Sunday 16 January 2011

:x






السيد حسن نصر الله بارك للشعب التونسي "انتفاضته وثورته وانتصاره" وقال ان العبرة مش بس اذا الشعب يوما اراد الحياة، ولكن كمان العبرة بان بن علي خدم الاسرائيلي والامريكي والاوروبي ويوم ما شعبه طرده ولا حد منهم ساعده ولا سانده ولا حتى قبل يستقبله ولا يستقبل حد من عيلته "هاي هي العبرة" ولو يا سيد حسن
:)
وقال ان الحكومة اللي حتتشكل جديد "خلاص ما عاد نتسامح في سوء الاحوال المعيشية والفساد المالي والاداري والتآمر على المقاومة" تقبر قلبي يا سيد حسن
:)
كمان الشيخ القرضاوي، بعد ما سمح لنا اننا نشتم ونسب ونلعن بن علي واشباهه بفتوى رسمي، قال لنا كمان ان محمد بو عزيزي ان شاء الله شهيد، مش منتحر :) انا شخصيا ده احساسي، وده تاني احساس اتفق فيه مع فتوى للشيخ القرضاوي
ناقص بس يفتي بإن حرب الشعوب الحرة الحقيقية هي حربهم مع النظام الرأسمالي العالمي، والبنك الدولي، وهيئة المعونة، وصندوق النقد الدولي، والشركات متعددة الجنسيات
وان كل الانظمة الحقيرة هي حقيرة عشان هي عملية لهذه الجهات، وبتخدم مصالحهم على حسابنا وحساب جوعنا وهدمنا وبيع مواردنا وتدمير بنانا التحتية لصالح الاستثمارات الاجنبية، وان الاستثمار الاجنبي هو عمل عدواني استعماري وهو السبب في خلق الحروب والفتن والاستعباد والجوع والبطالة
مستنيينك يا فضيلة الشيخ
تقبري قلبي يا تونس
شدي حيلك يا جزائر
الله معك يا لبنان انت والاردن
وانااااااا حاشرف عليكم
:)
لا مصر جاية ان شاء الله.. وجايين بقوة للعلم يعني، والله ما باهرج، بس مجيتنا حتبقى ايه.. اوعى وشك يعني
ان شاء الله يعني.. بس انتوا حضروا لنا اودة المسافرين

12 comments:

lastcrazyboys said...

شـرب السبيرتو واللي جالو جااالو

lastcrazyboys said...

نسيـــت أحييكي على الاختيــار

يتصــر ديييييينك .. انا بروح في عالم تاني مع الحضرة التونسيــة

Sabertooth said...

اجتماع سري لمجلس الدفاع الاعلي في مصر علي خلفية احداث تونس

from shorouknews.com

خالد المرسي said...

كيف أراك محجبة ثم أراكي تقولين أنك تستفتي قلبك واحساسك فقط؟! وتكتبين مدد يا تونس ، وهذه الجملة شرك أكبر مُخرج من ملة الاسلام؟! ولما رأيت صورتكمحجبة في جريدة الدستور سعدت جدا لوجود محجبة تكتب في الصحافة!

همزة said...

زين الهاربين خلى الحكام العرب مقضينها تواليتات .....
الهى بطنكوا تسيب كمان وكمان

Unknown said...

خالد مرسي

حنعمل ايه بقى.. الدنيا فيها عجايب يا اخي

lastcrazyboys said...

اوبااااا

انتوا وصلتوا .. مستنيكم من بدري والله

شالله يا مرسي

معليش بس انا هقلب اسكندراني بجد المرة دي
:)

بهيج الشرير said...

والنبي ياأبلتي أنا عندي سؤال! ياترى إيه الفرق بين الراجل الهربان بتاع تونس وبين أبو التعالب ملك الفياجرا وقاهر الهكسوس؛ في ناس بتقول أن الأولاني إبن علي والتاني إبن وسخة

doudou said...

ايوه مصر بتشرف و بس
و بتدعي طبعا :اللهم اهلك الظالمين بالظالمين و اخرجنا سالمين
بس يعجبني تفاؤلك مصر جايه ان شاء الله منين يا حاجة؟؟؟؟يمكن من جاية من مصر الجديدة يعني هوليوبولس وانا زي ماانت عارف أنا ساكنة الناحية التانية بس أمانه تكلميني لما يوصل التحرير...احنا نفتي نعترض واحنا قاعدين و نشجب واحنا قاعدين و نشجع واحنا قاعدين و نشجع حلو قوي زي الكورة بالضبط أهم حاجة في حياتنا نشجع و احنا قاعدين بس منلعبش أبدا...مش الأخ بتاع حروق الإنسان قال لولا قانون الطوارئ كانت مصر بقت زي العراق ..وعايزنا نفلح...أصلو قاللك شعب تونس اختار الثورة و شعب مصر اختار شيبسي بالجمبري...بالظيط كده تقوم حركة كفاية و حركة معا من أجل التغيير في مصر و التغيير شخصيا يحصل في تونس

the magnificent ninja said...

على فكرة حكاية استفتاء القلب دي لما تسمعي كذا رأي من كذا عالم و الآراء تكون مختلفة تبقي تستفتي قلبك , لكن مش كل واحد يطلع فتوى على مزاجه
طبعا بكلمة عالم أنا أقصد علماء الاسلام و ليس علماء طاعة ولي الأمر

doudou said...

خلاص يا نوارة بلاش تستفتي قلبك علشان مزعلة ناس كتير...اسأليني و انت عارفه فتاويه متخرش الميه

حسن على said...

خالد المرسى :- اية العبقرية الفظة دى كلها؟؟؟؟