Wednesday 26 January 2011

عاجل للشباب: سيبوا وسط البلد وروحوا اماكن تانية تتقرر في اخر لحظة


تحديث هااااااااااااااااااام:
مش حانخلي حد يجهض انتفاضتنا ويقول لنا احنا مستنيين يوم الجمعة، النهاردة كان فيه انتفاضة، وبكرة حنكمل، هو يوم الخميس ده وقع من النتيجة، بس حنغير الاماكن ونبعد عن وسط البلد
-------------
وسط البلد تحول الى ثكنة عسكرية
وابتدوا يضربوا رصاص حي على الناس في السويس
الشباب في وسط البلد فورا انتقلوا لاي مكان اخر ما اتراحش قبل كده، وليكن مصر الجديدة، العباسية، فيصل، الهرم، الزمالك، المعادي، ستة اكتوبر، الخ الخ الخ
اللي يعرف نمرة حد من الشباب يبعت له رسالة فورا بالكلام ده، فورا ينتقلوا من مكانهم لمكان تاني خالص ينفع تطلعوا بسرعة على المنيل، او الزهراء او المعادي، من ناحية، وينفع تطلعوا من الناحية التانية على العباسية ومصر الجديدة
بس اتفقوا وبسرعة
واطلعوا جري على اي من المناطق دي، خليهم بقى يشيلوا هيصتهم ومدرعاتهم ويطلعوا يبرطعوا وراكم
رجاء ايصال الرسائل للشباب فورا
وياريت اللي موجودين في الاماكن دي ينزلوا حالا، الاماكن دي المذكورة اعلاه مافيهاش امن لانهم حاطين كل الامن في وسط البلد 
يا شبااااااااااااااااااااب
فورا سيبوا وسط البلد 

25 comments:

V.Hayat said...

رساله من اخ تونسى

السلام عليكم إخواننا في مصر

...

.......لنجاح ثورتكم عليكم بما يلي

..........المظاهرات تكون ليلا ..وهذه لها عدة فؤائد

.أ:تقللون من فرص القبض عليكم ومن فرص معرفة هوياتكم

.ب:تستطيعون النجاة من عمليات التصوير

ج:ترهقون قوات مكافحة الشغب فانتم تثورن ليلا وتنامون نهارا وهم فحالة طواري قصوي فليلا شغب والنهار لا يستطيعون النوم فيكونون ضعفاء

.د:تمنعون عمليات الخطف وزورا الفجر

.اياكم وعمليات الانتحار فاذا كان مصيرك الموت فليكن برصاص طاغية

استغلوا الاعلام لتبليغ صوتكم فالضغظ الخارجي رهيب جدا



هااام بالله عليكم الهمة في النشر , من تونس الشقيق :إلى كل إخواننا الثوار في مصر استخدموا الاسبراي الأسود أو البويا لتغطية زجاج السيارات المصفحة لتشلوا حركتها



لسان ثوار تونس "ملاحظة هامة: غسل الوجه بالكوكا كولا يزيل فورا مفعول القنابل المسيلة للدموع .. جرّبنا هذا في تونس حتى باتت قنابلهم بلا جدوى .. الله معكم يا مصرين"

انشرها حتي لا يتاذي اخواننا

من مغربي said...

http://www.facebook.com/photo.php?fbid=160961870620352&set=a.104265636289976.2684.104224996294040&theater

الكلاب ..... محمد عبدالقدوس، هدا الرجل إدا تطاهر إتنين كان هو تالتهم، يعامل بهدا الشكل ؟؟

على الأقل إحترموا أبوه إحسان يا عديمي "الأدب" ... لكم يوم

cozona elmaghreby said...

يارب رسالتك توصل ليهم يا نوارة

cozona elmaghreby said...

يارب رسالتك توصل للاكبر عدد من الشباب يا نوارة

Mohammed Gamal said...

بلاااااااااااش المعادي! كلها سفارات و ملغمة أمن و دة في الأيام العادية! قسم المعادي حاليا مليان عربيات أمن مركزي و مطافي و دة رغم عدم وجود مظاهرات. بلاش المعادي!

utopia said...

كل كلامك صح الصح يا نوارة المرة دى

بكرة وبعده ومش لازم وسط البلد دى

بس انتى ليه مش جايبة سيرة السيناوية
دول عاملين مع مسعد ابو فجر احلى شغل

ويكا said...
This comment has been removed by the author.
ويكا said...

نشرك للفكره

اشعرنى انها مش مهمه

لانها لو مهمه المفروض ما كانتشى تتنشر

لان ده اهم شئ فيها

مش عارف

انا هحسن الظن واعتبر ان الفكره وصلت خلاص
اتمنى عملها

حياة الظل said...

اذا استمرت الانتفاضة في الايام القليلة القادمة فهذا يعني ان الانتفاضة حتوصل لاهدافها اما اذا غير ذلك فمصيبة
اصبروا فانما النصر صبر ساعه الله معكم والله على الظالم

Unknown said...

ويكا

اود ان اذكر بان احتجاج يوم 25 نفسه اتنشر، واعتقد انه مهم

احنا ما عندناش اسرار وكله على عينك يا تاجر عشان احنا مش خايفين زيهم

هم اللي حرامية مش احنا

هم اللي عملا لاسرائيل مش احنا

هم اللي محتلين ودي بلدنا

هم اللي خايفين يطلعونا على اسرارهم واحنا كل حاجة عندنا مكشوفة عشان البلد دي بلدنا

lastcrazyboys said...

لقطــة اليــوم

طب ده بذمتــكم لسسسة هيستنى جمعة

وردااالة وطول عمر ولادك يا بلدنا ردااالة

Amal said...

الله معااااااكم
والنصر أتٍ لامحالة !!


ثورة ثورة حتى النصر !

ويكا said...

والله عندك حق

اوك

هبعته تانى على اخر بوست وانشرى

ويكا said...

سلام عليكم

تانى اهه

بس حاولى تتواصلى مع الشباب برده
وتوصليلهم الفكره لعل وعسى تجيب نتيجه

بقلك

انا قاعد هنا مش عارف اعمل حاجه .... لكن اللى بيتفرج من بعيد بيبقى ششايف اكتر من اللى فى قلب الحدث

الشباب فى المظاهرات طبعاُ مشغولين فى اللى بيحصل حواليهم ومتشتتين شويه حتى ولو كانوا مركزين قدر جهدهم ...... لكن اللى فى بؤرة الاحداث دايما بيبقى مش شايف اوى

اللى انا ملاحظه .... ان الحكومه غالباً دلوقتى بدأت فى رصد الشباب المحرك للمظاهره فى كل منطقه من خلال شبكات الاتصالات (المحمول ... وممكن المواقع كمان) .... المهم بيحددوا مكانهم سواء بالشكل ده ، او ارتجالياً من خلال الناس اللى لابسه مدنى وبتندمج مع المجموعات علشان يشوفوا مين اللى بيحرك كل مجموعه ويخطفوه ....... زى ما انا عمال اشوف فى الفيديوهات ......

الموضوع ده هدفه الرئيسى ايجاد مظاهرات بدون رؤوس واللى هيخليها بدون توجه او توجيه .... فيعمل حاله من الفوضى والقلق بين المتظاهرين وبالتالى هتقلب بعبط ثم احباط بعد استنفاذ الطاقه.

دلوقتى
الداخليه عامله غرفة عمليات بتابع من بعيد وبتوجه اللى موجودين فى الميدان ..... طبعاً بدماغ اروق وبرؤيه اوضح .... وبفكر ممنهج ومنظم.

الشاهد

انا مش عارف اوصل لحد ..... وعايز الشباب يبدأوا يعملوا كده مراكز عمليات مبسط غير ثابت المكان ..... يقوم بالتواصل بالشباب المنظم التحرك معاهم من الاول ..... ويبقى فى كل مجموعه بديل فى حالة عدم تواجد المحرك الاساسى يبدأ البديل فى التواصل .............

انا عارف ان الكلام مش سهل والموضوع كده بيكبر ، بس هو بالفعل كبير ويا يكون او لا يكون خلاص ..... لانها مش هتتكر اكيد ...... يا تصيب يا تخيب 30 سنه تانيه قدام.

ليه ببعتلك ..... لان انتى هناك وغالبا ممكن توصلى لحد لانك عارفه اغلب اللى ممكن يتواصلوا معاهم هناك بالفعل ......

لو اعرف مش هتوانا والله ان شالله اخصر كل اللى معايا على المكالمات بس .... ولو كنت اقدر انزل كنت نزلت .....

بوجه عام ..... لازم يبقى فيه ناس فى البيوت او مكاتب بتابع وتدى تقارير للناس اللى تحت دى وعلى اساسه يتم اتخاذ القرارات ..... الموضوع عندنا مختلف عن تونس شويه ..... عندنا الشرطه بتخدم فى الشعب بجد .... والجيش لو اتدخل مش عارفين هتقلب بأيه .... حتى ولو ضد النظام .... بس هيحصل ايه مش عارفين ........


الكلام ده اللى كتبتهولك دلوقتى بدأت افكر انشره على الفيس بوك والمدونه .....

مش عارف ...... بفكر
لعل وعسى حد يكون متابع ومتواصل معاهم


لو عندك راى او تعليق ابعتيهولى على مدونتى التعليقات فيها مقفوله.

Unknown said...

نواره اعملوا خرايط وارفعوها علي الفيس والمدونات وحددوا الأماكن اللي فيها منشآت حساسة
في الحالة دي الناس اللي مش بتشترك هاتنفعل وتشارك بس المهم يحسوا ان فيه حاجة بجد وسط البلد بعيد عن ناس كتير
خرايط تحدد الأهداف وتسيب الشباب تنطلق عليها كل واحد والمكان القريب منه وكل واحد يعمل لنفسه خط سير ويخلع منين وقت الضرب وازاي يلف ويرجع تاني

lastcrazyboys said...

يـاجماعة في خبر انتشر عالفيس بوك ..وطلع في احد اقنوات بخصوص مقتل متظاهرين في بولاق ابو العلا

انا لسة جاي من هناك ..وبصراحة دي كانت اول مظاهرة فيها "ابن البلد " بتاع زمان ..وفكرتني ببولاق الفتوات اللي طلعت الحملة الفرنسية

واجمل لقطة كانت لما الحكومة جريت وراهم قبل ما يوصلوا الزمالك ..قاموا دخلوا الوكالة ..ولفوا للحكومة من وراها

وانقلب السحر على السـاحر .. وكلووووهم حتة علقة

مووووووت ..لحد ما الحكومة جريت فوق الكوبري وسقط منهم اصابات

والناس هللت وكملوا المسيرة تاني .. لكن محصلش بينهم اصابات

يادوب الحكومة مسكت واحد ..الناس راحت جابته تحت هتاف " حكومة وسخة يا ولاد الوسخة " سيبوه سيبوه

lastcrazyboys said...

يـاجماعة في خبر انتشر عالفيس بوك ..وطلع في احد اقنوات بخصوص مقتل متظاهرين في بولاق ابو العلا

انا لسة جاي من هناك ..وبصراحة دي كانت اول مظاهرة فيها "ابن البلد " بتاع زمان ..وفكرتني ببولاق الفتوات اللي طلعت الحملة الفرنسية

واجمل لقطة كانت لما الحكومة جريت وراهم قبل ما يوصلوا الزمالك ..قاموا دخلوا الوكالة ..ولفوا للحكومة من وراها

وانقلب السحر على السـاحر .. وكلووووهم حتة علقة

مووووووت ..لحد ما الحكومة جريت فوق الكوبري وسقط منهم اصابات

والناس هللت وكملوا المسيرة تاني .. لكن محصلش بينهم اصابات

يادوب الحكومة مسكت واحد ..الناس راحت جابته تحت هتاف " حكومة وسخة يا ولاد الوسخة " سيبوه سيبوه

Unknown said...

الساعة العاشرة ليلاً

برنامج العاشرة مساءاً / منى الشاذلى - أما الكاتب والمحاور / محمد سعد - فقد فضل الاحنجاب لتدخل وزير الإعلام فى حريته كإعلامى مصرى حر - البرنامج يعرض فيديوهات أقوى وأكثر تفصيلاً عن مضاهرات مصر من قناة الجزيرة - والممثل / عمر واكد - يحكى قصة اعتقال أخيه طالب الدكتوراه أمس فى شيرا
قوى نظام حكم احتلال مصر بالتزوير منذ ثلاثين عاماً تضرب الآلاف وتعنقل المئات وتقتل العشرات من شباب مصر وتحول جهاز الشرطة إلى قوة إرهاب دولة فى شوارع وميادين القاهرة والسويس وغيرهما لمنع مصر من حقها الشرعى فى التظاهر بمظاهرات سلمية تطالب بسقوط الاحتلال

حربة مصر لن يعطيها الطغاة المحتلون طواعية لأهل مصر - فهذا لم يحدث فى تاريخ الطغيان فى العالم - المصريون ينتزعون الآن حرية مصر من الطغاة بأيديهم وأظافرهم - وشباب مصر المتعلم الواعى يدفع الثمن بالروح والدم والاعتقال تحت هراوات وبنادق وقنابل أجهزة الشرطة - مصر ترفض إهانة النظام المختل الغبى لذكاء أهل مصر شعباً وشرطة

الاستمرار والضغط المتواصل هو أهم شىء - ما فيش حاجة إسمها يوم يُقع م النتيجة

lastcrazyboys said...

أجمـــل ما سمعت اليـــوم
النشيد المصري - بلادي بلادي
مصر أولادك كرام

أوفياء يرعوا الزمام

سوف تحظى بالمرام
...بإتحادهم وإتحادى

بلادي بلادي بلادي لك حبي و فؤادي

بلادي بلادي بلادي لك حبي و فؤادي

ودي من اهداءي بقى
قـــوم يا مصــري - سيــد درويش

‎"تعديلي الشخصي لآخـر كوبليـه "مع الاعتــذار للشيخ سيـــد

يـوم "مبــارك " ما استخبى في الجحــور

خد "نظيفـه" و" بجـمالــه" مفيش ظهــور
...
لا تفتــكر إن القـوى ممكــن تخــور

حل وااااحـد في ايد سيـادتك : يلى غـــوووور

lastcrazyboys said...

: سمعتـــوا آخــر خـــبر

بيقــولك لو الشعــب كســـب الحاكومة الماتش الجاي

هيلاعــب تونس في النهــائي :)

Moataz Medhat said...

نواره، فيه أخبار الجيش نزل السويس
عندك تفاصيل أو تأكيد عالخبر؟

Unknown said...

http://www.islam-nogodbutallah.blogspot.com/
لو لسه بتفكر في النزول ومنزلتش حاول تصلح غلطتك

إبراهيم أبوسيف said...

طريقة الدخول لأي موقع محجوب عن طريق الفاير فوكس
الحل غير بيانات دخولك للانترنت ودي بسيطة جدا

- اختار من شريط الأدوات قائمة " تولز" ومنها أختار "أوبشنز"

- هايتفتح ليك نافذة اختار منها ادفانسيد الأخيرة يمين ومن تحتها اختار نتوورك ومنها اضغط على ستينج

- هايضهر ليك نافذة جديدة علم على اختيار مانيوال بروكسي الأخير في أول اختيارات عندك

- هايتفتح ليك القوائم اللي تحتها هاتدخل الأرقام دي
121.97.59.11
في أول خانة بتاعة إتش تي تي بي
و
3128
في الخانة اللي جنبها بتاعة البورت
بعد كده علم على المربع اللي تحتهم على طول ها يحط الأرقام بتاعتهم في القوائم الباقية ودوس أوك وعيش حياتك أنت كده بتدخل من ألمانيا

لو الطريقة دي فشلت في دخول أي موقع هانغير الأرقام بس هيا حتى الآن ناجحة جدا في دخول كل المواقع

انا كاتب كله بالعربي عشان الكلام مايعكسش لما أكتب كلمة في النص بالانجليزي

يانوارة ياريت تنشري الطريقة دي سريعة وكويسة لأنهم باين كده هايقفلوا كل المواقع خلاص ... واحد صاحبي في فودافون هو اللي قايلي عليها وقالي انهم كانوا جتلهم تعليمات يقفلوا جوجل وكل المواقع اللي تابعة ليه كمان

lastcrazyboys said...

الحكومه المصريه قررت توحيد عيد
الشرطه وعيد الام واليوم العالمى لحوار
:الاديان فى يوم واحد ويكون

عيد دين ام
الشرطه

أبو فارس said...

أخي
إبراهيم أبوسيف
حاولنا تجريب شرحك فلم نفلح
النت عندنا فى سيناء بجي ساعة ويقطع عشره
لو بأمكانك شرح ذلك أكثر توضيح
وشكرا لك والى صاحبة المكان

دمتم فى حفظ الرحمن