Sunday, 9 January 2011

تصويب وتعديل بشأن أسرة السيد بلال


تحديث 10/1/2011، الساعة 12:49
اخو السيد بلال مصاب بشلل نصفي مؤقت ناتج عن الحالة النفسية اللي حصلت له بسبب تهديدات الامن لاسرته
يقال ان خالد جوز اخته اتعذب
الاسرة في حالة صمت كامل لانها تعاني من ضغوطات امنية فظيعة فوق الوصف
الام في المستشفى
مافيش في ايدنا حاجة نعملها، لان الاسرة ما حركتش قضية، ومش عايزة تكلم حد، وما بتتكلمش مع حد
كمان ال300 سلفي اللي اتقبض عليهم خرجوا وكلهم مش بيكلموا حد
---------------
تحديث:
الصورة المنشورة في البوست اللي جابها الدكتور ايمن نور وبيقول انها صورة خالد زوج اخت السيد بلال
عبد المنعم محمود اللي متابع الموضوع من الاسكندرية بيقول ان دي مش صورة خالد
لان خالد بدين جدا وهو ماحدش من اهل السيد بلال اداله صور بالموضوع ده
وهو بيكلم الاستاذ خالد يوميا ولم يرد على لسان الاستاذ خالد ابدا ان هو اتعذب او حد تاني من الاسرة اتعذب او اتشل
الكلام ده مهم يا جماعة عشان المصداقية
عبد المنعم محمود مصدر موثوق وبيغطي دايما
عبد المنعم قال ان الاسرة بالفعل بتتعرض لضغوط عشان ما تروحش النيابة
ونشر الكلام ده في الدستور
ويبقى كده احنا متأكدين من عبد المنعم محمود ان ماحدش تاني اتعرض للتعذيب من اسرة بلال وماحدش اتشل
عبد المنعم ساب نمرة الاستاذ خالد وقال ابعتوا له رسالة تعزوه وتطلبوا منه انه ما يتنازلش عن المحضر ولا عن حقه
0123538789
وشكرا


تحديث:
على الفيس بوك بيقولوا ان اخو السيد ابو خليل اصيب بالشلل النصفي وانا مش عارفة الصورة دي لاخوه ولا لجوز اخته
بس اخوه اصيب بالشلل النصفي من التعذيب

تحديث:
سلفيون للبديل: ضغوط على أصحاب محلات بالدخيلة للاعتراف أن سيد بلال اشترى مسامير وصواميل لاستخدامها في صنع متفجرات
حقكوا حيضيع يا مسيحيين
حقكوا حيضيع يا مسلمين
حقكوا حيضيع يا مصريين
حتعملوا ايه؟


اي كلب بعد كده حيقول لي دي مشكلة اقباط بس عشان المسلمين بيكرهوهم ولا انهم قتلوه لانه يقول ربي الله والمسيحيين واكلين البلد حاعتبره عميل لمبارك ولاسرائيل وامريكا وابليس نفسه وحاتعامل معاه بالطريقة دي


بن علي امبارح قتل 14 تونسي عشان بيثوروا

مبارك قتل 24 مصري 20 مسيحي واربعة مسلمين عشان بيصلوا بالمسلم او بالمسيحي
احنا كنا عملنا ايه عشان يتعمل فينا ده كله يا مبارك؟ عملنا ايه؟ عملنا لك ايه؟ لا حدفناك بالطوب، ولا حرقنا البلد، كلنا الخرا وسكتنا، وجعنا وسكتنا، وسفينا التراب وسكتنا، عملنا ايه عشان تعمل فينا ده كله؟ يموت لنا 23 في لحظة كأننا دبان تقوم تعاقبنا تاني وتموت لنا واحد بالتعذيب وتقبض لنا على 100 واحد ده غير التمانية اللي اتقبض عليهم عشان تضامنوا مع ناس ميتة كأنك بتعاقبنا اننا اتخلقنا
يعني التونسيين الثائرين يموت منهم 14 واحنا اللي حاطين الجزمة في بقنا يموت منا 24 والخامس وعشرين بيشاور عقله؟

اسمعوا بقى

احنا تحت احتلال.. خطة التحرر الوطني اللي استخدمناها ايام الاحتلال الانجليزي لازم ترجع فورا وبشكل عاجل

احنا تحت احتلال وكل ممارسات الاحتلال من فتن وتجويع وتخريب بتم ضدنا

احنا ايام الاحتلال الانجليزي كنا اقل ناس استخدمت الكفاح المسلح، ومع ذلك كنا اول بلد تحررت من الاحتلال، لان خطتنا للكفاح الوطني كانت الآتي:

وحدة وطنية + اضرابات واعتصامات وتظاهرات يومية + دعاية وصياح في كل حتة في العالم = أول بلد في المنطقة تحررت من الاحتلال

دي الحاجات اللي احنا شاطرين فيها طول عمرنا وبنعرف نعملها

واجبنا نرجع للخطة دي، لما بنعملها ماحدش بيقدر يقف قدامنا

23 comments:

اعقل مجنونه said...

اللهى انت تعرف كيف حالى فهل يا سيدى فرجا قريب

سامح said...

الاعداد اكثر من 100 بكتير جدا، مش في اسكندرية بس اي واحد ليه ملف في امن الدولة بيتعمله استدعاء ومبيرجعش حتى المشايخ تم تهديدهم انهم لو اثاروا الناس هنلمكم وهنلم الناس معاكم وفي مشايخ ممنوعين من المساجد

جبهة التهييس الشعبية said...

سامح

اشكرك على الاخبار

لو سمحت، لو عندك عدد المعتقلين، ولو بالتقريب، والمناطق اللي تم فيها الاعتقالات ياريت تبلغنا

كمان لو فيه حد من الشيوخ عايز يقول على التهديدات اللي وصلت له احنا نقدر ننشر في كل حتة وساعتها لما نفضحهم مش حيقدروا يعملوا لهم حاجة

فهمهم انهم ما يخافوش احنا جنبهم

samia said...

باركولنا بلادنا ضاعت
ما عاد فيها لا الجزائر ولمن يحزنون

الشوية اللي كان باقي راح
إن لله وإن إليه راجعون

مواطن مصري said...

يا نوارة الجينات اتغيرت

بسبب الفاست فود و كنتاكيي و المواد المسرطنة و مية المجاري الي بتتشرب

الشعب مش هيتحرك غير في الكوررة و الدين بس
انما اي حاجة ثانية يبقى ربنا معاكي

Doaa Samir said...

احنا فعلاً تحت احتلال غير معلن الأهداف.. بس ده أسوأ من الاحتلال الفعلي. على الأقل الاحتلال لم يدخل نفايات مسرطنة البلد، ولم يجعل القرى تشرب مياه قريبة الشبه بمياه الصرف الصحي، ولم يهمل التعليم بالشكل المهين والمفزع ده.
على الأقل الاحتلال كان مُعلناً ومعروف الأهداف شأنه كشأن أي محتل. ولم يترك بالنفوس تلك الأمراض النفسية المستشرية كالعفن واللي كلها تقدري تلخصيها في كل ما هو عكس الأخلاق، ده بالعكس كان لوجوده تأثير عكسي أقدر أصيغه في كلمة عزة وما يرادفها من كرامة وشرف وإباء وغيره.

راحت فين القيم دي؟؟ أنا باكره النواح ولا غاوية البكاء على طلل لكن الأسئلة دي مزعجة، تطارد الواحد وين ما يروح وبتحاصره.

Doaa Samir said...

احنا فعلاً تحت احتلال غير معلن الأهداف.. بس ده أسوأ من الاحتلال الفعلي. على الأقل الاحتلال لم يدخل نفايات مسرطنة البلد، ولم يجعل القرى تشرب مياه قريبة الشبه بمياه الصرف الصحي، ولم يهمل التعليم بالشكل المهين والمفزع ده.
على الأقل الاحتلال كان مُعلناً ومعروف الأهداف شأنه كشأن أي محتل. ولم يترك بالنفوس تلك الأمراض النفسية المستشرية كالعفن واللي كلها تقدري تلخصيها في كل ما هو عكس الأخلاق، ده بالعكس كان لوجوده تأثير عكسي أقدر أصيغه في كلمة عزة وما يرادفها من كرامة وشرف وإباء وغيره.

راحت فين القيم دي؟؟ أنا باكره النواح ولا غاوية البكاء على طلل لكن الأسئلة دي مزعجة، تطارد الواحد وين ما يروح وبتحاصره.

مواطن مصري said...

الشعب بيتجمع في أربع حااجات الكورة او الدين او التحرش او على فلم ثقافي

دودو said...

واخرتها بقى
:(((((
هنفضل مغيبين وخايفيين احد امتى ؟

ابو قردان said...

ده شعب يغيظ , الإنجليز لما كانوا يحبوا يكافئوا ضابط إنجليزي ينقلوه مصر إللي شعبها حلو و طيب و مبيزعلش و مبيقاومش

AhmeD 3llaM said...

بلاش تخصيص يا جدعان
العالم كله مليان بيض مسلوق
مش احنا بس
!

Hala said...

برضه مش فاهمين، يعنى السيد بلال اشترى المسامير والصواميل وباعها للجهات الأجنبية التى كانت وراء الحادث كما قال السيد الرئيس؟ طيب وهم ماشتروهاش بنفسهم ليه؟

Haytham Alsayes said...

تفتكرى ينوارة هنعرف نعمل الخطة ؟
بس زمان كان العدو واضح دلوقت العدو مننا فينا
ماكنش ربنا قال في المنافقين
هم العدو فاحذرهم
فعلا دول منافقين
ويارب الفرج من عندك

khaled said...

قال المهندس هيثم أبوخليل على حسابه على الفيس بوك أن أخو السيد بلال أصيب بشلل نصفى
http://www.facebook.com/profile.php?id=100001767905147&v=wall#!/permalink.php?story_fbid=179600748739733&id=100000262669968

أبو هاجر said...

ست الكل شيء من الهدوء و الذكاء والحنكة لأن أياديهم قد تطال المدونة وصاحبة المدونة، و التهم على قفى من يشيل، لأنهم فقدوا أعصابهم وتوازنهم
بعد مغامرة تزوير الإنتخابات
وإذالم يقع تعديل حاسم وسريع على بنية النظام فالقادم أخطر

سامح said...

الشكر لك على الاهتمام
معنديش ارقام لكن انظري هذا الخبر
http://www.almesryoon.com/news.aspx?id=47321
الخبر يقول 300 وممدوح اسماعيل يقول 700 والاخوة في الاسكندرية يقولون اكثر،اما عن استدعاء الشيوخ فهو ايضا خبر نشر على الانترنت ويتردد بين الاخوة وغياب تعليقات بعض الرموز -على غير العادة - كالشيخ الحويني الذي لم يظهر الا بتعليق مكتوب على موقعه الرسمي والشيخ محمد اسماعيل المقدم
الا الشيخ ياسر برهامي وتعليقه موجود على موقع انا السلفي استعينوا بالله واصبروا ، وكلامه فيه
تلميحات عن تهديدات الامن وان لم يصرح

سامح said...

نقل والدة السيد بلال الى المستشفى
http://www.ikhwanonline.com/Article.asp?ArtID=77554&SecID=230
الله المستعان

جبهة التهييس الشعبية said...

ينعل ميتين اهلك يا مبارك

اففففففففففف

شكرا يا سامح

بهيج الشرير said...

والنبي ياأبلتي أنا عندي إقتراح! إيه رأييك نحدد أسبوع (أو شهر) للتضامن والعصيان المدني وكل الدول العربية تشارك فيه في نفس الوقت وبنفس المطالب؛ ويكون فيه مطالب محددة لتفادي الغوغائية وتدمير دول المنطقة والكلام الهبل بتاع ثورة الجياع ده؛ ومن أهم المطالب اللي ممكن الكل يتفق عليها إنهاء الحكم الحالي وتكليف لجنة مؤقتة من القضاة وأساتذة القانون بالجامعات لصياغة شكل ونظام الحكم المدني (لامجال للعساكر والخولات فيه) والدستور والبرلمان وصلاحيات رئيس الدولة ومدة حكمه ولايجوز لأي فرد من أعضاء اللجنة ترشيح نفسه لمنصب رئيس الدولة؛ ده مجرد مثل للبداية المنظمة وكل واحد عنده إقتراح يعرضه لغاية ماشكل المطالب يتحدد وبعدها يبدأ العصيان المدني لغاية تحقيق المطالب

الرجاء من كل من العيال الحرامية الخولات بتوع ستة أبريل وخولات الترسو عدم المشاركة بأي أراء

Mohammed Gamal said...

بصي الأخبار اللي تفرس!!!!
http://www.youm7.com/News.asp?NewsID=333202&SecID=65&IssueID=0

نفسي أفهم بياخدوا أوامرهم من مين دول؟؟؟؟ هي كاميليا كانت أحسن من السيد بلال في ايه بالظبط بقى؟

أبو هاجر said...

فالكل يحسن معاملتي، ويبتسم في وجهي بدفء وحنان، ويخاطبني بـ"ست الكل": مسلمون، ومسيحيون، ومدمنون.

ابو قردان said...

شوفي يا نوارة الفيديو و اضحكي
الراجل بيقول "إن مبارك حاطط إيده في إيد الإخوان!!!!!!!"

http://www.facebook.com/video/video.php?v=154777154574812

مهندس مصري said...

خدي دي لسه واصلاني
t2reban kol asatzet elkemya elly 3andohom deraya be tarkeb elmotfagerat ma2bod 3alehom w fe amn eldawla delw2ty!! Y3NY 3SHAN ANA KAFE7T W ET3ALEMT T3LEM FE MAGAL KAWY ZAI DA YET2EBED 3LYA!!! y3ny elly yet3alem kwayes w yeb2a ensan mo7taram fe baladna yetbahdel be 3elmo da!! + en 90% mn samasret elsho2a2 elmafrosha nafs elkalam malmomeen w by7awlo yetala3o menhom ay ma3loma..

بيستوبوا أساتذة و مدرسين الكيمياء علشان عندهم علم بصناعة المفرقعات و بيبهدلوا سماسرة الشقق في اسكندرية كلها