Wednesday, 3 February 2010

ابراهيم عيسى بيشرد للنظام المصري... واحنا معاه

هههههههههههههههههههههههه ماسح بيهم البلاط 
لو لم يكن ابراهيم عيسى صحفيا لوددت ان يكون بوكسيرا

12 comments:

مواطن said...

هذا الابراهيم أحد أوراق الضغط التى يمارسها مموله نجيب ساويرس وأقباط المهجر ضد النظام

ماتنخدعيش بكلامه

شمس العصارى said...

حق يراد به باطل
انا استشف هذا من كلامه
يمكن ارجع و اعلق تانى

Anonymous said...

مواطن@

مموله نجيب ساويرس؟

معاك دليل على كلامك؟

اى مستند انه ساويريس بيمول ؟

انا بحب قولة:

البينة على من أدعى

و بكره موقع المصريون لما يشرشح أصله على طول بيشرشح

Anonymous said...

ياترى مانشرتيش المرة دي المقال واكتفيتي
باللنك بس لية؟؟؟
ياترى عشان خلاص بقى بينشرلك في الدستور

جبهة التهييس الشعبية said...

عشان ابراهيم عيسى مثلا سنكوح ومستني ياخد فلوس من ساويرس

ماهو بيقدم برنامج، ورئيس تحرير مجلة، وبيقبض فلوس على شغله، وفلوس مش قليلة

ايه اللي يخليه يستنتن وياخد فلوس من ساويرس من غير سبب يعني؟ محتاج فلوس ساويرس في ايه؟

اللي بياخد تمويل بيقول انا باخد تمويل، ثم ساويرس مساهم في المصري اليوم والمصري اليوم بتنافس الدستور

ولو ساويرس بيدفع لابراهيم عيسى فلوس كان دفع له عشان يدي الناس مرتبات عدلة زي ما بيعمل مع المصري اليوم بدل ما كل الناس عمالة تزهق من الدستور عشان ماعهمش فلوس وتروح المصري اليوم

يعني لو مافيش بينة يبقى على الاقل يبقى فيه امارة طيب للكلام ده


ثم ساويرس ح يصرف فلوس على حاجة وللا حد ويسكت؟ ليه؟ بيتصدق لوجه الله؟ اي حاجة ساويرس او غير ساويرس بيمولوها بيحطوا اسمهم عليها وبيفرضوا شروطهم عليها كمان ومافيش اي حاجة بتتمول من رجل اعمال او من جهة خارجية الا والاسم او اللوجو محطوطين عليها

وبعدين

طيب، ح نفترض جدلا انه بيمول ابراهيم عيسى في السر كده من غير سبب

طب مش كان يبان عليه؟ مش يبان على الدستور دي اللي بتدي الصحفيين ميتين وخمسين جنيه؟

هم غاويين يعني يدوا فلوس قليلة والصحف التانية تخطف منهم الكفاءات عشان هم مفلسين؟

بلاش

ايه السياسة اللي بيفرضها ساويرس على الدستور؟ الدستور ضد امريكا مثلا ومتعاطفة مع الاخوان وساويرس مش بيحب الاخوان

طب ليه مش من تحت لتحت بيخليهم يشتموا الاخوان؟

يعني لا فيه دليل مادي، ولا فيه امارات، ولا اشارات تقول بصحة الكلام ده

اتهامات وخلاص؟

طب ما يمكن النظام المصري عايز يشوه صورة ابراهيم عيسى وبيشيع عنه الكلام ده عشان ينفر الناس منه

بس الانسان يعقل الكلام

انا مش باقول كده عشان انا باحبه ولا حاجة، انا فعلا باحبه جدا، بس ده مش معناه ان يبقى فيه حاجة زي دي وعليها دليل وانكرها

لكن كلام مرسل كده؟

شمس العصارى said...

مش تحددى انتى بتردى على مين
هههههههههههههه
اى حد حيفتكر انك بتردى على كل الى علقوا

مواطن said...

أنا ماجبتش سيرة موقع المصريون

ولدى أدلة على ما أقول ولكن ليست للنشر

جبهة التهييس الشعبية said...

ليست للنشر ليه؟

الادلة ربنا خلقها للنشر بدل الاتهام الجزافي
والا الناس تعتبرك بتشوه سمعة انسان مافيش عليه اي مآخذ غير انه رئيس تحرير؟
دي تهمة؟
واحد بيشتغل مش عواطلي
لما يبقى الانسان عواطلي ومعاه فلوس حاجة تشكك
لما يبقى انسان كل يوم براي وكل لحظة بحالة حاجة تشكك
لما انسان يبان من كلامه انه بيخدم على اجندة معينة حاجة تشكك
لما انسان يحط لوجو تمويل حاجة تأكد
لكن لما يبقى انسان مافيش اي حاجة من دي فيه وحضرتك بتقول عندك ادلة ومش عايز تنشرها

طب ابراهيم عيسى معروف ومعروف تاريخه وكتاباته ومحل سكنه وكل حاجة عنه

انا اعرف حضرتك منين؟ ما يمكن حضرتك حزب وطني وعايز تشوهه

ثم ان ساويرس مش اسرائيلي ولا حاجة، لو بيمول الدستور ح يقولوا بيمولنا، يعني هو اوحش من عصام؟ ما ده رجل اعمال وده رجل اعمال، ده رأسمالي وده راسمالي

ايه العار في ساويرس عشان لما يمول الدستور ابراهيم عيسى يخبي الخبر ده؟

mido said...

مقال فى الجون

:))

و سيبك من التعليقات الجانبية اللى بتشتت الناس عن الموضوع الاصلى


مواقع سلفية و مواقع فبركة معروفة بالاسم بتروج لكلام من العينة دى عشان

هو بيهاجمهم و بيقول ان فى فتنة طائفية فى البلد

فيعملوا ايه عشان يمسكوا عليه حاجة

اه ده بيقدم برنامج فى او تى فى

يبقى بيقبض من ساويرس


:)

حجة قوية جدا زى ما انت شايفة
-------------------


أحلى حاجة فى المقال ده

انه

بيقول للنظام:

مفيش حاجة بتستخبى

حنجيبك حنجيبك

و لو جدع افتح بقك و اتهم حد بالعمالة و الخيانة

جبهة التهييس الشعبية said...

مافيش خاصية الريتويت على المدونة

بس انا عاجبني كلام ميدو

Phobos said...

مش معقولة أمريكا و إسرائيل فضحنا كدة في كل حتة. زي ما يكون واحد ماشي مع وحدة و عمال يوزع في جبوباتهم الغرامية و صورها عل موبايل و هي دايبة في غرامه . أنا كنت لسة هقول المعلومات عامة و ملهاش وزن أوي لغاية أما لاقيت إسم أحمد عز بجلالة أدره من ضمن إلي بيدفعو لشركات اللوبيينغ .! بس فيه بلاد تانية ماشية في الموضوع دة زي الامارات و تركية و غيرو .

دي مقالة عن البلاد إلي بتعمل لوبيينغ فيه أمريكا


http://www.propublica.org/feature/adding-it-up-the-top-players-in-foreign-agent-lobbying-718


و دي سجلات مصر


http://foreignlobbying.org/country/Egypt/

الخوجة said...

عجبنى اوى اوى تشكرى

جمهورية سقطيتا