Monday 17 January 2011

لأ لأ... ماحدش يولع النار في نفسه والنبي

الله يخرب بيوتكم.. ما تمشوا بقى.. امشوا بقى.. لازم الناس تموت وتتبهدل.. امبارح في الجزائر والنهاردة في مصر الناس بتولع في نفسها
بالظبط زي ما ابراهيم عيسى تنبأ في رواية مقتل الرجل الكبير
ما تمشوا.. عايزين ايه اكتر من اللي اخدتوه، ما مرات بن علي وهي ماشية اخدت معاها طن ونص دهب وهي ماشية، واهو قاعد ملك اهو في السعودية، روحوا حصلوه، حصلوه من دلوقت، امشوا امشوا امشوا امشوا حرام عليكم
عايزين منا ايه؟ 
انا مش عايزة حد يولع في نفسه.. ناس عندها اطفال وعندها اهل وبيوت ما يستغنوش عنهم
والنار بتوجع جدا، وبتشوه، ماحدش يولع في نفسه.. احنا حنكلمهم لكم يمشوا
امشوا بقى انتوا ما عندكوش دم؟ امشوا بقى امشووووووووووووووااااااااااااااااااااااااااااااااااااااااااا

8 comments:

Boneta said...

صعب جدا ان الانسان يختار لنفسه موته بشعه زي الحرق بالنار ويشوه جسمه
لكن الابشع من كده انه يعيش وهو حاسس ان كرامته كإنسان مشوهه ومهانه بسبب الظلم والحياه الغير أدميه اللي بيعيشها انا حزنت جدا علي الشخص ده هو والشاب التونسي لان اكيد انهم وصلوا لمرحله صعبه جدا من اليأس والاحساس بالظلم خلتهم يضحوا بحياتهم بالشكل البشع ده
ربنا يشفيه ويعرف ان روحه غاليه علينا كلنا احنا المصريين اما حكومه الاحتلال دي فربنا يولع فيهم هما اللي جننونا :(

mohamad said...

اللي يمارس العمل العام لازم يكون جلده تخين

http://www.almasryalyoum.com/news/%D9%85%D8%AD%D9%85%D9%88%D8%AF-%D9%85%D8%AD%D9%8A%D9%89-%D8%A7%D9%84%D8%AF%D9%8A%D9%86-%D9%85%D9%86-%D9%8A%D9%85%D8%A7%D8%B1%D8%B3-%D8%A7%D9%84%D8%B9%D9%85%D9%84-%D8%A7%D9%84%D8%B9%D8%A7%D9%85-%D9%8A%D8%AC%D8%A8-%D8%A3%D9%86-%D9%8A%D9%83%D9%88%D9%86-%C2%AB%D8%AC%D9%84%D8%AF%D9%87-%D8%B3%D9%85%D9%8A%D9%83%C2%BB

fleur de Rif said...

لا حول ولا قوة الا بالله

وبموريتانيا ايضا واحد حرق نفسه

شي يقهر القلب

حسبي الله ونعم الوكيل

wutever said...

غوروا يلعن ميتين ابوكوا!!!!!!!!!!!!!

من مغربي said...

طعم الحرية جميل يجنن

http://www.facebook.com/MaTunisie#!/video/video.php?v=133389643392534&oid=99328877514&comments

مواطن مصري said...

المواطن المصري الذي أشعل النار في نفسة امام مجلس الشعب فيديو لحظة الحرق

من اليوم السابع


أشعلت النار بنفسى بسبب
http://www.youtube.com/watch?v=ICuatZSZ4kA&feature=player_embedded#t=0s

yasser said...

وعقّب صفوت الشريف رئيس المجلس قائلا: إن ما يقوله وزير الصحة طبقا لما هو متوفر لديه لأنه ليس جهة تحقيق، وأضاف لابد أن نتعامل مع الموضوع بحجمه وحقيقته.
http://www.youm7.com/News.asp?NewsID=338136&SecID=12
والادهى من كدة شوفوا التعليقات على الموضوع الشعب المصرى مش عاجبه الى عمله الراجل وياريت نقارن رد فعل المصريين ورد فعل الجزائر سعتها بس هنعرف ان مبارك كثير علينا

حواديت مصرية said...

احدث نكته التونسيين اختارو الحرية المصريين اختارو شيبس جمبرى