Thursday, 11 February 2010

واتخنقت من الاهلاوية كمان

ايه هيستريا النقط والمراكز دي؟ يا ساتر يا رب على النفسنة، كل ده عشان كسبنا اربع ماتشات؟ متضايقين اننا فرحانين؟
طب ماشي، احنا المركز الخامس وبفارق نقط كبير مع الاهلي، وانا برضه مبسوطة، عشان عندي ثقة في حسام حسن ومش عايزاه يجيب لي الدوري
انا يكفيني انه قبب العيال الصغيرة على وش الدنيا ويعمل فريق كويس ومتماسك ويدربهم كويس قوي وينظمهم ويبقى ده انجازه السنة دي بس وبعد كده نتكلم مش قاعد ماسك في دار المسنين ... يا باي على النفسنة
انا نازلة بقى بدل ما ادب خناقة تالتة دلوقت

18 comments:

الخوجة said...

دستور ياالى معانا
مين منورة الدستور
مين اول حرف من اسمها نوارة

الطافرون - المصريين الجدد

شمس العصارى said...

مش عارف انا ليه النفسنة دى
هو علشان الزمالك خلاص قرب ياخد الدورى بعد 10 سنين
ايه الحقد الطبقى ده
هههههههههههههههههههههه
اولا انا بحب حسام و بتمناله التوفيق فى اى مكان
ثانيا من المبكر الحكم على حسام فى قيادة الزمالك
هو لسه ليه شهرين
المفروض يسيبوه باقى السنة دى يجهز لاعيبة للسنة الجاية و يحاسبوه فى نهاية السنة الى جاية
لكن مع وجود الاسفينات و الحركات الزمالكاوية المعروفة اعتقد انهم مش حيصبروا عليه
و بعدين الزمالك فاز على انبى مش على اتحاد جدو
ههههههههههههههههههه
نلتقى بعد مجلس الادارة

شمس العصارى said...

شوفتى جاك سترو
http://www.almasry-alyoum.com/article2.aspx?ArticleID=243710&IssueID=1678
الا هو يسارى يانوارة ولا متعرفيش
هههههههههههههههههه

حسن مدني said...

حقد وقلوب سودة بعيد عنك

مش كفاية إننا بقينا بنفرح بأرع مباريات،
وبقا الزمالك بيصعد للمركز الخامس بعد مكان بيهبط للمركز الثالث، نعمل محزنة.
كمان جايين ينكدوا علينا.
ناس قبلها اسود بجد.
سيبك انتي من الكلام ده، انتي حاتتخانقي مع مين واللا مين؟ المسلمين، واللا المسيحيين واللا الحزب الوطني، واللا شيخ الأزهر؟
ربنا يكون في عونك

تحياتي

جبهة التهييس الشعبية said...

انا سعيدة بزملائي الزملكاوية

اصلي على طول حاسة بوحدة ومحاطة بالاهلاوية
:(

شمس العصارى said...

لالالالالالالالالالالالالالالالالالالالا
انا اهلاوى جدا
ههههههههههههههههههههه
بس حبيت اخد بخاطرك
هههههههههههههه
يبقى مفيش زمالكاوية غيرك و الاتنين الى علقوا على البوست
هما دول الى حواليكى
" انا حواليا كتيييييير ... مالهم ولا تأثير"
ربنا مع جمهور الزمالك
و نلتقى بعد مرتضى

mostafa said...

ومن سوء الطالع بعد غياب شهور اعود لأهيس معكي لأكتشف الحقيقه المره والتي تعلن أنك زم ل ك ا و ي هـ

Abdelrahman said...

واللللللله ! بقى الأهلاوية هم اللى منفسنين برضه !! ده الزملكاوية فرحوا بخسارة الأهلى أكتر ما فرحوا بمكسب الزمالك !!!!! و نناشد إخواننا فى الوطن الزمالكوية بعدم المبالغة فى الفرحة -كالعادة- حرصا على مستوى الضغط و السكر و اللذى منه .. هو لسه فى زملكاوية فى البلد :oP

kafrawy said...

ههههههههههههههههههههههههه

ههههههههههههههههههههههههههههههههه

اهلى اهى اهلى عالطول
وبعدين ربنا يارب يفك عقدة الزمالك كبقى و ينصلح حاله

Muhammad Saber Abdou said...

من حقنا نفرح بعد سنين القهر

ونطلع نكت كمان

محلات البغل في المحلة الكبرى نزلت عرض خاص.. على كل عشرة شندوتشات طعمية

اتنين


| |

هدية

| |

مواطن مصري said...

انا زملكاوي الزملكوية كثار يا نوارة متخفيش

و البركة في العميد حسام حسن و هنبشر بالفرقة الزملكوية

الفرقة الناجية

فتاه من الصعيد said...

ليه بس .... ده الاهلاويه دول اجدع ناس

عموما انا مبسوطه للزمالك خالص ... بجد موش هزار

انتم خصم افضل من الاسماعيلي بكتيييييييير

يا رب ترجعوا تنافسونا :)

تحياتي

جبهة التهييس الشعبية said...

ههههههههههههه
مالك يا مليجي؟

مالك ومال الاسماعيلي يا مليجي؟ دول واد عمنا

وبيكرهوا الاهلي كراهية سريالية يا عيني ههههههههه في اي ماتش يشتموا الاهلي حتى لو الاهلي مش هو اللي بيلاعبهم

لو بيلعبوا مع حرس الحدود بيشتموا الاهلي برضه ههههههههه مش عارفة ليه

محمد مايهمش said...

يكفي الزمالك ذلا أن انقاذهم -اذا تم - سيكون على يد أولاد الأهلى حسام وابراهيم اللى بيموتوا فى تراب الأهلى

ولكل الزملكاوية أحب أعرفكم ان العميد هو الأهلاوى أحمد حسن ووصيفه هو الأهلاوى حسام حسن

مواطن مصري said...

يا نوارة اي اهلاوي تقابلية قوليلة يا بتوع غزل المحلة يالي كسبوكم 2

:D

فتاه من الصعيد said...

الاسماعيلي خصم غير لطيف .... الزمالكويه مؤدبين :)

بجد والله كل الزمالكويه اللي اعرفهم مؤدبين

بلاش ولاد عمنا دي علشان انتم كده بتخلونا ننفسن جامد عليكم

محمد مايهمش said...

ردا على مواطن مصرى .. بنى عبيد بتسلم عليك.. وبترول أسيوط بتسلم عليك ... وحرس الحدود بتسلم عليك...والأوليمبى بيسلم عليك...والاتحاد بيسلم عليك

مصر كلها بتسلم عليك

مش فاهمه said...

ميزة ان تكون زملكاوى لعمر طاهر
++++++++++++++++++++++++++++++++
هناك أكثر من عشرين سببا للاستمرار في تشجيع الزمالك ، و تحول بيني وبين أن أرتد أهلاويا مرة أخري..


> يمكنك تشجيع الزمالك من الاستمتاع بأشياء أخري غير كرة القدم، مثل كف الأمن المركزي الذي هبط علي وجه جمال حمزة من ريكاردو، و خناقات اللاعبين حول من الذي سيسدد ضربة الجزاء وهي خناقات تذكرك بأيام الطفولة، و هيئة عمرو الصفتي التي تذكرك بالمخترعين العباقرة المجانين، وتأمل أحوال البشر الغريبة من خلال عبدالمنصف الذي يصد الكرات الصعبة ويضع لمسته علي الكرات السهلة لتصبح هدفا للخصم.


> كل فترة هناك رئيس جديد للنادي، وهو شيء يندر أن تعاصره في الوطن العربي «فين وفين لما الرئيس بيتغير».


> إخلاص الزملكاوية من النوع الرباني غير المرتبط بمصلحة، قد تهتز ثقتك بالنادي فيتكفل زملكاوي آخر لا تعرفة بإعادتها إليك.. يكفيك أن تري شابا يقف بمفرده علي جنب في المدرجات طول المباراة حاملا لافته كتب عليها «عفوا الزمالك يمرض ولا يموت»..لقطة عندما رأيتها لا أنكر أني أشعرت ودمعت.


> في تشجيع الزمالك تدريب قوي علي عدة خصال تكفل للإنسان السعادة دنيا وآخرة «الصبر وطولة البال والرضا بالمكتوب».


> الزمالك ناد متسق مع نفسه وصريح ولا يجمل نفسه ولا يخدع الناس بادعائه أنه قلعة المبادئ، تلك القلعة التي أنجبت واحدا متهما في جريمة شيك بدون رصيد وواحدا متهما في قضية رشوة وآخر متهما بضرب أمين شرطة .


> ألا تكون أهلاويا.. وهو شيء يمنحك قيمة ما، قيمة ألا تكون منتميا للجميع ، لا تستطيع أن تنكر حصولك علي تميز ما بأن تكون واحدا من نوعك بين كل عشرة يشبهون بعضهم البعض.


> المفاجآت هي المتعة الأهم في الحياة، عندما يتكرر الفوز بالمباريات وبالبطولات يفقد الفوز معناه وتبهت الفرحة به، الزمالك يفاجئك بالفوز عندما لا تتوقعه«وبصراحة الواحد لايتوقعه طول الوقت» فتصبح فرحتك به مضاعفة.


> كاريزما الرجل الثاني، باعتبار أن الأهلي هو الرجل الأول وهو عماد حمدي وصلاح ذو الفقار ومحمود يس وعادل إمام، هل تستطيع أن تنكر محبتك الطاغية لمحمود المليجي واستيفان روستي وعبدالفتاح القصري وعلي الشريف.


> لم يحدث في التاريخ أن أدخل أحد البهجة علي قلوب المصريين كلهم مرتين في عامين مثلما فعل الزملكاوي الأصيل حسن شحاتة.


> يمكنك أن تفخر بالشيء الذي نجح أكثر من نادي الزمالك نفسه..سور نادي الزمالك. كيف كان سيصبح شكل المنطقة بدونه؟


> نظرا لقلة عدد الزملكاوية تستطيع أن تجد مكانا مريحا في المدرجات بسهولة، بل تستطيع أن تجد مكانا هادئا تجلس فيه بمفردك طول المباراة .


> الخلط الدائم بين الأهلي والحزب الوطني يجعلك تفخر بناد صفحته بيضاء مثل فانلته بعيد تماما عن هذا الخلط المشبوه.


> بوابة النادي تتم كهربتها عندما يقترب منها مرتضي منصور ورجاله، هذه البوابة المتكهربة التي يندر وجود مثيل لها في أي ناد آخر تحمي النادي والعائلات الموجودة به من هجوم المتحرشين الجماعيين بتوع جامعة الدول العربية.


> هناك أوبشن إضافي للسعادة..فالسعادة ليست دائما في فوز الزمالك بل إن هزيمة الأهلي في أي مباراة هي مصدر آخر للسعادة.


> شيكابالا.


جدير بالذكر أن الزملكاوية لم يفكروا يوما في حرق مشجع أهلاوي (*)، ولم يهدروا دم لاعب هرب من النادي إلي الخارج (**) بالعكس فهم يكسرون خلفه ألف قلة، وأنه أول ناد في تاريخ مصر يطبق مبدأ الأحتراف عندما كان اسمه المختلط «كان نص اللعيبة أجانب» ، وأنه النادي الوحيد الذي فتح أبوابه في فترة النكسة لفرق المحافظات التي تم تهجير سكانها مثل السويس والإسماعيلي للتدريب والإقامة، وجدير بالذكر أيضا أن رئيس التحرير زملكاوي وأنا كمان.

_______
+++++++++++++++++++