Monday, 8 February 2010

حسام حسن جالكوا خبوا عيالكوا

هو الماتش ما كانش حلو قوي، بس له مميزات
1- الزمالك فاز للمرة الرابعة على التوالي وده احساس كان بقالي كتير ما حستوش، اخيرا ح نبطل نقول الحكم ظلمنا
2- الف مبروك للمحلة مواهاهانياهانياهانياهاهاهااااااااااااااااااااااااااااعععععع
3- والاهم: الانسة مصر بسمعتها وكرامتها وصورتها وحشاكيلها والاضيشها ولوريل وهاردي اللي دخلتهم علينا في ديلها الحمد لله لموا عزالهم كلهم واتكلوا على الله.... يا سااااااااااااتر، ده زيارتهم كانت تقيلة قوي وقلبوا القعدة ورموا قشر اللب الابيض على الارض
واحسن ميزة لفوز الزمالك، ان ماحدش بيحتفل في الشارع، انا بس اللي كنت ماشية اكلكس والناس فاكريني بازف عروسة

11 comments:

إنسان افتراضي said...

طول عمرك بتقفي جنب المغلوبين وبتشجعي المساكين، وده مش غريب على قلبك الطيب الحنين، وهو ده التفسير الوحيد لتشجيعك لنادي يتوقع له أن يلحق بالترسانة في المظاليم في خلال 10 سنوات من الآن على الأكثر

أدامكم الله ذخراً لرفع معنويات المقهورين والمحطمين والغلابة واللي راح عليهم الدوري من قبل ما يلعبوه

وربنا يخلي لكم حسام حسن وتفرحوا بيه كمان وكمان

سبايدرمان spiderman said...

هههههههههههه
حلوه اكلكس دي
ههههههههههههه

سبايدرمان spiderman said...

و خلي عندنا احنا الروح الرياضيه
و نقول مبرووك للزمالك ^_^
...
من نفسكوا برضه ^_^
هههههههههه

مواطن مصري said...

عودة مدرسة الفن و الهندسة عودة انتصارات الزمالك

انا قلت الاهلي انهار

و دة زمن الزمالك

و اطالب بان العميد يكون مدرب

المنتخب ل 2014

ola said...

الف مبروك للمحلة مواهاهانياهانياهانياهاهاهااااااااااااااااااااااااااااعععععع

سيبك إنت

أهو دا أهم مافي الموضوع

كمان ضحكة شريرة تانية

مواهاهانياهانياهانياهاهاهااااااااااااااااااااااااااااعععععع

مصطفى محمود said...

الاهلوية بيقولوا ان حسام استعان بنفس الشيخ بتاع حسن شحاتة
:)

Anonymous said...

وكمان طلعتى زملكاوية؟

اخص

حسن مدني said...

ده طبعا غير إنها خامس مباراة على التوالي بشباك نظيفة، وده حدث مهم

بس الأهم فعلا هو غياب لوريل وهاردي، وربنا يطول غيابهم كمان وكمان

تحياتي

ahmed said...

أنا بقالى فترة بادخل على المدونة دى علشان أضحك على اللى بيتكتب فيها...منتهى السطحية و السذاجة ..و متوهمه إنك مناضلة و صاحبة رأى لمجرد إنك تنتمى لأسرة معارضة يحكمها شاعر موهوب...أما و أن علمت اليوم بزمالكاويتك...فليس عليك أى حرج...قوللى بقى يا ست إللى إنت عايزاه و جعجعى...فليس على الزملكاوى أى حرج

جبهة التهييس الشعبية said...

الاهلاوية منهارين
هيهيهيهييييييييييييييييي

المحلة منين يا سمنودي

مش فاهمه said...

بمناسبة لوريل و هاردى شوفتى اتححاد كرة اليد استقبل بعثة الجائر بأيه بالورود و المزز على الصفين و لا عزاء لفردوس عبد الحميد و سمعنى سلام و باحبك يا زمالك