Wednesday, 12 January 2011

امين شرطة سابق عنده حالة نفسية بتخليه يموت المسيحيين والامن بيضرب المستشفى

فيه ايه بقى؟ ههههههههههههههه انا اسفة.. اسفة.. مش مفروض اضحك طبعا
حاجة مؤلمة 
بس ايه ده؟ لا بجد ايه ده؟ 
يعني مثلا ايه ده؟

وايه ده؟



حرام عليهم على فكرة، انا كل اللي قابلتهم بيشدوا في شعرهم النهاردة، المسلمين قالوا لي: خلاص كده، بانت، هي اسرائيل
والمسيحيين قالوا لي: خلاص كده بانت، هي الحكومة
والناس كلها مخها فوت، وهم اللي بقوا مختلين عقليا، ومافيش حد من اللي قابلته مسلم او مسيحي مستعد نفسيا انه يسمع كلمة "مختل عقليا" دي تاني ابدا في حياته كلها
وبصراحة بقى.. كده مستحيل يعني، مستحيل.. اللي بيقولوا انها الحكومة، واغلبهم مسيحيين، وبصراحة ما حاولتش اقنعهم بالعكس، بس تساءلت ليه بيعملوا كده، فالمسيحيين قالوا لي ان الحكومة عايزة تخلص منهم، وتقريبا مقتنعين تماما بكده، بيقولوا انها مش عايزاهم في البلد
بس كلامهم عليه شواهد بدليل الفيديو ده.. ليه الامن يضرب المستشفى يعني؟ هم اتجننوا؟ وبالطوب؟
اللي بيقولوا انها اسرائيل، واغلبهم مسلمين، برضه كلامهم عليه شواهد.. ولو ان اسرائيل مش محتاجة شواهد، بس يعني اغلب الظن ان النظام حليفها ومش عايزة تعمل له قلق.. لكن فيه خبر هنا لو صح يبقى ضلوع اسرائيل وارد


ووارد حاجة تالتة، بس مافيش داعي للضرب.. انها تبقى فعلا خناقة، يعني هو الواد يبقى موتور من حد من اللي اتصابوا وخناقة ما بينهم وراح ينتقم
هي واردة


بس اللي انا شفتهم النهاردة ما عندهمش ادنى استعداد يصدقوا ان القصة بالبساطة دي
المهم يعني.. البلد دي نحس

7 comments:

مواطن مصري said...

بعتبر حادث القطار حادث قتل عادي

و ليس طائفي الجرايد عاوزة تسخن

أبو هاجر said...

رحم الله سليمان خاطر

hampozo king said...

http://youm7.com/News.asp?NewsID=334740&
يا صباح المختليين
ناولني الكازورله يابني لحس الصلعه بردانه
و ايههههههههههههههههههههههها

Ramy said...

الحل التالت ده قُلته لزميلى انبارح

ان ممكن يكون فى حاجة و بالصدفة ان اغلب اللى قاعدين فى المربع مسيحين

بس بصلى كأنى جى م المريخ حالاً

فسكت

لغاية ما نشوف الصح فين

هأفترض حُسن النية حتى أخر مسيحى (:

سندالنوبي said...

لانني من المتابعين لمقالتك يا ست الكل رايت من العدل ان يكون لكي حق الرد على المقالة دى
http://www.almesryoon.com/news.aspx?id=47543

rifaa said...

Google earth has no way of live monitoring of anywhere in the world, not Alexandria and not anywhere else. Satellites pass over a certain location at most once every 90 minutes. To have live monitoring, you need to send drones like US is using in Yemen or Afganistan. The US embassy will need thousands of those to use if they want to have live monitors of all major places in Egypt, very unrealistic. That news in Al-Fajr looks fabricated to me.

Hassan said...

من المعروف للكل ان المستشفى - الراعي الصالح - والتابعه للكنيسة اختباء بها 25 من المتظاهربن النصارى ولذلك نري ان الامن المركزي يطاردهم

ولله يا ست نواره انت مسلمه ومش عارفه ان المليشيات المسلحه النصارانيه لا تزيد عن 500 فرد هشان كده كانوا بيلعبوا لعبة اخواننا المسلمين في مظاهرات شبرا

لذلك ارجوك التثبت من اي خبر او فيديو قبل ما تحطي رايك عليه وكانك حكومه نظيف ورايك اوامر لازم تتطاع