Monday, 17 January 2011

عبمنعم سعير

عبد المنعم سعيد طلع في التلافزيون مع منى الشاذلي يتناقشوا: هل ممكن ثورة تونس تحصل عندنا ولا لا
طبعا هم بيقولوا لا.. ونفسهم لا
بس خلاصة تحاليل البول اللي عملها عبد المنعم سعيد ايه بعد كل الرغي اللي رغاه ده (انتوا عارفين هو بيكتب مقال بحاله ينفع يتقال في جملة) ايه بقى؟
الثورة اللي حصلت في تونس لا يمكن تحصل في مصر لسببين جوهريين:
النظام المصري احسن من النظام التونسي
الشعب المصري ابن وسخة مش نضيف ومحترم زي الشعب التونسي
اي والله يا عم انت وهو
النظام التونسي قمعي وبينتهك حقوق الانسان، وما عندهمش تلفزيون، وما عندهمش نت، وما عندهمش تسالي
الشعب التونسي مثقف ومتعلم ومتحضر 
عشان كده حصلت الثورة
بينما النظام المصري بيدي حريات وبيحترم حقوق الانسان وعنده تلفزيونات كتير وسايب النت
والشعب المصري جاهل وغوغائي ومتخلف ومهزأ وما عندوش دم ولا احساس
سبحان الله... ده كلام واحد مثقف ومتعلم ومتحضر زي الشعب التونسي؟ لما النظام فاتح لنا النت ومدلعنا ومهشتكنا وبيحترم حقوق انسانا، امال احنا جبنا التخلف والجهل والغباوة وقلة الكرامة منين؟ ولما نظام بن علي قمعي وقاطع عليهم المية والنور، امال هم جابوا التحضر والثقافة والعلام منين؟ انت يابني بتقول اي كلام.. مين اللي لما تقول له يا شفيق يرد؟ ما انشالله عنه ما رد
مافيش فرق بين مصر وتونس غير حاجتين:
الاول: ان التيار الغالب عندهم تيار التصوف واحنا تيار السلفية
التاني: اننا بنتكلم انجليزي وهم بيتكلموا فرنصاوي.. غير العربي يعني
ما اعرفش بقى هل العلام الفرنصاوي بيخلي الناس تثور؟ ولا التصوف هو اللي بيخلي الناس تثور؟ وايه حكاية اصل المصريين شعب ديني؟ مين اللي فهمكوا ان التوانسة كفرة؟ وايه موضوع التعليم ده؟ بو عزيزي متعلم واشتغل بياع خضار، زي ما متعلمين كتير عندنا بيشتغلوا في الدليفري وبيمسحوا المحلات في ماك دونالدز
باقولك ايه؟ اسكت... اسكت بلاش قلة قيمة والنبي
الرأسمالية توحشت في تونس، وجوعت الناس
وتوحشت في مصر وجوعت الناس
ومصر حتحصل تونس ان شاء الله.. عارف ليه؟ عشان اي تدارك حتعملوه مش حينفع.. مش حينفع
لازم تطردوا البنك الدولي، وتوقفوا المعونة، وتطردوا الاستثمار الاجنبي، وتأمموا الحرامية الداخليين عشان يحصل اصلاح يحل من جدره، اي تلييس حتعملوه حيأخر سنة، اتنين بالكتير، اديني باقولك اهو
واسكت برضه... انت وتامر حسني تسكتوا خالص

8 comments:

ultrasound said...

http://dostor.org/opinion/11/january/16/35117

مواطن مصري said...

اهم حاجة طمبورة يسكت

تاني حاجة احنا الدروشة لحست دماغنا

دة غير عندنا التنفيسة برامج التوك

شو ل الهاء الشعب

لو طفينا ام التلفيون هنفوق و الله

لو الناس بطلت تسمع للشيوخ و قساوسة

الدروشة هتفوق

لو طفينا التلفزيون هنفوق

مواطن مصري said...

BAWADI HALAWA CAMPAIGN - FIVE اعلان حلاوة البوادى
http://www.youtube.com/watch?v=v_ZI5OlKPNQ&NR=1

نوارة مش شايفة ان الاعلان دة رخم

Mohammed said...

ممكن كمان نبعت لأهلنا في الجزائر رسايل تشجيع عشان ميناموش بس الخوف ليطلع مخهم زينا و يفكرونا عايزين نضرهم فيعندو معانا و يقعدو في بيوتهم

من مغربي said...

حرام عليكي .... تطحكيني في منتصف الليل، أنا أريد أن أناااااام، على كل الموضوع مهم جدا، ليس هنك وقت لطرح كل الأفكار، ولكن فقط أقول، نعم الفرنسية نفعت ربما دول المغرب العربي أكتر من نفع الإنجليزي للمشرق .... ولكن إرتاحي يا نوارة أنتم القادمون (ولا تنتطري الإخوة الجزائريين، الأمر هناك أعقد) فالتورة الحالية تتطلب شباب واعي و شعب مطحون و فايسبوك و نخبة تتسلم المقود و توجه، و مصر تتوفر على دلك .... المشكل أن في مصر النطام أوجد للشباب الواعي و النخبة الواعية خصوم (أمتال فيلسوف العاشرة مساء هدا) على التورة مواجهتها، الخلاصة : مصر الأقرب ..... لكن التحدي سيكون أكبر (و إبقي إفتكرينا لما تحوزي وزارة الإعلام بقي :) ... تصبحون على وطن

Sosso said...

tamer hosni 2al eh 3amal oghneya il tounis la shokran mayakolch ma3ana el kalam da

arabi100 said...

سمعها في السي ان ان ، من يومين كان بناقشوا انه سبب ثورة التونسين
انه أغلبهم متعلمين تعليم عالي و نظامهم التعليمي الافضل في الدول العربية ، الأغلب يتقن التحدث بلغتين و نسبة كبيرة تتقن 3 لغات و الخ

Hamdy said...

السلام عليكم
الا يمكن استخدام الفاظ مهذبةبدلا من الشتائم مع احترامى لكل المقالات والتعليقات