Wednesday 3 February 2010

انا مش عارفة اوصل لاحمدي نجاد ازاي

اقتراحاتكوا ايه؟ انا عايزة ابعت له رسالة: 
والننننبي، السيدة زينب في ضهرك، سايقة عليك سيدنا النبي وكل اهل البيت واحد واحد... بلاش الاعدام، والنبي والنبي والنبي، اظن من صلاحيات رئيس الجمهورية انه يعمل عفو على اللي اخدوا اعدام
وميدو بيقترح انهم ممكن يتعاقبوا بخدمة عامة، يكنسوا شوارع طهران كلها ويغسلوها، ان شالله ينضفوا حمامات الجوامع والحمامات العامة، بس بلاش الاعدام والنبي، حطوهم تحت المراقبة وكفروا سيئاتهم، بس بلاش الاعدام
الله يخليك، وغلاوة سيدنا الحسين عندك، بلاش اعدام دي عيال صغيرة، حتى لو غلطوا، حتى لو فعلا متجندين من اجهزة استخبارات خارجية، معلش، عيال، عيال صغيرة ويتاخدوا بالهينة، امسكوهم اعملوا لهم برنامج تأهيلي، انشالله حبس في محل الاقامة
اي حاجة الا الاعدام والنبي، والنبي، حلفتك بالنبي عليه الصلاة والسلام 
كده غلط، غلط على الثورة، وعلى امن ايران، هو لما تعدم الناس ده ح يأمن البلد؟ ابدا، ده يوغر الصدور ويعرض البلد لخطر اكبر وحواليكوا ناس عايزة تتخطفكوا، ما تعاديش ناس برة بلدك وجوة بلدك، اللي ح يتعدم ده له اخ، له ابن عم، له جار، له صاحب، لو فيهم واحد بيحبك ح يكرهك، وبدل ما الاستخبارات الاجنبية جندت لها اتنين تلاتة بسبب الكره اللي الناس ح تحسه ح تعرف تجند اكتر
الله يخليك
والنبي والنبي والنبي، والنبي والنبي والنبي
انا مش عارفة اقول له الكلام ده ازاي؟ اوصل له ازاي؟

16 comments:

Anonymous said...

لم اراء احد يدافع عن المشروع النووي الايراني ويذود عنه باستماتة غير هاولا المعتقلين حاليا في السجون الايرانية من الاصلاحييني ويجب على الحكومة الايرانية ان تتعقل في مصير هاولا..ويجب على وزير الخارجيه البريطاني ان يعي ويعرف ان كل الايرانيون يقفون خلف مشروعهم حتي وان تغير نظام الحكم في ايران..ورينا الكل يذود بالدفاع عنه حتي الاطفال..واذا كانت لدا غوردون براون مشكله مع ايران عليه ان يقوم بحربه.

Anonymous said...

اه نسيت اذا قدرتي توصليله كلامك وصليله كلامي انا برضه.

وكون شاكر ومقدر

الخوجة said...

أولا هو عامل مدونة اسمها مدونة احمدى نجاد ابحثى عنها واكتبى بالعربى مافيش مشكلة
وادى ترجمة اللى انتى كاتباه ماهو لو انتى حاطة اعلام الدول كنتى هتعرفى حد من عندهم بيدخل عندك ولا لا
----------
وادى ترجمه ماكتبتية بالفارسى
-----------
زینب خانم در Dhrk ، Saigp رسول کارشناسی ارشد به شما و همه مردم از خانه و یک و یک... مرخصی مرگ ، رسول و پیامبر و رسول ، من فکر می کنم اختیارات رییس جمهور است که او در سازمان عفو الی داشته اند اعدام کار بود
Mido و آنها Baiqtrah ممکن Itaqbwa خدمات عمومی ، Ickensoa خیابانهای تهران ، همه Igsloha که شالله Indvo مساجد حمام ، حمام های عمومی است ، اما مجازات و رسول ، Ahtohm تحت نظارت و کافر ترک گناهان خود من است ، اما مجازات مرخصی من
خدا از شما محافظت و به شما Glaop آل حسین ، اعدام Balash د Eyal کوچک ، حتی اگر Gtaiwa ، حتی اگر در حال حاضر از سرویس های اطلاعاتی خارجی Mottagndin ، هرگز به ذهن ، Eyal ، Eyal Itakhaddoa کوچک و آسان یکی ، برگزاری آنها را به کار برنامه های توانبخشی ، در خوابگاه قفل شده است و ÇäÔÇááå
هر گونه نیاز و یا مرگ ، رسول ، رسول ، Hfattk پیامبر صلح بر او می شود
Keda اشتباه ، اشتباه در تاریخ انقلاب اسلامی ، امنیت ایران است ، مردم را به اجرا د ساعت کشور امن؟ هرگز د rankled و افشای کشور را به خطر بزرگتر و Hawwalicua Ayza مردم Ttaktvkoa ، چه مردم Taadec شی ترازو از خانه خودتان ، در ساعت الی د Itadm برادرش ، پسر عموی او ، همسایه اش ، صاحب خود را ، اگر یکی از آنها و آنها از آنها بدم میاید ساعت Bihbk ، و به جای آن از اطلاعاتی خارجی به استخدام حداقل دو یا سه به دلیل نفرت که مردم احساس ساعت در مورد ساعت شناخته شده برای جلب Aktar
خدا از شما محافظت
و پیامبر و رسول و پیامبر و رسول و پیامبر و رسول
من نمی دانم آنچه به او بگو : چه شما این گفتگو؟ به او چه راه؟

Anonymous said...

نواره توضيح بسيط للمتشدقين الجدد كما اسماهم عمالقه قبلي..عشان مايتهمونا في وطنيتنا ولو لانا لما عرف هاولا هاذا المصطلح..فل يطلبوا من حبيبتهم اسرائيل ومن صديقتهم امريكا ان تسمح لاي حكومه عربية كانت ان تقيم على اراضية مشروع نووي سلمي ..لن تسمح ورب محمد

Dr. Eyad Harfoush said...

للرئيس نجاد موقع ع الويب كما تعلمين يمكنك مراسلته عليه، وها هو
http://www.president.ir/en/

his blog www.ahmadinejad.ir was compromised months ago. Cheers

الخشبي said...

http://cp.president.ir/
ثم اختاري الانكليزية

بس لا تستعملي ترجمة الخوجة
زینب خانم در Dhrk
:)

Anonymous said...

على مدونته طبعا
هو مش زميل برده
المفروض يحاكموه هو كمان

اياد said...

شريط الاخبار في الفضائيات يعلن ان ايران ستعدم 9 من المناوئين للحكومة والخبر بهذا الشكل يستدعي اللطم بدون شك
محمدرضا علي‌ زماني وآرش رحماني‌ بور اعدما وتسعة آخرين ينتظرون نتيجة الاستئناف، وسيتقرر مصيرهم على اساسه.

وقائمة الاتهامات بطول مترين وليس فيها اي موضوع له علاقة باحمدي نجاد على المستوى الشخصي او الاحداث التي صاحبت اعادة انتخابه
الامر يتعلق بدهس مواطنين بالسيارات وحرق بيوت ومتاجر وتفجيرات متفرقة في يوم عاشوراء المنصرم

Anonymous said...

طيب هو هيفهم السيده في ضهرك ازاي بس :)

تحياتي

Anonymous said...

طلعى عنواين سفرات ايران فى العالم كله من عالنت و ابعتيلهم

Unknown said...

الأعدام سيتم وبدون أى تدخل لأن الأمر صدر من المرشد الأعلى خامنئى

الخوف هنا مش من خطر الشباب على الثوره الأسلاميه والنظام الايرانى - الخوف من تعدى أهم وأول وأقدس الخطوط الحمراء الا وهى الخمينى وخامنئى وأيات الله فى قم

قوة أيران تنبع من قوة أيات الله فيها وولاية الفقيه هى أهم دعائم الحكم الأيرانى

تجرؤ الشباب دول على الخمينى ومعارضتهم لخامنئى فى نظر السلطه هو أول تداعيات سقوط الجمهوريه الأسلاميه

Unknown said...

والد مروة الشربينى مات حزنا عليها


http://www.youm7.com/News.asp?NewsID=185112

اياد said...

بيريس يجتمع مع معارضين إيرانيين
ذكرت الصحيفة أن الرئيس الإسرائيلى شمعون بيرس عقد سلسلة لقاءات مع معارضين إيرانيين يقيمون فى الخارج. وذكرت الصحيفة أن اللقاءات عقدت فى تل أبيب وواشنطن، بمبادرة من الإيرانيين. وأن المعارضين توجهوا لبيرس طالبين أن يساعدهم فى حملتهم المناهضة للنظام الإيرانى.

وحسب الصحيفة يقول المعارضون إنه "بفضل مكانة إسرائيل فى العالم يمكن إطلاق صرخة أخلاقية فى العالم ضد النظام الحالى فى إيران". واقترحوا عقد مؤتمر دولى مناهض للحكومة الإيرانية يضم كتابا وفنانين ومفكرين

طبطب وحسس والعب ياحضري
http://www.youm7.com//News.asp?NewsID=185063

wahat_alshohada said...

جربى موقعة يا نوارة هوعنده موقع وعنده تقريبا مدونة

Early bird said...

فى نقطه انا مختلفه معاكى فيها ومش قادره افهمها

من اكتمال الايمان ان ندعوا الى الله بالحكمه والموعظه الحسنه والبابا شايف ان واجبه ان يحذر التابعيين له من الضلاللات فى نظره واحنا كمسلمين شايفيين اننا نحذر الاخوه المسيحيين من كونهم ادعوا للرحمن ولدا وقولهم هذا يكاد السموات يتفطرن منه

مينفعش نسكت ونقول لا كله كويس_لو كان كله كويس كان ايه لازمه الرسل والانبياء الا للدلاله على طريق الله الواحد القهار _ لكن يمكن الطريقه هى اللى بتفرق

انامش امشى فى الشارع واقول انتم كمسيحين كفره وانتم كشيعه كفره_ وليس لى ان اكفر الا من كفره الله _ لكن لن اتوانى فى ان ابين لهم ما اعتقد انه صواب والمستند على الادله من كتابى وسنه نبيىوعلى الله الهدايه فى النهايه

امال احنا ليه كنا خير امه اخرجت للناس نامر بالمعروف وننهى عن المنكر ونؤمن بالله

Early bird said...

هو طبعا صعب عليكى تصدقى

انت واخده موقف من كل واحد يكون طابع كلامه اسلامى شويه

انتى فعلا مكنتيش متصوره اننى مش عارف اعمل اى حاجه فى حياتى كل ما افتكر ان الست دى محبوسه علشان مسلمه انا فعلا دلوقت ارتحت
الفرق بينى وبينك انى موقفى واضح انا يا ستى مسلم ودى هويتى وعقيدتى ودينى وحياتى طبعا على قدر استطاعتى معرفش حاجه اسمها كله كويس وكله دين اعرف حاجه اسمها ان للكون خالق والدين عند الله الاسلام مبضحكش لا على نفسى ولا على غيرى لكن دينى ده برضه بيخلينى اهتم بالناس انا فعلا فى موضوع كاميلياا ده كان يهمنى انها تكون سليمه مسيحيه مسلمه لانه لا اكراه فى الدين لانها لو مسلمه محبوسه فى كنيسه واحنا كمسلميين سايبنها يبقى موقفنا ايه قدام ربنا زى بالضبط موقفنا ايه من ربنا فى موضوع محاصره اهل غزه اما لما طلعوها انها مسيحيه خلاص ده كويس مافيش مسلمه معذبه وهى مسيحيه واهلها بالتاكيد مش حيضروهاوعلى فكره انا مش واخد موقف من كل المسيحيين انا واخد موقف بس من اللى بيقولوا علينا عرب غزاه وبيصدوا عن دين الله وبيشتموا نبينا ليل ونهار ويكتفونا احنا بالعلمانيه والمواطنه