Monday, 3 January 2011

امال مين اللي نزل البيان الاولاني يا.... عادلي؟ اه يا عفرييييت

ايمن الفايد المستشار السابق لبن لادن بيقول لا مصلحة للقاعدة في اللي حصل في اسكندرية
للي مش متابع بس
كان قبل كده نزل تهديدات
وبعد الحادثة نزل حاجة ما معناه اول الغيث قطرة يا شنودة
بس انا مش باعرف الاقي لنكاتهم لان بيتهيك عليها بسرعة
عموما ده الخبر هههههه انما بالصلاة ع النبي يعني ايه الأسلوب ده في الكلام؟ هو بيتكلم كده على طول؟
ومصر مستهدفة برضه؟ وطلعت مصر مستهدفة حقيقة علمية اثبتها المقريزي والجبرتي واسألوا التاريخ؟ وده لنك الموقع اللي اول واحد نزل الخبر
طب امال مين اللي نزل الحاجات اللي فاتت؟ ها؟ ها يا عادلي؟ اخ منك انت يا نمس اااااخ
القاعدة بتقول الموساد، طب ما تدي الموساد يا ريس ميسد كده واسألهم هم مش حيخبوا عنك حاجة
انا حانشر البيانين اللي نزلوا على المواقع لان المواقع محجوبين في بعض الدول العربية
ده بيان شبكة المجاهدين
(يذكر ان شبكة المجاهدين دي هي اللي نزلت التهديدات للكنائس وطريقة صناعة القنابل وعناوين الكنائس)

بسم الله الرحمن الرحيم



{ وَيَمْكُرُونَ وَيَمْكُرُ اللّهُ وَاللّهُ خَيْرُ الْمَاكِرِينَ } [ الأنفال: 30 ] .


بيان :: شبكة المجاهدين الإلكترونية # ننفى ماتناقلته الصحف والمواقع بعد تفجير كنيسة القديسين بالإسكندرية في أرض الكنانة ( مصر )



الحَمدُ لله مُعزِ الإسلام والمُسلمين، ومُذل الكَفَرة والمُرتدين، والصَلاة والسَلام على إِمامِ المُجاهدين، وقائدِ الغُر المُحجلين الضَحوك القـَتال، وعلى آلهِ وصَحبهِ أجمعين ومن سارَ على نهجهم واهتدى بهديهم إلى يوم الدين, أما بعد :


لقد قامت وسائل الإعلام العربية والدولية عبر الصحف والمواقع الإخبارية والفضائيات بنشر خبر مفاده أن شبكة المجاهدين الإلكترونية تتوعد بتفجير كنائس جديدة عبر تعليق نشرته الشبكة حسب ما زعمته بعض وسائل الإعلام .

كما أن ما نشر في وسائل الإعلام هو كذب وافتراء على المسلمين حيث أننا ننفى ونكذب ما نشر عن الشبكة .

ونود التوضيح للمسلمين عامة أن هذا البيان صدر لننفى صلتنا بما نشرته وسائل الإعلام حولنا .


نؤكد على ما يلي :

إننا في شبكة المجاهدين الإلكترونية منبر إعلامي جهادي ننصر المجاهدين والمسلمين في كل مكان بالكلمة الصادقة ونحارب كل من يحارب المجاهدين الصادقين بمقالات الإعلاميين وكلمات علماء المسلمين الصادقين .
يجب على وسائل الإعلام تحرى الدقة في نقل الخبر ونشر الخبر من المصدر المسؤول لنا .
نؤكد أن المصدر الوحيد لنشر بيانات وإصدارات الشبكة هو مراسل شبكة المجاهدين وغير ذلك فهو غير منسوب لنا لا من قريب ولا من بعيد .
تعلن إدارة شبكة المجاهدين للجميع أنها شبكة دعوية إسلامية جهادية مستقلة تعنى بشئون العالم الإسلامي ولا تنتمي لأي تنظيم أو حزب أو مؤسسة ، وأن جميع المقالات والمواضيع المنشورة في شبكتنا لا تخضع للرقابة قبل النشر ولا تعبر بالضرورة عن رأي وتوجه إدارة الشبكة.

كما أن الشبكة تتعرض لليوم الثاني لهجمات عديدة لتوقف الشبكة عن العمل ونعدكم أننا مستمرون في نصرة الإسلام والمسلمين في كل مكان ..


نسأل الله تعالى السداد والتوفيق


والله أكبر
{وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَكِنَّ الْمُنَافِقِينَ لا يَعْلَمُونَ}


إخوانكم

شبكة المجاهدين الإلكترونية

3_1_2011 مـــ
28 / 1 / 1432 هـ
-----------------------------
وده كلام مساعد بن لادن:

لمستشار السابق لاسامة بن لادن : لا مصلحة للقاعدة في تفجيرات كنيسة الاسكندرية وابحثوا عن المستفيدين


نفي ايمن الفايد المستشار الاعلامي السابق لاسامة بن لادن ضلوع القاعدة في تفجيرات كنيسة القديسين بالاسكندرية. وقال في تصريح صحفي للاسبوع اون لاين انه باستخدام قياسات المنطق سنجد انه لا توجد مصلحة للقاعدة في تنفيذ تلك التفجيرات وان الموساد قد يكون هو المتهم الرئيسي لهذه الجريمة الشنعاء.
وقال الفايد ان اراذل الشعوب واعني بهم قادة الرأي وجماعات الفرقة يخدعون شبيبتنا وشيبتنا بمزخرف القول لو دعو الي الموضوعية واتباع التحليل العلمي فلن يثبت لهم قدم بل ان ادلتهم ونظرياتهم التي يعتمدون عليها ستكون بمثابة انسان ابن سينا المعلق في الفراغ.
واضاف الفايد : وفي ذلك فقد صدق رسول الله صلي الله عليه وسلم حينما قال سيأتي زمان علي امتي يؤتمن فيه الخائن ويخون فيه الامين ويتكلم فيه الروبيضة قلنا وما الروبيضة يا رسول الله .. قال الرجل التافه يتحدث في امور العامة" فبالله العجب كيف تعاملنا مع نظريات علمية علي انها كذب وتعاملنا مع الكذب علي انه العلم بعينه لكي يخدع به اراذل الشعوب "قادة الرأي وجماعات الفرقة" الناس .. فهناك نظريتان ثابتاتان الاولي فحواها "ان مصر مستهدفة"واسألوا التاريخ والتاريخ شاهد.. ألم يقل ذلك الجبرتي والمقريزي والبغدادي؟..ألم يقل ذلك كل شعب مصر من طالب المرحلة الابتدائية الي رئيس الجمهورية الذي تقاس مدلولات كلماته بعناية؟.
واستطرد الفايد : والنظرية الثانية وهي اول حرف يتم تعليمه في كتاب علم الجريمة وهي "ابحث عن المستفيد".
وقال : كذبنا هذا الامين - متمثلا في هاتين النظريتين - وصدقنا الخائن المتمثل في النظريتين القائلتين في وقوع اي حادث "ان اصابع الاتهام تشير الي كذا" والاخري تأتي علي الفور والقائلة "بانها تحمل بصمات تنظيم القاعدة".
فانا اتحدي اي متحدث ممن ادلوا بدلوهم في هذه الحادثة واتهموا القاعدة ان يقولوا لي من هو واضع هذه النظرية اما السؤال الثاني فيدور حول ماهية فروض هذه النظرية ألم يقولوا في بداية وقوع الحادث انها سيارة مفخخة وهذه طريقة عمل القاعدة وبعد ذلك الم يقولوا انها حزام ناسف وهذه بصمات القاعدة واذا ثبت ان طائرة او غواصة هي التي نفذت الحادثة سيقولون ان هذه هي بصمات القاعدة وطريقة عملها فاي هراء هذا بل واي سذاجة.
واضاف من العدالة ان يأخذ الطرف المتهم بنفس هذه الموازين ويستخدم نفس المنطق الخاص باصابع الاتهام حتي وان كانت ساذجة بل ان سذاجته ستكون اكثر اعتبارا علي الاقل لان لها ارضية فعلي سبيل المثال هناك شبكة التجسس الاسرائيلية وهناك تصريحات مسئول جهاز الامن الاسرائيلي التي ادلي بها منذ اقل من 20 يوم والخاصة بان اسرائيل اخترقت المجتمع المصري وتعمل علي زعزعة الاستقرار فيه وايضا هناك سيناريو الفوضي التي تعمل امريكا علي احداثها في المنطقة الان " وذلك لأن مصر مستهدفةة" واذا اخذنا الشق الثاني من كتاب علم الجريمة الخاص بـ"ابحث عن المستفيد" ستجد اسرائيل وامريكا في المقدمة وحتي الطرف الذي ينادي - سواء من الداخل او الخارج - بان الاقلية المسيحية في مصر مضطهدة سنجده مستفيدا عقب كل حادث , أما القاعدة فلا وجود لها في مصر واذا افترضنا وجود خارجي لها فما الفائدة المتحصله لها من هذا الحادث بل أنهم هم الذين يدفعون تكاليف هذه الفاتورة.
فكل اتهام ليس عليه دليل يجعل الجاني مستعدا بقوة اكثر لارتكاب جريمته الثانية فكل تحليل خاطيء من "اراذل الشعوب" يعد تأخير لردع المعتدين.
وقال الفايد ان المحللين الذين يطلون علي الناس من شاشات التلفزة ويدلون بتحليلات غير علمية هم في الواقع يتغذون من دماء الضحايا ويصبون في مصلحة سيناريو الفوضي الذي تدعو له امريكا وحلفاؤها.

  -----------
اه.. طيب يعني شبكة المجاهدين ده مجرد منتدى اي معتوه ينشر عليه اللي هو عايزه، ده مجمل كلام الشبكة، مجمل كلام مستشار بن لادن، بعد ما قال ان نظرية مصر مستهدفة دي نظرية علمية اثبتها المقريزي، وبعد ما قال ان اللي بيتهموه منطقهم بمثابة انسان ابن سينا! ههههههههههههههههههههههههههههههههههه ايه راجل مالك؟ ما تتكلم زي الناس
المهم يعني، قال مش احنا
شبكة المجاهدين اتخضت عشان ناس بتحاول تهيك عليها
اللي حصل فعلا ان مشترك على المنتدى نشر عناوين الكنائس وطريقة صناعة القنابل، جربوا اللنك ده وشوفوه بيفتح ولا لا عندكم،  انا مش حانشره لانه لو ما بيفتحش خير وبركة، لان لو اللي نفذ العملية مهووس قرا اللنك يبقى مافيش داعي نشجع مزيد من المهاويس
ولو اني استبعد تماما ان اللي يكون المنفذ واحد مالوش اول من اخر ومجرد قرا اللنك وراح نفذه من دماغه، مافيش واحد حيقعد يعمل قنبلة بالقوة دي ويفخخ عربية  من غير ما يكون وراه حد
البيان بتاع نشر الاخوة وسواعدهم ده ايه؟ مين اللي كاتب البيان ده؟ اللي فهمته من واحد على التويتر ان ده مش بيان ده رسالة تحية من واحد معجب بالعملية
اوكيه
الاكيد ان العملية مش انتحارية،وامبارح ابتسام حبيب قالت مش انتحارية، دي سيارة مفخخة، لانها ابسط حاجة لو انتحارية، ايه اللي موقفه برا؟ ما كان يخش جوة ويقتل عدد اكبر
مين بقى ؟
انا فخورة قوي باكتشافي ان شبكات الارهاب بنفس كفاءة وزارة الداخلية عندنا
طب احنا حنعمل ايه بقى دلوقت؟
راس الافعى فييييييين؟

8 comments:

بهيج الشرير said...

لأ ياأبلتي كله إلا كده، يعني إيه مصر مستهدفة! لأ كله إلا العرض ده مافيش أحلى من الشرف؛ ده حتى البلد مابتشربش حاجة غير مية المجاري اللي هو مشروب الدولة المؤدبة

koko wawa said...

يا جماعه بيانات ايه دى على منتدى وعيل صايع كاتبها وبعدين جماعه ايه اللى بتعلن مسؤليتها وبعدين تنفى ويرجع المستشار الاعلان السابق يتكلم-بالمناسبه هو بيشتغل ايه حاليا-نفسى اشوف حاجه رسميه بتحصل ان شالله حتى اسستقاله العادلى
وده تقريبا على ما فهمت اللينك اللى تقصدوه
http://www.muslm.net/vb/showthread.php?t=413625

3AYZ AFAKAR said...

Malk ya Nawara ana laih 7asek enk btdaf3y 3an elka3da ... ma yb2a elka3da wla elmosad wla ay 7'ara ... elmohm elnatega en elbalad edetlhom elforsa .. "BALAD" aih ba2a ... maba2ash esmaha balad ... ba2a esmaha ghaba ... :( elnas matet mn ghair zanb w be absha3 soora :(

محمد صبرى said...

قائمة المستفيدين
.......

1- حكم عسكري عايز يبرر قبضته الامنية الحديدية و يمهد لتعزيز قوتها و تمديد صلاحيتها

2-قوى اقليمية و دولية توسعية و ليها مصلحة فى اضعاف الجميع لتدعيم وجودها و قوتها و نفوذها.. و اسرائيل و امريكا بالذات هما مثال للقوى دى

3- قاعدة عايزة شباب المسلمين يشوفوا فيها قوة الدعم و الاسناد الوحيدة للقضايا الاسلامية العادلة زى قضايا المتحولات الى الاسلام , و متطرفون اقباط يهمهم ازدياد الشعور بالاضطهاد و العزلة و عدم الامان بين الاقباط لتحقيق هدف فصل الاقباط عن المسلمين لصالح هوية قبطية مستقلة

..........

مش محتاجين نستنى حد يصرح انه مسئول

المستفيدون معروفون و هو مدانون و آثمون و ان لم يكن لهم دخل مباشر بالحادث لانهم فى كل الاحوال اسباب الفتنة و داعميها و المروجين لها

و الترتيب اعلاه هو ترتيب مقصود , و المستفيدون قوتهم هى بنفس الترتيب و مدى استفادتهم هى بنفس الترتيب و مواجهتهم غير ذات جدوى الا اذا كانت بنفس الترتيب

ضياء الخطيب said...

ده إيه الهبل بتاع الراجل ده(مصر مستهدفة...مصر مستهدفة), مستهدفة ليه وعلشان إيه ومن مين يا روح أمك, الله يرحمك يا عاكف (طز في مصر و أبو مصر وإللي جابوا مصر)

lastcrazyboys said...

يا جمـاااحة ..الناس مكانوش فاضيين للتأمين والكـلام الفاضي ده

الناس كان وراها تستيف وانتخابات ولا ننكر جهود وزارة الداخلية " اللي الملابس الداخلية ثبت إنها أجدى منها " لاستتبــاب الـ.....حكم

وزي ما قالوا قبلنـا " العـادلي أســاس الملك"

mohamad said...

اللنك بيفتح

وفيه وصفة عمل قنبلة أسهل من وصفة الكنافة بالكريمة

والوصفة بالصور

"how to mass murder for dummies "

والكنيسة وعنوانها موجودين

أحا . . طيب إشمعنى صفحات البرادعي وخالد سعيد اللي لقيوها وعرفوا يقفلوها ؟؟

تقريبا ماجابوش ملزمة المحاضرة بتاعة " كيف تجد وتحجب موقعا يحث أي مختل على عمل إرهابي " . . والله العالم دي ما تستاهلش الفلوس اللي بتتصرف على تدريبها وتعليمها وتنضيفها وحماها وغسيلها ومكوتها . . بصراحة الحكومة بتصرف كتير وقليل . . بس على عالم مالهاش غير في الهيافة ومسح الجوخ والتعريص يا باشاوالإفترا على خلق الله الغلابة

أحا
أحا
أحا

medo said...

أبوس إيد أبوكي الحاج نجم شيلي بسرعة اللينك الهباب إللي حاطاه لإنه بيفتح يا حاجة وموجود فيه كل حاجة يعني بتزودي عدد الإرهابيين وانتي مش واخدة بال سعادتك