Wednesday, 5 January 2011

نحتاج الى اعاشة للثمانية المعتقلين


التمانية اللي اتحولوا لمحاكمة عاجلة بتهمة الوحدة الوطنية دول محتاجين اعاشة
من مالك مصطفى:
بنلم اعاشة للمتعتقلين خالد عبد الحميد 0106114257 مالك مصطفى0121340370 او تسليمها لمركز هشام مبارك 1 ش سوق التوفيقية الدور الخامس


»مستلزمات الاعاشه:بطاطين, ادوية برد-كحه, ملابس بيضاء"لارج واكس", تمور, فيتامينات , مطهرات,مستلزمات نضافه


مستلزمات الاعاشة :ممكن تتبرع بـ علب تونه سهله الفاتح, نواشف, جبن, مربي, حلاوه, عيش, سجائر "سوبر-كليوباترا". عصائر الخ
--------
دلوقت فيه اعتصام مفتوح امام دار القضاء العالي

10 comments:

اعقل مجنونه said...

حسبنا الله ونعم الوكيل هى الوحده دلوقتى اجرام....

مواطن مصري said...

المجموعة التشريعية تبدأ تعديل قانون الإنتخابات الرئاسية ليتوافق مع تعديل المادة 76
http://dostor.org/politics/egypt/11/january/5/34487

و محدش حس ولا خد بالة

Desert cat said...

ازيك يا نوارة
عاملة ايه
وحشانى والله
كنت عايزة اسألك هو الشعر ده لبابكى

ينصر دينك يا بطل

قتلت ناس عُزًّل كتير
...
ستات، شيوخ وكمان عيال
...
ازحت عنا خطر كبير

دي ناس بتقول الله محبه


اصلى عايزة أنشره على المدونة بس مش متأكدة لان لما سألت فى الفيسبوك الشعر ده لمين لاقيت كل واحد جايب لى اسم مختلف فقولت اتأكد بقى من المصدر

التعليق ده مش للنشر يا قمر

samia said...

السلام عليكم يا نوارة
اطلعت على المدونة بعد قراءة مقال في جريدة جزائرية بالفرنسية " لوسوار دالجيري" تتحدث عن مدونة نوارة نجم، اعلامية جريئة تتحدى يمقالاتها الوضع القائم وعلى رأي أحد كتاباتك "الخيبة اللي احنا فيها"، في الواقع لا بد من تقديم العزاء للمصريين عامة، دون تحديد لا مسيحيين ولا مسلمين لأن المصاب شمل البلاد والعباد وليس فئة ما، أكتب لكي ويحدث ما يحدث عندكم لمجرد القول أننا في هذه اللحظات نشهد ثورة الخبز أو لنقل ثورة الفقر، فقد قام الشباب في العاصمة الجزئرية وفي العديد من الولايات للتنديد بالغلاء، المراد أن المنطقة العربية كلها على صفيح ساخن وفي انتظار أقل الأسباب لأن تشتعل وتنفجر، لكن للأسف في كل مرة تنجو أنظمتنا الغبية والذكية في ابتكار طرق تكفل لها البقاء في القضاء على كل الأصوات القادرة على التغيير. في كل الأحوال صلواتنا معكم لمن قضى نحبه ولمن ما يزال يواجه هذه الأنظمة المتعفنة، بالتوفيق يا نوارة ودمتي لكلمة الحق والرأي السديد.
للإشارة من بين ما جاء في المقال المكتوب عن شخصك أنك عصارة فؤاد نجم وصافيناز كاظم، أخذتي من كل منهما الإيجابي وتركتي السلبي . يا سعدك يا نوارة بالتوفيق.
سامية من الجزائ

جبهة التهييس الشعبية said...

قطة الصحراء
ازيك

لا القصيدة مش بتاعة بابا

جبهة التهييس الشعبية said...

الاخت سامية من الجزائر

نورتي المدونة كلها

وشكر الله سعيكم، ووفقكم في انتفاضتكم

الانظمة الغبية تنجو بمساندة الولايات المتحدة المنافقة التي اقامت الدنيا ولم تقعدها وقت الانتخابات الايرانية ومع ذلك تدعم الانظمة الاستبدادية العربية ضد شعوبها التي تطالب بالخبز لا بحساب على الفيس بوك كالثوار الايرانيين لكن ربنا موجود والله اكبر عليهم
وعلينا الا نيأس لأن بلادنا تستحق أفضل من ذلك

أبو هاجر said...

أنت عملت إيه للجزائريين حتى يحبوك هذا الحب كله ،صحافة تكتب ورجال ونساء يتزاحمون لدخول المدونة.
علما أن جريدة لوسوار دالجيري ، أي مساء الجزائر ،توجهاتها ليست عربية

ست الكل أسمعيني جيدا
الكلمة الصادقة و الناضجة تخترق كل الحواجز وكل اللغات .الكلمة الصادقة والناضجة يا ست الكل ،وليس كلام المراهقات والفونتازم و أسانج

3AYZ AFAKAR said...

نواره , أنا زى ما قلتلك قبل كده أنا متابع كل مقالاتك و بأحترمك جدا ... بس لو سمحتى أنا عندى سؤال عن ناس أنتى أدرى مننا بيهم ... أستاذ أبراهيم عيسى و عم أجمد فؤاد نجم ... هم ليه ما أتكلموش و لا قالوا حاجه عن اللى حصل لحد دلوقتى ... أنا عايش بره مصر و كتاباتك أنتى و هما بتونسنى فى غربتى و بتخلينى أحس أنى جوه مصر .. عشان كده كنت متخيل أنهم أول ناس هنسمع منهم ... ربنا معانا و يحرس مصر يا رب !!!

جبهة التهييس الشعبية said...

يمكن عشان باحبهم
:)

3AYZ AFAKAR said...

مش فاهم ؟؟