقباط تنظيف مكان الانفجار حتى تبقى دماء الضحايا شاهدا حسبهم على "إرهاب الإسلام"، واندلعت المسيرات في فرنسا وألمانيا، وطالبت إيطاليا بإدراج موضوع التمييز ضد المسيحيين في العالم ضمن جدول مجلس وزراء خارجية الدول الأوروبية، ولسنا ندري عن أي تمييز ضد المسيحيين تتحدث الحكومة الإيطالية التي لا يلقى صناعيوها ورجال أعمالها أدنى صفقة عمل في أوربا المسيحية، بينما تمنحهم إيران المسلمة تحديث موانئها وقطر المسلمة تجديد مركباتها الرياضية والجزائر المسلمة مشاريع القطارات الكهربائية والمملكة السعودية المسلمة شق الطرقات نحو البقاع المقدسة، وحتى لباس الطليان وعطورهم لا يشتريها سوى المسلمين دون بقية الأجناس.
*
لا جدال في أن عثرة بغلة في أقصى البلاد هو همّ إضافي لوطن الهموم والدموع التي وصلت المحيط بالخليج، فما بالك بمقتل رجال ذنبهم الوحيد أنهم توجهوا إلى الكنيسة للتعبّد، لكن التعامل مع الأحداث بيّن أن الثائرين ليسوا حبّا في المسيحية بقدر ما هو أحقاد على الإسلام، فالذين ثاروا ضد نسف تمثالي بوذا في افغانستان لم يدافعوا عن البوذية بقدر ما هاجموا الإسلام، والذين ثاروا ضد العمليات الاستشهادية في الأراضي المحتلة لم يدافعوا عن اليهودية بقدر ما هاجموا الإسلام، والذين يثورون حاليا ضد مجزرة الإسكندرية لم يدافعوا عن المسيحية بقدر ما هاجموا الإسلام، رغم أن الإحصاءات تؤكد أن الإرهاب لم يقتل يهوديا واحدا ولا بوذيا واحدا ولا سيخيا واحدا ولا مسيحيا واحدا، بل قتل المسلمين فقط.
*
دعونا نسترجع برعشة تقدير وإجلال ما قاله الملاكم المسلم الأسطورة محمد علي كلاي في آخر خرجة إعلامية له، عندما استفزه صحافي إنجليزي قائلا له: "ألا تستحي من نفسك عندما تعلم أنك على دين أسامة بن لادن الذي قتل الأمريكين؟"، فكان رده برغم "رعشات" المرض.. "..وأنت ألا تستحي من نفسك، لأنك على دين هتلر الذي قتل كل الناس"!.

افتتاحية الشروق الجزائرية

Sabertooth said...

*
لا جدال في أن عثرة بغلة في أقصى البلاد هو همّ إضافي لوطن الهموم والدموع التي وصلت المحيط بالخليج، فما بالك بمقتل رجال ذنبهم الوحيد أنهم توجهوا إلى الكنيسة للتعبّد، لكن التعامل مع الأحداث بيّن أن الثائرين ليسوا حبّا في المسيحية بقدر ما هو أحقاد على الإسلام، فالذين ثاروا ضد نسف تمثالي بوذا في افغانستان لم يدافعوا عن البوذية بقدر ما هاجموا الإسلام، والذين ثاروا ضد العمليات الاستشهادية في الأراضي المحتلة لم يدافعوا عن اليهودية بقدر ما هاجموا الإسلام، والذين يثورون حاليا ضد مجزرة الإسكندرية لم يدافعوا عن المسيحية بقدر ما هاجموا الإسلام، رغم أن الإحصاءات تؤكد أن الإرهاب لم يقتل يهوديا واحدا ولا بوذيا واحدا ولا سيخيا واحدا ولا مسيحيا واحدا، بل قتل المسلمين فقط.
*
دعونا نسترجع برعشة تقدير وإجلال ما قاله الملاكم المسلم الأسطورة محمد علي كلاي في آخر خرجة إعلامية له، عندما استفزه صحافي إنجليزي قائلا له: "ألا تستحي من نفسك عندما تعلم أنك على دين أسامة بن لادن الذي قتل الأمريكين؟"، فكان رده برغم "رعشات" المرض.. "..وأنت ألا تستحي من نفسك، لأنك على دين هتلر الذي قتل كل الناس"!.

افتتاحية الشروق الجزائرية

Anonymous said...

أنا إخوانى عموما مش سلفى
كنت عايز اتأكد من حاجة وعرفتها
كان عندى أمل إن اليسيارين الفترة دى أفضل حالا وإعتدالا عن قبل كدا
لكن للأسف
بعت تعليقين نزلتى التعليق التانى ومنزلتيش الاول واللى كان أقل فهما بالنسبة للقراء
لكى الله يا مصر

Unknown said...

انت اخوان؟

ده انت عار على الاخوان
والله لارفدك من الاخوان